سيارة طائشة تدهس شرطي مرور

[سيف قطر]

آخر تحديث: الجمعة11/1/2008 م، الساعة 01:56 صباحاً بالتوقيت المحلي لمدينة الدوحة
سيارة طائشة تدهس شرطي مرور

كتب - نشأت أمين : تعرض شرطي مرور مساء أمس الأول لحادث أليم أثناء تأديته لعمله، فحينما كان الشرطي يقوم بتنظيم الحركة المرورية علي دوار محطة وقود بمنطقة أبوهامور صدمته سيارة مسرعة تعرض علي أثرها لإصابات بليغة في الساق وتم نقله علي الفور لمستشفي حمد العام، حيث لا يزال يتلقي العلاج.

جريدة الراية (http://www.raya.com/site/topics/article.asp?cu_no=2&item_no=313787&version=1&template_id=20&parent_id=19)



ما انقول الا الله المستعان من الطيش والاستهزاء بارواح الناس

[Qatar1987]

الله يهدي الشباب



وربي يحفظ الشرطي

[كلاسيك للبيع]

ما يشوف شر


بس مرات الاسباب مب بسبب طيش او استهتار.




مره قربت صوب الدوار وتوني بطلع منه الا شرطي طلع في ويهي... صدقوني مادري من وين طلع... الظاهر كان ورى السيارة بس مرات مايبينون... ولازم الانتباه يكون مشترك بين الناس و الشرطة.

[كبتشينوو]

اجــــر و عــافيـه

[heez1]

ما يشوف شر


بس مرات الاسباب مب بسبب طيش او استهتار.




مره قربت صوب الدوار وتوني بطلع منه الا شرطي طلع في ويهي... صدقوني مادري من وين طلع... الظاهر كان ورى السيارة بس مرات مايبينون... ولازم الانتباه يكون مشترك بين الناس و الشرطة.



صحيح نفس الحركة استوت معاي من فتره في دوار ابو هامور
==========
وبعد فتره قصيره شفت نفس الحركه في دوار قطر للديكور وقام الشرطي يتلاغى مع اخونا الاسيوي مع اني متاكد ان الشرطي اهو الغلطان لنه كان يتكلم في الجوال ويوم خلص هد على المواتر بدون انتباه

[شاهيناز]

الله يشافيه يارب

ويطمن اهله عليه
ويهدي شبابنا

[ahmed jasim]

لون لباس الشرطة ماينشاف فى الليل
خصوصا فى مناطق منعدمة الرؤية
لازم يلبسون أبيض كامل

[شاهيناز]

في الليل رجال الامن يلبسون
الجاكيت الفسوفوري

فاقع من بعيد تشوفه

ليش تحطون اللوم على رجل الامن

مب على الشاب المستهتر

لو هو يمشي في سرعه معقوله مااذى غيره

[كلاسيك للبيع]

صحيح نفس الحركة استوت معاي من فتره في دوار ابو هامور
==========
وبعد فتره قصيره شفت نفس الحركه في دوار قطر للديكور وقام الشرطي يتلاغى مع اخونا الاسيوي مع اني متاكد ان الشرطي اهو الغلطان لنه كان يتكلم في الجوال ويوم خلص هد على المواتر بدون انتباه

ومره في واحد كسر خاطري....الظاهر الشمس ضاربه راسه :eek5:.

الحين هو موقف الشارع .. واقف قدام السيارات ... شوي الا حرك السيارات الواقفه .. ويأشر بيده للسيارات ويقولهم يالله بسرعه... وللحين عادي...
هو وخر من السيارات عشان تمشي وراح صوب الجزيرة ... والله فجأة وهو يحرك يده للسيارات انها تمشي وهو معصب...رد ودش بين السيارات .. وهو يحرك يده... اقولك الناس شوي وبتطلع فوق الرصيف... وهو ولا هو في الدنيا. :rolleyes2: .

[كلاسيك للبيع]

في الليل رجال الامن يلبسون
الجاكيت الفسوفوري

فاقع من بعيد تشوفه

ليش تحطون اللوم على رجل الامن

مب على الشاب المستهتر

لو هو يمشي في سرعه معقوله مااذى غيره



مرات يكون الخطأ مشترك اختي... وهالشي مايلغي المسئولية على بعض الشباب الطايش.


وعلى فكرة انا شفت شرطة يحركون السير بدون الجاكيت الفسفوري. تصير اختي.


الله يحفظهم

[شاهين]

الله يشافيه أن شاءالله
بعض الأخوان حطوا اللوم على الشباب
مع أن أخوي سيف قطر
ذكر أن أسباب الحادث من السرعه
يأخوان مب كل حادث أنلوم الشباب
وأغلب الحوادث من تهور العماله الأسيويه


يمكن مكتوب في الجريده الله وأعلم

[ابوسعود]

اول شي قدامه دوار يعني المفروض يخفف السرعه
وقدامه شرطي مرور يعني مايشوف
هذا الاستهتار الواضح
واتمنى انزال اقصى عقوبه على فعله حتى تكون رادع له ولامثاله

[حقيقه]

الله يشفيه :)
انزين راعي السياره الطايشه صادوووووووووووووووه والا لا :fight:
وشنو كانت اسباب السرعه

[ROSE]

لاحول ولا قوة الا بالله

الله يشفيه ان شاء الله

مادري لي متى هالشباب بيتمون مستهترين

[Breakaway]

الله يحفظ شرطتنا ويقوم أخونا بالسلامة..

أنا مره بغيت ادهس شرطي على الدوار والسبب هو انه كان يتمشى بين السيارات من غير إنتباه..

[Mishaal]

العتب على الشرطي ... كل العتب

مره صارت مع واحد من الشباب طلع شرطي فجأه في وجه اللي قدامه وهو بيطلع من الدوار .. فاللي قدامه ضرب بريك مره وحدة ودعمه رفيجي من ورا وطلع هو الغلطان بسبب الشرطي !!!

مع ذلك نقول مايشوف شر!!

[امل الحب]

مايشوف شر

[التيما]

صحيح نفس الحركة استوت معاي من فتره في دوار ابو هامور
==========
وبعد فتره قصيره شفت نفس الحركه في دوار قطر للديكور وقام الشرطي يتلاغى مع اخونا الاسيوي مع اني متاكد ان الشرطي اهو الغلطان لنه كان يتكلم في الجوال ويوم خلص هد على المواتر بدون انتباه

يمكن هاوشته مرته :looking:



أجر وعافية للشرطي المصاب ..

[خالد32]

الله يقومه بالسلامه

هذي اخر السرعه. الناس صارت ماتشوف الكل يبي يوصل (نفسي نفسي) و لا بهامه من في الشارع.
الشرطي اندعم في الدوار يعني كم كان ماشي السايق(في الدوار)؟
اشوف ان المرور لازم يزيدون مخالفاتهم لان في ناس ما تتعلم
تعبنا من كثر ما نفقد ناس عزيزين علينا بسسب الاهمال و اللا مبالاه
نبي حد يوقفهم عند حدهم

وفي الاخير
القيادة فن و ذوق و اخلاق

[Thamer_Qat]

الله يشفيه ويسلمه لعياله
والحمدلله جات على جذيه

ونتمنى ان التحقيق يكون عادل ولا ينظلم السائق المتهم

[وطن]

لاحول ولاقوة الا بالله

الله يشفيه ان شاء الله

كل ما اشوفهم ع الدوار اتحرقص وادعي الله يحفظهم
وايد اخاف ان تجي سياره وتطيرهم


وترى صج في بعض شرطة المرور
الله يهديهم !!

اليوم واحد موقف باص كروه شكبره على دوار الديوان وهو توه داش في الخط باتجاه دوار الاعلام !!
زين ما دخلنا في اللي قدامنا بسبب الوقوف المفاجئ في مكان محد يوقف فيه !!!

ولا رايح له عند الشباك يكلمه!!!!



ومره واحد كان بيوديني ورى الشمس
كنت ماسكه خط اليسار والشارع فاضي وبالنص في شاحنه
فجأه تلف قدامي وتضرب بريك
فوق ما هي بطيئة بعد تضرب بريك بتوقف في خط اليسار
على طول غيرت خطي
واتفاجأ ان في شرطي واقف بنص الشارع
وهو اللي موقف الشاحنه وبدل ما يوقفها ع اليمين
موقفها على خط اليسار

يعني كنت بطيره وبدفع ديته
او أموت انا واللي معاي وندش في الشاحنه !!!!

[رايق]

الله يقومة بالسلامة

صار تقريبا نفس الحادث في دبي .. و للأسف شرطي المرور توفى

تم تصوير الحادث من واحد مستهتر يشتغل في شرطة دبي قسم المراقبة و تم فصلة

لمشاهدة الحادث (تحذير: المشهد يحوي لقطة دهس شرطي المرور)

http://www.**********/watch?v=FMyvzviTroU

استبدلوا ال ****** بـ Y O U T U B E . C O M

[رايق]

لاحول ولاقوة الا بالله

الله يشفيه ان شاء الله

كل ما اشوفهم ع الدوار اتحرقص وادعي الله يحفظهم
وايد اخاف ان تجي سياره وتطيرهم


وترى صج في بعض شرطة المرور
الله يهديهم !!

اليوم واحد موقف باص كروه شكبره على دوار الديوان وهو توه داش في الخط باتجاه دوار الاعلام !!
زين ما دخلنا في اللي قدامنا بسبب الوقوف المفاجئ في مكان محد يوقف فيه !!!

ولا رايح له عند الشباك يكلمه!!!!



ومره واحد كان بيوديني ورى الشمس
كنت ماسكه خط اليسار والشارع فاضي وبالنص في شاحنه
فجأه تلف قدامي وتضرب بريك
فوق ما هي بطيئة بعد تضرب بريك بتوقف في خط اليسار
على طول غيرت خطي
واتفاجأ ان في شرطي واقف بنص الشارع
وهو اللي موقف الشاحنه وبدل ما يوقفها ع اليمين
موقفها على خط اليسار

يعني كنت بطيره وبدفع ديته
او أموت انا واللي معاي وندش في الشاحنه !!!!

تقريبا نفس اللي صار لشرطي المرور في دبي .. كان موقف سيارته في نص الطريق .. و هو يمشي اندعم و توفى

[وطن]

تقريبا نفس اللي صار لشرطي المرور في دبي .. كان موقف سيارته في نص الطريق .. و هو يمشي اندعم و توفى


بدون سيارته الله يسلمك
واقف لي على ريوله

اول ما شافني نقز نقزه على خط اليمين
وانا زدت البريك السياره افترت شوي تحت ايدي
ولا وقفت بعد
:cry2:

هذا وانا كنت على 100
لو دخلت في هالشاحنه اللي قدامي !!!
شنو شعوره !!


:mad:

حسبي الله ونعم الوكيل في بعض الغبااااااااااااااء

[رايق]

بدون سيارته الله يسلمك
واقف لي على ريوله

اول ما شافني نقز نقزه على خط اليمين
وانا زدت البريك السياره افترت شوي تحت ايدي
ولا وقفت بعد
:cry2:

هذا وانا كنت على 100
لو دخلت في هالشاحنه اللي قدامي !!!
شنو شعوره !!


:mad:

حسبي الله ونعم الوكيل في بعض الغبااااااااااااااء

شوفي لقطة الفيديو في الرابط اللي حطيته فوق .. انا قهرني اللي يضحك و يعلق على الفيديو .. عطوه كرت احمر و فنشوه :protest:

[وطن]

الله يقومة بالسلامة

صار تقريبا نفس الحادث في دبي .. و للأسف شرطي المرور توفى

تم تصوير الحادث من واحد مستهتر يشتغل في شرطة دبي قسم المراقبة و تم فصلة

لمشاهدة الحادث (تحذير: المشهد يحوي لقطة دهس شرطي المرور)

http://www.**********/watch?v=FMyvzviTroU

استبدلوا ال ****** بـ Y O U T U B E . C O M



اووووووووووووووووووووف
الله يرحمه

بس هو الله يهديه وايد بايعها واقف بنص الشارع ويتمشى بعد !!!

لاحول ولا قوة الا بالله

[رايق]

اووووووووووووووووووووف
الله يرحمه

بس هو الله يهديه وايد بايعها واقف بنص الشارع ويتمشى بعد !!!

لاحول ولا قوة الا بالله

هو كان موقف سيارته ورى سيارة كانت مسوية حادث .. و بعد ما شالوا السيارة و وقفوها على اليمين .. رجع لسيارته .. بس الله يرحمه كان يمشي على راحته و المفروض يكون منتبه اكثر .. لكن سبق السيف العذل .. الله يخلف على اهله

[الدوحي7]

اول شي الله يشفي الشرطي يارب، وكنه الشرطه قطعت رجله على ماسمعت ورجعوها له في المستشفى والعلم عند الله،،، وثاني شي الحادث على ماعتقد من شخص اسيوي ، وثالث شي هذه اسباب ،، والله يحفظ شرطتنا ويحفظكم ويحفظنا،،

[سعود ناصر]

انا مره على طريق الشحانية شفت سيارة تطارد دورية وتدعم فيها ، والله مهما يزيدوون الشرطة المساكين شوي في حقهم هم مب لا قينها لا من الضباط اللي اي شي يحطونهم كبش فداء ولا من الناس

[الهاوي28]

الله المستعان

انا شفت والله تصوير عند واحد يوم كنت الاسبوع الي فات في دبي

شرطي الفجر قاطع خط سريع في دبي لمعاينة حادث على الشارع الثاني

جات سياره والله بدون بريك اصدمتة وهي مسرعه ولا وقفت

[العلي]

ما يشوف شر

[ارستقراطي]

لاحول ولاقوة الا بالله

الله يشفيه ان شاء الله ولكل شيء سبب في هذه الدنيا

الافضل الدعاء له والطيش موجود في كل العالم

عسى الله يشفيه اللهم امين

[jajassim]

لاحول ولا قوة الا بالله

[مريش]

ممكن الخطأ مشترك
ترى مش كل الشرطه الي على الدواوير يعرفون يحركون السير
يبيلها ناس تعرف متى تمشي السير ومتى توقف يمكن الشرطي وقف السير
والسيارات كانت ماشيه صعبه توقف !!

ذاك اليوم على دوار الدحل الصبح
الشرطي كان يحرك السير وللحين في ازدحام ويقول حق السيارات حركو يمشيهم
مره وحده وقف السير اول سياره وقفت الثانيه ادعمت الأول بسبب
الشرطي الي وقف السير فجأه

[على قد حالها]

لاحول ولا قوة الا بالله

[ام نواف]

لاحول ولاقوة الا بالله ,,

الله يعينهم ان شاءلله,,

والله يقوومه بسلامه يارب,,

[سيف قطر]

لاحول ولاقوة الا بالله ,,

الله يعينهم ان شاءلله,,

والله يقوومه بسلامه يارب,,

آآآآ مين يارب