شسالفة الاكتتاب الجديد؟؟

[ذوق]

السلام عليكم ورحمة الله وبركاته...

عندي أستفسار بسيط جدآ.. :oops:

يوم الاربعاء رحت البورصه..وصادفتني وحده قعدت معها وتمينا نتناقش عن الأسهم..فنصحتني باني أجمع فلوسي وأخشها لأن بتنزل بعد شهر خدمات ( الله وأعلم هل تقصد شركه للخدمات ولا شركه أسمها خدمات)!! وانا بصرااحه استحيت اثقل معاها بالاسأله :oops:

وقالتلي أشتري لمت أب في الأكتتاب لن على كلامها هي مكرمه أميريه وبتتوزع أسهم مجانيه ومن هذا الكلام..والعلم عند الله..

السؤال الأول :

يا ليت لو عندكم خبر عن هذه الشركه وما هي وماذا تعتقدون عن مستقبلها وهل هي ربويه أم لأ؟


السؤال الثاني :

في شي قالتلي أياه بس مافهمت عليه بيني وبينكم.. :whistling:

قالتلي أجمع حول 30 الف الى 35 الف للأكتتاب الشهر الجاي واخلي البنك يمولني بالباقي حتى توصل الى 100 الف..( للعلم أني ما شتغل حاليآ )..فهل بشكل ما يصير مثلآ اني اخذ قرض من البنك بدون ما أشتغل..بحجه اني ابيهم للأسهم؟
وهل هذه الحركه مضمونه؟ ولا ممكن تكون لها أثار جانبيه أخرى
لأن ما عندي خلفيه بصراحه عن مثل هذه الأمور..؟؟

لكم ودي وتقديري على وقتكم الثمين


أختكم في الله

ذوق

[بولينجر]

أختي ذوق...بالنسبة للشركة لم أسمع بها للآن...لكن في اكتتاب شركة الخدمات البترولية يمكن هي المقصودة...أما توقيت الاكتتاب فغير محدد...من المرجح أن يكون في النصف الأول من 2008
البنوك وتمويلها...الأفضل تتصلين في البنك وتسألينهم...وعلى حد علمي فإن التمويل متاح بضمان الأسهم...لكن لا أنصح به بالمرة...والله يوفقج

[ورقــة أمــل]

لا اعلم

وان شاء الله نستفيد من ردود الاعضاء وخبراتهم

[Um Sultan]

..( للعلم أني ما شتغل حاليآ )..فهل بشكل ما يصير مثلآ اني اخذ قرض من البنك بدون ما أشتغل..بحجه اني ابيهم للأسهم؟




مستحيل البنك يوافق يعطيج قرض بدون ضمانات

لازم يكون عندهم ضمان عشان ياخذون منه كل شهر

وقبل لايعطونج القرض لازم كشف حساب حق 3 شهور على الاقل من حسابج

وشهادة الراتب من المكان الي تشتغلين فيه ...

[ذيبه مزاجيه]

بنشوف هالاسهم اللي يقولون عنها ان شاء الله تطلع صج و يارب تكون مب ربويه مافينا شدة الحرام @_@

[مضارب دوسري]

اللي نقلته الجرايد الاسبوع الماضي بان الاكتتاب سيكون في شهر فبراير
واتوقع توقع شخصي ان الشركه اما ان تكون اسلاميه او شركه عليها تطهير

واتمنى ماتكون حراااااااااام او ربويه

ونصيحه اجمعوا فلوسكم وتجهزوا للشركه
لان سمعت ايضا ان الشركه الاكتتاببها لن يكون ب 5ريال
بل ب 10ريال وهذا يرشحها ان تكون لها انطلاقه قويه لانه ماراح يكون عليها نصف متبقي

كلامي مبني على كلام نا وجرايد ولا يعتمد على مصدر رسمي

الكلام الاكيد ان الشركه راح يتم الاكتتاب بها في شهر فبراير اما باقي التفاضيل غير متاكد منها

[قناص الاسهم]

في حال كانت الشركة محلله وجائزه شرعا للاكتتاب = السيوله جاهزه وبشكل قوي
في حال كانت الشركة محرمة وغير جائزه شرعا للاكتتاب = الفلوس بتظل مكانها استاند بااي
بالتوفيق للجميع

[abusultan707]

البنك يمول ..انتي فقط عليج تدفعين اعتقد الثلث والباقي يمول حتى لو ما ينزل لج راتب ولكن الاسهم سوف تكون مرهونه للبنك في حاله ان التخصيص زاد عن الثلث الي دفعتيه. ان مثلا مولت بعض الاكتتابات الي صارت من بنك لا ينزل فيه راتبي ولكن لدي حساب فيه . اما سالفه اسهم مجانيه في هذا سابق لاوانه لانها شركه جديده تحت الانشاء يعني شركه جديده لا يمكن يعطو اسهم مجانيه . بالنسبه للاكتتاب مثلا اي واحد يبي يكتتب ببطاقه وعنده مثلا 35 الف و البنك يدفع الباقي حدود 65 الف ويكتتب لج ب100 الف وعند التخصيص ترجع الفلوس لنفس حساب المكتتب ويخصمو الي لهم ويرجعون باقي المبلغ الي الحساب وفي حالت مثلا تم الاكتتاب ب100 وهذا مستحيل ولكن فرضا تم ذلك تتم حجز الاسهم ولن تباع الا بموافقه البنك لكي يضمن حقه والباقي يرجع الى حساب المكتتب اما سالفه حرمه الشركه للان لم يعلن عن بنودها وسوف تتضح الامور قبل الاكتتاب .. تحياتي

[FG]

الشركه بتكون مكرمه أميريه
أذا تم وضع سعر الاكتتاب والقيمه الاسميه أقل من 15ريال

أما أذا كانت أعلى فليست مكرمه بل تمويل لشركة الخدمات البترولية عن طريق طرح أسهم جديده للاكتتاب
مع العلم أن شركة التأمين حسب علمي تقليدية وليست أسلاميه وشركة الخليج للحفر مأخذه قرض من بنك قطر الوطني وستاندر ....

طبعاً هذا كله يتوقف على نشرة الاصدار شنو راح يكتبون فيهاا.....
الله يكفينا شر الحرام ...

[كلمة مرور]

شلون يعني اكتتاب واسهم مجانيه.............الظاهر الحين يعطون اسهم مجانيه قبل الاكتتاب