قاعة معرض قطر الجديدة ومشكلة الازدحام

[سهم مديون]

:unsure:
اخواني واخواتي يسرني ان اطرح لكم هذا الموضوع الذي يخص قاعة المعارض الجديدة بالدفنة حيث يوجد معرض قطر للتسوق في الوقت الحالي ولدي بعض الإقتراحات عسى ان تشاركوني بإقتراحاتكم لهذا الصرح الشامخ في بلادنا الحبيبة وهو عمل مواقف سيارات خاصة فانا اليوم زرت المعرض ولاحظت ازدحام شديد وعدم تنظيم مواقف وسير السيارات لهذا المعرض فحبيت ان اطرح هذا الموضوع لمشاركة اقتراحاتكم وملاحظاتكم على هذا المعرض.
مع اطيب الامنيات للجميع،،،،،

[ورقــة أمــل]

المواقف واسعة وكبيرة وتسع عدد كبير من السيارات

ومهما كبروها بعد بيكون في ازدحام،، لان زوار المعرض وايد سواء اللي يشترون ولا اللي يتطمشون

ولو تحسبين اللي يشترون من كل هالسيارات بتلقين المواقف كفاية وزيادة

ااذا ماتبين الزحمة ممكن تروحين وقت الصبح او العصر مب بعد المغرب اكيد الزحمة بتزيد

[سهم مديون]

المواقف واسعة وكبيرة وتسع عدد كبير من السيارات

ومهما كبروها بعد بيكون في ازدحام،، لان زوار المعرض وايد سواء اللي يشترون ولا اللي يتطمشون

ولو تحسبين اللي يشترون من كل هالسيارات بتلقين المواقف كفاية وزيادة

ااذا ماتبين الزحمة ممكن تروحين وقت الصبح او العصر مب بعد المغرب اكيد الزحمة بتزيد

:app2::app2::app2:

[بنت المنتدى]

لو يوسعون المواقف أفضل ... أغلب الناس واقفه في الرمل !!!

[Mishaal]

المشكلة مو في المواقف ... المشكلة في الشارع المؤدي للمعرض.. سيدين بس للسيارات!! وين صارت بالله عليكم؟!!!!!!!!

[دنيا الاسهم]

مهما يوسعون القاعة بعد زحمة
للاسف القاعة الجديدة كبيرة بس الزوار واااااااجد يعني مافية تنظيم الكل حاذف السيارة في اي مكان وداخل حتى اللي مايبونيتفرجون بس ويامكثرهم اليوم رحت ولا قدرنا نوصل من كثر الزحمة في الطريق
يعني السيارات ماتمشي ووقتنا راح على امل انتظار الفرج وتخف الزحمة لكن هيهاات
المشكلة ان الكل يبي يروح حتى اللي مالة حاجة وخاصة الجاليات يا ربي هذولا وش اللي حاشرهم معانا .... :tease:
شاروكونا في كل شي لابارك الله فيهم... اقصد الرجال النيبال والهنود والفلبين عمال وش كثرهم بس يتفرجون على العالم يا علهم القلة :omen2::anger1:

[التيما]

اصلا ليش يحطون طريق دخول وخروج السيارات واحد .. لازم يزيدون المواقف الناس يتكلمون عن الف موقف بسبب زيادة عدد السكان عندنا وهم للحين وايد عليهم كل ما سوو شي سوو لنا 100 ولا 200 موقف .

[ANONYMOUS]

هم صمموا المواقف على اعتبار عدد السكان للحين 600 الف

مايدرون انه صك المليون

[الزاجل]

نبي عمارة للمواقف

[FG]

نبي عمارة للمواقف

أخاف تجي السفاره في العمار

:nop:

[رايق]

المشكلة في الدخول و الخروج من المواقف

حنا الخبراء نسميه الـ BottelNeck :p او ما يعرف بـ عنق الزجاجة

الحل بكل بساطة فتح اكثر من منفذ للمواقف

[الزاجل]

أخاف تجي السفاره في العمار

:nop:

عمارة من غير مكيفات

[alanood]

كنت هناك اليوم والله اول ماوصلت الدوار قلت للسواق عوّد البيت
الزحمه واصله الدوّار!!
بس على ماقالت اختي: خذنا الاذن و انحسبت علينا طلعه لا نرجع..
فدخلنا فالمعمعه قرابة الساعه ونشوف النسوان اللي يحولون فوسط الشارع يستغلون الوقت وحنا قاعدين ننطر نوصل للباب الرئيسي
بسبة المطر والشوارع وطبعا بسبة اللي يطلطلون عالنسوان من سياييرهم:unsure:
لان احنا ناويين نقلدهم وننزل بس يوم شفناهم المساكين هوّنّا
والله وفكرنا في الموضوع مثل كل من مر وتضايق من الزحمه..لو مواقف ارضيه يكون احسن بس ياريت نتحاشى هبوطه او بمعنى ادق نراعي ضميرنا فالتنفيذ

[FG]

عمارة من غير مكيفات

لاء عادي بناخذ المكيفات والدفايات من المستشفى الأهلي



:p

[الزاجل]

لاء عادي بناخذ المكيفات والدفايات من المستشفى الأهلي



:p

:swoon: