المساعد الشخصي الرقمي

مشاهدة النسخة كاملة : مطعم بيروت والبخشيش


بنك المراجل
12-01-2008, 11:48 PM
السلام عليكم

مابي اطول عليكم السالفه وهي قصيره
اكيد الكثير منكم يرووح لمطعم بيروت وهذا المطعم من اشهر المطاعم في الدوحه بس فيهم عيب الظاهر انهم استحلووه الى درجة الجنون هو البخشيش والعامل اللي تطلب منه الطلب من يوم تدش الين تطلع وهو لازق في ظهرك حتى الله يعزكم عند المغاسل وعند الحساب وقدام المدير ينطرك متى تعطيه بخشيش

فبغيت رايكم في هذه الظاهره ولازم نوصل لهم احتجاجنا وعدم رضانا لان احنا مو في ديارهم اللي حتى لو تعطس قال بددددييييييييي اكراااااااااااميه

وسلامة قلوبكم

.
حبر سري
12-01-2008, 11:52 PM
والله اخوي انا لو مالزق في ظهري , لو شال الغترة وقعد على راسي , شرط اني مااعطيه ولا ريال
اذا الواحد يبي يسوي خير او يتبرع فجمعية الشيخ عيد بن محمد موجودة وعساهم على القوة

بس مااحب احد يسوي وياي هالحركة لاني ان عطيت احب اعطي بكيفي

لاتعطيه واذا فيه خير خله يقول لك شي
ANONYMOUS
12-01-2008, 11:53 PM
هههههههههههههههه

يامحاسن الصدف

اليوم كنت هناك.. وتحديدا قبل 3 ساعات من كتابة الرد..

بس ممم ماطبوا بقشيش.. ولا ملغوا.. ولا حسيت بشي.. :looking:
{راشد}
12-01-2008, 11:55 PM
عاده شفتها فيهم ونقلوها معهم من بلدهم !!
يعطيك العافيه
التيما
12-01-2008, 11:58 PM
ولا يشوف فلس حمر هاي لو فكرت أصلا اني امر بس هههههههههههههه
alwahesh
12-01-2008, 11:59 PM
ما فيها شي لو عطيتهم ريال ولا ريالين وبنية الصدقه لان ولله الحمد احنا عندنا خير ومب حاسين فيهم

وبعضهم يخدمونك ويعشونك وهم مب لاقين شي ياكلونه .

والحياة صارت صعبه .

مثل ما قلت اهم شي النية تكون صدقه مب رياء او مقابل خدمه
القارمن
13-01-2008, 12:00 AM
والله القرار بيدنا

يا تعطونهم ويه وتعلموهم ... على هالحركات .... وذا ما دفعت المره الثانيه ... توقع اي شي
يا تدفع حسابك وتتبرع في مكان ثاني

لكم القرار
التيما
13-01-2008, 12:11 AM
ما فيها شي لو عطيتهم ريال ولا ريالين وبنية الصدقه لان ولله الحمد احنا عندنا خير ومب حاسين فيهم

وبعضهم يخدمونك ويعشونك وهم مب لاقين شي ياكلونه .

والحياة صارت صعبه .

مثل ما قلت اهم شي النية تكون صدقه مب رياء او مقابل خدمه

هاي أحلى شي قلته ,, ان الواحد حتى لو سوا شي مب عاجبه يسويه بنية الصدقة .. بس اخوي الوحش اسمح لي مرات يمصخونها .. اذكر وحدة أعرفها راحت زون سنتر وتقول شرت جلابية ب40 ريال واعطته خمسين ريال وتنطر الـ10 ريالات قالها احسبيها صدقة :omg: اوكي بس بمزاجها مب تتأمر وتقرر أنت ببفلوسها .. وتعصب رفيجتي وتقوله ابي فلوسي .. رد عليها أنتو بنعمة ومب محتاجة 10 ريال :eek5: انتو عندكن فلوس :omg: وتقوله لا ابي فلوسي ويرد عليها ماعندي فكه وتنطره لين فقد الامل فيها وطلع من مخباه 10 ريال يعني عنده :anger2:
رنج سبورت
13-01-2008, 12:20 AM
ولا يشوف فلس حمر هاي لو فكرت أصلا اني امر بس هههههههههههههه

:nice::nice::nice:
ANONYMOUS
13-01-2008, 12:21 AM
ما فيها شي لو عطيتهم ريال ولا ريالين وبنية الصدقه لان ولله الحمد احنا عندنا خير ومب حاسين فيهم

وبعضهم يخدمونك ويعشونك وهم مب لاقين شي ياكلونه .

والحياة صارت صعبه .

مثل ما قلت اهم شي النية تكون صدقه مب رياء او مقابل خدمه



ياخوي.. الصدقه ماتنعطى لناس شغاله وعندها راتب..


بعدين عسى ماشر.. شلون مب لاقي شي ياكل.. ويشتغل بمطعم ؟

الا ان كان قصدك .. ماله خاطر بالحمص.. ويبي ياكل كوارع من مطعم الباشوات

..


الصدقه المفروض للمستحقين

وصدقني.. اكثر الناس اللي تبخ.. يعطون غصب عن خشومهم.. عشان الاحراج..




وشكرا :)
بنك المراجل
13-01-2008, 12:24 AM
هههههههههههههههه

يامحاسن الصدف

اليوم كنت هناك.. وتحديدا قبل 3 ساعات من كتابة الرد..

بس ممم ماطبوا بقشيش.. ولا ملغوا.. ولا حسيت بشي


انت اكيد جيتهم وقت زحمه مايلحقون من كثر الزباين والا ترى ماخلوك لوجه الله
بوحارب
13-01-2008, 12:31 AM
أروح هذا المطعم كثير وعمري ما شفت هذي الظاهرة الي تتكلم عنها:strong2:

بس يمكن الحين اطمعوا الموظفين فالبخشيش:stop:

لأنه صارلي فترة ما رحت هناك:no:

ع العموم انا عن نفسي لو أشوف الموظف بيموت قدامي ويبي بخشيش :con2:

موب ماعطة ولا ريال:pic:

قال بخشيش قال:looking:

خله ياخذ بخشيش من مسؤولة موب مني انا:pilot:
بوحارب
13-01-2008, 12:40 AM
ما فيها شي لو عطيتهم ريال ولا ريالين وبنية الصدقه لان ولله الحمد احنا عندنا خير ومب حاسين فيهم

وبعضهم يخدمونك ويعشونك وهم مب لاقين شي ياكلونه .

والحياة صارت صعبه .

مثل ما قلت اهم شي النية تكون صدقه مب رياء او مقابل خدمه

يمكن الموظف يكون مسيحي :eek5:

وبعدين الصدقة حق الي يستاهلونها :)

بس بعد تقدر تقول فكرة حلوة :)
بو الجوري
13-01-2008, 12:43 AM
الصراحه انا اشوف ان الواحد اذا راح مطعم راقي ومن هالمطاعم اللي يحطون مع الفاتوره
خدمه:deal: مايستاهلون ريال
وخاصه :this:بعض الجنسيات اللي يتم وراك ويملغ عليك :anger2:

لكن مطعم بيروت والمعاصر وبعض المطاعم , مافيها شي لو حطيت فيد هالهندي

ريالين او باقي الخرده :thumbup1:

تراهم مساكين والله:weeping:

تكسب فيهم اجر .. :strong

ومب شرط تكون صدقه .. وان مش مسلم ومن هالكلام ..:eek5:

ان تعطيه لان مسكين بيكون خدمك خدمه حلوه وما قصر معاك :fight:

وتقبلوا مروري
Mishaal
13-01-2008, 01:28 AM
والله شوف انا عندي مبدأ... ماتبي تدفع بقشيش لا تقعد.. أطلب تيك أواي ومر اخذ طلبك... أما لو بتقعد وبيجيبون لك الأكل لين عندك من حق المضيف بقشيش..
مزيون الدوحه
13-01-2008, 02:08 AM
هاي أحلى شي قلته ,, ان الواحد حتى لو سوا شي مب عاجبه يسويه بنية الصدقة .. بس اخوي الوحش اسمح لي مرات يمصخونها .. اذكر وحدة أعرفها راحت زون سنتر وتقول شرت جلابية ب40 ريال واعطته خمسين ريال وتنطر الـ10 ريالات قالها احسبيها صدقة :omg: اوكي بس بمزاجها مب تتأمر وتقرر أنت ببفلوسها .. وتعصب رفيجتي وتقوله ابي فلوسي .. رد عليها أنتو بنعمة ومب محتاجة 10 ريال :eek5: انتو عندكن فلوس :omg: وتقوله لا ابي فلوسي ويرد عليها ماعندي فكه وتنطره لين فقد الامل فيها وطلع من مخباه 10 ريال يعني عنده :anger2:

هاذيه اعطيه بالنعال ( الله يعزكم ) على راسه مب اعطيه بقشيش

لاكن انا عن نفسي مع الاخ الوحش مافيها شي اذا عطيت حد بقشيش وبنية الصدقه
والله الواحد يطلع من المطعم ومرتاح نفسا اذا ساعد هالمساكين
وماتدرون يمكن اطلع من المطعم واسوي حادث واموت
وهالريال ولا الريالين ادخلني الجنه
هداف
13-01-2008, 02:37 AM
والله ماخبر ها لحركات تصير في مطعم بيروت خصوصا !! سنين طويله وحنا انتريق في ها لمطعم لدرجة ان اغلب الموظفين هناك انعرفهم ويخدمك بعيونه من غير لا يطلب شي ماخبر اني بخششت حد هناك

لكن فيه مطاعم ومعاصر كثيره ومغاسل سيارات وثياب دوم ناكل ونغسل عندهم ونبخششهم من باب معرفه وانه يخدمني
( سبيشل سيرفس ) خصوصا المغاسل وتكون معرفه وخدمه خاصه في كل شي والمثل يقول ما يخدم بخيل
ومرات تطلب اكل او تغسل وتمشي ما تعطيه فلوس تكون ماعندك خرده ولا يقولك شي با لعكس فيه ثقه ومعرفه بينك وبينهم

انا اشوف ها الاشياء عاديه وتصير معا اكثر الناس وكلن وطريقة تعامله معا الناس وعلاقاته كيف يبنيها
Thamer_Qat
13-01-2008, 02:44 AM
ما يخدم بخيل

وانا اشوفهم خدومين وحبوبين ولما تأشر على واحد منهم تبي شاي ولا حامض ولا خبز حار , يجيك ركيض يبي يخدمك ويخليك مثل الشيخ اللي يامر بأشاره بصبعه وانت الله يهديك سويتهم نصابين وحراميه

ماهي من شيمة اهل قطر الكرام كافه

والنعمه زواله

وتحمدوا العافيه ياهل قطر

وعيب علينا نمسك الريال والريالين على شباب عرب مغتربين يصرفون على عوايلهم واطفالهم بالحلال.

وأحنا عيالنا خليناهم يبطرون في الجانقل زوون والعاب الالند والسيتي اللي ينصبون علينا بمئات الريالات واحنا نضحك

وجات على الريال والريالين

لاحول ولا قوة الا بالله
فارس قطر
13-01-2008, 02:52 AM
هل اعطاء البقشيش حرام ؟? مثل اعطاء عامل التوصيل للمنازل او عامل الكافاتريا .


البقشيش الذي يقدم للموظفين لإنجاز المعاملات وغير ذلك فهي من الرشوة التي لا تجوز قال صلى الله عليه وسلم : لعنة الله على الراشي و المرتشي . ‌)والله اعلم
Thamer_Qat
13-01-2008, 03:17 AM
هل اعطاء البقشيش حرام ؟? مثل اعطاء عامل التوصيل للمنازل او عامل الكافاتريا .


البقشيش الذي يقدم للموظفين لإنجاز المعاملات وغير ذلك فهي من الرشوة التي لا تجوز قال صلى الله عليه وسلم : لعنة الله على الراشي و المرتشي . ‌)والله اعلم

عين من الله خير يابوالشباب

اشدخل الرشوه بالأكراميه"البخشيش" وانا اخوك

الرشوة تدخل في أخلاق المهنة والأكراميه تدخل في كرمك وأخلاقك وعطفك على الأدنى منك مستوى

مبروك عليك المطر
مزيون الدوحه
13-01-2008, 03:27 AM
هل اعطاء البقشيش حرام ؟? مثل اعطاء عامل التوصيل للمنازل او عامل الكافاتريا .


البقشيش الذي يقدم للموظفين لإنجاز المعاملات وغير ذلك فهي من الرشوة التي لا تجوز قال صلى الله عليه وسلم : لعنة الله على الراشي و المرتشي . ‌)والله اعلم

الرشوه يا اخي مش مثل ماقلت .
هل دفعت له قبل ماتاكل وقلت له تفضل الفلوس وخدمني خدمه ممتازه ؟؟؟؟؟؟؟؟؟؟؟
يا اخي انت تدفع وانت مش مجبور تعطيه بقشيش والمقصد بحسن نيه وصدقه
وبعدين تراها على النيه