ولدك نجح أنا ليش ملزوم بهديته [الأرشيف] - منتديات شبكة الأسهم القطرية

إنسان

12-01-2008, 11:58 PM

من واحنا صغار إذا نجحنا محد يهدينا غير ابونا ويوعدنا بالهديه قبل الإمتحانات

عشان يحفزنا على الدراسه .. أيام قبل لا دروس خصوصيه إلا ما ندر

فيجد الوالد نفسه مُلزما بالهديه ووعد الحر دين عليه

لكن تعال شوف الحين من ينجح الولد عملوا له حفله كبيره وبوفيه للكبار

ونطاطيه ومهرج ووجبة للأطفال مع هديه .. والحبايب ينتظرون هديه من المدعوين

إنزين واحنا شكو .. ولدكم نجح ليش تلزمونا بهديته .. كثر الله خيرنا لبينا الدعوه

بعد ندفع رسم دخول الحفله "الهديه"

http://gallery.johina.net/up/9432/1157459660.jpg

المشكله عيد ميلاد المحروس صار موضه في البلد مع تحريمه لكن التحايل موجود

يعملون الحفله قبلها أو بعدها بفتره بسيطه وتعال انت معزوم ولا تنسى الهديه

أقول كدت .. إذا انتشرت هالموضه راحت علينا.

يا حلاة الهدايا قبل إذا جا حد من الحج .. معروفه صوغة الحج

سياده ومسباح ومسواك والعاب خفافيه حق اليهال.

وإذا حد بيتزوج عطوه العينيه .. هديه لها معنى ماهي بمجامله.

الخلاصه هي ان الهديه لها سنع واحنا ضيعنا معنى "تهادوا تحابوا"

وصارت الهديه مجاملة رغما عن أنفك

وسامحوني إذا أخطيت

التيما

13-01-2008, 12:03 AM

امل الحب

13-01-2008, 12:13 AM

اممممممممم

اول مرة اعرف مثل هالاشياء

صح اذا ماتعجبك لاتحضر

منت بملزوم

كفاية شكرا بالتلفون

وكثر الله خيرك

سهم المراقيب

13-01-2008, 12:39 AM

أنا للحين اطالب والدي بدراجه ناريه وعدني فيها أيام الإعداديه ,,
---------------------------------------------------------

بالنسبه لحضور حفلة نجاح أو غيرها,, من العرف ان تحضر ومعك الهديه ,, لأن شكلك بيكون مش سياحي من غير الهديه صح وللى لاء؟ ,, لأنك ما تبي أحد يقول " الحبيب جاي ياكل بس :D :happy:"

واذا ما قدرت أفضّل عدم الحضور ,, أو اقول لهم معزوم على حفله ثانيه لووووووووووووووووووووول

بوحارب

13-01-2008, 12:47 AM

الخلاصه هي ان الهديه لها سنع واحنا ضيعنا معنى "تهادوا تحابوا"

وصارت الهديه مجاملة رغما عن أنفك

وسامحوني إذا أخطيت

صدقت ورب الكعبة

عن نفسي أذا عزيمة تجربني احضر هدية معاي :eek2:

الغيها من بالي نهائيا:nono:

شالفايدة يمكن أكون معزوم على بوفيه ب 35 ريال:no:

والهدية تكون ب 500 ريال :no2:

يعني طلعت علي أكثر من بيعة السوق:nono:

الله يعطيك العافية أخوي انسان ع الموضوع :thumbup:

إنسان

13-01-2008, 06:51 AM

مب لازم تهادي .. كفايه ورد .. او تعطي الياهل مبلغ محترم .. واذا ماتبي لا تروح عادي .. استغرب من الي يحس انه مجبر على انه يسوي شي ؟؟ انا ماحب هالخرابيط اسويها في بيتنا من غير مانعزم حد وان عزموني اعتذر واقول انا ما احضر هالمناسبات عادي

التيما أنا وايد تعجبني آرائك بس هالمره :no2:

قالت كفايه ورد .. إنزين بكم باقة الورد

وقالت تعطي الياهل مبلغ .. ليش أنا خلفته ونسيته ..

ابوه وأمه فرحانين بنجاح ولدهم يجيبون له هديه

وأنا ملزوم بهدية نجاح عيالي ليش تحرجوني بهدايا عيال الناس

هذي صارت هديه رغما عن أنفي .. هديه مجامله

وهذي الهديه اللي ما فيها سنع

وقالت أعتذر عشان ما أكون مجبوره على الهديه

طيب وليش ما نلبي الدعوه بدون هديه وبدون ما نحس بالتقصير :con2:

إنسان

13-01-2008, 06:54 AM

اممممممممم
اول مرة اعرف مثل هالاشياء
صح اذا ماتعجبك لاتحضر
منت بملزوم
كفاية شكرا بالتلفون
وكثر الله خيرك

بس بتكونين مقصره معاهم وراح يعاملونك بنفس الطريقه

ممكن نلبي الدعوه بدون هديه ونكون أدينا الواجب بدون إحساس بالتقصير :deal:

إنسان

13-01-2008, 06:57 AM

أنا للحين اطالب والدي بدراجه ناريه وعدني فيها أيام الإعداديه ,,
---------------------------------------------------------
بالنسبه لحضور حفلة نجاح أو غيرها,, من العرف ان تحضر ومعك الهديه ,, لأن شكلك بيكون مش سياحي من غير الهديه صح وللى لاء؟ ,, لأنك ما تبي أحد يقول " الحبيب جاي ياكل بس :D :happy:"
واذا ما قدرت أفضّل عدم الحضور ,, أو اقول لهم معزوم على حفله ثانيه لووووووووووووووووووووول

باين عليك وايد تعتذر عشان توفر على نفسك قيمة الهديه

أنا سميتها رسم دخول الحفله .. كأنها تذاكر تقطعها عشان تدخل الحفله :yes:

إنسان

13-01-2008, 01:01 PM

صدقت ورب الكعبة
عن نفسي أذا عزيمة تجبرني احضر هدية معاي :eek2:
الغيها من بالي نهائيا:nono:
شالفايدة يمكن أكون معزوم على بوفيه ب 35 ريال:no:
والهدية تكون ب 500 ريال :no2:
يعني طلعت علي أكثر من بيعة السوق:nono:
الله يعطيك العافية أخوي انسان ع الموضوع :thumbup:

الله يعافيك اخوي بوحارب .. انت اللي فاهمني :ok:

وطن

13-01-2008, 01:12 PM

مو لازم تودي هدية

وبعدين الهدية بقيمتها المعنوية
مو لازم تكون شي غالي !!!

اذا طفل وهدية نجاح
جيب له اي شي من تويز ار اص
بمبلغ بسيط
وخلاص

:)

السديم

13-01-2008, 01:27 PM

اخوي انسان فرحة الياهل ماتنوصف .. وماظن لعبه ب 100 ولا 200 بتكلفنا او بتعفس ميزانيتنا كل عقب فتره !!

والناس للناس والرسول عليه افضل الصلاة والسلام قال تهادو تحابو .. فالهدية مفتاح المحبة ..

بالعكس احنا حزات ننعزم ومانقدر نروح .. لكن هدية الياهل توصله لانه اكيد بيفرح فيها ..

انا ضد المبالغات وحفلات الاعياد اللي بشكل موسع وبوفيهات وخرابيط .. انا اتكلم عن التجمع البسيط للاطفال وكيكة ولعبه وتغيير جو وتسليتهم ..

والمثل يقول .. انت تمده والله يرده :ok:

ورقــة أمــل

13-01-2008, 01:38 PM

على حسب اذا الطفل قريب مني مثل ولد خالي بنت عمي

بودي لهم عشان يفرحون فيها لا اكثر ولا اقل اليهال يحبون الهدايا صج احنا مب ملزومين فيها

بس من باب انك تفرح الطفل حتى لو شي بسيط يعني لعبة او اقل شي تعطيه خمسين ريال بيده بيفرح بها

اما احد من بعيد مب شرط اوديه له او اساسا مب شرط احضر الحفلة

الحفلات اكثرت الا حفلة نجاح ولا عيد ميلاد ولا يوم الام ولا وحده مربية وكل شخص يلزمك بهدية ومايرضون

بهدية بسيطة لانها كل ما كانت اغلى كل مابينت على معزتك للشخص

ومايبقى شي من الراتب على نهاية الشهر..

شيزكيك

13-01-2008, 03:04 PM

انا اشوف هالسوالف عند الحريم اكثر يعني انا استحي ارد الدعوه ولا واشتري هدايا حق عيالهم كلهم

والسنه الثانيه بعد انعزمت من نفس البيت وقلت يمكن الام تبي تيمع العاب لهم وبعد رحت تويز وشريت

لهم العاب وطرشت اليهال مع عمتهم لانها حفلة يهال واذيه

والحين نروح زيارات وتتفاجأ ان في كيكه كبيره وشموع يعني حفله عيد ميلاد فجائيه يعني ما يبون

هدايا وهاذي عاد فله اليهال يستانسون ويحصلون اكياس الحلويات

ام نواف

13-01-2008, 03:28 PM

مممم انا عن نفسي مب شرط اروح كل الحفلات لاني مب ملزوومه في بعض الحفلات احس مالها معنى,,
بس في حفلات لازم ارووحهااا كــ وااجــب ,,
كـ وحفلات الاهــل,, واقــرب اصحـابي ,,

رولينا

13-01-2008, 04:17 PM

المفروض ما نروح لحفلات عيد الميلاد " لأنها حرام "
وبذلك نشجعهم على هذا الأمر الخارج عن الشريعة الأسلامية..

أما بنسبة لهدية النجاح فهذا شي رائع وتشجيع لطفل
وتكون من قبل الوالدين..

ويكفي وجودي ومشاركتهم العزيمة هو أحسن هدية :thumbup:

إنسان

13-01-2008, 09:02 PM

مو لازم تودي هدية
وبعدين الهدية بقيمتها المعنوية
مو لازم تكون شي غالي !!!
اذا طفل وهدية نجاح
جيب له اي شي من تويز ار اص
بمبلغ بسيط
وخلاص
:)

اليهال اكثروا ما شاء الله والله يبارك .. عيال الاخوان وعيال الخوات

وعيال اولاد العم وعيال بنات العم وعيال الجيران وعيال الأصدقاء والمعارف

طيب بنجامل من ونخلي من .. ولدي نجح أنا ملزوم بهديته وحفلته

وشولا بعد هدايا من المدعوين .. كثر الله خيرهم تعنوا واحضروا الحفله وادوا الواجب

شحقه ندفعهم رسم دخول الحفله :threaten:

إنسان

13-01-2008, 09:09 PM

اخوي انسان فرحة الياهل ماتنوصف .. وماظن لعبه ب 100 ولا 200 بتكلفنا او بتعفس ميزانيتنا كل عقب فتره !!
والناس للناس والرسول عليه افضل الصلاة والسلام قال تهادو تحابو .. فالهدية مفتاح المحبة ..
بالعكس احنا حزات ننعزم ومانقدر نروح .. لكن هدية الياهل توصله لانه اكيد بيفرح فيها ..
انا ضد المبالغات وحفلات الاعياد اللي بشكل موسع وبوفيهات وخرابيط .. انا اتكلم عن التجمع البسيط للاطفال وكيكة ولعبه وتغيير جو وتسليتهم ..
والمثل يقول .. انت تمده والله يرده :ok:

بما انك ضد المبالغات وحفلات الاعياد اللي بشكل موسع وبوفيهات

ومع التجمع البسيط للاطفال وكيكة ولعبه وتغيير جو وتسليتهم

عيل اتفقنا .. واعزموني بس بجيكم بدون هديه :deal:

إنسان

13-01-2008, 09:15 PM

على حسب اذا الطفل قريب مني مثل ولد خالي بنت عمي
بودي لهم عشان يفرحون فيها لا اكثر ولا اقل اليهال يحبون الهدايا صج احنا مب ملزومين فيها
بس من باب انك تفرح الطفل حتى لو شي بسيط يعني لعبة او اقل شي تعطيه خمسين ريال بيده بيفرح بها
اما احد من بعيد مب شرط اوديه له او اساسا مب شرط احضر الحفلة
الحفلات اكثرت الا حفلة نجاح ولا عيد ميلاد ولا يوم الام ولا وحده مربية وكل شخص يلزمك بهدية ومايرضون
بهدية بسيطة لانها كل ما كانت اغلى كل مابينت على معزتك للشخص
ومايبقى شي من الراتب على نهاية الشهر..

يعني انتي موافقتني الراي .. بس نصيحه لا تحضرين أعياد ميلاد

حتى لو كانت لأقرب المقربين من باب إنكار المنكر :strong

إنسان

13-01-2008, 09:17 PM

انا اشوف هالسوالف عند الحريم اكثر يعني انا استحي ارد الدعوه ولا واشتري هدايا حق عيالهم كلهم
والسنه الثانيه بعد انعزمت من نفس البيت وقلت يمكن الام تبي تيمع العاب لهم وبعد رحت تويز وشريت
لهم العاب وطرشت اليهال مع عمتهم لانها حفلة يهال واذيه
والحين نروح زيارات وتتفاجأ ان في كيكه كبيره وشموع يعني حفله عيد ميلاد فجائيه يعني ما يبون
هدايا وهاذي عاد فله اليهال يستانسون ويحصلون اكياس الحلويات

اللي بالأحمر كذا :thumbup:

إنسان

13-01-2008, 09:19 PM

مممم انا عن نفسي مب شرط اروح كل الحفلات لاني مب ملزوومه في بعض الحفلات احس مالها معنى,,
بس في حفلات لازم ارووحهااا كــ وااجــب ,,
كـ وحفلات الاهــل,, واقــرب اصحـابي ,,

زين وفرتي على نفسك شراء الهدايا :whistling:

الزاجل

13-01-2008, 09:27 PM

انسان

الهدية ليست الزامية ..

ولكن عندما تفرح طفل بهدية بسيطة
انظر كيف تكون فرحته بهذه الهدية..

ففرحته اكبر واعمق من هدف الحفلة .

إنسان

13-01-2008, 09:37 PM

المفروض ما نروح لحفلات عيد الميلاد " لأنها حرام "
وبذلك نشجعهم على هذا الأمر الخارج عن الشريعة الأسلامية..
أما بنسبة لهدية النجاح فهذا شي رائع وتشجيع لطفل
وتكون من قبل الوالدين..
ويكفي وجودي ومشاركتهم العزيمة هو أحسن هدية :thumbup:

اللي بالأحمر كذا :thumbup:

واللي بالازرق

:thumbup:

خخخخخخخخخخخخخخخخخخخخ

إنسان

13-01-2008, 11:50 PM

انسان
الهدية ليست الزامية ..
ولكن عندما تفرح طفل بهدية بسيطة
انظر كيف تكون فرحته بهذه الهدية..
ففرحته اكبر واعمق من هدف الحفلة .

شوف اخوي الزاجل الموضوع ابعد من قضية طفل وهديه

الموضوع بالضبط عن الهديه الإلزاميه والتي ألغت من اجندتنا الكثير من الواجبات

عيادة المريض أوصى بها رسولنا الكريم .. لماذا تقلصت

أحد الاسباب هي باقة الورد المكلفه .. هذه فقط على سبيل المثال لا الحصر

ANONYMOUS

14-01-2008, 02:13 AM

عنبو

بفرح مين ولا مين

وبعدين هالطفل.. كم يبي واحد يفرحه.. 10 عوائل..

حشى

هذا لو مخلص دكتوراه وهو عمره 10 سنوات .. نقول يمكن يستاهل.

اما بزر.. مخلص مادري اي صف.. لا.. والتدريس خرطي .. ويعطونهم يتمرنون عالامتحانات.. وبزّور ينجح..

اما ردي للموضوع..

من فضل الله .. هالبدعه.. مانتشرت عندنا.. في محيط العائله..

واقتراحي يا انسان.. لو حد عزمك.. ومالك خاطر تهدي.. تسأله ..كم تذكرة الدخول.. :)

من الاحراج بيقول لك.. تعال براسك.. مايحتاج يسوي تكليف واجد :)

الحين برد رد واحد مهايط..

والله ياخوك.. الاطفال احباب الله... ويستاهلون كل خير..

ولو شريت له هديه .. ب 500 ولا انشالله 1000 شالمشكله..

مافيها شي.. هي مره وحده بالسنه..

بعدين .. انت كم حفله بتنعزم عليها.. كلها 9 حفلات بالكثير.. خل الناس تفرح.. وبيض وجهك

وترى حفلات اعياد الميلاد والنجاح.. حق واجب..

واجب علينا.. كمهايطيه.. نتهادى.. بسبب وبدون سبب..

بس انت ركد لي الكوره.. وانا بشووت :)

ملاحظه

اللي عنده خير.. مافيها شي.. انشالله يفرح الشعب الجيبوتي.
الله يجزيه خير
بس لاينقز واحد يهايط.. وفموضوع ثاني يصيح و يولول من الديون ويبي يسقطها.... ويشتكي من اسعار البيض... ومن مطعم كنتاكي زادوه ريالين

وطن

14-01-2008, 08:58 AM

شوف اخوي الزاجل الموضوع ابعد من قضية طفل وهديه

الموضوع بالضبط عن الهديه الإلزاميه والتي ألغت من اجندتنا الكثير من الواجبات

عيادة المريض أوصى بها رسولنا الكريم .. لماذا تقلصت

أحد الاسباب هي باقة الورد المكلفه .. هذه فقط على سبيل المثال لا الحصر

لا اخوي اسمح لي
الا الواجبات الانسانية واللي لك اجر فيها

المفروض ما تتقلص بسبب هديه !!
من اللي قال انك لازم تزور المريض ومعاك باقة ورد !!!

كافي دخلتك عليه ...
مو لازم لا ورد ولا غيره

اهم شي تحتسب الاجر عند الله سبحانه

إنسان

14-01-2008, 10:54 AM

عنبو
بفرح مين ولا مين
وبعدين هالطفل.. كم يبي واحد يفرحه.. 10 عوائل..
حشى
هذا لو مخلص دكتوراه وهو عمره 10 سنوات .. نقول يمكن يستاهل.
اما بزر.. مخلص مادري اي صف.. لا.. والتدريس خرطي .. ويعطونهم يتمرنون عالامتحانات.. وبزّور ينجح..
اما ردي للموضوع..
من فضل الله .. هالبدعه.. مانتشرت عندنا.. في محيط العائله..
واقتراحي يا انسان.. لو حد عزمك.. ومالك خاطر تهدي.. تسأله ..كم تذكرة الدخول.. :)
من الاحراج بيقول لك.. تعال براسك.. مايحتاج يسوي تكليف واجد :)

اي والله ياخوي "شنو يعني سعر الدعم" عيالنا وايد الله يبارك .. بتهدي من وبتخلي من

كفايه في العيد يبيلهم ميزانيه الله يحفظهم .. وفي ناس في العيد يسافرون شرده من العيديه escape

الحين برد رد واحد مهايط..
والله ياخوك.. الاطفال احباب الله... ويستاهلون كل خير..
ولو شريت له هديه .. ب 500 ولا انشالله 1000 شالمشكله..
مافيها شي.. هي مره وحده بالسنه..
بعدين .. انت كم حفله بتنعزم عليها.. كلها 9 حفلات بالكثير.. خل الناس تفرح.. وبيض وجهك
وترى حفلات اعياد الميلاد والنجاح.. حق واجب..
واجب علينا.. كمهايطيه.. نتهادى.. بسبب وبدون سبب..
بس انت ركد لي الكوره.. وانا بشووت :)

يسلموووووووو على النقد الساخر اخوي
"شنو يعني سعر الدعم"

ملاحظه
اللي عنده خير.. مافيها شي.. انشالله يفرح الشعب الجيبوتي.
الله يجزيه خير
بس لاينقز واحد يهايط.. وفموضوع ثاني يصيح و يولول من الديون ويبي يسقطها.... ويشتكي من اسعار البيض... ومن مطعم كنتاكي زادوه ريالين

:nice:

الألماسي

14-01-2008, 11:15 AM

أنــا اذكـر يوم كنـت انجــح أبـوي كان يجيــب لــي (( سيـــكل )) وكان هـ السيكــل اكبــر همي نهايــه كل سنــه دراسيــه وكنـت استانس لمــا يجيــب هـ السيكــل..
بالعكـس شـئ حلـو لمــا تكافــئ ولــدك أو أخوك مثــلا بهديــه معينــه مهمــا كان عمــره ومو شــرط تكون غاليـــه :whistling:
امــا اذا الناجحيــن عدد وقدره عندك بهـ البيــت (( اللـه لايهينــك )) سفــره خطافيــه بالسيـاره تروح تعتمــر وترد صدقونـــي (( بيفــرحــون ويستانســون ))

أنـا طرا علىّ برنامج الشرطه معـــك قبــل حقبــه من الزمــن عن الناجحين لمـا يجيك الصبــي يروح لأبوه ويقولـــه (( أنــا .. نجحت يا يبـــا .. انــا نجحـــت )) وعقــب يشتريـــه (( بطبطـــه )) ويدعــم فيــها <<<< هـ المشهــــد حرمنــي من البطبطــه وقضيــت عمـري على سيــكل :weeping:

تقبـل مروري اخوي إنســـان

الزاجل

14-01-2008, 12:43 PM

شوف اخوي الزاجل الموضوع ابعد من قضية طفل وهديه

الموضوع بالضبط عن الهديه الإلزاميه والتي ألغت من اجندتنا الكثير من الواجبات

عيادة المريض أوصى بها رسولنا الكريم .. لماذا تقلصت

أحد الاسباب هي باقة الورد المكلفه .. هذه فقط على سبيل المثال لا الحصر

شوف يا انسان
لما يكون الخلل في الشخص نفسه
اهنيه ما نقدر نقول ان الهدية هي السبب ..

هناك من لا يستطيع احضار باقة ورد او سلة برميت وتشكليت
لكنه اتحصله يداوم على زيارة المريض ..

بينما هناك من يتعنى على شراء الهدية الفلانية
ويطرشها ويتعذر من الحضور ..

اتفق معاك ان الهدية مب اساس الزيارة
فأداء الواجب افضل من عدم اداءها ..

فما يصير امتنع من زيارة الناس
لأن الناس مقتدرين على التهادي ..

وحط في بالك دائما ان الهدايا لما تطلع فهي تعتبر مثل الصدقة
لأنها تدخل الفرحة في قلوب متلقيها ..

لذلك لا ينقص الله مالنا من صدقة
ما فيها شي لو عندك مثلا 100 ريال في المخبة
تاخذ فيها 50 ريال سلة تشكليت على قد ميزانيتك
وتدخل فيها على المريض ولا انك تدخل بيد فاضية ..

واذا شفت نفسك كلش كلش ما عندك تاخذ بـ 50
خذ لك وردة على 10 ريالات
وقدمها باسلوب لبق وجميل وتمنى له الصحة والعافية
وادعي بأن الله يقومه من سرير المرض
فهذا بحد ذاته افضل من ملايين الهدايا ..

فنرجع لمحور نقطتك واقول لك

الخلل في العقول مب في الهدايا ..

إنسان

14-01-2008, 01:41 PM

لا اخوي اسمح لي
الا الواجبات الانسانية واللي لك اجر فيها
المفروض ما تتقلص بسبب هديه !!
من اللي قال انك لازم تزور المريض ومعاك باقة ورد !!!
كافي دخلتك عليه ...
مو لازم لا ورد ولا غيره
اهم شي تحتسب الاجر عند الله سبحانه

الله يشفي مرضى المسلمين omen

مشكوره اختي وطن

إنسان

14-01-2008, 01:53 PM

أنــا اذكـر يوم كنـت انجــح أبـوي كان يجيــب لــي (( سيـــكل )) وكان هـ السيكــل اكبــر همي نهايــه كل سنــه دراسيــه وكنـت استانس لمــا يجيــب هـ السيكــل..
بالعكـس شـئ حلـو لمــا تكافــئ ولــدك أو أخوك مثــلا بهديــه معينــه مهمــا كان عمــره ومو شــرط تكون غاليـــه :whistling:
امــا اذا الناجحيــن عدد وقدره عندك بهـ البيــت (( اللـه لايهينــك )) سفــره خطافيــه بالسيـاره تروح تعتمــر وترد صدقونـــي (( بيفــرحــون ويستانســون ))
أنـا طرا علىّ برنامج الشرطه معـــك قبــل حقبــه من الزمــن عن الناجحين لمـا يجيك الصبــي يروح لأبوه ويقولـــه (( أنــا .. نجحت يا يبـــا .. انــا نجحـــت )) وعقــب يشتريـــله (( بطبطـــه )) ويدعــم فيــها <<<< هـ المشهــــد حرمنــي من البطبطــه وقضيــت عمـري على سيــكل :weeping:
تقبـل مروري اخوي إنســـان

طبعا الهديه تدخل الفرحه على الطفل ما اختلفنا ومحفز على بذل الجهد والإجتهاد

وهذا اللي قلناه تحفز ولدك أو اخوك أو المقربين منك ويهمك أمرهم

بس أنا اتكلم عن هدايا المجاملات اللي اعتقد ان احنا مُجبرين عليها كي نُرضي أهل الحفله

مشكور اخوي الألماسي على المرور الكريم

وطن

14-01-2008, 01:59 PM

إنسان

14-01-2008, 03:34 PM

شوف يا انسان
لما يكون الخلل في الشخص نفسه
اهنيه ما نقدر نقول ان الهدية هي السبب ..
هناك من لا يستطيع احضار باقة ورد او سلة برميت وتشكليت
لكنه اتحصله يداوم على زيارة المريض ..
بينما هناك من يتعنى على شراء الهدية الفلانية
ويطرشها ويتعذر من الحضور ..
اتفق معاك ان الهدية مب اساس الزيارة
فأداء الواجب افضل من عدم اداءها ..
فما يصير امتنع من زيارة الناس
لأن الناس مقتدرين على التهادي ..
وحط في بالك دائما ان الهدايا لما تطلع فهي تعتبر مثل الصدقة
لأنها تدخل الفرحة في قلوب متلقيها ..
لذلك لا ينقص الله مالنا من صدقة
ما فيها شي لو عندك مثلا 100 ريال في المخبة
تاخذ فيها 50 ريال سلة تشكليت على قد ميزانيتك
وتدخل فيها على المريض ولا انك تدخل بيد فاضية ..
واذا شفت نفسك كلش كلش ما عندك تاخذ بـ 50
خذ لك وردة على 10 ريالات
وقدمها باسلوب لبق وجميل وتمنى له الصحة والعافية
وادعي بأن الله يقومه من سرير المرض
فهذا بحد ذاته افضل من ملايين الهدايا ..
فنرجع لمحور نقطتك واقول لك
الخلل في العقول مب في الهدايا ..

خذ لك وردة على 10 ريالات

خلاص باخذ له ورده حمرا وبقوله أنا أحبك وما بنامش الليل :happy:

بالفعل اخوي الزاجل أتفق معك ان الخلل في طريقة تفكيرنا

كل الشكر لمرورك الكريم

الزاجل

14-01-2008, 03:57 PM

خذ لك وردة على 10 ريالات

خلاص باخذ له ورده حمرا وبقوله أنا أحبك وما بنامش الليل :happy:

بالفعل اخوي الزاجل أتفق معك ان الخلل في طريقة تفكيرنا

كل الشكر لمرورك الكريم

:swoon2:
خذ له وردة من حديقة المستشفى
واغلسها في مغاسل الحمامات وانت بكرامة
ولفها باين
ودش عليه وقول له
أي شي اهديك بمناسبة مرضك يا ملاكي ؟
وطلع له الوردة مرة وحدة ..

بس تحمل تقول له ما بنمش الليل وبحبك
لا يسوون له عملية تغير من جنس الى جنس :nop:

الألماسي

14-01-2008, 04:13 PM

أهم شي السيكل BMX

:thumbup1:

:app2:

lalamar

14-01-2008, 06:50 PM

خل ويهك قوي وروح بدون هدية

إنسان

14-01-2008, 09:59 PM

:swoon2:
خذ له وردة من حديقة المستشفى
واغلسها في مغاسل الحمامات وانت بكرامة
ولفها باين
ودش عليه وقول له
أي شي اهديك بمناسبة مرضك يا ملاكي ؟
وطلع له الوردة مرة وحدة ..
بس تحمل تقول له ما بنمش الليل وبحبك
لا يسوون له عملية تغير من جنس الى جنس :nop:

خلاص بطلت ماني بزايره :p

إنسان

15-01-2008, 12:20 AM

خل ويهك قوي وروح بدون هدية

الاسهل اني ما اروح من اساسه

وهذا اللي يسوونه الناس :yes:

شكرا لمرورك lalamar

ضوى

15-01-2008, 12:37 AM

وليش المفروض اذا اروح حفلات النجاح اودي هدايا ؟؟

الصراحة وايد رحت لكن ولا عمري وديت هدية ، هي فرحة للام والاب والاهل والربع والطفل نفسه ، امه وابوه يهادونه مب الربع

الصراحة انا سنويا اسوي حفلة نجاح لعيالي واسوي لهم بطاقات دعوة بعد بس والله ولا مرة احد من اهلهم جاب لهم هدية اللهم الا خالاتهم لانهم متعودين اما الجيران والربع لا مجرد مشاركة فرح فقط ولا اعتقد هذا الشئ يزعل انا ابيهم يشاركوني فرحتي مب يهدون عيالي ، ووجودهم معاي اهم من الهدية الف مرة لانهلبوا الدعوة

شكرا لك اخوي انسان

إنسان

15-01-2008, 02:05 PM

وليش المفروض اذا اروح حفلات النجاح اودي هدايا ؟؟

الصراحة وايد رحت لكن ولا عمري وديت هدية ، هي فرحة للام والاب والاهل والربع والطفل نفسه ، امه وابوه يهادونه مب الربع

الصراحة انا سنويا اسوي حفلة نجاح لعيالي واسوي لهم بطاقات دعوة بعد بس والله ولا مرة احد من اهلهم جاب لهم هدية اللهم الا خالاتهم لانهم متعودين اما الجيران والربع لا مجرد مشاركة فرح فقط ولا اعتقد هذا الشئ يزعل انا ابيهم يشاركوني فرحتي مب يهدون عيالي ، ووجودهم معاي اهم من الهدية الف مرة لانه لبوا الدعوة

شكرا لك اخوي انسان

العفو اختي ضوى وانتوا صح وكل شي وله سنع

وما نبي عادات دخيله تخرب سنعنا :victory: