بنك الريان

[كويتي فهمان]

مرااحب الجميع


عندي مشكله وارجو منكم المساعده

انا ساهمت في الريان وخذت الاوراق الزرقاء الي ادل على اني اكتتبت\


بس المشكله انا الاوراق ضااااااااااااااااعت

دورتها بكل مكان مالقيتها
شنو الحل
شسوي وين اروح

حلالي ولا ادري وين ادوره
فزعتكم يا عيال بو مشعل

[الرسام كويتي]

كويتي فهمان صباح الورد

استاذي الامر سهل جدا ولا في اي صعووبه حسب ما حصل معاي شخصيا حتي لو كانت الاوراق الزرقاء ليست موجوده الان لكن هل وصلك شهادات الاسهم التي توضح التخصيص ولا اتشيل هم ايضا حتي ان لم يكون معاك شهادات التخصيص لانها محدده بالاسم والكميه بجميع شركات الوساطه وذلك عن طريق السوق

ومما فهمت منك انهم اسهمم اكتتاب ومن الطبيعي يكونون بعدة اسماء
بوضحلك اشويت امور
1-اجمع صور حوازات الممكتتبين
2-عمل وكالات من جميع من اكتتبت بأسمائهم وبعد ذلك من الافضل دمج كل مجموعه بوكاله وحده افضل
3-تصديق الوكاله في الخارجيه من ثم السفاره القطريه الشقيقه
4- تصديق الوكاله بالخارجيه القطريه بدوحة الخير
5-الذهاب لأي شركة وساطه تفضلها بالدوحه معك ماذكر سابقا - ان تود البيع فقط بأمكانك اصدار شيكات الاسهم (شيك سريع) أو انك تدخل المبلغ بحسابك بالوساطه بموجب الوكاله للتصرف بهم في اي وقت
للعلم طال عمرك الخطوه من 3 الى 5 - لا تأخذ منك نصف ساعه
ولإي استفسار يسهل عليك ما عليك إلا مراسلتي بالرسائل لتوضيع افضل لك عبر وسيلة الاتصال فى اي وقت


وكل الخير والبركه فى عيال العم بو مشعل بدووحة الفخر والعز ونعم وكل النعم

[كويتي فهمان]

احسنت طال عمرك

انا سويتها كذا مره ومو لازم اروح للخارجيه الي بالدوحه الا اذا هالشي جديد يعني

ع العموم ماقصرت وبيض الله وجهك
انا عندي واحد بالمجموعه مسؤول اسمه خنيزان ما يقصر

بس طال عمرك بس يبون التوكيلات وصور الجوازت واروح للمجموعه على طول ؟؟؟؟؟؟؟؟؟؟


ولا هنت يا بيه

[المجدم]

راجع السوق بسرعة خذ ا لأوراق الثبوتية

[الرسام كويتي]

هلا بالاخ - كويتي احيانا وعلى حسب المزاج يطلب منك مدير فرع بنك الدوحه احيانا انك اتصدق واحيانا يعديها لانه كمثال المجموعه اغلب شيكاتها على بنك الدوحه والالي هو بنفس مبني المجموعه

بالتوفيق لك يا رب

[بودندن]

الله يعينينك ولد العم

[رشيد]

السلام عليكم أخوي الرسام الكويتي أنا عندي وكاله من المكتتبين بس بيانات الوكاله بعضهم حاط رقم البطاقة المدنية وبعضهم حاط رقم الجواز وكلهم بنفس الوكالة شلون يمكن يطلبون في قطر رقم الجواز إنه يكون مكتوب في الوكالة فيدونا بالجواب الله يجزاكم خير

[الرسام كويتي]

رشيد هلا وغلا نفس الشئ طال عمرك بالجواز موجوود ايضا الرقم المدني كله يمشي الاخوان مرنين وسهلين ومطورين بتعاملهم وخاصه المجموعه للوساطه طالما عندك وكاله الامور سهله وخل معاك احتياط صور بطايقهم المدنيه معترف التعامل فيها بعد

الامر سهل كثير ربع ساعه واقل انت خالص عمل وتطور مبدع منهم والي الامام يا رب

ولا اتردد بأي توضيح عندك الرسائل الخاصه وبعدها هاتفيا