للبيع ايصال حجز Vxr

[سمارت]

للبيع ايصال حجز VXR ابيض كامل المواصفات بس مخمل مب جلد.....دفعة فبراير.....

مطلوب 25000ريال غير مبلغ العربون الي مدفوع للشركه.

للجادين فقط Qatarti@hotmail.com

[الهاوي28]

يعني المطلوب على ما اظن 45 الف صح؟

ماتشوف انه وايد

[أمير المحبه]

عسى ماشر

[جغرافي قطر]

عسى ماشر
اي والله عسى ماشر

[رأس بروق]

اقول خبزاً خبزته اكله...والله حاله ..روح الوكاله وخذ عربونك وقط عليهم الايصال.

[سهم بن سهم]

الطيب صج مثل ماقالو الشباب عسى ماشر ؟؟؟؟؟!!!!

بيع إيصال ؟؟

شدعوه ...... لا ويوصل لمبلغ 45 الف ريال مع العربون !!!!!

عجيب والله ...هالكثر الكروزر مقطع قلوب الشباب !!!

الكروزر موجود وتقدر تشتريه بس شوف لك واسطه وابشر :)

[halcrow]

سكنهم مساكنهم

[سمارت]

شكرا للجميع على الردود بس قلت انا للجادين والي ما يبي يروح للوكاله ينطر 6شهور

[hich]

اي 6 شهور الى هذه الدرجه الشباب ضعاف ماعندهم واسطه ؟؟؟؟؟
شرايك انه بدون حجز أطلع لك السيارة بس قول لي اللون

بخصوص الايصال ينفع 33الف

[سهم بن سهم]

انت تعطيني كم وبعد كم يوم تكون السياره عندك؟؟؟؟؟؟؟؟؟؟؟

شنو 6 شهور !!!!!!!!!!!!!!!

يبه السيارات موجوده في حوطة عبدالغني ............. صح النوم آغاتي :)


تدفع لي قيمة العربون واطلع لك الموتر الي تبيه ؟؟؟؟؟؟

العربون لي مو للوكاله ...... :)

[السهم الثابت]

شباب الرجال عارض وبلاش تجريح كيفة فية ناس محتاجيين بيدفعون حتى لوو اكثيررر ولا حرام علي هل قطررر لو الي قايل العرض مواحد مو قطري كان لقيت الكل يقول زين ورفعتوو في السعرررر


روحوو وشوفوا الي عارضين العملات من الريال الى المية بحوالي نص مليون طالب فيهاااا وهو مو من هل قطر وماحد انتقدة ارجوووا عدم الزعل بس يا اخون هاي سوق والكل يدور رزقة والة يوفق الجميع


انا بعد بقول من يسلمني 280000 الف ريال ويوصلة في اكس ار المحرك 5700 كامل المواصفات مايوصل الدوحة الا بعد شهر 3 وتلقاة بالحجزز انا اقول شهر ونص تستلم موترك

[الوهاااااج]

عسى ماااااااااااااااشر

[رأس بروق]

انا بعد بقول من يسلمني 280000 الف ريال ويوصلة في اكس ار المحرك 5700 كامل المواصفات مايوصل الدوحة الا بعد شهر 3 وتلقاة بالحجزز انا اقول شهر ونص تستلم موترك


اي شهر ونص:cry: اذا الفلوسك كاش يعطونك الموتر في نفس اليوم وانت ياي التقول شهر ونص , مسكين والله:tease:

[قطري33]

انا اقول مثل ماقالوا عن بعض المنتجات اللي ارتفع سعرها فجأه ... خلوها تخيس :)

[سمارت]

شكرا على الردود ياشباب بس انا قلت للجادين فقط ولو سمحتوا انا ما طلبت رأي احد......

رجا كل يحتفظ برايه لنفسه ....وقال النبي عليه الصلاة والسلام من قال خير او يصمت .

فيه ردود مالها داعي مثل الاخhichيقول قولي اللون وانا اطلعه بدون حجز وفي نفس الوقت يبي الايصال ب33000ريال !!!!!!!!!!!!!!!!!!! والثاني يقول السيارات موجوده بس دورلك واسطه.

وكل الشكر لاخوي سهم ثابت

[WARNING]

اخوي سمارت
انت اتقول حديث وطالع انك يابلفيت القرضاوي
وانت اللي تبي تسويه شنو مب احتكار

ماتدري انه حرام

\\\\\\\\\\\\\

قال الرسول – صلى الله عليه وسلم- موضحاً حكم الاحتكار، إذ قال: "لا يحتكر إلا خاطئ" رواه مسلم(1605)، والخاطئ هو المذنب العاصي، وقال عليه الصلاة والسلام: "من دخل في شيء من أسعار المسلمين ليغليه عليهم كان حقاً على الله أن يقعده بِعُظم من النار يوم القيامة" رواه أحمد(20313)، والحاكم(2/12-13)، والطبراني في الكبير(20/479-481)، والبيهقي(6/30)، وإسناده جيد، أي بمكان عظيم في النار، وقال عليه الصلاة والسلام: "من احتكر حكرة يريد أن يغلي على المسلمين فهو خاطئ" أخرجه الإمام أحمد(8617)، والحاكم(2/12)، والبيهقي(6/30)، وهو حسن لغيره، وفي رواية بزيادة: "وقد برئت منه ذمة الله" فهذه النصوص تفيد النهي عن الاحتكار الذي يؤدي إلى رفع الأسعار واستغلال حاجة العباد الضرورية مما يتعلق بأقواتهم وأرزاقهم، وبعض العلماء عمم الحكم في جميع السلع، سواء المتعلقة بالأرزاق والمعاش وغيرها. هذا والله أعلم بالصواب.

[BU_7MD]

الله يعينك مايسوى عليك والله
الله يوفقك

[مزيون الدوحه]

ياصاحب الموضوع
تفضل هذا الرابط يمكن ينفعك

http://qatarshares.com/vb/showthread.php?t=146032

واتمنى انك تاخذ اجراء .


والله يوفقك

[سمارت]

شكرا اخوي الكعبي بس شكلك داش عرض.......الاحتكار وستغلال يكون للسلع الضروريه للناس والتي بمنعها تؤدي للهلاك..........بس السلعه موجود عندي وعند غيري

[سمارت]

شكرا مزيون الدوحه

[qatari_xp]

بالتوفيق ان شاء الله

[سمارت]

جزاك الله خير