لمتّنا الحلـــــــوة - للنساء فقط -

[دلة الرسلان]

اليـــــوم الخميس وهو يوم له طعم خاص

يوم التجمع الأسري ، ممنوع فيه الغياب الأ بعذر قاهر ومعلوم مسبقا .

نجتمع فيه احنا السيدات ومعانا عيالنا وطبعا بعض من الخدم لزوم مطاردة البزران.

ولا تزين الجمعة الأ بما لذ وطاب من اشكال وانواع القهاوي والفوالة والفطائر خاصة اليوم (صيام ):fight:

والعادة تكون دلة الرسلان وعصابتها اول الحضور :strong وبعد تقديم الصغار الولاء

والطاعة للغالية الوالدة يقسمون الى مجموعتين اولاد الى بيت اختنا ام محمد والبنات الى

بيت اختنا ام حمد وهنا نشعر بالهدوء وتبدأ السوالف المليحة تتوارد .

واذا وصلنا الحبكة الفنية للسالفة ارسلت امي تلك النظرات التحذيرية :sneaky:( وانتوا

مالكم الأ قيل وقال)ويبدون البنات يمه تكفين خليها تكمل السالفة وراعية السالفة:anger1:

خاصة اذا كانت ام حمد تبقي تكمل وينقطع حبل الأفكار بمداخلة وحدة من الخوات بسالفة اخرى

وامي الله يجزاها خير شوي تندمج في سالفة وبعدين تذكر وتقول كفارة المجلس :whistling:

شفتوا شلون جمعتنا حلوة الدور عليكم تشاركونا بلمتكم :nice:

[هتـان قطر]

مشكوره يادلة الرسلان ..يا ريحة الهيل وعبق الماضي..

احنا كان عندنا عادة حلوه بس بدت تنقطع شوي شوي

كان كل خميس او خميس وترك ..يكون في بيت وحده

من الاخوات محاضره دينيه لاحدى الداعيات المعروفات

ولكن الحين بدت تخف هذي العاده ..اتمنى انها ترجع