محمد بن راشد " يجب ان لا نجعل الشعب ينتظر"

[سعود ناصر]

دبى فى 17 يناير / وام /أمر صاحب السمو الشيخ محمد بن راشد ال مكتوم نائب رئيس الدولة رئيس مجلس الوزراء حاكم دبى / رعاه الله / ببناء وتجهيز اربعين الف فيلا سكنية للمواطنين المحتاجين لسكن عائلى في مختلف مناطق الدولة.

وامر سموه كذلك بزيادة موازنة مخصصات المساعدات الاجتماعية في وزارة الشؤون الاجتماعية 100 فى المائة لتصبح مليارين و 200 مليون درهم اعتبارا من اليوم حرصا من سموه على التخفيف من اعباء المعيشة وتوفير الحياة الكريمة للمستفيدين من هذه المساعدات من ابناء وبنات الوطن .

وأصدر سموه توجيهاته لمعالى وزير الدولة لشؤون المالية والصناعة بتخصيص مبلغ 15 مليار درهم / خمسة عشر مليار درهم / لتنفيذ مشروع الفلل للمواطنين علي ان ينجز خلال ثلاث الي اربع سنوات .
واعلن صاحب السمو الشيخ محمد بن راشد ال مكتوم خلال جولة ميدانية قام بها صباح اليوم في المنطقتين الوسطى والشرقية من الدولة امام رؤساء تحرير الصحف المحلية الذين رافقوه في الجولة عن تعديل وزارى وشيك سيجريه سموه على وزارته الحالية الشهر القادم.
وقال يجب ان لا نجعل الشعب ان ينتظر اذا اردوا سكن او خدمات يجب ان نوفرها لهم فوراً

[كلشن كوف]

لله درك

[كلاسيك للبيع]

جزاه الله خيرا

[فلان]

كفو والله

[Index Signal]

إحنا ما ورانا شي نسكن عند أهالينا لين عيالنا يصيرون طولنا علشان خاطر أولمبياد 2016

أهم شي مسؤولينا يلامسون الشعله و يطيب خاطرهم..!!

[سعود ناصر]

إحنا ما ورانا شي نسكن عند أهالينا لين عيالنا يصيرون طولنا علشان خاطر أولمبياد 2016

أهم شي مسؤولينا يلامسون الشعله و يطيب خاطرهم..!!

اشكركم على المرور والله يخلف علينا والله في حياتي ماشفت اهل قطر يتذمرون وساخطين بالهطريقة في كل منطقة ماتدش مجلس الا والكل يشكي ويدعي

[koko33]

الله يخلي الشيخ محمد بن راشد المكتوم لشعب الامارات ويحفظه من كل شر

[Emarati]

الله يحفظه لنا دنيا وآخره آميييييييين

وهذي صور من جولته اليوم


http://www.do7a.com/up/get-1-2008-do7a_com_1332nkp1.jpg (http://www.do7a.com/up)

http://www.do7a.com/up/get-1-2008-do7a_com_0mm3at3n.jpg (http://www.do7a.com/up)

http://www.do7a.com/up/get-1-2008-do7a_com_enqzy5pw.jpg (http://www.do7a.com/up)

http://www.do7a.com/up/get-1-2008-do7a_com_qq4yu7xu.jpg (http://www.do7a.com/up)

http://www.do7a.com/up/get-1-2008-do7a_com_91wwkmxu.jpg (http://www.do7a.com/up)

http://www.do7a.com/up/get-1-2008-do7a_com_9jwjcz8r.jpg (http://www.do7a.com/up)

http://www.do7a.com/up/get-1-2008-do7a_com_3bz8215m.jpg (http://www.do7a.com/up)

[العلي]

كلمه شكر لاتكفي
لصاحب السمو الشيخ محمد بن راشد ال مكتوم

[سعود ناصر]

إماراتي شكراً على الإضافة

[بويوسف]

اشكركم على المرور والله يخلف علينا والله في حياتي ماشفت اهل قطر يتذمرون وساخطين بالهطريقة في كل منطقة ماتدش مجلس الا والكل يشكي ويدعي

لا اخوي سعود ليش يتذمرون .. عيب عليهم مايصير .. صدقني اللي يتذمر عشان نفسه غلطان احنا ياخوي سعود نتذمر عشان المواطنين الي مالاقيين بيوت يسكنون فيها.. وقاعدين ينذلون في بلادهم.

الحمدلله اللي عنده بيت كبير وبيت دافي لازم يفكر في اهله والناس المحتاجة مانكون نفسي نفسي وخلاص.

اخوي سعود سمعت ام عيسى؟ وبوفرج

ادعوك تسمع وطني الحبيب بتاريخ امس وبتعرف احنا ليش تنذمر.

[الجهه مجهولة]

لا اخوي سعود ليش يتذمرون .. عيب عليهم مايصير .. صدقني اللي يتذمر عشان نفسه غلطان احنا ياخوي سعود نتذمر عشان المواطنين الي مالاقيين بيوت يسكنون فيها.. وقاعدين ينذلون في بلادهم.

الحمدلله اللي عنده بيت كبير وبيت دافي لازم يفكر في اهله والناس المحتاجة مانكون نفسي نفسي وخلاص.

اخوي سعود سمعت ام عيسى؟ وبوفرج

ادعوك تسمع وطني الحبيب بتاريخ امس وبتعرف احنا ليش تنذمر.

اخوي بويوسف كم ام عيسى عندنا وكم بوفرج وكم وكم وكم

وغيرهم ماقدر يتكلم

وغيرهم غاص بعبرته

وغيرهم مايمسي ليله يحاتي شلون ايريق عياله الصبح او يعطيهم مصروف المدرسه

وغيرهم ... وغيرهم ... وغيرهم

الى متى وخير بلادنا مغطي مشرق الارض الى مغربها ومايشم ريحته هالشعب الطيب

بس ظنك الى متى ساكت الشعب ؟؟؟

صدقني القهر شين :anger2:

اللهم اكفنا غلبة الدين ,‘,‘,‘ وقهر الرجال

وكلها اجتمعت في هل قطر

[الجهه مجهولة]

استغفر الله العظيم

ليت يستنسخون عندنا واحد مثلك يا بوراشد (( وانا اقول استغفر الله )) لاحد يطلعلي فيها

يحب شعبه ومومقصر معاهم بشي

لكن من كان خاله زايد (( الله يرحمه )) لابد يسوي الي انت سويته

الله يخليك حق شعبك

ولو انك اكم شبتسوي ؟؟؟؟؟؟

[AL-ZAINA]

كفووو عليهم اهل الكرم والله يهنيهم بحكامهم ويهني حكامهم بشعب يطلب لهم في كل ركعه وسجده

:weeping::weeping:

[الصيـاد]

محمد بن راشد

شخص نادر

يجب الا نجعل الشعب ينتظر

وينهم يتعلمون

ببساطة همة شعبة

[ســـهم]

جزاه الله خيرا

والله يجعله من ولاة الأمور الصالحين ..

[الدوحي7]

جزاه الله خيرا

والله يجعله من ولاة الأمور الصالحين ..

اميييييييييييييييييين،

[جلمود]

جزاه الله خير

ياما واحد فك كربته الحين

[على قد حالها]

فعلا رجل في زمن كثروا فيه اشباه الرجال...
اللي عندنا اكيد وصلهم الخبر ياترا ماستحوا وقالوا بنسوي نفسه !!!!!!!!!!!!!!

[alsahm 12]

كم اقدر هذا الرجل واحترمه .

[koko33]

40000 اربعين الف وحده سكنيه(فله) للمواطنيين في خلال 4 سنوات هذا في الامارات
8900 طلب مسكن شعبي وبيتحولون على البنك وشوف كم يبي لها الاجراءات لحد ما يتم الموافقة عليها يعني من 8 الى 12 سنه والله يعين المواطن الي ساكن بالأيجار هذا في قطر

[شاهيناز]

مو غريبه على
شعب زايد تعلموا من زايد كل العلوم الطيبه
الاماراتين شعب قلبه طيب
جذيه الله منعم عليهم بالخير
الله يبعد عنهم كل شر

احترم كثير الشيخ محمد انسان متواضع ويحب شعبه

[سعود ناصر]

اهل الإمارات يستاهلون مايعرفون الحسد ولا النحاسة

[حبر سري]

استغفر الله العظيم

ليت يستنسخون عندنا واحد مثلك يا بوراشد (( وانا اقول استغفر الله )) لاحد يطلعلي فيها

يحب شعبه ومومقصر معاهم بشي

لكن من كان خاله زايد (( الله يرحمه )) لابد يسوي الي انت سويته

الله يخليك حق شعبك

ولو انك اكم شبتسوي ؟؟؟؟؟؟

اخوي محنا محتاجين لا استنساخ ولا غيره

احنا عندنا بو مشعل

[الدوحه 2007]

الله يزيدهم و يبارك لهم ... ونحذو حذوهم

[porsche]

انسان غير عادي ,انسان كله طاقه ونشاط,كريم جداً وفي نفس الوقت حازم جداً,شخصيه نادره

[hich]

40000 اربعين الف وحده سكنيه(فله) للمواطنيين في خلال 4 سنوات هذا في الامارات
8900 طلب مسكن شعبي وبيتحولون على البنك وشوف كم يبي لها الاجراءات لحد ما يتم الموافقة عليها يعني من 8 الى 12 سنه والله يعين المواطن الي ساكن بالأيجار هذا في قطر

قلوب تنفطر
ايدي ترتفع الى السماء وتدعي
اللسن منافقه تنربط وتسكت

ويعم الصمت..........................فهل ياترى من عاصفة

[nasser2244]

:eek3::eek3::eek3:

[حبر سري]

انسان غير عادي ,انسان كله طاقه ونشاط,كريم جداً وفي نفس الوقت حازم جداً,شخصيه نادره

اعتبر كلامك لغز وجوابه :
بومشعل

[ANONYMOUS]

بغض النظر توفير الاسكان..

بشكل عام


احترم هالشخصيه جدا..

مشالله عليه بوراشد..

[برنس قطر]

كلمة وحده بس الي ماافيه خير في شعبه مااافيه خير في نفسه والله يخلي النا بومشعل هو قايد مسيرتنا وبارك في ذريته انشالله

[بوحارب]

وأصدر سموه توجيهاته لمعالى وزير الدولة لشؤون المالية والصناعة بتخصيص مبلغ 15 مليار درهم / خمسة عشر مليار درهم / لتنفيذ مشروع الفلل للمواطنين علي ان ينجز خلال ثلاث الي اربع سنوات .


حظهم شركات المقاولات بيربحون من هذي المشاريع:eek5::eek5:

افكر افتح شركة في هذي الفترة في الأمارات

يمكن ترسي علي المناقصة:D:D

ع العموم جزاه الخير :victory:

وعقبال عندنا في قطر:rolleyes2::rolleyes2:

شكرا لراعي الموضوع:cool:

[Emarati]

بالنسبة للتعديل الوزراي
احتمال كبير يكون بتغير وزيرة الإقتصاد ووزير التربية والتعليم

[kitmat]

وايد يعجبني أحسة نسخة ثانية من الشيخ زايد الله يرحمه

[بدور]

سبحان الله على شيوخ الامارات وخاصة الشيخ زايد وعياله والشيخ محمد بن راشد

الكل يدعي لهم ويبارك لهم ويشكر فيهم على عدلهم لشعبهم ورحمتهم وتوفير

الامن والامان والمأوى والمعيشه المحترمه الله يحفظهم ويحفظ الامارات وشيوخها وشعبها

ابن آدم اول ماينحط في قبره سيحاسب عن اعماله وظلمه وخاصة لو كان مسئول يا ويله من عذاب القبر والآخره

[سعود ناصر]

اشكر الجميع على المرور

[فهد الخاطر]

هناك شائعات في دولة الامارات بان محمد العبار رئيس شركة اعمار سيتسلم وزارة الاقتصاد والتجارة

[Index Signal]

بغض النظر توفير الاسكان..

بشكل عام


احترم هالشخصيه جدا..

مشالله عليه بوراشد..

ردك جميل و لكنّك بالغت في التشبيه..!! :p

[شامخ قطر]

جزاه الله خيرا

[بولينجر]

الله يهنيهم...