ابي اركب تلفزيون بسيارتي ؟؟؟

[سهم قطر]

عندي سيارة سوبربان وابي اركب فيها حق اليهال شاشة ديفي دي
وين احسن مكان يركبها
وشنو احسن نوع
وجم اسعارها

وهل تنصحوني فيها ولا لا

وشكرررراااا

[سهم قطر]

افا مافي حد عنده فكره عن الموضوع

[الدوحي7]

والله يابوفلان ماعرف بس اعتقد في محل عند اشاره الغرافه الى في الوسط عندها محل يمكن عنده،،ونصيحتي ركب حق لعيال بس مب اي فلم تحطه لهم،،يعطيك العافيه،،

[مستثمر 999]

روح محل اسمه اعتقد............ مقابل حلويات الجبري قريب من شركة الفهد ( موزع للمرسيدس ) لان الوكاله تتعامل معاهم

[سهم قطر]

up up

[الفهد1]

اللة لا يهينك الراتب قرب والربيع قرب عليك بالحسا في محل ناسي اسمة بس روح شارع الكهر بجية واسال عنة تراة معروف وانا مركب عندة 1400 ريال مع الظمان وشغلة بصراحة ممتاز كانة من الوكالة وابتعد عن استغلال الاسعار في الدوحة وهذي نصيحتي وانت كيفك واسمحلي على المداخلة

[aziz92]

تبي نصيحة مجرب

اخوي ترى ركبت dvd للسيارة برفيق بن محمود وقام يطلع اصوات لين رحت لمحطة البترول الي جنب لاندمارك والله الشباب ما عليهم كلام ركب عندهم ويعرفون شغلهم عدل ورفيقي ركب عندهم لليوكن وما شتكى من اي شي في واحد سوداني هناك خدوم ويساعد واسعارهم رخيصة مقارنة بالمحلات الثانية

بالنسبة للسعر انا شريتو من دبي الاسعار تفرق كثير
من دبي ب 700 ريال وهني بالدوحة 2500 ريال

هي الي صار معي وسلامتك

[nass3r]

مثل ماقال اخوي الدوحي عند اشارات الغرافه محل ((صدى الصوت))

والصراح اذا تبي رأي تركيب الشاشه شي حلو خاصة لليهال يتونسون شوي وكثر لهم من اشرطة الكرتون

وبتوفيق انشالله

[almalki2]

انا اقولك روح عند الجيلاني اسم الهندي المسؤول في المحل مقابل مطعم وحلويات الجبري جنب معرض فهد للسيارات (مرسيدس) تركيبهم ممتاز وعندهم خبره + الضمان

[الرائـد]

مرحبا الشيخ
انا عندي يوكن وبصراحه لما قريت موضوعك عجبتني الفكره وقريت ردود الشباب وعجبتني الروحه للحساء ورحت ورديت حصلتهم في الشارع الملكي عقب القيصريه وركبته (1250) فيه دفي دي ومموري كارد وفلاش مموري وتلفزيون وفيه موصفات حلوه شاشه 11 متحركه وضمان سنتين وتركيبه استغرق ساعه وشي والصوت على الرادو بس حلو سعره وصناعته صيني اسم شركته فالكون .
انت شوف المحلات الي قالوا عنها الشباب في الدوحه وقارنها بهالي انا ركبته وشوف الي يعجبك
تحياتي ,,,,,

[الدوحي7]

مرحبا الشيخ
انا عندي يوكن وبصراحه لما قريت موضوعك عجبتني الفكره وقريت ردود الشباب وعجبتني الروحه للحساء ورحت ورديت حصلتهم في الشارع الملكي عقب القيصريه وركبته (1250) فيه دفي دي ومموري كارد وفلاش مموري وتلفزيون وفيه موصفات حلوه شاشه 11 متحركه وضمان سنتين وتركيبه استغرق ساعه وشي والصوت على الرادو بس حلو سعره وصناعته صيني اسم شركته فالكون .
انت شوف المحلات الي قالوا عنها الشباب في الدوحه وقارنها بهالي انا ركبته وشوف الي يعجبك
تحياتي ,,,,,


والله خطير انت،، وشكلي بركب لي ،، يصير اركب مكان المسجل في التويوتا،،

[hilal20]

خطير جدا

[الرائـد]

هلا والله اخوي الدوحي 7 بالنسبه للامريكي السعوديه متخصصين فيه بس التويوتا عليك بصدى الصوت الي في الغرافه ولا دبي احسن لك وشغل عدل خصوصا انك بتركب في مكان حساس قريب من المكيف والوايرات والي بتركبه لازم يكون قياس مضبوط علشان الديكور وعلشان شكله يطلع حلو .,,

وبالتوفيق ,,

[الدوحي7]

هلا والله اخوي الدوحي 7 بالنسبه للامريكي السعوديه متخصصين فيه بس التويوتا عليك بصدى الصوت الي في الغرافه ولا دبي احسن لك وشغل عدل خصوصا انك بتركب في مكان حساس قريب من المكيف والوايرات والي بتركبه لازم يكون قياس مضبوط علشان الديكور وعلشان شكله يطلع حلو .,,

وبالتوفيق ,,

يعطيك العافيه والله،، وشكلي بوديه الامارات او السعوديه ارخص،، بس يخلص تمرينه ان شاء الله،،

[الرائـد]

بالتوفيق ,,,

[سهم قطر]

مرحبا الشيخ
انا عندي يوكن وبصراحه لما قريت موضوعك عجبتني الفكره وقريت ردود الشباب وعجبتني الروحه للحساء ورحت ورديت حصلتهم في الشارع الملكي عقب القيصريه وركبته (1250) فيه دفي دي ومموري كارد وفلاش مموري وتلفزيون وفيه موصفات حلوه شاشه 11 متحركه وضمان سنتين وتركيبه استغرق ساعه وشي والصوت على الرادو بس حلو سعره وصناعته صيني اسم شركته فالكون .
انت شوف المحلات الي قالوا عنها الشباب في الدوحه وقارنها بهالي انا ركبته وشوف الي يعجبك
تحياتي ,,,,,

عجيب انت ماعندك وقت
بس ناقص اسم المحل ماقلت لنا عنه

والشكررررر للجميع

[الرائـد]

عجيب انت ماعندك وقت
بس ناقص اسم المحل ماقلت لنا عنه

والشكررررر للجميع

والله ماذكر اسم المحل تدري مانتبهت بس هو واضح مكانه وانت طالع من القيصريه فيه اشاره بتكون في اول الشارع الملكي اول ماتعديها يمكن ب300 متر بيكون على يمينك محلين احذا بعض عندهم اشكال وايد ..

[GPC]

مرحبا الشيخ
انا مركب واحد كوري 10 انش متحرك والصوت على Fm بظمان سنه كلفته 2100 ريال
محل اسمه موسيقى السيارات مقابل مطعم الجابري عند دوار سنا وشغلهم عدل وترى الكوري أفظل من الصيني

[طاير]

يا شباب صدى الصوت سعرهم غالي !! انا رحت لهم لما كنت ابي اركب لسيارتي القديمه ..

الحين ابي اركب للفيكسار ان شاء الله مادري عن اسعارهم !
بس الأخ ( رائد ) شكل اللي ركبه مميز بس ما فمت على الراديو ؟

يعني يشتغل على الراديو والا يشتغل بروحه !!

انا ابيه يشتغل بنفسه ...
والفلاش والميموري شسالفتهم !

[بوحارب]

والله يابوفلان ماعرف بس اعتقد في محل عند اشاره الغرافه الى في الوسط عندها محل يمكن عنده،،ونصيحتي ركب حق لعيال بس مب اي فلم تحطه لهم،،يعطيك العافيه،،

:nice::nice::nice:

انا أخوي ركب عندهم وشغلهم نظيف:eek5:

بالتوفيق أخوي:)

[الرائـد]

يا شباب صدى الصوت سعرهم غالي !! انا رحت لهم لما كنت ابي اركب لسيارتي القديمه ..

الحين ابي اركب للفيكسار ان شاء الله مادري عن اسعارهم !
بس الأخ ( رائد ) شكل اللي ركبه مميز بس ما فمت على الراديو ؟

يعني يشتغل على الراديو والا يشتغل بروحه !!

انا ابيه يشتغل بنفسه ...
والفلاش والميموري شسالفتهم !

مرحبا الشيخ صدى الصوت صح سعرهم وايد غالي وانا لما قلت على الرادو اقصد ان الديفيدي يشتغل بروحه ماله خص بالمسجل واذا تبي تسمع الصوت تشغل الرادو وتسوي بحث وهويصيد الصوت على موجه معينه وبالنسبه للمموري فيه مكان حق المموري حق التلفوت تقدر تركب مموري التلفون فيه وتشوف اي شي تبي موجود على المموري وبالنسبه للفلاش مموري نفس الشي لو عليه افلام او مقاطع بعد في مكان تركب الفلاش مموري وتشوف الي فيه وهالنوع من الديفيدي توه يقول راعي المحل نازل
اتمنى اكون فدتكم بشي بالتوفيق للجميع ,,,,

[طاير]

بيض الله وجهك يا الرائد ..
كفيت ووفيت :)

[nym]

والله اعتقد احسن واحد كهربائي مقابل جبري عند دوار الفولكس واجن
فنان وقدبم وعنده خبره وبعدبن للضمان قريب في الدوحه

[طاير]

والله اعتقد احسن واحد كهربائي مقابل جبري عند دوار الفولكس واجن
فنان وقدبم وعنده خبره وبعدبن للضمان قريب في الدوحه

اذا ما خاب ظني هو اللي قريب من مكتب الاصايل للخدمات !!

دايما اخلص لي معاملات في مكتب الأصايل واشوف الناس زحمه عليه وباين عليهم احترافيين بس أسعارهم ما دري عنهم :)

[alkoos]

اذا بتركب ركب عند المحل الي صوب شركة الفهد للسيارات مرسيدس هو ارخص من الي في الغرافه ولاند مارك

[عـيـون قـطـر]

عندي سيارة سوبربان وابي اركب فيها حق اليهال شاشة ديفي دي
وين احسن مكان يركبها
وشنو احسن نوع
وجم اسعارها

وهل تنصحوني فيها ولا لا

وشكرررراااا


اخوي روح محل اسمه اعتقد............ مقابل حلويات الجبري قريب من شركة الفهد
( موزع للمرسيدس ) لان الوكاله تتعامل معاهم لأن اشترينا كدلك والشركه طرشونا عند نفس المحل

[سهم قطر]

اشكر جميع الاخوان على المساعده

انا شفت جميع المحلات اللي قال عنها الاخوان حتى اللي في السعوديه
وانا شفت افضلهم المحل اللي مقابل حلويات جبري واسمه ( موسيقى السيارات )
وركبت عنده نوع كوري ممتاز بسعر 2000 ريال

ارجوا للجميع الفائده

[nym]

الشيخ انا توتي مركب للتاهو من شهر عتد المحل الي مقابل جبري الصراحه شغله نظيف

[سهم طايش]

محل اسمه موسيقى السيارات مقابل جبري جنب شركة الفهد هو الافضل و تركيبه ممتاز و عليه ضمان

انصحك بالصناعه الكوريه و ابتعد عن الصيني

[Qtri]

شوف في دبي اشكال والوان روح دبي او اي احد يقدر يشتريه وانصحك بالياباني الصيني والكوري والسنغفوري مب شي خذ ياباني اصلي ابوشاشه كبيره الرزليوشن فيه عالي

[سارى الليل]

اللة لا يهينك الراتب قرب والربيع قرب عليك بالحسا في محل ناسي اسمة بس روح شارع الكهر بجية واسال عنة تراة معروف وانا مركب عندة 1400 ريال مع الظمان وشغلة بصراحة ممتاز كانة من الوكالة وابتعد عن استغلال الاسعار في الدوحة وهذي نصيحتي وانت كيفك واسمحلي على المداخلة

المحل اسمة العواد

[سفير الدوحة]

محلات صدى الصوت في الغرافة
بس أسعاره غاليه لكن على المضمون

[الفارس111]

اخوي انا مركب في كراسي البورش في السعودية وشغلهم وايد نظيف والمحل في شارع الملك واسمه سفاري واهو احسن واحد مختص في الشاشات ولك تحياتي