هل من علاج للإكزيما ..؟

[فارس الكلمة]

قريبي مصاب بالإكزيما على جلد ظهر قدمه و على ركبتيه ..

استخدم الكثير من الكريمات .. و العلاج ..لكن دون فائدة ..؟

هل من نصيحة..؟

[miss-qatr]

اللي اعرفه ياخوي ان الاكزيما علاجها بمعرفه السبب....


يعني وشو اللي يهيجها؟؟؟ مثلا في ناس لين كلو شي معين تزيد عندهم


بس فيه كريمات كثيره واغلب الناس اتزيد عنهم بالشتا بسبب الجفاف فخله يشوف دكتور واهو بيوصف له ادوية تعالج واترطب


مايشوف شر

[خشوف]

استخدم ماي البحر ورش المكان الي به


وجيب الغراش الي حق الرش وحط فيها خل تفاح بياله + بيالتين ماء ورش على كل مكان تعاني منه

وهذا الكلام منقول الي بالاحمر

دواااااااااااااااااء للأ كزيمــــــــــــــــــــــــا: 32:

علبة فازلين صغيره + علبة صغيرة زيت النارجيل < براشوت>

نخلط العلبتين جيدااااا وتوضع في الثلا جةويدهن مكان الأ كزيما طبعا بعد الحمام

خلال اسبوع او اقل سترون النتيجة لأ ني مجربتنها علي اولادي ونفعت معاهم.

بالشفـــــــــاء ان شــــــــا ء الله

[لجين]

حسب علمي ان الاكزيما انواع

وبعضها يتم فترة طويييلة حتى مع العلاج

نصيحتي له انه يستمر في العلاج عشان ماتزيد الاكزيما

ولا باس عليه

[الـدانـه]

السلام عليكم


هالنوع من الاكزيما منتشر وبالذات للي بشرتهم جافه ويزيد بالشتا


علاجه اخوي فارس وبشكل اكيد هو شرب الماء بكثره ولاحظ بالشتا يقل شرب المصابين بالسوائل


فتنتشر الاكزيما بشكل ملحوظ باجسامهم


ويبتعد عن الاكل الي يهيج الحساسيه مثل : البطاطس والاكل الي فيه بهارات وملح بكثره والمياه الغازيه


واذا استحم مايستعمل الشامبو ابدآ والصابون الخاص بالاكزيما الي مايحتوي على مواد معطره (على الاقل طول مدة العلاج )

وفيه 3 انواع من الادويه لهالنوع من ا لأكزيما : eumovate _ pommade ( هذا مرهم لون علبته وردي )



( aerius (150m
l (شراب خمس ملي بالمسا مره وحده باليوم)

vaselin_ skin_care ( هذا النوع من الفازلين مخفف تلقاه حتى بالمراكز الصحيه لانه ضروري

يترطب الجلد على طول اثناء فترة العلاج )

وافضل دكتور جلد دكتور غازي بمجمع المنصور الطبي

اتمنى اكون ساعدتك

والله يشافيه يارب

[الـدانـه]

استخدم ماي البحر ورش المكان الي به


وجيب الغراش الي حق الرش وحط فيها خل تفاح بياله + بيالتين ماء ورش على كل مكان تعاني منه

وهذا الكلام منقول الي بالاحمر

دواااااااااااااااااء للأ كزيمــــــــــــــــــــــــا: 32:

علبة فازلين صغيره + علبة صغيرة زيت النارجيل < براشوت>

نخلط العلبتين جيدااااا وتوضع في الثلا جةويدهن مكان الأ كزيما طبعا بعد الحمام

خلال اسبوع او اقل سترون النتيجة لأ ني مجربتنها علي اولادي ونفعت معاهم.

بالشفـــــــــاء ان شــــــــا ء الله



لا لا اختي ماي البحر يجفف الجلد وهالنوع من الاكزيما اصلآ ماتجي الا للي نوع جلدهم

جاف والخل هذا خطر لان الاكزيما عادة مع الهرش تكون التقرحات شبه مفتوحه فتتشرب

بالخل ممكن تحرق الجلد او تأزم الحاله اكثر


ممكن الخل وماي البحر للتعقيم اما كعلاج ما اظن

[lalamar]

قريبي مصاب بالإكزيما على جلد ظهر قدمه و على ركبتيه ..

استخدم الكثير من الكريمات .. و العلاج ..لكن دون فائدة ..؟

هل من نصيحة..؟

كل مالواحد يكبر تروح الاكزيما

وحتى لو ما راحت تكون اخف من اول بكثير

وحسب علمي ان مالها علاج . . بس في كريمات ومراهم تخفف الحساسيه

[ورقــة أمــل]

استخدم زيت الزيتون مع زيت حبة البركة مرتين او ثلاث يوميا لحد ما تروح الاكزيما

واذا تبي علاج بالاعشاب مر سوق واقف عند العطارين وهم يوصفونك لك علاج

[lalamar]

واحب اضيف ان العيادة اللي مستشفى الجيش ممتازة كل الناس يروحون لها ويمدحونها
بس باقولك ترا مب زين كثرة الكريمات وخاصة الكرتيزون

[..الاميرة..]

هذه الامراااض الجلديه المفروض عرض المريض على دكتور أمراض جلديه على طول ..

وبعدين عندك اخوي عيااادة الدوحه قسم الامراااض الجلده بصرااحه اختي حصل معاااهاا اكزيماا بسيطة في يدهاا فوديتهاا عيااادة الدوحه ..
وصف لهااا مراهم وحبوب فيتاامين وكتب لهااا لسته عن بعض الاكلات إلي مفروض تبتعد عنهااا .. وتشااافت منهااا الحمد الله خلال 4 ايااام ..

وسلامة قريبك مااايشوف شر إن شاااء الله ..

[زعيم الريان]

السلام عليكم ورحمة الله وبركاته

فعلا" مادة الكورتيزون ما ينصح بستعمالها مده طويله عندي واحد اعرفه كان يحط كريم فيه كورتيزون تدري لون الجلد راح المهم سمع نصيحة واحد جزاه الله خير بدهن المناطق المتأثره با العسل الطبيعي طبعا" والحمد الله احسن بواجد حتى انها اختفت سبحان الله العسل مافيه اي مواد مضره والنتيجه تشوفها من السبوع الأول ولا تنسى الدعاء

[auto body]

الله يشفيه من كل مكروه

[lule]

اخوي خله يروح حق دكتور جلد ويتابع معاه العلاج ... بتروح منه ان شاء الله اذا التزم بالعلاج .. ما ينفع يبتدي ويوقف فجأة عنه .. وهالنوع يبيله صبر ...

[فارس الكلمة]

Miss Qatar

شكراً لهذه المداخلة .. و جميل المناصحة ..

تم عرضة على أكثر من دكتور .. لكن دون فائدة ..

تحية صادقة لك ..

^^^^^^^^^^^^^^^^^^^^^

[فارس الكلمة]

خشوف ..

نحية لمشاركتك ..

بالفعل البحر دواء لكثير من الامراض الجلدية .. لكن لا أدري إن كان ينفع للإكزيما ..

سعدت بمداخلتك
^^^^^^^^^^^^^^^

[فارس الكلمة]

لجين ..

بارك الله فيك على هذه المناصحة .. و سوف نعرضه على طبيب آخر ..

تقبلي تقديري لمشاركتك ..
^^^^^^^^^^^^^^

[فارس الكلمة]

الدانة ..

تحية جميلة لمرورك .. و مداخلتك الطيبة ..

نصائح هامة .. و روشتة إن شاء الله فيها الفائدة ..

يبدو عليك مطلعة في هذا الجانب .. شفا الله المسلمين من كل مكروه ..

[فارس الكلمة]

lalamar

تحياتي لك .. و لمشاركتك الحلوة ..

شكرا على هذه النصيحة ..