المساعد الشخصي الرقمي

مشاهدة النسخة كاملة : معاً من أجل قطر خالية من حجاب بو نفخة


وطن
19-01-2008, 12:24 PM
موضوع شفته في الفليكر
وأعجبني

ونقلته لكم




http://www.saifqatar.net/files/5/7jaaaab.jpg





عن النبي صلى الله عليه وسلم أنه قال : ((صنفان من أهل النار لم أرهما قوم معهم سياط كأذناب البقر يضربون بها الناس ونساء كاسيات عاريات مميلات مائلات رؤوسهن كأسنمة البخت المائلة لا يدخلن الجنة ولا يجدن ريحها))

وقوله صلى الله عليه وسلم : ((رؤوسهن كأسنمة البخت المائلة))
قال أهل العلم : إنهن يعظمن الرؤوس بما يجعلن عليها من شعر ولفائف وغير ذلك ، حتى تكون مثل أسنمة البخت المائلة ، والبخت نوع من الإبل لها سنامان ، بينهما شيء من الانخفاض والميلان ، هذا مائل إلى جهة وهذا مائل إلى جهة ، فهؤلاء النسوة لما عظمن رءوسهن وكبرن رءوسهن بما جعلن عليها أشبهن هذه الأسنمة .

الظاهر في تحدي بين البنات من راسها اكبر.. والله ترا اشكالهم مب حلوه

الله يهدي الجميع

اللي تبي تشارك في الحملة تحط هالصورة في فلكرها..

------------------------------





وأنا اقول اللي يبي يشارك في هالحملة ينشر هالكلام
والله يهدي بناتنا وجميع بنات المسلمين
الزاجل
19-01-2008, 12:26 PM
زين والله

هو سؤال بسئله ..

اللحين لو هذيلا ما سووا جذيه
اشلون بينطبق كلام رسولنا الكريم عن علامات الساعة الصغرى ؟
miss-qatr
19-01-2008, 12:28 PM
:ok::ok::ok::ok:



يعطيك العاااااافيه وطن



معاً ضد المخلوقات الفضائيه
ANONYMOUS
19-01-2008, 12:29 PM
لاتتزوجونها..

دعوها تخيس

:)
وطن
19-01-2008, 12:30 PM
زين والله

هو سؤال بسئله ..

اللحين لو هذيلا ما سووا جذيه
اشلون بينطبق كلام رسولنا الكريم عن علامات الساعة الصغرى ؟

كلام الرسول بينطبق أكيد شي لا محاله
مافي هالموضوع نقاش

بس احنا نحاول نهدي البنات اللي يسوون جذي







:ok::ok::ok::ok:



يعطيك العاااااافيه وطن




معاً ضد المخلوقات الفضائيه


ايه والله صادقه مخلوقات فضائية
الله يهديهم





لاتتزوجونها..

دعوها تخيس

:)

هاهاهاهاهاهاهاها
قطري في لندن
19-01-2008, 12:32 PM
يعني هاي الشي حرام ولا شسالفه

معا ضد الجنز للحريم


يعطيج العافيه وطن
ورقــة أمــل
19-01-2008, 12:33 PM
هاهاهاهاهاها


نيهاهاهاها
شيزكيك
19-01-2008, 12:34 PM
هم عبالهم فله وسمعت يحطون علب روب في شعرهم علشان تكبر النفخه
الزاجل
19-01-2008, 12:34 PM
خلاص
على قولة شنهو شسمه
خلوها تخيس حتى تتعفن ..

كل واحد يراقب بيته قبل ما يخيس بضايع الناس ..

ميرسي وطن
قطري في لندن
19-01-2008, 12:35 PM
:
هم عبالهم فله وسمعت يحطون علب روب في شعرهم علشان تكبر النفخه


شدعوه :eek5: :eek5:
قطري في لندن
19-01-2008, 12:36 PM
خلاص
على قولة شنهو شسمه
خلوها تخيس حتى تتعفن ..

كل واحد يراقب بيته قبل ما يخيس بضايع الناس ..

ميرسي وطن


:nice: :nice: :nice:
وطن
19-01-2008, 12:37 PM
يعني هاي الشي حرام ولا شسالفه

معا ضد الجنز للحريم


يعطيج العافيه وطن

:anger2:

ذابحكم هالجينز
لا تغير السالفة
احنا في الحجاب الحين

:fight:



الله يعافيك اخوي


هاهاهاهاهاها


نيهاهاهاها

:whistling:



هم عبالهم فله وسمعت يحطون علب روب في شعرهم علشان تكبر النفخه

صح علبة الروب سالفتها انتشرت في الايميلات
هاهاهاهاهاها

الغالب انهم يستخدمون كليبس للشعر يكون كبير وايد !!





خلاص
على قولة شنهو شسمه
خلوها تخيس حتى تتعفن ..

كل واحد يراقب بيته قبل ما يخيس بضايع الناس ..

ميرسي وطن

:nice:
ورقــة أمــل
19-01-2008, 12:38 PM
هم عبالهم فله وسمعت يحطون علب روب في شعرهم علشان تكبر النفخه

يمكن مسوية كبابة :eek5:
سهم طايش
19-01-2008, 12:38 PM
هم عبالهم فله وسمعت يحطون علب روب في شعرهم علشان تكبر النفخه

هههههههههههههههههه قلبوا الحجاب ثلاجه
قطري في لندن
19-01-2008, 12:40 PM
وطن الجنز والحجاب لي اتقولون عنه واحد

لي تبونه اتحللونه ولي مو عاجبكم اتتحرمونه مايصير
ريميه
19-01-2008, 12:42 PM
مشكووورة اختى وطن

والله يجزاج كل خير

والصراحة هذه الظاهرة تفشت بين البنات بصورة كبيرة

الله يهديهم انا حاولت انصح كذا وحده حتى امهاتهم طلبت منهم

ينتبهون لبناتهم وانهم مسؤولات امام الله عنهم .

والله حرام الوحده تبيع اخرتها بالدنيا

نسأل الله الهداية للجميع
ورقــة أمــل
19-01-2008, 12:43 PM
وطن الجنز والحجاب لي اتقولون عنه واحد

لي تبونه اتحللونه ولي مو عاجبكم اتتحرمونه مايصير


شفيه الجنز :sneaky:

اذا العباية مسكرة ومغطية الجسم مافيها شي :whistling:
وطن
19-01-2008, 12:45 PM
تسلمون على مروركم ومشاركتكم

وأتمنى ان تعم التوعية بخصوص الحجاب بو نفخه





وبخصوص الجينز
يا جماعة ما نبي ندخل في مواضيع فرعية في هالموضوع

التركيز هني عن الحجاب بو نفخه

ياريت ما نغير مسار موضوعنا

والله يعطيكم العافية

:)
سهم طايش
19-01-2008, 12:45 PM
و الله هالايام تطلع لنا اشياء يشيب لها الراس مدري شعاجبهم في هالبقشة اللي حاطينها فوق راسهم كأنهم مطايا

مدري شلون يفكرون هالاجيال الولد يطول شعره لي نص ظهره و البنت تحط قواطي روب فوق راسها

استخفوا و اقعدوا
miss-qatr
19-01-2008, 12:45 PM
شفيه الجنز :sneaky:

اذا العباية مسكرة ومغطية الجسم مافيها شي :whistling:

:app2::app2::app2::app2:
بدور
19-01-2008, 12:48 PM
وطن موضوع رائع للنقاش

الله يهدي البنات ويصلحهم المنظر مقزز وحنا بنات نشوف هالمنظر

وشلون حال الرجال وهم يشوفون هالنفاخه
أم ريليه
19-01-2008, 12:48 PM
السلام عليكم ,,,,,,,بس المذكور في الحديث ربط الكاسيات العاريات بهالأمر يعني ماله علاقة اذا المحجبة سوت هالشي ؟؟؟؟؟؟؟؟:nice:
ANONYMOUS
19-01-2008, 12:48 PM
اضافه
قطري في لندن
19-01-2008, 12:48 PM
انزين وطن القبشه حرم ولا
وطن
19-01-2008, 12:48 PM
و الله هالايام تطلع لنا اشياء يشيب لها الراس مدري شعاجبهم في هالبقشة اللي حاطينها فوق راسهم كأنهم مطايا

مدري شلون يفكرون هالاجيال الولد يطول شعره لي نص ظهره و البنت تحط قواطي روب فوق راسها

استخفوا و اقعدوا

:victory::victory::victory:
Breakaway
19-01-2008, 12:50 PM
تقول عندهم عيب خلقي في جماجمهم!
وطن
19-01-2008, 12:50 PM
وطن موضوع رائع للنقاش

الله يهدي البنات ويصلحهم المنظر مقزز وحنا بنات نشوف هالمنظر

وشلون حال الرجال وهم يشوفون هالنفاخه

ايه والله صاجه

احيان ابطل حلجي من الصدمة لين اشوفهم !!!




السلام عليكم ,,,,,,,بس المذكور في الحديث ربط الكاسيات العاريات بهالأمر يعني ماله علاقة اذا المحجبة سوت هالشي ؟؟؟؟؟؟؟؟:nice:

روسهن كأسنمة البخت المائلة

:confused:

ما قرأت هذا ؟





اضافه

تسلم ع الاضافة اخوي



انزين وطن القبشه حرم ولا

وشو ذي؟
وطن
19-01-2008, 12:51 PM
تقول عندهم عيب خلقي في جماجمهم!

http://bnl.samediff.net/covers/conehead.jpg

بالضبط

ومستوحى من الفيلم كون هيد
تايد
19-01-2008, 12:58 PM
مره شفت بنتين في المجمع الأولى حاطه برج عبد الغني في راسها

بجد شكلها مقزز :nea:

الثانيه نفختها صغيره شوي

يمكن المقاول ماكمل البنيان :con2:

وطـن

شكر وتقدير لشخصك
ذربة ألكلام
19-01-2008, 12:59 PM
موضوع مهم للنقاش .............

فقد يغفلن بناتنا عن هذا الامر

يضنون أنه شي في غاية (( الكشخه ))

ولكن الموضوع في غاية الخطوره ........

لا يدخلون الجنه ليس فقط عدم دخول الجنه بل لا يجدن ريحها ..

حتى ريح الجنه يحرمون منه ...

للأسف هذي ضاااهرة كبيره جدا جدا

يعجز لساني عن الوصف

وخصوصا في الجامعه

ربي يهديهم أنشالله


مالنا غير الدعاء لهم بالهدايه
الزاجل
19-01-2008, 01:01 PM
السلام عليكم ,,,,,,,بس المذكور في الحديث ربط الكاسيات العاريات بهالأمر يعني ماله علاقة اذا المحجبة سوت هالشي ؟؟؟؟؟؟؟؟:nice:

:eek2:
وطن
19-01-2008, 01:02 PM
مره شفت بنتين في المجمع الأولى حاطه برج عبد الغني في راسها

بجد شكلها مقزز :nea:

الثانيه نفختها صغيره شوي

يمكن المقاول ماكمل البنيان :con2:

وطـن

شكر وتقدير لشخصك



هاهاهاهاها
ايه والله ما كمل بنيان



موضوع مهم للنقاش .............

فقد يغفلن بناتنا عن هذا الامر

يضنون أنه شي في غاية (( الكشخه ))

ولكن الموضوع في غاية الخطوره ........

لا يدخلون الجنه ليس فقط عدم دخول الجنه بل لا يجدن ريحها ..

حتى ريح الجنه يحرمون منه ...

للأسف هذي ضاااهرة كبيره جدا جدا

يعجز لساني عن الوصف

وخصوصا في الجامعه

ربي يهديهم أنشالله


مالنا غير الدعاء لهم بالهدايه




شكرا على اضافتك
ذربة ألكلام
19-01-2008, 01:05 PM
السلام عليكم ,,,,,,,بس المذكور في الحديث ربط الكاسيات العاريات بهالأمر يعني ماله علاقة اذا المحجبة سوت هالشي ؟؟؟؟؟؟؟؟:nice:


اصلا بالعقل اذا المحجه سوت هذي الطريقه تلفت النظر

ومن شروط الحجاب أنه مايلفت النظر ولا ما صار حجاب ساتر ..


يعني الحديث مقصور للذ ين رؤسهن كأسنمه البخت المائله

ما أعتقد أن فيه أكثر من هذا الوضوح
سهم طايش
19-01-2008, 01:06 PM
http://www.mo7md.com/images/cartoon/today_2_313564_1_209.jpg?907
شمروخ
19-01-2008, 01:08 PM
حملة لا لأم راسين خخخخ
يسلموو وطن
وطن
19-01-2008, 01:20 PM
شكرا على اضافاتكم ومروركم
ورقــة أمــل
19-01-2008, 01:21 PM
http://www.mo7md.com/images/cartoon/today_2_313564_1_209.jpg?907

هههههههههههههههههه :eek2:
قطري في لندن
19-01-2008, 01:23 PM
ما يسوه عليهم صج قطعتوهم

صدقيني ياوطن بيدعون عليج
بنت الفيصل
19-01-2008, 01:23 PM
انا مع.........



معــــــــا قطر خالية من شباب بدون قذايل........... وحواجب.....محفوفة....
ورقــة أمــل
19-01-2008, 01:26 PM
انا مع.........



معــــــــا قطر خالية من شباب بدون قذايل........... وحواجب.....محفوفة....




:omg::omg::omg::omg:
وطن
19-01-2008, 01:30 PM
ما يسوه عليهم صج قطعتوهم

صدقيني ياوطن بيدعون عليج

معليه
ان شاء الله لنا الأجر

:thumbup:




انا مع.........



معــــــــا قطر خالية من شباب بدون قذايل........... وحواجب.....محفوفة....



:swoon2::swoon2:
اّل ثاني 77
19-01-2008, 01:36 PM
مره كنت راجع في الطيارة ولا أشوف وحدة راكبة معانا الطيارة وراسها منفوخ والله أول شئ حسبت أنها جاية من رحلة علاج ولا إلي معاي يقولي لا هذي موضة جديدة!!!! الحمدلله والشكر أول مرة أشوف وحدة كأنها (أراجوز) على قولة أخواننا المصريين.

تسلمين وطن على الموضوع ...........
وطن
19-01-2008, 01:40 PM
مره كنت راجع في الطيارة ولا أشوف وحدة راكبة معانا الطيارة وراسها منفوخ والله أول شئ حسبت أنها جاية من رحلة علاج ولا إلي معاي يقولي لا هذي موضة جديدة!!!! الحمدلله والشكر أول مرة أشوف وحدة كأنها (أراجوز) على قولة أخواننا المصريين.

تسلمين وطن على الموضوع ...........



الله يسلمك اخوي
حبر سري
19-01-2008, 01:42 PM
لاتتزوجونها..

دعوها تخيس

:)

:eek2:
ياخي دايما تعليقاتك تعجبني

وبعد لما حطيت الصورة اللي تحت اسمك , اكملت

الله يعطيك العافية

وشكرا لكاتب الموضوع
ANONYMOUS
19-01-2008, 01:52 PM
:eek2:
ياخي دايما تعليقاتك تعجبني

وبعد لما حطيت الصورة اللي تحت اسمك , اكملت

الله يعطيك العافية

وشكرا لكاتب الموضوع



حاضرين

ترى مارضى على الدوك غسان :playball:
وطن
19-01-2008, 02:02 PM
:eek2:
ياخي دايما تعليقاتك تعجبني

وبعد لما حطيت الصورة اللي تحت اسمك , اكملت

الله يعطيك العافية

وشكرا لكاتب الموضوع

شكرا على مرورك اخوي
الجهه مجهولة
19-01-2008, 02:13 PM
الله يجزاج كل خير

نصيحه مهمه جداً اسأل الله عز وجل ان يضعها في ميزان حسناتج

ونسأل الله لهم الهدايه في نفخة القارورة هذي

وان شاء الله تشوفين كل شي ستير

في زمان فيه المرأه المتسترة ,, يقولون عنها معقدة ورجعيه
شاهيناز
19-01-2008, 02:19 PM
تبين الصراحه زوردها

كنت ابي اعرف سر النفخه

عاد مره كنت في الصالون

جات وحده
تل على راسها
قلت يارب اعرف وش الي تحت هاالشيله

لما عطت راسها للكوافيره
وطاحت الشيله

شفت بكله كلها ورد من الحجم الكبير

ملتفه على الراس

الله يهداهم

مب حلوه ها التفخات
مخلين العالم يضحك عليهم

وجزاك الله خيرا على الموضوع
وطن
19-01-2008, 02:30 PM
شكرا على مروركم واضافتكم
امل الحب
19-01-2008, 02:53 PM
جزاااج الله خير خيتوووو وطن

اختي من فترة خذت قرار بنصح اي بنت اشوفها فالجامعة خاصة ان الحجاب صاير عندهم قطعة تنحط لااكثر ولاااقل ولاتغطي ولاشي

بس تعبنا من الكلام

مرة نصحت وحدة قالت لي مايخصج من الي بيروح النار انا والا انتي

ونسال الله لهم الهدااية ان شاء الله
khalid1975
19-01-2008, 02:56 PM
http://i39.piczo.com/view/3/b/e/5/e/0/x/a/2/v/q/h/img/i253674187_26829.jpg

http://i39.piczo.com/view/3/b/e/5/e/0/x/a/2/v/q/h/img/i253674760_15920.jpg


http://i39.piczo.com/view/3/b/e/5/e/0/x/a/2/v/q/h/img/i253674186_43890.jpg
مستثمره جديده
19-01-2008, 02:58 PM
الصراحه الله يهدي هالبنات اللي كل وحده حاطه لها جفير فوق راسها وتمشي فيه

قسم بالله شكلهم يضحك جنهم برج كيوتل يمشي على الارض ..

مره وحده كانت راكبه معانا في اسانسير المستشفى وكانت بقشتها رايحه على ورى مو

لفوووق الصراحه ماخلت حد في الاسانسير الا وكفخته ببقشتها نرفزتنا والله بس شنقوول ..

الله يهديهم ويهد هالابراج المتحركه اللي حاطينها على راسهم ويعطيج العافيه وطن .
فزعـــــ قطر ـــــة
19-01-2008, 03:29 PM
http://www.21za.com/pic/decoration003_files/56.gif
والله المستعاااااان
مدري من قص عليهم وقالهم حلووو والله ان شكلهم مقرف
من امشي بينهم اضحك في سري كأن كل وحدة اتقووول الزووود عندي ..
لاحول الله ولاقوة إلا باالله .. اشدعوه امجاكر في البنيان اكفايه انهم مايشمووون ريحة الجنه
http://www.21za.com/pic/decoration003_files/56.gif
على قد حالها
19-01-2008, 03:32 PM
انتوا الظاهر ماعرفتوا السبب ورا هالنفخه :con2:

هاي مشروع البنات قاعدين يشتغلون عليه وما كمل ....وهو مشروع المنطااااااااد :spider:

عشان وهم ماشيين اي شي عطلهم ولا ماعجبهم طاروا عنه ونزلوا المكان الثاني على طول بدون مشي وعوائقcrazy
الدوحي7
19-01-2008, 03:37 PM
رؤوسهن كأسنمة البخت المائلة،،والله ماشفتهم لان ماروح تجمعاتهم،،لكن ان شاء الله هذا التحذير في ميزاان حسناتك،،
وطن
19-01-2008, 03:40 PM
جزاااج الله خير خيتوووو وطن

اختي من فترة خذت قرار بنصح اي بنت اشوفها فالجامعة خاصة ان الحجاب صاير عندهم قطعة تنحط لااكثر ولاااقل ولاتغطي ولاشي

بس تعبنا من الكلام

مرة نصحت وحدة قالت لي مايخصج من الي بيروح النار انا والا انتي

ونسال الله لهم الهدااية ان شاء الله

هني المشكلة

هذي الردود اللي بتحصلينها لو نصحتيهم
مافي شي يجي دايركت

كل شي يجي ان دايركت لهم ياخذونه
بس تنصحينهم في ويههم ما ينفع

الله يهديهم






http://i39.piczo.com/view/3/b/e/5/e/0/x/a/2/v/q/h/img/i253674187_26829.jpg

http://i39.piczo.com/view/3/b/e/5/e/0/x/a/2/v/q/h/img/i253674760_15920.jpg


http://i39.piczo.com/view/3/b/e/5/e/0/x/a/2/v/q/h/img/i253674186_43890.jpg

شكرا ع الاضافة





الصراحه الله يهدي هالبنات اللي كل وحده حاطه لها جفير فوق راسها وتمشي فيه

قسم بالله شكلهم يضحك جنهم برج كيوتل يمشي على الارض ..

مره وحده كانت راكبه معانا في اسانسير المستشفى وكانت بقشتها رايحه على ورى مو

لفوووق الصراحه ماخلت حد في الاسانسير الا وكفخته ببقشتها نرفزتنا والله بس شنقوول ..

الله يهديهم ويهد هالابراج المتحركه اللي حاطينها على راسهم ويعطيج العافيه وطن .


هاهاهاهاهاها
اوبيه
ما تحس خلاص فقدت الاحساس في منطقة البرج !!!


crazy






http://www.21za.com/pic/decoration003_files/56.gif
والله المستعاااااان
مدري من قص عليهم وقالهم حلووو والله ان شكلهم مقرف
من امشي بينهم اضحك في سري كأن كل وحدة اتقووول الزووود عندي ..
لاحول الله ولاقوة إلا باالله .. اشدعوه امجاكر في البنيان اكفايه انهم مايشمووون ريحة الجنه
http://www.21za.com/pic/decoration003_files/56.gif


:thumbup:



انتوا الظاهر ماعرفتوا السبب ورا هالنفخه :con2:

هاي مشروع البنات قاعدين يشتغلون عليه وما كمل ....وهو مشروع المنطااااااااد :spider:

عشان وهم ماشيين اي شي عطلهم ولا ماعجبهم طاروا عنه ونزلوا المكان الثاني على طول بدون مشي وعوائقcrazy

لوووووووووووووووول

ايه والله مشروع


ومشروووع فاشل
بو الجوري
19-01-2008, 03:54 PM
الله يهدي هالبنات والله اشكالهم ترفع الضغط

وصج لما اشوووفهم والله استحقرهم وخاطري اروح اسطرها :anger1:

عبالهم فله وحركات .. الحمدلله والشكر والله omen

جهنم وبئس المصير :anger1:
وطن
19-01-2008, 03:56 PM
الله يهديهم
بروحي
19-01-2008, 04:20 PM
لا حول ولا قوه الا بالله
مستثمر تحت التعليم
19-01-2008, 04:51 PM
والله حاله الوحده منهم تبي تسوي اي شيء حتى تلفت الأنظار لها !!!!! هذي شكلها شاحنه عليها حموله زايده وين المرور عنهم!!!! مالهم الا شبك بوهامور
صمت القلوب
19-01-2008, 04:52 PM
والله اني تعبت من كثر مااشوفهم .... تخيلو ان انا مااقدر اشوف الدكتور في المحاضرات من رفعه بعض البنات ...استغفر الله العظيــــــم من كل ذنب عظيــــــم .... والمشكله الادهى انهم يعرفون الحديث ... ويعرفون الحراام والحلال .... بس مستمرين في الغلط ....
والله والله والله ان شكلهم غلط .... ومو حلو ... يعني ياااختي اللي تسوي هالشي لازم تعرف انه مايحلي ...
حتى لو كانت البنت حلوه ... في الاخيير تطلع للبنت سمعه بس من شكلها ... مو حرااام ذيه ...
والله تعب قلبي من كثر ماانصح واحده من هالخرابيط .... مافي فايده ...
الله يهدي جميييع البنات ويستر عليـــهم ....
تسلمين حبيبتي وطــــن عالحمله القويه ....
تقبـــــــلي مروري
khaldoon
19-01-2008, 04:56 PM
جزاكي الله كل خير اخت وطن على هذا الموضوع
وطن
19-01-2008, 05:02 PM
شكرا على مروركم
ضوى
19-01-2008, 05:24 PM
انتوا الظاهر ماعرفتوا السبب ورا هالنفخه :con2:

هاي مشروع البنات قاعدين يشتغلون عليه وما كمل ....وهو مشروع المنطااااااااد :spider:

عشان وهم ماشيين اي شي عطلهم ولا ماعجبهم طاروا عنه ونزلوا المكان الثاني على طول بدون مشي وعوائقcrazy

:fight::fight::fight::fight::fight::fight::fight:: fight::fight::fight:
مهره
19-01-2008, 09:22 PM
ايوالله الحين الناس كلهم يسون هذي الحركه يقولون موضه؟؟؟

الله يهديهم ان شاء الله

خلاص اعتمد في لفليكر والله يعطيكم العافية
mirage
19-01-2008, 09:25 PM
هم عبالهم فله وسمعت يحطون علب روب في شعرهم علشان تكبر النفخه



ناقصنا ازمة روب





عقب ازمة البيض
وطن
19-01-2008, 09:46 PM
شكرا على مروركم

:)
مكنتوش
19-01-2008, 11:06 PM
:ok::ok::ok::ok:



يعطيك العاااااافيه وطن



معاً ضد المخلوقات الفضائيه

افضل تعليق

معاً ضد المخلوقات الفضائيه:fight:
وطن
19-01-2008, 11:31 PM
تسلمون على مروركم :)
ســـهم
19-01-2008, 11:37 PM
حلو بونفخه

اصبح تقليد ............ مالي شغل


عموما يمكن تعديل العنوان من بونفخه الى


بو



بوبطيخه :(


يسلمو وطن ..
إنسان
19-01-2008, 11:41 PM
خلاص
على قولة شنهو شسمه
خلوها تخيس حتى تتعفن ..


إسمه .. شنو يعني دعم السعر .. دعم السياره .. كم جيمة السياره .. كم كيلو ماشيه السياره

شنو يعني شعندك شتبيع .. للحين الدعم والا نمر عليك باجر .. التموين متى يوصل ..

الدعم للحليب والسكر والزيت .. بس الرز مب شي .. شنو التموين المدعوم عندكم ..

بصراحه تعبت ولا عرفت إسمه

أنا اقول يحط لنا إسم مثل الناس والا يطلع برا المنتدى ويفكنا :nice:

حبيب والله يا خوي "شنو يعني سعر الدعم" :pardon:
الصارم
19-01-2008, 11:43 PM
يا جماعة الخير حرام عليكم كل هالتقطيع..

صج إني لما أجوفهم أتذكر فلم ET المخلوق الفضائي وتييني الضحكه بس أقول فنفسي حرام..
يمكن هاي ورم بعيد الشر عنكم... أو يمكن أحد فالعها بحصاه .. أو يمكن أهلها مسوينها لها علشان اذا ضاعت في المجمع يلقونها على طول... يمكن..:discuss:
وطن
19-01-2008, 11:47 PM
هاهاهاهاهاها
تسلمون على مروركم وتعليقاتكم
فتى الجود
20-01-2008, 12:17 AM
يقولون أن لم تستحي فصنعت ماشئت
مرحوم قطر
20-01-2008, 12:26 AM
انا عندي حل

اذا شفتو وحده كذا خذوها بالنصيحه و احرجوها ابحديث الرسول صلى الله عليه و سلم

و اذا مانحرجة و طولة السانها سبوها و حركو عنها لانها مب كفو احترام

وفي حل احسن و احسن و احسن

ان كل واحد يمسك بناته و خواته و يصير رجال و يخلي عنه سوالف الرطرطيشن
بوخالد2
20-01-2008, 12:29 AM
الله يهديهم بس كنهم حاطين تاير بطبطه علي روسهم

المفرووض من اهل البيت هذا وكل وحده من البنات تنصح صديقتها او اختها او قريبتهاا

بالامتعان عن العاده الكريهه هذه

يسلمو وطن على النقل الجميل والراقي جداا
جود
20-01-2008, 12:30 AM
جاتني اختي الي عمرها 13 سنة واحنا طالعين
الا راسها منتفخ :eek2: ,, قلت لها شبلاج حبيبتي من فالعج اسم الله عليج omen
ضحكت وقالت : الموضة جي البنات يسوون هالشكل في المدرسة ..[[ رزة ]]
قلت لها : حبيبتي شيلي الي حاطته والا بسويها لج طبيعية ,,,:strong2:
هذا الي ناقص بعد :anger3:,, يالنتفة ... ( مع انها حاطة وردة كبيرة بس ماعطه حجم )
وبينت لها ان هالشي يلفت الانتباه والله حرمه ,,,

يعني المطلوب هو التوجيه ,, وكلن يشوف الي عنده بالبيت ,,:yes:
سهم طايش
20-01-2008, 12:32 AM
انا عندي حل

اذا شفتو وحده كذا خذوها بالنصيحه و احرجوها ابحديث الرسول صلى الله عليه و سلم

و اذا مانحرجة و طولة السانها سبوها و حركو عنها لانها مب كفو احترام

وفي حل احسن و احسن و احسن

ان كل واحد يمسك بناته و خواته و يصير رجال و يخلي عنه سوالف الرطرطيشن

هالنوع لسانهم طويل تخاف تنصحها تبلشك وسط الاوادم

تحصلها دايما متنرفزة مب منها و الله من هالجدر اللي فوق راسها

يقولون شايفين وحده في الستي حاطه ليتات فوق البقشه تخاف من الطيارات
سعود ناصر
20-01-2008, 12:34 AM
المشكله هالاشكال حظهم قوي ماعندهم رجاجيل في البيت ويتزوجون واحد دجاجة والمشكلة دايم تحصله في منصب
جلمود
20-01-2008, 12:56 AM
أختي المسلمة أن الحجاب الشرعي له شروط لابد أن تتوفر فيه اما هذا بو نفخه هههه نسأل الله العافيه والستر.

طرح جيد ماشاء الله لاقوة الا بالله بارك الله فيك

ونفع بك وفقنا الله واياك لخدمة الاسلام وجمعنا فى الفردوس الاعلى امين ..
هبة ريح
20-01-2008, 02:46 AM
روعه موضوعج وايد نشوف هالظاهره منتشره في الجامعه في المجمعات في كل مكان ولاحياة لمن تنادي :whistling:


http://www.l22l.com/l22l-up-3/d3f2a890c6.jpg
ســـهم
20-01-2008, 03:01 AM
http://www.l22l.com/l22l-up-3/d3f2a890c6.jpg



:omg::omg::omg:
:omg::omg:
:omg:

:weeping::weeping::weeping:
:weeping::weeping:
:weeping:

!!
بوحارب
20-01-2008, 03:04 AM
الله يهدي بنات المسلمين:sorry:
ROSE
20-01-2008, 07:22 AM
وطن احييج على هالحمله

:nice::nice::nice:


http://www.raya.com/mritems/images/2008/1/19/2_316263_1_209.jpg


http://www.raya.com/mritems/images/2008/1/19/2_316278_1_209.jpg
بويوسف
20-01-2008, 07:26 AM
انه اول مرة اسمع عن هالحجاب !!! شسالفته ومن متى طالعة هالموضة؟
سهم طايش
20-01-2008, 07:52 AM
انه اول مرة اسمع عن هالحجاب !!! شسالفته ومن متى طالعة هالموضة؟

هالموضة اطلعت مع موضة الابراج في الدفنه :thumbup:

هذا الله يسلمك حجاب منفوخ بس مب عارف شاللي نافخه واحد من الردود يقول يحطون فيه قواطي روب يصفونهم فوق الراس و يلفونهم بالحجاب و رد ثاني يقول يحطون ورد بلاستيك مثل اللي يعلقونه على سياكل البتان و يغطونه بالملفع علشان يبين الراس كانه مخلوق فضائي 0

سبب هالنفخه مجهول و لا يعرفون مصدر هذي الموضه ناس يقولون من المريخ لان سكان المريخ روسهم طويله و سندوحهم عالي فاذا البسوا اهل المريخ الملفع يبين كانه طربوش فوق الراس فوحده من رواد الستي سنتر كانت في زيارة لصديقتها في المريخ فشافت هالموضة فقامت انقلتها لصديقاتها في الارض 0 و شوفة عينك ابراج متحركة كسرت جميع الجسور و البيبان 0

اتمنى شرحي يكون وافي
BoFahed
20-01-2008, 08:01 AM
هالموضة اطلعت مع موضة الابراج في الدفنه :thumbup:

هذا الله يسلمك حجاب منفوخ بس مب عارف شاللي نافخه واحد من الردود يقول يحطون فيه قواطي روب يصفونهم فوق الراس و يلفونهم بالحجاب و رد ثاني يقول يحطون ورد بلاستيك مثل اللي يعلقونه على سياكل البتان و يغطونه بالملفع علشان يبين الراس كانه مخلوق فضائي 0

سبب هالنفخه مجهول و لا يعرفون مصدر هذي الموضه ناس يقولون من المريخ لان سكان المريخ روسهم طويله و سندوحهم عالي فاذا البسوا اهل المريخ الملفع يبين كانه طربوش فوق الراس فوحده من رواد الستي سنتر كانت في زيارة لصديقتها في المريخ فشافت هالموضة فقامت انقلتها لصديقاتها في الارض 0 و شوفة عينك ابراج متحركة كسرت جميع الجسور و البيبان 0

اتمنى شرحي يكون وافي


ههههههههههههههههههههههههههه الله يقطع حريشك اخوي الموضة هاذي انتشرت في الكويت من فترة بسيطة وفي بعض دول الجوار وانتقل الفايروس عندنا بالدوحة مثل موظة الارقام المميزة انتقلت في دول المنطقة ووصلت الحين سلطنة عمان .

خليجنا واحد وشعبنا واحد
المطرقة
20-01-2008, 08:05 AM
الصراحه انا مع حجاب بونفخه ..

واخاف الظاهره ذي تنقرض عقب ما نحصل بنات نتطمش عليهم ..

:telephone:
ROSE
20-01-2008, 08:08 AM
هالموضة اطلعت مع موضة الابراج في الدفنه :thumbup:

هذا الله يسلمك حجاب منفوخ بس مب عارف شاللي نافخه واحد من الردود يقول يحطون فيه قواطي روب يصفونهم فوق الراس و يلفونهم بالحجاب و رد ثاني يقول يحطون ورد بلاستيك مثل اللي يعلقونه على سياكل البتان و يغطونه بالملفع علشان يبين الراس كانه مخلوق فضائي 0

سبب هالنفخه مجهول و لا يعرفون مصدر هذي الموضه ناس يقولون من المريخ لان سكان المريخ روسهم طويله و سندوحهم عالي فاذا البسوا اهل المريخ الملفع يبين كانه طربوش فوق الراس فوحده من رواد الستي سنتر كانت في زيارة لصديقتها في المريخ فشافت هالموضة فقامت انقلتها لصديقاتها في الارض 0 و شوفة عينك ابراج متحركة كسرت جميع الجسور و البيبان 0

اتمنى شرحي يكون وافي


:funny::funny::funny:
دلة الرسلان
20-01-2008, 10:20 AM
:con2:هدف متحرك ونبالة ؟؟
وطن
20-01-2008, 10:49 AM
يقولون أن لم تستحي فصنعت ماشئت

صحيح

:nice:



انا عندي حل

اذا شفتو وحده كذا خذوها بالنصيحه و احرجوها ابحديث الرسول صلى الله عليه و سلم

و اذا مانحرجة و طولة السانها سبوها و حركو عنها لانها مب كفو احترام

وفي حل احسن و احسن و احسن

ان كل واحد يمسك بناته و خواته و يصير رجال و يخلي عنه سوالف الرطرطيشن

اخوي السب مو حل
يبي لهم توعية وارشاد بطرق غير مباشرة

الله يهديهم





الله يهديهم بس كنهم حاطين تاير بطبطه علي روسهم

المفرووض من اهل البيت هذا وكل وحده من البنات تنصح صديقتها او اختها او قريبتهاا

بالامتعان عن العاده الكريهه هذه

يسلمو وطن على النقل الجميل والراقي جداا


صحيح اخوي المفروض اهل البيت هم اللي ينتبهون لهالنوعية من البنات
شكرا على مرورك



جاتني اختي الي عمرها 13 سنة واحنا طالعين
الا راسها منتفخ :eek2: ,, قلت لها شبلاج حبيبتي من فالعج اسم الله عليج omen
ضحكت وقالت : الموضة جي البنات يسوون هالشكل في المدرسة ..[[ رزة ]]
قلت لها : حبيبتي شيلي الي حاطته والا بسويها لج طبيعية ,,,:strong2:
هذا الي ناقص بعد :anger3:,, يالنتفة ... ( مع انها حاطة وردة كبيرة بس ماعطه حجم )
وبينت لها ان هالشي يلفت الانتباه والله حرمه ,,,

يعني المطلوب هو التوجيه ,, وكلن يشوف الي عنده بالبيت ,,:yes:

بارك الله فيج
وياريتج قلتي لها الحديث
وبينتي لها ان مو كل شي نشوفه نقلده

وخذتيها بالمسايسه مو بالقوة
عشان تقتنع مو تخاف منج وقدامج ما تسوي ومن وراج تسوي

هالمرحلة البنت او الشاب فيها عموما يكونون عنيدين ويبون يفرضون شخصيتهم بأي طريقة


وأحسن حل لهم مصادقتهم واخذهم بالطيب




هالنوع لسانهم طويل تخاف تنصحها تبلشك وسط الاوادم

تحصلها دايما متنرفزة مب منها و الله من هالجدر اللي فوق راسها

يقولون شايفين وحده في الستي حاطه ليتات فوق البقشه تخاف من الطيارات


هاهاهاهاهاها
ايه والله متنرفزه من الجدر

ايه ثقيل على راسها
وتخاف يطيح





المشكله هالاشكال حظهم قوي ماعندهم رجاجيل في البيت ويتزوجون واحد دجاجة والمشكلة دايم تحصله في منصب

ما أقدر اقول شي

:)




أختي المسلمة أن الحجاب الشرعي له شروط لابد أن تتوفر فيه اما هذا بو نفخه هههه نسأل الله العافيه والستر.

طرح جيد ماشاء الله لاقوة الا بالله بارك الله فيك

ونفع بك وفقنا الله واياك لخدمة الاسلام وجمعنا فى الفردوس الاعلى امين ..



جزاك الله خير اخوي


روعه موضوعج وايد نشوف هالظاهره منتشره في الجامعه في المجمعات في كل مكان ولاحياة لمن تنادي :whistling:


http://www.l22l.com/l22l-up-3/d3f2a890c6.jpg

الله يهديهم ان شاء الله




الله يهدي بنات المسلمين:sorry:

امين يا رب



وطن احييج على هالحمله

:nice::nice::nice:


http://www.raya.com/mritems/images/2008/1/19/2_316263_1_209.jpg


http://www.raya.com/mritems/images/2008/1/19/2_316278_1_209.jpg

روووووز في موضوعي
نورتي :)

تسلمين ع الاضافة




انه اول مرة اسمع عن هالحجاب !!! شسالفته ومن متى طالعة هالموضة؟

:eek5:

بو يوسف شكلك ما تروح مجمعات ومطاعم وايد
عشان جذي ما انتبهت لهم



هالموضة اطلعت مع موضة الابراج في الدفنه :thumbup:

هذا الله يسلمك حجاب منفوخ بس مب عارف شاللي نافخه واحد من الردود يقول يحطون فيه قواطي روب يصفونهم فوق الراس و يلفونهم بالحجاب و رد ثاني يقول يحطون ورد بلاستيك مثل اللي يعلقونه على سياكل البتان و يغطونه بالملفع علشان يبين الراس كانه مخلوق فضائي 0

سبب هالنفخه مجهول و لا يعرفون مصدر هذي الموضه ناس يقولون من المريخ لان سكان المريخ روسهم طويله و سندوحهم عالي فاذا البسوا اهل المريخ الملفع يبين كانه طربوش فوق الراس فوحده من رواد الستي سنتر كانت في زيارة لصديقتها في المريخ فشافت هالموضة فقامت انقلتها لصديقاتها في الارض 0 و شوفة عينك ابراج متحركة كسرت جميع الجسور و البيبان 0

اتمنى شرحي يكون وافي


اما قصتك عجيبة
لووووووول






ههههههههههههههههههههههههههه الله يقطع حريشك اخوي الموضة هاذي انتشرت في الكويت من فترة بسيطة وفي بعض دول الجوار وانتقل الفايروس عندنا بالدوحة مثل موظة الارقام المميزة انتقلت في دول المنطقة ووصلت الحين سلطنة عمان .

خليجنا واحد وشعبنا واحد

ايه والله خليجنا واحد

زين ما طلعوا بموضة اللبس بدون عباية

:rolleyes2:




الصراحه انا مع حجاب بونفخه ..

واخاف الظاهره ذي تنقرض عقب ما نحصل بنات نتطمش عليهم ..

:telephone:


:omg:



:con2:هدف متحرك ونبالة ؟؟

هاهاهاهاهاهاهاها
relaax
20-01-2008, 11:25 AM
ف السينما ملعوزينا ما نشوووف :mad:

تيجي يمين تروح شمال تقرفص ع الكرسي نووووو وووووي escape

المفروض تحجز كرسي وتحط راسها عليه :tomato:
relaax
20-01-2008, 11:29 AM
http://www.raya.com/mritems/images/2008/1/9/2_313564_1_209.jpg

:nice::nice:
auto body
20-01-2008, 11:43 AM
والله سالفة عجيبة مساكين الموضة وماتسوي
وطن
20-01-2008, 12:34 PM
ف السينما ملعوزينا ما نشوووف :mad:

تيجي يمين تروح شمال تقرفص ع الكرسي نووووو وووووي escape

المفروض تحجز كرسي وتحط راسها عليه :tomato:

يعتمد أي سينما تروح

:tease:




والله سالفة عجيبة مساكين الموضة وماتسوي

ايه والله

الله يعينهم ع الموضات الغريبة
شعشوع
20-01-2008, 12:51 PM
مره كنت راجع في الطيارة ولا أشوف وحدة راكبة معانا الطيارة وراسها منفوخ والله أول شئ حسبت أنها جاية من رحلة علاج ولا إلي معاي يقولي لا هذي موضة جديدة!!!! الحمدلله والشكر أول مرة أشوف وحدة كأنها (أراجوز) على قولة أخواننا المصريين.

تسلمين وطن على الموضوع ...........

:eek2:

حســــبي الله ع بليسك .. ضحكتني ع هالمسى ياعسى ربي يضحك سنك !!
ام الحناين
20-01-2008, 12:55 PM
تدرون يا اخواني ويا اخواتي
اني دخلت صالون نسائي وعند البنات اللي يسوون تسريحة شفت وحده منهم فاتحة درج عشان تطلع منه شي
تدرون انها طلعت علبة روب فاضية
وركبت العلبة في راس البنت عشان تكبر النفخة وتصير اكشخ
وازيدكم من الشعر بيت الصالون اللي رحت له عنده علب روب شكثر اذا تبون منه تراهم يبيعونه بثلاث ريالات
والله مصخرة
دعوها تخيس
الزاجل
20-01-2008, 01:01 PM
بعض الشباب مب الشابات

يقولون مبالغة كبيرة في وصف الحجاب بو بقشة
واللي يتبعون هالموضة معدودات على الأصابع ..

وبحكم انهم يدرسون في المدينة التعليمية
وبحكم انهم اكثر احتكاكا بالبنات فهم ما يشوفون هالظاهرة عندهم ..

والموضوع ماخذ حيز كبير من المبالغة ..
فما يصير لو وحدة او 10 من بين 100 الف وحدة
يتم تعميم الظاهرة او تضخيمها ..

او تناولها بالشكل هذا في الجرايد والمنتديات ..

لان المبالغة في عرض الموضوع يفقد الطرح مصداقيته ..
( طبعا الكلام مب للاخت وطن ..الكلام بشكل عام للتطرق للظاهرة )

فهل صحيح يا اخوان ان الحالات متعددة ؟

عني شخصيا
شفت اكثر من حالة في اكثر من مجمع عن الأورام المتنقلة
وشفت بأم عيوني اشلون يمشون بكبرياء والخشوم فوق
اعتقد لضبط ميزانية الراس ..

واشكر وطن واشكر كل انسان غيور على مجتمعه
لتصديه لمثل هالظاهرة
والتحدث عن امثال هذه الأشكال المتنقلة من مجمع لمجمع ..

واخيرا نقول
عطوهم على روسهم ولا ترحمونهم
حتى وان كانت نص وحدة بس هي اللي اتسوي هالسوالف
ام الحناين
20-01-2008, 01:12 PM
بعض الشباب مب الشابات

عني شخصيا
شفت اكثر من حالة في اكثر من مجمع عن الأورام المتنقلة
وشفت بأم عيوني اشلون يمشون بكبرياء والخشوم فوق
اعتقد لضبط ميزانية الراس ..



ها ها ها ها :nice::nice::ok:
وطن
20-01-2008, 01:15 PM
تدرون يا اخواني ويا اخواتي
اني دخلت صالون نسائي وعند البنات اللي يسوون تسريحة شفت وحده منهم فاتحة درج عشان تطلع منه شي
تدرون انها طلعت علبة روب فاضية
وركبت العلبة في راس البنت عشان تكبر النفخة وتصير اكشخ
وازيدكم من الشعر بيت الصالون اللي رحت له عنده علب روب شكثر اذا تبون منه تراهم يبيعونه بثلاث ريالات
والله مصخرة
دعوها تخيس

هاهاهاهاهاها
شدعوه
في اشياء ثانية يحطونها بالشعر حق رفعه

مو قوطي روب

الا جان تبي تسوي برج
هذا شي ثاني

:whistling:




بعض الشباب مب الشابات

يقولون مبالغة كبيرة في وصف الحجاب بو بقشة
واللي يتبعون هالموضة معدودات على الأصابع ..

وبحكم انهم يدرسون في المدينة التعليمية
وبحكم انهم اكثر احتكاكا بالبنات فهم ما يشوفون هالظاهرة عندهم ..

والموضوع ماخذ حيز كبير من المبالغة ..
فما يصير لو وحدة او 10 من بين 100 الف وحدة
يتم تعميم الظاهرة او تضخيمها ..

او تناولها بالشكل هذا في الجرايد والمنتديات ..

لان المبالغة في عرض الموضوع يفقد الطرح مصداقيته ..
( طبعا الكلام مب للاخت وطن ..الكلام بشكل عام للتطرق للظاهرة )

فهل صحيح يا اخوان ان الحالات متعددة ؟

عني شخصيا
شفت اكثر من حالة في اكثر من مجمع عن الأورام المتنقلة
وشفت بأم عيوني اشلون يمشون بكبرياء والخشوم فوق
اعتقد لضبط ميزانية الراس ..

واشكر وطن واشكر كل انسان غيور على مجتمعه
لتصديه لمثل هالظاهرة
والتحدث عن امثال هذه الأشكال المتنقلة من مجمع لمجمع ..

واخيرا نقول
عطوهم على روسهم ولا ترحمونهم
حتى وان كانت نص وحدة بس هي اللي اتسوي هالسوالف


لا اخوي تراهم ما ينعدون ع الأصابع
للأسف انهم أكثر بكثير


وما ننكر ان العدد في ازدياد للأسف الشديد !!

بس أكيد مو مثل اللي في الصور الكاريكاتيريه

:fight:
بدور
20-01-2008, 01:19 PM
بعض الردود يبونا ننصح هالاشكال طيب وش رايكم بهالموقف

وحده من البنات صديقتي ونمون على بعض بالصدفه لقيتها في واجب عزاء لحالة وفاة

الا شيء مو طبيعي تحت الشيله الكل يشوف شكلها عالعموم عند طلعتها من العزا جات تسلم

علي والا هي داقه اللثمه ولابسه قفازات << سألتها ؟؟ ماشاء تنقبتي وتلبسين قفازات من متى

قالت من زمان وقلت لها طيب والتله الا على راسج يا فلانه حرام المنظر شي مو طبيعي

جان تزعل وما كملت سلامها الا دقايق ويرن جوالي رقمها

مارديت عرفت انها تبي تتهاوش وتغلط وانا ماحب الهواش والمشاكل

يومين تتصل من عدة ارقام ما ارد لانها ارقام ماعرفها الا هالاخت

ترسل رساله شرشحتني ماخلت كلمه سوقيه الا وصفتني بها

هالنوعيه ما يبون النصيحه ولا حد يتحرش فيهم الله يهديهم ِ
موظف بالبورصه
20-01-2008, 01:42 PM
انا ماشفت هالشي من قبل وين تشوفونهم انتوا :confused:

الله يهديهم اصلا انا من شفتهم يحطون على العبايات الوان وكريستال ومدري ايش

قلت عليهم السلام ..

ندخل انتاقش معاهم ونتكلم العبايه والشيله ليش تلبسونها انتوا ؟؟

عشان البنت تستر نفسها صح طيب لي لبستي عبايه وشيله كلها ألوان

وهذي الموظه الجديده برج كيوتل الي للحين ماشفته بتسترين على نفسج جذي ؟؟

بتلفتين الأنضار لج وعقب ويي تحرشوا فينيي وييي سندروني الشباب :D

الله يهديهم جميعا يارب ..

انزين وطن الجينز شرايج فيه حرام ولا لا :whistling:
وطن
20-01-2008, 02:19 PM
بعض الردود يبونا ننصح هالاشكال طيب وش رايكم بهالموقف

وحده من البنات صديقتي ونمون على بعض بالصدفه لقيتها في واجب عزاء لحالة وفاة

الا شيء مو طبيعي تحت الشيله الكل يشوف شكلها عالعموم عند طلعتها من العزا جات تسلم

علي والا هي داقه اللثمه ولابسه قفازات << سألتها ؟؟ ماشاء تنقبتي وتلبسين قفازات من متى

قالت من زمان وقلت لها طيب والتله الا على راسج يا فلانه حرام المنظر شي مو طبيعي

جان تزعل وما كملت سلامها الا دقايق ويرن جوالي رقمها

مارديت عرفت انها تبي تتهاوش وتغلط وانا ماحب الهواش والمشاكل

يومين تتصل من عدة ارقام ما ارد لانها ارقام ماعرفها الا هالاخت

ترسل رساله شرشحتني ماخلت كلمه سوقيه الا وصفتني بها

هالنوعيه ما يبون النصيحه ولا حد يتحرش فيهم الله يهديهم ِ

لا يحوشك

اخلاقها تغيرت البنت ؟

:confused:




انا ماشفت هالشي من قبل وين تشوفونهم انتوا :confused:

الله يهديهم اصلا انا من شفتهم يحطون على العبايات الوان وكريستال ومدري ايش

قلت عليهم السلام ..

ندخل انتاقش معاهم ونتكلم العبايه والشيله ليش تلبسونها انتوا ؟؟

عشان البنت تستر نفسها صح طيب لي لبستي عبايه وشيله كلها ألوان

وهذي الموظه الجديده برج كيوتل الي للحين ماشفته بتسترين على نفسج جذي ؟؟

بتلفتين الأنضار لج وعقب ويي تحرشوا فينيي وييي سندروني الشباب :D

الله يهديهم جميعا يارب ..

انزين وطن الجينز شرايج فيه حرام ولا لا :whistling:

موجودين في المجمعات اخوي
بنتكم
20-01-2008, 04:57 PM
شنقول غير عسى ربي يهديهم

يعطيج ربي العافية

اختي وطن :app2:
وطن
20-01-2008, 05:07 PM
امين يا رب
رفيق الغيم
20-01-2008, 05:55 PM
لو على هالشيء سهل
لكن المصيبة الاكبر صارت العبايات
رقيقة شفافة ومفتوحة من الامام
وقام المغطى يظهر
وشوي شوي يلبسوا تنورة نص متر

نسأل الله الا يفقد بنات الاسلام حيائهن

شكرا على غيرة المسلم فيك

حفظك الرحمن ورعاك


رعاك الله وحفظك
alanood
20-01-2008, 06:03 PM
loooooooool
هذول يطلعون بالليل مش بالنهار..ماعرف ان كان له صله بال...سكّنهم مساكنهمomen
يمكن خوفا من ضربة الشمس واذا احترق البرج مشكلة!!
شكرا جزيييييييلا لك يا وطن
ANONYMOUS
20-01-2008, 06:31 PM
تدرون يا اخواني ويا اخواتي
اني دخلت صالون نسائي وعند البنات اللي يسوون تسريحة شفت وحده منهم فاتحة درج عشان تطلع منه شي
تدرون انها طلعت علبة روب فاضية
وركبت العلبة في راس البنت عشان تكبر النفخة وتصير اكشخ
وازيدكم من الشعر بيت الصالون اللي رحت له عنده علب روب شكثر اذا تبون منه تراهم يبيعونه بثلاث ريالات
والله مصخرة
دعوها تخيس


زين ماحطت قوطي حليب اس-26 جولد رقم واحد.. بو 900 جرام
خفايا الروووح
20-01-2008, 06:34 PM
يسلمو وطن ع الموضوع

والصراحه اللي شفتهم يسوون هالحركه اغلبيتهم يهال فندعي لهم بالهدايه وان شاء الله يستر عليهم
هاجن داز
20-01-2008, 06:58 PM
اني ارى رؤوسا قد اينعت...... وحاان قطافها.

واني لقاطفها !!!

لو كان هذا مثل كل رجل في البيت كان ماحد شاف هالحشرات في الشارع

لكن للأسف ...... ((( ماغدابها رجاجيل )))

ويسلموا وطن على الطرح
هاجن بن داز
ذربة ألكلام
20-01-2008, 07:56 PM
اني ارى رؤوسا قد اينعت...... وحاان قطافها.

واني لقاطفها !!!

لو كان هذا مثل كل رجل في البيت كان ماحد شاف هالحشرات في الشارع

لكن للأسف ...... ((( ماغدابها رجاجيل )))

ويسلموا وطن على الطرح
هاجن بن داز


فعلا لوكان في رجال في البيت ماكان شفناهم بهطريقه...




المغزى من هذا لفت الانظار .......


لكن ندعي عسى ربي يستر علينا دنيا وآخره وعلى بنات امة محمد

اللهم امين ............
عيون كحال
20-01-2008, 08:00 PM
ههههههههه

استغفرالله

المنظر يمووت من الظحك

يسلمووو

والله يهديهم ان شاء الله
ذربة ألكلام
20-01-2008, 08:08 PM
بعض الشباب مب الشابات

يقولون مبالغة كبيرة في وصف الحجاب بو بقشة
واللي يتبعون هالموضة معدودات على الأصابع ..

وبحكم انهم يدرسون في المدينة التعليمية
وبحكم انهم اكثر احتكاكا بالبنات فهم ما يشوفون هالظاهرة عندهم ..

والموضوع ماخذ حيز كبير من المبالغة ..
فما يصير لو وحدة او 10 من بين 100 الف وحدة
يتم تعميم الظاهرة او تضخيمها ..

او تناولها بالشكل هذا في الجرايد والمنتديات ..

لان المبالغة في عرض الموضوع يفقد الطرح مصداقيته ..
( طبعا الكلام مب للاخت وطن ..الكلام بشكل عام للتطرق للظاهرة )

فهل صحيح يا اخوان ان الحالات متعددة ؟

عني شخصيا
شفت اكثر من حالة في اكثر من مجمع عن الأورام المتنقلة
وشفت بأم عيوني اشلون يمشون بكبرياء والخشوم فوق
اعتقد لضبط ميزانية الراس ..

واشكر وطن واشكر كل انسان غيور على مجتمعه
لتصديه لمثل هالظاهرة
والتحدث عن امثال هذه الأشكال المتنقلة من مجمع لمجمع ..

واخيرا نقول
عطوهم على روسهم ولا ترحمونهم
حتى وان كانت نص وحدة بس هي اللي اتسوي هالسوالف



هذي ظاهره منتشره بشكل كبير جدا
المترجم
20-01-2008, 08:09 PM
اني ارى رؤوسا قد اينعت...... وحاان قطافها.

واني لقاطفها !!!

لو كان هذا مثل كل رجل في البيت كان ماحد شاف هالحشرات في الشارع

لكن للأسف ...... ((( ماغدابها رجاجيل )))

ويسلموا وطن على الطرح
هاجن بن داز

انا اشهد انك ولد ابوك وجبتها على الجرح

ترى السبب الرئيسي هو الذكور المحسوبين على الرجال !!!!!
مايشوف زوجته ؟؟؟
مايشوف اخته ؟؟؟
غداهم صالونة خنزير ؟؟؟
ماعندهم غيره ؟؟؟
ماعندهم دين ؟؟؟
ماعندهم اخلاق ؟؟؟
ماعندهم نخوه ؟؟؟
ماعندهم سنع ؟؟؟

بيض الله وجهك
و اقف احترام وتحيه لغيرتك :victory:
غزلان
20-01-2008, 08:40 PM
لاتتزوجونها..

دعوها تخيس

:)


هاهاها

الله يهدي الجميع
وطن
20-01-2008, 09:06 PM
تسلمون على مشاركتكم





معاً من أجل قطر خالية من حجاب بو نفخة
nooora
20-01-2008, 09:41 PM
http://www.mo7md.com/images/cartoon/today_2_313564_1_209.jpg?907


والله خوش قانون تعال تنحسب عليه نقاط ولا لا؟ :D

Safety Helmet
:)
بوخالد2
20-01-2008, 09:44 PM
انا اشهد انك ولد ابوك وجبتها على الجرح

ترى السبب الرئيسي هو الذكور المحسوبين على الرجال !!!!!
مايشوف زوجته ؟؟؟
مايشوف اخته ؟؟؟
غداهم صالونة خنزير ؟؟؟
ماعندهم غيره ؟؟؟
ماعندهم دين ؟؟؟
ماعندهم اخلاق ؟؟؟
ماعندهم نخوه ؟؟؟
ماعندهم سنع ؟؟؟

بيض الله وجهك
و اقف احترام وتحيه لغيرتك :victory:



بعدي عليك والله

رجال من ظهر رجاال
بوخالد2
20-01-2008, 09:48 PM
بعض الردود يبونا ننصح هالاشكال طيب وش رايكم بهالموقف

وحده من البنات صديقتي ونمون على بعض بالصدفه لقيتها في واجب عزاء لحالة وفاة

الا شيء مو طبيعي تحت الشيله الكل يشوف شكلها عالعموم عند طلعتها من العزا جات تسلم

علي والا هي داقه اللثمه ولابسه قفازات << سألتها ؟؟ ماشاء تنقبتي وتلبسين قفازات من متى

قالت من زمان وقلت لها طيب والتله الا على راسج يا فلانه حرام المنظر شي مو طبيعي

جان تزعل وما كملت سلامها الا دقايق ويرن جوالي رقمها

مارديت عرفت انها تبي تتهاوش وتغلط وانا ماحب الهواش والمشاكل

يومين تتصل من عدة ارقام ما ارد لانها ارقام ماعرفها الا هالاخت

ترسل رساله شرشحتني ماخلت كلمه سوقيه الا وصفتني بها

هالنوعيه ما يبون النصيحه ولا حد يتحرش فيهم الله يهديهم ِ


والله يابدور والله يقبل العمره

اني شفتها وانا معا العجوز في العمره

وساكنه معانا في الانتر ( دار التوحيد )

وهي معا ابوها وامها ومتعدله حدها وكلن يشوفها بمنظر غريب ولكن ( كنه ماتشوف )



انتي جايبه بيت الله بالقبح هذا

حسبى الله عليها وعلى اهلها اللى مايعرفون يربونهاا
ناصر العمادي
20-01-2008, 09:56 PM
الكلام ماراح ينفع مهما قلنا للأسف .......

لكن مالنا الا الدعاء عسى ربي يهديهم ويصلحهم يارب

كل الشكر لك اختي وطن

وربي يوفقك ويجعل منزلك الجنه ان شاء الله

تحياتي لك
ام نواف
20-01-2008, 10:17 PM
لاتتزوجونها..

دعوها تخيس

:)






ههههههه:nice: عجبني الرد يسلمووو
عين قطر
20-01-2008, 11:33 PM
لاحول ولا قوة الا بالله
الله يهدينا ويهديهم
معقوله في احد ما يعرف الحديث الشريف
ANONYMOUS
21-01-2008, 12:25 AM
:tease:
لاحول ولا قوة الا بالله
الله يهدينا ويهديهم
معقوله في احد ما يعرف الحديث الشريف



هب جت على هذي بس

الزنا حرام .. ومستشري..

الشرب حرام.. ودق الكاسه بالكاسه.. يوميا..

الربا حرام.. والجماعه.. ولا في اذنهم ماي..

الصلاه فرض.. والمساجد فاضيه..

و و و الخ..

بنتعب نعدد..

الله يكون بالعون..
المطرقة
21-01-2008, 07:10 AM
شعار الحمله :nice:

http://www.m5zn.com/uploads/9a1b1bf908.bmp
وطن
21-01-2008, 08:49 AM
والله خوش قانون تعال تنحسب عليه نقاط ولا لا؟ :D

Safety Helmet
:)

هاهاهاهاهاهاهاها
يبي له تصدقين






والله يابدور والله يقبل العمره

اني شفتها وانا معا العجوز في العمره

وساكنه معانا في الانتر ( دار التوحيد )

وهي معا ابوها وامها ومتعدله حدها وكلن يشوفها بمنظر غريب ولكن ( كنه ماتشوف )



انتي جايبه بيت الله بالقبح هذا

حسبى الله عليها وعلى اهلها اللى مايعرفون يربونهاا

يا اخوي احتمال كبير عندهم جهل بحرمة الموضوع






الكلام ماراح ينفع مهما قلنا للأسف .......

لكن مالنا الا الدعاء عسى ربي يهديهم ويصلحهم يارب

كل الشكر لك اختي وطن

وربي يوفقك ويجعل منزلك الجنه ان شاء الله

تحياتي لك

الله يهديهم امين

مشكور اخوي
وطن
21-01-2008, 08:51 AM
ههههههه:nice: عجبني الرد يسلمووو

تسلمين على مشاركتج اختي




لاحول ولا قوة الا بالله
الله يهدينا ويهديهم
معقوله في احد ما يعرف الحديث الشريف


في ناس عندهم ضعف في امور الدين




:tease:



هب جت على هذي بس

الزنا حرام .. ومستشري..

الشرب حرام.. ودق الكاسه بالكاسه.. يوميا..

الربا حرام.. والجماعه.. ولا في اذنهم ماي..

الصلاه فرض.. والمساجد فاضيه..

و و و الخ..

بنتعب نعدد..

الله يكون بالعون..

الله يهديهم جميعا ان شاء الله




شعار الحمله :nice:

http://www.m5zn.com/uploads/9a1b1bf908.bmp

:)
دلة الرسلان
21-01-2008, 08:57 AM
ياهلا وطن احب ارفع روحكم المعنوية رويت الحملة وحدة من البنات اشوفها نزلت العش شوي

صارت قمتها طبيعية فسيروا فالحملة قد بدأت تؤتي ا كلها :D ( اشرايكم )
سهم المراقيب
21-01-2008, 09:01 AM
مشكوره وطن عالحمله ضد الحجاب ابو نفخه مدري قمر صناعي ,,
وعقبال الحمله القادمه ... ضد حجاب أبو قذله للي يطلعون قذلهم :tomato: ,,
وطن
21-01-2008, 09:20 AM
ياهلا وطن احب ارفع روحكم المعنوية رويت الحملة وحدة من البنات اشوفها نزلت العش شوي

صارت قمتها طبيعية فسيروا فالحملة قد بدأت تؤتي ا كلها :D ( اشرايكم )

:thumbup::thumbup::thumbup:






مشكوره وطن عالحمله ضد الحجاب ابو نفخه مدري قمر صناعي ,,
وعقبال الحمله القادمه ... ضد حجاب أبو قذله للي يطلعون قذلهم :tomato: ,,


هي بس القذلة !!!

كل شي طالع
حتى رقبتهم !!!

موديلات جديدة غريبة عجيبة
ضوى
21-01-2008, 09:36 AM
لا حول ولا قوة الا بالله

والله اشكال غريبة بشعه بمعنى الكلمة ، كانها صورايخ باتريوت موجهه لاعين الناس تلوع الجبد والله

بصراحة لما امر من صوب هالاشكال اتعمد اشوفها باحتقار من فوق لتحت عشان تحس على دمها شوي

شكرا وطن لهالحملة اللي ان شاء الله تؤتي اُكلها
صدى الخافق
23-01-2008, 10:05 AM
لا يدخلن الجنة ولا يجدن ريحها

شي يخرع الصراحه

مشكورين على هالموضوع اللي اتوقع انه راح يزيد الوعي بين الناس
وطن
23-01-2008, 10:18 AM
لا حول ولا قوة الا بالله

والله اشكال غريبة بشعه بمعنى الكلمة ، كانها صورايخ باتريوت موجهه لاعين الناس تلوع الجبد والله

بصراحة لما امر من صوب هالاشكال اتعمد اشوفها باحتقار من فوق لتحت عشان تحس على دمها شوي

شكرا وطن لهالحملة اللي ان شاء الله تؤتي اُكلها

ان شاء الله يا رب تؤتي أكلها



المشكله يا ضوى
الخوف انهم لما يشوفونج جذي
يقولون شوفوها شلون تطالع محترة منها :rolleyes2:

خبرج شلون تفكير بعض البنات

:swoon:


الله يهديهم يا رب





لا يدخلن الجنة ولا يجدن ريحها

شي يخرع الصراحه

مشكورين على هالموضوع اللي اتوقع انه راح يزيد الوعي بين الناس

العفو

ان شاء يوعون يا رب
qatar_moon
23-01-2008, 04:28 PM
شوفوا بصراحه الي يسوون حجاب بونفخه هذا هم المراهقات

ومادري شنو عاجبهم فيه

لكن بقولكم سالفه .......اختي الصغيره شعرها وايد طويل ما شاء الله واذا لفته علشان تلبس الشيله

يطلع كأنه بونفخه ............والله مره واحد علق عليها ....قال لها حاطه كبوس هههههههههههههههههه
Fahad Alqahtani
23-01-2008, 06:40 PM
لاتتزوجونها..

دعوها تخيس

:)


:ok: دعوها تخيس :ok:
mirage
23-01-2008, 07:11 PM
شوفوا بصراحه الي يسوون حجاب بونفخه هذا هم المراهقات

ومادري شنو عاجبهم فيه

لكن بقولكم سالفه .......اختي الصغيره شعرها وايد طويل ما شاء الله واذا لفته علشان تلبس الشيله

يطلع كأنه بونفخه ............والله مره واحد علق عليها ....قال لها حاطه كبوس هههههههههههههههههه

:whistling::whistling::whistling:
وطن
23-01-2008, 09:14 PM
شوفوا بصراحه الي يسوون حجاب بونفخه هذا هم المراهقات

ومادري شنو عاجبهم فيه

لكن بقولكم سالفه .......اختي الصغيره شعرها وايد طويل ما شاء الله واذا لفته علشان تلبس الشيله

يطلع كأنه بونفخه ............والله مره واحد علق عليها ....قال لها حاطه كبوس هههههههههههههههههه

ماشاء الله تبارك الله

اختي الحل الأنسب
تعجفه
وتنزل العجفه من ورى في العباية من داخل عشان ما يبين منفوخ






:ok: دعوها تخيس :ok:

عجبتكم اشوف

:)



:whistling::whistling::whistling:

شكرا على مرورك
وطن
06-02-2008, 10:08 AM
لقيت هذي الصورة في أحد التواقيع بمنتدى اخر

لمن اراد ان يضيفها لتوقيعه

http://www.3roos.com/uploaded2008/93202/01201262298.gif
بوخالد2
06-02-2008, 10:35 AM
لقيت هذي الصورة في أحد التواقيع بمنتدى اخر

لمن اراد ان يضيفها لتوقيعه

http://www.3roos.com/uploaded2008/93202/01201262298.gif


هههههههههههههههههههههههههه

والله حالتهم حاله البنات ذوووول
وطن
06-02-2008, 10:37 AM
هههههههههههههههههههههههههه

والله حالتهم حاله البنات ذوووول

:whistling:
شعشوع
06-02-2008, 11:33 AM
فعلا شكل مضحك !!
بوحارب
06-02-2008, 11:49 AM
لقيت هذي الصورة في أحد التواقيع بمنتدى اخر

لمن اراد ان يضيفها لتوقيعه

http://www.3roos.com/uploaded2008/93202/01201262298.gif

اليوم شفت مجموعة من الفتيات العربيات:eek5:

بنفس هذي الصورة

الظاهر انتقلت العدوة من القطريات للجنسيات الأخرى

يعني لا بسة جنز وشيله منتفخة كيف تتوقعون الشكل:this:
وطن
06-02-2008, 02:05 PM
أناا أمس شفت في فيلاجيو
وطن
10-02-2008, 11:06 AM
http://www.saifqatar.net/files/5/2_322566_1_209.jpg
ابوعبدالعزيز
10-02-2008, 12:01 PM
والله هلبنات مساكين .. شلو الحجاب ما عجبكم .. حطو حجاب ما عجبكم .. سوو حجاب موديل " بونفخه " ما عجبكم !! عيل شيسوون " خذت حيلي "

تحياتي
وطن
10-02-2008, 12:24 PM
هاهاهاهاهاهاها
في حجاب سنع وطبيعي

لازم بو نفخه يعني !!!