أبرك بروه [الأرشيف] - منتديات شبكة الأسهم القطرية

غيمه زرقا

20-01-2008, 04:10 PM

حد يقولي وش هالغبره الي لايمت بروه وخسفت بيها الأرض((ممكن تحليل لسهم))
طلعت من مواشي ودخلتها وزادت الخساره على الاقل في مواشي 10 درهم طالع وعشره نازل ومتحمله خسارتها سنتين
بروه نزلت للحضيض في يومين شريتها في الخمسينات شوفوااخر صفقه اليوم 47 ولا حول ولا قوة الا بالله العلي العظيم

20-01-2008, 04:12 PM

عليهااا اكتتاب يعني ممكن تنزل

الله يعينج لي رجعه للسهم

غيمه زرقا

20-01-2008, 04:20 PM

هلا اخوي الحبابي
مشكور على الدعاء تدري قالوا لي زينه وخذي فيها بتوصل ستين وعليها اكتتاب
والحين نزلت وبعد تقول بتنزل اكثر عيني يا عيني انا لله وانا اليه راجعون الحمد لله على كل حال

سأحمل سهمي على راحتي وألقي به في مهاوي الردى
فأما شراء يسر الصديق واما بيع يغيض العداااااااا:swoon:

ههههههههه والله الظاهر بيسير العكس البيع بيسر العدو
الشكوى لله

المشتاقه الى الجنه

20-01-2008, 05:00 PM

لا تخافي أختي من بروه الشركات كلها نازله بدون أي استثناء وليست بروه فقط
فلذلك تفائلي وان شاء الله خيير

الثاقب

20-01-2008, 05:04 PM

اختي خذيها مني ادنى سعر 46 بعدها طلوع ما راح تنزل اكثر

غيمه زرقا

20-01-2008, 05:05 PM

لا تخافي أختي من بروه الشركات كلها نازله بدون أي استثناء وليست بروه فقط
فلذلك تفائلي وان شاء الله خيير

ان شاء الله يا خوي الله كريم وجزاك الله خير

THE END

20-01-2008, 05:05 PM

السلام عليكم اختي بكره اخر يوم للي يستحقون الاكتتاب ....... بكره بيصير شي مادري زين ولا شين الله اعلم

الله يكون في العون

غيمه زرقا

20-01-2008, 05:07 PM

اختي خذيها مني ادنى سعر 46 بعدها طلوع ما راح تنزل اكثر

شلون اخذها ما عندي سيوله حتى حق الاكتتاب وشريتها فوق 52 والمشكله ولا شركه من الشركات الي مساهمه فيها مرتفعه علشان ابيع وارقع خلها على ربك وجزاك الله خير

غيمه زرقا

20-01-2008, 05:08 PM

السلام عليكم اختي بكره اخر يوم للي يستحقون الاكتتاب ....... بكره بيصير شي مادري زين ولا شين الله اعلم

الله يكون في العون

وعليكم السلام ورحمة الله وبركاته
ان شاء الله خير الله كريم
وجزاك الله خير

m7mmd

20-01-2008, 06:32 PM

الله يعوض عليك ببرك منها

غيمه زرقا

20-01-2008, 07:13 PM

الله يعوض عليك ببرك منها

مشكور جزاك الله خير

غيمه زرقا

20-01-2008, 07:14 PM

زين وشرايكم ابيعها بكره
وادخل في الريان او اقسم المبلغ بين الريان والرعايه
اشوف الخمسه ريال خساره في كل سهم ممكن يتعوضون في الرعايه والريان :weeping:

غيمه زرقا

20-01-2008, 08:56 PM

لرفع ؟؟ ومازال السؤال قائم ؟؟

قناص الاسهم

20-01-2008, 09:04 PM

نصيحتي لج بيعي النص وخلي النص ( مسك العصى من النص افضل ) .. ودشي على الريان .. الكل متامل فيه خير وسعره مازال معقول .
الله يعوضج والخساره خسارة الروح وانا اخوج :victory:

فاهم

20-01-2008, 09:06 PM

غيمه زرقا

20-01-2008, 10:03 PM

نصيحتي لج بيعي النص وخلي النص ( مسك العصى من النص افضل ) .. ودشي على الريان .. الكل متامل فيه خير وسعره مازال معقول .
الله يعوضج والخساره خسارة الروح وانا اخوج :victory:

جزاك الله خير ونور الله قلبك ودربك ورحم الله والديك مشكور ماقصرت

قناص الاسهم

20-01-2008, 10:13 PM

جزاك الله خير ونور الله قلبك ودربك ورحم الله والديك مشكور ماقصرت

اللهم امين ويزاج الله خير الشيخه على هالدعوه الطيبه .. اسال الله العظيم ان يتقبلها منج .

غيمه زرقا

20-01-2008, 10:15 PM

العيله دايم تورد صاحبها المهالك ...

فعليج بالصبر ... وبروه شركه قويه وسهمها بأذن الله زين ..

فلا تتسرعين ... واحسبيها صـح ..

ومثل ما قال احد الاخوان ادنى سعر لها 46 وقالج خذيها مني ..يعني خذيها مني كلمه ...مش زي ما انتي فهمتيها وقلتي له ماعندي سيوله ... شفتي انك تستعيليين :)

والله يوفقك ,,,

جزاك الله خير ورحم الله والديك وانار الله لك قلبك ودربك
صدقت العجله من الشيطان لكن مش في كل الاحوال ترى كنت ببيع على خمسين وقلت اصبر
ما استعجل احسن
الحين يا خوي شسوي توهقت عدل والله وتسبهت ماعاد اجمع ولا فهمت عليه يوم قال اشتري 46 الحل الامثل الحين ابيع بكره وارجع اشتري من تحت او ابيع عقب بكره وارجع اكتتب
ولا ابيع وادخل سهم ثاني ولو اني تعقدت ماعاد اضمن يعني اخاف ادخل الريان ولا الرعايه
وينزلون بعد هالسوق عجيب غريب و يعور القلب الله المستعان
الي اشوفه يا ابيع بكره وارجع اشتري بسعر اقل اوامسك الفلوس لين ينزل واعوض اوابيع بعد بكره وارجع اكتتب او ادخل الريان:rolleyes2:
والله صواريخ ا طير من راسي لين الحين تحت تأثير الصدمه
بروح انام والصباح رباح وبشوف رايكم وباخذ بشوركم هنا وفي قسم التحليل وبتوكل على الله
الله جاب الله خذ الله عليه العوض

فاهم

20-01-2008, 10:27 PM

جزاك الله خير ورحم الله والديك وانار الله لك قلبك ودربك
صدقت العجله من الشيطان لكن مش في كل الاحوال ترى كنت ببيع على خمسين وقلت اصبر
ما استعجل احسن
الحين يا خوي شسوي توهقت عدل والله وتسبهت ماعاد اجمع ولا فهمت عليه يوم قال اشتري 46 الحل الامثل الحين ابيع بكره وارجع اشتري من تحت او ابيع عقب بكره وارجع اكتتب
ولا ابيع وادخل سهم ثاني ولو اني تعقدت ماعاد اضمن يعني اخاف ادخل الريان ولا الرعايه
وينزلون بعد هالسوق عجيب غريب و يعور القلب الله المستعان
الي اشوفه يا ابيع بكره وارجع اشتري بسعر اقل اوامسك الفلوس لين ينزل واعوض اوابيع بعد بكره وارجع اكتتب او ادخل الريان:rolleyes2:
والله صواريخ ا طير من راسي لين الحين تحت تأثير الصدمه
بروح انام والصباح رباح وبشوف رايكم وباخذ بشوركم هنا وفي قسم التحليل وبتوكل على الله
الله جاب الله خذ الله عليه العوض

ووالديج الجنه ان شاءالله ... وانار الله دربك وبصيرتك ... وزادك من فضله ان شاءالله ...

الاخت الفاضله ... انا مثلج في بروه وتقريبا خسارتي في السهم قريب العشر ريال..

لكن على ماسمعت وعرفت ان هذا نزول تصحيحي وهذا من كلام اخ لي ويقول بانها ستصل الى الستين او اكثر ..والظاهر والله العالم ان هذا هو التصحيح الاخير لها بأذن الله وبعدها بتطلع ...
كلام الاخ لي هو اللي مطمني ومصبرني ...ولكن فالاخير بعد محد يقدر يجزم بنظرته للسهم او تحليله له ..
اخذنا بالاسباب والباقي على رب العالمين ...اذا في ربحنا منها خير لنا الله ييسره لنا واذا في ربحنا منها شر لنا ..فنطلب من الله بعده عنا ...

وعلى الله التوفيق ...

وكل امر الله خير ... ولله ما اعطى ولله ما اخذ سبحــانه ,,,

غيمه زرقا

21-01-2008, 07:18 AM

اللهم امين ويزاج الله خير الشيخه على هالدعوه الطيبه .. اسال الله العظيم ان يتقبلها منج .

اللهم امين والله يا اخي وقفتكم جنبي تستاهل ادعيه وليس دعاء تسلم يارب

غيمه زرقا

21-01-2008, 07:21 AM

ووالديج الجنه ان شاءالله ... وانار الله دربك وبصيرتك ... وزادك من فضله ان شاءالله ...

الاخت الفاضله ... انا مثلج في بروه وتقريبا خسارتي في السهم قريب العشر ريال..

لكن على ماسمعت وعرفت ان هذا نزول تصحيحي وهذا من كلام اخ لي ويقول بانها ستصل الى الستين او اكثر ..والظاهر والله العالم ان هذا هو التصحيح الاخير لها بأذن الله وبعدها بتطلع ...
كلام الاخ لي هو اللي مطمني ومصبرني ...ولكن فالاخير بعد محد يقدر يجزم بنظرته للسهم او تحليله له ..
اخذنا بالاسباب والباقي على رب العالمين ...اذا في ربحنا منها خير لنا الله ييسره لنا واذا في ربحنا منها شر لنا ..فنطلب من الله بعده عنا ...

وعلى الله التوفيق ...

وكل امر الله خير ... ولله ما اعطى ولله ما اخذ سبحــانه ,,,

أخي الكريم والله وقفتكم جنبي تسوا الدنيا والله يوفقك وين ما وجهت وجهك ويرحم والديك
جزاك الله عني خير الجزاء ويعوض عليك وعلينا الكريم الحنان المنان سبحانه
مشكور وما قصرت جعلك تسلم

غيمه زرقا

21-01-2008, 07:25 AM

اختي خذيها مني ادنى سعر 46 بعدها طلوع ما راح تنزل اكثر

ههههههههههههه والله توني فاهمه كلامك:shy: جعلك تسلم لا تلومني والله تسبهت من قلب امس
الله ينور لك قلبك ودربك ويطمنك جزاك الله خير الجزاء

كلمة مرور

21-01-2008, 08:04 AM

غيمه زرقا

21-01-2008, 08:14 AM

اختي انتي دخلتي على بروه واشتريتي في وقت لازم كنتي تبيعين مش تشترين لان الاكتتاب بسعر 30 فلابد ان ينزل السهم لمستوى 40 او اقل ومن ثم يرتد ارتداد قوي......بس انا اتوقع سعر 40 اشوفه سواء قبل الاكتتاب او بعده

هلا اخي الكريم يصبحك بالخير
انا شريتها من 20 يوم تقريبآ اذا مش أكثر وما عندي درايه وعلى اساس انها مارتفعت وبترجع ترتفع ولها مشاريع وبيوصل سهمها 60 وماعندي ذيك الخبره والدرايه ومحد يتعلم ببلاش جزاك الله خير وانار لك قلبك ودربك

فاهم

22-01-2008, 02:30 PM

السلام عليكم ورحمة الله وبركاته ,,,

غيمه زرقا ... ماشفت لج ولا مشاركه اليوم مع ان بروه نازله لمت داون وماشوفك بينتي ...

عسى المانع خير ان شاءالله ,,,

شهاب

25-01-2008, 10:23 PM

يا جماعة الخير لازم نحدد قبل الشراء السهم شريناة لية؟؟؟؟؟؟؟
مضاربة ولا استثمار؟؟؟
مضاربة يبقى لابد نتابع السهم ولو استمر على نزول لابد نبيع او نعمل متوسط
لو استثمار يبقى بعد دراسة وبعد كدة حكون متاكد ان اى نزول سعرى هو مؤقت ولاداعى للخوف
وعن بروة هى سهم جيد جدا على المدى المتوسط والبعيد ولها مشروعات طموحة فلا تخافى ولكن لابد تستفيدين من الاكتتاب

غيمه زرقا

25-01-2008, 11:22 PM

السلام عليكم ورحمة الله وبركاته ,,,

غيمه زرقا ... ماشفت لج ولا مشاركه اليوم مع ان بروه نازله لمت داون وماشوفك بينتي ...

عسى المانع خير ان شاءالله ,,,

وعليكم السلام ورحمة الله وبركاته
جزاك الله خير اخي على السؤال وكانت ظروف صحيه منعتني من المشاركه
والحمد لله على كل حال الله يبعد المرض عنكم
بخصوص نزول بروه ما عليه مصيرها ترد ترتفع بأذن الله مره ثانيه
وخلاص نويت اخلي الاسهم استثمار
وتوبه من المطامر من سهم لسهم ههههه
وبكتتب ان شاء الله نتوفق وربي يوفق الجميع ان شاء الله

غيمه زرقا

25-01-2008, 11:23 PM

فاهم

26-01-2008, 02:28 PM

هلا الفاضله قيمه زرقا ...

لا ماعليج شر ان شاءالله ... الف لا باس عليج ...

وانا الظاهر بسوي مثلج وبكتتب لو ان هاذي نيتي تقريباً من البدايه ...

والله اييب اللي فيه الخير ان شاءالله ...

وخطاج الشر ... تكفير ذنوب ان شاءالله ...

غيمه زرقا

26-01-2008, 02:30 PM

فاهم

26-01-2008, 02:56 PM

يزاج الله الف خير ,,,

بـ فيصل ـو

28-01-2008, 09:44 PM

السهم يتردد بين 44 وال43.5 بعدما شرتها الغيمه بالشئ الفلاني..
ونأمل إنه تردد بسيط وبيرجع لتوقعات البعض بـ 46 على الاقل..

حبّار

28-01-2008, 09:56 PM

السهم يتردد بين 44 وال43.5 بعدما شرتها الغيمه بالشئ الفلاني..
ونأمل إنه تردد بسيط وبيرجع لتوقعات البعض بـ 46 على الاقل..

لا تخاف :)

مقيم

28-01-2008, 11:05 PM

لا تخاف :)
معاك حق اخي الحبار
لاتخاف

غيمه زرقا

28-01-2008, 11:19 PM

جزاكم الله خير وامنكم من الخوف يوم الفزع الاكبر اللهم اميييييييييييين

كلمة مرور

29-01-2008, 05:14 PM

السهم بعد فتره اتوقع له 41 او 40 ريال وبعد فتره متوسطه ان شاء الله نشتريه على 36

غيمه زرقا

29-01-2008, 06:05 PM

ما لل البلوة الا الصبر :anger2: بكره ببيعها على 44 او 43 :fight::fight: وبرجع اشتري من تحت
ولا بنتظر مخازن لين تنزل وبطمر معاهم في البدي:sneaky:
سبحان الله بقيت ابدل بينهم لما تقاربوا في السعر كان عوضت خسارتي اوقريب منها لكن مخي تنك ذيك الساعه لكن معليش على الله تدبير الامور سبحانه

فاهم

29-01-2008, 06:18 PM

ماشاءالله عليج اخت غيمه ... صدقتي على طول ان بينزل لين 36 ...

الاخ انلايزر عنده تحليل عن مخازن اتمنى انج تشوفينه قبل اي قرار ...

والله يوفقج

غيمه زرقا

29-01-2008, 07:08 PM

اي والله صدقت ههههههه
بس خلاص اكتتبت يعني حتى لو بطلع منها الاكتتاب بيداوي الخساره
بعد شسوي جرح على جرح كفى الله شره والي زاد اليوم واجد من اهلي وربعي لاموني
اني مابعت يوم 22 23 ورجعت شتريت من تحت كلهم يمدحونها ويقولون شركه زينه ومشاريعها عملاقه
لكن اللوم على تفويت فرصة اني ابيع وهي مرتفعه وارجع اخذ من تحت اما مخازن والله اني ادعي حق الملاك ومجلس الاداره دايمآ ويشهد الله ماعندي سهم واحد فيها لكن هي الشركه الوحيده الي ما خسرت فيها من عقب
انهيار السوق جاتني فرصه وبعت بربح صحيح مش واجد ولوصبرت كان بعت بسعر اعلى لكن قلت اقتنع واطلع احسن لي
:telephone: و الحين والله ضعت مدري شسوي اخاف اصبر واشوفها تنزل وتنزل مع انها الصراحه عجبتني ثقيله يعني ما تتزحزح بسهوله في النزول بس عساها عقب اطير بعد ما تم ثقيله عقدوني السلام والرعايه :o

غيمه زرقا

29-01-2008, 07:20 PM

عشرين مره اصلح الغلط مب عارفه اكتب كلمتين على بعض:oops:
الرجاء اقلب الصفحه:whistling:

غيمه زرقا

29-01-2008, 07:23 PM

لا تخاف على اختك مخازن مراح اخذها الا وهي تحت في الاربعينات توبه مراح اخذ شي مرتفع بصبر عليها طبعآ في حال بعت بروه ولقيتها نازله ما بعنا بنتم وياكم والله يعين
وقررت اشتري اي شركه من تحت وابيع فوق لو نتم شهور اسلم واضمن
والله ويوفقك يارب ويكفيك شر الخساره امييييييييييين

engineer2007

29-01-2008, 07:48 PM

اللة المستعان
حين ظهر خبر الاكتاب ارتفع السهم الى 58

و عند يوم 21/1/2008 و هو نهاية الحق فى الاكتتاب نرى السهم بمتوسط 49.3 و لم يتخطى ال 50؟؟؟

هل من تفسير لذلك و اللة يعوض ان شاء اللة

شاهيناز

29-01-2008, 08:08 PM

الحمدلله بعتها وفتكيت منها

وشريت سهم شركه ثانيه

وارتفع وعوضت خسارتي

بروه وبعد في بنك الله يستر عليه:this:

الحين راح للهاويه

حطيت عليهم بلوك
مابشتريهم

ماوراهم الا الخساير

فاهم

29-01-2008, 08:42 PM

لووووووووووووووول

حلوه ذي اقلب الصفحه ...

الله يوفقج ان شاءالله ويسدد خطاج ... ومبروك على الاكتتاب ... اكتتبتي وافتكيتي وحددتي مصيرج ...

لكن الحسره على اللي للحين ما اكتتب ولا يدري متى بيكتتب ... لاني مش موجود في الدوحه حالياً

وحسابي في المصرف ومادري شلون بكتتب ...

لكن ان شاءالله بحاول ارجع قبل 12 وبخلص الموضوع ...

المشكله ياغيمه محد يدري انها لما اوصلت 59 انها بترد وبتنزل لين اول الاربعينات ... والا كان الواحد اتخذ قرار واستفاد خير كثير...

نرد ونقول .. ( كـل امر اللــــه خيـر ان شاءالله )

ان استفدنا وربحنا عقب هالصبر خير ونعمه من رب العالمين ... وان لا سمح الله دقت بنا تحت ...

مالنا حيله ... واللي ايي من الله حياه الله ... شاورنا هل الخبره وعصرنا مخنا وهذا اللي وصلنا له ...

والخيره فيما اختاره الله ...

والله يوفق الجميع ان شاءالله ..

سهم123

29-01-2008, 09:58 PM

أبرك بروه عنوان غريب و له معنيان في دول الخليج

برك البعير (( يعني جلس البعيرعلى الشيء ، بس مش على بني آدم )) أو أبركها ساعة (( المباركة على الشيء )) ،،، ( -:

المهم بروة ما عليها خوف أبداً على المدى الطويل أو المستثمر

كلمة مرور

29-01-2008, 11:34 PM

السلام والرعايه نزول لسعر 17.6 ومن ثم الارتداد....السلام اتوقع له 20 اما الرعايه فهي ذهب لاستثمار هذه السنه

غيمه زرقا

30-01-2008, 12:45 AM

engineer2007 حياك الله
الله كريم لا تزعل نفسك وان شاء الله ربك يعدلها ويعوض عليك اميييييين .

شاهيناز .. حياج الله
وموفقه يارب والله يكفيك شر الخساير.

فاهم .. حياك الله
وعسى الله يردك بسلامه ويوفقك
والرزق والاجل مكتوبين يعني رزقك ماراح ياخذه غيرك
وان شاء الله ربي يعدلها وتتعوض المهم الصحه وموفق يارب اميييييين .

سهم 123 حياك الله

انا كنت بقول أمحق من محق يمحق محقآ هههههههه
بس الوالده الله يخليها يارب ويعطيها الصحه والعافيه كانت تقول لا تقولون امحق قولوا ابرك
يمكن الله يطرح البركه فيه ولا في مرت ملك ويقول امين

البعير بارك في الايجاره والسلام والرعايه اما التحويليه فيها عشر بعارين :court:

كلمة مرور حياك الله
جزاك الله خير على التنبيه والله يسمع منك وتنفك من قيدها قول السلام دخلته توني
لكن الرعايه سنين وبنين :o

الله يوفق الجميع وينور دروبكم وقلوبكم ولا يخيب رجاكم أبد آمين يارب العالمين
وشكرآ على مروركم.