التاجر القطري ,,,, مهدد بالانقراض ,,, خفايا واسرار ..

[al-fahad]

يالله ياكريم ياصباح خير ,, الله ييسر امورنا ويهدي صاحب البنايه الي فيها المحل لا يرفع الاجار ويكفينا شر بابو الي فاتح محل نفس محلي لا ينافس البضاعه الي عندي ويسكر محلي ...

المكتوب اعلاه عباره عن دعاء يومي لاصحاب المحلات القطريين في مستهل يومه خوفا من غلاء الاجارات ومنافسه بابو واشكال بابو ,,
انتم تدرون انه عندنا مافيا في السوق هدفها الوحيد محاربه التاجر القطري طبعا ياجماعه الخير انا مااقصد تاجر تاجر ,,, لان تاجر عندنا يدخل في مفهوم الي في حسابه عشره مليون ريال واحد من شروط الدخول لعضويه رابطه رجال الاعمال , ولكن انا اقصد تويجر او مسترزق يعني يطقطق يافاتح مغسله يا محل تلفونات يامكتب تخليص معاملات يعني انا اقصد هالنوعيه من اصحاب المشاريع الصغيره هذيلا الي هم يهددهم خطر الانقراض ,, لان بعض الجنسيات الاسيويه وغيرهم من من يشكلون تكتلات ويشيلون بعضهم يعني يدش بينهم قطري صج بيقطعونه ,, بتقولون مبداء المنافسه الشريفه بقول لكم ياريت ولكن السالفه ان مالك حتى فرصه تنافس مايعطونك فجه ,, على سبيل المثال ,, شركه حكوميه كبيره محتاجه سلع من الي يوفرها محلك ,, يشغل منصب مدير المشتريات الجنسيه (س) انت تتقدم وغيرك بعد وين يروح الطلب على اي محل على محل يمثل نفس الجنسيه (س) ليش او بالاحرى لييييييييييييش ,, تكثر التساؤولات تكثر الاقاويل ولكن اين الحلول ,

[عبودقطر]

أخوي الفهد كلامك صح 100% وأزيدك من الشعر بيت حتى في الأسعار اللي من نفس جنسيته له سعر وأنت يالقطري لك سعر :)

لكن وين المشكله ؟؟ المشكله من القطري اللي يفتح للأجنبي محل ويرضى ب1000 ولا ب2000 على قولته انا مرتاح وهالمبلغ يجيني آخر الشهر

أتمنى مايتم فتح الرخص التجاريه للأجانب ويتم محاسبة من يتستر على الأجانب إذا ماتم اكتشافه
والله المستعان

[مساهم22]

المفروض الدوله تتدخل في هذه الامور


ويجب عليها حماية المواطن التاجر


يا اخي ليش ما يسوون نفس نظام ابوظبي على ايام الشيخ زايد


... كل مواطن يؤدي القسم عند فتح سجل او مزاولة نشاط ان ليس له شريك فيه, يومها صدقني محد راح يفتح سجل ويعطيه اجنبي.


وبعدين صدقني تشوف كل المواطنين يزاولون اعمالهم بكل اريحيه


ولا يدخلون عليهم اصحاب النفوس الضعيفه

[سوق واقف]

من السبب ؟ أنتم
أنتم الذين تستخرجون سجلات تجارية لهؤلاء
جيب لي حلاق حق مواطن كلها حق هنود مقابل 1000 ريال شهريا روح حلق عنده وسولف معاه يقولك قصة حياته ..
من السبب؟ أنتم
المطاعم كلها حق هنود وانتم الي تستخرجون سجلات تجارية لهم مقابل 1000 ريال شهريا
أتمنى من الجميع التفكير جيدا قبل إستخراج أي سجل لأحد ...أذا أنت مب قدر التجارة لا تدخل في التجارة مقابل مبلغ 1000 ريال
أنتم السبب ؟

[al-fahad]

طبعا بلا شك اصل المشكله تكمن في اعطائه السجل يعني من غير سجل هو كفو يشتغل .... ياجماعه الخير انا اعرف واحد معطي سجل ليموزين ياخذ عليه خمس الاف شهريا لا ومستانس اخونا بالله هذا شنو راح يسوي لو درى انه سجله هذا يدخل 800,000 شهريا توقعوا شنو بيصير فيه , اتمنى من كل واحد يأجر السجل يحط في باله الصالح العام القضيه مو قضيه الف ولا الفين في الشهر ياجماعه الخير الموضوع يعكس باثاراه على المجتمع نرجع لصاحبنا بابوو الي يشتغل بالسجل وكل دخله قاعد يصدره لبلاده من غير اي مردود على المجتمع الحبيب بنى له مجمع سكني في ديرته والسبه هالسجل الي اشتغل فيه خله يسوي شي في بلادنا مستحيل خله يشغل حد من شبابنا مش بوزك ولا اشرايكم يعني ترى الموضوع فيه شئ من الوطنيه فأتمنى ان مانستغل الفرص الي يتم اعطائها لنا من الدوله بشيء من الانانيه ولكم جزيل الشكر .

[bojassim]

ياخوك والله انك صاج لكنك تأذن فخرابه.اليوم عندنا فرصه لكن بكره ربك العالم شبيصير