ودى اكفخها والله تعبت منها هالملقوفه

[&ام عبدالله&]

السلام عليكم

حبيت افضفض لكم

اختكم مقهووووووووووره وبتموت من الغيظ

الله يسلمكم صديقة اختى صغيره عمرها 15 سنه هالبنت ملقوفه بمعنى الكلمه

تتدخل فى كل شيء والمصيبه انها تدخل غرفتى وماتخلى شيء لي الا تستخدمه

حتى برفاناتى واغراضى الخاصه تاخذها بدون ماتقول لى

يعنى اكتشف انها لابسه من ثيابى وهى مايهمها حتى لو تهاوشت معاها

وعلمتها ان هالشيء مب من حقها ماتسمع الكلام

البنت لازقه فينا والمصيبه انها تستخدم كمبيوترى وتفتح الماسنجر حقتى

لانى مسويه دخول تلقائى اول مااشغل النت

اليوم صديقتى تقول لي

انتى اليوم كلمتينى بطريقه غريبه

وكله تتمسخرين علي

صراحه جن جنونى وماعرفت ارد عليها

وصديقتى هذى تعرفنى عدل وهى حست ان اللى كلمتها واحده غيرى مب انا

هالبنت مصختها وانا تعبت منها

كل يوم اقول لها مالج شغل فى كمبيوترى ولا تدخلين غرفتى

وهذى غبية مخ ماتفهم

وكل مره تقول لي خلاص ماراح تسوى هالشيء مره ثانيه وترد ثانى يوم

اسخم من قبل والمصيبه اليوم جانت بتموتنا

دشت المطبخ وسوت لها شاى ونست تسكر النار وتمت النار شغاله اكثر من ساعه

شكلى بكفخها على ويها واعلمها السنع عدل

ولا انتو شرايكم

[lalamar]

السلام عليكم

حبيت افضفض لكم

اختكم مقهووووووووووره وبتموت من الغيظ

الله يسلمكم صديقة اختى صغيره عمرها 15 سنه هالبنت ملقوفه بمعنى الكلمه

تتدخل فى كل شيء والمصيبه انها تدخل غرفتى وماتخلى شيء لي الا تستخدمه

حتى برفاناتى واغراضى الخاصه تاخذها بدون ماتقول لى

يعنى اكتشف انها لابسه من ثيابى وهى مايهمها حتى لو تهاوشت معاها

وعلمتها ان هالشيء مب من حقها ماتسمع الكلام

البنت لازقه فينا والمصيبه انها تستخدم كمبيوترى وتفتح الماسنجر حقتى

لانى مسويه دخول تلقائى اول مااشغل النت

اليوم صديقتى تقول لي

انتى اليوم كلمتينى بطريقه غريبه

وكله تتمسخرين علي

صراحه جن جنونى وماعرفت ارد عليها

وصديقتى هذى تعرفنى عدل وهى حست ان اللى كلمتها واحده غيرى مب انا

هالبنت مصختها وانا تعبت منها

كل يوم اقول لها مالج شغل فى كمبيوترى ولا تدخلين غرفتى

وهذى غبية مخ ماتفهم

وكل مره تقول لي خلاص ماراح تسوى هالشيء مره ثانيه وترد ثانى يوم

اسخم من قبل والمصيبه اليوم جانت بتموتنا

دشت المطبخ وسوت لها شاى ونست تسكر النار وتمت النار شغاله اكثر من ساعه

شكلى بكفخها على ويها واعلمها السنع عدل

ولا انتو شرايكم

شكلكم عايشين في بيت الرعب

رفيجتج ماتعرف من يكلمها
واختج الكلام يدخل مني ويطلع مناك
وحرايق وبلاوي وأشباح
الله يكون في عونج

[" روح قطر "]

ياعمرى عليج يا أم عبدالله

كفخيها وقبضيها الباب .....هالأشكلال ماتنعطا وجه

الله يستر عليكم من المقالب الجاية

[فيوليت]

ههههههههههههههههههههههاااااي

اتضحك هالبنت

هذي اخس من عبود زخووه

كفخيها ياام عبدالله

صدقتي هذي مااتعرف السنع

[قهوة الضحى]

والله ان اختك مرجوجة مافي الاتحطين كلمة السر بجهازك عشان ماتقدر تدخله خير شر
بس قبلها سنعيها ترى انا مثلك اكره الملاقيف

[بولينجر]

أختي أم عبد الله ليش تخلونها تدخل البيت أصلا؟!!! لا تفتحون لها الباب!!! والمثل يقول الباب اللي تجيك منه الريح سده واستريح...

[lule]

اشلون اهلها سامحين لها تطلع من البيت وتزوركم وتقعد عندكم بالساعات !!!!!

[حبر سري]

اقول ام عبد الله

لاتنسين ان هذا سن المراهقة للبنت
واكيد بتتصرف مثل هالتصرفات

لكن الشي اذا زاد عن حده انقلب ضده
يعني حاولي انج اتسايرينها اشوي وتاخذينها على قد عقلها
اذا مانفع , كل ماتطلعين برع البيت اقفلي غرفتج واخذي المفتاح معاج
مانفع وقتها البنت يبي لها كلام يسنعها
وانا بصراحة مااشجع الضرب خصوصا للبنات
(لكن المشكلة اذا دخلت المنتدى اليوم باسمج وشافت ردي , وقتها مابتنفع وياها ولا طريقة:o )

[lule]

هي من البداية قالت صديقة اختي !!!!!

[miss-qatr]

ياجماااااااعه اتقول رفيقه اختها مب اختها


اختي ام عبدالله الغلط ترا منكم انتو


يعني انا مبدأي بالحياه الياهال ماينعطون وجه يعني لو الواحد يخلي علاقته معاهم رسميه وايد ابرك لانك ان فتحتي المجال لهم ترا بيقطون الميانه وهاي الشي اللي المفروض مانسمح به لان لازم الكل يعرف فيه فرق بين الكبير والصغير ولازم اهي تحترم غيرها


وسوري بس مااظن اهلها معلمينها على هالشي من جذيه معذبه الناس


يا انك تصرخين عليها ااتفهمينها بالصراخ مب بالهدوء ان هالشي عيب وغلط ومالها حق اتسويه

يا انك تتصلين بامها واتقولين لها



الصراحه انا تنرفزت عمري محد فتح لي شي حتى خواتي الا باخلي وحده غريبه !!!!!!!!



الله يعينك ولازم توقفين هالمهزله


تحيااااتي لك

[@ دانتيل قطر @]

صباح الخير
شوفي0000
البنت هذي أكيد و100%
عندها مشاكل في بيتها
ومن كذا تجيكم بيتكم وتقعد عندكم بالساعات
أنا من رأيي أنج تشوفين شنو مشكلتها وتحلينها لها
وبصراحة البنت هذي 00أكسرت خاطري00
وودي لو أنا في مكانج حتى أحل لها مشكلتها
والله حرام

[وطن]

الله يعينج اختي
الصراحة الوضع صج مزعج

بس هي ليش قاعده عندكم بالبيت !!!

ابسط حل
لا تدخلونها بيتكم وخلاص

[&ام عبدالله&]

هذى الله يسلمكم سكنه فالشقه اللى فوق منا

وامها مسكينه ماتت وهى تولدها

وماعندها غير ابوها وجدتها حرمه كبيره

وهى ماتعرف احد غيرنا وهى مثل اخت لنا بس تعبتنى معاها

اليوم اكلمها تاكل حلاوه مصاص ولا معطيتنى ويه

وتقول عنى عيوز ههههههههههههههه

وانى معقده

ويوم اضربها تصعب على لانها يتيمه

واشوفها قاعده عند باب الشقه تصيح

وتقولى انتى ماتحبينى

وماتدانينى وماتبينى اصير بينكم اخت

[فارس الكلمة]

أم عبدالله أنت ساكنة في شقة .. و هي في شقة فوقكم ..

البنت زهقانة .. و متمللة .. و تحتاج من يعطف عليها .. و يواسيها و يطيب خاطرها ..

هي يمكن محتاجه كمبيوتر .. و إن شاء الله يتوفر لها هذا الشىء..إذا سمح ابوها ..

[BODYGUARD]

حرااام عليك ياام عبدالله ..... لازم تنتبهي لها .. البنت بمرحله خطره .. وبعض شباب ها الايام مالهم امان لاحد يقص عليها لانك مثل ماقلتي هبلا وسهل حد يقص عليها .. فخليها عندك وتحمليها واجرك على الله

[ناصر العمادي]

انا كنت ناوي اقولك كفخيها لين تقول توبه حرمت .....لكن

بما انها يتيمه وماعندها حد حرام خليها على راحتها ....

اشفيها يعني لو لعبت في كمبيوترك ولا احرقت البيت هاذي يتيمه حرام عليك ...:pardon:

أعتقد انا اللي راح اتكفخ .....:eek3::eek3::eek3::eek3:

شوفي الحل الوحيد هو انك تقفلين باب غرفتك عنها وتحطين رقم سري للكمبيوتر وتحاولين انك تقربين منها وتعلمينها الغلط بأسلوب حلو ...ممكن تتعلم ...

واذا شفتي مامنها فايده ذيك الساعه عطيها اسطار ينسيها اسمها وأعتقد راح تزعل كم يوم وبترضى وبتخاف تسوي شي غلط عندكم ...

الله يسهل عليك ويفك ازمتك يارب

تحياتي وتقديري لك

[وطن]

الله يكون بعونج يا ام عبدالله

في هالحالة الصراحة اتراجع عن اقتراحي بانج ما تدخلينها البيت

لانها يتيمة

ولكم اجر فيها ان شاء الله



الأحسن انج تحتوينها
وتتقربين منها وتخلينها تحس انج صديقتها اكثر من اختها الكبيرة
حاولي تكسبينها ولا تنفرينها منج
اصبري عليها


وشوي شوي بتوصلينها للطريق الصحيح ان شاء الله

[هاجن داز]

الحل هو انك تركبين (قفل) في كل شي في البيت

حتى على العطور:whistling::whistling:

[مزيون الدوحه]

الله يعينك يا ام عبدالله
ويجزيكم خير والصبر زين
على هالمسكينه وخاصه في هذا السن
تقدرين تكسبينها وتقربينها منك
وتكون في بيتكم احسن من ماتكون
عند حد ثاني ماتعرفونه او في الشارع


والله يجزيكم خير

[على قد حالها]

بما انها واااااايد ماخذه عليكم وياهل يعني مابتزعل منكم ولو زعلت مردها بترد لكم لان مالها حد غيركم ...
فأنتي هاوشيها مره هوشه سنعه وقدامها اقفلي البيبان عشان بس ترتز فالصاله وقولي لها تبين اي شي قولي لي مب على كيفج تتصرفين .... استخدمي هالاسلوب فتره بعدين بروحها شوي شوي بتتسنع ان شالله بس لازم تكونين حازمه معاها ولو مره
على كثر ماكانت باطه جبدي بتصرفاتها اكسرت خاطري المسكينه لان محد عندها جدتها كبيره وابوها اكيد مب طول الوقت فالبيت عشان جذي تعلقت فيكم!!!!

الله يصلحها ويعينكم بس اهتمي فيها عشان مايتلقطها الساقط واللاقط!!!!!!

[alwahesh]

البنيه محتاجه حد يوجها كل هذا نتيجه الاهمال كونها يتيمه الأم

و مثل ما يقولون الأم مدرسة اذا أعدتها أعدت شعبا طيب الأعراق

تربية البنات التربيه الصالحه مفتاح الجنه

تحمليها يا أم عبدالله والأجر على الله

[&ام عبدالله&]

شوفو اخواتى تصدقون لو قلت لكم انى ادرس لها

وانا اللى اعلمها وانا اللى ارتب لها ثيابها واهتم فيها وهى فعلا مثل اختى

وصار لنا جيران من 5 سنوات بس مب معقول ولا من العقل

انى كل مااطلع من غرفتى لين الصاله راح اسكر غرفتى

اممممممم شيء ممل ولو سكرت غرفتى راح اطفش من البيت ههههههه

لانى ادخل الغرفه الف مره فى اليوم

ياجماعه يرضيكم ادخل غرفتى ادور على الاستشوار والف عليه البيت

وفى الاخير اختى تقولى سلمى اخذت الاستشوار فوق عندها

طيب تعبت

وكمبيوترى فى الصاله شسوى فيه هو بعد اسكره وانا ماعندى غير هالكمبيوتر اطلع حرتى فيه

اليوم اخذتها سيتى ستارز وشريت لها مثل ماشريت لاختى تمت تصيح وماتبى الاغراض اللى جبتها لها

تقولى انتى ذوقج مب شيء الاخت تبى تلبس كجول ههههههههههههههههههه

هاى مب صغيره هذى عندها 15 سنه بس مخها مثل مخ الاطفال ماتعرف تفكر

انا الحين رويتها كل ردودكم على الموضوع وانتو اشهدو عليها

وعدتنى وحلفت انها ماتدخل فى اى شيء يخصنى

وانها ماراح تدخل كمبيوترى الا باذن منى

وماراح ترد على تليفونى وماراح تدخل غرفتى ابد

ولا راح تلعب فى اغراضى ولا برفناتى

ولو بغت اى شيء راح تطلبه منى

وانا عطيتها الكمبيوتر كل يوم ساعه واحده فقط تدخل على النت

علشان تتصفح طبعا بمراقبتى لانها ماعندها اى خلفيه

ولا تعرف اى شيء فى هالدنيا ابد

يالله اشهدو عليها وهاى اخر فرصه بعطيها لها

وهى شافت كل ردودكم بس فى عضو هى زعلانه عليه

وتبى تكفخه ههههههههههههههههههههههههههههههههههههه

[وطن]

هاهاهاهاهاها
الله يهديها ان شاء الله


ويا سلمى خلج بنت حبوبة وحليوه

ترى بالاسلوب هذا حتى البنات بالمدرسة بينفرون منج



الحين هذول مثل خواتج ومتحملينج لانج اختهم

لكن اللي بالمدرسة بيتركونج وبتصيرين وحيده


خلج ذربة وتصرفاتج لازم تخلينها راكزه
انتي كبرتي ترى

انا يوم في سنج الصراحة ما كنت اسوي جذي

ما اخذ غرض من حد بدون استئذان
حتى لو خواتي ... وللعلم تراهم اصغر مني بس بعد اراعي خصوصيتهم وملكيتهم للأشياء

وترى مو حلوة تفتحين جوال اختج حتى لو هي قالت لج
لان فيه أشياء ممكن تكون خاصة جداً
ومالج أي حق في الاطلاع عليها

ويالله أشووووف قومي ادرسي

أخبرها فترة امتحانات الحين


:)

[جود]

انا الحين رويتها كل ردودكم على الموضوع وانتو اشهدو عليها

وعدتنى وحلفت انها ماتدخل فى اى شيء يخصنى

وانها ماراح تدخل كمبيوترى الا باذن منى

وماراح ترد على تليفونى وماراح تدخل غرفتى ابد

ولا راح تلعب فى اغراضى ولا برفناتى

ولو بغت اى شيء راح تطلبه منى

وانا عطيتها الكمبيوتر كل يوم ساعه واحده فقط تدخل على النت

علشان تتصفح طبعا بمراقبتى لانها ماعندها اى خلفيه

ولا تعرف اى شيء فى هالدنيا ابد

يالله اشهدو عليها وهاى اخر فرصه بعطيها لها

وهى شافت كل ردودكم بس فى عضو هى زعلانه عليه

وتبى تكفخه ههههههههههههههههههههههههههههههههههههه

:con2::con2::con2::con2:

[ناصر العمادي]

تقولى انتى ذوقج مب شيء الاخت تبى تلبس كجول ههههههههههههههههههه



انا الحين رويتها كل ردودكم على الموضوع وانتو اشهدو عليها

وهى شافت كل ردودكم بس فى عضو هى زعلانه عليه

وتبى تكفخه ههههههههههههههههههههههههههههههههههههه


يمكن من صج كلامها ذوقك مب شي .....:omg::omg::omg: ( طبعا غشمره ) خايف من البلاوي اللي بتجيني ...خخخخخخخخخخخخخخ

الله يستر وان شاء الله ماكون انا العضو المقصود لأن كلامي عنها كان وايد حلو :omg:

[&ام عبدالله&]

هههههههههههههههههه

ياجماعة الخير البنت صار لها يومين محترمه

وانت ياناصر المقصود تقولى شفيه ذا هههههههههههه

يارب اتم على هالحال وماتعود ريما لسوالفها القديمه

امس كانت قاعده على النت ودشت المنتدى وشافت موضوع وكانت تبى ترد عليه قلت لها تحملى

تردى على اى احد فى المنتدى ترا بيطردونى وانتى بتكونى السبب ههههه

بخوفها وهى صدقت وقالتلى لااااااا خلاص ماراح ارد بشوف المواضيع فقط

البنت تحسبنى واسطه هههههههههه

تقول لى كلميهم يسوون لى فى المنتدى قسم حواء

تتذكر نفسها فالسوق هههههههه

والله شكلى بستين منها

[COLOR="Red"]وتقول لي قولى حق ابله وطن انى بسمع الكلام وماراح ازعل ام عبودى منى [/
COLOR]

والله يااخواتى انكم ساعدتونى ردودكم اثرت فيها وحسستها بالذنب تجاهى

وشكلها بتتغير صج مب كلام مثل كل مره

وتابعو الجديد

[وطن]

ان شاء الله يا رب تتغير للأحسن وتستمر

ولج الأجر ان شاء الله في الصبر عليها



وقولي لها أنا مو أبله

أنا وطن بس


:)

[موظف بالبورصه]

اشلون اهلها سامحين لها تطلع من البيت وتزوركم وتقعد عندكم بالساعات !!!!!


على الأقل هذي في البيت وتزور ناس

امس انا شايف بنات في السن الـ 13 + 14 لين 12.30 في الستي وبروحهم

داخلين السينما ..

الله المستعان ..

[**قطـــــر**]

إختى أم عبدالله جزااااااااااااج الله ألف خير لإحتوائك سلمى وجعلها طرف مهم فى عائلتج الموقره وبإذن الله تأجرين عليها :)

وبالنسبه لوضعها الأن حسب الردووووود تحسن إلى الأمام :)


ولكن بما أنها فى سن المراهقه يمكن ترجع لوضعها القديم وأتمنى منك أنج ماتكفخينها ولا تأنبينها حتى لايكون هذا سبب فى تهديم الذات لدى المراهــــــــــــق .. وبما أنها من النوع المشاغب وتحب تشوف اللى عندج من أغرااااااض وأسراااااااااااااااارج أعطيج وصفه تخليج ماتسكرين باب غرفتج ولا تحطين باسورد على كمبيوترج والوصفه هى أن تقوميــــــــــن
بتعجيف شعرها لــ عنقوصيــــــن وتحطين فى آخر عنقوص جرس

http://www.safwanet.net/vb/image.php?u=869&dateline=1101779734
علشان تستدلين من الصوت وين مكانها وتعالجين كل المشاكل من أول وهله :)

دمتى سالمه إختى وجعل الله ماتقومين به فى ميزاااااااااااان حسناتج

[بو جواد]

منشاني يا ام عبدالله
حرام تضربيها للبنت
فهميها غلطها بالكلمه الحلوا
وانا متأكد انها ستفهم الموضوع هذا من جهه ومن جهه اخرى حاولي ان تحافظي وتعملي سكيورتي على اغراضك الشخصيه

[قطري33]

اختي ام عبدالله تذكري الحديث الذي رواه أبي هريرة رضي الله عنه أن رجلا شكا إلى النبي صلى الله عليه وسلم قسوة قلبه، فقال: امسح رأس اليتيم، وأطعم المسكين. (رواه أحمد بإسناد حسن) هالله هالله في هالبنوته اليتيمه ... ماتدرين يمكن يوم القيامه تدخلج الجنه بمعاملتج الزينه لها :)

[&ام عبدالله&]

والله انى مب مقصره معاها واعاملها مثل اختى واكثر
وفى اوقات ابديها عن اختى والله العالم انى مثل مااشترى لاختى او لنفسى اشترى لها
ومااحرمها من شيء بس هى اللى تسوى شيطانه ووايد دلوعه
وماتعرف اى شيء فى الدنيا الا المزح خاطرى اعلمها السنع وشلون تصير بنوته رقيقه
مب همجيه بس انا احاول معاها بكل قوتى والله يقدرنى عليها لان مخها يابس
ومشكور اخوى عالنصيحه والله يسعدك

[&ام عبدالله&]

إختى أم عبدالله جزااااااااااااج الله ألف خير لإحتوائك سلمى وجعلها طرف مهم فى عائلتج الموقره وبإذن الله تأجرين عليها :)

وبالنسبه لوضعها الأن حسب الردووووود تحسن إلى الأمام :)


ولكن بما أنها فى سن المراهقه يمكن ترجع لوضعها القديم وأتمنى منك أنج ماتكفخينها ولا تأنبينها حتى لايكون هذا سبب فى تهديم الذات لدى المراهــــــــــــق .. وبما أنها من النوع المشاغب وتحب تشوف اللى عندج من أغرااااااض وأسراااااااااااااااارج أعطيج وصفه تخليج ماتسكرين باب غرفتج ولا تحطين باسورد على كمبيوترج والوصفه هى أن تقوميــــــــــن
بتعجيف شعرها لــ عنقوصيــــــن وتحطين فى آخر عنقوص جرس

http://www.safwanet.net/vb/image.php?u=869&dateline=1101779734
علشان تستدلين من الصوت وين مكانها وتعالجين كل المشاكل من أول وهله :)

دمتى سالمه إختى وجعل الله ماتقومين به فى ميزاااااااااااان حسناتج

ههههههههههههههههههههه

الله يسلمك اخوى بس والله فكره حلوه منك

[&ام عبدالله&]

منشاني يا ام عبدالله
حرام تضربيها للبنت
فهميها غلطها بالكلمه الحلوا
وانا متأكد انها ستفهم الموضوع هذا من جهه ومن جهه اخرى حاولي ان تحافظي وتعملي سكيورتي على اغراضك الشخصيه

ياخوى انا مااضربها انا خاطرى اضربها بس مااقدر

وبعدين احنا على هالمشكله من 4 سنوات تقريبا

بس الحمد لله صار لها يومين حبوبه وماتسوى شيطانه

[&ام عبدالله&]

على الأقل هذي في البيت وتزور ناس

امس انا شايف بنات في السن الـ 13 + 14 لين 12.30 في الستي وبروحهم

داخلين السينما ..

الله المستعان ..

لا لا

اخوى هذى ماتطلع من البيت اصلا ابوها مطوع

ولولا الوثوق فينا وفى تربيتنا واخلاقنا ماكان خلاها عندنا

ابد هذى لو وديتها اخر الشارع ماتعرف ترد البيت

[دلوعه امها]

الله يهديها ويصلح حالها الله الله فيها لحد يهاوشهاحبيتها:)