بتركب الاسعاف ..ادفع فلوس بالاول..

[هتـان قطر]

:deal:تخيل بيشيلونك في الاسعاف بين الحياة والموت

ولما توصل المستشفى بيقولون لك قوم ادفع

رسوم التوصيل..هذا ماسمعت في وطني الحبيب

صباح الخير اليوم ..عندما سأل حسن الساعي

الدكتور يوسف المسلماني عن هذا الخبر ما نفى

قال انا سمعت انهم بيطبقون هذا النظام..

وهو فرض رسوم على الاسعاف

يعني الواحد يموت بكرامته ولا يتمرمط

وينحرج وهو داخل الطوارئ وهم يطالبونه

بالرسوم قدام المرضى والمصابين والموتى..:deal:

[غزلان]

الله لايحوجنا لوزاره الصحه بكبرها

[BODYGUARD]

مايصير كل دول العالم الطواري ببلاش ..

[OTBD]

واتوقع دوريااات الشرطة فيها رسوم في المستقبل يوم بيجيك في وقت الحادث لان السيارة

تحركت ولازم تدفع رسوم

[التيما]

لا حول ولا قوة الا بالله حتى في المرض والموت يدورون الفلوس !!

اللهم لا تؤاخذنا بما فعله السفهاء منا ..

[مستثمره جديده]

لاحول ولاقوة الا بالله .. عاد تخيل الواحد متكسر ولا ينزف وحالته حاله ويقول لسواق

الاسعاف وقف عند اقرب صراف آلي علشان اسحب لكم فلوس التوصيل ..

والله مسخره .. يعطيك العافيه اخوي

[عبدالله العذبة]

:deal:تخيل بيشيلونك في الاسعاف بين الحياة والموت

ولما توصل المستشفى بيقولون لك قوم ادفع

رسوم التوصيل..هذا ماسمعت في وطني الحبيب

صباح الخير اليوم ..عندما سأل حسن الساعي

الدكتور يوسف المسلماني عن هذا الخبر ما نفى

قال انا سمعت انهم بيطبقون هذا النظام..

وهو فرض رسوم على الاسعاف

يعني الواحد يموت بكرامته ولا يتمرمط

وينحرج وهو داخل الطوارئ وهم يطالبونه

بالرسوم قدام المرضى والمصابين والموتى..:deal:

أختي هتان قطر ...

لا توجهي النقد لمثل هذه الأمور حتى لا يتهمك آخر بـأن ليس عندك وطنية و تكرهين قطر :eek2:

[هتـان قطر]

:taunt::taunt::tease::tease::taunt::taunt:

شر البلية ما يضحك..

[التيما]

أختي هتان قطر ...

لا توجهي النقد لمثل هذه الأمور حتى لا يتهمك آخر بـأن ليس عندك وطنية و تكرهين قطر :eek2:

اذا ديرتي صارت تفكر في الفلوس على حسابي كمواطنة .. تبيني انا اهتم !! دورني يا وطن :eek3:

[هتـان قطر]

أختي هتان قطر ...

لا توجهي النقد لمثل هذه الأمور حتى لا يتهمك آخر بـأن ليس عندك وطنية و تكرهين قطر :eek2:

والله اني اموت في قطر وترابها..

بس الموضوع ضحكني من قلب..:happy::dance

[المتأمل خيرا]

:deal: ..عندما سأل حسن الساعي

الدكتور يوسف المسلماني عن هذا الخبر ما نفى

قال انا سمعت انهم بيطبقون هذا النظام..
..:deal:

فعلاً هذا الذي سمعته في اللقاء.. وأضاف الدكتور المسلماني ما معناه أنه ليس له تعليق حول الموضوع حيث أنه لايدخل ضمن اختصاص إدارته.

[وطن]

هزلت الصراحة !!!

[Level]

طيب انا بدفع بس على شرط يردون علي فلوسي لو مت

[ارستقراطي]

للمعلوميه ان النظام المتبع في المستشفى هو نظام امريكي كنظام عام اسعاف علاج توقيع تعهدات حسب ما افد المسلماني

يعني ماجبنا شي من برا

كل مانقوم به هو الاتباع الاعمى للعم سام

قال ارسول صلى الله عليه وسلم

لتتبعن سنن من قبلكم شبرا بشبر وذراع بذراع حتى ولو سلكوا جحر ضب لسلكتموه قلنا اليهود والنصارى قال فمن ؟


نتبعهم في كل الامور نسأل الله السلامه

تحياتي

[**قطـــــر**]

فلتبدأ الصحــــــه بتدشين الإسعاف الجديد تحت شعار ((إسعاف بو كروه ))

حتى يتضح للغير أن كل مايتم إستخدامه من قبل المريض من أوكسجين وغيارات ورباطات عنق سيتم إرجاع قيمتها من المريض فى حاله إيصاله إلى مقر المستشفى الموقر..وعليه أن يوقع على عدم مطالبتهم بإرجاع المبلغ فى حاله الوفاه

[هتـان قطر]

طيب انا بدفع بس على شرط يردون علي فلوسي لو مت

:taunt::taunt::taunt:

[بوحارب]

:omen2::eek5::omen2::eek5:

[_QTR_]

اتوقع اذا الواحد اتصل وطلب الاسعاف

قبل ما يركبونه الاسعاف بيسألونه (محفظتك او فلوسك معاك)

والله قمة المهزلة .. انا اتوقع ان بومشعل (الله يطول في عمره) او الشيخ تميم ما عندهم علم بمثل هذي الاشياء

[فهد الخاطر]

مب كفوا اذا يبون الشعب يثور يسوونها
حسنه وحده صارت في مستشفى حمد وهي بان الخدمة الطبية صارت احسن من اول
ولكن هناك امر مهم وهو بان اللجنة الطبية للعلاج في الخارج ما ترسل المرضى للعلاج
الا بالواسطات
يفكرون انهم يصرفون على المرضى من حلالهم
وفوق هذا يبون يركبون المريض بفلوس
صحيح قلة حياء
والله انه كل مواطن نبيه ولكن مغلوب على امره

[هتـان قطر]

اموت واعرف من اللي يصدر هذي القرارات..؟

ومن اللي يصدقها....؟

يعني الحين الشعب ناقص بعد..

بس تدرون يمكن الشباب المستهتر يرتدعون شوي

خصوصا اذا الاب حمر العين في ولده وقاله ماراح ادفع

ولا ريال للاسعاف اذا صار لك حادث..ادفع انت ولا انطق وموت

هنيه انطر الاسعاف عاد لين ايجيك..

ما شالله على مستشفى حمد ونعم التفكير ونعم القرار

للحد من الحوادث وزيادة نسبة الوفيات..:eek3:

[لولوتي]

ومن عديم الاحساس وعديم الشفقه اللي طلع هالقرار

حسبي الله ونعم الوكيل


لا وسمعت كلام ويمكن اشاعه ان مجلس الاداره يوم طلّعوا الناس فضايحهم في البرنامج كنسلوا الزياده اللي المفروض تنزل للموظفين هالشهر

استغفر الله العظيم

[أم أبراهيم]

للمعلوميه ان النظام المتبع في المستشفى هو نظام امريكي كنظام عام اسعاف علاج توقيع تعهدات حسب ما افد المسلماني

يعني ماجبنا شي من برا

كل مانقوم به هو الاتباع الاعمى للعم سام

قال ارسول صلى الله عليه وسلم

لتتبعن سنن من قبلكم شبرا بشبر وذراع بذراع حتى ولو سلكوا جحر ضب لسلكتموه قلنا اليهود والنصارى قال فمن ؟


نتبعهم في كل الامور نسأل الله السلامه

تحياتي


تبعيتنا لأمريكي وراء كل مصيبة .

سوق الأسهم عندنا اليوم منهار والسبب السوق الأمريكي .

والتضخم عندنا مرتفع والسبب سوء الأقتصاد ألامريكي .

وأدارة مستشفى حمد إدارة أصحابها الفكر ألامريكي ..

عندهم القطري مطرود والأمريكي محروس .

ومقبرة بو هامور راح تكون بفلوس على المواطن القطري قريبا :court:.

[أم أبراهيم]

ومن عديم الاحساس وعديم الشفقه اللي طلع هالقرار

حسبي الله ونعم الوكيل


لا وسمعت كلام ويمكن اشاعه ان مجلس الاداره يوم طلّعوا الناس فضايحهم في البرنامج كنسلوا الزياده اللي المفروض تنزل للموظفين هالشهر
استغفر الله العظيم


لا تقولين أختى لولوه ....


أن شاء الله سمو الأمير يراعي حالة المواطنين ويزيدون الرواتب

كما زادت الكويت والسعودية والأمارات راتب المواطنين .

[هتـان قطر]

ياخوفي بكره حتى الضحكه بفلوس..

اشفيها حكومتنا صايره زي المنشار

طالعه تاكل نازله تاكل..؟

يعني زيادة راتب مافيه وبعد فارضين رسوم

على كل شي..اخرتها المواطن بتصيبه جلطه

ولا بيوقف قلبه من القهر ومب لاقي حتى اسعاف

يوصله المقصب قصدي المستشفى..

[وحيد-الشوق]

مااتوقع شدعوه اسعاف وبفلوس بعد :swoon:

اظن كل دول العالم الاسعاف ببلاش :nop:

[امل الحب]

هههههههههههههههههههههههههههه

صج قرارات غبية

[Mishaal]

يعني واحد مو في كار أنه يدفع لممرض الإسعاف قيمة توصيله ..!! شدعوه مايقدرون يدفعون قيمة البترول ؟!!

والله لو حالتي بالفعل تستدعي أني أطلع فلوس من مخباي ماكنت اتصلت في الاسعاف من المرة الأولى ..

كنت أتصلت في الدريول ووصلني وافتكيت ..! شحادني على عوار راس الإسعاف وغرباله !!

خوفي مستقبلا يحسبون علينا ضريبة على كل (عطسة) تطلع منا، يمكن يمنعون علينا قول "الحمدلله رب العالمين" إلا بعد ماندفع!!

حسبي الله ونعم الوكيل على هذا الظلم ..!

[ابوسعود]

هناك خطا في فهم القرار
اخت هتان
القرار ان المريض اذا طلب الاسعاف يتم تحديد حالته من الطوارى
وبعد ذلك تحدد الحاله ودرجة الخطوره اذا كانت الحاله تستدعي الطوارى
لايتم دفع الرسوم واذا كانت الحاله عاديه ولاتستدعي الطوارى يتم دفع الرسوم
واللي يحدد الحاله دكتور الطوارى
ويتم الدفع في الطواري مو مثل ماقلتي قبل
لان الحاله العاديه بتشغل الاسعاف والحاله غير طارئه
وانتوسويتو من الحبه قبه
وانا اشوق القرار صحيح
البعض على صداع طلب الاسعاف
وعلى اشياء ماتستاهل يمكن في واحد محتاج الاسعاف اكثر منه
وبعضهم يطلب الاسعاف لان ماعنده سياره او دريول

والقراااااااااااااااار سليم ولا عليه غباااااااااار

[جود]

هذي تعتبر ضرايب ,, مش رسوم بس محورينها الأخوان

[ناصر العمادي]

اعناد فيهم بطلب كروه .....:nice::nice::nice::nice::nice::nice:

هذا ونحن مسلمين ومافي قلوبنا رحمه والله عيب .......

انا صار معي موقف في لندن بلد الكفار كنت عامل عمليه وبعد فتره جالس في البيت وضربت علي العمليه وتعبت من الألم طلبت الأسعاف وكلها دقايق ووصلوا وأخذت المحفظه معاي وصلوني الطواري ودخلوني الغرفه وشفتهم ينتظرون عند باب الغرفه فقلت اكيد ينتظرون الفلوس وانا اصرخ من الألم لين وصل الدكتور وعطاني ابره مهدي وعلاج للجرح وللألم ومن قمت عشان احاسبهم ولا يقولي احنا ننتظر عشان نرجعك البيت مش عشان الفلوس والعلاج والتوصيل مجاني ... استغربت والله .... بعدها احترمت الأنجليز بس شوي .....

الله لايقول نحتاج في يوم للأسعاف الطاير ...كم بيدفعونا ....:omg::omg::omg:

يعطيك الصحه والعافيه على الموضوع الفكاهي

الله يوفقك ويسعدك ويبعد عنك المرض اللهم آمين

تحياتي وتقديري لك

[امـ حمد]

الله المستعان الله ينعم علينا بنعمه الصحه والعافيه

[بولينجر]

لا حول ولا قوة إلا بالله...بس إذا كان صحيح إنه يكون مجانا للحالات الطارئة فعلا إذا يكون قرار صحيح وفي محله...غير هذا أنا ضد القرار...

[ورقــة أمــل]

ههههههههه ول ول شدعووه

صج ما يستحوون

فلوس على الاسعاااف

[عاصفة الصحراء]

يا اخوان لا تستعجلون بالحكم قبل صدور القرار

تفاءلوا يمكن مع زيادة الرواتب يكون في علاوة " بدل إسعاف "

http://www.moq3.com/img/17012008/S4919941.gif
شسالفـه

[jajassim]

الله لايقول نحتاج في يوم للأسعاف الطاير ...كم بيدفعونا ....:omg::omg::omg:



خدمة ال V.I.P :whistling:

[jajassim]

واتوقع دوريااات الشرطة فيها رسوم في المستقبل يوم بيجيك في وقت الحادث لان السيارة

تحركت ولازم تدفع رسوم

يحليك :taunt:

[هتـان قطر]

هناك خطا في فهم القرار
اخت هتان
القرار ان المريض اذا طلب الاسعاف يتم تحديد حالته من الطوارى
وبعد ذلك تحدد الحاله ودرجة الخطوره اذا كانت الحاله تستدعي الطوارى
لايتم دفع الرسوم واذا كانت الحاله عاديه ولاتستدعي الطوارى يتم دفع الرسوم
واللي يحدد الحاله دكتور الطوارى
ويتم الدفع في الطواري مو مثل ماقلتي قبل
لان الحاله العاديه بتشغل الاسعاف والحاله غير طارئه
وانتوسويتو من الحبه قبه
وانا اشوق القرار صحيح
البعض على صداع طلب الاسعاف
وعلى اشياء ماتستاهل يمكن في واحد محتاج الاسعاف اكثر منه
وبعضهم يطلب الاسعاف لان ماعنده سياره او دريول

والقراااااااااااااااار سليم ولا عليه غباااااااااار


والدوله مافيها الا اسعاف واحد..؟ الاسعافات كثير دولتنا ما قصرت

وفرت كل شي..وبعدين من اللي يحب يطلب الاسعاف الله يكافينا شره

اللهم المحتد اللي صايبه مكروه..:sneaky:

وشكرا على التوضيح انا كذا فهمت من وطني الحبيب

[الدوحي7]

الله لايحوجنا حق(.................) ،حسبي الله ونعم الوكيل،، لاتخافون في رب فوق،،

[سعود ناصر]

اطالب رئيس هيئة الصحة بالاستقالة

[Aljans]

احلون مشكلة زحمة الشوارع أول، المشكلة أذا واجهتهم بسبب التخطيط الخاطئ حولها ع المواطن..

[سيف قطر]

آخر تحديث: الأربعاء23/1/2008 م، الساعة 03:56 صباحاً بالتوقيت المحلي لمدينة الدوحة
الطواريء تدرس فرض رسوم علي خدمة الاسعاف

الدوحة - الراية: علمت الراية ان قسم الطواريء بمؤسسة حمد الطبية بصدد فرض رسوم مقدارها 300 ريال علي خدمة الاسعاف وذلك خلال الأيام القادمة، الامر الذي اثار ردود أفعال متباينة بين الجمهور الذي استغرب مثل هذه الخطوة، خاصة في ظل التطور الكبير الذي شهدته خدمات الطواريء والاسعاف مؤخرا.
أوساط الطواريء لم تعلق علي الخبر وبانتظار الأيام القادمة لتكشف مدي صحة ما يتناقله الشارع بهذا الصدد.
وكان قسم الطواريء بمؤسسة حمد الطبية قد سبق وان فرض مائة ريال كرسم مقابل تقديم الخدمة الطبية للحالات غير الطارئة والتي تراجع الطواريء وتصر علي تلقي العلاج فيه وهو الامر الذي قوبل باستهجان من قبل الجمهور في بداية الأمر ولكن سرعان ما تبين مدي جدوي هذا القرار خاصة فيما يتعلق بخفض عدد الحالات التي تراجع القسم والتقليل من الازدحام هناك.

[M-OH-A-ME-D]

اعناد فيهم بطلب كروه .....:nice::nice::nice::nice::nice::nice:

هذا ونحن مسلمين ومافي قلوبنا رحمه والله عيب .......

انا صار معي موقف في لندن بلد الكفار كنت عامل عمليه وبعد فتره جالس في البيت وضربت علي العمليه وتعبت من الألم طلبت الأسعاف وكلها دقايق ووصلوا وأخذت المحفظه معاي وصلوني الطواري ودخلوني الغرفه وشفتهم ينتظرون عند باب الغرفه فقلت اكيد ينتظرون الفلوس وانا اصرخ من الألم لين وصل الدكتور وعطاني ابره مهدي وعلاج للجرح وللألم ومن قمت عشان احاسبهم ولا يقولي احنا ننتظر عشان نرجعك البيت مش عشان الفلوس والعلاج والتوصيل مجاني ... استغربت والله .... بعدها احترمت الأنجليز بس شوي .....


ما تشوف شر أخوي ناصر

بس الله يسامحك خليتني أفرط ضحك على كروة

تمنياتي لك بدوام الصحه

[بروحي]

كل شئ جايز فيهذا الزمن
اصبح الهواء الذي نتنفسه بفلوس

[moonبنتnight]

يا جماعة 00 اي خدمة في الدولة ندفع فيه يعتبر ضريبة

[هتـان قطر]

يا جماعة 00 اي خدمة في الدولة ندفع فيه يعتبر ضريبة

شالفرق بين الضريبه والرسوم..؟

[قــلم الرحيــل]

شالفرق بين الضريبه والرسوم..؟


الفرق اختي ان الضريبه تدفعها وانت تنضرب والرسوم تدفعها وانت

بعد تنضرب بس المره هاذي مع بوسه !!!!!!

عرفتي الفرق ؟؟

[بـوصـالـح]

هناك خطا في فهم القرار
اخت هتان
القرار ان المريض اذا طلب الاسعاف يتم تحديد حالته من الطوارى
وبعد ذلك تحدد الحاله ودرجة الخطوره اذا كانت الحاله تستدعي الطوارى
لايتم دفع الرسوم واذا كانت الحاله عاديه ولاتستدعي الطوارى يتم دفع الرسوم
واللي يحدد الحاله دكتور الطوارى
ويتم الدفع في الطواري مو مثل ماقلتي قبل
لان الحاله العاديه بتشغل الاسعاف والحاله غير طارئه
وانتوسويتو من الحبه قبه
وانا اشوق القرار صحيح
البعض على صداع طلب الاسعاف
وعلى اشياء ماتستاهل يمكن في واحد محتاج الاسعاف اكثر منه
وبعضهم يطلب الاسعاف لان ماعنده سياره او دريول

والقراااااااااااااااار سليم ولا عليه غباااااااااار



هذا هو الكلام الصح يا جماااعه

الطوارئ هم الي يحددون حالت الطبيب وعلى اثرها اذا فعلا كانت حالته خطيره

ما يدفع

اما اذا كان ما فيه شي (( فيدفع 300 ريال )) علشان لما يطلب الاسعاف يطلبها وهو مريض

(( للأسف )) الاسعاف مستقل عندنا في قطر وخصوصا من الجاليات الاسيويه

على انه (( تاااكسي ))

يطلب اسعاف (( ويتصنع المرض )) ولما ينزل الطواري

(( يكمل مشواره للدوحه )) لانه يبي توصيله للدوحه

وهذا الموضوع (( منتشر وبكثره ايضا )) والطلبات يوميه


(( واكثر هالطلبات )) تجي من الهنود والنيباليين والمصريين

(( والسبب واحد )) الم فالبطن

بعد شوي (( الحبيب محد ))

او (( للهرب من الدوااام ))

فهالقرار جاء لردع مثل تلك الحالات

واستخدام الاسعاف للحالات الطارئه وليس للتوصيل (( علشان ما يدفع حق التاكسي ))

[وحيد-الشوق]

والله زمن اسعاف وبفلوس مب كافي الغلاء الي ذبحنا الظاهر الناس مابتطلب الاسعاف يروحون بسيارتهم ابرك :court:

[الصارم]

http://www.moq3.com/img/17012008/S4919941.gif
شسالفـه

السالفه تالفه

انزين عندي سؤال..
اذا نسى سواق الاسعاف يشغل العداد حق الفلوس ... خلاص ما أدفع؟

بس أخاف السايق يستغل الموضوع ويطول المسافه علشان يزيد العداد:D

[بودندن]

اكيد هذا الخبر بط جبد الاجانب اللي يبغون يوفرون كروة التاكسي وكلهم فيهم عياره بس عشان بلاش

[امـ حمد]

لا حول ولا قوه الا بالله

[قناص الاسهم]

المفروض الحالات الطارئه والخطيره مثل الحوادث والاصابات البليغه اثناء العمل والحرائق وغيرها الي تشكل خطر على حياة الانسان تكون بالمجان وخصوصا اذا كان المصاب يحتاج عناية خاصه في نقله الى المستشفى .. وعدا ذلك ما ينلامون لو سووها بفلوس لان اذا بغيت الصراحه فيه ناس استغلت هذه الخدمه الانسانيه المجانيه استغلال سيء وبمجرد ترتفع حرارته شوي او يجيه شوية مغص اتصل على الاسعاف وطلب سيارة وهو قادر على المجيء الى المستشفى بطريقه شخصية وقد يكون هناك من هو اولى منه واكثر حاجه لهذة السيارة .
الدوله والحكومه ما تقصر وتحاول جاهدة توفير كل سبل الراحه للمواطن والمقيم على ارضها وهذا الكلام من صميم قلبي .. الله يطول بعمر اميرنا ويوفقه لما يحبه ويرضاه والله يديم علينا النعمه الي تحسدنا عليها الكثير والكثير من الدول .

[الزاجل]

اعتقد في لبس في فهم الموضوع ..

بشكل عام هناك ناس ما يقدرون قيمة تحريك سيارة الإسعاف
اتحصلهم يدقون على رقم 999 الوووووووووووووووووووو
الووووووووووووووووووو

الله يخليك بسرعة لحقوا علينا
ولدنا راح ولدنا راح
ويصرخون

ويهدونهم ويبون يعرفون شنهي سالفتهم ؟
ويالله يالله ياخذون منهم العنوان
يوصلون لهم بعد ما يعطلون السير في الشوارع
وشخط
وكل يقول اللهم عافنا مما بليت غيرنا

اول ما يوصلون عند الباب
يدشون يدورون المريض
وينه .. وينه
اشوية يهال يركضون والأم اتصيح
والياهل مسدح اشبلاها
ظفره امجع من مكانه :omen2:

و على هالمنوال يتم استدعاء وتحريك سيارة الإسعاف
بدل مرة مليون مرة في الشهر ...

طيب وبعدين عقب ما يدخل الطوارئ ..
هل حالته طارئة . هل بيتم زرع ظفره ؟
هل يعاني من نزيف حاد ؟

كل هذا يتم تحديده في الطواري اللي بيكتشفون
ان الطفل ما كان محتاج تحريك سيارة اسعاف له
وحالته عادية جدا ممكن الإنتظار عليه او مداواته في البيت ..
وبالتالي دفع رسوم تحريك السيارة واجبة اهنيه ..

هذه حالة من حالات كثيرة يدخل المريض
المستشفى بعد استدعاء سيارة الاسعاف وفي الأخير
يطلع يدابج ويتضحك من عقب ما يطلع من عند الدكتور ..


اما اللي حالته تستدعي
ما ياخذون منه شي .. والأمر هذا سمعنا عنه من 6 شهور طافت
انه مطبق .. واشوف انه قرار عادل ...> مب عادل إمام ..

شكرا لكم

على الهامش

كلاسيك للبيع مختفي وينه هااا ؟

[ناصر العمادي]

اعتقد في لبس في فهم الموضوع ..

بشكل عام هناك ناس ما يقدرون قيمة تحريك سيارة الإسعاف
اتحصلهم يدقون على رقم 999 الوووووووووووووووووووو
الووووووووووووووووووو

الله يخليك بسرعة لحقوا علينا
ولدنا راح ولدنا راح
ويصرخون

ويهدونهم ويبون يعرفون شنهي سالفتهم ؟
ويالله يالله ياخذون منهم العنوان
يوصلون لهم بعد ما يعطلون السير في الشوارع
وشخط
وكل يقول اللهم عافنا مما بليت غيرنا

اول ما يوصلون عند الباب
يدشون يدورون المريض
وينه .. وينه
اشوية يهال يركضون والأم اتصيح
والياهل مسدح اشبلاها
ظفره امجع من مكانه :omen2:

و على هالمنوال يتم استدعاء وتحريك سيارة الإسعاف
بدل مرة مليون مرة في الشهر ...

طيب وبعدين عقب ما يدخل الطوارئ ..
هل حالته طارئة . هل بيتم زرع ظفره ؟
هل يعاني من نزيف حاد ؟

كل هذا يتم تحديده في الطواري اللي بيكتشفون
ان الطفل ما كان محتاج تحريك سيارة اسعاف له
وحالته عادية جدا ممكن الإنتظار عليه او مداواته في البيت ..
وبالتالي دفع رسوم تحريك السيارة واجبة اهنيه ..

هذه حالة من حالات كثيرة يدخل المريض
المستشفى بعد استدعاء سيارة الاسعاف وفي الأخير
يطلع يدابج ويتضحك من عقب ما يطلع من عند الدكتور ..


اما اللي حالته ما تستدعي
ما ياخذون منه شي .. والأمر هذا سمعنا عنه من 6 شهور طافت
انه مطبق .. واشوف انه قرار عادل ...> مب عادل إمام ..

شكرا لكم

على الهامش

كلاسيك للبيع مختفي وينه هااا ؟

كلاسيك للبيع يسلم عليكم ... وهو ترك المنتدى واتجه بعيدا ....

نسأل الله له التوفيق والسداد بأذن الله تعالى

[هتـان قطر]

اعتقد في لبس في فهم الموضوع ..

بشكل عام هناك ناس ما يقدرون قيمة تحريك سيارة الإسعاف
اتحصلهم يدقون على رقم 999 الوووووووووووووووووووو
الووووووووووووووووووو

الله يخليك بسرعة لحقوا علينا
ولدنا راح ولدنا راح
ويصرخون

ويهدونهم ويبون يعرفون شنهي سالفتهم ؟
ويالله يالله ياخذون منهم العنوان
يوصلون لهم بعد ما يعطلون السير في الشوارع
وشخط
وكل يقول اللهم عافنا مما بليت غيرنا

اول ما يوصلون عند الباب
يدشون يدورون المريض
وينه .. وينه
اشوية يهال يركضون والأم اتصيح
والياهل مسدح اشبلاها
ظفره امجع من مكانه :omen2:

و على هالمنوال يتم استدعاء وتحريك سيارة الإسعاف
بدل مرة مليون مرة في الشهر ...

طيب وبعدين عقب ما يدخل الطوارئ ..
هل حالته طارئة . هل بيتم زرع ظفره ؟
هل يعاني من نزيف حاد ؟

كل هذا يتم تحديده في الطواري اللي بيكتشفون
ان الطفل ما كان محتاج تحريك سيارة اسعاف له
وحالته عادية جدا ممكن الإنتظار عليه او مداواته في البيت ..
وبالتالي دفع رسوم تحريك السيارة واجبة اهنيه ..

هذه حالة من حالات كثيرة يدخل المريض
المستشفى بعد استدعاء سيارة الاسعاف وفي الأخير
يطلع يدابج ويتضحك من عقب ما يطلع من عند الدكتور ..


اما اللي حالته ما تستدعي
ما ياخذون منه شي .. والأمر هذا سمعنا عنه من 6 شهور طافت
انه مطبق .. واشوف انه قرار عادل ...> مب عادل إمام ..

شكرا لكم

على الهامش

كلاسيك للبيع مختفي وينه هااا ؟

والله اذا الكلام هذا صحيح....مافيه مانع انا افتكرت

ان الاسعاف بيصير نفس التاكسي ..لازم دفع مبلغ

واذا علينا احنا القطريين الله لايغير علينا ما نروح

المستشفى الا بسياراتنا حتى لو الحاله طارئه..

اصلا نخاف من شي اسمه اسعاف ..اهلنا مخوفينا

من هذا العنبلوصomen

[الزاجل]

كلاسيك للبيع يسلم عليكم ... وهو ترك المنتدى واتجه بعيدا ....

نسأل الله له التوفيق والسداد بأذن الله تعالى

لا حول ولا قوة الا بالله

لا يكون دخل الرعاية ؟ :court:

[ناصر العمادي]

لا حول ولا قوة الا بالله

لا يكون دخل الرعاية ؟ :court:

لا ...الحمدلله دخل شركه ماتخسر ابدا مهما صار ....!!!!!!!!!!!!!!!!!!!!!!!

[الزاجل]

لا ...الحمدلله دخل شركه ماتخسر ابدا مهما صار ....!!!!!!!!!!!!!!!!!!!!!!!

يعني اشلون طلع من المنتدى خلاص ؟
والا اجازة والا راحة والا يبي يفتك منا ايام وبيرد ان شاءالله ؟

[Aljans]

طاقم الأسعاف لابد أن يكونوا من أفضل الممرضين قادرين على معرفة الحالة اللتي تتطلب الذهاب للمستشفى من عدمة.

[ناصر العمادي]

يعني اشلون طلع من المنتدى خلاص ؟
والا اجازة والا راحة والا يبي يفتك منا ايام وبيرد ان شاءالله ؟

للأسف الشديد ... خلاص

مع اني اتمنى عودته ...له وحشه والله

الله يوفقه دنيا واخره ان شاء الله

[هتـان قطر]

لا ...الحمدلله دخل شركه ماتخسر ابدا مهما صار ....!!!!!!!!!!!!!!!!!!!!!!!

(( أولئك يرجون تجارة لن تبور))..:fight:

[الزاجل]

(( أولئك يرجون تجارة لن تبور))..:fight:

راح يجاهد ؟ :secret:

[هتـان قطر]

راح يجاهد ؟ :secret:

كلام الاخ ناصر يقول كذا..

واللبيب بالاشارة يفهم

[relaax]

يحطون ف السيارة جهاز سحب الي للدفع :D وللامان دفع النصف والباقي عند اتمام المهمه :fight:

ما دفع فيها ريال خلها تكون سيارة اسعاف مثل العالم بعدين الواحد يفكر:court:

موقف صادني مرتين مع الاسعاف

موقف كوميدي : واحد من هلي سوا حادث جاته سيارة الاسعاف وهم فالطريق سووا حادث :D جات سيارة اسعاف ثانية وشلتهم كلهم funny::funny::funny:

موقف تراجدي : واحد سووا حادث خشن دخل ف طوفه وصلت سيارة الاسعاف ما فيها اكسجين ولا فيها شي ... اطلبوا سيارة ثانية ونفس الشي ... انقلوا المصاب
الله يرحمه :eek3:

[هتـان قطر]

يحطون ف السيارة جهاز سحب الي للدفع :D وللامان دفع النصف والباقي عند اتمام المهمه :fight:

ما دفع فيها ريال خلها تكون سيارة اسعاف مثل العالم بعدين الواحد يفكر:court:

موقف صادني مرتين مع الاسعاف

موقف كوميدي : واحد من هلي سوا حادث جاته سيارة الاسعاف وهم فالطريق سووا حادث :D جات سيارة اسعاف ثانية وشلتهم كلهم funny::funny::funny:

موقف تراجدي : واحد سووا حادث خشن دخل ف طوفه وصلت سيارة الاسعاف ما فيها اكسجين ولا فيها شي ... اطلبوا سيارة ثانية ونفس الشي ... انقلوا المصاب
الله يرحمه :eek3:

شر البليه مايضحك..

[ناصر العمادي]

كلام الاخ ناصر يقول كذا..

واللبيب بالاشارة يفهم

ياخوان انا ماقلت هالكلام ... ولا تقولوني شي ماقلته ... وامتنع عن الأضافه في الموضوع

[امل الحب]

يحطون ف السيارة جهاز سحب الي للدفع :D وللامان دفع النصف والباقي عند اتمام المهمه :fight:

ما دفع فيها ريال خلها تكون سيارة اسعاف مثل العالم بعدين الواحد يفكر:court:

موقف صادني مرتين مع الاسعاف

موقف كوميدي : واحد من هلي سوا حادث جاته سيارة الاسعاف وهم فالطريق سووا حادث :D جات سيارة اسعاف ثانية وشلتهم كلهم funny::funny::funny:

موقف تراجدي : واحد سووا حادث خشن دخل ف طوفه وصلت سيارة الاسعاف ما فيها اكسجين ولا فيها شي ... اطلبوا سيارة ثانية ونفس الشي ... انقلوا المصاب
الله يرحمه :eek3:


:unsure:

:unsure:

بس الزين فيهم انهم يخففون عليك ويخلونك تضحك :funny:

[العلي]

واتوقع دوريااات الشرطة فيها رسوم في المستقبل يوم بيجيك في وقت الحادث لان السيارة

تحركت ولازم تدفع رسوم



الحوادث عليها رسوم من زمان