مشاهدة النسخة كاملة : [][][][][ انطباعي عن موتري الجديد vxr 2008 بعد استخدام اسبوع ][][][][] تفضلوا
ALRAYYAN
23-01-2008, 04:08 PM
السلام عليكم
شلونكم يا اعضاء هالمنتدى الطيب .. ياربكم طيبين
بخصوص الكروزر 2008
انا الحين صار لي اسبوع من طلعت الموتر .. بصراحه الموتر في عيوب اذكرها لكم بعد شوي
نقول المميزات اول
من مميزات الموتر ومن اهم مميزاته ان الموتر ريف ريافه غير طبيعيه
يعني انا استعمل الكروزر من زمان جربت مو 89 و 92 و 95 و 98 اول مانزل و2004 والحين 2008
ماشفت ريافه مثل ريافه الجديد .. هذا طبعا بعد ماقبضت في خط ونزلت في بر
الموتر من داخل وسيع .. اوسع من القديم بوايد وخصوصا السيت الخلفي وحتى سيت السايق والعبري
ومن مميزات الموتر بعد الشاشه الأوبشن مالها عالي جدا .. يعني الشاشه اكبر واوضح
والكاميرا الخلفيه غطت على المرسدس والرنج من ناحيه الوضوح .. وتقدرون تقولون ان
الموتر كله في الشاشه .. تقدر تتحكم في كل شي من الشاشه لو تعلمت عليها وعرفت تستغلها عدل .. وهذه ميزه الشاشه في الـ vxr
وتشغل من خلالها كل شي في الموتر تقريبا .. اضافه انها تشغل السي دي والدي في دي وام بي3 وكل الانظمه اللي تحتاجها
بس مجرد ماتزل الهند بريك وانت مشغل فلم الصورة تختفي ويطلع لك النفجيشن كسيفتي مثل الالماني .. لأن المفهيين وايد اللي يندمجون وينسون الشارع وانا واحد منهم
طريقه طي الكراسي الخلفيه اقصد الاخيره طريقه عمليه جدا ومريحه للغايه ..
لافيها ربط ولا اسحب ولا شي .. اللهم لوك في كل سيت ترفعه والكرسي بروحه يرتفع مع دزه خفيفه جداً ويقفل والسلام
درايش الموتر مخلينها تدخل بين الربلات اكثر من نص انش يعني اكثر من القديم
عشان يكتم الموتر من داخل وماتسمع الاصوات الخارجيه وهذه بعد ميزه حلوه من مميزاته
وانت داخل الموتر بتلاحظ ان اليابانيين ارفعو الابواب من داخل اكثر من القديم ..
وانا اعتبرها ميزه لأنها تحافظ على الخصوصيه في الموتر من المواتر اللي اعلى من موترك
لين وقفت في دوار او اشاره .. يعني نفس نظام الهمر بس مو مثل الهمر لأن الهمر وايد
كرسيه نازل بعكس الكروزر الجديد مركبه وايد احلى من القديم
خلاص ماعاد في طقه في الجير مثل الديم يعني تبديل الجير من وضعيه لوضعيه ثانية في حالة
الوقوف ولا تحس بها .. ونفس الشي وانت ماشي ماتحس بتبديلات الموتر وهذا شي طيب
الـ vxr القديم اقصد من مو 2003 لين 2007 المكينه 4700 سي سي
الـ vxr الجديد مو 2008 بعد مكينته 4700 لكنها وايد اقوى وهالشي تحس فيه وانت تسوق الموتر
وهذا شي مكانيكي انا بصراحه مافهم فيه لذلك مابي اتفلسف عليكم
من مميزات الموتر الداخليه المكيف .. موزعينه بشكل رهيب في الموتر
واحسن من القديم بوايد سواء قدام او المكيف اللي للركاب اللي في الوسط او في الخلف
وميزه جديده في الكروزر الجديد وهي ان مستحيل يقدر اي احد يسرق لسبير
واقصد اللي تحت لأن ماتقدر تنزل لسبير الا لما تفتح الباب الخلفي لأن فتحة
العفريته من داخل الموتر مو من برا مثل القديم
نجي لعيوب الموتر
من عيوبه واللي للحين ماسمعت حد يتكلم عنها .. ان الموتر لفته كبيره
مو مثل القديم وهذا عيب كبير .. يعني لازم توسع للموتر عدل ولا لابد من الريوس
من عيوبه السكان شوي اثقل من القديم
في طقه في الطبلون وتأكدت انها في كل المواتر الجديده لأنها موجوده عند الربع اللي اسبقوني وخذو الموتر
نوعية التيك اللي في الموتر روعه كنوعيه وكلون .. ولكن ملمسها ناعم جداً ..
يعني زياده عن اللزوم لذلك السكان اذا ماتمسكه عدل في حالة الدوران عادي يفلت منك او مالك الا تمسكه من ناحيه الجلد
الثلاجه ماتشتغل الا مع المكيف مثل ماسمعتوا قبل .. ولكن هالمشكله مؤقته
لأن الشركه ناطره الدفعه الجديده مو الجايه اللي بعدها بيكونون مفصولين وعلى اساسها بيضبطون مواترنا من هالناحيه
هذه كل عيوبه للحين
اما الموتر كفخامه فهو فخم جدا من داخل وسواقته رهيبه ..
يعني بمجرد تسوقه تعاف القديم اكيد وخصوصا على الطرق الوعره والخطوط
وسلامتكم
وبالتوفيق للجميع
y.o.y.o
23-01-2008, 04:19 PM
بالمبارك اخوي
تسلم على المعلومات الطيبه . . .
ويلا عاد اول ماتكتشف شي جديد قولنا
بوحارب
23-01-2008, 04:22 PM
الله يعطيك خيره ويكفيك شره اخوي الريان:d
تسلم على الموضوع الطيب
ALRAYYAN
23-01-2008, 04:24 PM
بالمبارك اخوي
تسلم على المعلومات الطيبه . . .
ويلا عاد اول ماتكتشف شي جديد قولنا
الله يبارك فيك وتآمر اي شي جديد بعلمكم ان شاء الله
وممكن اي حد من الشباب يضيف شي جديد على الموضوع لو اكتشف اي ميزه او عيب
وفالك طيب ان شاء الله
ALRAYYAN
23-01-2008, 04:26 PM
الله يعطيك خيره ويكفيك شره اخوي الريان:d
تسلم على الموضوع الطيب
الله لا يهينك يابو حارب وتسلم ع المرور
منور :D
الدوحي7
23-01-2008, 04:30 PM
مبروك الموتر ويعطيك خيره ويكفيك شره،، وعجبني تحليلك للموتر،،وعن السكان صادق ،،وحبيت شوي اضيف لك انا المحرك هذا والعلم عند الله بيتغير كامل بس ليس موديل2009 او 2010يمكن وبيركب عليه محرك 5700 وانا شفت المحرك على البيك اب التويوتا عليه هذه المكينه،،وانا انتظر هذا المحرك،،يعطيك العافيه،
ALRAYYAN
23-01-2008, 04:34 PM
مبروك الموتر ويعطيك خيره ويكفيك شره،، وعجبني تحليلك للموتر،،وعن السكان صادق ،،وحبيت شوي اضيف لك انا المحرك هذا والعلم عند الله بيتغير كامل بس ليس موديل2009 او 2010يمكن وبيركب عليه محرك 5700 وانا شفت المحرك على البيك اب التويوتا عليه هذه المكينه،،وانا انتظر هذا المحرك،،يعطيك العافيه،
هلا بك الدوحي7
بخصوص المكينه 5700 على حد علمي ان الموضوع بيكون اختياري
يعني ممكن تاخذ vxr بمكينه 4700 او vxr بمكينه 5700 وكل شي بسعره عند عبدالغني
يعني مستحيل تنزل مكينه قويه على الكروزر الجديد وبيتم بنفس القيمه واعتقد اذا اخترت المكينه اللي قوتها 5700 بيكون سعر الموتر فوق 250 الف تقريبا
ويعطيك العافيه على الاضافه اخوي
الدوحي7
23-01-2008, 04:41 PM
هلا بك الدوحي7
بخصوص المكينه 5700 على حد علمي ان الموضوع بيكون اختياري
يعني ممكن تاخذ vxr بمكينه 4700 او vxr بمكينه 5700 وكل شي بسعره عند عبدالغني
يعني مستحيل تنزل مكينه قويه على الكروزر الجديد وبيتم بنفس القيمه واعتقد اذا اخترت المكينه اللي قوتها 5700 بيكون سعر الموتر فوق 250 الف تقريبا
ويعطيك العافيه على الاضافه اخوي
اختلف معاك في هذا الراى المحرك بيغير كامل وصعبه اختياري لن ماصار هذا الشي معا المصنع وليس عبد الغنى،،وبيتم المحرك حق السيارت القديمه ،،وليش مستحيل هذا مصنع ماعنده مستحيل وليس عبد الغنى ،،وقلت لك ممكن موديل 2010 تنزل ،،والناس قالو لا خلاص هذا محرك الفكسار مستحيل يغير الشكل كامل مايتغير المحرك،،حتى السته سلندر سوف تتغير والعلم عند الله،،لان اكتشفنا هذا المحرك ينزل على الابرادوا،، وهذه سياسه تسويقيه حق اليابان،،علشان نشتري المحرك الجديد(الموديل الى بعده)،،لاهنت،،
ALRAYYAN
23-01-2008, 04:45 PM
اختلف معاك في هذا الراى المحرك بيغير كامل وصعبه اختياري لن ماصار هذا الشي معا المصنع وليس عبد الغنى،،وبيتم المحرك حق السيارت القديمه ،،وليش مستحيل هذا مصنع ماعنده مستحيل وليس عبد الغنى ،،وقلت لك ممكن موديل 2010 تنزل ،،والناس قالو لا خلاص هذا محرك الفكسار مستحيل يغير الشكل كامل مايتغير المحرك،،حتى السته سلندر سوف تتغير والعلم عند الله،،لان اكتشفنا هذا المحرك ينزل على الابرادوا،، وهذه سياسه تسويقيه حق اليابان،،علشان نشتري المحرك الجديد(الموديل الى بعده)،،لاهنت،،
الله يمدنا وياك بالعمر وكل شي بيبين ان شاء الله يالغالي
وكل شي جايز .. وشاكر لك مداخلتك اخوي
موظف بالبورصه
23-01-2008, 04:46 PM
مرحبا اخوي ريان اول جاجه مبروك عالموتر وتستاهل يعطيك خيره ويكفيك شره
ثاني الشي الطقه تراها موجوده في كل المواتر يمكن انت موترك للحين جديد
انطر عليه شوي وبتطلع الطقه .. انا اول ماخذت الموتر مابينت الطقه عندي الا عقب الـ 1000 كيلو
ويوم سألتهم قالوا هذي عاديه احنا مسويينها كسيفتي ..
الدوحي7
23-01-2008, 04:47 PM
الله يمدنا وياك بالعمر وكل شي بيبين ان شاء الله يالغالي
وكل شي جايز .. وشاكر لك مداخلتك اخوي
امييييين، العفوا اخوي،،
jassim_9
23-01-2008, 05:22 PM
مبروك عالموتر وتستاهل يعطيك خيره ويكفيك شره
الله يعطيك خيره ويكفيك شره
X 4 X
23-01-2008, 05:45 PM
الله يعطيك خيره ويكفيك شره اخوي الريان:)
بس عندي استفسار صغير اذا ممكن
في فرق بين الVXR 2008 و ال GXR 2008 V8 من ناحية المكينة و الجير؟؟
و الGXR 2008 V8 نزل بشاشة Nav + DVD?
أخوك
X 4 X
قطر الشموخ
23-01-2008, 05:46 PM
اخوي انا عندي جكسار 2008 بس عندي مشكله مادري هي عاديه او في شي وودي حد اذ يعرف يقولي انا احس لما اكون دايس بريك مثلا عند اشاره او دوار وعقب اشل رجلي ادوس ريس احس نفس شي كان ماسك او احساس مث لين ادوس ريس القير يتحرك او شي يضرب بس ماله صوت ولا شي حد يقدر يفيدني
alkoos
23-01-2008, 07:49 PM
يعطيك العافيه اخوووووي على المعلومات الطيبه وزين بينتلي اعيوب الموتر عشان ما ناخذ مو 2008 ننطر الموديلات الجديده وتلافي الاخطاءوالعيوب
الكواري 1972
23-01-2008, 09:04 PM
مبروك عليك الموتر
الله يعطيك خيره ويكفيك شره
بالتوفيق
بالمبارك عالكبت الجديد يالريانى
:omen2::omen2::omen2:
:app:
وحيد-الشوق
23-01-2008, 09:15 PM
مبروووك عليك الموتر اخوي الريان
ربي يعطيك خيره ويكفيك شره
بوبندر
23-01-2008, 10:37 PM
يعطيك خيره...بس ليش شلو مكان الشحن الخلفي الي كان في شنطه....وبعدين بنسبه دقت القير بتطلع بعد 3 الف كيلو...بعدين عندك ليت طبلون تقدر اطول وتقصر النور من زر الكيلو خلك ضاقط الى ان يطلعلك خطوط مكان الارقام
abdull247
23-01-2008, 10:55 PM
الله يعطيك خيره ويكفيك شره(ومشكور عالموضوع ).
abdulla999
23-01-2008, 10:56 PM
مشكور الريان على المعلومات
بس ثلاجة مع المكيف مشكلة كبيرة وتخلي الواحد يفكر اول
الوفي
23-01-2008, 11:56 PM
أخوي مبروك:dance على الموتر وأسأل الله من خيره وليكفيك شره(( اللهم أني أسئلك من خير ما صنع له وأعوذ بك من شر ماصنع له)) وأقر المعوذات وأنفخ عليه الحمد الله ال ناس في نعمه وكلن عنده خير بس النفس والعين حق.... بالنسبه للموتر انا عندي 8سلندر له عندي شهرين تقريبا gx-r وماشاء الله عليك في اسبوع تطلعت أعيوبه:anger2: وكل الي ذكرت صحيح ((1-السكان يزلق لما تلف بسرعه بسبت التيك الناعم ينكبك بالكسرات وخاصه لما يدك تعرق2-اللفه كبيره صحيح بس مب واجد وهذا أحسن لحماية البوكس الباور الداخلي القديم كان يخترب علشان كذا السكان يابس على فكره الbmw والمرسيدس وخاصه السبورتات نفس الشي3-بالنسبه للــــــــــــــطقه.. لا أخالفك الرأي:nono: وذكروه لك الشباب صح كلامه الي قال مايطلع بالبدايه أرفس للموتر بتحس فيها بالدفريشن من ورى وعلى فكره مجربه بالرمل تجي لما الموتر يخثر طقه وعزم غريب بعد الطقه المشكله مب ترجيع نمره بالجير حتى لوتمشي عريقي بالرمل ومشغل الدبل بدون تنسيم لما تحس برمله قويه تطلع لك يعني مب الطقه القديمه العاديه لا طقه طالعه من ورى+عزم وتطلع بالرفسه بالموتر بالغار وتطلع من نفسها بالرمل مع عزم قويescape4- فيه شي غريب بالgx-r لما تطفي السياره تحس بحركه وصوت بالسكان :eek5: ووانت نازل مب مثل الvx-rالسكان يتحرك لا بس أهتزاز وصوت5- نسيت الرادو متعود أسمع الصبح وطني الحبيب صباح الخير:telephone: :polling:كله الرادو يقطع ولما تبي تعدل الارسال مافيه اريل وركبت شاشه كنود مع نفيغيشن ونفس الشي يقطع يعني من الاريل المخفي الي بالطبلون...بس يالريان لوأذكر مميزاته 2008 فقط 8سلندر يبيلي 30سطر ذكرت بعضها بموضوع:deal: ((الي عنده سؤال عن 2008 يتفضل)) صراحه موتر موتر تحس انك دافع على شي يستاهل:dance من اول كرهته على شكله تعودت عليه وحبيته من استعماله ياخي والله كنه رنج واحسن من الرنج لان الرنج ماينفع بالبر هذا بر وبلاد موتر صح وعلى فكره الموتر مب المهندسين اليابنيين :pilot:أشتغلوا عليه بس معاهم مهندسين استراليين:thumbup1: وتجرب بأستراليا لين الله شافله والصور بالنت:pic: ولك مني جزيل الشكر......تحياتي
jajassim
24-01-2008, 12:16 AM
ما شاء الله تقرير فني كامل عن اللاندكروزر 2008 :yu:
تسلم أخوى على الموضوع الطيب
مزيون الدوحه
24-01-2008, 12:37 AM
مبروك عليك الموتر والله يعطيك خيره ويكفيك شره
وتسلم على التقرير الحلو بصراحه ماقصرت
وننتظر الايجابيات اذا لاحظت شي والله يبعد عنك السلبيات والعيوب
وتحياتي لك
ALRAYYAN
24-01-2008, 01:44 AM
مرحبا اخوي ريان اول جاجه مبروك عالموتر وتستاهل يعطيك خيره ويكفيك شره
ثاني الشي الطقه تراها موجوده في كل المواتر يمكن انت موترك للحين جديد
انطر عليه شوي وبتطلع الطقه .. انا اول ماخذت الموتر مابينت الطقه عندي الا عقب الـ 1000 كيلو
ويوم سألتهم قالوا هذي عاديه احنا مسويينها كسيفتي ..
مراحب اخوي موظف
كل شي جايز والله .. والحين الموتر ماشي 980 كيلو وبكره ان شاء الله بدخله التشيك
ودام الموتر بضمانه مافي مشاكل يطق مايطق بكيفه
مبروك عليك الموتر ويعطيك خيره ويكفيك شره يارب
ALRAYYAN
24-01-2008, 01:50 AM
الله يعطيك خيره ويكفيك شره(ومشكور عالموضوع ).
تسلم يالغالي ولا شكر على واجب
مشكور الريان على المعلومات
بس ثلاجة مع المكيف مشكلة كبيرة وتخلي الواحد يفكر اول
لاشكر على واجب ياخوي .. ولابد من العيوب والكامل وجهه سبحانه
تسلم ع المرور يالغالي
بوسالم90
24-01-2008, 01:51 AM
مبروووووووووووووك
الله يعطييك خيره
ame32480
24-01-2008, 01:53 AM
مبروك يالريان ع الموتر ..
ويعطيك خيره ويكفيك شره ..
بس حبيت اسألك .. شالفرق بين الجكسار 8 سلندر .. والفكساار .. ؟
ويعطيك العافيه ..
تحياتي ..
ALRAYYAN
24-01-2008, 01:57 AM
أخوي مبروك:dance على الموتر وأسأل الله من خيره وليكفيك شره(( اللهم أني أسئلك من خير ما صنع له وأعوذ بك من شر ماصنع له)) وأقر المعوذات وأنفخ عليه الحمد الله ال ناس في نعمه وكلن عنده خير بس النفس والعين حق.... بالنسبه للموتر انا عندي 8سلندر له عندي شهرين تقريبا gx-r وماشاء الله عليك في اسبوع تطلعت أعيوبه:anger2: وكل الي ذكرت صحيح ((1-السكان يزلق لما تلف بسرعه بسبت التيك الناعم ينكبك بالكسرات وخاصه لما يدك تعرق2-اللفه كبيره صحيح بس مب واجد وهذا أحسن لحماية البوكس الباور الداخلي القديم كان يخترب علشان كذا السكان يابس على فكره الbmw والمرسيدس وخاصه السبورتات نفس الشي3-بالنسبه للــــــــــــــطقه.. لا أخالفك الرأي:nono: وذكروه لك الشباب صح كلامه الي قال مايطلع بالبدايه أرفس للموتر بتحس فيها بالدفريشن من ورى وعلى فكره مجربه بالرمل تجي لما الموتر يخثر طقه وعزم غريب بعد الطقه المشكله مب ترجيع نمره بالجير حتى لوتمشي عريقي بالرمل ومشغل الدبل بدون تنسيم لما تحس برمله قويه تطلع لك يعني مب الطقه القديمه العاديه لا طقه طالعه من ورى+عزم وتطلع بالرفسه بالموتر بالغار وتطلع من نفسها بالرمل مع عزم قويescape4- فيه شي غريب بالgx-r لما تطفي السياره تحس بحركه وصوت بالسكان :eek5: ووانت نازل مب مثل الvx-rالسكان يتحرك لا بس أهتزاز وصوت5- نسيت الرادو متعود أسمع الصبح وطني الحبيب صباح الخير:telephone: :polling:كله الرادو يقطع ولما تبي تعدل الارسال مافيه اريل وركبت شاشه كنود مع نفيغيشن ونفس الشي يقطع يعني من الاريل المخفي الي بالطبلون...بس يالريان لوأذكر مميزاته 2008 فقط 8سلندر يبيلي 30سطر ذكرت بعضها بموضوع:deal: ((الي عنده سؤال عن 2008 يتفضل)) صراحه موتر موتر تحس انك دافع على شي يستاهل:dance من اول كرهته على شكله تعودت عليه وحبيته من استعماله ياخي والله كنه رنج واحسن من الرنج لان الرنج ماينفع بالبر هذا بر وبلاد موتر صح وعلى فكره الموتر مب المهندسين اليابنيين :pilot:أشتغلوا عليه بس معاهم مهندسين استراليين:thumbup1: وتجرب بأستراليا لين الله شافله والصور بالنت:pic: ولك مني جزيل الشكر......تحياتي
هلا بك اخوي الوفي
بخصوص الموتر بالفعل موتر فخم وتحس انك دفعت مبلغ على موتر يستاهل
واكيد ابرك من الرنج لأني استعملت الرنج فتره .. تسوقه بحذر وتسافر فيه بحذر لأنه موتر معقد
مو مثل التويوتا .. لكن ماننكر ان الرنج مركب مب صاحي .. عموما مو موضوعنا الرنج الحين
بخصوص الراديو فعلا يقطع شوي بس اهم القنوات عندي ماتقطع وهي صوت الخليج وامارات اف ام واذاعة القرآن الكريم وام بي سي اف ام
بخصوص استخدام الموتر في الرمله للحين والله ماجربته انا جربته في البر وفي قاع الغويريه والمعروف عنه من القيعان التعبانه والوعره جداً لكن الموتر فنان بصراحه وماتوقعت هالريافه
اما بعض العيوب اللي تخص الـ gxr مادري عنها والله .. ويعطيك العافيه كفيت ووفيت
ALRAYYAN
24-01-2008, 02:00 AM
ما شاء الله تقرير فني كامل عن اللاندكروزر 2008 :yu:
تسلم أخوى على الموضوع الطيب
يسلمك ربي يالغالي ومرورك اسعدني
مبروك عليك الموتر والله يعطيك خيره ويكفيك شره
وتسلم على التقرير الحلو بصراحه ماقصرت
وننتظر الايجابيات اذا لاحظت شي والله يبعد عنك السلبيات والعيوب
وتحياتي لك
الله يبارك فيك يالغالي وان شاء الله اي شي جديده بنضيفه لكم
ALRAYYAN
24-01-2008, 02:03 AM
مبروووووووووووووك
الله يعطييك خيره
الله يبارك بعمرك اخوي بوسالم .. ماقصرت
مبروك يالريان ع الموتر ..
ويعطيك خيره ويكفيك شره ..
بس حبيت اسألك .. شالفرق بين الجكسار 8 سلندر .. والفكساار .. ؟
ويعطيك العافيه ..
تحياتي ..
الله يبارك فيك ياخوي
بخصوص الفرق بين الموترين .. اللي اعرفه ان المكينه وحده وقوتها كسيسي وحده وهي 4700 ... لذلك ماظن في فرق في العزم ... الا اذا كانت الاحصنه اكثر في الـ vxr الله واعلم
وتقدر تسأل في موضوع اخونا الوفي وهو بيفيدك اكثر لأني ماسقت موتر مو 2008 غير موتري
قطر الشموخ
24-01-2008, 09:10 AM
اشدعوا اخوي الريان انا رديت عليك وسئلتك وانت رديت على الكل ولارديت علي عسى ماشر ياخوك
HaMo0o0o0oDE
24-01-2008, 09:23 AM
اول شي مبررررررروك الموتر يابوناصر:strong
والله يعطيك خيره ويكفيك شره
الكل يدري ان الموتر من داخل ماله حل
بس من برع والله لو تمدحه لين الصبح انه برادو برادوا:court: شكله غلط في غلط :this:
الوالد خذ له واحد حكيناه:anger2: في البيت لين قلنا بس قام رجعه وبياخذ له 2007 هههههه:eek5:
الصراحه الشكل الخارجي والله مب شي كلللللللللللش
لو يخلون السياره من داخل طياره اهم شي الشكل يالغالي
الشياب بس الي يدورون ع الراحه :fight:
مستثمر رشيد
24-01-2008, 09:25 AM
بالمبارك اخوي الريان ..........
انا عندي الاندكروزر الجديد بس فيه مشكلة وابغي اعرف اذا هي موجودة على السيارات الثانية والا بس عندي وهي انك تسمع صوت ضربة لما تلف السكان بالكامل جهة يمين او جهة يسار خاصة لما توقف في مواقف ؟؟؟
ALRAYYAN
24-01-2008, 12:17 PM
مبروك عالموتر وتستاهل يعطيك خيره ويكفيك شره
الله يبارك فيك اخوي وتستاهل الخير
الله يعطيك خيره ويكفيك شره
تلمين اختي شمسه .. وماقصرتي ع المرور المعطر :D
ALRAYYAN
24-01-2008, 12:21 PM
الله يعطيك خيره ويكفيك شره اخوي الريان:)
بس عندي استفسار صغير اذا ممكن
في فرق بين الVXR 2008 و ال GXR 2008 V8 من ناحية المكينة و الجير؟؟
و الGXR 2008 V8 نزل بشاشة Nav + DVD?
أخوك
X 4 X
تسلم يالغالي والله يبارك بعمرك
بخصوص المكينه والجير بين الموترين اللي اعرفه ان مابينهم فرق
وبخصوص الشاشه .. مانزل الجي اكس آر بشاشه للحين وانا يوم قلت لهم ابي جي اكس آر بشاشه قالولي ممكن بس زياده على سعره 12 الف ونوع الشاشه اللي بيركبونها كينوود مو مثل شاشه الفي اكس آر
عشان جذي خذت في اكس آر ... ولو الجي اكس آر 8 سلندر فيه شاشه محد خذ الفي اكس آر وانا واحد منهم
وحياك
ALRAYYAN
24-01-2008, 12:23 PM
اخوي انا عندي جكسار 2008 بس عندي مشكله مادري هي عاديه او في شي وودي حد اذ يعرف يقولي انا احس لما اكون دايس بريك مثلا عند اشاره او دوار وعقب اشل رجلي ادوس ريس احس نفس شي كان ماسك او احساس مث لين ادوس ريس القير يتحرك او شي يضرب بس ماله صوت ولا شي حد يقدر يفيدني
والله هالشي مالاحظته في موتري .. للحين الموتر من هالناحيه تمام
يمكن موترك فيه شي والله اعلم
واسمحلي على التأخير في الرد ترى مانتبهت والله
وحياك
ALRAYYAN
24-01-2008, 12:28 PM
يعطيك العافيه اخوووووي على المعلومات الطيبه وزين بينتلي اعيوب الموتر عشان ما ناخذ مو 2008 ننطر الموديلات الجديده وتلافي الاخطاءوالعيوب
الله يعافيك اخوي .. ولازم اول موديل يكون فيه عيوب ويسمونها عيوب مصنعيه واحتمال حتى مو 2009 يكون فيه عيوب بعد
وتسلم ع المرور يالغالي
ALRAYYAN
24-01-2008, 12:29 PM
مبروك عليك الموتر
الله يعطيك خيره ويكفيك شره
بالتوفيق
تسلم يالغالي ولا هنت ع المرور والطيب
ALRAYYAN
24-01-2008, 12:33 PM
بالمبارك عالكبت الجديد يالريانى
:omen2::omen2::omen2:
:app:
اقول .. اللي مايطول العنب فديتك حامض عنه يقول
واذا انت ماتعرف السنع وماعلموك شلون تبارك للناس .. تابع الموضوع وبتعرف شلون يباركون الناس للناس
وحياك
ALRAYYAN
24-01-2008, 12:37 PM
مبروووك عليك الموتر اخوي الريان
ربي يعطيك خيره ويكفيك شره
الله يبارك فيك يالغالي ولا يهينك فديتك ع المرور الطيب
يعطيك خيره...بس ليش شلو مكان الشحن الخلفي الي كان في شنطه....وبعدين بنسبه دقت القير بتطلع بعد 3 الف كيلو...بعدين عندك ليت طبلون تقدر اطول وتقصر النور من زر الكيلو خلك ضاقط الى ان يطلعلك خطوط مكان الارقام
تسلم يالغالي وبخصوص الطقه ان شاء الله ماتطلع .. وان طلعت مافي مشكله
الموتر عليه ضمان وهم يتحملون اي خراب فيه
وبخصوص الطبلون بجرب اليوم وماقصرت على المعلومه الجديده
بو جسووم
24-01-2008, 12:44 PM
بالمبارك اخوي
اقول .. اللي مايطول العنب فديتك حامض عنه يقولواذا انت ماتعرف السنع وماعلموك شلون تبارك للناس .. تابع الموضوع وبتعرف شلون يباركون الناس للناس
وحياك
كثر من الى بالون الاحمر حامض عنه يقول :strong
دريوليه عليه تقولى الى مايطول العنب :whistling::whistling::whistling:
شاري مزراتى كوارتو بورتيه انت :pardon:
انت حاط الموضوع للاراء والاساله زعلان انى قلت لك بالمبارك عالكبت الجديد :this: هذا مجرد راي والناس اذواق :whistling:
اتمنى تكبر عقلك شوي وماتخلى تفكيرك محدود
ALRAYYAN
24-01-2008, 12:51 PM
اول شي مبررررررروك الموتر يابوناصر:strong
والله يعطيك خيره ويكفيك شره
الكل يدري ان الموتر من داخل ماله حل
بس من برع والله لو تمدحه لين الصبح انه برادو برادوا:court: شكله غلط في غلط :this:
الوالد خذ له واحد حكيناه:anger2: في البيت لين قلنا بس قام رجعه وبياخذ له 2007 هههههه:eek5:
الصراحه الشكل الخارجي والله مب شي كلللللللللللش
لو يخلون السياره من داخل طياره اهم شي الشكل يالغالي
الشياب بس الي يدورون ع الراحه :fight:
هلا بو حموووودي
الله يبارك فيك يالغالي .. وبخصوص الموتر لو تلاحظ انا مامدحت الموتر من برع للحين
وهذا مو معناه انه مو عاجبني لأني لو ماقتنعت فيه ماخذته .. لكن بصراحه خذت عيني عليه واشوفه حلو
وحرام تخلي الوالد يرجع الجديد وياخذ الشكل القديم لأن مهما كان الجديد جديد والقديم قديم
يالله .. الله يبارك له ان شاء الله ويعطيه خيره ويكفيه شره
وحياك يالغالي
ALRAYYAN
24-01-2008, 12:58 PM
بالمبارك اخوي الريان ..........
انا عندي الاندكروزر الجديد بس فيه مشكلة وابغي اعرف اذا هي موجودة على السيارات الثانية والا بس عندي وهي انك تسمع صوت ضربة لما تلف السكان بالكامل جهة يمين او جهة يسار خاصة لما توقف في مواقف ؟؟؟
الله يبارك فيك اخوي
لا والله الشيخ ماعندي هالمشكله اللي تقول عنها
ALRAYYAN
24-01-2008, 01:05 PM
بالمبارك اخوي
يبارك فيك يالغالي
قطري33
24-01-2008, 01:08 PM
بلمبارك اخوي الريان على الموتر والله يعطيك خيره ويكفيك شره ان شاء الله
ومشكور على الموضوع ويليت الشباب اللي مستعملين الجي الجديد بعد يعطونا ارائهم ومزاياها وعيوبها ... حتى نستفيد احنا ياللي حاجزين وقاعدين ننطر تجي مواترنا
من كم يوم رحت الوكاله وقالولي اول ماحجزت موترك بيوصل في فبراير ولما سألت الموظف اللي يشيك على الحجز قالي احتمال موترك مايوصل الا في مارس ... قلت ما ادري اقوم اللبسه الطاوله بس تعوذت من بليس وطلعت ولين وصلت دفعت شهر 2 يصير خير :)
ALRAYYAN
24-01-2008, 01:26 PM
بلمبارك اخوي الريان على الموتر والله يعطيك خيره ويكفيك شره ان شاء الله
ومشكور على الموضوع ويليت الشباب اللي مستعملين الجي الجديد بعد يعطونا ارائهم ومزاياها وعيوبها ... حتى نستفيد احنا ياللي حاجزين وقاعدين ننطر تجي مواترنا
من كم يوم رحت الوكاله وقالولي اول ماحجزت موترك بيوصل في فبراير ولما سألت الموظف اللي يشيك على الحجز قالي احتمال موترك مايوصل الا في مارس ... قلت ما ادري اقوم اللبسه الطاوله بس تعوذت من بليس وطلعت ولين وصلت دفعت شهر 2 يصير خير :)
الله يبارك فيك يالغالي
ولا شكر على واجب .. وان شاء الله موترك يوصلك على خير وتتهنى فيه يارب
وياليت اللي عنده اي معلومه من الشباب يضيفها ليش لأ
وحياك اخوي
رأس بروق
24-01-2008, 01:59 PM
انا سمعت ان بينزل vx R نوعيين النوع الثاني مواصفات لكزس .
ALRAYYAN
24-01-2008, 02:01 PM
انا سمعت ان بينزل vx R نوعيين النوع الثاني مواصفات لكزس .
الله اعلم .. وكل شي جايز
حياك
:)أخوي الريان بغيت استفسر منك بخصوص القير الاوتوماتيك سمعت من بعض الاخوان اللي مجربينها انها يطلع فيها صوت بعد ماتعدي الالف كيلو الاولى وواحد من الربع قال لي وهو عنده استاندر من الجداد انه بعد ماعدا الالف كيلو الاولي يحس السائق بس ومب اللي وياه ان الموتر يهتز مثل دنكر الماي اللي معبي خزانه نص يعني ارتجاج بسيط
ALRAYYAN
24-01-2008, 02:17 PM
:)أخوي الريان بغيت استفسر منك بخصوص القير الاوتوماتيك سمعت من بعض الاخوان اللي مجربينها انها يطلع فيها صوت بعد ماتعدي الالف كيلو الاولى وواحد من الربع قال لي وهو عنده استاندر من الجداد انه بعد ماعدا الالف كيلو الاولي يحس السائق بس ومب اللي وياه ان الموتر يهتز مثل دنكر الماي اللي معبي خزانه نص يعني ارتجاج بسيط
والله موتري الحين ماشي 1000 الا 15 كيلو ... وكثر الكلام عن العيوب اللي بعد الألف كيلو
وماعتقد ان الموتر بعد الالف تطلع فيه هالعيوب .. وهل الموتر مضبوط لين الألف كيلو فقط
كله كلام وماعليك من السوالف
وحياك اخوي
alwahesh
24-01-2008, 02:19 PM
مبروك الموتر ويعطيك خيره ويكفيك شره،،
ALRAYYAN
24-01-2008, 02:49 PM
تسلم يالوحش وماقصرت
بريق الحق
24-01-2008, 04:07 PM
الله يبارك لك فية
تحياتي
ALRAYYAN
24-01-2008, 06:28 PM
تسلم يالذيب وماقصرت
مبروك يا الريان على المزيون
انا خذت من الدفعه الاولى والدفعه الثانية وطالب ثالث طبلونه بيج وبيوصل شهر 3
والموتر الصراحة حلو وريف وكل شي فية مميز
نبـــــراس
25-01-2008, 01:32 AM
هلا بك الريان ,, الله يعطيك خيره ويكفيك شره ويهنيك فيه ان شاء الله
بوخالد911
25-01-2008, 03:00 AM
هلا
مبرووك الموتر ويبارك لك فيه
طيب نجي لموضوع صرفية البترول ؛ هل نفس موديلات 2007 و 2006 ووقبل
يعني لما تعبي التنكيين هل تدفع ما بين 89 - 93 ريال؟
وكم كيلو يكفونك التنكييين ؟
وشكرا
ملاحظة : من داخل اووكي ؛ بس من برررع شكله كلللش ما ينبلع بالمررررة
وشكرا
mohamed ab
25-01-2008, 10:48 AM
الله يعطيك خيره ويكفيك شره
إعلامي قطر
25-01-2008, 01:22 PM
..
أول شي مبروك أخوي والله يعطيك خيره ويكفيك شرّه يارب ..
وبصراحه الموتر يومياً تزيد شعبيته وهذا شي طبيعي ويمكن إللي اليوم يشوفه
من برع مب حلو تحصله عقب أسبوع ولا شهر يغير رايه ويشقله وهالشي متوقع ..
شخصياً إقتنعت فيه إقتناع كامل بإستثناء الإسطاب الخلفي هو إللي للحين
مادخل راسي وللحين عندي أمل إنهم يخلونه أطول ويستوي أكبر بالحجم
مثل إسطابات الأمريكي الجديد مثلاً ..
ومشكور يالريان على التفصيل في الكلام عن الموتر وعطيتنا فكره حلوه الصراحه
وياليت توافينا بكل جديد وإذا وصلك خبر عن الدفعات الجديده هل غيروا فيها شي
يتعلق بالسكان أو طقة الطبلون ياليت تبلغنا .. << وايد متفائل :strong
طبعاً مشكلة الثلاجه في الطريق للحل مثل ماتفضلت أخوي الريان ..
وبالنسبه لموترك هل هو جلد ولا مخمل ولا مايصير في اكس ار مخمل؟
والله يبارك لك بالموتر إن شاء الله
وإذا عندك صور له ياليت تحطها .. ;)
وبالتوفيق للجميع إن شاء الله ..
..
الجهه مجهولة
25-01-2008, 01:45 PM
بالمبارك يابوناصر الله يعطيك خيرة ويكفيك شره
ابيض مل ماقلت لي والا خذت لون ثاني ؟؟؟؟
عالعموم تستاهل كل خير والله يوفقك يالسنافي بوناصر
ALRAYYAN
25-01-2008, 02:54 PM
مبروك يا الريان على المزيون
انا خذت من الدفعه الاولى والدفعه الثانية وطالب ثالث طبلونه بيج وبيوصل شهر 3
والموتر الصراحة حلو وريف وكل شي فية مميز
الله يبارك فيك .. ويبارك لك باللي خذته
والموتر مثل ماقلت ريف وماعليه كلام من هالناحيه
هلا بك الريان ,, الله يعطيك خيره ويكفيك شره ويهنيك فيه ان شاء الله
لمهلي مايويلي والله يبارك فيج نبراس
تسلمين ع المرور
ALRAYYAN
25-01-2008, 02:58 PM
هلا
مبرووك الموتر ويبارك لك فيه
طيب نجي لموضوع صرفية البترول ؛ هل نفس موديلات 2007 و 2006 ووقبل
يعني لما تعبي التنكيين هل تدفع ما بين 89 - 93 ريال؟
وكم كيلو يكفونك التنكييين ؟
وشكرا
ملاحظة : من داخل اووكي ؛ بس من برررع شكله كلللش ما ينبلع بالمررررة
وشكرا
الله يبارك فيك اخوي
بالنسبه لصرفيه البترول .. الموتر صرفيته ولا شي .. يعني الصالون 4 سلندر يمكن يصرف اكثر منه
وعلى فكره الموتر الجديد تانكي واحد فقط مو تانكيين .. لكن هالتانكي عن الاثنين في الحجم
وانا فولت الموتر مرتين وكل مره اعبيه بـ 95 ريال ويعطيني 700 كيلو تقريبا
اما انا بلعت الموتر من برا وصار عندي روعه لأن عيني خذت عليه
ومو انا بس انت لو تملك الموتر وتشوفه عينك كل يوم مع الاستعمال بتشوفه حلو
وحياك يابو خالد
ALRAYYAN
25-01-2008, 03:01 PM
الله يعطيك خيره ويكفيك شره
تسلم يالغالي وماقصرت ع المرور
ALRAYYAN
25-01-2008, 03:05 PM
..
أول شي مبروك أخوي والله يعطيك خيره ويكفيك شرّه يارب ..
وبصراحه الموتر يومياً تزيد شعبيته وهذا شي طبيعي ويمكن إللي اليوم يشوفه
من برع مب حلو تحصله عقب أسبوع ولا شهر يغير رايه ويشقله وهالشي متوقع ..
شخصياً إقتنعت فيه إقتناع كامل بإستثناء الإسطاب الخلفي هو إللي للحين
مادخل راسي وللحين عندي أمل إنهم يخلونه أطول ويستوي أكبر بالحجم
مثل إسطابات الأمريكي الجديد مثلاً ..
ومشكور يالريان على التفصيل في الكلام عن الموتر وعطيتنا فكره حلوه الصراحه
وياليت توافينا بكل جديد وإذا وصلك خبر عن الدفعات الجديده هل غيروا فيها شي
يتعلق بالسكان أو طقة الطبلون ياليت تبلغنا .. << وايد متفائل :strong
طبعاً مشكلة الثلاجه في الطريق للحل مثل ماتفضلت أخوي الريان ..
وبالنسبه لموترك هل هو جلد ولا مخمل ولا مايصير في اكس ار مخمل؟
والله يبارك لك بالموتر إن شاء الله
وإذا عندك صور له ياليت تحطها .. ;)
وبالتوفيق للجميع إن شاء الله ..
..
الله يبارك فيك يالغالي .. ومثل ماقلت الموتر كل يوم تزيد شعبيته
واكثر ربعي قالوا عجبنا شكله وبصراحه حلو بعد ماشافوه عندي
واركبوه معاي غيروا الفكره السابقه عنه يوم يقولون مو حلو
وان شاء الله اي جديد بعلمكم اول بأول ولا يهمك
وموتري من داخل مخمل والفي اكس آر المخمل متوفر اكثر من الجلد
وان شاء الله بنزلك صور للموتر ولا يهمك
وحياك يالغالي
ALRAYYAN
25-01-2008, 03:07 PM
بالمبارك يابوناصر الله يعطيك خيرة ويكفيك شره
ابيض مل ماقلت لي والا خذت لون ثاني ؟؟؟؟
عالعموم تستاهل كل خير والله يوفقك يالسنافي بوناصر
الله يبارك بعمرك يالغالي
انا بصراحه احترت يوم كامل بسبة اللون .. كنت محتار بين الابيض ولا الصدفي
لكن في النهاية اخترت الصدفي وبصراحه لون فخم وحلو على الموتر
وتستاهل الخير ياخوي وماعليك زود
فمان الله
الجهه مجهولة
25-01-2008, 03:29 PM
الله يبارك بعمرك يالغالي
انا بصراحه احترت يوم كامل بسبة اللون .. كنت محتار بين الابيض ولا الصدفي
لكن في النهاية اخترت الصدفي وبصراحه لون فخم وحلو على الموتر
وتستاهل الخير ياخوي وماعليك زود
فمان الله
لون حلو بصراحه ,,, واحلا من الابيض بواجد
وتستاهل كل خير وموفق ان شاء الله
الله يبارك فيك اخوي
بالنسبه لصرفيه البترول .. الموتر صرفيته ولا شي .. يعني الصالون 4 سلندر يمكن يصرف اكثر منه
وعلى فكره الموتر الجديد تانكي واحد فقط مو تانكيين .. لكن هالتانكي عن الاثنين في الحجم
وانا فولت الموتر مرتين وكل مره اعبيه بـ 95 ريال ويعطيني 700 كيلو تقريبا
اما انا بلعت الموتر من برا وصار عندي روعه لأن عيني خذت عليه
ومو انا بس انت لو تملك الموتر وتشوفه عينك كل يوم مع الاستعمال بتشوفه حلو
وحياك يابو خالد
الريان اسمحلي اتدخل في موضوع البترول
انا خليته يصفر لين لاعت جبدة وعبيتة 110 ريال
Qa6ar
25-01-2008, 09:42 PM
تستاهل الريان وعلى البركه والله يكفيك شره
ALRAYYAN
26-01-2008, 06:00 PM
الريان اسمحلي اتدخل في موضوع البترول
انا خليته يصفر لين لاعت جبدة وعبيتة 110 ريال
والله انا خليته يصفر وعبيته امس بـ 97 ريال يعني ماوصل 100 ريال
غريبه 110 ريال .. وايد .. بس اذا تقول خليته لين لاعت جبده .. ليش لا
يعطيك العافيه
ALRAYYAN
26-01-2008, 06:00 PM
تستاهل الريان وعلى البركه والله يكفيك شره
تستاهل الخير يالغالي والشر مايجيك ان شاء الله
ALRAYYAN
بالمبارك يالغالي
يعطيك خيره ويكفيك شره
بالمبارك اخوي الريان ..........
انا عندي الاندكروزر الجديد بس فيه مشكلة وابغي اعرف اذا هي موجودة على السيارات الثانية والا بس عندي وهي انك تسمع صوت ضربة لما تلف السكان بالكامل جهة يمين او جهة يسار خاصة لما توقف في مواقف ؟؟؟
مستثمر رشيد
صحيح .. هذي المشكله واجهتني مع الـ GX
متفاءل
26-01-2008, 07:36 PM
مبروك يا الريان على المزيون
انا خذت من الدفعه الاولى والدفعه الثانية وطالب ثالث طبلونه بيج وبيوصل شهر 3
والموتر الصراحة حلو وريف وكل شي فية مميز
أكيد بنزلون طبلون بيج ؟؟؟؟؟؟؟؟؟؟؟؟
ومتى؟؟؟ بداية 3 أوووووووووووووو؟؟؟
راعي ال2008 الاسود
26-01-2008, 09:12 PM
مشكور اخوي على الموضوع وزين انك نبهتنا على عيوب الموتر
لاني كنت باخذ لي واحد وعقب هونت قلت خلني انطر الدفعة الي بتجي في الصيف
قد صلحوا العيوب الي فية ومشكورين
الباش مهندس
26-01-2008, 09:59 PM
مبروك يالريان على الموتر والله يعطيك خيره ويكفيك شره
بالنسبه لتجربتي موتري ماشي الحين 4000كم
طلعت عليه للبر في السعوديه يوم الخميس وتوني راد
السياره ماشاءالله تبارك الرحمن
ماعليها كلام في الخط هادئه ومريحه و في البر
بس فيه بعض العيوب
أولها دعست ويا راعي Vxr2007 من فوق 160
كنت قدامه لين قطعت السياره على 200 وعقبه مر على زي سلام عليكم
معا اني مستغرب سرعتي 200 والسيارات القديمه تقطع على 195
شلون طافني انا ما ادري
للعلم رنقات وتوياير الوكاله على السيارتين
لا و ال2007 كان محمل حده
وعقبه دعست ويا نيسان 2005 رحت عليه بس عقب القطعه الي هي 200 قدم علي وثبت قدامي
بالنسبه للبر السياره اقوى بمراحل في الرمله من السيارات القديمه
لاكن مانع الانزلاق بهذلني
وكل ما افصله وتتعدى سرعتي 50كم يشبك بروحه
بالنسبه للحركه الجديد الي مسوينها
النظام الجديد الي جنب القير على اليمين
والله ما ادري شسمها
وقفت السياره على طلعه خشنه بس كلها حصا
وشغلته
طلعت السياره بروحها بدون اي تدخل مني
هذي تجربتي واتمنى اني اكون ضفت للموضوع شئ جديد
وتقبلوا تحياتي وسامحوني على الاطاله
بوخالد911
27-01-2008, 12:01 AM
والله انا خليته يصفر وعبيته امس بـ 97 ريال يعني ماوصل 100 ريال
غريبه 110 ريال .. وايد .. بس اذا تقول خليته لين لاعت جبده .. ليش لا
يعطيك العافيه
هلا
للتذكير بس
لمل طلعت لي VX-R موديل 2007 من الوكالة كان مصفر ع الآخر
ومشيت وظني انه بيوصلني للدوحة ولكن وقف علي الموتر
:whistling:
المهم عبيته بالكامل بسعر 107 ريال
:omg::anger2::omg:
للحييين اتذكر هالكلااااام
ALRAYYAN
27-01-2008, 12:19 AM
ALRAYYAN
بالمبارك يالغالي
يعطيك خيره ويكفيك شره
مستثمر رشيد
صحيح .. هذي المشكله واجهتني مع الـ GX
الله يرحم والديك ويبارك فيك اخوي
ALRAYYAN
27-01-2008, 12:20 AM
مشكور اخوي على الموضوع وزين انك نبهتنا على عيوب الموتر
لاني كنت باخذ لي واحد وعقب هونت قلت خلني انطر الدفعة الي بتجي في الصيف
قد صلحوا العيوب الي فية ومشكورين
ولو .. حاضرين ياخوي .. وانا اتمنى لكم الخير
والله يهنيكم بمواتركم ان شاء الله ويحفظكم من كل مكروه
وحياك
ALRAYYAN
27-01-2008, 12:30 AM
مبروك يالريان على الموتر والله يعطيك خيره ويكفيك شره
بالنسبه لتجربتي موتري ماشي الحين 4000كم
طلعت عليه للبر في السعوديه يوم الخميس وتوني راد
السياره ماشاءالله تبارك الرحمن
ماعليها كلام في الخط هادئه ومريحه و في البر
بس فيه بعض العيوب
أولها دعست ويا راعي Vxr2007 من فوق 160
كنت قدامه لين قطعت السياره على 200 وعقبه مر على زي سلام عليكم
معا اني مستغرب سرعتي 200 والسيارات القديمه تقطع على 195
شلون طافني انا ما ادري
للعلم رنقات وتوياير الوكاله على السيارتين
لا و ال2007 كان محمل حده
وعقبه دعست ويا نيسان 2005 رحت عليه بس عقب القطعه الي هي 200 قدم علي وثبت قدامي
بالنسبه للبر السياره اقوى بمراحل في الرمله من السيارات القديمه
لاكن مانع الانزلاق بهذلني
وكل ما افصله وتتعدى سرعتي 50كم يشبك بروحه
بالنسبه للحركه الجديد الي مسوينها
النظام الجديد الي جنب القير على اليمين
والله ما ادري شسمها
وقفت السياره على طلعه خشنه بس كلها حصا
وشغلته
طلعت السياره بروحها بدون اي تدخل مني
هذي تجربتي واتمنى اني اكون ضفت للموضوع شئ جديد
وتقبلوا تحياتي وسامحوني على الاطاله
هلا بك اخوي والحمد لله على السلامه .. ولاتعبت ان شاء الله
بخصوص السرعه بالنسبه لي ماتهم انا طفت مادري من ومن طافني لأني مو راعي مسابق ولا دعسات
بس الكلام اللي قلته في حق الموتر في الرملة حلو
وياليت تشرح لي ولكل اللي عندهم vxr اكثر عن نظام تشغيل الدبل .. وتشرح لنا الانظمة الباقيه بالنسبه للفرار اللي على يمين اجير دامك جربتهم
واكون شاكر لك
أكيد بنزلون طبلون بيج ؟؟؟؟؟؟؟؟؟؟؟؟
ومتى؟؟؟ بداية 3 أوووووووووووووو؟؟؟
بداية 3
مبروك يالريان على الموتر والله يعطيك خيره ويكفيك شره
بالنسبه لتجربتي موتري ماشي الحين 4000كم
طلعت عليه للبر في السعوديه يوم الخميس وتوني راد
السياره ماشاءالله تبارك الرحمن
ماعليها كلام في الخط هادئه ومريحه و في البر
بس فيه بعض العيوب
أولها دعست ويا راعي Vxr2007 من فوق 160
كنت قدامه لين قطعت السياره على 200 وعقبه مر على زي سلام عليكم
معا اني مستغرب سرعتي 200 والسيارات القديمه تقطع على 195
شلون طافني انا ما ادري
للعلم رنقات وتوياير الوكاله على السيارتين
لا و ال2007 كان محمل حده
وعقبه دعست ويا نيسان 2005 رحت عليه بس عقب القطعه الي هي 200 قدم علي وثبت قدامي
بالنسبه للبر السياره اقوى بمراحل في الرمله من السيارات القديمه
لاكن مانع الانزلاق بهذلني
وكل ما افصله وتتعدى سرعتي 50كم يشبك بروحه
بالنسبه للحركه الجديد الي مسوينها
النظام الجديد الي جنب القير على اليمين
والله ما ادري شسمها
وقفت السياره على طلعه خشنه بس كلها حصا
وشغلته
طلعت السياره بروحها بدون اي تدخل مني
هذي تجربتي واتمنى اني اكون ضفت للموضوع شئ جديد
وتقبلوا تحياتي وسامحوني على الاطاله
قوة الغالي انا جربتة في السرعة مع اني مو راعي سرعة بس وقف على 195 بس ما يبند
ولدالدوحه
27-01-2008, 12:45 AM
الله يعطيك خيره ويكفيك شره اخوي الريان
ALRAYYAN
27-01-2008, 12:50 AM
تسلم اخوي ولد الدوحه
يعطيك خيره ويكفيك شره ، شرح وافي ودقيق !!!
لورنس العرب
27-01-2008, 05:42 AM
يا شباب اذا بغيت اركب دفلوك للجي اكس 2008 جير اوتوماتيك يركبون الوكالة ؟ وبكم تقريبا؟
تحيتي لكم
التيما
27-01-2008, 06:28 AM
ماشاء الله عليك كفيت ووفيت خليتني احس اني سقت الموتر .. اولا مبروك عليك الموتر يعطيك خيره ويكفيك شره آمين .. بس في شي أنت لاحظته انا انتبهت له فعلا وهو لفت السيارة كبيرة فعلا وانتبهت لها اليوم واحد يسوق السيارة وعشان يلف في مواقف الأصمخ مول خذ له 5 دقايق وهو جدام وورا يروح جدام الا يريوس سندرني وانت الحين كشفت لي السبب ..
يعطيك العافية والله .
اخصائي
27-01-2008, 09:04 AM
اما عن تجربتي فاكبر عيب لاحظته فيه هو البريك بشكل واضح وخطير
ALRAYYAN
27-01-2008, 11:23 AM
يعطيك خيره ويكفيك شره ، شرح وافي ودقيق !!!
الشر مايجيك والخير يطريك يالغالي .. ولاهنت على كلامك الطيب
ALRAYYAN
27-01-2008, 11:24 AM
يا شباب اذا بغيت اركب دفلوك للجي اكس 2008 جير اوتوماتيك يركبون الوكالة ؟ وبكم تقريبا؟
تحيتي لكم
انا والله ماعندي فكره بس ياليت اللي يعرف من الشباب يفيدك الشيخ
وحياك
ALRAYYAN
27-01-2008, 11:27 AM
ماشاء الله عليك كفيت ووفيت خليتني احس اني سقت الموتر .. اولا مبروك عليك الموتر يعطيك خيره ويكفيك شره آمين .. بس في شي أنت لاحظته انا انتبهت له فعلا وهو لفت السيارة كبيرة فعلا وانتبهت لها اليوم واحد يسوق السيارة وعشان يلف في مواقف الأصمخ مول خذ له 5 دقايق وهو جدام وورا يروح جدام الا يريوس سندرني وانت الحين كشفت لي السبب ..
يعطيك العافية والله .
الله يبارك فيج اختي التيما .. والشر مايجيج والخير يطريج دوم يارب
فعلا السياره لفتها كبيره شوي وهذا اكثر شي مضايقني في الموتر لكن مع الوقت قربت اتعود عليه
لكن الاخ اللي تقولين عنه يريوس وسقدم 5 مرات هذا يمكن هو مايعرف يسوق
لأن لفته كبيره بس مو لهالدرجه .. تلقينه هو ماعرف يقايس للموتر عدل
شاكر لج مرورج وكلامج الطيب
ALRAYYAN
27-01-2008, 11:28 AM
اما عن تجربتي فاكبر عيب لاحظته فيه هو البريك بشكل واضح وخطير
انا مالاحظت اي شي على البريك .. بالعكس بريكه قوي وينجدك لبغيته
ياليت توضح لنا شالعيب اللي لقيته في البريك واكون شاكر
وحياك
بوخالد911
27-01-2008, 11:33 AM
هلا مجددا
اخوووي بخصوص الشاشة
هل تعرف من خلالها عيوب السيارة؟
وأي خلل ميكانيكي
ومليوووون شكر لك
متفاءل
27-01-2008, 12:06 PM
أكيد بنزلون طبلون بيج ؟؟؟؟؟؟؟؟؟؟؟؟
ومتى؟؟؟ بداية 3 أوووووووووووووو؟؟؟
بداية 3
اليوم أتصلت الوكالة وكلمت واحد أسمه حسن فهيم وقالي مستحيل ...
:con2::con2::con2::con2:
اليوم أتصلت الوكالة وكلمت واحد أسمه حسن فهيم وقالي مستحيل ...
:con2::con2::con2::con2:
الشيخ ما في شي اسمة مستحيل انا طالبة عن طريق الديوان
وواحد من الشباب طالب من الامارات وبيوصل اول 2
وسلامتك
مثل ما يقولون مافي مواتر وتطلع لناس وناس بعد الطلب الظاهر ناس وناس
الدوحي7
28-01-2008, 12:03 AM
انا مالاحظت اي شي على البريك .. بالعكس بريكه قوي وينجدك لبغيته
ياليت توضح لنا شالعيب اللي لقيته في البريك واكون شاكر
وحياك
صادق ،،ابريكه قوي،،
ALRAYYAN
28-01-2008, 01:39 AM
هلا مجددا
اخوووي بخصوص الشاشة
هل تعرف من خلالها عيوب السيارة؟
وأي خلل ميكانيكي
ومليوووون شكر لك
والله انا دخلت على مكان بالشاشه لقيت كل شي يخص الموتر موجو
سفايف .. تواير .. فلاتر .. آيل المكينه .. وجميع السوئل .. الميزانية .. ماي الراديتر .. واشياء واجد .. يعني كل شي موجود
بس للحين ماتعبثت في الشاشه عدل عشان اعرف
واول ماعرف شي جديد بقولكم ان شاء الله .. واللي يعرف شي جديد ياليت مايبخل علينا
بس لحد يألف لنا وهذا اهم شي عشان مانتعبث في مواترنا على الفاضي
بوخالد911
28-01-2008, 01:48 AM
والله انا دخلت على مكان بالشاشه لقيت كل شي يخص الموتر موجو
سفايف .. تواير .. فلاتر .. آيل المكينه .. وجميع السوئل .. الميزانية .. ماي الراديتر .. واشياء واجد .. يعني كل شي موجود
بس للحين ماتعبثت في الشاشه عدل عشان اعرف
واول ماعرف شي جديد بقولكم ان شاء الله .. واللي يعرف شي جديد ياليت مايبخل علينا
بس لحد يألف لنا وهذا اهم شي عشان مانتعبث في مواترنا على الفاضي
هلا
عندي شاشة في اكس ار مو 2007
واللي تقصده هو الصيانة
بمعنى مثلا انت تبدل الزيت+ الفلتر كل 5000 كيلو ؛ فتروح للمسافة distance
وتختار 5000
وبعدين بتشوف الرقم يتناقص مثل
4999
4998
الى 0 وهنيه بتطلع لك ع الشاشة تنبيه وتذكير لتغيير الزيت + الفلتر
وحتى مثلا السفايف تقدر تحط اما تاريخ معين
أو عدد معين من الكيومترات
وشكرا اخوووي
:nice:
ALRAYYAN
28-01-2008, 01:51 AM
هلا
عندي شاشة في اكس ار مو 2007
واللي تقصده هو الصيانة
بمعنى مثلا انت تبدل الزيت+ الفلتر كل 5000 كيلو ؛ فتروح للمسافة distance
وتختار 5000
وبعدين بتشوف الرقم يتناقص مثل
4999
4998
الى 0 وهنيه بتطلع لك ع الشاشة تنبيه وتذكير لتغيير الزيت + الفلتر
وحتى مثلا السفايف تقدر تحط اما تاريخ معين
أو عدد معين من الكيومترات
وشكرا اخوووي
:nice:
الظاهر جذي
][ الوحيد ][
28-01-2008, 04:44 AM
جربت موتر واحد فكسار 2008
احس البريك يبيله شوي قوه !!
او انه مايمسك السيارة عدل لما تضغط عليه بالخفيف
عكس الموتر القديم
وبخصوص لفه الموتر انا اشوف انك بتتعود عليها عقب اقل من شهر من الاستخدام
والله يبارك لك بالموتر
ويعطيك خيره ويكفيك شره
ومثل ماقلت من قبل
الموتر الكل كان يذمه
لكن شوف الحين
الشوارع فيها وايد
ALRAYYAN
28-01-2008, 11:21 AM
[ الوحيد ][;2351701']جربت موتر واحد فكسار 2008
احس البريك يبيله شوي قوه !!
او انه مايمسك السيارة عدل لما تضغط عليه بالخفيف
عكس الموتر القديم
وبخصوص لفه الموتر انا اشوف انك بتتعود عليها عقب اقل من شهر من الاستخدام
والله يبارك لك بالموتر
ويعطيك خيره ويكفيك شره
ومثل ماقلت من قبل
الموتر الكل كان يذمه
لكن شوف الحين
الشوارع فيها وايد
هلا بك الوحيد .. الله يبارك فيك وماقصرت يالغالي
بخصوص البريك انا عندي البريك الحمد لله من احسن مايمكن
واللي يشتكي من البريك يقولهم في التشييك وبيضبطونه له
اما لفته بصراحه هوالشي الوحيد اللي للحين مضايقني في الموتر .. لكن اكيد بتعود عليه
وحياك
الأختصاصي
28-01-2008, 11:41 AM
يعطيك خيره ويكفيك شره ان شاء الله
ولاتنسى ان الموتر نازل جديد ولازم راح تكون فيه عيوب
وان شاء الله يتداركونها بالدفعات القادمه
اما عن نفسي انا ناطر وان شاء الله راح اخذه في 2009
بعد ماتخلص عيوبه
حياتي لك
abdull247
28-01-2008, 04:54 PM
بالنسبه للدقمه الي يمين القير هم ثنتين الكرول كونترول الي هو (التحكم بالزحف)وهاذي الدقمه تشغلها اذا كنت على طلعه جبل(طبعا موا علا قار عالحصا) بس يرتفع الموتر على الطلعه شغل الدبل (الدقمه الي يمين السكان) شغل الدقمه مالت الكرول كونترول وترك البريك والبانزين لانك اذا لمست البريك يفصل النظام.. بتلقا الموتر يطلع بروحه بدفعات متتابعه بس عليك تمسك السكان وتوجه السياره والدقمه الي بجنبها لها ثلات سرعات عشان التحكم بسرعه وقوه الدفعات والزحف..انا جربتها مع سايق من حلبه البحرين جابته شركه الساير وكيل تيوتا بالكويت عشان يسوي عرض بالسياره لما سوو تدشين لها قبل شهرين ,,, وسلامتكم واتمنا اني وصلت الصوره.
ALRAYYAN
29-01-2008, 02:02 AM
يعطيك خيره ويكفيك شره ان شاء الله
ولاتنسى ان الموتر نازل جديد ولازم راح تكون فيه عيوب
وان شاء الله يتداركونها بالدفعات القادمه
اما عن نفسي انا ناطر وان شاء الله راح اخذه في 2009
بعد ماتخلص عيوبه
حياتي لك
تسلم يالغالي والله يبارك فيك
ومثل ماقلت الموتر جديد ولابد من العيوب
والله يمدك بالعمر وتاخذ 2009 ويهنيك به ياخوي
ALRAYYAN
29-01-2008, 02:03 AM
بالنسبه للدقمه الي يمين القير هم ثنتين الكرول كونترول الي هو (التحكم بالزحف)وهاذي الدقمه تشغلها اذا كنت على طلعه جبل(طبعا موا علا قار عالحصا) بس يرتفع الموتر على الطلعه شغل الدبل (الدقمه الي يمين السكان) شغل الدقمه مالت الكرول كونترول وترك البريك والبانزين لانك اذا لمست البريك يفصل النظام.. بتلقا الموتر يطلع بروحه بدفعات متتابعه بس عليك تمسك السكان وتوجه السياره والدقمه الي بجنبها لها ثلات سرعات عشان التحكم بسرعه وقوه الدفعات والزحف..انا جربتها مع سايق من حلبه البحرين جابته شركه الساير وكيل تيوتا بالكويت عشان يسوي عرض بالسياره لما سوو تدشين لها قبل شهرين ,,, وسلامتكم واتمنا اني وصلت الصوره.
بيض الله وجهك يالغالي .. عز الله ماقصرت
ولاهنت على الشرح
ALRAYYAN
05-02-2008, 02:51 AM
للرفع .. ها حد عنده شي جديد
@احمد@
05-02-2008, 07:32 AM
يعطيك خيرة ويكفيك شرة
متفاءل
06-02-2008, 11:40 PM
هل الvx-r
2008 في صوت في الجير أو لا
تحياتي
كويتى جديد
07-02-2008, 12:37 AM
الله يبارك للجميع
انا لى تجربه اخذت جى اكس ار 2008 8سلندر وارد البريمى من قطر وسافرت عليه الى الرياض وبعدها ذهبت للكويت
صراحه ماشاء الله تبارك الرحمن
موتر بالطريق يعجبك وراكد وعزمه طيب
لورنس العرب
07-02-2008, 11:38 AM
حبيت اسالك سؤال يخص موتري جي اكس 2008 جير اوتوماتيك وبغيت اركب نظام الدفلوك
اولاً هل تنصحوني اربك دفلوك ؟ وبكم سعره في الوكالة مع التركيب
هل الدفلوك فعلاً يفصل الدفرنش الامامي ؟
اسف على الاطالة
كل الشكر لكم
بوحماني
07-02-2008, 11:44 AM
يعطيك العافية على المعلومات الحلوة والله يباركلك في الموتر انشالله
متفاءل
07-02-2008, 02:08 PM
هل الvx-r
2008 في صوت في الجير أو لا
تحياتي
وين خبرتكم ياشبااااااااااااااااااااااااب ؟؟؟؟؟؟؟؟؟
:anger1::anger1::anger1:
ALRAYYAN
07-02-2008, 08:42 PM
يعطيك خيرة ويكفيك شرة
تسلم يالغالي .. الخير يطريك والشر مايجيك يارب
هل الvx-r
2008 في صوت في الجير أو لا
تحياتي
موتري انا ولله الحمد مافيه اي طقه في الجير .. رحت عليه بر وسافرت عليه
والحين قاطع 3000 كم وكل شي تمام
ALRAYYAN
07-02-2008, 08:44 PM
الله يبارك للجميع
انا لى تجربه اخذت جى اكس ار 2008 8سلندر وارد البريمى من قطر وسافرت عليه الى الرياض وبعدها ذهبت للكويت
صراحه ماشاء الله تبارك الرحمن
موتر بالطريق يعجبك وراكد وعزمه طيب
ويبارك لك في حلالك ياخوي
انا البارحه راجع من البحرين على الموتر .. وبصراحه الموتر كاله حل
ريافه وثبات على الخط
يعطيك العافيه
ALRAYYAN
07-02-2008, 08:45 PM
حبيت اسالك سؤال يخص موتري جي اكس 2008 جير اوتوماتيك وبغيت اركب نظام الدفلوك
اولاً هل تنصحوني اربك دفلوك ؟ وبكم سعره في الوكالة مع التركيب
هل الدفلوك فعلاً يفصل الدفرنش الامامي ؟
اسف على الاطالة
كل الشكر لكم
ياليت حد من الشباب يفيدك .. بصراحه ماعندي خبره في هالأمور
ALRAYYAN
07-02-2008, 08:46 PM
يعطيك العافية على المعلومات الحلوة والله يباركلك في الموتر انشالله
الله يعافيك يالغالي .. وشاكر لك مرورك
برنس قطر
08-02-2008, 03:04 PM
ممكن تفيدني عن الفرق في سفر بين 2008 ولي كان عندك 2006 ...؟ في ثبات والصوت الهوى والصرفيه البترول .. واذا في اشياء ثاانيه انت الفتت انتباهك ياليت مااتبخل علينا فيها واشكرك على وسااعت الصدرك على لاسأله ؟ البلوتوث كيف صفاء الصوت ..؟
ALRAYYAN
08-02-2008, 09:45 PM
ممكن تفيدني عن الفرق في سفر بين 2008 ولي كان عندك 2006 ...؟ في ثبات والصوت الهوى والصرفيه البترول .. واذا في اشياء ثاانيه انت الفتت انتباهك ياليت مااتبخل علينا فيها واشكرك على وسااعت الصدرك على لاسأله ؟ البلوتوث كيف صفاء الصوت ..؟
هلا بك الشيخ
اولا اللي كان عندي 2004 ولكن نفس الشي مايفرق عن 2006
ثانيا يالغالي الموترين ثابتين ونفس الشي في الصوت والهوى ماحسيت في فرق بين الاثنين
لكن الفرق في الريافه الجديد اريف بواجد من القديم
اما صرفية البترول فرق واضح بين الاثنين .. الجديد صرفيته ولا شي ..
يعني عبيته في الرمزاني ووصلت البحرين وللحين فيه النص او تحت النص بخط واحد وعبيته مره ثانية
ثالث يوم في البحرين
باختصار الموتر الجديد ماله حل في كل شي تقريبا
الجنوبي 11
08-02-2008, 09:50 PM
مبروك عليك يا طيب ويعطيك خيره ويكفيك شره
ALRAYYAN
08-02-2008, 11:17 PM
الله يرحم والديك يالجنوبي وماقصرت
برنس قطر
09-02-2008, 10:23 AM
شكرا على الرد بس ماافتني بخصوص البلوتوث...؟
ALRAYYAN
09-02-2008, 03:23 PM
شكرا على الرد بس ماافتني بخصوص البلوتوث...؟
السموحه منك الشيخ والله سهيت عن موضوع البلوتوث
ابشرك صوته في الـ vxr صافي وواضح واللي تكلمه بعد مايشتكي من شي :telephone:
وحياك يالغالي
برنس قطر
09-02-2008, 10:36 PM
تسلم ومااقصرت سديت وفيت ياالريان
ALRAYYAN
11-02-2008, 04:42 AM
حاضرين لك يابرنس
Powered by vBulletin® Version 4.2.5 Copyright © 2024 vBulletin Solutions Inc. All rights reserved.