من سوى سويله

[lalamar]

ياجماعه الخير الوفا صار معدوم وبر الوالدين ماعاد يشغل بال الكثير من الناس 0000 امهات في العنايه وبعضهم على فراش المرض في مسشفى حمد شهور في حاله احتضار وماعندهم غير خدامه اجيره وبناتهم وعيالهم مايدرون بهم ومن سنتر لين سنتر ومن زياره لزياره ومن بلد لين بلد 000 يعني عايشين حياتهم بالطول وبالعرض والام نايمه في المستشفى مع لخدامه كانها ماربت ولا حملت ولا تعبت والقطيعه من الطرفين بنين وبنات 000 على العموم من سوى سويله بكره عيالهم بيقطـعونهم مثل مااقطعوا هم والدبهم

[ANONYMOUS]

حسبي الله ونعم الوكيل

[..الاميرة..]

انت قلتهااا ياخوي مثل ما سوو مع ابهااتهم ..
بكره اعياالهم بيسون نفس الشئ معاااهم ..


.. حسبنااا الله ونعمل وكيل ..
.. والقلوب الرحيمه اندثرت هذي الأيااام حتى للأقرب الناااس لك ..

[koko33]

حسبنا الله ونعم الوكيل
ولكن صدقوا ان البر بالوالدين دين يداول بين الناس فأن كنت بار بوالديك فأن أبنك سوف يبرك وأن كنت العكس فالله المستعان

[الصاعق الحارق]

حسبي الله ونعم الوكيل

[لولوتي]

لا حول ولا قوة الا بالله

مااقول غير الله يهدي الجميع

عيل تدري يااخي الكريم اليوم وامس كنت مشغوله مع انسانه عزيزه علي جدا
وانشغالي معاها كان في اجراءات الاسكان والقرارات الجديده اللي الحمد لله على اساسه وبإذن الله بتحصل على بيت دامها ارمله ومالها اي سكن خاص فيها
بالاخص بعد مابيعها ولدها وفلذة كبدها البيت الوحيد اللي كان سندها وتعتاش من اجاره وضربها وكسر عضامها وبهدلها عقب مااشترى بيت جديد وماعاد بحاجه لها
وهي اللي طول عمرها اللي ماقصرت عليه فشي وبالعكس فضلته دوم على باقي عيالها وتكفلت بزواجه وبسيارته وبكل شي ...وابد ماابخلت عليه...

وللاسف كله كان من تحت راس الزوجه الطماعه

وماأقول الا الله يعينها ويهدي ولدها لها ويفتح عيونه عليها وعلى حاجتها له قبل فوات الاوان

[PoBox]

لازال المجتمع فيه خير ولله الحمد ،والحالات القليلة لاتعتبر ظاهرة

[امل الحب]

مثل مافي الشين في الزين

وياكثر العيال الي بارين بابائهم

وكل من بياخذ جزاااه

[مافيا قطر]

الله يستر بس من الايام الجايه بس والله حرام اللى ضرب امه وخلها تبيع البيت وين يروح من الله عن نفسى

اعرف واحد كل يشرب ويدش ويضرب امه واخواته لكن امه مغلوب على امرها مسكينه صج يما فى البيوت

بلاوى ويما راح نسمع وهذول بعدين معدودين على الاصابع اما المشاعر فعلا راحت من قلوب الكثير من البشر

حتى اقرب الناس لهم

[auto body]

لاحول ولاقوة الابالله
(وكما تدين تدان)

[التيما]

لا حول ولا قوة الا بالله .. يمهل ولا يهمل

[miss-qatr]

صباح الخير التيما الا قاعده من بعد الدوام( اخر يوم ) امس من الصبح :whistling:



اول شي جزاك الله خير يا لالمار موضوعك اعتبره تنبيه حق ناس غافله وممكن موضوعك ينبههم


ومثل ماقالو الاخوان العيال البارين كثار بس احنا لقله هالفئه واستهجانا لافعالهم نذكرهم والسبب رفضنا للي يعملونه



تسلم :)

[دانـة قطـر]

حسبي الله ونعم الوكيل

والله أني أعرف ناس وااااايد قلوبهم صايرة حجر على والدينهم ..ولا تقولون أنهم قله

المشكله لما تسألهم يقولون مشاغل الدنيا البيت والعيال..وهم ما يخلون ديره ما يلفونها

استغفر الله على الكلمه اللي بقولها ..بس لو يتمون عزوبيه طول عمرهم عزوبية وما يتزوجون أبرك من أنهم يبهدلون أهلهم عشان يرضون حريمهم

والله من كثر ما اسمع مثل هالقصص وأشوفها بعيني كرهت الرياييل المتزوجين <<< يبيلها فورمات

يا جماعه الله الله بأمهاتكم عشان الله يرضى عليكم ويسعدكم في حياتكم

وجزاك الله خير أخوي عالموضوع

[المشتاقه الى الجنه]

بكره اعياالهم بيسون نفس الشئ معاااهم ..

حسبس الله ونعم الوكيل

[الكاسر007]

والله ذيلا وايد واحد اعرفه من صديق يخسي بس اسمع عنه وايد عن ضرب ابوه
ضرب ابوه بدله شاي على وجهه
عشان ماوصله مشوار الى عند ربعه
هاذي على التربية ياجماعة
واهمال الاب بالعيال يهملونه وهو كبير هاذي قاعده
بس لكل قاعده شواذ
والله يهدي جميع المسلمين
في ناس يستحي يسلم على راس ابوه قدام الناس
مب عيب
كما تدين تدان في اي شي
وفي ناس يرضي مرته على ابوه وامه اهم شي مرته ليش وش سوت لك مرتك
وهذا ما يطلق عليه زوجة الزوجه
فتلاقونه يطقع لهله عشان مرته
كل واحد له حق فاعط كل ذي حق حقه
واسمحوا لي طولت عليكم

[lalamar]

اشكركم جميعا على المرور والمشاركه في الموضوع

[زعيم الريان]

انا اقترح على الشرطه انهم يحطون شرطه للعصاه اللي ما يخافون الله في ابائهم ومهاتهم مثل ما هم حاطين تحريات على السباق والإستعراض وتكون هناك مخالفات قاسية على العاقين من سجن وضرب بالسوط اذا ما يفهم لازم يربونه ولازم على الإعلام ايضا" ينشر ماذا امر الله ورسوله من بر با الوالدين تعرفون ان من يعق ولديه ما يدخل الجنه تعرفون ان من اكبر الكبائر عقوق الوالدين تعرفون ان الله قرن طاعته بطاعة والديه يعني اللي ما يبر والديه لكنه يصلي ويئدي للي عليه انه ما ينفعه بشي

[بنت الدوحه]

الله المستعان

قدام عيني والله صار موقف في مستشفى حمد وبالتحديد في العياده الخارجيه
يهزيء ابوه ويصارخ عليه قدام صاحبه لان ابوه كان مضايقه البلغم ويبي يطلعه ( تكرمون )
زمن العجايب هالزمن الله يكفينا الشر

[على قد حالها]

لاحول ولا قوة الا بالله
القصص اللي تذكرونها وااااااااااااااايد تعور القلب يالللللللللللللله انا مادري اشلون هالبهايم اللي يضربون والدينهم وخواتهم ...اشلون ينامون ولا يكون بالهم مرتاح
يالله انا فعلا استغرب من هالفئه العجيبه اللي احس مانقدر نسميهم بشر ولا حيوانات لان الاثنين مكرمين عنهم!!!!!!!!!!!!!!!!
استغفر الله العظيم

[lalamar]

اشكركم جميعا على المرور والمشاركه في الموضوع

[ناصر العمادي]

اي والله صدقت ياخوي ..... كما تدين تدان .......... ان الله يمهل ولا يهمل ...

والله شي يوجع القلب ان نرى أم طريحة الفراش في المستشفى وأبنائها لايعلمون عنها شيئا ماعدا الزيارات النادره ...
فالويل لهم من عقاب الله في الدنيا والأخره .....
لقد نسوا حق الوالدين عليهم ...
لقد نسوا ربهم ....
لقد نسوا الأخره من اجل أيام معدوده في الدنيا

لا حول ولا قوة الا بالله
نسأل الله الهدايه لهم جميعا ... اللهم آمين

كل الشكر لك اخي العزيز

الله يوفقك ويرزقك الجنه ان شاء الله

تحياتي وتقديري لك

[lalamar]

اشكركم جميعا على المرور والمشاركه في الموضوع

[متفاءل]

لا حول ولا قوة الا بالله

[lalamar]

اشكركم جميعا على المرور والمشاركه في الموضوع