استفسار عن الجمس

[HSBC]

السلام عليكم

شباب شرايكم في الجمس بيكم الجديد ؟

شنو عيوبه .. و شلون خدمات شركة المناعي ؟

و بأي نوع تنصحوني ؟ .. غماره ولا غماره و نص ؟ :nice:

[شقردي]

اخوي اذا عندك عايله غماره ونص لاني اشوف هليام الدوحه كلهم طايحين فيها بعدين اخوي عنده واحد تو مشتريه اخذته منه مشاء الله عليه عزمه قوي

[Aigner]

مداخله

بخصوص الشكل الجديد مب احلى من الشكل القديم

بس شكله حليو

وانا اشوف ان الغماره احلى من الغمارتين بواجد ...والكل له نظره


والله يوفقك


واسمحلى على المداخله البسيطه

[Thamer_Qat]

الحق احجز لك ولا يفوتك والمناعي عندهم عرض هالأيام على ما اعتقد 4 سنوات ضمان من الصدام الى الصدام بس تأكد هل هذا العرض على الكاديلاك والدينالي ولا عليهم كلهم.

الغماره ونص اشوفه وسط وانيق الغمارتين وايد دفش في نظري طبعا والغماره سيته مرتز ولا تقدر ترجعه على كيفك بس حلو في نظري وخفيف.

الحين اسأل اي حجم الأفضل:
1500 ارخص ب 7000 فقط من ال 2500

انا اشوف ان ال 2500 احلى وارفع واقوى طبعا واخشن

بس ال 1500 عملي وزين للأستعمال اليومي ورهيف وصرف بترول افضل من الصالون والكروزر"صدق او لا تصدق"

وترى ما يفرقون عن بعض من ناحية حجم البدي والشكل العام ومن داخل بعد اخوان.

عمي عنده واحد والموتر كله عندي وشكلي باخذ لي واحد بعد كم شهر حجم 2500 غماره ونصف لأني ناوي آخذ لي بورت كابن متحرك اللي يصنعونه في الرياض وال 1500 ماراح يقدر يجر له 2 طن وخاصه في القومه والرمله.

بالتوفيق

[عـنيـد قـطـر]

هلا والله بالشيخ ......

وصلت خير انشالله اخوك راعي جموس كل الموديلات الي فبالك

اذا تسئل عنال2007 -2008 باب واحد ترا هو كاتالي

المكينه 5.3 عزم الاحصنه 320 تقريبن تبديل الأيل والفلتر كل 10000ك م

ملاحظه الفلتر موشرط انك تبدله مع الايل لأنه عادي تبدل الايل عليه ثلاث مرات

واصلن المناعي عندهم عرض اعتقد مادري اذا لين الحين الايل والفلتر بلاش لين

ثلاث سنوات .

وطبعن الجير اتوماتيك وعزم الموتر قوي اذا قارنته بالياباني ويختلف العزم اذا

كان الموتر دبل او سنجل وعن صرفيت البترول ارقد واااامن مايصرف كلش

واذا كان عندك سته سلندر قبل بتلاحظ الفرق واضح داخل المدن صرفيته حلوه

على حسب استحدامك اما في الخطوط يمشيك من 650 الى 800 ك م تقريبن

على حسب الدعسه بس في عيب في الباب واحد وهو انه وعر وايد وبيلعوزك

فأنا انصحك بالغماره وربع لانه مرتب مهوب دفش مثل الغمارتين ولا وعر مثل الغماره

واذا عندك اي استفسار عن الجموس اي نوع قولي وانا حاضر او عن اي سياره

والسموحه اذا طولت..... سلام

[HSBC]

يعطيكم العافيه يا شباب

ما قصرتوو ..

بس حبيت اسئل شنو الفرق بين حجم 1500 و حجم 2500 ؟

[عـنيـد قـطـر]

الفرق بين حجم 1500 وال2500 وال 3500

هو حجم الصندوق او سعته وعندنا احنا متعارف عليها قطع 15 وقطع 20

وحاضرلك في اي استفسار

[Thamer_Qat]

الفرق بين حجم 1500 وال2500 وال 3500

هو حجم الصندوق او سعته وعندنا احنا متعارف عليها قطع 15 وقطع 20

وحاضرلك في اي استفسار

لا ياخوي اسمح لي غلطان

1500 يعني حمولته 1500 طن 5300 سي سي

2500 HDحمولة 2500 طن 6000 سي سي havey duty ويسحب اوزان اكثر من غير مايتأثر عزم الماكينه يعني وحش كاسر غير ان الشاصيه اثقل واقوى علشان يتحمل الحموله والسحب ورنجاته 8 بلوط واثقل واقوى وارفع وطبعا الموتر اثقل وصرفية البترول اكثر

3500 حمولة 3500طن ودبل تاير تقريبا نفس ال 2500 بس دبل تاير واثبت عند التحميل

[بومحمد978]

:danceاي نوع من الجمس شيل ولا تردد والله اني بعت واحد موديل 2006 ورجعت وشريت واحد 2005 يالله لقت واحد نظيف واعتقد اني لا لا لا لا للبيع

[عـنيـد قـطـر]

لا ياخوي اسمح لي غلطان
1500 يعني حمولته 1500 طن 5300 سي سي

2500 HDحمولة 2500 طن 6000 سي سي havey duty ويسحب اوزان اكثر من غير مايتأثر عزم الماكينه يعني وحش كاسر غير ان الشاصيه اثقل واقوى علشان يتحمل الحموله والسحب ورنجاته 8 بلوط واثقل واقوى وارفع وطبعا الموتر اثقل وصرفية البترول اكثر

3500 حمولة 3500طن ودبل تاير تقريبا نفس ال 2500 بس دبل تاير واثبت عند التحميل


انا عندي 1500 - 4800 سي سي مو شرط انها 5300

وكان عندي 3500 - 8100 سي سي ومو دبل تاير مثل ماتفضلت

انا بسألك سؤال انت شفت 2500 بدي قصير ؟

طبعن مافي معناتها كلامي صح

وعلى فكره ترا ال350 الموديل الي راح 2006 وتحت اقوى من 6000 سي سي

و 8100 لانها تجي بمواصفات سلامه يعني مقفوله

واذا مو مصدق روح وشوف وارد الجميح وجربه وجرب وارد المناعي واحكم

[قطر501]

الجمس ماعليه كلام انا عندي 2006 نظيف جدا ماشي 5000 فقط من غلاته عندي خاشه ايام المطر ومطلع ال في اكس ار 2007

[عـنيـد قـطـر]

الجمس ماعليه كلام انا عندي 2006 نظيف جدا ماشي 5000 فقط من غلاته عندي خاشه ايام المطر ومطلع ال في اكس ار 2007




تعجبني

[الدوحي7]

تبي نصيحتي خذ لك تويوتا (تاندرا) دبل غماره اذا انت راعي سفر وعايله،،وقوه مكينته الجديد 5700 سي سي، v8،بس اسئل عنه كم حصان وهل له قطع غيار ولن تندم،،مع السلامه،،

[حمد]

لا ياخوي اسمح لي غلطان
1500 يعني حمولته 1500 طن 5300 سي سي

2500 HDحمولة 2500 طن 6000 سي سي havey duty ويسحب اوزان اكثر من غير مايتأثر عزم الماكينه يعني وحش كاسر غير ان الشاصيه اثقل واقوى علشان يتحمل الحموله والسحب ورنجاته 8 بلوط واثقل واقوى وارفع وطبعا الموتر اثقل وصرفية البترول اكثر

3500 حمولة 3500طن ودبل تاير تقريبا نفس ال 2500 بس دبل تاير واثبت عند التحميل


انا عندي 1500 - 4800 سي سي مو شرط انها 5300

وكان عندي 3500 - 8100 سي سي ومو دبل تاير مثل ماتفضلت

انا بسألك سؤال انت شفت 2500 بدي قصير ؟

طبعن مافي معناتها كلامي صح

وعلى فكره ترا ال350 الموديل الي راح 2006 وتحت اقوى من 6000 سي سي

و 8100 لانها تجي بمواصفات سلامه يعني مقفوله

واذا مو مصدق روح وشوف وارد الجميح وجربه وجرب وارد المناعي واحكم


اخوي مافي سياره تشيل 1500 طن ... هذي صارت طياره

الـ 1500 هي كيلو مب طن .... ترى الفيل وزنه 6 طن ... عاد انت احسب كم فيل بيشيل الجمس على حسبتك :)

[تداول]

مرحبا شباب يعطيكم العافية بس انا معا اخوي الدوحي7 الي يبي موتر لايفكر الا في التويوتا التندرا الجديد مب لنا عندي لكن صج موتر عزم وقوة وشكل وبعدين من الداخل وسيع وايد ومرتب والله رهيب بس سعرة اشوي غالي لكن فرق بينه وبين الجمس ونا حكمت لني استخدمت لثنين الجمس حجم 2500 غمرة ونص والتندرا وحسيت بالفرق بينهم والحين بابيع الجمس شان حد شراي مرحبا

[Thamer_Qat]

اخوي مافي سياره تشيل 1500 طن ... هذي صارت طياره

الـ 1500 هي كيلو مب طن .... ترى الفيل وزنه 6 طن ... عاد انت احسب كم فيل بيشيل الجمس على حسبتك :)



هاااااي هاااااي حلوه منك

انا غلطت

اقصد فديتك طن ونص = 1500 كيلو

اي والله والله اشهالجمس اللي بيشيل له اكثر من 200 فيل:pilot:

وتسلم عالتصحيح الظريف

[شموخ-qtr]

السلام عليكم


انا اعرف الجمس

اذا بتاخ خذ 6000 سي سي

هذا في السابق نسمية 454

5300
نسميه سابقا 350

و 8100 نسميه 502

طبع اقواهم
8100 ماشي يلحقه

وبعده 6000

بس حاليا 8100 موقفينه

6000 وتحت موجود



وحاليا يبيعون الكمبيوتر الي يفتح عداد السرعه
وكذلك تستطيع ان تزيد من قوه الغير

والموتر ينزل 230 كيلوا تقريبا

تجربه تنسى مفخرة الارض

مايقارن بغيره

تحمل تاخذ 1500

اذا تبي تطرب نفسك خذ 2500 غمارة وحده

اما في لطعوس فكانك تمشي على زفلت قار

[FMA]

أنا ماعرف إلا خدمة الشركة مافي أخس منها

لوعو جبدنا كنا طالبين منهم سيارة في نهاية 2006 هي طبعاً خاصة للمعاقين

وقالو توصل شهر4 في 2007 وقلنا اووكي لكن والله لوعو جبدنا لين سلمونا اياها بشهر 7

مااستخدمنا السيارة إلا مرتين وتطيح االرافعة مالة المعاقين زين أختي ماكانت فوقها

وصار لها من اخر 8 عندهم إلين الحين ماسووا فيها شي

حسبي الله ونعم الوكيل

قالوا أول شي لا هذا أكيد أنتوا ضاربين الرافعة بالمطرقة وتغييرها ب 30000

وإذغ تبونا نصلحها ب 3000 ولكن مع الركضه والحنه معهاهم وفوق أنهم كانوا ناوين ينهبونا

طلع الغلط في الأساس منهم وأن هذه الرافعه مش لهذا النوع من السيارات مركبينها بس لرخصها

وبعد ماتقريباً الدفعه اللي أنباعت كلها تقريباً ترجعت عليهم في حدود 9 سيارات

أعترفوا بالغلط لكن يبقى الحال كما هو عليه ماصار شي

وكل يوم هم ناطرين مسؤول من المسؤولين يرجعون

حشى بس ماقول غير حسبي الله ونعم الوكيل الله بياخذ الحق منهم

يعني مو كفايه أنها لشخص معاق محتاج لها بعد يبون ينهبونه

بس هذا الزمن عجيب غريب