يا باغي الخير أقبل - عاااجل - مطلوب سكن لعائلة قطريه

[بـ فيصل ـو]

عائلة قطرية مكونه من 3 افراد..
اب(موظف) + أم(ربة منزل - ماتشتغل) + طفل = يعني في بدايه حياتهم ياعيني .. :sorry:
يبحثون عن سكن ايجار (غرفه+حمام+مطبخ) فقط
وايجار 1000 - 1850 ر.ق = دخلهم محدود .. وسط هالغلاء الفاحش :weeping:

فهل بيلقى طلبه هنا وتفوزون بالاجر عند ربكم = الدال على الخير كفاعله..
وإتق الله ياللي تبحث عن العموله = لأن الرجال ماحيلته شي غير الايجار الشهري اللي بيدفعه بانتظام.. :sneaky:
وليبارك الله في باغي الخير واللي يبحث عن الستر على اخوانه وخواته المواطنين..

وما علينا إلا البلاغ .. الله يجزانا واياكم خير الجزاء .. فالدال على الخير كفاعله..

[ولد شرق]

الله يعينهم اخوي
هالايجار وايد نازل والله يوفقهم
لكن خلهم يروحون الاوقاف اخبر عندهم مساكن او الجمعيات الخيريه

والله يفرّج كربتهم...

[سوق واقف]

أخوي الغالي خاطري أساعد بس الإيجار الي أنت حاطه وايد صعب أخوي
ممكن يقدم على الأسكان لذوي الإحتياجات "إن شاء الله ماراح يقصرون معاه
والله يوفق كل مسلم في هذي الدنيا

[بـ فيصل ـو]

ولد الشرق + سوق واقف .. أشكر لكم النصيحه = يجعل ربي نصحكم له في ميزان حسناتكم.. وبارك الله فيكم..

كلمت الريال .. فقال (مذلة ربي ولا مذلة عبيده)
عنده عزت نفس ومايرضى يبهدل روحه أو أحد يحسسه بالمهانه..


من رايي .. تعرضون إللي عندكم = أسعار الايجار ..
وإنشاء الله بيقدر = عندي فكره أحسن لصالح الطرفين.. (بالاتفاق كل شي يستوي)

[ورقــة أمــل]

لاحول ولا قوة الا بالله

الله يعينهم ويفرج عليهم كربتهم

[بـ فيصل ـو]

ويعين جميع المسلمين ..
شاكر لك المرور والدعوة الطيبه ..
لاهنت..

[سوق واقف]

أخوي الغالي التقديم على الإسكان ليس مذلة بارك الله فيك
والله أنا مب راعي عقار أخوي أنا بنفسي مقدم على الإسكان وانتظر دوري عادي أخوي
والله أقل شقة الحين ما يقل على 7000 الاف ريال
بس عندي حل ثاني خله يروح بروة يمكن يساعدونه في إيجاد حل أخوي لا تسكر الأبواب خله يحاول ترى الأبواب مفتوحه .. ترى الإسكان ماراح يقصر
أسمع خله يروح الإسكان الشعبي الي في سلطة عند محمد سعيد النعيمي تراه رجال طيب طيب طيب وراح يلاقي حل بإذن لله لأنه مواطن ومن حقه السكن وفي حالة هذي الشخص يتم صرف بيت شعبي يسمونه ذوي الإحتياجات ...

[بـ فيصل ـو]

يزالك ربي خير .. ماقصرت بالغالي ..
إللي زعله كلمه (جمعيه خيريه) اما الأسكان فهم مواعدينه خير وللحين ما جا دوره (ينتظر الفرج) لذا هو ساكن بالإيجار وصاحب العقار يبي يهدم البيت ويسويه عماره .. وين بيسكن لي يبني الأخ عمارته!

[المشتاقه الى الجنه]

الله يعين الناس والغلاء الحين فاحش من وين بسكن ومن وين ياكل 0000000000000000000
الله يوفقه ويبعث بطريقه أولاد الحلال

[بـ فيصل ـو]

شكرا لك لوجودك ومشاركتك أخوي نان الأسهم
تفاعلك دليل وجود أهل الخير .. عسى ربي يعطيك على قد نيتك ..


آخر الأخبار ..

للأسف .. الأخ أجر محل تجاري صغير بدل شقه أو بيت!!
بذمتكم هذي حاله!؟ يعيش المواطن مثل الغريب ببلاده!!

أتمنى تكون حالته مؤقته ويلقى شقه أو ملحق مثل الناس..
أتمنى إللي يعرف منك سكن يدلنا عليه = مايهون علي هالمنظر + وللحين عندي أمل بأهل الخير..

[Al-Shareef]

الله يفرجله - وانت الله يجزاك خير

[بـ فيصل ـو]

آميين..
ولا هنت ياخوي Al-Shareef
ويزاك الله خير..

[العلي]

اخ والله الواحد تعب من هالاكلام
يوم في وطني الحبيب ويوم في الجرايد ويوم في المنتديات ...............الخ
لين متى هاي الحال لازم يكون في حل سريع جدا جدا جدا
مش لازم الواحد ينطرد من البيت الى الشارع علشان نتحرك

لاحول ولاقوة ال بالله

[بـ فيصل ـو]

اخ والله الواحد تعب من هالاكلام
يوم في وطني الحبيب ويوم في الجرايد ويوم في المنتديات ...............الخ
لين متى هاي الحال لازم يكون في حل سريع جدا جدا جدا
مش لازم الواحد ينطرد من البيت الى الشارع علشان نتحرك

لاحول ولاقوة ال بالله

لأول مره صرت أتمنى لو عندي مجمع فلل -أو- عمارة أأجرها على المواطنين بأسعار رمزيه 1500 ريال (المواطنين فقط) حتى إني كنت بقترح على صاحب العقار بأنه ياخذ الـ1800 ريال منه (جدامه بس) وآنه بكمل باقي الملبغ إذا يوصل لي 2500 (حسب إمكانياتي بالمساعده) ولكني مالقيت شي بـ2500 عشان أسوي جذي .. (والتأجير بدون عقد -أو- بالباطن غير مضمون)

ووطني الحبيب!!
المواطن غدا أجنبي (غريب ببلاده) يسكن بالمحلات التجاريه .. فشلون بيقول لوطنه (وطني الحبيب)

الناس للناس ياخوان..
وإيش خانة الفلوس إذا ماتبني بها آخرتك..

والسموحه إن ثقلت العيار حبتين أو طولت بالكلام = تراني مقهور من اللي يصير..
ماني مصدق.. وكأني بحلم مزعج وأريد أصحى منه .. :eek5:

[بنت الدوحه]

فيه سكن غرفه ومطبخ وحمام تكرمون بالريان ب 2800 معروض عندي للعزاب
وواحد ثاني في معيذر ب 3000 غرفه ومطبخ وحمام

ولا ابي عموله ولا حاجه والوسيط اللي معاي بكلمه بخصوص العموله والله يفرجها عليهم

بكره اشوف للحين موجودات ولا لا وارسل لك رقم الرجال

[بـ فيصل ـو]

فيه سكن غرفه ومطبخ وحمام تكرمون بالريان ب 2800 معروض عندي للعزاب
وواحد ثاني في معيذر ب 3000 غرفه ومطبخ وحمام

ولا ابي عموله ولا حاجه والوسيط اللي معاي بكلمه بخصوص العموله والله يفرجها عليهم

بكره اشوف للحين موجودات ولا لا وارسل لك رقم الرجال

أشكرج..
ولاهنتي ياقطعة سكر عالتجواب الطيب.. :o
وشوفي إن كان عندج شي غيره.. وربنا مايضيع مجهودك هدر..

[سوق واقف]

أخي العزيز والله والله روح الإسكان خلهم ياخذون بيوت ذوي الإحتياجات
عند محمد سعيد النعيمي مدير الإسكان الشعبي
أو برج برزان مبارك حمدان العرابيد الشهواني مدير الإسكان الحكومي والله راح يلاقي حل والله أنا حلفت يا أخوي أرجوك ولا تخلي يروح حق موظف عادي الى حق هذي الشخصين واذا مالقى حل شوف
أرجوك روح معاه بكره وبتلاقي خير أرجوك والله حرقة في قلبي ولا بيدي شيء أسويه لا عندي بيوت والله عطيته بلاش بس العين بصيرة واليد قصيرة
مستعد أساعد بمبلغ أذا مافي مانع

[nor85]

الله يفرج همه وهم كل مسلم يارب

[بـ فيصل ـو]

دارت المباحثات مع أحد الاشخاص .. وبعدما تأكد من إن هالشخص محتاج للسكن .. وشاف البقاله اللي قام الأخ بتأجيرها ..
فقد تبرع أحد الأخوة (يمتنع عن ذكره أسمه) بملحق في بيته مكون من (مجلس 6*7)+صاله(5.5*5)+غرفتين(4*4.5)+حمامين+مطبخ(4*5)+مخ زن-استور) بإيجار 2000 ريال فقط ولمدة 3 سنوات بدون زيادة سنويه .. أو الى أن ياخذ له سكن من الاسكان (أيهما أقرب)

بصراحه .. ودي أعطي هالشخص المتبرع وسام مابعده وسام (أو حتى تاج) .. بجد أثلج صدري بسخائه (مع إنه طلع عيني بكثر البحث والتنقيب وكأنه كان شاك في كلامي بأني أكذب عليه) ولكنه بالنهايه فتحها عليه من اوسع ابوابه .. يجزاه خير..

فالف تحيه لمثل هالمواطن .. وآنه أشكر لكل اللي تجاوبوا بالمشاركه بهذا الموضوع ومتأكد من إنهم لو كانوا يملكون شي لكانوا أعطوه لأخوهم المحتاج..

والحمدلله رب العالمين..

[قطري عصامي]

مع الاسف كان ودي اساعد بس توني شايف الموضوع
والله يجزى الجميع الخير

[بـ فيصل ـو]

مع الاسف كان ودي اساعد بس توني شايف الموضوع
والله يجزى الجميع الخير

ولايهمك ياخوي .. أعرف عوايل قطريه ساكنه بالايجار (تدور على الإيجار الأرخص) فإذا كنت جاد راسلني على الخاص وآنه بكلمهم لك .. ويزاك الله خير .. كان الله في عون العبد ما كان العبد في عون أخيه ..

[Index Signal]

دارت المباحثات مع أحد الاشخاص .. وبعدما تأكد من إن هالشخص محتاج للسكن .. وشاف البقاله اللي قام الأخ بتأجيرها ..
فقد تبرع أحد الأخوة (يمتنع عن ذكره أسمه) بملحق في بيته مكون من (مجلس 6*7)+صاله(5.5*5)+غرفتين(4*4.5)+حمامين+مطبخ(4*5)+مخ زن-استور) بإيجار 2000 ريال فقط ولمدة 3 سنوات بدون زيادة سنويه .. أو الى أن ياخذ له سكن من الاسكان (أيهما أقرب)

بصراحه .. ودي أعطي هالشخص المتبرع وسام مابعده وسام (أو حتى تاج) .. بجد أثلج صدري بسخائه (مع إنه طلع عيني بكثر البحث والتنقيب وكأنه كان شاك في كلامي بأني أكذب عليه) ولكنه بالنهايه فتحها عليه من اوسع ابوابه .. يجزاه خير..

فالف تحيه لمثل هالمواطن .. وآنه أشكر لكل اللي تجاوبوا بالمشاركه بهذا الموضوع ومتأكد من إنهم لو كانوا يملكون شي لكانوا أعطوه لأخوهم المحتاج..

والحمدلله رب العالمين..


جزاه الله 1000 خير..

و أيضاً جزاك الله خير يا أحد الأعضاء لأن الدال على الخير كفاعله..

و الله يعين المواطنين المتعففين إلى أن تخلص الحكومه من تحالف الحضارات و الكنايس و التبرعات الدوليه و أولمبياد2016..إلخ و بعدين تلتفت للداخل..!!