صابتني عين

[وخروا عن طريقها]

كثير ما نسمع هذه الكلمه فلان محسود انا مسحود او صابتني عين


استغرب من هالكلمه اللتي تتردد على كل لسان
فمثلا
وحده لابسه كعب يبعد شبرين عن سطح الأرض تعرجبت طاحت
اطالع اللي معاها او اللي يطالعونها وتقول : من عينكم !!!
"مو من الكعب ولا لأن توازنها اختل"

واحد يسوق سيارته فوق 140 يدعم
وأهله يقوون عين ماصلت عالنبي كله من هالموتر الغالي اللي شراه!!!!!

وحده حملت وأجهضت بعد ما نشرت الخبر هذا السبب وتقول الناس عطوها عين!!!!
"يعني مايصير يكون جسمها ضعيف وما تحمل الحمل او غلطت بإجهاد جسمها او الله ماكتب لحملها ان يكمل"

واحد خسر بالأسهم صابته عين!!!!!
"يعني اغلب اللي يخسرون عيال فقر فمن وين العين ولو كان عنده فلوس وايد ماظن بيقطها كلها بالبورصه"

لاعب تعرجب وطاح وصار مصاب عين ماصلت عالنبي
طبعا صابته عين
"نسوا ان اصلا لعبهم يؤذي العين فمن وين الحسد بالله"

اثنين تزوجوا وبعد فتره تطلقوا حسدوهم ما مداهم يستانسون
"ليش ما نقول مافي تفاهم وبس مالهم حياة مع بعض"

لا تنسون في شي اسمه قضاء وقدر وفي ناس ترى لاهيه
مو كل شي حاطه عينها عليه الحسد موجود
لكن لا يصير شماعه نعلق فيها كل مصايبنا ونصير واسواسين

حبيت اعرف رايكم بالموضوع مع ذكر مواقف صارتلكم

[امل الحب]

هي مو شمااعة نعلق عليها الاخطاء

ولكن العين حق

والتحصن هو اقصر الطرق لترك الوساوس

"مااصابك ماكان ليخطئك ومااخطأك لم يكن ليصيبك"

وكفى بالله حافظا

[ابوسعود]

عن أبي هريرة – رضي الله عنه – قال : قال رسول الله صلى الله عليه وسلم : ( العين حق )
( متفق عليه )
الحسد موجود
والعين كذالك
ويجب ان نؤمن بهما
وذكرت في اكتاب والسنه

[وخروا عن طريقها]

هي مو شمااعة نعلق عليها الاخطاء

ولكن العين حق

والتحصن هو اقصر الطرق لترك الوساوس

"مااصابك ماكان ليخطئك ومااخطأك لم يكن ليصيبك"

وكفى بالله حافظا



اتفق فيما قلتيه اختي امل الحب لانج لو شفتي هالناس اللي توسوس من الحسد والعين
لدرجة ماتطلع من البيت يخافون يروحون اعراس يخبون عيالهم وأي حادثة تصير لهم
علطول عين او حسد ........

شاكرة لج مرورج عزيزتي :)

[وخروا عن طريقها]

عن أبي هريرة – رضي الله عنه – قال : قال رسول الله صلى الله عليه وسلم : ( العين حق )
( متفق عليه )
الحسد موجود
والعين كذالك
ويجب ان نؤمن بهما
وذكرت في اكتاب والسنه

جزاك الله خيرا اخي ابو سعود

محد قال اننا لا نؤمن بهما ولكن لا ان يصبح وسواسا يشك الشخص بالاخرين
ناسيا التحصن وترك الامر لله

[miss-qatr]

انا اتفق مع اختي امل


العين حق والواحد لازم يتحصن .... بس ماتوصل لدرجه الوسواس

كمثال شوفي ياختي حتى الامراض الغريبه اللي تطلع فجأه بالانسان واتسبب موته 90 بالميه اسبابها العين



والحين احنا بزمن اللهم ياكافي حتى لو الناس عندهم خير بيحسدون غيرهم محد قام يكفيه اللي عنده


تحيااااتي لك

[شعشوع]

بالعكس .. العين منتشر بشكل كبير .. طبعا مانلقي اللوم دوم ع العين ..
والا ماوجدت اذكار الصباح والمساء فهي الحافظه ان شاء الله ..

ولا هالزمن .. حتى التيس ينحسد ..

^_^

[أبوعبدالرحمن]

عليكم بأذكار الصباح والمساء فهي خير درع للمسلم ....

[mooona]

العين حق وهي عبارة عن موجة كهربية تطلع من عين الحاسد اللي مايصلي على النبي
والتحصينات واجبة

[وخروا عن طريقها]

انا اتفق مع اختي امل


العين حق والواحد لازم يتحصن .... بس ماتوصل لدرجه الوسواس

كمثال شوفي ياختي حتى الامراض الغريبه اللي تطلع فجأه بالانسان واتسبب موته 90 بالميه اسبابها العين



والحين احنا بزمن اللهم ياكافي حتى لو الناس عندهم خير بيحسدون غيرهم محد قام يكفيه اللي عنده


تحيااااتي لك

شكرا على مرورج عزيزتي miss-qatr والله يحفظنا من العيان والحاسد

[وخروا عن طريقها]

بالعكس .. العين منتشر بشكل كبير .. طبعا مانلقي اللوم دوم ع العين ..
والا ماوجدت اذكار الصباح والمساء فهي الحافظه ان شاء الله ..

ولا هالزمن .. حتى التيس ينحسد ..

^_^

صحيح كلامك اخي شعشوع وحتى الاصلع يحسدونه على شعر حواجبه واشكرك عالمرور:happy:

[وخروا عن طريقها]

عليكم بأذكار الصباح والمساء فهي خير درع للمسلم ....

شكرا لك عالمرور اخي ابو عبدالرحمن

[وخروا عن طريقها]

العين حق وهي عبارة عن موجة كهربية تطلع من عين الحاسد اللي مايصلي على النبي
والتحصينات واجبة

في بعض الناس ماتدري انه عيونها حارة ولذلك عالكل ان شافوا شي اعجبهم
يذكرون الله ويصلون عالنبي .... تسلمين عزيزتي mooona عالمرور:)

[بوحارب]

احد اعضاء المنتدى صكني بعين :sneaky:

على المواضيع الي اكتبها:this:

والحين احاول اكتب حرف ما قدر:weeping::weeping:

صج قهر:sorry:

يسلمووو ع الموضوع

[غزلان]

العين حق لازم الأنسان يتحصن
صار لي موقف كنت لابسه خاتم بحفله واشوف وحده جالسه تشوفه ومركزه عيونها عليه ما اهتميت شوي الا الخاتم صار قطعين وهو الماس سبحان الله حتى صاحب المحل تعجب وقالي عين ولا عمر الحديد ماينكسر

الله يبعدها عنا

[فلان]

العين حق وهي عبارة عن موجة كهربية تطلع من عين الحاسد اللي مايصلي على النبي
والتحصينات واجبة

اختي انا سمعت انها موجه كهرومغناطيسية والعهده على الراوي :fight:

[وخروا عن طريقها]

احد اعضاء المنتدى صكني بعين :sneaky:

على المواضيع الي اكتبها:this:

والحين احاول اكتب حرف ما قدر:weeping::weeping:

صج قهر:sorry:

يسلمووو ع الموضوع



ممكن اعرف من العضو اللي صكك بعين:D

معليه ياخوي اقرى على نفسك قبل لاتكتب اي موضوع وبعدها اقرى عالموضوع لازم تتحصن من جميع النواحي :pardon:

تسلم اخي بوحارب على مرورك;)

[وخروا عن طريقها]

العين حق لازم الأنسان يتحصن
صار لي موقف كنت لابسه خاتم بحفله واشوف وحده جالسه تشوفه ومركزه عيونها عليه ما اهتميت شوي الا الخاتم صار قطعين وهو الماس سبحان الله حتى صاحب المحل تعجب وقالي عين ولا عمر الحديد ماينكسر

الله يبعدها عنا


:omg::omg::omg::omg::omg::omg:

الله يبعدنا عنها ويكفينا شر عينها omenomen

تسلمين اختي غزلان على مرورك والله يعوضج بخاتم غيره :)

[وخروا عن طريقها]

اختي انا سمعت انها موجه كهرومغناطيسية والعهده على الراوي :fight:

كهرومغناطسية كهربائية كهربنارية مو مهم اخوي المهم انها لها قوة خارقة اقرى سالفة اختي غزلان وتعرف مدى قوتها

عموما تسلم عالمرور اخي فلان :nice: