وطني الحبيب والهام بدر

[في الصميم]

وطني الحبيب صباح الخير.
ماتحسون ان وطني الحبيب صار ماله طعم ولا قيمة ولا يحل ولا يربط خصوصا في هذي الدورة . وبالأخص بعد ما فقدنا الدكتورة الهام بدر . أنا ما أنقص من قيمة الأخوان الحاليين . ولكن . كانوا المسؤلين في عهد اهام بدر يخافون يسوون لقاء معاها نظرا للباقتها في الكلام ومعرفتها بكل ما يحيط المواطن من مشاكل ومعرفتها باساليب(التحكير) للمسائيل وايجاد الحلول . اما الحين ماعاد فيه خوف تلاقي المسؤل متلهف لعمل لقاء في البرنامج .!!!!! مادري أيش الأسباب .!!!؟؟؟؟؟

[عبدالله العذبة]

لا أعيب على الدكتورة ألهام أداءها و لكن لا ننكر أن الأستاذ حسن الساعي إعلامي متميز و لبق و يعرف من أين تؤكل الكتف ..:sneaky:

[حبر سري]

والله بصراحة اخوي , حسن الساعي اثبت جدارته فعلا , وانا والله ماكنت متوقعه ابهالمستوى , لكن قدر يثبت نفسه , وحضوره في البرنامج , وطريقة الرد والحوار

الله يعطيه العافية

[بويوسف]

مع اني قررت ان لا اشارك في العام..

ولكني يجب ان اقول كلمة حق فالمذيع المتألق حسن الساعي اثبت بأنه شخصا متميزا وذو موهبة عالية في برنامج وطني الحبيب صباح الخير وذلك مع المذيعة الاخت عبير واذي حقق تواصل اكبر مع الشعب وقوة وفعالية حيث نجد وجود تجاوب غير معتاد في الدورات السابقة وهذا يوضح حجم المجهود الكبير المبذول خلف الكواليس.

ولايخفى علينا تميز هذه الدورة من خلال عمل لقاءات مع المسئولين في كل فترة وذلك لمناقشة موضوع معين.والاهتمام في المشاكل الفعلية والحقيقية للشعب في قطر.

شكرا لك أخ حسن شكرا لكي اختي عبير وجعل هذا العمل في ميزان حسناتكم والله يوفقكم للخير

[هتـان قطر]

صح كلام اخواني الاعزاء..لولا حسن الساعي كان ماعرفنا

ان الاسعاف بيفرضون عليه رسوم..وبعد اثارة الموضوع

الغوا القرار..:strong

[سارونه]

كل من يمسك هالمكان فيه البركة كانت (( الهام بدر )) والا (( حسن الساعي ))

(( وطني الحبيب صباح الخيـــــــــــــــــــر ))

صوت الحرية ويمتاز بالصراحة - فيه اللم ووجع المواطن القطري - بارك الله فيهم

وجزاااااااااااك الله الف خير

[ابن الوطن]

اللهم اجعل مذيعي وطني الحبيب بلا غرور
حتى لانترك الاذاعه نفس قبل ....

[heez1]

كان فيه واحد اهو اللي اسس هذا البرنامج ايام ما كنا صغار اسمه عبدالعزيز وما ادري وش الباقي
والله كان جبار وقوي
ما ادري وين راح
او تقاعد بس الرجال ما قصر وكانت الدكتوره الهام ولا شيء جدامه
وكان الكل يتعلم منه

[بدور]

المسئولين كانوا يرفضون اللقاء مع الهام بدر ؟؟؟ تدري ليه

الهام تعيش الدور انها مثقفه واعلاميه وتدير الحوار هي لان المسئول مجرد خيال يتلقى

السؤال والجواب من الهام ماتعطيه مجال يتكلم تاكله بقشوره وتطلع هي بفلسفة الحوار

فليش يروح ويتعب نفسه معاها يخليها تتكلم بروحها وانا ماكنت اسمع البرنامج وهي تقدمه

واعتقد الساعي انسان لبق مثقف يدير الحوار ويترك المجال لضيفه للحديث بلا مقاطعه

واشوف الناس يتكلمون عن وطني الحبيب ويمدحون الساعي وايد:)

[PoBox]

[COLOR="Black"]

السؤال والجواب من الهام ماتعطيه مجال يتكلم تاكله بقشوره وتطلع هي بفلسفة الحوار
فليش يروح ويتعب نفسه معاها يخليها تتكلم بروحها COLOR]


:ok::ok::ok:

[الـدانـه]

:ok::ok::ok:




وينه ردك الي فيه تطاول ؟؟؟ :whistling:

[بوحارب]

بما انه اسمك في الصميم

بقولك الكلام الي في صميمي:sneaky:


الصراحة البرنامج من بعدها أحلى بألف مرة:sneaky:

الأخ حسن الساعي مع الأخت الي معاه معطين البرنامج حلاوه :nice:


تسلم على الموضوع أخوي:)

[أمة الله]

من وجهة نظري الشخصية أشوف ان الأخ حسن الساعي أجاد التقديم والتفاعل بشكل كبير و ربي يوفقه ان شاء الله والجميع :)

[alsahran]

المسئولين كانوا يرفضون اللقاء مع الهام بدر ؟؟؟ تدري ليه

الهام تعيش الدور انها مثقفه واعلاميه وتدير الحوار هي لان المسئول مجرد خيال يتلقى

السؤال والجواب من الهام ماتعطيه مجال يتكلم تاكله بقشوره وتطلع هي بفلسفة الحوار

فليش يروح ويتعب نفسه معاها يخليها تتكلم بروحها وانا ماكنت اسمع البرنامج وهي تقدمه

واعتقد الساعي انسان لبق مثقف يدير الحوار ويترك المجال لضيفه للحديث بلا مقاطعه

واشوف الناس يتكلمون عن وطني الحبيب ويمدحون الساعي وايد:)




كلام سليم

[سهم طايش]

من وجهة نظري حسن الساعي و عبير افضل بكثير من الهام بدر

حسن و عبير يمتازون بالسلاسه و القرب من المستمع بعيدا عن التكلف و المبالغه الزايده 0

الهام بدر زينه لكن نظرتها الفوقيه و للناس احيانا و مخاطبة المسؤولين بتعالي احيانا اخرى و الاستعراض المبالغ فيه باستخدام اللغه العربية الفصحى و اختيار مصطلحات لغوية لا تصلح لبعض فئات المجتمع جعل المستمع ينفر من اسلوبها 0

[دلة الرسلان]

فرصة لأكتشاف المواهب الدفينة :nice:

[@الشبح@]

وطني الحبيب صباح الخير.
ماتحسون ان وطني الحبيب صار ماله طعم ولا قيمة ولا يحل ولا يربط خصوصا في هذي الدورة . وبالأخص بعد ما فقدنا الدكتورة الهام بدر . أنا ما أنقص من قيمة الأخوان الحاليين . ولكن . كانوا المسؤلين في عهد اهام بدر يخافون يسوون لقاء معاها نظرا للباقتها في الكلام ومعرفتها بكل ما يحيط المواطن من مشاكل ومعرفتها باساليب(التحكير) للمسائيل وايجاد الحلول . اما الحين ماعاد فيه خوف تلاقي المسؤل متلهف لعمل لقاء في البرنامج .!!!!! مادري أيش الأسباب .!!!؟؟؟؟؟

ياخوي صل عالنبي .. الهام بدر .. لا تفك ولا تربط .. وحصلت برنامج مشهور وجاهز .. والله يخلي .. "عبدالعزيز محمد" .. اللي كان مثل نار على علم .. بصوته وشخصيته المميزه ..

قبل لا ينفونه .. مثل غيره من المميزين القطريين .. عن طريق الغيورين في الاذاعه والتلفزيون ..

انا معاك ان الهام بدر فب جميع مقابلاتها .. "ما تسمع الا صوتها" .. يعني وين اللباقه في الحديث واللقاء .. واعطاء الضيف فرصه للتعبير والكلام .. اذ ماتصدق .. ارجع للارشيف .. وشوف نسبه كلامها وكلام الضيف ..

بس ياخوي لاتخليني اتكلم وايد اخاف اغلط .. :anger2:

[البانوش]

نشكر المذيعين السابقين
وجزاااهم الله خير ع ماقامو بة

والبركة في حسن الساعي و عبير اثبتو نفسهم في الوقت الحاظر ونبي منهم اكثر
لخدمة الوطن والمواطن

[hamoor4ever]

الهام البدر ، كان يهمها ظهورها الشخصي اكثر من المواطن وحل مشاكله

[دلوعه امها]

بصراحه حسن الساعي ممتاز ويتفاعل معا المتصلين ويبي يحل مشاكلهم من كل قلبه وقلبه يحترق عليهم من صجه مو تمثيل

[heez1]

فرصة لأكتشاف المواهب الدفينة :nice:

كلام في مكانه مسمار في لوح

[heez1]

ياخوي صل عالنبي .. الهام بدر .. لا تفك ولا تربط .. وحصلت برنامج مشهور وجاهز .. والله يخلي .. "عبدالعزيز محمد" .. اللي كان مثل نار على علم .. بصوته وشخصيته المميزه ..

قبل لا ينفونه .. مثل غيره من المميزين القطريين .. عن طريق الغيورين في الاذاعه والتلفزيون ..

انا معاك ان الهام بدر فب جميع مقابلاتها .. "ما تسمع الا صوتها" .. يعني وين اللباقه في الحديث واللقاء .. واعطاء الضيف فرصه للتعبير والكلام .. اذ ماتصدق .. ارجع للارشيف .. وشوف نسبه كلامها وكلام الضيف ..

بس ياخوي لاتخليني اتكلم وايد اخاف اغلط .. :anger2:

"عبدالعزيز محمد"
صحيح هذا الرجال اللي كنت ادور على اسمه
عبدالعزيز محمد هذا هو صاحب البرنامج الحقيقي

[مضارب دوسري]

من بعد عبد العزيز محمد الله يذكره بالخير
جااااات الهااااااااام بدر وتالقت

ومن بعدها جااااء حسن الساااعي وتالق
والله انهم كلهم ماقصروا الله يرحم والديهم

[الكواري 1972]

وانا كلهم فيهم الخير

ولكن نشوف البرنامج راح بتجاه اخر

راح هم يختارون المواضيع اما اللي عنده شكوه راح ينتظر متى يجي دوره

يعني فعلاً بعد عبدالعزيز جاسم كل شئ راح ينمسح شوي شوي

وخلكم عن امور العاطفيه والتحيز

والله يوفقهم

[بوخالد911]

بالعكس انا اشووف ان الحياة دبت في البرنامج من جديد
وصار له متابعيين كثر

[ابوسعود]

بما انه اسمك في الصميم

بقولك الكلام الي في صميمي:sneaky:


الصراحة البرنامج من بعدها أحلى بألف مرة:sneaky:




:)
سلمت يابوحارب وقتبس من ردك

حسن الساعي اثبت وجوده وبقوه والاخت الدكتوره الهام كانت تتعالى

على الضيوف بشكل ملفت وتتفلسف ولا تعلم بان البرنامج يتابعه الجميع

المتعلم والجاهل

تقبلوا تحياتي
ابوسعود

[سعادة الوزير]

فرق السما عن الارض ، الهام بدر وين وحسن الساعي وين!! .. الهام بدر كانت وايد تتكلف وتتشدق بالكلام وكانت وايد تخور وتنجب!! .. اذكر مره واحد كان يتكلم عن وجود شاشات استعلام تعمل "باللمس" وتمت هي تضحك وتقول له "اي بالهمس واللمس" .. الريال يتكلم من صجه وهي قاعده تضحك وتقول كلام المفروض ماينقال على الهوا!!

بالعربي كانت ماتدري شسالفه وكل همها عمل "شو" لقدراتها في اللغه العربيه!

[ذوق]

ممكـن أعـرف ليـش الهام البدر توقفت عن البرنــامج؟؟

[بوخالد911]

ممكـن أعـرف ليـش الهام البدر توقفت عن البرنــامج؟؟

اضم صوتي وووياكي
:whistling:
:whistling::whistling:
:oops::whistling::oops:

[مضارب جديد]

كلهم فيهم البركة

بس الفاضله الهام بدر وصلت مرحلة تجاوزت دور المذيع و حاولت تكون موجه للرأي العام. وهذي نفس غلطة الاستاذ عبدالعزيز محمد عندما تبنى ما اسماه (قضية البدون) مع انه لا وجود لها في قطر ... نعم هناك من يرغب بالحصول على جواز و لكن جنسيته الاصليه معروفه.

المهم :

اتمنى التوفيق لمن يتولى البرنامج , ولازم يتذكر دايما انه مذيع فقط لاغير .

[مريش]

حسن الساعي رجل كفؤ
والرجل المناسب في المكان المناسب

لكن اعيب البرنامج حتى في ايام الهام البدر وغيرهم
مافي تفعيل للمواضيع ومافي حلول !!

يعني مثل برنامج اذاعه الامارات شبيه بوطني الحبيب
يتصلون في المسؤول وعلى الهواء مباشره
ويلقون حلول لكل مشكله !!

الله يوفق حسن الساعي
وانا مع البرنامج بمذيعينه وبطريقته الحاليه

[سعادة الوزير]

ممكـن أعـرف ليـش الهام البدر توقفت عن البرنــامج؟؟

لانها معترضه على عدم منحها "مكافئة" على تغطيتها لاخداث الاسياد 2006.

وهالكلام كان على لسانها في احد الصحف ، وهي الي كانت معوره روسنا بالوطنية والانتماء الوطني وخدمة البلد!!

[التيما]

المسئولين كانوا يرفضون اللقاء مع الهام بدر ؟؟؟ تدري ليه

الهام تعيش الدور انها مثقفه واعلاميه وتدير الحوار هي لان المسئول مجرد خيال يتلقى

السؤال والجواب من الهام ماتعطيه مجال يتكلم تاكله بقشوره وتطلع هي بفلسفة الحوار

فليش يروح ويتعب نفسه معاها يخليها تتكلم بروحها وانا ماكنت اسمع البرنامج وهي تقدمه

واعتقد الساعي انسان لبق مثقف يدير الحوار ويترك المجال لضيفه للحديث بلا مقاطعه

واشوف الناس يتكلمون عن وطني الحبيب ويمدحون الساعي وايد:)

صح الله السانج اختي بدور :app::app::app:

انا عن نفسي كنت اسمع البرنامج ايام بوسعود لانه فعلا كان في المكان المناسب .. والحين اسمعه لان ولد الساعي بعد اثبت مكانه ويعجبني اسلوبه .. الناس تبي حد يسمعها ماتبي حد يتفلسف عليها .

[الدوحه 2007]

حسن الساعي رجل كفؤ
والرجل المناسب في المكان المناسب

لكن اعيب البرنامج حتى في ايام الهام البدر وغيرهم
مافي تفعيل للمواضيع ومافي حلول !!

يعني مثل برنامج اذاعه الامارات شبيه بوطني الحبيب
يتصلون في المسؤول وعلى الهواء مباشره
ويلقون حلول لكل مشكله !!

الله يوفق حسن الساعي
وانا مع البرنامج بمذيعينه وبطريقته الحاليه

هذا الكلام اللي كنت بقوله بالضبط ..

ويعطيكم العافيه

[ضوى]

الهام بدر ما ننكر انها كانت جدية في ادارة الحوار بس بنفس الوقت كانت انانية ما تحب تعطي مجال لغيرها يتكلم تطرح المشكلة وتحط حلول وتنتقد وتجادل والضيف ولا كانه موجود

حسن الساعي انسان رائع بمعنى الكلمة وكذلك عبير احس فيه تفاعل ومشاعر واحاسيس مع الحالات بشكل حلو يخلينا نقول الدنيا لا زالت بخير

تحية لحسن وعبير وهارد لك لالهام وانا اشجع الدماء الجديدة

[flan2222]

المسئولين كانوا يرفضون اللقاء مع الهام بدر ؟؟؟ تدري ليه

الهام تعيش الدور انها مثقفه واعلاميه وتدير الحوار هي لان المسئول مجرد خيال يتلقى

السؤال والجواب من الهام ماتعطيه مجال يتكلم تاكله بقشوره وتطلع هي بفلسفة الحوار

فليش يروح ويتعب نفسه معاها يخليها تتكلم بروحها وانا ماكنت اسمع البرنامج وهي تقدمه

واعتقد الساعي انسان لبق مثقف يدير الحوار ويترك المجال لضيفه للحديث بلا مقاطعه

واشوف الناس يتكلمون عن وطني الحبيب ويمدحون الساعي وايد:)
صدقتي والله الحمد لله افتكينا من فلسفتها . واستعراض لغتها العربيه على المتصلين البسطاء . وياليتها تحل شي من المواضيـــع ..

[شعشوع]

المسئولين كانوا يرفضون اللقاء مع الهام بدر ؟؟؟ تدري ليه

الهام تعيش الدور انها مثقفه واعلاميه وتدير الحوار هي لان المسئول مجرد خيال يتلقى

السؤال والجواب من الهام ماتعطيه مجال يتكلم تاكله بقشوره وتطلع هي بفلسفة الحوار

فليش يروح ويتعب نفسه معاها يخليها تتكلم بروحها وانا ماكنت اسمع البرنامج وهي تقدمه

واعتقد الساعي انسان لبق مثقف يدير الحوار ويترك المجال لضيفه للحديث بلا مقاطعه

واشوف الناس يتكلمون عن وطني الحبيب ويمدحون الساعي وايد:)


بالضــــبط !!

المشكله انها لاتعلم اننا نضحك كثيرا عندما تستخدم الألفاظ العربيه الفصحى البحته .. ونحن نتخيل وجنتها وهي حمراء في سبيل اظهار الكلمه بأحلى حله !!

لماذا ّ كل هذا التشدق والتفلسف !

بل ماكان يغيضني ان بعض الضيوف يتحاورون كما أي واحد .. بينما هي لديها فن فـ الحوار ..
فيصبح اللقاء ( مبارزه أكثر مما هو حلقه حوار ) .. فتاكله باللأسلوب وتظهر فـ النهايه ( ماشاء الله عليها - حكررت له صح وماقدر يتكلم ) !

لاتعلم ان الضيف المغلوب عـ أمره ربما يستطيع افحامها بالأدله ولكن ليست لديه مهاره الحوار مثل ماهي عندها ..

بل لايغيضني اكثر من قطع الإتصال فـ حاله رجاحه كف بعض المتصلين خصوصا فـ بعض المواضيع الحساسه والكبيره !!

ألووو .. انقطع الإتصال .. ناخذ اتصال يديد !! :nono:

فأرى أن البرامج فعلا أصبح ممتعا وشيقا وأنفع من بعدك ِ يا إلهــــــام بدر ..
:strong

:)

[غزلان قطر]

الهام البدر ، كان يهمها ظهورها الشخصي اكثر من المواطن وحل مشاكله

اوافقك الرأي اخوي

[مستثمره جديده]

الصراحه حسن الساعي أثبت جدارته في تقديم البرامج المباشره بشكل رااائع وماننسى الاخت عبير بعد ماشاءالله عليها اسلوب وذوق في الكلام ..
حسن الساعي قدر يدخل قلوب الكل باسلوبه وتفاعله مع المتصلين اصحاب الشكاوي
حتى احيانا احس من كثر ماهو متفاعل مع المشكله بأنه هو صاحب المشكله وتلقاه يدوور الحل لها يعني تفاعل مب طبيعي ماشاءالله عليه .. وييينه ووين الهام بدر اللي ماعندها غير
التفلسف والاستعراض بالالفاظ الفصحى اللي تبذل جهد كبيير في نطقها علاوه الى انها
تقاطع المتصل وتحاججه وكانها هي المسؤوله وتسكر الباب في وجوه المتصلين ومانشوف
منها تفاعل وحرقه على المشاكل المطروحه ..
اذكر مره كنت اسولف مع الوالده وسالتها عن وطني الحبيب قال لي والله يايمه يازين البرنامج عقب ماصار يقدمه حسن الساعي وعبير صرنا نسمع المشكله كامله ومايقصرون المذيعين يحاولون يحلونها لهم ويتابعون قضاياهم ..
بالتوفيق ان شاءالله للمذيعان المتألقان حسن وعبير واقول لهم استمروا وماعليكم من كلام
الحساد فأنتم عطيتوا للبرنامج طعم ثاني ونكهه رائعه ..

[عبدالله العذبة]

المسئولين كانوا يرفضون اللقاء مع الهام بدر ؟؟؟ تدري ليه

الهام تعيش الدور انها مثقفه واعلاميه وتدير الحوار هي لان المسئول مجرد خيال يتلقى

السؤال والجواب من الهام ماتعطيه مجال يتكلم تاكله بقشوره وتطلع هي بفلسفة الحوار

فليش يروح ويتعب نفسه معاها يخليها تتكلم بروحها وانا ماكنت اسمع البرنامج وهي تقدمه

واعتقد الساعي انسان لبق مثقف يدير الحوار ويترك المجال لضيفه للحديث بلا مقاطعه

واشوف الناس يتكلمون عن وطني الحبيب ويمدحون الساعي وايد:)

صدقتي أختي المتميزة بدور ...

نتمنى أن نرى مثل هذه الثقافة منتشرة بين بنات قطر وهذا بلا شك سيحدث الكثير من التغييرات الإيجابية ..

و أود أن أضيف أن المشكلة لا تقتصر على طريقة الأخت الدكتورة إلهام بدر في حوارها مع المسؤول بل إنها تنهي المكالمات من قبل المتصلين و تتخذ دور الجهة التنفيذية .. و ترد عليهم بحماسة بعد أن تنهي المكالمة وتفاجئ الجميع بأنها تأخذ دور المتصل و المسؤول في آن واحد ...

نتمنى أن يكون الإعلاميين محايدين و لبقين مثل الأستاذ حسن الساعي حيث أنه يطرح نقاط حساسة و مهمة مع إعطاء الفرصة للضيف للجواب و نحن المستمعون و المستمعات نستطيع أن نعرف إن كان رد الضيف مقنعا ً من عدمه ...

ما يميز الإعلامي المتميز الأستاذ حسن الساعي و الطاقم الحالي هو متابعة ما يرد للبرنامج من فاكسات و إتصالات مع الجهات المعنية و هذا ما كان يفتقر إليه البرنامج في الفترة السابقة ..

[بدور]

صدقتي أختي المتميزة بدور ...

نتمنى أن نرى مثل هذه الثقافة منتشرة بين بنات قطر وهذا بلا شك سيحدث الكثير من التغييرات الإيجابية ..



اخوي اربيان اشكرك على هالاطراء واتمنى ان اكون حسن ظنكم بي

والبركه في بنات قطر ماعليهم قصور في الثقافه بكل جوانبها

تحياتي لك

[الكاسر007]

على الاقل اخوي حسن الساعي يسمع للكل ومايزعل حد ولا يرد على حد بكلام بذي
الهام البدر كانت فاشله بظري واسلوبها الله بالخير وماكانت تسوي الا قليل بمقابلات مع كبار الشخصيات
على الهواء

وكانت تستخف بكلام الناس وتشفل اي شخص
ومهما كانت هي حرمة

قليلة عقل ودين


وخلقت من ضلع اعوج


عشان كذا ما عليها حرج



وبيض الله وجهه حسن الساعي رجل كفو لمكانه ويستجيب لكل الناس وعمل رادار في البرنامج اي ان مذيع يكون موجود في مكان الحدث وينقل مشاكل المواطنيين على الهواء والناس يتكلمون على راحتهم لا وقت البرنامج خلص او لا تطول علينا من كلام الهام بدر ويعجبك انه عايش الجو ويطلع كل مكان ويعرف اصلا مشاكل الناس وسوا حركة المسج تطرش مسج ويقراه على طول مب نفس الهام البدر تقط رسايلك وانسى




وبصراحة برنامج ناجح الحين وانا اشوف حسن الساعي كفو للمكان هذا


ويعطيه العافية



ويعطيكم العافية جميعا

[الزاجل]

مع اني قررت ان لا اشارك في العام..




:sneaky::sneaky::sneaky:



المسئولين كانوا يرفضون اللقاء مع الهام بدر ؟؟؟ تدري ليه

الهام تعيش الدور انها مثقفه واعلاميه وتدير الحوار هي لان المسئول مجرد خيال يتلقى

السؤال والجواب من الهام ماتعطيه مجال يتكلم تاكله بقشوره وتطلع هي بفلسفة الحوار


صدقت في هذه
وبعدين الهام الله يهداها صارت تبالغ في ردة فعلها
تجاه المشاكل سلبا او ايجابا ..

وكله اتهذر 99.9% من البرنامج لها :whistling:

[سعود ناصر]

الحمدلله احسن شي انهم شالوا الهام

[lalamar]

لو تدري عنكم الهام الحين

[في الصميم]

ياجماعة قسيتوا على الهام بدر:nono: , وماأظنها بما وصفتوه بها ,سنوات من الدراسة خارج الدولة وسنوات في الجزيرة الأخبارية وسنوات في تلفزيون قطر وسنوات في اذاعة قطر . المرأة متعلمة وواعية وعلى قدر كبير من العلم والمعرفة .
وبصفتها مذيعة في وطني الحبيب, البرنامج اللي كأنه محكمةomen بين المستمع ومختلف مسؤلي الدولة , لازم (تحكر ) حق المسؤل أو حتى السائل أحيانا لأنها تبي الحقيقة .
وبعدين لازم تظهر قدراها في اللغة العربية ( مذيعة داخل قطر وخارجها) وواجهه الاذاعة في الداخل والخارج ولا وش فايدة السنين اللي ضيعتها في دراسة اللغة العربية .
واحنا في بلد العلم , لازم كل مسؤل يكون ملم باللغة العربية عشان ماينحرج.:shy:

[@الشبح@]

فرق السما عن الارض ، الهام بدر وين وحسن الساعي وين!! .. الهام بدر كانت وايد تتكلف وتتشدق بالكلام وكانت وايد تخور وتنجب!! .. اذكر مره واحد كان يتكلم عن وجود شاشات استعلام تعمل "باللمس" وتمت هي تضحك وتقول له "اي بالهمس واللمس" .. الريال يتكلم من صجه وهي قاعده تضحك وتقول كلام المفروض ماينقال على الهوا!!

بالعربي كانت ماتدري شسالفه وكل همها عمل "شو" لقدراتها في اللغه العربيه!

:telephone::telephone::tease::nice:

[@الشبح@]

ياجماعة قسيتوا على الهام بدر:nono: , وماأظنها بما وصفتوه بها ,سنوات من الدراسة خارج الدولة وسنوات في الجزيرة الأخبارية وسنوات في تلفزيون قطر وسنوات في اذاعة قطر . المرأة متعلمة وواعية وعلى قدر كبير من العلم والمعرفة .
وبصفتها مذيعة في وطني الحبيب, البرنامج اللي كأنه محكمةomen بين المستمع ومختلف مسؤلي الدولة , لازم (تحكر ) حق المسؤل أو حتى السائل أحيانا لأنها تبي الحقيقة .
وبعدين لازم تظهر قدراها في اللغة العربية ( مذيعة داخل قطر وخارجها) وواجهه الاذاعة في الداخل والخارج ولا وش فايدة السنين اللي ضيعتها في دراسة اللغة العربية .
واحنا في بلد العلم , لازم كل مسؤل يكون ملم باللغة العربية عشان ماينحرج.:shy:

مادري ياخوي ليش مصر اتسوي لها دعايه .. عقب ما افتكينا منها ومن استهتارها بالمستمعين .. وعمل شو حق نفسها ..

بس ابشرك .. في محطه جديده بتفتح قريبا .. وبنكون للاسف مديرة المحطه .. شي طبيعي يجيبون خبراء ويصرفون عليهم بالملايين .. ويخلونها تتطلع بالصوره . مثل غيرها من النساء على الكراسي الكبيره .. قلت لك خلني ساكت احسن ... :telephone:

[م. عبدالعزيز]

صراحه يعجبني حسن الساعي.. الله يوفقه

[halcrow]

سلمت يابوحارب وقتبس من ردك

حسن الساعي اثبت وجوده وبقوه والاخت الدكتوره الهام كانت تتعالى

على الضيوف بشكل ملفت وتتفلسف ولا تعلم بان البرنامج يتابعه الجميع

المتعلم والجاهل

تقبلوا تحياتي
ابوسعود


قلت الي على لساني :victory:

[محمد2]

والله اذا برنامج وطني الحبيب (ماله قوة القانون0 اي بمعنى اذا القانون مايدعمة ويوقف معاه ضد المسؤول البلشتي) ماله داعي من هاالبرنامج0 وعلى ما اعتقد هاالبرنامج مجرد تغطية خارطة الدورة الحالية والقادمة 0

نبي وطني الحبيب يستوي مثل البرنامج ألأماراتي اللي ينذاع على اذاعة ابوظبي بعد الساعة 10 صباحا بتوقيتنا (ليش لأن البرنامج يسندة القانون 0 بس اسمعوا المذيع شيسوي في المسؤول والمدير والوزير 0 بس با الحق والقانون 0 واذا وعد المسؤول بحل مشكلة شخص ما 0يرجع المذيع يتابع الموضوع بنفسة 0 (مب جنة قاعد ينفخ في جربة مقظوظة)

واللي مستغرب انا من مقدم البرنامج الآماراتي ان في ألأجازة اليومين الجمعة والسبت يروح هو والمقدم الثاني المناطق الغربية من الامارت يشوفون الطرق والمباني حتى يكونون علىبينة

احنا برنامجنا مثل برنامج فش خلقك اللي كانت تقدمة اللبنانية

عجزت وانا اقول تعلموا من الغير لكن ما في فايدة