المساعد الشخصي الرقمي

مشاهدة النسخة كاملة : مبروك للعسكريين و هردلك يالمدني (3 / 0)


KhalidQ
29-01-2008, 08:02 PM
مبروك للعسكريين و هردلك يالمدني (3 / 0)

الصرحه بستاهلووووووووووووووووووووووووووووون الزياده

ان شاء الله يجبون الرابعه

اما انت يالمدني اخذ القلم وخله يندبلك
اقفا نصيبي و انا ارقبله ............. خلني اتابع شاعر المليون
ابرك لي :whistling:

شهاده جامعيه ما يستوي راتبه احذا عسكري ما عنده اعداديه :telephone:
يابوك انا
شاهيناز
29-01-2008, 08:27 PM
يستاهلون


العكسري وايد يتعب

شفتات

ونظام عسكري وايد صارم

الواحد على اعصابه

اي غلطه ينزل رتبه يتاخر في تريقيته

وان شاءالله المدنين الدوله مابتنساهم
jajassim
29-01-2008, 08:40 PM
مبروك للعسكريين و هردلك يالمدني (3 / 0)

الصرحه بستاهلووووووووووووووووووووووووووووون الزياده

ان شاء الله يجبون الرابعه

اما انت يالمدني اخذ القلم وخله يندبلك
اقفا نصيبي و انا ارقبله ............. خلني اتابع شاعر المليون
ابرك لي :whistling:

شهاده جامعيه ما يستوي راتبه احذا عسكري ما عنده اعداديه :telephone:
يابوك انا



متى كانت 3 مرات :telephone:
ناصر العمادي
29-01-2008, 08:46 PM
متى كانت 3 مرات :telephone:

صحيح كلامك متى كانت 3 مرات الا اذا عطوا ناس وانا وانت ياجاسم ماعطونا ....:anger2:
مافيا قطر
29-01-2008, 10:21 PM
انا مع اخوى جاسم فعلا لازم تتعدل رواتب الجامعين الصراحه الجامعى تعب واجتهد واخرته واحد فى لخويا ولا الشرطه ياخذ نفس راتبه هاى مب حسد والله يزيدهم بس الصبر زين ان شاء الله الايام الجايه تحمل الخير والاخبار الطيبه مانبى نقول اشان ما يقولون اشاعات
KhalidQ
30-01-2008, 03:55 AM
اول مره لما زادو من 7 الى 10 للافراد
والمدني زيادة الف ريال لا اكثر


ثاني مره لما رفعو روتبهم في الاسياد زياده في نقل و الخ

ثالث مره الايام هذي



لوووووووووووووووووووووووووووووووووووووووووووووووول

المدني 1000 ريال في 2005 و المدير يقولي احمد ربك

و اخرتها راح لخويا و منص بعد أأأأأأأأأأأأأأأأأأأأأأأخ
الدوحي7
30-01-2008, 03:58 AM
اخوي خالد مثل ماقلت نشوف شاعر المليون احسن لنا،، (.................) لين مته،،
ســـهم
30-01-2008, 04:01 AM
يستاهلون


العكسري وايد يتعب

شفتات

ونظام عسكري وايد صارم

الواحد على اعصابه

اي غلطه ينزل رتبه يتاخر في تريقيته

وان شاءالله المدنين الدوله مابتنساهم

صحيح

والمدني بنغالي يداوم ساعتين ويطلع

وليس قطري في الأصل

صدقتي اختي

ولن تغلى عليه المعيشه بسبب هذه الزياده للعسكريين


وصدقتي اختي


ليس هذا القرار عشوائيا

وصدقتي أختي


بس

هل نحن نعيش في دولة مواجهه حربيه ويريدون الكل يصبح عسكري ؟ !!

لذلك لايستحقون المدنيون الزياده

لانهم يعملون بقوانين المدنيه !!
ســـهم
30-01-2008, 04:04 AM
يستاهلون


العكسري وايد يتعب

شفتات

ونظام عسكري وايد صارم

الواحد على اعصابه

اي غلطه ينزل رتبه يتاخر في تريقيته

وان شاءالله المدنين الدوله مابتنساهم

صحيح

والمدني بنغالي يداوم ساعتين ويطلع

وليس قطري في الأصل

صدقتي اختي

ولن تغلى عليه المعيشه بسبب هذه الزياده للعسكريين


وصدقتي اختي


ليس هذا القرار عشوائيا

وصدقتي أختي


بس

هل نحن نعيش في دولة مواجهه حربيه ويريدون الكل يصبح عسكري ؟ !!

لذلك لايستحقون المدنيون الزياده

لانهم يعملون بقوانين المدنيه !!
التيما
30-01-2008, 06:28 AM
والله المتعارف عليه ان اعلى الرواتب في اي دولة لازم تكون للعسكريين .. هم الي يدافعون ويحمون البلد والله يستاهلون ويستاهلون أكثر .. ربي يزيدهم إن شاء الله ان كان اعدادي ولا ابتدائي ولا ثانوي ولا جامعي ..
التـسـعـة
30-01-2008, 08:13 AM
الله وياكم يالمدنيين:o

مع إني مب عسكري :fight: :fight: :fight:

ومبروك عليكم ياعساكر وتستاهلون كل خير



:nice: :nice: :nice:
شاهيناز
30-01-2008, 10:11 PM
صحيح

والمدني بنغالي يداوم ساعتين ويطلع

وليس قطري في الأصل

صدقتي اختي

ولن تغلى عليه المعيشه بسبب هذه الزياده للعسكريين


وصدقتي اختي


ليس هذا القرار عشوائيا

وصدقتي أختي


بس

هل نحن نعيش في دولة مواجهه حربيه ويريدون الكل يصبح عسكري ؟ !!

لذلك لايستحقون المدنيون الزياده

لانهم يعملون بقوانين المدنيه !!


سهم لاتصارخ فيني:cry2:

انا مب الحكومهescape

بس لان هلي عسكرين
اشوف شلون يعانون

وان شاءالله بيزيدونكم

بس يمدحون الصبر:no:
الزاجل
30-01-2008, 10:56 PM
كنت في نقاش مع احد الشباب ..

قالها بالحرف الواحد

يقول لما احنا ندرس ونتعب وانحك وانصير مهندسين وننحذف في
صوب الأفران ومحطات التحلية وغيره وغيره ..

ويكون راتبي راتب عسكري عنده ثانوية عامة
يقول اهنيه الظلم بعينه ..

ياليت دخلنا العسكرية ولا تعبنا ودرسنا وحكينا ..

اذا هم يتعبون احنا بعد نتعب
اذا هم يتبهدلون .. في الأخير يتسنعون
بدل حياة الضياع من غير شهادة ولا علم ولا مستوى تعليمي محترم ..

الجيش يلمهم من حياة الضياع من غير علم
واحنا انحك ونتعب وفي الأخير ينقال لنا
هم يتعبون اكثر منكم ..


ومنهم الى كل صاحب عقل راجح
هل ما يقوله صحيح ؟
بويوسف
30-01-2008, 11:05 PM
كنت في نقاش مع احد الشباب ..

قالها بالحرف الواحد

يقول لما احنا ندرس ونتعب وانحك وانصير مهندسين وننحذف في
صوب الأفران ومحطات التحلية وغيره وغيره ..

ويكون راتبي راتب عسكري عنده ثانوية عامة
يقول اهنيه الظلم بعينه ..

ياليت دخلنا العسكرية ولا تعبنا ودرسنا وحكينا ..

اذا هم يتعبون احنا بعد نتعب
اذا هم يتبهدلون .. في الأخير يتسنعون
بدل حياة الضياع من غير شهادة ولا علم ولا مستوى تعليمي محترم ..

الجيش يلمهم من حياة الضياع من غير علم
واحنا انحك ونتعب وفي الأخير ينقال لنا
هم يتعبون اكثر منكم ..


ومنهم الى كل صاحب عقل راجح
هل ما يقوله صحيح ؟

قول حق رفيجك.. الارزاق يوزعها اللي بالسما. لما صرت مهندس هذي مش مجرد شهادة للحصول على راتب. هذي اثبات بأنك خبير في تخصصك. بأنك انسان فاهم ذو مستوى عالي. حتى لو كنت بطالي وبدون عمل. ف يالاخير انت مهندس مثلك مثل الدكتور. حتى لو كان الدكتور راقد في بيتهم بدون شغل بس شهادة الدكتوراة او الطب تثبت بأن هذا الشخص ذو مستوى مختلف ومتميز.
الزاجل
30-01-2008, 11:12 PM
قول حق رفيجك.. الارزاق يوزعها اللي بالسما. لما صرت مهندس هذي مش مجرد شهادة للحصول على راتب. هذي اثبات بأنك خبير في تخصصك. بأنك انسان فاهم ذو مستوى عالي. حتى لو كنت بطالي وبدون عمل. ف يالاخير انت مهندس مثلك مثل الدكتور. حتى لو كان الدكتور راقد في بيتهم بدون شغل بس شهادة الدكتوراة او الطب تثبت بأن هذا الشخص ذو مستوى مختلف ومتميز.

هو على هالأساس يتكلم
ويقول
اصحاب الشهادات والعلم اقل معاشات من اصحاب الثانويات
وكل هذا بفضل الخدمة العسكرية ..

عني يا بو يوسف .. اتفق مع اللي يحسون بالظلم
طبعا ربنا اللي يقسم الأرزاق ..

بس ربنا عرفوه بالعدل ..

فلو مثلا
الدولة قالت ان اصحاب الشهادات لابد ان تكون رواتبهم اعلى
ما تقدر تقول لا تصرف الدولة غلط .
مع انه ممكن ينطبق تحت بند ربنا مقسم الأرزاق ..

لكن في الحالة الحالية
ما نقدر نلوم اللي يحس بالظلم .. لما راتبه بعد درسة 5 او 6 سنوات
يستوي براتب عسكري شهادته ثانوية عامة :looking:

بعدين ما في شي اسمه ياخذ شهادة ويقعد في البيت
وكفاية انه متميز بالشهادة هذه
في حين الفراش يمشي له راتب وهو من غير راتب
مهما لفينا ودرنا .. الواحد صحيح يطور نفسه
في الأخير يطور نفسه للأفضل للحصول على حياة افضل..
الحياة الأفضل تكون عن طريق مستوى معيشي افضل :p
ABO MUBARAK
30-01-2008, 11:22 PM
السلام عليكم ورحمة الله وبركاتة.....وبعدين انا أستغرب من منطق بعض أعضاء المنتدى ....الذين يحاولون النيل من الاخوة العسكرين والتقليل من شانهم وهذا لن يزيدهم فلوس لو تموا يسبون العسكريين لين بكرة..
بل الواجب ان يطالبون بالزيادة دون اظهار الحسد أو الشماته في الاخرين..
( قال صلى الله علية وسلم: لن يؤمن أحدكم حتى يحب لاخية ما يحب لنفسة )

والشي الثاني : للعلم ترى العسكرين فيهم أصحاب الشهادات العالية كما هي عند المدنيين....إلا أن الفرق يظهر عند الحاجة ( حزت الحزه ..أسال الله أن لا يأتي بها ) عندما يختفي أصحاب الشهادات.

مثال بسيط : كم مدني دخل في الخفجي أو الكويت لتحريرها عندما طلب ولي الامر ذلك...

للعلم أنا مدني ولست عسسسسسسسسسسسسسكري..أنما هي شهادة لله .

وكما قال الحسن البصري علية رحمة الله:

علمت بان لي عمل لن يقوم بة سواي فاجتهدت
وعلمت بأن لي رزق لن يأخذة سواي فأرتحت
وعلمت بان الله يراني فاستحييت من الله وهو يراني
وعلمت بان الموت يطلبني فاستعددت للموت.

والله من وراء القص. ...ودمت لنا ذخراً.:thumbup::thumbup::thumbup:
الزاجل
30-01-2008, 11:34 PM
ابو مبارك ..

راح اتكلم معاك على اساس اني اب ..

احنا ربينا عيالنا على حب الوطن .. وما زلنا انعلمهم
على معنى الوطنية والفداء وربنا تربيتهم فيهم ما تضيع
ويكونون قد المسؤولية في كل المجالات ..

لكني كأب اتمنى ولدي يكمل دراسته ولا انه يدخل معترك الحياة العسكرية
والسبب .. مع انه راتبه بيكون ماشي له افضل من اللي متعلم ..

الشهادة سلاح .. وممكن سلاحك هذا تحارب فيه امم من غير
ما اتحرك جيوش مجيشة .. والله يبعد عنا شر القتال ..

والموضوع مب موضوع حسد
محد تكلم عن اللي ادرسوا في الجيش
الحديث اساس على اللي ما عندهم شهادات
وين يروحون ؟

على طوول الجيش .. وبكل سهولة رواتبهم تكون اعلى
من اللي يدرسون ويحكون ..

فلو انه دخل الجيش واجبروه في الجيش
على اكمل دراسته بنقول نعم تعب ويحق له راتب اعلى ..
بحكم انه صاحب علم وتعب ..

ادري كلامنا يمكن يضايق العسكريين ..
لكن العساكر يتمنون عيالهم يكملون دراستهم
ولا يعيشون حياتهم من غير دراسة وشهادة ..
بروحي
30-01-2008, 11:38 PM
كنت في نقاش مع احد الشباب ..

قالها بالحرف الواحد

يقول لما احنا ندرس ونتعب وانحك وانصير مهندسين وننحذف في
صوب الأفران ومحطات التحلية وغيره وغيره ..

ويكون راتبي راتب عسكري عنده ثانوية عامة
يقول اهنيه الظلم بعينه ..

ياليت دخلنا العسكرية ولا تعبنا ودرسنا وحكينا ..

اذا هم يتعبون احنا بعد نتعب
اذا هم يتبهدلون .. في الأخير يتسنعون
بدل حياة الضياع من غير شهادة ولا علم ولا مستوى تعليمي محترم ..

الجيش يلمهم من حياة الضياع من غير علم
واحنا انحك ونتعب وفي الأخير ينقال لنا
هم يتعبون اكثر منكم ..


ومنهم الى كل صاحب عقل راجح
هل ما يقوله صحيح ؟

من قال لكم العسكري ما يدرس
كل الضباط ينبعثون في دراسه للخارج و بعضهم ينحكون في كليه محمد بن احمد العسكريه يشربون الماي الحلى ياكلون الرمل

صحيح انهم يعتبرون من حمله الثانويه
الزاجل
30-01-2008, 11:41 PM
من قال لكم العسكري ما يدرس
كل الضباط ينبعثون في دراسه للخارج و بعضهم ينحكون في كليه محمد بن احمد العسكريه يشربون الماي الحلى ياكلون الرمل

صحيح انهم يعتبرون من حمله الثانويه

مب كل العسكريين يدشون كلية محمد بن احمد يا اخوي ..

وبشكل عام يا اخي احنا نتكلم عن حملة الثانوية وما دونها ..

من البداية ما تطرقنا للي يدرسون في الجيش
وندري في ناس كملوا دراستهم في الجيش ..

فليش التعميم على كل اللي في الجيش
مع التركيز كان على اللي عنده ثانويات ؟
هتـان قطر
30-01-2008, 11:45 PM
انتوا الحين حاطين في بالكم ان العسكريين ماعندهم الا الثانويه..

وهذا خطأ ..العسكريين دراستهم عسكريه تخدم تخصصهم وفيهم

اللي حاصل على الماجستير والدكتوراه..وبعدين يعتبر مجالهم

مصنع للرجال والمحك الحقيقي للرجوله..وحلال عليهم الزياده ويستاهلونها..

لا تنسون بكره تخريج الدفعه الرابعه لكلية احمد بن محمد العسكريه

منقول الساعه 9 صباحا على القطريه
طير شلـوى
31-01-2008, 12:25 AM
السلام عليكم ورحمة الله وبركاتة.....وبعدين انا أستغرب من منطق بعض أعضاء المنتدى ....الذين يحاولون النيل من الاخوة العسكرين والتقليل من شانهم وهذا لن يزيدهم فلوس لو تموا يسبون العسكريين لين بكرة..
بل الواجب ان يطالبون بالزيادة دون اظهار الحسد أو الشماته في الاخرين..
( قال صلى الله علية وسلم: لن يؤمن أحدكم حتى يحب لاخية ما يحب لنفسة )

والشي الثاني : للعلم ترى العسكرين فيهم أصحاب الشهادات العالية كما هي عند المدنيين....إلا أن الفرق يظهر عند الحاجة ( حزت الحزه ..أسال الله أن لا يأتي بها ) عندما يختفي أصحاب الشهادات.

مثال بسيط : كم مدني دخل في الخفجي أو الكويت لتحريرها عندما طلب ولي الامر ذلك...

للعلم أنا مدني ولست عسسسسسسسسسسسسسكري..أنما هي شهادة لله .

وكما قال الحسن البصري علية رحمة الله:

علمت بان لي عمل لن يقوم بة سواي فاجتهدت
وعلمت بأن لي رزق لن يأخذة سواي فأرتحت
وعلمت بان الله يراني فاستحييت من الله وهو يراني
وعلمت بان الموت يطلبني فاستعددت للموت.

والله من وراء القص. ...ودمت لنا ذخراً.:thumbup::thumbup::thumbup:



بيض الله وجهك والله يا بومبارك
:thumbup::thumbup::thumbup::thumbup:
FG
31-01-2008, 01:00 AM
والله المتعارف عليه ان اعلى الرواتب في اي دولة لازم تكون للعسكريين .. هم الي يدافعون ويحمون البلد والله يستاهلون ويستاهلون أكثر .. ربي يزيدهم إن شاء الله ان كان اعدادي ولا ابتدائي ولا ثانوي ولا جامعي ..

المتعارف عليه اغلى راتب راتب المعلم


:fight:
رنج سبورت
31-01-2008, 01:02 AM
المتعارف عليه اغلى راتب راتب المعلم


:fight:

المعلم :whistling:
قم للمعلم وفه التبجيلا.....كاد المعلم ان يكون رسولا !!


الف مبروك للزياده ويستاهلون كل خير
الوهاااااج
31-01-2008, 01:08 AM
والله بستاهلون رجااااااااااااال الوطن اللي لا جاااااات الحزه ما قصروووووووووا والمفروض من زماااااااااان وبيض الله وجه ابو مشعل وهذا من اجل تعبهم والله انهم يتعبون اخوووي من اللي يوقف طوال اليوم سواء في شمس او برد ومطر في الدوار ويمشي الناااااس والسير ومن اللي طوال اليوم واقف (حراسااات) ولا فيه استأذان مثل المدني الساعه 8 دوام والساعه 12 للبيت هذا عسكري من بعد صلاة الفجر حتى الثانيه ظهرا وهناك مناوبه يوم ونص الله يعينهم وبصراحه يستحقوووون الزياده والله يكون بعونهم والى الاماااام يا عسكري حماية البلد المعطاء الوافي في ظل امير البلاد المفدى سمو الشيخ حمد بن خليفه ال ثاني الله يحفظه ويجعله ذخرا للدين والوطن والشعب
عذب الكلام 1
31-01-2008, 07:28 AM
الحمد لله على كل حال المهم ان تصرف في الخير ومايحط على راسه ديون فكر صح لاتصرف على اي شي وعقبال المدني المسكين الله يكون في عونهم الله كريم
The Blade
31-01-2008, 07:48 AM
اولا شئ
الف مبروك للعساكر
وياليت الي يقول المدني مظلوم يتأكد من كلامه <<< مدني
واتكلم بصراحه ...
خلونا نقارن

العسكري =
1- يداوي من 6 الى 1 وبعض الأماكن من 5 الى 1
2- خلاف عن بعض الشباب الي دوامهم شفتات طبعا من 8 - 9 ساعات وليل وعصر
3- التأخيرات يحاسب عليها بالدقيقه وفيها عقوبات خصم سجن الخ....
4- قسم بالله لو 1000 عسكري مايشتغل مراح يكنون الناس في آمان واكبر دليل يوم الآسياد والشباب الي اقدر اسميهم ذيابه قطر ماقصروا 12 ساعه حك حك..

المدني =
1- بالكثير 6ونص الى 1 وبعض الاماكن من 8 الى 2 طبعا غير الأستأذن الاسبوعي والتأخيرات
2- طبعا المحاسبه تكون بالربع ساعه ومب بالدقايق طبعا ...ويمكن اذا حبوه خصم راتب
3- طبعا الدوام شاي وتمشي في الاقسام ومعاملات تتأخر وناس تزهق ولاحياه لمن تنادي , وأكلم في لحوم البشر!!!!!!
4- طبعا يوم في طورائ ولا شئ محد يفزع ولو يكلف نفسه ويتطوع ميالس واكل مرع وقله صناعه بعكس العساكر

في النهايه الله يبارك لكم ان شاء الله يالعساكر وعساكم ع القوه...
الاخوه المدنيين او الجامعين في اكثر من 1000 مكان يتمناكم بس يمكن ماتبون الشقى والتعب فغصب ماتقدر تسلتم راتب عدل اعرف واحد من الربع يداوم في شركة (العقارية ) ويستلم 12.000 ريال عزابي وثانوية ومعدل ضعيف... بس دوام X دوام وشغل....

فأتمنى تكون ردود الاعضاء واقعيه ومحد يدافع ويقص على نفسه...
واسمحولي على هذا الكلام لاني اشوف كل شئ جدامي غلط ومحد يحاسب نفسه اذا كان مخلص في عمله او لاء فقط الانتظار الى 30 الشهر لأستلام الراتب :)

وشكراااااا
عبد الرحمن القحطاني
31-01-2008, 10:02 AM
هاي ارزاق ونقول لهم مبروووك
ABO MUBARAK
31-01-2008, 10:20 AM
ابو مبارك ..

راح اتكلم معاك على اساس اني اب ..

احنا ربينا عيالنا على حب الوطن .. وما زلنا انعلمهم
على معنى الوطنية والفداء وربنا تربيتهم فيهم ما تضيع
ويكونون قد المسؤولية في كل المجالات ..

لكني كأب اتمنى ولدي يكمل دراسته ولا انه يدخل معترك الحياة العسكرية
والسبب .. مع انه راتبه بيكون ماشي له افضل من اللي متعلم ..

الشهادة سلاح .. وممكن سلاحك هذا تحارب فيه امم من غير
ما اتحرك جيوش مجيشة .. والله يبعد عنا شر القتال ..

والموضوع مب موضوع حسد
محد تكلم عن اللي ادرسوا في الجيش
الحديث اساس على اللي ما عندهم شهادات
وين يروحون ؟

على طوول الجيش .. وبكل سهولة رواتبهم تكون اعلى
من اللي يدرسون ويحكون ..

فلو انه دخل الجيش واجبروه في الجيش
على اكمل دراسته بنقول نعم تعب ويحق له راتب اعلى ..
بحكم انه صاحب علم وتعب ..

ادري كلامنا يمكن يضايق العسكريين ..
لكن العساكر يتمنون عيالهم يكملون دراستهم
ولا يعيشون حياتهم من غير دراسة وشهادة ..

وجهة نظر تشكر عليها اخوي الزاجل...
ABO MUBARAK
31-01-2008, 10:20 AM
بيض الله وجهك والله يا بومبارك
:thumbup::thumbup::thumbup::thumbup:

وجهك ابيض انشاء الله .
@@ديزل@@
31-01-2008, 10:23 AM
مبروك للعسكريين و هردلك يالمدني (3 / 0)

الصرحه بستاهلووووووووووووووووووووووووووووون الزياده

ان شاء الله يجبون الرابعه

اما انت يالمدني اخذ القلم وخله يندبلك
اقفا نصيبي و انا ارقبله ............. خلني اتابع شاعر المليون
ابرك لي :whistling:

شهاده جامعيه ما يستوي راتبه احذا عسكري ما عنده اعداديه :telephone:
يابوك انا

من شر حاااسداااا اذ حسد
العـوا
31-01-2008, 06:23 PM
اللهما لا حسسسسسسسسسد
Breakaway
31-01-2008, 06:59 PM
وظائف القطريين عندنا على ثلات أشكال:

العسكري: في هذا الوقت وجوده وعدم وجوده واحد إذا كان القصد من وجوده هو حماية البلد من الأطماع الخارجية. قواهم الله :)

المدني: يقدم خدمات للمجتمع وكثير منهم نايمين :)

القطاع الخاص: عصب الحياة والقلب النابض لإقتصاد البلاد.

طيب..أيش المطلوب؟!
jajassim
31-01-2008, 07:16 PM
وظائف القطريين عندنا على ثلات أشكال:

العسكري: في هذا الوقت وجوده وعدم وجوده واحد إذا كان القصد من وجوده هو حماية البلد من الأطماع الخارجية. قواهم الله :)

المدني: يقدم خدمات للمجتمع وكثير منهم نايمين :)

القطاع الخاص: عصب الحياة والقلب النابض لإقتصاد البلاد.

طيب..أيش المطلوب؟!


المطلوب منا ،،،


أن نحترم وجهات نظرالاخرين وووو :secret:
PoBox
31-01-2008, 07:41 PM
اولا شئ
الف مبروك للعساكر
وياليت الي يقول المدني مظلوم يتأكد من كلامه <<< مدني
واتكلم بصراحه ...
خلونا نقارن

العسكري =
1- يداوي من 6 الى 1 وبعض الأماكن من 5 الى 1
2- خلاف عن بعض الشباب الي دوامهم شفتات طبعا من 8 - 9 ساعات وليل وعصر
3- التأخيرات يحاسب عليها بالدقيقه وفيها عقوبات خصم سجن الخ....
4- قسم بالله لو 1000 عسكري مايشتغل مراح يكنون الناس في آمان واكبر دليل يوم الآسياد والشباب الي اقدر اسميهم ذيابه قطر ماقصروا 12 ساعه حك حك..

المدني =
1- بالكثير 6ونص الى 1 وبعض الاماكن من 8 الى 2 طبعا غير الأستأذن الاسبوعي والتأخيرات
2- طبعا المحاسبه تكون بالربع ساعه ومب بالدقايق طبعا ...ويمكن اذا حبوه خصم راتب
3- طبعا الدوام شاي وتمشي في الاقسام ومعاملات تتأخر وناس تزهق ولاحياه لمن تنادي , وأكلم في لحوم البشر!!!!!!
4- طبعا يوم في طورائ ولا شئ محد يفزع ولو يكلف نفسه ويتطوع ميالس واكل مرع وقله صناعه بعكس العساكر

في النهايه الله يبارك لكم ان شاء الله يالعساكر وعساكم ع القوه...
الاخوه المدنيين او الجامعين في اكثر من 1000 مكان يتمناكم بس يمكن ماتبون الشقى والتعب فغصب ماتقدر تسلتم راتب عدل اعرف واحد من الربع يداوم في شركة (العقارية ) ويستلم 12.000 ريال عزابي وثانوية ومعدل ضعيف... بس دوام X دوام وشغل....

فأتمنى تكون ردود الاعضاء واقعيه ومحد يدافع ويقص على نفسه...
واسمحولي على هذا الكلام لاني اشوف كل شئ جدامي غلط ومحد يحاسب نفسه اذا كان مخلص في عمله او لاء فقط الانتظار الى 30 الشهر لأستلام الراتب :)

وشكراااااا


السلام عليكم
كلامك اخوي في تعميم كبيير وماله داعي

مب كل عسكري شغول
ياما عساكر مكاتبهم كلها عقار وشاي بس هذا مب سبب يخليني اقول العسكري مايشتغل
او يشتغل
الشغل كل واحد وضميرة ونيته بتحليل راتبه سواء كان عسكري او مدني


وبعدين ترا فكرتك مغلوطة بشكل كبير عن القطاع ( الغير عسكري )

قارن موظف في قطاع الطاقة كخريج
مع موظف في العسكرية ايا كانت شهادته - ثانوية ومادون -


العسكري طلع من ثانويته او اعداديته
وبدا استلام الراتب

اما الخريج اكمل ثانويته ويمكن تغرب وتمرمط عشان يحقق طموحه في مركز وحياة افضل

يرجع القطري بعد اكمال دراسته ويتوظف مهندس او محاسب او مسوق
براتب 11 -12 14 - 16 الف حسب المكان تزيد او تنقص

وصاحب الاعدادية يطلع من المدرسة
على العسكرية براتب 13 - 15 - 17 الف ؟! اقل او اكثر
في خلل في التوجيه الغير مباشر للناس اعتقد :looking:


اذا كان هدف الخريج
حياة مادية مستقلة افضل
ومنصب جيد


ليش يكمل تعليمة ؟؟
دام يقدر يحصله عقب الثانوية او قبلها احيانا !!



الله يبارك لهم وهم اخواننا ترى والله يزيدهم اكثر واكثر

بس هذا راح يكون دافع للناس اللي ماتفكر بالمستقبل انها تترك المدارس والجامعات
وتتحول للعسكرية

وكان مساواة الجامعي مع الاعدادي يرمز الى اننا كدولة
مانبي خريجين ،، تعالوا العسكرية !!
هل هذا ماتريده الدولة ؟؟
مااعتقد

لكن الواقع يقول نعم



الخريج في قطاع الطاقة - حسب المكان - يكرف اكثر من 20 عسكري
وانتاجيته اكبر بدون مقارنة
لو حبينا نقارن الانتاجية


اما مسالة ان العسكري حامي البلاد من الغزاة
فلا تعليق يعني ، :spider:

الشرطة نعم تنظم تنقذ حرايق جرايم و و و
والعسكرية تساعد الشرطة
ويعطيهم الف عافية جميعا وفيهم الخير
فبدونهم لا أمان لنا من اللصوص والمجرمين
اللهم احفظ هذا البلد آمنا مطمئنا


لكن ليس مبررا لان يكون العسكري بدون شهادة
افضل من حامل الشهادة باي حال من الاحوال


مثل ماهم يحمون البلد

قطاع الطاقة يجيبلكم الفلوس عشان تعيشون عيشة كريمة :thumbup1: