تعبت .... سندرونا :(

[وطن]

خلالالالالالالالالالالالالالالالالالالالالالالالال الاص
ما استحمل

خانقتني العبرة

ابي ارقد


ومن 10 وانا اسمع الطبول والأغاني لا ويباب بعد


كل ما حاولت ارقد يبتدون اغنية جديدة

كل ما غطت عيني بين اغنية واغنية
ردوا يغنون

:eek3::eek3::eek3:


يعني ما يصير
احتفال في وسط الاسبوع
ما يراعون ان الناس عندهم دوام

في وسط الفريج حفلتهم !!!!


مو المفروض في قانون ينظم هالموضوع !!!

[بوخالد911]

قومي وارقدي بغرفة ثانية
غير غرفتج !!!

[امل الحب]

خلج طبيعية

وحشر مع الناس عيد

وحطي المخدة على راسج وشغلي المكيف ونامي :)

[BODYGUARD]

حطي قطن في اذانك ونامي شتسوين بعد ..

[hich]

قطن من الصيدلة او أطلبي سدادات مالت الطيارة

[ANONYMOUS]

العضيد في خدمة الشعب

:)

[ابوسعود]

وطن
اغاني الاعراس شر لابد منه
استحملي اليوم بس :whistling:
مسكين المعرس يبي يفتك يقول يالله تعدي على خير

[PoBox]

اسمع نفس الصوت المزعج ،،ليكون جيراننا المشكلة انه عرس رجال ومسوين اخس من اعراس الحريم
:court::court:

بس لو بغيت انام بنام حتى لو كان التوجيه دايركت على الراس

[وطن]

:eek5:


يعني هذا الحل بنظركم؟؟


يعني هم اللي مسويينه صح

احتفال في وسط الاسبوع في وسط الفريج

لو في فندق بنقول مافي حجوزات
معليه



في وسط الاسبوع وفي حوش بيتهم

مافي مراعاة لحقوق الجيران !!!!

[بوخالد911]

قولي لهم بعد اشوي بيطق مطر حلبة !!
وبعدها هوا قوووي
وقد أعذر من أنذر !!!

[وطن]

اسمع نفس الصوت المزعج ،،ليكون جيراننا المشكلة انه عرس رجال ومسوين اخس من اعراس الحريم
:court::court:

بس لو بغيت انام بنام حتى لو كان التوجيه دايركت على الراس

انا من 10 ونص في السرير
:(

تعبت نفسيتي
كل شوي تغط عيني واقحص مع اغانيهم



ما اظنه عرس رياييل
فيه يباب حريم !!!

[وطن]

قولي لهم بعد اشوي بيطق مطر حلبة !!
وبعدها هوا قوووي
وقد أعذر من أنذر !!!

هاهاهاهاهاهاها

لا تضحكني

وانا اصيح

مب شي


:cry2:


انا مو قادره احدد الصوت من وين جاي

[al_lord]

كلمي الدوريات وفالك طيب

ولو اني ما احب هذه الطريقه ولكن انتي مضطره و الضرورات تبيح المحظورات

بس شالمناسبه ؟ اخاف زعلانه لانهم ما عزومك

[PoBox]

انا من 10 ونص في السرير
:(

تعبت نفسيتي
كل شوي تغط عيني واقحص مع اغانيهم



ما اظنه عرس رياييل
فيه يباب حريم !!!

طلعتوا مب جيران عيل ،،
صدق انه عرس ومن حقهم يفرحون بس بحدود
لين 11 12 خلاص الحين الساعة 1:00
:anger2:

الواحد ماوده يتصل الشرطة ويخرب ليلتهم
بس المفروض في شوية ذوق

[قطري في لندن]

:eek5:


يعني هذا الحل بنظركم؟؟


يعني هم اللي مسويينه صح

احتفال في وسط الاسبوع في وسط الفريج

لو في فندق بنقول مافي حجوزات
معليه



في وسط الاسبوع وفي حوش بيتهم

مافي مراعاة لحقوق الجيران !!!!



اختي تقدرين تقدمين شكوه ويوقفون العرس بشكوه هذا اذا كان داخل البيت


اما اذا كان برع البيت اتقدمين شكوه بس بدون ماينذكر اسمج

[ROSE]

قولي لهم بعد اشوي بيطق مطر حلبة !!
وبعدها هوا قوووي
وقد أعذر من أنذر !!!

هههههههههههههههههههههههههههههههههههه




وطن مثل ماقالوا حاولي تغيرين الغرفة مانقول اللي يسوونه صح او عدل

بس شتسوين تخيلي العرس لكم وانتوا مستانسين :o

[alsahran]

لو منج اشغل التلفزيون في الغرفه واطول على الصوت :this:

[جلمود]

:eek5:


يعني هذا الحل بنظركم؟؟


يعني هم اللي مسويينه صح

احتفال في وسط الاسبوع في وسط الفريج

لو في فندق بنقول مافي حجوزات
معليه



في وسط الاسبوع وفي حوش بيتهم

مافي مراعاة لحقوق الجيران !!!!

كلن وقده مافيهم شده فندق يمكن
والله فله عرسهم مال لول بالبيت
احنا بعد نسمع اطبول اول امس بدحيل لين الفجر مسوين العرس الظاهر بالبيت صارت موضع هليام ستايل قديم :fight:

[lalamar]

دقي حق الشرطه

[ابوعلي]

كلمي الدوريات وفالك طيب

ولو اني ما احب هذه الطريقه ولكن انتي مضطره و الضرورات تبيح المحظورات

بس شالمناسبه ؟ اخاف زعلانه لانهم ما عزومك

:funny::funny::funny:

[المارونـــي]

مشكله انج بنت لو انج رجل كان طرشتك الاستراحه ترقد هناك وتعين من الله خير وتقوم الصبح تحصل ريوقك جاهز لكن انتي بنت الله يعينج على بلواج

[وطن]

كلمي الدوريات وفالك طيب

ولو اني ما احب هذه الطريقه ولكن انتي مضطره و الضرورات تبيح المحظورات

بس شالمناسبه ؟ اخاف زعلانه لانهم ما عزومك

:sneaky:

اكو سكتوا

الظاهر استراحة محارب
او وصلتهم الدورية

:telephone:

انت بلغت؟





طلعتوا مب جيران عيل ،،
صدق انه عرس ومن حقهم يفرحون بس بحدود
لين 11 12 خلاص الحين الساعة 1:00
:anger2:

الواحد ماوده يتصل الشرطة ويخرب ليلتهم
بس المفروض في شوية ذوق

صح كلامك
والله طيروا النوم من عيني

وانا اقول لا بيسكتون الحين
الحين بيسكتون
صارت 12 خلاص

زين 12 ونص

1 الا خلاص انفجرت بكي

:(

وراي قعده من الصبح ما يصير




اختي تقدرين تقدمين شكوه ويوقفون العرس بشكوه هذا اذا كان داخل البيت


اما اذا كان برع البيت اتقدمين شكوه بس بدون ماينذكر اسمج

اقدم شكوى في المركز يعني ؟!!




هههههههههههههههههههههههههههههههههههه




وطن مثل ماقالوا حاولي تغيرين الغرفة مانقول اللي يسوونه صح او عدل

بس شتسوين تخيلي العرس لكم وانتوا مستانسين :o

روز
لو لنا العرس او الحفلة او اي شي
بنراعي ان في جيران حولنا
وما بنزعجهم

هذول مخليين الفريج كله يحتفل !!!

لو اخر الاسبوع واجازه مب قايلين شي

لكن باجر دوااااااااااااااااام


:court:

[hich]

مدام جيرانكم وعارفه رقم البيت دقي على كنتاكي وهارديز والمجلس وفينيسا وعطيهم مكان البيت تقريبا وقولي انه فيه عرس (دقي من رقم الخدامة او رقم موب بسمج وطفيه بعد ماتوصفين البيت عدل لهم) لم بيوصل الاكل بيتوهقون وبيوقفون العزف عشان يسؤلون ويتهاوشون عشان يعرفون من الي طلب الاكل....

[BODYGUARD]

لاحد يخربك لاتقدمي شكوى ولاشي خليك اكبر منهم . كلها ساعه او اقل وبيخلصون بس لاتسوي عداوه مع جيرانكم .. خليهم يفرحون وان شاء الله نفرح فيك بعد وسهره للفجر ..

[وطن]

لو منج اشغل التلفزيون في الغرفه واطول على الصوت :this:

ما اقدر اانام الا في الهدووووووووووووووووووووء
لازم صخه من قلب




كلن وقده مافيهم شده فندق يمكن
والله فله عرسهم مال لول بالبيت
احنا بعد نسمع اطبول اول امس بدحيل لين الفجر مسوين العرس الظاهر بالبيت صارت موضع هليام ستايل قديم :fight:

ايه والله
قبل لا ارقد في المسنجر يقولون لي عن فريج ثاني بعد فيه عرس جذي !!!

بس لازم يراعون الوقت بعد والجيران !!!




دقي حق الشرطه

فالك طيب




:funny::funny::funny:

:anger2:

مستانس !!!



مشكله انج بنت لو انج رجل كان طرشتك الاستراحه ترقد هناك وتعين من الله خير وتقوم الصبح تحصل ريوقك جاهز لكن انتي بنت الله يعينج على بلواج

رايق يا حظك :(



مدام جيرانكم وعارفه رقم البيت دقي على كنتاكي وهارديز والمجلس وفينيسا وعطيهم مكان البيت تقريبا وقولي انه فيه عرس (دقي من رقم الخدامة او رقم موب بسمج وطفيه بعد ماتوصفين البيت عدل لهم) لم بيوصل الاكل بيتوهقون وبيوقفون العزف عشان يسؤلون ويتهاوشون عشان يعرفون من الي طلب الاكل....

:omg:



لاحد يخربك لاتقدمي شكوى ولاشي خليك اكبر منهم . كلها ساعه او اقل وبيخلصون بس لاتسوي عداوه مع جيرانكم .. خليهم يفرحون وان شاء الله نفرح فيك بعد وسهره للفجر ..

اخوي اذا هم ما يراعون حقوق الجار
ولا يعرفون الذوق
لازم حد يوقفهم عند حدهم
سواء انا او غيري !!!






















السؤال
هل في قانون ينظم الاحتفالات وسط الفرجان ولا لا !!!
السالفة سايبه !!!

[إنسان]

وطن ما في حل غير مكيف شباك بوطنين :ok2:

[وطن]

وطن ما في حل غير مكيف شباك بوطنين :ok2:

:omg:

لا هذا مو حل

يعني مافي قانون في الدولة

أخبر ان في شي ينظم هالسوالف !!!


محد يعرف عنه ؟


والله نفسيتي تعبت والنوم طار خلاص
:(

شكلي باجر مب مداومه

[قطري في لندن]

اي منطقه وشوفي المركز التابع لكم وقدمي شكوه واهم بطرشون البحث الجنائي او اتحريات او النجده


وفكي نفسج بس تلفون لاكثر ولا اقل


وهاي حقج

[lalamar]

انتي الحين ارقدي وبكره يصير خير

[..الاميرة..]

:dance:dance

حرام عليج ياااوطن خليهم مستانسين وفرحانين بعياالهم ..
ومن حق الجيره انكم تفرحون لفرحهم ..

والفال لكم ..

[امل الحب]

اي منطقه وشوفي المركز التابع لكم وقدمي شكوه واهم بطرشون البحث الجنائي او اتحريات او النجده


وفكي نفسج بس تلفون لاكثر ولا اقل


وهاي حقج

:court:

لاتصير شرير

[وطن]

اي منطقه وشوفي المركز التابع لكم وقدمي شكوه واهم بطرشون البحث الجنائي او اتحريات او النجده


وفكي نفسج بس تلفون لاكثر ولا اقل


وهاي حقج

ان شاء الله اخوي

:telephone:

بس ما تعرف شي عن قانون ينظم هالأمور !!!










انتي الحين ارقدي وبكره يصير خير

وين ارقد
!!!!

طار النوم خلاص

لاني عصبت
خلاص الحين مافي رقاد

صحصحت


:(

[قطري في لندن]

:court:

لاتصير شرير

انا شرير ليش امل :telephone:


ان شاء الله اخوي

:telephone:

بس ما تعرف شي عن قانون ينظم هالأمور !!!











وين ارقد
!!!!

طار النوم خلاص

لاني عصبت
خلاص الحين مافي رقاد

صحصحت


:(



هاي اهو القانون اتصلي ثلاث 999 واهم بيحولونج على مركزكم بتكلمين الضابط بيقولج اي صوب بس وبيطرش دوريه عسكريه او مدنيه بيكلمون اصحاب العرس بيقولن ياتقصرون او اتسكرون بس يعني يكون الموضوع ودي وتقدرين اتخلينه جنائي

[وطن]

انا شرير ليش امل :telephone:





هاي اهو القانون اتصلي ثلاث 999 واهم بحولونج على مركزكم بكلمين الضابط بقولج اي صوب بس وبطرش دوريه عسكريه او مدنيه بكلمون اصحاب العرس بقول ياتقصرون او اتسكرون بس يعني يكون الموضوع ودي وتقدرين اتخلينه جنائي



كلمناهم
قالوا بيشوفون !!!

ولا اشوفهم سوو شي !!!

يعني الحل

!!!

للحين اغاني وطبول

[وطن]

:dance:dance

حرام عليج ياااوطن خليهم مستانسين وفرحانين بعياالهم ..
ومن حق الجيره انكم تفرحون لفرحهم ..

والفال لكم ..

ومن حق الجيره انهم يراعونا

يعني هم فرحانين ما اختلفنا
لين 11
12
هذا وسط الاسبوع

مو ويك اند !!!!


لين الحين طق واغاني ما يصير !!




:court:

لاتصير شرير

انا شريرة أكثر منه

:court:

[ابوعلي]

السؤال
هل في قانون ينظم الاحتفالات وسط الفرجان ولا لا !!!
السالفة سايبه !!!


911 اقصد جاجاسم محد الحين ولا بيعطينا المعلومه

[قطري في لندن]

كلمناهم
قالوا بيشوفون !!!

ولا اشوفهم سوو شي !!!

يعني الحل

!!!

للحين اغاني وطبول

اي مركز لا يكون الريان بس :oops:


ماعليج بيطرشون لهم دوريه اصبري اشوي اذا ماطرشوا اتصلي مره ثانيه وعطيهم زقره وشوفي اشلون

[وطن]

911 اقصد جاجاسم محد الحين ولا بيعطينا المعلومه


:cry2:

قسم بالله ما يسوى علينا !!!

تمللت وراي دوام
ما يصير





اي مركز لا يكون الريان بس :oops:


ماعليج بيطرشون لهم دوريه اصبري اشوي اذا ماطرشوا اتصلي مره ثانيه وعطيهم زقره وشوفي اشلون


مرت نص ساعة
شنو يعني
الدوريات كلها بعيده عنا

:cry2:

[على قد حالها]

خلاص لاتداومين باجر وخل نطلع ونتريق اشراااااايج:sneaky:

[قطري في لندن]

:cry2:

قسم بالله ما يسوى علينا !!!

تمللت وراي دوام
ما يصير







مرت نص ساعة
شنو يعني
الدوريات كلها بعيده عنا

:cry2:


شكلهم بيخلونج الى قبل لاذان بشوي عشان العرس يوقف ابروحه


اتصلي مره ثانيه :telephone:

[وطن]

خلاص لاتداومين باجر وخل نطلع ونتريق اشراااااايج:sneaky:

مو اغراء طلعة الريوق

لاني اطلع اتريق وارد لو ابي

:oops:

[جلمود]

ايه والله
قبل لا ارقد في المسنجر يقولون لي عن فريج ثاني بعد فيه عرس جذي !!!

بس لازم يراعون الوقت بعد والجيران !!!

أكيد هي فريجناا والله اول أمس صوت الطاره عندي بالغرفه وخيريه تصرخخ :whistling:

[وطن]

شكلهم بيخلونج الى قبل لاذان بشوي عشان العرس يوقف ابروحه


اتصلي مره ثانيه :telephone:

:cry2:

كل ما اتذكر
تخنقني العبرة واصيح

لو اتصلت بصيح ع التلفون وانا اكلم الشرطي

:cry2:

[وطن]

ايه والله
قبل لا ارقد في المسنجر يقولون لي عن فريج ثاني بعد فيه عرس جذي !!!

بس لازم يراعون الوقت بعد والجيران !!!

أكيد هي فريجناا والله اول أمس صوت الطاره عندي بالغرفه وخيريه تصرخخ :whistling:

مايصير
ما يصير

في دواااااااااااااااااااااااااااااااااام


:court:

[قطري في لندن]

:cry2:

كل ما اتذكر
تخنقني العبرة واصيح

لو اتصلت بصيح ع التلفون وانا اكلم الشرطي

:cry2:



طرشي احد من اخوانج يكلمهم

[وطن]

طلعتوا مب جيران عيل ،،
صدق انه عرس ومن حقهم يفرحون بس بحدود
لين 11 12 خلاص الحين الساعة 1:00
:anger2:

الواحد ماوده يتصل الشرطة ويخرب ليلتهم
بس المفروض في شوية ذوق

بوكسينغ
لايكون رحت السمره معاهم !!!


ولا رقدت !!!


انقذني دق ع الشرطة مره ثانية قبل لا ترقد

:telephone:

[وطن]

طرشي احد من اخوانج يكلمهم

:o

واذا عجبه الوضع !!! وسهر عندهم؟؟

[ابوعلي]

شغلي المكيف وحطي القطن في اذنج والمخده على راسج ونامي

[امل الحب]

مايصير
ما يصير

في دواااااااااااااااااااااااااااااااااام


:court:

:court:

وطن خلج سهراانه

وخليهم يتهنون

ولاتداومين باجر

يوم واحد مو مشكلة :court:

[امل الحب]

شغلي المكيف وحطي القطن في اذنج والمخده على راسج ونامي

:court:

قلت هالحل قبلك ماعجبها الظاهر وعطتني طاف :weeping:

[..الاميرة..]

ايه والله
قبل لا ارقد في المسنجر يقولون لي عن فريج ثاني بعد فيه عرس جذي !!!

بس لازم يراعون الوقت بعد والجيران !!!

أكيد هي فريجناا والله اول أمس صوت الطاره عندي بالغرفه وخيريه تصرخخ :whistling:


:funny::funny:

المفروض تغني .. اكيد تصااارخ على اليهاال وقاعده تلم النقوط ..

[جلمود]

مايصير
ما يصير

في دواااااااااااااااااااااااااااااااااام


:court:

الدوااام لله
سوي مثل مسلسل حاير طاير روحي فوق صطح البيت وقطي عليهم جراخيات وشردي المعازيم escape
الله يعينك

[قطري في لندن]

:o

واذا عجبه الوضع !!! وسهر عندهم؟؟


طقي اصبع :nice:


انتي شكلج ماتبين ترقدين وطن :oops:

[جلمود]

:funny::funny:

المفروض تغني .. اكيد تصااارخ على الياهل وقاعده تلم النقوط ..
ههههههههه

[وطن]

شغلي المكيف وحطي القطن في اذنج والمخده على راسج ونامي

:court:

من حقي انام نومه هنيه في بيتنا

ومو من حقهم يزعجون جيرانهم لوقت متأخر من الليل









:court:

وطن خلج سهراانه

وخليهم يتهنون

ولاتداومين باجر

يوم واحد مو مشكلة :court:

:omg:

يوم واحد من الدوام !!!


لا مهم
ما احب اغيب الا اذا كنت مريضة ومضطرة

بس اغيب دلع
كبرت على هالحركة

كنت اسويها قبل الحين لا

:o


المسؤوليات زادت الحين

[قطري في لندن]

وطن بضبط باقي ساعه وي وقفون العرس ابروحه

[امل الحب]

:omg:

يوم واحد من الدوام !!!


لا مهم
ما احب اغيب الا اذا كنت مريضة ومضطرة

بس اغيب دلع
كبرت على هالحركة

كنت اسويها قبل الحين لا

:o


المسؤوليات زادت الحين

زين خلاص خلينا متجابلين

انا الصبح عندي ورشة عمل عال10 ومازلت سهراانه ومافيني نوم مع اني كلت بندول نايت :eek5:

خلج مجابلتني والظاهر بنام بكرة في الورشة :this:

[وطن]

الدوااام لله
سوي مثل مسلسل حاير طاير روحي فوق صطح البيت وقطي عليهم جراخيات وشردي المعازيم escape
الله يعينك

انت عبالك ادري من وين مصدر الصوت
ما يبين من وين جاي الصوت !!!




طقي اصبع :nice:


انتي شكلج ماتبين ترقدين وطن :oops:

قطري في لندن
النوم صار عنده جوانح وطار

مثل اللي يشرب رد بل !!!


لا تذكرني لا ابتدي وصلة البكي مره ثانية

ترى جد منقهره لاني مو قادره ارقد

[وطن]

وطن بضبط باقي ساعه وي وقفون العرس ابروحه

لا تزيدني

:cry2:




زين خلاص خلينا متجابلين

انا الصبح عندي ورشة عمل عال10 ومازلت سهراانه ومافيني نوم مع اني كلت بندول نايت :eek5:

خلج مجابلتني والظاهر بنام بكرة في الورشة :this:

وانا مغيره نظامي هالاسبوع
ولازم اقعد 6 ونص
عندي اشياء وايد اسويها غير الدوام


:cry2:

[قطري في لندن]

انت عبالك ادري من وين مصدر الصوت
ما يبين من وين جاي الصوت !!!





قطري في لندن
النوم صار عنده جوانح وطار

مثل اللي يشرب رد بل !!!


لا تذكرني لا ابتدي وصلة البكي مره ثانية

ترى جد منقهره لاني مو قادره ارقد



سوال اشلون بترقدين وانتي قاعده اتردين علينه روحي امبطحي على افراشج وشوفي ترقدين ولا لا

[امل الحب]

لا تزيدني

:cry2:





وانا مغيره نظامي هالاسبوع
ولازم اقعد 6 ونص
عندي اشياء وايد اسويها غير الدوام


:cry2:


:court:

قلت لج خلج طبيعية :whistling:

[قطري في لندن]

زين خلاص خلينا متجابلين

انا الصبح عندي ورشة عمل عال10 ومازلت سهراانه ومافيني نوم مع اني كلت بندول نايت :eek5:

خلج مجابلتني والظاهر بنام بكرة في الورشة :this:



صراحه فكره حلوه

[وطن]

سوال اشلون بترقدين وانتي قاعده اتردين علينه روحي امبطحي على افراشج وشوفي ترقدين ولا لا

اقول لك من 10 ونص في السرير واتفزز من الازعاج !!!

والشرطة مب جايين
كلمناهم مرتين

ماراح يجون

يقول لي يمكن عندهم عرس

خذ الرد !!!

يعني لو عندهم عرس عادي يزعجون الناس !!!


:telephone:

[وطن]

:court:

قلت لج خلج طبيعية :whistling:

ما اقدر اكون طبيعية

خلاص

زيراني طالعة

:court:

[امل الحب]

صراحه فكره حلوه

:whistling:

احسن من افكارك الشريرة:sneaky:

[قطري في لندن]

اقول لك من 10 ونص في السرير واتفزز من الازعاج !!!

والشرطة مب جايين
كلمناهم مرتين

ماراح يجون

يقول لي يمكن عندهم عرس

خذ الرد !!!

يعني لو عندهم عرس عادي يزعجون الناس !!!


:telephone:



عادي انتي في الدوحه قطر

طنشي ولا داومين بكره

[قطري في لندن]

:whistling:

احسن من افكارك الشريرة:sneaky:

يه يه يه


اشفيج علي اي افكار شريره


ياطيوبه انتي

[امل الحب]

ما اقدر اكون طبيعية

خلاص

زيراني طالعة

:court:

سكنهم في مساكنهم:this:

خلني اسكت عنج لاانطق عقب شوي :this:

ولين بنام بقولج :whistling:

<<<< شريرة :fight:

[امل الحب]

يه يه يه


اشفيج علي اي افكار شريره


ياطيوبه انتي

:this:

تقولها بلغي الشرطة عالمساكين الي معرسين عندهم:whistling:

[وطن]

عادي انتي في الدوحه قطر

طنشي ولا داومين بكره

يقول لي يمكن عندهم عرس

ايه والله عندهم عرس

!!!!

:anger2:


يعني لو عندهم عرس يزعجونا لين 2 !!!


هذي الشرطة اللي في خدمة الشعب



crazy

[وطن]

سكنهم في مساكنهم:this:

خلني اسكت عنج لاانطق عقب شوي :this:

ولين بنام بقولج :whistling:

<<<< شريرة :fight:

نوم العوافي

وترى بلغنا مرتين
ولا سوو شي

ولا بيجون

ويتهيأ لي لو جاو بيعجبهم الوضع وبيقعدون


:court:

[قطري في لندن]

:this:

تقولها بلغي الشرطة عالمساكين الي معرسين عندهم:whistling:




بعد شي ضد القانون وانا انسان مع القانون :sneaky:

[قطري في لندن]

يقول لي يمكن عندهم عرس

ايه والله عندهم عرس

!!!!

:anger2:


يعني لو عندهم عرس يزعجونا لين 2 !!!


هذي الشرطة اللي في خدمة الشعب



crazy


خلاص اهي خربانه خربانه


الله لايهينج طرشي الهندي خلي يقطع وايرات السماعه اذا عرس حريم الخدامه :nice: :eek5:

[وطن]

خلاص اهي خربانه خربانه


الله لايهينج طرشي الهندي خلي يقطع وايرات السماعه اذا عرس حريم الخدامه :nice: :eek5:

ووين دور الشرطة

وينهم مو المفروض انهم في خدمة الشعب ؟؟


:court:





ترى فجأه صار هدووووء

ما اظن جاو لهم
اتوقع استراحة محارب

[قطري في لندن]

ووين دور الشرطة

وينهم مو المفروض انهم في خدمة الشعب ؟؟


:court:





ترى فجأه صار هدووووء

ما اظن جاو لهم
اتوقع استراحة محارب



عبالج بشغلون الرمقات لا شنو اكيد طرشوا دوريه مدنيه يعني ماتبين انها دوريه

[وطن]

عبالج بشغلون الرمقات لا شنو اكيد طرشوا دوريه مدنيه يعني ماتبين انها دوريه

ابشرك
محد جاهم

:court:

[قطري في لندن]

ابشرك
محد جاهم

:court:


ههههههههههههههههههههههههههه

حلوه ابشرك صج واحده متحطمه

[بدور]

عجيييييييييييب والله عجيييييييييييب

وطن سهرانه وعافسه الدنيا

والسوالف السنعه ودمبك دمبك

ليشششششششش ما قلتوالي :anger2::anger2::anger2::anger2:

[قطري في لندن]

عجيييييييييييب والله عجيييييييييييب

وطن سهرانه وعافسه الدنيا

والسوالف السنعه ودمبك دمبك

ليشششششششش ما قلتوالي :anger2::anger2::anger2::anger2:



ياتج بدور اكيد عندها حل صح بدور

[ابوعلي]

ايش رايج تاخذين كم لفة في شوارع الدوحه ويمسكونج انتي :whistling:

[بدور]

ياتج بدور اكيد عندها حل صح بدور


وين المكان تعرفه انت والا بس تقدم المواساه

:sneaky::sneaky:

[وطن]

ههههههههههههههههههههههههههه

حلوه ابشرك صج واحده متحطمه

ترى انا من صجي
صار عندي اكتئاب وبكي
بط جبدي الشرطي
والله :(


هذول بروحهم لازم حد يبلغ عنهم




عجيييييييييييب والله عجيييييييييييب

وطن سهرانه وعافسه الدنيا

والسوالف السنعه ودمبك دمبك

ليشششششششش ما قلتوالي :anger2::anger2::anger2::anger2:

:cry2:



ياتج بدور اكيد عندها حل صح بدور

:cry2:

مافي فايده من أي حل الحيل
ابي الساعة ترجع على ورى

:cry2:

[بدور]

ايش رايج تاخذين كم لفة في شوارع الدوحه ويمسكونج انتي :whistling:


انت هني بعد يا سلااااام

سهرتنا صباحي :fight:

[قطري في لندن]

وين المكان تعرفه انت والا بس تقدم المواساه

:sneaky::sneaky:


لا بس اقدم المواساه :nice:


واعطي حلول

[ابوعلي]

انت هني بعد يا سلااااام

سهرتنا صباحي :fight:

:eek5::eek5:

[وطن]

ايش رايج تاخذين كم لفة في شوارع الدوحه ويمسكونج انتي :whistling:

:cry2:

[قطري في لندن]

ترى انا من صجي
صار عندي اكتئاب وبكي
بط جبدي الشرطي
والله :(


هذول بروحهم لازم حد يبلغ عنهم





:cry2:




:cry2:

مافي فايده من أي حل الحيل
ابي الساعة ترجع على ورى

:cry2:



ليش بط جبدج الشرطي





وطن تخيلي الساعه ثنتين الظهر اشرايج حل صح

[بدور]

وطن مالج الا دريولكم

يسجل ارقام السيارات ونعطيهم بكره مخالفات قطع اشاره

عاد عندنا واسطه مايقدرون يقولون غلطانين

انا بصور وانتي بعد ونشتغل عليهم وننهي الدمبك بهواش مسجات المخالفات

[بدور]

لا بس اقدم المواساه :nice:


واعطي حلول

ما منك فايده :sneaky:


:eek5::eek5:

:eek5::eek5::eek5:ليش متخرع :whistling::whistling:

[قطري في لندن]

وطن مالج الا دريولكم

يسجل ارقام السيارات ونعطيهم بكره مخالفات قطع اشاره

عاد عندنا واسطه مايقدرون يقولون غلطانين

انا بصور وانتي بعد ونشتغل عليهم وننهي الدمبك بهواش مسجات المخالفات



شدعوه جي :eek5: :eek5:


يعني تبي اترجعين حركت المرور فيج فيهم ولا شسالفه

[وطن]

ليش بط جبدج الشرطي





وطن تخيلي الساعه ثنتين الظهر اشرايج حل صح

لا مب حل

ليش يبط جبدي
لانه يقول لي بنشوف
لانه يقول لي يمكن عندهم عرس

وكأن العرس سبب لازعاجهم الناس في وسط الاسبوع

اقول له لو ويك اند معليه

لكن ورانا دوام

يقول لي بنشوف
وكأنه يسكتني بس !!!


وطافت ساعة وشوي
ولا سوو شي !!!


مو لازم حد يبلغ ع الشرطة !!!

[بدور]

وطن قومي رقدي وبكره نكمل موضوعنا

وحياتج بنضرب الرقم القياسي بالصفحات والردود

[قطري في لندن]

ما منك فايده :sneaky:



:eek5::eek5::eek5:ليش متخرع :whistling::whistling:



عطينه حل يام الحلول :sneaky:

[وطن]

وطن مالج الا دريولكم

يسجل ارقام السيارات ونعطيهم بكره مخالفات قطع اشاره

عاد عندنا واسطه مايقدرون يقولون غلطانين

انا بصور وانتي بعد ونشتغل عليهم وننهي الدمبك بهواش مسجات المخالفات

مو حل
:(

الوقت يمر
ولا قدرت ارقد
ووراي قعده من الصبح
ودوام

:cry2:

[بدور]

شدعوه جي :eek5: :eek5:


يعني تبي اترجعين حركت المرور فيج فيهم ولا شسالفه



:oops::oops: تعايرني بعد :anger1::anger1:

[قطري في لندن]

لا مب حل

ليش يبط جبدي
لانه يقول لي بنشوف
لانه يقول لي يمكن عندهم عرس

وكأن العرس سبب لازعاجهم الناس في وسط الاسبوع

اقول له لو ويك اند معليه

لكن ورانا دوام

يقول لي بنشوف
وكأنه يسكتني بس !!!


وطافت ساعة وشوي
ولا سوو شي !!!


مو لازم حد يبلغ ع الشرطة !!!


اتصلي وقولي لهم نفس الكلا م بس ابصوت عالي يمكن يحسون على دمهم
:secret:

[بدور]

عطينه حل يام الحلول :sneaky:



مصدعه من سندارة طبول جيران وطن


بنام وبكره بشوف الحل المناسب مقدر افكر:whistling:

[وطن]

وطن قومي رقدي وبكره نكمل موضوعنا

وحياتج بنضرب الرقم القياسي بالصفحات والردود

:eek5:

[وطن]

اتصلي وقولي لهم نفس الكلا م بس ابصوت عالي يمكن يحسون على دمهم
:secret:

لا
انا بنطر لين جاسم يدش الموضوع
ويقول لنا رايه فيه

ورايه في الشرطة بعد !!!


ترى دورت رقم العضيد

في رقم حق المسج
وايميل
ورقم الرد الالي !!!

كأنك يا بو زيد ما غزيت !!

[قطري في لندن]

:oops::oops: تعايرني بعد :anger1::anger1:



انا اعايرج افا بس افا

[امل الحب]

انا استسلم

وتصبحون على خير

والله يعينج وطونة

[قطري في لندن]

مصدعه من سندارة طبول جيران وطن


بنام وبكره بشوف الحل المناسب مقدر افكر:whistling:



نتظر الحل مو بس كلام يام الحلول

[وطن]

انا استسلم

وتصبحون على خير

والله يعينج وطونة

نوم العوافي
وانتي من اهل الخير





نتظر الحل مو بس كلام يام الحلول

انت شوف لي حل

اروح افجرهم ؟؟؟

عندي جراخيات وايد

[قطري في لندن]

لا
انا بنطر لين جاسم يدش الموضوع
ويقول لنا رايه فيه

ورايه في الشرطة بعد !!!


ترى دورت رقم العضيد

في رقم حق المسج
وايميل
ورقم الرد الالي !!!

كأنك يا بو زيد ما غزيت !!


اشرايج تتصلين في جريدت الر ايه واكبرين لموضوع حبتين


واتودين الشرطي في خورفا كان (( حل يدل على الخبث ))

[امل الحب]

اشرايج تتصلين في جريدت الر ايه واكبرين لموضوع حبتين


واتودين الشرطي في خورفا كان (( حل يدل على الخبث ))

:sneaky:

قايلة انت شرير

[وطن]

اشرايج تتصلين في جريدت الر ايه واكبرين لموضوع حبتين


واتودين الشرطي في خورفا كان (( حل يدل على الخبث ))

تهقى ؟
وبعد بالمره اقول لهم يجون يصورون الحدث لايف !!!

[قطري في لندن]

نوم العوافي
وانتي من اهل الخير






انت شوف لي حل

اروح افجرهم ؟؟؟

عندي جراخيات وايد


لا جراخيات تعطيني اياهم عشان سيلين اشرايج ياوطن

[قطري في لندن]

تهقى ؟
وبعد بالمره اقول لهم يجون يصورون الحدث لايف !!!


والله يبيله

وانا بوقف عند بيتهم بالفيت شاهد عيان اشرايج :nice:

[وطن]

لا جراخيات تعطيني اياهم عشان سيلين اشرايج ياوطن

حلالك اخوي

وين احطهم لك

ينفع عند الخيمة اللي فيها السمره؟؟

[قطري في لندن]

حلالك اخوي

وين احطهم لك

ينفع عند الخيمة اللي فيها السمره؟؟


الله يسلمج


انمه في الخيمه وانا اش استفيد

[وطن]

والله يبيله

وانا بوقف عند بيتهم بالفيت شاهد عيان اشرايج :nice:

:)

يالله انت كلمهم وروح معاهم

انا راسي بينفجر خلاص

[وطن]

الله يسلمج


انمه في الخيمه وانا اش استفيد

انمه = ؟؟؟؟


مادري
ولع الجراخيات فيهم

بتكون انت في قلب الحدث

[قطري في لندن]

:)

يالله انت كلمهم وروح معاهم

انا راسي بينفجر خلاص

حلوه انا اروح معاهم


لحين ماخلصوا

[قطري في لندن]

انمه = ؟؟؟؟


مادري
ولع الجراخيات فيهم

بتكون انت في قلب الحدث



يعني اروح ملح افا بس ياوطن

[وطن]

حلوه انا اروح معاهم


لحين ماخلصوا

لا ما خلصوا
في استراحة بين الاغنية والثانية

:(


يعني الواحد حتى ما يمديه يحط راسه قبل صلاة الفجر

[قطري في لندن]

لا ما خلصوا
في استراحة بين الاغنية والثانية

:(


يعني الواحد حتى ما يمديه يحط راسه قبل صلاة الفجر



بال صج فلم هندي


الله يعينج

بس زين نفعتيني في شي واحد

[وطن]

بال صج فلم هندي


الله يعينج

بس زين نفعتيني في شي واحد

نفعتك في شنو

<=== جابت لها قلاص لبن كبيـــــــــــــــــــــــــــــر




ترى رجعوا مره ثانية !!!

[قطري في لندن]

نفعتك في شنو

<=== جابت لها قلاص لبن كبيـــــــــــــــــــــــــــــر




ترى رجعوا مره ثانية !!!


اني بتم لين صلات الصبح


شدعوه شنو هاي العرس

[دانـة قطـر]

يمكن زار مو عرس؟!! :secret:

[وطن]

اني بتم لين صلات الصبح


شدعوه شنو هاي العرس

سمره
وبلونه

شتتوقع ؟؟ متى يخلصون



يمكن زار؟!! :secret:

لو زار جان طلع اللي فيهم من زمان

:this:

[قطري في لندن]

يمكن زار مو عرس؟!! :secret:



اف شدعوه زار :eek5:


ياويلج ياوطن زار اتقولج ((دستور ))

[قطري في لندن]

سمره
وبلونه

شتتوقع ؟؟ متى يخلصون




لو زار جان طلع اللي فيهم من زمان

:this:



يعني المفروض قبل اذان الصبح بساعه او نص ساع بالكثير

[وطن]

يعني المفروض قبل اذان الصبح بساعه او نص ساع بالكثير

الديك صاح
وهم للحين مستمرين

:(


الساعة 3 الا
وهم مو مراعيين حق الجار !!!

:court:

[قطري في لندن]

الديك صاح
وهم للحين مستمرين

:(


الساعة 3 الا
وهم مو مراعيين حق الجار !!!

:court:


عندج صبق خلي الهندي يركب فوق السطح ويحذفه عليهم :nice:

[وطن]

عندج صبق خلي الهندي يركب فوق السطه ويحثفه عليهم :nice:

يعني شنو؟

[دانـة قطـر]

اف شدعوه زار :eek5:


ياويلج ياوطن زار اتقولج ((دستور ))

ترى والله اتكلم من صجي :nice:

الناس شتا وبرد والليل طويل هم مسوينه في حوشهم فقلت يمكن زار :whistling:

[قطري في لندن]

يعني شنو؟

يعني عدلت فوق

[قطري في لندن]

ترى والله اتكلم من صجي :nice:

الناس شتا وبرد والليل طويل هم مسوينه في حوشهم فقلت يمكن زار :whistling:



يه يه

مو هينه زار مره واحده :fight:


كل شي جايز هاي لا يام

[وطن]

ترى والله اتكلم من صجي :nice:

الناس شتا وبرد والليل طويل هم مسوينه في حوشهم فقلت يمكن زار :whistling:

والجيران شذنبهم !!
:(





يعني عدلت فوق

ما تعدل شي
!!

[قطري في لندن]

والجيران شذنبهم !!
:(






ما تعدل شي
!!



والله عدلت

[وطن]

والله عدلت

صبق = صبغ


وانا راسي بينفجر
ودايخه
وادري لو حطيت راسي بيصير معاي نفس مساعة
تغط عيني في وقت الاستراحة بين الاغنيتين
وافز مع اول طقة طار !!!


مو زايد قهري الا الشرطة
اللي اونهم في خدمة الشعب !!!



:anger2:

[قطري في لندن]

صبق = صبغ


وانا راسي بينفجر
ودايخه
وادري لو حطيت راسي بيصير معاي نفس مساعة
تغط عيني في وقت الاستراحة بين الاغنيتين
وافز مع اول طقة طار !!!


مو زايد قهري الا الشرطة
اللي اونهم في خدمة الشعب !!!



:anger2:


صبغ عند قطري = صبق عادي




لا تحطين في بالج وصلي وبكره طنشي حق الدوام وين المشكله


وبعد معزومه مع على قد حالها اعزموني معاكم

[وطن]

صبغ عند قطري = صبق عادي




لا تحطين في بالج وصلي وبكره طنشي حق الدوام وين المشكله


وبعد معزومه مع على قد حالها اعزموني معاكم

شنو اطنش
اقول حق مديري في سمره في فريجنا
ولا قدرت ارقد !!!

يعني عادي بقول له
بس هل تتوقع حلوة في حقي

احس انه بيقول اني مو قد المسؤوليه
!!!!

وبيتحسف على التقييم السنوي اللي عطاني اياه !!!

[قطري في لندن]

شنو اطنش
اقول حق مديري في سمره في فريجنا
ولا قدرت ارقد !!!

يعني عادي بقول له
بس هل تتوقع حلوة في حقي

احس انه بيقول اني مو قد المسؤوليه
!!!!

وبيتحسف على التقييم السنوي اللي عطاني اياه !!!


اممممممممممممممممم


شنو احسن في رايج انج اتروحين امواصله واعيونج امنفخه احسن حالتج حاله

[وطن]

اممممممممممممممممم


شنو احسن في رايج انج اتروحين امواصله واعيونج امنفخه احسن حالتج حاله

اروح مواصله واطلع بدري واقول له تعبانه
احسن من اني ما اداوم كلش




انا بقوم احاول ارقد
عندهم استراحة الحين

راسي يدووووووووووور
ويدوووووور ويدوووووووووووور


:weeping:

طلعوا وناسة اليوم من عيني









أتمنى يتم الموضوع مفتوح

لين نشوف راي الداخلية

:telephone:

[قطري في لندن]

يالله تصبحين على خير

[الدوحي7]

ماقلتي لي من مساع امر صوبهم ماعندي شغل توني داخل البيت ، ماشفت موضوعك،،،، كان حذفت عليهم بيض من فوق ههههههههههههه،،

[الدوحي7]

ابشركم وطن رقدت،،سندرتنا معا لطبول هههههههههههههه،، بتقوم بتقول انا سندرتكم ،،ترا اتغشمر،،

[التيما]

للاسف صارت موضة .. انا الاسبوع الي طاف نفس حالتج وطن لين الساعة اربع قبل الصلاة سكروا الأغاني هاي انا مكلمة جارتي تكلم الشرطة ولا عبروها والله ابوي شيبه كبير في السن قعد مب قادر لا يصلي ولا يقرا قرآن واختي مربية وعندنا مب قادرة ترقد.. هاي واحنا داقين عالشرطة واللي يبط الجبد لمن يقولون خلهم يستانسون .. ياناس كم جار عند الواحد لو كل واحد بياخذ له يوم في الاسبوع يدق فيه للصبح ما خلصنا لآخر السنة شنو هو عبط ولا قلة ذوق .. اوكي مبرووك عليكم للساعة وحدة عقب والله عيب ليش يخلون الناس تدعي عليهم .. الله يكون بعونج والله

" وماقول الا اذا لم تستح فاصنع ما شئت "

[شاهيناز]

الناس ماعندها احساس

مره كان يوم الخميس

جيرانا عندهم مناسبه

تم المطرب يصارخ لين الساعه 4

وياليت صوته حلو كان استحملنا
صدعني ولا قدرت اسهر ولا قدرت انام من الصداع

كنت بتصل في الشرطه ابلغ عنهم

بس ماحبيت تصير سالفه

لازم في شئ ينظم ها الامور

مب بس يفتحون المايك

على الاخر

بدون حسيب ولا رقيب

[ROSE]

شكلها نامت اخيرا :sneaky:


الله يعينها على صداع اليوم بعد السهر

ولازم تشوفون حل لهالظاهره :court:

[طير شلـوى]

كلمي الدوريات وفالك طيب

ولو اني ما احب هذه الطريقه ولكن انتي مضطره و الضرورات تبيح المحظورات

بس شالمناسبه ؟ اخاف زعلانه لانهم ما عزومك

:ok::ok:

[متسبب]

اووه الظاهر الاعضاء كلهم من فريج واحد :)
امس رحت حق الجار لاني معزوم على عرسه والرسول وصى بالجار
وهذي سمره والعرس يوم الخميس ان شاء الله
واللي يغني مطرب لكن اللي يسمع صوته يقول صوت وحده (أخو بديع مسعود الفنان السعودي)
انا قعدت لين الساعه1 ونص لكني تسندرت لين 3 وهم يغنون بس مادري متى خلصوا
حرام عليكم هي ليله العمر خليهم ينبسطون:)
ويستاهلون الجيران

[simsim1963]

اشتري لك مكبرات الصوت وشغلي فيهم قرآن ووجهيها عليهم مثل برنامج حاير طاير

[موظف بالبورصه]

الصراحه هم مصخوها اوكي قلنا خلهم يستانسون ومن حقهم وهي ليله في العمر

بس لين 3 الفجر يعني هم يستانسون واحنا مانداوم :court:

وطن انتي ماعرفتي لهم والله المفروض تخلينهم لين 12

12 ودقيقه انتي شايله جوالج ادورين رقم 9 وين وادقين عليه 3 مرات واتصال

وتقولين لهم السالفه والمكان خمس دقايق بتحصلينهم واصلين النجده
(لانه شفت ليل وملل عندهم فينتضرون اي بلاغ)

وبيفركشون السالفه :sneaky: ..

صارت لنا السالفه مره .. واتصال واحد بس وقف كلشي :)

شكلج نايمه انتي الحين وماداومتي .. نوم العوافي :nice:

[وطن]

يالله تصبحين على خير

وانت بخير



ماقلتي لي من مساع امر صوبهم ماعندي شغل توني داخل البيت ، ماشفت موضوعك،،،، كان حذفت عليهم بيض من فوق ههههههههههههه،،

:(





ابشركم وطن رقدت،،سندرتنا معا لطبول هههههههههههههه،، بتقوم بتقول انا سندرتكم ،،ترا اتغشمر،،

:(
تراني للحين متسندره






للاسف صارت موضة .. انا الاسبوع الي طاف نفس حالتج وطن لين الساعة اربع قبل الصلاة سكروا الأغاني هاي انا مكلمة جارتي تكلم الشرطة ولا عبروها والله ابوي شيبه كبير في السن قعد مب قادر لا يصلي ولا يقرا قرآن واختي مربية وعندنا مب قادرة ترقد.. هاي واحنا داقين عالشرطة واللي يبط الجبد لمن يقولون خلهم يستانسون .. ياناس كم جار عند الواحد لو كل واحد بياخذ له يوم في الاسبوع يدق فيه للصبح ما خلصنا لآخر السنة شنو هو عبط ولا قلة ذوق .. اوكي مبرووك عليكم للساعة وحدة عقب والله عيب ليش يخلون الناس تدعي عليهم .. الله يكون بعونج والله

" وماقول الا اذا لم تستح فاصنع ما شئت "

والله تذكرتج الفجر
وتذكرت موضوعج

ترى ما خلصوا ليت 4 ونص






الناس ماعندها احساس

مره كان يوم الخميس

جيرانا عندهم مناسبه

تم المطرب يصارخ لين الساعه 4

وياليت صوته حلو كان استحملنا
صدعني ولا قدرت اسهر ولا قدرت انام من الصداع

كنت بتصل في الشرطه ابلغ عنهم

بس ماحبيت تصير سالفه

لازم في شئ ينظم ها الامور

مب بس يفتحون المايك

على الاخر

بدون حسيب ولا رقيب

أبشرج الشرطة مب مسويين شي
عن تجربة






شكلها نامت اخيرا :sneaky:


الله يعينها على صداع اليوم بعد السهر

ولازم تشوفون حل لهالظاهره :court:

ايه والله يبي لنا حل
:(

وصاجه عندي صداع ومتسندره








اووه الظاهر الاعضاء كلهم من فريج واحد :)
امس رحت حق الجار لاني معزوم على عرسه والرسول وصى بالجار
وهذي سمره والعرس يوم الخميس ان شاء الله
واللي يغني مطرب لكن اللي يسمع صوته يقول صوت وحده (أخو بديع مسعود الفنان السعودي)
انا قعدت لين الساعه1 ونص لكني تسندرت لين 3 وهم يغنون بس مادري متى خلصوا
حرام عليكم هي ليله العمر خليهم ينبسطون:)
ويستاهلون الجيران

:anger2:

:court:

اللي يغني اسمه بلونه
ما تعرفه ؟

سؤال منو اللي كان ييبب !!

والله كنت مفتكرته عرس حريم





اشتري لك مكبرات الصوت وشغلي فيهم قرآن ووجهيها عليهم مثل برنامج حاير طاير

:eek5:






الصراحه هم مصخوها اوكي قلنا خلهم يستانسون ومن حقهم وهي ليله في العمر

بس لين 3 الفجر يعني هم يستانسون واحنا مانداوم :court:

وطن انتي ماعرفتي لهم والله المفروض تخلينهم لين 12

12 ودقيقه انتي شايله جوالج ادورين رقم 9 وين وادقين عليه 3 مرات واتصال

وتقولين لهم السالفه والمكان خمس دقايق بتحصلينهم واصلين النجده
(لانه شفت ليل وملل عندهم فينتضرون اي بلاغ)

وبيفركشون السالفه :sneaky: ..

صارت لنا السالفه مره .. واتصال واحد بس وقف كلشي :)

شكلج نايمه انتي الحين وماداومتي .. نوم العوافي :nice:


اخوي
ترى كلمنا الشرطة مرتين

في المرة الثانية يقول لي يمكن عندهم عرس
وكأن اذا عندهم عرس يحق لهم يزعجون الناس !!!!


وللعلم ما سوو شي
ولا جات ولا دورية


وتمت الطقطقة لين 4 ونص !!

[ضوى]

وطن حبيبتي

ليش ما خذتيها عارضة اليوم ؟؟ اشلون قدرتي تداومين عقب هالضجة والازعاج ؟؟ الله يعينج والله اكيد جاية الشغل مغمضة حاسة فيج والله

[وطن]

وطن حبيبتي

ليش ما خذتيها عارضة اليوم ؟؟ اشلون قدرتي تداومين عقب هالضجة والازعاج ؟؟ الله يعينج والله اكيد جاية الشغل مغمضة حاسة فيج والله

لان الساعة 8 خلاص
لقيت نفسي مصحصحه :(

طبعا اسوق وانا عيوني تحرقني :(


بطلع بدري ان شاء الله

وبخصوص العارضة
ما احب اخذ اجازه جذي بدون سبب قوي

خصوصاً اني كبرت احس مو عدله في حقي

:cry2:

[متسبب]

[QUOTE=وطن;2358509]اللي يغني اسمه بلونه
ما تعرفه ؟

سؤال منو اللي كان ييبب !!

والله كنت مفتكرته عرس حريم


هههههههه
اشعرفني فيه
بس اظن اسمه حسن بلونه
واللي ييبب حضرتي :cry:
ولو الجيران يستاهلون اكتر من كدهescape
عادي وايد شباب يعرفون ايببون وحتى الاورج صار ايبب هالايام:cry:

[al_lord]

اختي وطن انتي اتصلتي ولا احد غيرك الي اتصل ؟

اذا انتي ولا عليك امر رساله الي وطني الحبيب بالسالفه و خلنا نشوف رأي وزير الداخليه بهذا الموضوع والحق العام للمواطن.

[وطن]

[QUOTE=وطن;2358509]اللي يغني اسمه بلونه
ما تعرفه ؟

سؤال منو اللي كان ييبب !!

والله كنت مفتكرته عرس حريم


هههههههه
اشعرفني فيه
بس اظن اسمه حسن بلونه
واللي ييبب حضرتي :cry:
ولو الجيران يستاهلون اكتر من كدهescape
عادي وايد شباب يعرفون ايببون وحتى الاورج صار ايبب هالايام:cry:

crazycrazycrazycrazy

ايه اسمه حسن بلووونه

ترى كل التفاصيل عندي
حتى قالوا لي انت شسويت بالسمره :p







اختي وطن انتي اتصلتي ولا احد غيرك الي اتصل ؟

اذا انتي ولا عليك امر رساله الي وطني الحبيب بالسالفه و خلنا نشوف رأي وزير الداخليه بهذا الموضوع والحق العام للمواطن.

اول مره الوالده اتصلت لاني كسرت خاطرها
وثاني مره انا



انا ناطره اخوي جاسم يدش الموضوع ويعطينا رايه



من البارحة كانوا يقولون لي الشرطة ما بيسوون لج شي
ولا بيجون
وانا ما صدقت


وصدق كلامهم لان الشرطة ما سوو شي ولا جاو
وكأن مافي قانون في البلد !!!

[BODYGUARD]

سين سؤال .. رحتي الدوام ..!؟ :tooth:

[وطن]

سين سؤال .. رحتي الدوام ..!؟ :tooth:

انا في المكتب
وراقده على نفسي الصراحة


:nop:


واكتشفت ان مديري مب جاي اليوم !!!

[غزلان]

الأسبوع الى فات نفس الشي أزعاج واغاني من كل نوع

كنت تعبانه نمت متى ما اعرف

[بدور]

:yawn::yawn::yawn::yawn:

مساء الخير

يا حلاة النوم >> قلنا لكم بلا دوام وبلا عوار راس <<

عرفتوا ليش مقدر اشتغل لاني احب نوم الصبح :thumbup1:

قومي روحي البيت يا وطن وكملي نومج :p

[وطن]

الأسبوع الى فات نفس الشي أزعاج واغاني من كل نوع

كنت تعبانه نمت متى ما اعرف

مايصير مافي قانون

انا بسوي عرسي اسبوع
وكل يوم في فريج من فرجان الدوحة

عشان الدوحة كلها تحتفل معاي

:nop:




:yawn::yawn::yawn::yawn:

مساء الخير

يا حلاة النوم >> قلنا لكم بلا دوام وبلا عوار راس <<

عرفتوا ليش مقدر اشتغل لاني احب نوم الصبح :thumbup1:

قومي روحي البيت يا وطن وكملي نومج :p

انا رديت البيت
ان شاء الله اقدر انام

وبعدين اذا ما اشتغلت منو بيصرف علي
اروح اقول حق ابوي عطني فلوس !!!!

ما اقدر

استحي !!!

كبرت خلاص
لازم اعتمد على نفسي

[قطري في لندن]

مساء الخير


بشري اشلون كانت الرقده


وين بدور عينت حل ام الحلول

[وطن]

مساء الخير


بشري اشلون كانت الرقده


وين بدور عينت حل ام الحلول


:)

خذت لي قيلووولة طويله الحمدلله

بس للحين مافي حل رسمي للمشكلة

[بدور]

مساء الخير


بشري اشلون كانت الرقده


وين بدور عينت حل ام الحلول

:tooth::tooth::tooth:الحل عندي وانا ام هندي escape

ابشرك عطيتها الحل ونامت نو م العوافي :app2::app2:


:)

خذت لي قيلووولة طويله الحمدلله

بس للحين مافي حل رسمي للمشكلة

نوم العوافي

وطن لعنبوه من عرس من امس دمبكتهم ماهم بشر سكنهم مساكنهم

انزين انتي نمي وارتحتي وانا مرتاحه نروح الليله نطمش:app2: خاطري اصفق صدري ضايق:app::app2:

[وطن]

:tooth::tooth::tooth:الحل عندي وانا ام هندي escape

ابشرك عطيتها الحل ونامت نو م العوافي :app2::app2:



نوم العوافي

وطن لعنبوه من عرس من امس دمبكتهم ماهم بشر سكنهم مساكنهم

انزين انتي نمي وارتحتي وانا مرتاحه نروح الليله نطمش:app2: خاطري اصفق صدري ضايق:app::app2:



:unsure:


ليش هم ناويين يكملون الليلة؟

[بدور]

:unsure:


ليش هم ناويين يكملون الليلة؟


ايه الليله سهرتهم اطول من البارحه :polling::polling:ليلة خميسسسسسس

تعالي نروح :app2: فيني صفقه:app:

[وطن]

ايه الليله سهرتهم اطول من البارحه :polling::polling:ليلة خميسسسسسس

تعالي نروح :app2: فيني صفقه:app:

crazycrazycrazy

[المزواج]

اخاف زعلانه لانهم ما عزومك:dance:dance

[وطن]

اخاف زعلانه لانهم ما عزومك:dance:dance

تراها سمره

يعني حق رياييل اخوي

مو حق حريم

crazy



وحتى لو محد عزمني ما اهتم
لاني ما احب اروح اعراس

:wizard:

[الدوحي7]

ايه الليله سهرتهم اطول من البارحه :polling::polling:ليلة خميسسسسسس

تعالي نروح :app2: فيني صفقه:app:

خخخخخخخخخخخ

[بدور]

crazycrazycrazy

وشفيج قومي بس جهزي عمرج نروح

ها وطن كسبت الرهان وصلنا فوق طعش طعش :app2: وعدج والوعد وفيته


تراها سمره

يعني حق رياييل اخوي

مو حق حريم

crazy
وحتى لو محد عزمني ما اهتم
لاني ما احب اروح اعراس

:wizard:

وشو سمره :unsure: وخاصه للرياييل :nop:

انزين والليله شلون مو للحريم هالسمره خلينا نجرب نروح

مايسوى على راسج افتر مخج من هالتخبط :mad:


خخخخخخخخخخخ

تعال معانا فييك صفقه تعال

وخلص المهرجان وبتلاقي اللي ارقصو بالمهرجان هناك يكملون ترقصهم:tooth:

[بوحارب]

باااااااااااال 17 صفحة على موضوع عادي:unsure:

:cry::cry::cry:




ما عندي رد الصراحة

لكن بالتوفيق:unsure:

[وطن]

وشفيج قومي بس جهزي عمرج نروح

ها وطن كسبت الرهان وصلنا فوق طعش طعش :app2: وعدج والوعد وفيته



وشو سمره :unsure: وخاصه للرياييل :nop:

انزين والليله شلون مو للحريم هالسمره خلينا نجرب نروح

مايسوى على راسج افتر مخج من هالتخبط :mad:



تعال معانا فييك صفقه تعال

وخلص المهرجان وبتلاقي اللي ارقصو بالمهرجان هناك يكملون ترقصهم:tooth:

أنا أبي حل جذري للموضوع

مابي عدد الصفحات يزيد :nea:





باااااااااااال 17 صفحة على موضوع عادي:unsure:

:cry::cry::cry:




ما عندي رد الصراحة

لكن بالتوفيق:unsure:

ماعندك فكرة لو في قانون ينظم الموضوع ؟؟
اقصد موضوع الأعراس في وسط الفرجان

[بوحارب]

ماعندك فكرة لو في قانون ينظم الموضوع ؟؟
اقصد موضوع الأعراس في وسط الفرجان

اهااا:con2::con2:


الحين فهمت الموضوع:stop:

الحل يمنعون هذي الظاهرة من قبل البلدية

وتنبة على محلات الأعراس بعد نصب خيام الأعراس بين الفرجان

وهكذا

يمكن هذا أحسن أحل:nea:

بس اذا خلصنا من الأعراس بتطلع لنا حفلات الخطوبة:thumbdown:

:con2::con2::con2::con2:

[بدور]

باااااااااااال 17 صفحة على موضوع عادي:unsure:

:cry::cry::cry:

ما عندي رد الصراحة

لكن بالتوفيق:unsure:

انت منضول مافيك حيله جاتك عين ماصلت عالنبي

شوف لك حل بعدين تعال اكتب مثل هالموضوع يبه سهره مدري سمره سندروا وطن

انفخوا راسها وتقول موضوع عادي:spider::spider:


أنا أبي حل جذري للموضوع

مابي عدد الصفحات يزيد :nea:

الحل نروح الليله هالسمره ابي اعرف شسوون :pic::pic: واصور

[بوحارب]

انت منضول مافيك حيله جاتك عين ماصلت عالنبي

شوف لك حل بعدين تعال اكتب مثل هالموضوع يبه سهره مدري سمره سندروا وطن

انفخوا راسها وتقول موضوع عادي:spider::spider:




:unsure::unsure::unsure::unsure:

[بدور]

اهااا:con2::con2:


الحين فهمت الموضوع:stop:

الحل يمنعون هذي الظاهرة من قبل البلدية

وتنبة على محلات الأعراس بعد نصب خيام الأعراس بين الفرجان

وهكذايمكن هذا أحسن أحل:nea:

بس اذا خلصنا من الأعراس بتطلع لنا حفلات الخطوبة:thumbdown:

:con2::con2::con2::con2:

والحل بو حارب البنت وين تروح تنام سنداره:anger1: بنروح نشوفهم الحين

وشرايك اخوي تخاوينا :sneaky: ونسنعهم ونكسر سماعاتهم انت بطل وسكنهم مساكنهم

[وطن]

اهااا:con2::con2:


الحين فهمت الموضوع:stop:

الحل يمنعون هذي الظاهرة من قبل البلدية

وتنبة على محلات الأعراس بعد نصب خيام الأعراس بين الفرجان

وهكذا

يمكن هذا أحسن أحل:nea:

بس اذا خلصنا من الأعراس بتطلع لنا حفلات الخطوبة:thumbdown:

:con2::con2::con2::con2:

يا اخوي مافي قانون :(

الشرطة ما سوو لهم شي :(

ولا كلموهم












انت منضول مافيك حيله جاتك عين ماصلت عالنبي

شوف لك حل بعدين تعال اكتب مثل هالموضوع يبه سهره مدري سمره سندروا وطن

انفخوا راسها وتقول موضوع عادي:spider::spider:



الحل نروح الليله هالسمره ابي اعرف شسوون :pic::pic: واصور



هاهاهاهاهاها

روحي بروحج

انا كنت ابي اروح اهاوشهم امس
بس خفت بوكسينغ يصيدني وينزل صورتي في المنتدى


escape

[بوحارب]

والحل بو حارب البنت وين تروح تنام سنداره:anger1: بنروح نشوفهم الحين

وشرايك اخوي تخاوينا :sneaky: ونسنعهم ونكسر سماعاتهم انت بطل وسكنهم مساكنهم

شالسالفة بالضبط

العرس كم يوم :threaten:

ليكون مش مصدقين انهم عرسوا

الصراحة انا ما قدر أخاويكم:pardon:

مشغول حدي هالأيام:court:

[بدور]

يا اخوي مافي قانون :(

الشرطة ما سوو لهم شي :(

ولا كلموهم
هاهاهاهاهاها

روحي بروحج

انا كنت ابي اروح اهاوشهم امس
بس خفت بوكسينغ يصيدني وينزل صورتي في المنتدى


escape

الشرطه شافوا الدمبكه وراحو يتطمشون شسوون يعني:whistling:

خلاص هونت بوكسينغ يصور وينزل صورنا شوفوهو بنات المنتدى وين صدناهم فشله:oops:

[بوحارب]

يا اخوي مافي قانون :(

الشرطة ما سوو لهم شي :(

ولا كلموهم
escape

خلي حد من عطران الشوارب يروحلهم:threaten:

وأذا ما نفع معاهم !!!!!!

[وطن]

شالسالفة بالضبط

العرس كم يوم :threaten:

ليكون مش مصدقين انهم عرسوا

الصراحة انا ما قدر أخاويكم:pardon:

مشغول حدي هالأيام:court:

لا ما اظن انهم بيعيدونها الليلة
مصخت الصراحة !!!




الشرطه شافوا الدمبكه وراحو يتطمشون شسوون يعني:whistling:

خلاص هونت بوكسينغ يصور وينزل صورنا شوفوهو بنات المنتدى وين صدناهم فشله:oops:

الشرطة ما جاو اصلا
ولا تحركوا من مكانهم

[بدور]

:unsure::unsure::unsure::unsure: بوحربي وشفيك يبه:whistling:


شالسالفة بالضبط

العرس كم يوم :threaten:

ليكون مش مصدقين انهم عرسوا

الصراحة انا ما قدر أخاويكم:pardon:

مشغول حدي هالأيام:court:


العرس اسبوع يقول لك المعرس من 10 سنين يخطب ويردونه:pardon:

ماتشوف استخفوا ولعوزو وطن

انزين مشغول بصفقات الاراضي من قدك:wizard::spider:

[وطن]

خلي حد من عطران الشوارب يروحلهم:threaten:

وأذا ما نفع معاهم !!!!!!

مين عطران الشوارب؟


:o

[بوحارب]

لا ما اظن انهم بيعيدونها الليلة
مصخت الصراحة !!!




خلاص عيل ليش مكبرين السالفة

الموضوع هذا الظاهر ماله حل:spider:

[بدور]

وطن خلاص ضربنا الرقم القياسي :dance:dance:dance


نترك الساحه ونغير السالفه نخاف يحطون العين علينا:threaten::threaten:


بوحربي روح اشرب كرك:fight:

وطن قومي روحي المخده تناديج:D

والسلام عليكم ورحمة الله وبركاته:o

[بوحارب]

بوحربي وشفيك يبه:whistling:

:threaten::threaten:

بوحارب موب بوحربي:court:


العرس اسبوع يقول لك المعرس من 10 سنين يخطب ويردونه:pardon:

ماتشوف استخفوا ولعوزو وطن

انزين مشغول بصفقات الاراضي من قدك:wizard::spider:

هههههههههههههه

سكتي ذكرتيني في ربعي وصلوا 33 وما عرسوا ولا اخطبوا:spider:

لا وأنتي الصاجة مشغول أدور على أدوات التشطيب:whistling:

قل أعوذ برب الفلق:wizard:

[بوحارب]

مين عطران الشوارب؟


:o

الرجال:strong

[وطن]

خلاص عيل ليش مكبرين السالفة

الموضوع هذا الظاهر ماله حل:spider:

السالفة يا اخوي اني ابي حل جذري
ابي اعرف

هل في قانون

هل في تهاون في تطبيق القانون


ولا من الأساس السالفة سايبه!!!

[بوحارب]

بوحربي روح اشرب كرك:fight:


:o

والله حزته الحين:D

[بوحارب]

السالفة يا اخوي اني ابي حل جذري
ابي اعرف

هل في قانون

هل في تهاون في تطبيق القانون


ولا من الأساس السالفة سايبه!!!

تقريبا سايبه


للأسف

[وطن]

والله حزته الحين:D

http://farm3.static.flickr.com/2023/2231315796_41f347a18d_o.jpg

هذا هو الكرك
من نعيمي بكس



تقريبا سايبه


للأسف

:(

يعني مافي لهم قانون

خلاص
انا عرسي بسويه اسبوع

وكل ليلة في فريج

وخل الدوحة كلها تحتفل معاي


:strong

[بدور]

هههههههههههههه

سكتي ذكرتيني في ربعي وصلوا 33 وما عرسوا ولا اخطبوا:spider:

لا وأنتي الصاجة مشغول أدور على أدوات التشطيب:whistling:

قل أعوذ برب الفلق:wizard:

ايييييييه صج بوحارب نسييييييت:happy::happy:

مسرع من شهر بادي والحين تشطيب سيوله كبيره عندك خخخخخ:eek::eek::eek:

عيني بارده شوفها ما اعرف انضل:eek5::eek5::eek5:

[ابوعلي]

:spider::spider::spider::spider:

السااااااااااالفة طالت وتحولت من ازعاج الجيران الى كرك النعيمي والحين انتي تبين تعرسين وتزعجين الجيران :court::court::court:

[بوحارب]

http://farm3.static.flickr.com/2023/2231315796_41f347a18d_o.jpg

هذا هو الكرك
من نعيمي بكس

:pardon::pardon::pardon:

"]الصراحة احلى صورة في المنتدى:dance

ركزي على الصورة الرمزية بتحصلين قلاص كرك فيها[/COLOR]:strong


:(

يعني مافي لهم قانون

خلاص
انا عرسي بسويه اسبوع

وكل ليلة في فريج

وخل الدوحة كلها تحتفل معاي


:strong

مبروك مقدما

[بدور]

السالفة يا اخوي اني ابي حل جذري
ابي اعرف

هل في قانون

هل في تهاون في تطبيق القانون
ولا من الأساس السالفة سايبه!!!

انسي القانون والسالفه سايبه توج تدري:threaten:

ماتشوفين ياكلون البشر بس شاطرين يصفقونا مخالفات بالخطأ:spider:

[وطن]

:spider::spider::spider::spider:

السااااااااااالفة طالت وتحولت من ازعاج الجيران الى كرك النعيمي والحين انتي تبين تعرسين وتزعجين الجيران :court::court::court:

يا اخوي السالفة صارت سايبه
ولا لها قانون

خلنا نحتفل احنا بعد

مثل ما يزعجونا لين الفجر

نزعجهم

انت لو تدري شـ بعد مكان العرس عن بيتنا !!!!


تتعجب من قوة الصوت اللي واصلتني لين غرفتي !!!!


:court:

[وطن]

انسي القانون والسالفه سايبه توج تدري:threaten:

ماتشوفين ياكلون البشر بس شاطرين يصفقونا مخالفات بالخطأ:spider:

:eek3::eek3::eek3:



اطالب بقانون لحفظ الهدوووء في الفرجان
صباحاً ومساءاً

ترى والله اعاني



مو كافي ازعاج الصبح
لا بارك الله في العدو




:court:

[بوحارب]

ايييييييه صج بوحارب نسييييييت:happy::happy:

مسرع من شهر بادي والحين تشطيب سيوله كبيره عندك خخخخخ:eek::eek::eek:

عيني بارده شوفها ما اعرف انضل:eek5::eek5::eek5:

اوف بارده وااااايد:threaten:

الله يستر منكم

[بدور]

:eek3::eek3::eek3:

اطالب بقانون لحفظ الهدوووء في الفرجان
صباحاً ومساءاً

ترى والله اعاني

مو كافي ازعاج الصبح
لا بارك الله في العدو

:court:

انسي القانون وخليج معاي:whistling:

مالج الا يصير العرس في بيتكم ان شاء وتزعجونهم يا وطن:D

وحياتج 9 ايام مايتوقف الدق ولا السمره وطن شنو سمره:court:

[وطن]

انسي القانون وخليج معاي:whistling:

مالج الا يصير العرس في بيتكم ان شاء وتزعجونهم يا وطن:D

وحياتج 9 ايام مايتوقف الدق ولا السمره وطن شنو سمره:court:


لا مابي العرس في بيتنا
العرس في كل فريج يوم

:dance




السمره سألي الشباب عنها

هم يعلمونج



وتراني مصممه ع القانون

[بدور]

اوف بارده وااااايد:threaten:

الله يستر منكم

تحمل تقرب مني او تعلق علي او تهاوشني اها بس اها:spider:

تعال قرب :eek5::eek5::eek5::eek5:استلم بس تجربه

[بدور]

لا مابي العرس في بيتنا
العرس في كل فريج يوم

:dance

السمره سألي الشباب عنها

هم يعلمونج

وتراني مصممه ع القانون


يا ويل سكان الفريج ضحايا بيت وطن ذيك الليله :eek3:

وانا اللي اغني لو تسمعين صوتي وانا اغني كان الفريج راح في الازاله :fight:

انزين شباب تعالوا دوركم عندي سؤال وشو سمره

[قطري في لندن]

لحين مع الموضوع ياوطن

[وطن]

لحين مع الموضوع ياوطن

ايــــــــــــــه


لين يدش حد

ويعطينا قانون صريح وواضح
ينظم هالأمور في البلاد

:anger2:

[قطري في لندن]

ايــــــــــــــه


لين يدش حد

ويعطينا قانون صريح وواضح
ينظم هالأمور في البلاد

:anger2:


قانون شنو ان محد يسوي عرس في نص لاسبو ع ولا شنو


محد بي دش لاتعبين نفسج

[وطن]

قانون ينظم الازعاج في الفرجان
وسط البيوت

!!!!!

[قطري في لندن]

قانون ينظم الازعاج في الفرجان
وسط البيوت

!!!!!


في قانون بس بشكوه رسميه بفتح ملف بلاغ وكل شي


ويقلون الناس مانبي الفضايح


عشان جي حقكم يضيع

[وطن]

في قانون بس بشكوه رسميه بفتح ملف بلاغ وكل شي


ويقلون الناس مانبي الفضايح


عشان جي حقكم يضيع

والتلفون مو شكوى رسمية!!!

:sneaky:


ولا اطلع انا ويه الفجر اروح المركز عشان الشكوى الرسمية!!!!

مو كافي هم يجون عند العرس ويكلمونهم يقولون لهم سكروا يالله
وسط اسبوع وازعاج !!!

يعني لو دورية ماره
بدون شكوى
المفروض يطبقون القانون

:anger2:

[قطري في لندن]

والتلفون مو شكوى رسمية!!!

:sneaky:


ولا اطلع انا ويه الفجر اروح المركز عشان الشكوى الرسمية!!!!

مو كافي هم يجون عند العرس ويكلمونهم يقولون لهم سكروا يالله
وسط اسبوع وازعاج !!!

يعني لو دورية ماره
بدون شكوى
المفروض يطبقون القانون

:anger2:

وطن مافي شكوه رسميه عن طريق التلفون لازم احد فيكم يرح المركز ويقدم شكوه وياخذون اقواله

هاي تعتبر شكوه رسميه


مو من حق ادوريات يوقفون عرس بدون وجود شكوه رسميه ومشتكي من حقهم يوقون العرس قبل لاذان بشوي فقط

[وطن]

وطن مافي شكوه رسميه عن طريق التلفون لازم احد فيكم يرح المركز ويقدم شكوه وياخذون اقواله

هاي تعتبر شكوه رسميه


مو من حق ادوريات يوقفون عرس بدون وجود شكوه رسميه ومشتكي من حقهم يوقون العرس قبل لاذان بشوي فقط


:omg:


يعني شنو من حقهم يوقفون العرس الا قبل الأذان بشوي

واللي في الفريج كلهم ينزعجون وما ينامون لين اذان الفجر !!!!

يعني ثاني يوم الفريج ياخذ اجازة من الدوام
على حساب المعرس

:secret:

[قطري في لندن]

:omg:


يعني شنو من حقهم يوقفون العرس الا قبل الأذان بشوي

واللي في الفريج كلهم ينزعجون وما ينامون لين اذان الفجر !!!!

يعني ثاني يوم الفريج ياخذ اجازة من الدوام
على حساب المعرس

:secret:


والله محد قال لكم لاتقدمون شكوه رسميه :pic:

[وطن]

والله محد قال لكم لاتقدمون شكوه رسميه :pic:

اخوي
هذا مو حل
لازم في قانون

يطبق بدون شكوى رسمية

يا سلام

لو شايب ومريض
ولا عيوز مريضه بالبيت بروحهم وما عندهم عيال

منو يروح يقدم الشكوى الرسمية

الدريول !!!

[قطري في لندن]

اخوي
هذا مو حل
لازم في قانون

يطبق بدون شكوى رسمية

يا سلام

لو شايب ومريض
ولا عيوز مريضه بالبيت بروحهم وما عندهم عيال

منو يروح يقدم الشكوى الرسمية

الدريول !!!


هاي القانون في البلادج :oops:

[وطن]

البلادج = ؟؟

[ابوعلي]

الموضوع طول :whistling::whistling:

[قطري في لندن]

لك نيه اتسكره اخوي


احنه قاعدين اتناقش

[قطري في لندن]

البلادج = ؟؟

يس في ابلادج وسوري على الحروف الزايده :oops:

[وطن]

الموضوع طول :whistling::whistling:

طلعوا لي قانون رسمي بالأول


:sorry:

[الدوحه 2007]

انا منج اقوم البس و اروح العرس و حشر مع الناس عيد

[وطن]

انا منج اقوم البس و اروح العرس و حشر مع الناس عيد

كان عرس رياييل اخوي

وبعدين ورانا دوام
مافينا شدة أعراس
نبي قانون ينظم هالأعراس والحفلات بنص الاسبوع

مو بس انا اللي كنت متسندره يومها

ولازال المسلسل مستمر في جميع ارجاء البلاد

[BARBICAN]

سبحــــــان الله !!

أكثـــــر من 22 صفحــــــــة !

اكثــــــر من 215 رد !

عشــــــان وحده ماقدرت ترقد ،، مادري بضبط ليش يعني هالزخم الكبير من المشاركات !

عشانها تحت مسمى [ عضـــو مميز ] ،، صار هاالاهتمام كله ،،

وشفنا وضع حلول وخطط واستراتيجيات وفزعه ودق صدر ، وكلن يدلي بدلوه !

ياما نشووف مشاكل اكبر من هالشئ ،، واذا عضو عادي حط نفس هالموضوع كان شفت ردود غير شكل واستنكار واستهجان وشجب !!

موضوع عادي ،، عرس صاير في فريج .. الله يهني المعرس

صار نوع من الازعاج ،، معليه نتحمل والشكوى لله

شئ يضحك والله ،، والردود تضحك أكثر

همســـه :

ما أقصد راعية الموضوع بشخصها ، بس استغربت من الموضوع ، والمفروض هالنوع من المواضيع مصيرها قسم المحذوفات

لانها تكون تحت طائلة مواضيع الدردشه والشات

دمتم بود

[وطن]

سبحــــــان الله !!

أكثـــــر من 22 صفحــــــــة !

اكثــــــر من 215 رد !

عشــــــان وحده ماقدرت ترقد ،، مادري بضبط ليش يعني هالزخم الكبير من المشاركات !

عشانها تحت مسمى [ عضـــو مميز ] ،، صار هاالاهتمام كله ،،

وشفنا وضع حلول وخطط واستراتيجيات وفزعه ودق صدر ، وكلن يدلي بدلوه !

ياما نشووف مشاكل اكبر من هالشئ ،، واذا عضو عادي حط نفس هالموضوع كان شفت ردود غير شكل واستنكار واستهجان وشجب !!

موضوع عادي ،، عرس صاير في فريج .. الله يهني المعرس

صار نوع من الازعاج ،، معليه نتحمل والشكوى لله

شئ يضحك والله ،، والردود تضحك أكثر

همســـه :

ما أقصد راعية الموضوع بشخصها ، بس استغربت من الموضوع ، والمفروض هالنوع من المواضيع مصيرها قسم المحذوفات

لانها تكون تحت طائلة مواضيع الدردشه والشات

دمتم بود



اخوي ياريت قبل ما تسطر ردك

تفهم قصدي من الموضوع

لما نزلت الموضوع كنت ابي قانون واضح بخصوص الازعاج في الفرجان

للأسف تم نقله من العام للاستراحة

وطبعا لما يروح موضوع الاستراحة يحولونه الاعضاء لموضوع سوالف


وللحين ما وصلت للحل اللي ابيه

:court: