من ممكن يصلح الصبغ المتقشر غير كراجات الصناعية؟

[سعادة الوزير]

السلام عليكم ورحمة الله

عندي موتر فيه صبغ متقشر (في حدود 3 سم) وابي حد ممكن يصلح لي هالمكان بدون وجع راس الصناعية ، انا سمعت ان فيه محل اسمه الكريستال بطريق سلوى بس ماعرف مكانه وين بالضبط وبعد سمعت انه في محل في محطة المسيلة عنده هالسوالف ، محتاج لنصيحة اهل الخبرة.

للعلم البدي مافيه شي كلش ، الموضوع بس تصليح الصبغ او صبغ المكان المتقشر منه الصبغ بس.

[قطـــر 386]

السلام عليكم
الشيخ بتلقى محل في محطة بترول المسيله 00 شغلهم تمام

[سعادة الوزير]

مشكور يا قطر على الرد ، ممكن اسم المحل الله يطول لي بعمرك؟

[المارونـــي]

والله ياخوي انا جربت المسيله شغلهم مب ليهناك صبغت الصداديم والضربات اللي في الموتر وصار لونه باهت الصبغ بعد فتره الكريستال زين هو قريب من المعارض اذا ماخاب ضني حول معرض باريس بس اذا تبي تفك عمرك ولاتحاتي انه يختلف اللون عليك وده الصناعيه ابرك النورمندي او الكريستال او شركة الاوي والله يوفقك ان شاء الله

[وطن]

اخوي انا جربت اللي في المسيلة

شغله زين

جزء من السيارة سواه كأنه جديد

والجزء الثاني أي كلام

يعني خلك على راسه

وان شاء الله يطلع لك اياها تمام

:)

[سعادة الوزير]

مشكورين على الردود الطيبه.

انا باتوكل على الله وباوديه المسيله والله يستر. هو انا ناوي اصبغ الموتر كامل يمكن السنة الجايه.

جزاكم الله خير جميعاً.