برائة الطفولة

[قلب صادق]

السلام عليكم ورحمة الله وبركاته



http://es.geocities.com/cristalamistad/kimandersoncopy.jpg


يازين يوم اني انا وانتـي صغار
تو ما لبست شماغ وانتي عبــايه..

بالطول مانـــاصل ولا خمسة اشبار
دايم نقـــيس اطوالنا بالمرايــه..

مابيننـــا شيـــن نخبيــه واســـرار
ماغير لعب اطفال كل الحكايــه..

ماهمنا موجز ولا نشرة اخبــــار
التسليه صارت وسيله وغايــه..

وان جا فلم كرتون للقطو والفار
نجلس نتابع قصتــه للنهايـــه..

بالمدرسه نزعل على شان الاصفار
انتي سبب لعبك وانا من غبايـه..

ياما تهاوشنا على كيس فيشــار
انحاش به وافرح بطردك ورايه..

وان قلتي ياراشد ياويلك من النار
اخاف واستسلم وابين خطايـــه..

والى ضربتيني تقــل بيننــا ثــار
وان قلت كافي قلتي ماهو كفايه..

والى خلصتي ضرب بيمين ويسار
اخذتي الفيشار واللـي معايــه..

والى زعلت وقلت ابا اروح للدار
صحتي وقلتي اسفه يا غلايه..

واصدقك وافرح بعد ذيك الاعذار
واجيك لا حاقد والا احمل وشايه..

بس لو اشوفك مع بشر غيري اغار
لو كان اخوي أو من أعز اصدقايه..

واركض لخوك اقول شفها مع اكبار
عشان يفرض لي عليك الوصايه..

هــــذي طفولتـنا براءه وتذكـــار
دايم نحن اليا ذكرنا البدايــــه..

واليوم ابا اكتبها سواليف واشعار
وافكر انتجها بفـــلم وروايـــه..

http://www.gulfup.com/up/giffiles/yJ892478.gif


قصيده اعجبتني وحبيت نقلها لكم

من اميلي

ودمتم جميعا في حفظ الله ورعايته

[وخروا عن طريقها]

صح لسان قايلها وسلمت يمن ناقلها

[Al-sa7er]

قصيدة رائعة جدا,,

دائما مميز بمواضيعك واختياراتك :nice:

تسلم ايدك اخوي قلب صادق :)

[قلب صادق]

صح لسان قايلها وسلمت يمن ناقلها


جزاك الله خير على مرورك الكريم

[قلب صادق]

قصيدة رائعة جدا,,

دائما مميز بمواضيعك واختياراتك :nice:

تسلم ايدك اخوي قلب صادق :)


:shy:
جزاك الله خير اخي الساحر ودمت في حفظ الله ورعايته

[رفيق الغيم]

اختيار جميل
شكرا لك اخي قلب صادق

حفظك الرحمن ورعاك

[اكسجين]

يا سلام