افضل صالون رجالي للزواج ؟؟؟؟

[الواعد]

السلام عليكم

اولا: الكل مدعو لحفل زواجي بإذن الله في 10/2/2008 الأحد القادم

المكان : اللي بيحضر اكيد يرسل لي رسالة خاصة واوصفه مكان الحفل :nice: وحياكم الله

المهم بهالخصوص حبيت استفسر بخصوص الأستعداد ( الحلاق او الصالون )

ايش افضل صالون حلاقة رجالي لهالمناسبة ؟؟ وياليت اللي عنده خبرة يقول لي

بالتفاصيل بالضبط متى اسوي تنظيف للوجه بالضبط اي يوم يعني ؟؟

وهل لها لزمة حمام مغربي وماادري ايش بعد ؟ او مجرد تنظيف للوجه فقط ؟

ياليت المساعدة مانستغني عنكم :nice:

[الألماسي]

السلام عليكم

اولا: الكل مدعو لحفل زواجي بإذن الله في 10/2/2008 الأحد القادم

المكان : اللي بيحضر اكيد يرسل لي رسالة خاصة واوصفه مكان الحفل :nice: وحياكم الله

المهم بهالخصوص حبيت استفسر بخصوص الأستعداد ( الحلاق او الصالون )

ايش افضل صالون حلاقة رجالي لهالمناسبة ؟؟ وياليت اللي عنده خبرة يقول لي

بالتفاصيل بالضبط متى اسوي تنظيف للوجه بالضبط اي يوم يعني ؟؟

وهل لها لزمة حمام مغربي وماادري ايش بعد ؟ او مجرد تنظيف للوجه فقط ؟

ياليت المساعدة مانستغني عنكم :nice:


الـف الـف مبـروك يالواعـد ومنك المـال ومنها العيــال :D

انا اذكـر اغلب ربعــي سوو هـ البرنامج وانت براحتك تسويه او لأ : )

عرسك يوم 10-2 طبعا
قبلهــا بيــوم يعنـي يوم 9-2 روح فنــدق شــرق في نادي صحـــي اسمه (( سكـس سينـس ))
عندهـم تنظيـف البشـــره وهـ السوالــف وســو لك مره وحده مســاج وجاكوزي وريــلاكس قبــل العرس بيــوم امـا اذا تغاليــته فروح لنفــس الحــلاق اللـي اسمــه برلين بشارع بن عمران يسـوي تنـظيف بشــره

امـا الحـلاقه شعـر + لحيـــه فأنصحــك تــروح لحــلاق اسمــه برليـــن في شارع بن عمــران وتكلم شخـص اسمــه طــلال تلقى (( شعـره اصفـر )) :D
واحجز عنده قبلها بيومين وقولـه ابي اسوي تنظيف يوم 9-2 و ابي احلق يوم 10-2
طبعا الحلاقه مايبيلها شي والحلاق يفتح الساعه 9 الصبح وعندك اليوم كله

وتنظيـــف الوجــه نصيــحه لوجه اللـــه سوه بعـــد قبــل العرس بيـــوم لأن واحــد من رربعي سواه بيوم العرس ومسكين وجهه تــم احمـــر طول اليوم :D

[QAT2020]

الف مبروك ان شاء الله ..
والله يرزقك الذريه الصالحه ...

[Bin Hood]

الف الف مبروك اخوي

منك المال الحلال المبارك ومنها الذرية الصالحة ان شاء الله

انا الصراحة ما عرف مكان في قطر بس حبيت ابارك لك

[بروحي]

الف مبروك ان شاء الله ..

[صقر بلادي]

اول شي بالمبارك ياخوي

اخوي بخصوص الحلاق عندك صالون 2010 في الغرافة

بعد سوق الغرافة على اليمين

عند اللي تبيه

سو لك حمام مغربي وبتدعيلي

بس خل المغربي يسويلك اياه مب الفلبيني

والله يوفقك

[سوق واقف]

الف الف مبروك

[بو نيوفي]

السلام عليكم
اول شي مبرووووووك
انصحك تروح محل اسمه الجسم الامع بالقرب من دوار المول ثاني او ثالث فيلا بعد المحطه البترول
اثنين من الربع راحووووه ويقولون انه اوكيه
وانت لك الختيار تروح قبل بيوم او نفس اليوم لانه يحطون لك زيوت وعطورات حق الجسم
والموظف اللي هناك يقول ان اكثر الشباب ياخذون ثيابهم والبشت معاهم ويروحون القاعه على طول
وعلى فكره اسعاره زينه
اسف ع الايطاله ومبرووووك

[ALKASER]

اول شي اقول لك الف مبروك

ثاني شي انصحك تروح ليالي الدوحه ممتازين بس طبعا لازم تسوي موعد بالتلفون اول واسالهم عن الي يسوونه عندهم الشباب الي بيتزوجون بيقولك انا ما جربته بس شفت شباب كانوا يسوون عندهم وبالمبارك

ودي احضر عرسك بس بكون برع قطر

وبالمبارك مرة ثانية والله يوفقكم في حياتكم ويرزكم الزرية الصالحة

[العلي]

ااااااااااااااااااااااااااااالف مبروك

[PoBox]

اولا الف مبروك
وبارك الله لكما
وبارك عليكما وجمع بينكما على خير


والله انا اقول لا تسوي لا مغربي ولا بتاني

خلك ريلاكس احسن
حلاقة عادية شعر لحية وتنظيف طبيعي

ماراح يفرق اصلا ، الا شي نفسي داخلي
:o

[ANONYMOUS]

الف مبروك اخوي مقدما

والله يسعدكم ويرزقك الذريه الصالحه


نصيحتي.. تسوي تنظيف الوجه ماوجهه قبل العرس ب 3 ايام.. عشان مايصير وجهك احمر في اول ايام العرس.. خبرك وراك تصوير ماتصوير..

ونصيه ع الطاير

خلص كل امورك 100% قبل العرس ب 3 ايام

وهالـ 3 الايام الاخيره.. خذ لك غرفه في اي فندق.. وريلاكس.. لازم ترتاح قبل العرس.. وماتكون مضغوط يوم العرس..


اما وين.. مادري.. يعتمد من من الحلاليق يضبط التحديد.. المفروض يكون عندك خبره..


السلام عليكم

[خالي مشاعر]

اخوي بالنسبه للتنظيف تقدر اتروح الاماكن اللي قالولها لك الشباب
اما بالنسبه للحلاقه حلق عند الحلاق اللي دايما اتحلق عنده لانه بيكون عارف اللي تبيه بالضبط ماراح يبهدلك وخاصه ان هذا يوم مهم

[auto body]

الف مبروك
وتستاهل والفال لباقي الشباب

[بوسيف الهاجري]

اولا الف مبروك
وبارك الله لكما
وبارك عليكما وجمع بينكما على خير


والله انا اقول لا تسوي لا مغربي ولا بتاني

خلك ريلاكس احسن
حلاقة عادية شعر لحية وتنظيف طبيعي

ماراح يفرق اصلا ، الا شي نفسي داخلي
:o

زين لقيت واحد واحد مثلي لووووووووووول يوم عرسي بس تحديد لحيه وترتيب الشعر وياسلام مايحتاج اخر حلاوه ,,,, وهالسوالف ماعرف لها كلش

[قطر501]

الله يبارك لك اخوي
لكن مثل ماقال بعض الاخوان مافيها داعي حق كل هالسوالف روح الحلاق الي تعامل معاه وضبط أمورك وتوكل على الله ترى هالاشياء ماتزيد شي في المعرس مجرد ديكور شكلي

[العميد الركن]

الف مبروك ان شاء الله ..
والله يرزقك الذريه الصالحه ...

[لوردغاليري]

الله يبارلك لك

وتستاهل التوفيق

مقابل السيتي مبنى كبير اسمة بيا بول يسوون تنظيف للرجل واليد
والوجة وستيم للجسم خيالي وراقي

[ضوى]

اولا الف مبروك
وبارك الله لكما
وبارك عليكما وجمع بينكما على خير


والله انا اقول لا تسوي لا مغربي ولا بتاني

خلك ريلاكس احسن
حلاقة عادية شعر لحية وتنظيف طبيعي

ماراح يفرق اصلا ، الا شي نفسي داخلي
:o



:nice::nice::nice::nice:

[بوخالد911]

أنصحك بتنظيف الوجة مع تحديد اللحية
جرب أي حلاق تركي مثلا اللي بشارع العزيزية التجاري

وبالتوفييق اخوووي والله يبارك لك

[sulai6i]

السلام عليكم ..

الف مبروك على الزواج

انا اتذكر يوم عرسي رحت شارع نجمة وحددت اللحية بخمس ريالات ( على ايام ما كانت بخمس )
ولا سويت لا مساج ولا تنظيف بشرة ولا غيره .. خلك طبيعي على ما انت عليه احسن لك

الله يرزقك بالذرية الصالحة

[الواعد]

ألف شكر لكل من رد والله لايحرمني منكم ان شاءالله

وشكلي مثل ماقال البعض ماراح اسوي الا تنظيف للوجه فقط

والله كريم :nice: