شنو برامجكم يا شباب غير الاكل والمطاعم والكوفي شوبات

[Bin Hood]

السلام عليكم ورحمة الله وبركاته

شباب انا ملاحظ هالايام ان برامج الشباب صارة مطاعم + كوفي شوب + شوي سينما

انا الصراحة مليت من اكل المطاعم وقعدة الكوفي شوبات

ولو اني ما اروح الكوفي شوبات الا قليل

كل ما اطلع ويا الربع برامجنا تكون مثل اللي ذكرتهم فوق

في برامج غير نسويها ويا بعض بس لازم تكون مجموعة مثل

لعب كووووورة او طلعات البر

لكن الحين الوضع تغير الربع اللي منهم متزوج واللي يشتغل

فأصبحت هالبرامج صعبة نوعا ما

فحبيت اني اشوف برامجكم يا شباب , علا وعسى ان نستفيد منها

( ملاحظة : لا حد يقولي قعدة الميلس برنامج , نعم برنامج لكن اخر الليل واليوم منتهي تقريبا )


لكم من الود اعذبة

[التيما]

ماتبي برنامج من البنات ترا يفيدونك اكثر .. :happy:

[Bin Hood]

ماتبي برنامج من البنات ترا يفيدونك اكثر .. :happy:

الجود من الموجود

دام الشباب ما ردوا نتوا فيكم الخير والبركة

عاد مابي البرامج مالت البنات اللي ما منها فايدة

سوالف على التلفون وتسوق ( عبالكم ابلاش ) وغيرها من البرامج

[قطري في لندن]

اخوي سولك جدول اسبوعي في الوي كند


مثلا رحله حداق مقناص اسكوترات درجات في جداول واجد

حاليا جدولي كل اسبوع سيلين ((درجات وسكوترات )) او سفرا ت

[blueZircon]

موضوع حلو اخوي
بجد هاذي نقطه صارت تؤرق كل شاب عزوبي قطري
لكن هناك في اشياء كثيره ممكن الواحد يستفيد منها ويقضي وقته بفوائد كبيره
لكن بحكم ان احنا في بيئه (( قطريه )), اسغلال اوقات الفراغ اصبحت تملئها الترفيهات بجميع انواعها مثل السفر ورحلات البر والبحر وطلعات السينما والمطاعم,
بوجه نظري اشوف هالشئ خطأ
يجب تنويع البرامج واعطاء كل جانب وقت معين

انا عن نفسي اسوي لي جدول كل شهر على النحو الاتي

اقتناء كتاب لقرائته كل شهر , باليوم اقرى نص ساعه
الاكل بالمطاعم يوم واحد بالاسبوع او يومين بالكثير
السينما , طبعن اسبوعيا لاني من عشاقها
وطبعن الروتين اليومي هو الجلوس في الميلس مع الاهل والاصدقاء
وطبعن شئ مالنا غنا عنه وهو الجلوس على النت

[عبدالله الحميدي]

والله انا عن نفسي مشغوول طول ايام الدووام.

الخميس اروح مجلس الشباب.

الجمعه سيلين.

السبت يوم عائلي انطلع فيه ام العيال والعيال.

[شاهين]

السلام عليكم ورحمة الله وبركاته

شباب انا ملاحظ هالايام ان برامج الشباب صارة مطاعم + كوفي شوب + شوي سينما

انا الصراحة مليت من اكل المطاعم وقعدة الكوفي شوبات

ولو اني ما اروح الكوفي شوبات الا قليل

كل ما اطلع ويا الربع برامجنا تكون مثل اللي ذكرتهم فوق

في برامج غير نسويها ويا بعض بس لازم تكون مجموعة مثل

لعب كووووورة او طلعات البر

لكن الحين الوضع تغير الربع اللي منهم متزوج واللي يشتغل

فأصبحت هالبرامج صعبة نوعا ما

فحبيت اني اشوف برامجكم يا شباب , علا وعسى ان نستفيد منها

( ملاحظة : لا حد يقولي قعدة الميلس برنامج , نعم برنامج لكن اخر الليل واليوم منتهي تقريبا )


لكم من الود اعذبة


حرام عليك أخوي
Bin Hoodلو في الصيف بقول معذور لكن في هالجو البارد والمغيم
ماعندك عذر صدقني أخوي أقل شيء أنك تروح البر
وشبة الضو تكفي يــ Bin Hood
وخلك من المطاعم وعوار البطن والخساير
لا تصعبها وهي سهله كم كيلوا لحم وخيشة فحم
وتسويلك أحسن كباب وغوري الكرك يدخن أحذاك
ومش شرط أنك تقنص أو أتنوووور
كفايه طلعت البر
جرب وأنت مب خسران
بلا مطاعم وكوفي شوب
غرشة الماي بخمس ريال والله نصب:eek5:



ودمت بصحه وعافيه

[سداوي&مدريدي]

تعــال معــاي
صـدقني ماتــندم
ههههههه

:whistling:

[اّل ثاني 77]

تعــال معــاي
صـدقني ماتــندم
ههههههه

:whistling:

:funny::funny::funny::funny:
لايكون بتودي تدريبات نادي السد:protest:

[Bin Hood]

السموحة والعذر من الجميع بسبب التأخر على الرد

بسبب ان اللابتوب هب راضي يفتح الموقع

فضطريت اني اروح كوستا كوفي

[Bin Hood]

اخوي سولك جدول اسبوعي في الوي كند


مثلا رحله حداق مقناص اسكوترات درجات في جداول واجد

حاليا جدولي كل اسبوع سيلين ((درجات وسكوترات )) او سفرا ت

حبيب قلبي انت

انا من البحرين :discuss:

ثانيا ويني انا وين القنص ( معني قبلي ) والبحرين اصلا شعرفهم بالقنص

[Bin Hood]

موضوع حلو اخوي
بجد هاذي نقطه صارت تؤرق كل شاب عزوبي قطري
لكن هناك في اشياء كثيره ممكن الواحد يستفيد منها ويقضي وقته بفوائد كبيره
لكن بحكم ان احنا في بيئه (( قطريه )), اسغلال اوقات الفراغ اصبحت تملئها الترفيهات بجميع انواعها مثل السفر ورحلات البر والبحر وطلعات السينما والمطاعم,
بوجه نظري اشوف هالشئ خطأ
يجب تنويع البرامج واعطاء كل جانب وقت معين

انا عن نفسي اسوي لي جدول كل شهر على النحو الاتي

اقتناء كتاب لقرائته كل شهر , باليوم اقرى نص ساعه
الاكل بالمطاعم يوم واحد بالاسبوع او يومين بالكثير
السينما , طبعن اسبوعيا لاني من عشاقها
وطبعن الروتين اليومي هو الجلوس في الميلس مع الاهل والاصدقاء
وطبعن شئ مالنا غنا عنه وهو الجلوس على النت

تسلم اخيو على المرور وعلى الجدول الحلو

تقبل تحياتي

[Bin Hood]

والله انا عن نفسي مشغوول طول ايام الدووام.

الخميس اروح مجلس الشباب.

الجمعه سيلين.

السبت يوم عائلي انطلع فيه ام العيال والعيال.

الله يهنيك انت متزوج ومالي يومك

[سداوي&مدريدي]

:funny::funny::funny::funny:
لايكون بتودي تدريبات نادي السد:protest:

هههههههههههههههههه
لا شدعوه جي بتمللون اكثر
خخخخخخخخخخخ

[Bin Hood]

حرام عليك أخوي
Bin Hoodلو في الصيف بقول معذور لكن في هالجو البارد والمغيم
ماعندك عذر صدقني أخوي أقل شيء أنك تروح البر
وشبة الضو تكفي يــ Bin Hood
وخلك من المطاعم وعوار البطن والخساير
لا تصعبها وهي سهله كم كيلوا لحم وخيشة فحم
وتسويلك أحسن كباب وغوري الكرك يدخن أحذاك
ومش شرط أنك تقنص أو أتنوووور
كفايه طلعت البر
جرب وأنت مب خسران
بلا مطاعم وكوفي شوب
غرشة الماي بخمس ريال والله نصب:eek5:



ودمت بصحه وعافيه

الصراحة خوش برنامج بس طلعت البر يبلها يمعة شباب
والا هو برنامج ما عليه كلام
ذاك اليوم رتبت انا برنامج ويا الشباب حق بر غذا وعشى وشواي وسهرة
الصراحة البرنامج كان ممتاز لكن كثير منهم تعذروا ومنهم يه ومشى من وقت بحجة ان عند شغل

ومن ناحية اهم حرامية المطاعم فهم حرامية و 60 حرامية
خلني اسوي مطعم بس اما بعت الماي بدينار >>> اتغشمر بابيعة بربيتين ( 2 ريال )

[Bin Hood]

تعــال معــاي
صـدقني ماتــندم
ههههههه

:whistling:

وين بتوديني :eek5:

[Bin Hood]

:funny::funny::funny::funny:
لايكون بتودي تدريبات نادي السد:protest:

وانت الصاج شله بيوديني 60 داهية

[ANONYMOUS]

قبل الدوام روح اضرب حجر..


دوام..


في نص الدوام.. روح تريق.. وعطها براس..


عقب الدوام.. راس عالسريع



قيل.. لين قبل المغرب..

روح الشيشه..


واخيرا رد البيت..

:)

[..الاميرة..]

انزين انااا ابي برناااامج حق البنااات يصير .. :omen2:



تمللت من مواجهة الاب توب صراااحه .. :anger1:

[ANONYMOUS]

انزين انااا ابي برناااامج حق البنااات يصير .. :omen2:



تمللت من مواجهة الاب توب صراااحه .. :anger1:



خلج على برنامج افتح ياسمسم

[..الاميرة..]

خلج على برنامج افتح ياسمسم


ليش لين الحين بدر وانيس ما ماتواا !! :eek5:

[قطري هامور]

الجلسات اللي بالكورنيش خاصة قريب الشيراتون بصراحة توسع الصدر

[Bin Hood]

اشكر الجميع على المرور

بس شباب ابي برااامج هب كل الموضوع تعليقات


لكن بعد مشكورين

[ناصر العمادي]

والله ياخوي الدنيا كلها ملل ومهما سوينا بتظل ملل ...

بس انا من رايي انك تستفيد من يومك على النحو الأتي ...

تجلس الظهر مع هلك

العصر تطلع تمشي لمدة ساعه ( رياضه )

المغرب تصلي في المسجد وتقرأ قرآن لين صلاة العشا ...

بعدها تروح عند ربعك شوي ومع النت شوي .....

اليوم اللي بعده تغير في الجدول شوي .... تطلع البحر ... تروح السوق ... تحضر محاضره دينيه ...

مادري اذا الجدول يعجبك ... المشكله انك طلبت راي الشباب بس مب الشياب ... :nice:

الله يوفقك ويسعدك يارب

تحياتي لك

[حقيقه]

انزين والبنات شنو تنصحونهم فيه
تمللو من النت والسوق :anger1:

[ناصر العمادي]

انزين والبنات شنو تنصحونهم فيه
تمللو من النت والسوق :anger1:

يجلسون في البيت ويشوفون شغل البيت ويستغلون وقت فراغهم للعباده والتقليل من الذنوب من كثر الحش والنش في خلق الله ...:nice::nice::nice::nice:

او ان البنت تشوف لها شغله تفيدها مثل عمل أكسسوارات او تصميم أشياء او تعلم شغله مفيده وهم جالسين في البيت ...:nice::nice::nice:

أدري كلامي ماراح يعجب أي بنت ... بس حبيت أقول رأيي

الله يوفقكم يارب

[Bin Hood]

انزين والبنات شنو تنصحونهم فيه
تمللو من النت والسوق :anger1:

شوفي مسلسل باب الحارة
وسوي مثل ما يسون البنات

الصبح

قعدة من الفجر
تسوين الريوق وعقبها تشلين السفرة وتنظفين الصحون
وعقب الريوق تنظفين البيت والحوش
وعلى الضحى تطبخين الغدا
ولين ردوا الاهل من الشغل تنجبين الغدى
وعقب الغدا تشلين السفرة وتغلسين الصحون والجدر
العصر تقريبا فاضية ماعدا توجيب الضيوف
وتقريبا يستمر البرنامج في اليل على ماذكرته بالاعلى
من طبخ وغسيل وعلى هذا المنوال

وماتيي الساعة 8 الا انت راقدة علشان تقعدين الساعة 5 الفجر

بس كلمة حق اذا سويتي هالاشياء بتكونني رب بيت ممتازة للمستقبل (Perfect )
ويابخت اللي يظفر فيج

[Bin Hood]

والله ياخوي الدنيا كلها ملل ومهما سوينا بتظل ملل ...

بس انا من رايي انك تستفيد من يومك على النحو الأتي ...

تجلس الظهر مع هلك

العصر تطلع تمشي لمدة ساعه ( رياضه )

المغرب تصلي في المسجد وتقرأ قرآن لين صلاة العشا ...

بعدها تروح عند ربعك شوي ومع النت شوي .....

اليوم اللي بعده تغير في الجدول شوي .... تطلع البحر ... تروح السوق ... تحضر محاضره دينيه ...

مادري اذا الجدول يعجبك ... المشكله انك طلبت راي الشباب بس مب الشياب ... :nice:

الله يوفقك ويسعدك يارب

تحياتي لك

تسلم اخوي ناصر على هالبرنامج وعلى طلتك الكريمة

[عـنيـد قـطـر]

رووح الصخير وأجرلك مخيم مع الشباب في الويك اند بانشيات ووناسه واذا ماتبي

روح مجمع السيف السينما واذا متملل حدك رووح الشيشه الي في عراد عند الكراجات

عجيبه والله وود الابتوب معاك وايرلس ومعسل على كيفك وقعده خارجيه ماتتفوت في هالأيام

[Bin Hood]

رووح الصخير وأجرلك مخيم مع الشباب في الويك اند بانشيات ووناسه واذا ماتبي

روح مجمع السيف السينما واذا متملل حدك رووح الشيشه الي في عراد عند الكراجات

عجيبه والله وود الابتوب معاك وايرلس ومعسل على كيفك وقعده خارجيه ماتتفوت في هالأيام

بالنسبة للصخير برنامج حلو وممتاز :ok:

وبالنسبة للسيف صار لليهالة والميهلة واليبي يطلع فيها والمغازل طبعا :tease:

وكلللللللللللللللللله على الطل :anger1:

وبالنسبة للقهاوي فانا ما اشيش :discuss:

بس كأنك تقصد قهوة صدف !!!!!

[عـنيـد قـطـر]

صدقت هي الي انا اقصدها ....

ماتشيش وفي البحرين مشكله .... ولا يهمك لفه في الجفير الساعه 12.30 ولفتين في بوكواره

وعشا عند النشمي ولا الي في جنبه مال المشاوي الصراحه مشاويه على كيفك وهذا برنامج اليل

[Bin Hood]

صدقت هي الي انا اقصدها ....

ماتشيش وفي البحرين مشكله .... ولا يهمك لفه في الجفير الساعه 12.30 ولفتين في بوكواره

وعشا عند النشمي ولا الي في جنبه مال المشاوي الصراحه مشاويه على كيفك وهذا برنامج اليل

الحين صار الي ما يشيش في البحرين مشكلة :anger1:

[عـنيـد قـطـر]

لا يالغالي اضحك معاك انا بس اقولك لأن هذا البرنامج مالي في البحرين وانا اجي كل اسبوعين

3 ايام لدراسه ومتعود على هل الجدول واذا ماتشيش تمام احسن من الي يشيشون مع اني اشيش

بس لا تلومني من الملل واسمحلي على الاطاله والمرور يالغالي.....

[Bin Hood]

لا يالغالي اضحك معاك انا بس اقولك لأن هذا البرنامج مالي في البحرين وانا اجي كل اسبوعين

3 ايام لدراسه ومتعود على هل الجدول واذا ماتشيش تمام احسن من الي يشيشون مع اني اشيش

بس لا تلومني من الملل واسمحلي على الاطاله والمرور يالغالي.....

عزيز وغالي

وترى اذا احتجت شي من البحرين

ترانا بالشوفة اخوي

ولا يردك الا لسانك

[عـنيـد قـطـر]

ارحم الله والديك ماتقصر انت وهل البحرين ربعنا واهلنا

[زعيم الريان]

أنا أنصحك 1- إذا صليت الفجر في جماعه في المسجد بيكون هذا اليوم سعيييييد جدا" لك ينشرح صدرك
2-لبدنك عليك حق ولأهلك عليك حق فعط كل ذي حق حقه يعني لا يصير وقتك في هذا الشهر هو نفسه بعد شهر كله لف ودوران على الفاضي وين نتعشا ووين نتغدا ويين نضيع وقت لا ما فيه تضييع وقت
3-شوف لك مشروع صغير على قد حالك انت وكم واحد من المخلصين ربعك يعني مثلا" تجاره وشتغل فيها في وقت الفراغ تنتج أحسن من شخابيط الكلام ومنها تقدرون تتعشون ونتوا تخلصون الموضوع
4-طلع الوالده يوم فرحها ودها السوق ومشها وشتر لها هديه وشوف وشلون تدعي لك خل لها يوم خاص كل فتره وفتره
5- شوف خواتك جابلهم اهتم فيهم اسئلهم في شي قاصر عليهن مشهم وجيب لهم عشا في البيت
6- حد من اخوانك او ربعك محتاج مساعده لا تتهاون حاول تساعده بأي شي
7- سافر مع الشباب با البر عمره وستمتعوا هناك وضربوا مندي وردوا
8- حدد وقت لحضور المحاضرات الدينيه ووقت لقرأة كتاب ينفعك في الدنيا والأخره
10- إذا تعارض موعدك ووناستك مع ربك وصلاتك فترك ذالك فوالله لن تسعد إلا في الصلاه وذكر ربك وعلم ان التوفيق من الله
11- ضع في عقلك انك محاسب على الوقت فلا تضيع وقتك في معصيه اة ما يغضب الله
12- مارس رياضه سباحه رمايه ركوب الخيل او اي رياضه نافعه
13- رحله بريه مع غدا او عشا في البر
14- زور اقاربك وتفقد احوالهم
15- خذ الوالد ومشه وخله يستانس معاك
16-فكر وخطط حق مستقبلك يعني مو متزوج رتب على شان تتزوج وتعف نفسك
17- زور المرضى وروح للجهات الخيريه وترك بصمه لك تجدها امامك يوم القيامه
18- أمووووور كثير تقدر تشغل وقتك فيها بس انت تحرى الحلال وعلم ان الوناسه الأبديه بتكون في جنه عرضها السموات والأرض وحور عين واشجار وانهار من لبن ومن عسل لا تخطر على بال أحد والكيس الفطن من دان نفسه وعمل لما بعد الموت

[Bin Hood]

أنا أنصحك 1- إذا صليت الفجر في جماعه في المسجد بيكون هذا اليوم سعيييييد جدا" لك ينشرح صدرك
2-لبدنك عليك حق ولأهلك عليك حق فعط كل ذي حق حقه يعني لا يصير وقتك في هذا الشهر هو نفسه بعد شهر كله لف ودوران على الفاضي وين نتعشا ووين نتغدا ويين نضيع وقت لا ما فيه تضييع وقت
3-شوف لك مشروع صغير على قد حالك انت وكم واحد من المخلصين ربعك يعني مثلا" تجاره وشتغل فيها في وقت الفراغ تنتج أحسن من شخابيط الكلام ومنها تقدرون تتعشون ونتوا تخلصون الموضوع
4-طلع الوالده يوم فرحها ودها السوق ومشها وشتر لها هديه وشوف وشلون تدعي لك خل لها يوم خاص كل فتره وفتره
5- شوف خواتك جابلهم اهتم فيهم اسئلهم في شي قاصر عليهن مشهم وجيب لهم عشا في البيت
6- حد من اخوانك او ربعك محتاج مساعده لا تتهاون حاول تساعده بأي شي
7- سافر مع الشباب با البر عمره وستمتعوا هناك وضربوا مندي وردوا
8- حدد وقت لحضور المحاضرات الدينيه ووقت لقرأة كتاب ينفعك في الدنيا والأخره
10- إذا تعارض موعدك ووناستك مع ربك وصلاتك فترك ذالك فوالله لن تسعد إلا في الصلاه وذكر ربك وعلم ان التوفيق من الله
11- ضع في عقلك انك محاسب على الوقت فلا تضيع وقتك في معصيه اة ما يغضب الله
12- مارس رياضه سباحه رمايه ركوب الخيل او اي رياضه نافعه
13- رحله بريه مع غدا او عشا في البر
14- زور اقاربك وتفقد احوالهم
15- خذ الوالد ومشه وخله يستانس معاك
16-فكر وخطط حق مستقبلك يعني مو متزوج رتب على شان تتزوج وتعف نفسك
17- زور المرضى وروح للجهات الخيريه وترك بصمه لك تجدها امامك يوم القيامه
18- أمووووور كثير تقدر تشغل وقتك فيها بس انت تحرى الحلال وعلم ان الوناسه الأبديه بتكون في جنه عرضها السموات والأرض وحور عين واشجار وانهار من لبن ومن عسل لا تخطر على بال أحد والكيس الفطن من دان نفسه وعمل لما بعد الموت


جزاك الله خير

[السهم الذهبي]

بيض الله وجهك يازعيم الريان
كفيت ووفيت