المساعد الشخصي الرقمي

مشاهدة النسخة كاملة : موقف تعرضت له يوم الجمعة، فيلاجيو/المطاعم


Mishaal
04-02-2008, 06:18 PM
السلام عليكم ورحمة الله وبركاته

يوم الجمعة كالعادة بعد الصلاة أروح أنا مع هلي مطعم من المطاعم لتناول وجبة الغداء ..

صادف أننا رحنا فيلاجيو، بعد الصلاة مباشرة .. هناك المطاعم على أفى من يشيل

شفت وين يبون الأهل .. هني، هني، هني؟؟ في الأخير رسوا على فرايديز ..


المهم، قلت للقرسون في فرايديز يشوف لنا طاولة لـ6 أفراد .. قال لنا ننتظر ربع ساعة ..

قلنا مو مشكلة، أنتظرنا أكثر من ثلث ساعة .. وشفنا عايلة دفعت الفاتورة وبتقوم من الطاولة .. علما أن الطاولة فيها 4 كراسي ..

فقال لنا القرسون ثواني بنجيب لكم طاولة إضافية علشان تكفي لـ6 كراسي ..

قلت مو مشكلة .. التفت يمين ويسار.. ولهيت ثانيتين .. إلا والطاولة مأخوذة !! عليها عايلة !!

الصراحة أنا هني تنرفزت .. رحت للقرسون، وكلمته قال لي أنا آسف جداً الحين راح أكلمهم .. وأقول لهم أن في عايلة تنتظر من نص ساعة ..

راح وكلمهم .. ولا في فايدة ..

رحت كلمت المدير المصري هناك .. قلت له هذا مو اسلوب، في مثل انجليزي يقول first come first serve .. وهذي السياسة اللي تمشي عليها المطاعم الأمريكية .. وذلك لأن مافي نظام الحجز المسبق .. قال لي حاضر يا باشا دلوأتي أقول لهم ..

راح ورجع .. يقول لي دول أولالات زوق .. يعني بالعربي مايستحون على وجههم .. ما راضيين يقومون من على الطاولة ..

بلعت حرتي وقلت في نفسي الله لا يهنيهم .. بعدين استغفرت ربي .. وأمري لله

نطرنا 10 دقايق إلا والطاولة اللي جنب العايلة فضت .. انا ما طالعتهم ولا جابلت عليهم .. مهما كان أنا مع هلي وذاك الرجال قليل الحيا مع هله .. فإحتراما لهلي ما التفت عليهم ..

لكن أسمع الوالدة تقول لي أنهم من مساعة يطالعوننا بنظرة أحتقار .. ويتكلمون علينا ..

ليش؟؟ مادري !!

بصراحة موقف بط جبدي .. ولو أنه شبه سخيف .. لكن نطرة 50 دقيقة على الفاضي .. شيء يقهر .. ويطلعون في النهاية مو متربيين ويطالعوننا بخياس نفس ؟!!
sulai6i
04-02-2008, 06:23 PM
السلام عليكم ..

يوم الجمعة ما في أحلى من جمعة الأهل كلهم في البيت وياكلون من طباخ البيت
اللي صار لك شي صج يبط الجبد ... وخلاص اترك عنك المطاعم دام ما ايي من وراها الا عوار الراس والتنرفز


وهني وعافية
Mishaal
04-02-2008, 06:28 PM
السلام عليكم ..

يوم الجمعة ما في أحلى من جمعة الأهل كلهم في البيت وياكلون من طباخ البيت
اللي صار لك شي صج يبط الجبد ... وخلاص اترك عنك المطاعم دام ما ايي من وراها الا عوار الراس والتنرفز


وهني وعافية

مرحبا يالسليطي ..

أنا مع هلي أيام الإسبوع نتجمع يوميا على سفرة الغدا .. فالتغيير يكون الجمعة والسبت .. بحكم الإجازة

عادت أهلي أننا كل جمعة نروح مطعم، والسبت نتجمع بيت جدي ..

ومافي مره صادفنا هالموقف، ولا أي موقف شبيه ..

وهذول قلة قليلة اللي مايستحون على وجههم ..

الله يعافيك ويطول بعمرك يالطيب
ANONYMOUS
04-02-2008, 06:33 PM
كان رحت صوبهم

وسحبت الطاوله بالغصب

اللي مايستحي منك لاتستحي منه..


ولا نطرت لين يحطون الاكل فوقها.. وتقوم من مكانك تقلبها عليهم :)


سبحان الله في ناس ويوهم مكونه من طوفه.. لاتستحي.. ولا تخييل..
Mishaal
04-02-2008, 06:38 PM
كان رحت صوبهم

وسحبت الطاوله بالغصب

اللي مايستحي منك لاتستحي منه..


ولا نطرت لين يحطون الاكل فوقها.. وتقوم من مكانك تقلبها عليهم :)


سبحان الله في ناس ويوهم مكونه من طوفه.. لاتستحي.. ولا تخييل..

ياريال مالي بهالسوالف .. ولانيب راعي مشاكل خاصة وانا مع هلي ..

فما بغيت نظرات زباين المطعم علينا طول ماحنا جالسين ..

والله بلعت حرتي وجلست طول الوقت محترق :mad:

خلها على ربك بس ..

تسلم على المرور يالغالي،
اّل ثاني 77
04-02-2008, 07:34 PM
صر احة أهنيك على طولة بالك وصبرك ، صراحة ما اقدر اتحمل مثل هالمواقف يمكن أقلب الطاولة على رأسهم...
ALKASER
04-02-2008, 08:35 PM
الله المستعان صج ان لم تستحي فافعل ما شئت الله يهديهم بس وماجور اخوي على صبرك وحلمك والله يزيدك ويوفقك ويهديهم ادعيلهم بدال ماتدعي عليهم لان دعوة المظلوم مستجابة فبدال ما تدعي عليهم وما تستفيد شي وهم يصيدهم شي ادعيلهم باله\اية عسى ربي يهديهم
وسلام
وطن
04-02-2008, 08:40 PM
اخوي
انا لو تعرضت لنفس هالموقف
ما اقعد في المطعم من الأساس

ولا ارجع لهم بعد


لين عصبت خلاص
اتخذ موقف منهم
خالد32
04-02-2008, 08:52 PM
احيي فيك اخلاقك العاليه
و مثل ما قال لك الجرسون


دول أولالات زوق

اهم شي لا تحرق اعصابك و استانس
Mishaal
04-02-2008, 08:57 PM
صر احة أهنيك على طولة بالك وصبرك ، صراحة ما اقدر اتحمل مثل هالمواقف يمكن أقلب الطاولة على رأسهم...

يقول المثل: اتق شر الحليم إذا غضب ..

لكن الحمدلله تم السيطرة على الوضع ..

تسلم أخوي العزيز على مرورك ومداخلتك ..
Mishaal
04-02-2008, 08:59 PM
الله المستعان صج ان لم تستحي فافعل ما شئت الله يهديهم بس وماجور اخوي على صبرك وحلمك والله يزيدك ويوفقك ويهديهم ادعيلهم بدال ماتدعي عليهم لان دعوة المظلوم مستجابة فبدال ما تدعي عليهم وما تستفيد شي وهم يصيدهم شي ادعيلهم باله\اية عسى ربي يهديهم
وسلام

جزاك الله خير على النصيحة الهادفة .. الله يهديهم إن شاء الله

وهالفئة قليلة جدا مايهمها إلا نفسها ..

والله يكتب لنا ولك الأجر والثواب ..

تسلم أخوي العزيز على المرور والمشاركة ..
Mishaal
04-02-2008, 09:02 PM
اخوي
انا لو تعرضت لنفس هالموقف
ما اقعد في المطعم من الأساس

ولا ارجع لهم بعد


لين عصبت خلاص
اتخذ موقف منهم

المشكلة القرار مو فردي .. بل جماعي

أخواني وهلي قالوا فرايديز .. وما حبيت أخالفهم

وتتوقعين بعد نطرة 40 دقيقة .. نمشي وندور لنا مطعم ثاني :( ؟؟؟
Mishaal
04-02-2008, 09:04 PM
احيي فيك اخلاقك العاليه
و مثل ما قال لك الجرسون


دول أولالات زوق

اهم شي لا تحرق اعصابك و استانس

ما عليك زود طال عمرك ..

المشهد والمشكلة عدت والحمدلله .. لكن موقف صغير مثل هذا ممكن يعكر الطلعة كلها ..

وهذا اللي حصل معي ..

تسلم أخوي الغالي على المشاركة ..
أمة الله
04-02-2008, 09:06 PM
الله يعينك آنا تغصصت اشلون انت! بس الله يكملك بعقلك وحلمك ان شاء الله و زين ما سويت لأن هلك كانوا معاك بس لو كنتوا شباب بنفسكم عطهم على راسهم :anger3:

مره صار لي تقريباً نفس الشي....كنت رايحه السوق و زززززحمه تميت ألفلف اشكثر لين ماشفت واحد بيحرك فتميت أنتظره وفجأه إلاّ جاي واحد ما يستحي وخذ الموقف بكل وقاحه وقلة أدب! مع اني كنت معطى اشاره و واقفه بس صج قلة ذوق......صف سيارته ونزل هو وعياله مدري ربعه .... لاااااااا ويشوفني بعد بدون حيا ولا مستحى! :mad:
امل الحب
04-02-2008, 09:09 PM
احيييك على طولة بالك

لا وانا منك سويت لهم مصيبة هناك

دم ضروسي الناس الي ماتستحي ابد ولاحتى تحترم وجودك
BURBERRY
04-02-2008, 09:24 PM
انا احييك على طولت بالك و حلمك..

المفرووض مدير المطعم مايطلب لهم الطلب ..

بس لو صار لي هالموقف .. ما أرجع لهالمطعم ابدا ً
miss-qatr
04-02-2008, 10:10 PM
صج ناس ماعندهم برستيج ولا احتراااام وعلشان شنو ؟؟؟؟؟ أكل


استغفر الله اكره شي لين جووك ناس مايستحون وانت انسان ماتحب اتنزل من مستواك الاخلاقي


بس اللي قال ادعيلهم بالهدايه........ مااظن راح ادعيلهم :tooth:


تحياااتي لك اخوي
hamoor4ever
04-02-2008, 10:22 PM
اذا تبي الصج الشرهه ع المطعم اكثر والمفروض انهم يرفضون يخدمونهم ،، لكن صراحه في ناس الوقاحه في دمهم ، فعادي خل امورك سهالات وخلك اكبر منهم ،، ولو انا مكانك عملت مشكله للمطعم نفسه لكن اذا حسيت ان السالفه بتاخذ اكبر من حجمها مره ثانيه ماراح ارجع للمطعم هاذه . بس فعلا في ناس وقحه واحييك ع صبرك اخوي .
واسمحولي ع وصفهم جذيه لكن هاذه اقل شي ممكن اقوله عنهم يعني رجال جاي قبلكم تسون فيه جذيه .
شيزكيك
04-02-2008, 11:05 PM
اكره شي الناس الي ما عندهم ذوق يعني اشفيها لو الواحد تعامل مع الناس بذوق ورقي اشلون هناهم

اكلهم وهم ماخذين حق غيرهم
فهد الخاطر
04-02-2008, 11:14 PM
الله بيجازيك بالخير لانك تمالكت اعصابك لو انا مكانك ويحتقروني صدقني لخليهم ضحك في المطعم
لكن مقيوله اذا ما تستحي..............................
بوحمد2
04-02-2008, 11:25 PM
لومنك تدري شبسوي؟؟؟؟؟؟؟؟؟؟؟؟؟؟؟؟
بوصل هلي الموتر وباقولهم انا بارتكب جريمه وبصف الموتر بالريوس .
وبترقب اول مايوصل طلبهم على الطاوله بنقض على الطاوله وباقلبها عليهم وشرده على طول .......وباطبق المثل الي يقول الشرده نص المرجله..اشرايكم
التيما
05-02-2008, 12:04 AM
اخوي
انا لو تعرضت لنفس هالموقف
ما اقعد في المطعم من الأساس

ولا ارجع لهم بعد


لين عصبت خلاص
اتخذ موقف منهم

انا بعد بطلع ومب راده لهم :strong .. اليوم صار موقف بعد في مواقف الاند مارك قطري مع بنت صغيرة يعبر الشارع رايح سيارته وتجيه سياره شباب بقو يدعمونه مو قطريين ومب حاطه جنسيتهم عشان ما يقولون اسبب حساسيه .. الا الأب يأشر لهم ما تشوفون ؟ تخيلو وقفوا السياره ونزلو ثلاثتهم دزو الأب وكانو بيتضاربون وياه لولا فزعة الشباب القطريين الي ماقصرو اضربوهم ضرب :happy: طيبو خاطري :oops:
أمة الله
05-02-2008, 12:13 AM
انا بعد بطلع ومب راده لهم :strong .. اليوم صار موقف بعد في مواقف الاند مارك قطري مع بنت صغيرة يعبر الشارع رايح سيارته وتجيه سياره شباب بقو يدعمونه مو قطريين ومب حاطه جنسيتهم عشان ما يقولون اسبب حساسيه .. الا الأب يأشر لهم ما تشوفون ؟ تخيلو وقفوا السياره ونزلو ثلاثتهم دزو الأب وكانو بيتضاربون وياه لولا فزعة الشباب القطريين الي ماقصرو اضربوهم ضرب :happy: طيبو خاطري :oops:

ابعــــــــــــــــــــدي والله .... عفيه عليهم يعّل عدوهم الكسر ان شاء الله....عيون عالفاااضي ما يشوفون!
سهم مديون
05-02-2008, 12:18 AM
اخي مشعل القضية قضية مبدا لو رحت لهم مثلا وقلت لهم ياجماعة احنا لنا الاولوية في الجلوس وصار لنا ساعة يمكن يستحون ويقومون من الطاولة وهم صاغرين بس هم شافوكم ساكتين ماتكلمتم وماصدقو خبر .
فاانا احييك على سعة البال
التيما
05-02-2008, 12:23 AM
اخت مشاعل القضية قضية مبدا لو رحتي لهم مثلا وقلتي لهم ياجماعة احنا لنا الاولوية في الجلوس وصار لنا ساعة يمكن يستحون ويقومون من الطاولة وهم صاغرين بس هم شافوكم ساكتين ماتكلمتم وماصدقو خبر .
فاانا احييك على سعة البال

:whistling:
Mishaal
05-02-2008, 12:24 AM
الله يعينك آنا تغصصت اشلون انت! بس الله يكملك بعقلك وحلمك ان شاء الله و زين ما سويت لأن هلك كانوا معاك بس لو كنتوا شباب بنفسكم عطهم على راسهم :anger3:

مره صار لي تقريباً نفس الشي....كنت رايحه السوق و زززززحمه تميت ألفلف اشكثر لين ماشفت واحد بيحرك فتميت أنتظره وفجأه إلاّ جاي واحد ما يستحي وخذ الموقف بكل وقاحه وقلة أدب! مع اني كنت معطى اشاره و واقفه بس صج قلة ذوق......صف سيارته ونزل هو وعياله مدري ربعه .... لاااااااا ويشوفني بعد بدون حيا ولا مستحى! :mad:

بالفعل موقف يقهر ..

أنا مره سوتها فيني وحده ..

كنت أنتظر سيارة تريوس، وفجأه من تحت الأرض، طلعت لي وحده وصفت في الموقف ..

نزلت الدريشة وقلت لها بهدوء: أختي أنا كنت مأشر انتظر الموقف .. قالت لي روح دور غيره ..!! انا تعوذت من ابليس وحركت :anger2:

يعني صحيح قليلة حيا ومو متربية ..!!

الله يعين الجميع على هالفئة الشاذة ..

تسلمين أختي الكريمة على المشاركة .. والمداخلة المثرية :)
Mishaal
05-02-2008, 12:27 AM
احيييك على طولة بالك

لا وانا منك سويت لهم مصيبة هناك

دم ضروسي الناس الي ماتستحي ابد ولاحتى تحترم وجودك

أنا اللي ذبحني زيادة أنهم حاقدين علينا ..

يعني بعد هالنطرة كلها .. يتكلمون علينا ويقزون ويطالعوننا بنظرات ..

واحنا حاقرينهم ولا كأن شيء صاير .. لكن من داخلي محتررق والله .. :sorry:

الله يهديهم ..

تسلمين أختي العزيزة على المشاركة ..
hich
05-02-2008, 12:29 AM
بدون زعل أخوي ماعندك سالفه تودي هالك الى مثل هالمطاعم المختلطه الله يهديك ويهدينا
Mishaal
05-02-2008, 12:30 AM
انا احييك على طولت بالك و حلمك..

المفرووض مدير المطعم مايطلب لهم الطلب ..

بس لو صار لي هالموقف .. ما أرجع لهالمطعم ابدا ً

الله يحييك ويبقيك يالطيب ..

وأنا لو دواي في فرايديز .. ما أطبه مره ثانية ..

والمدير ما له ذنب باللي حصل .. اللوم بكبره على العايلة اللي ماتستحي على وجهها ..

تسلم يالغالي على المرور ..
Mishaal
05-02-2008, 12:34 AM
صج ناس ماعندهم برستيج ولا احتراااام وعلشان شنو ؟؟؟؟؟ أكل


استغفر الله اكره شي لين جووك ناس مايستحون وانت انسان ماتحب اتنزل من مستواك الاخلاقي


بس اللي قال ادعيلهم بالهدايه........ مااظن راح ادعيلهم :tooth:


تحياااتي لك اخوي

بالفعل مايستحون على وجههم ..

الوالدة قعدت تقول لي "الحقران يقطع المصران" وهم يطالعونا ويتكلمون علينا لأننا حاقرينهم ..

لكن في النهاية شيء يقهر .. وبالفعل يقطع المصران :court:

ألف شكر على المرور يالطيب :)
سهم مديون
05-02-2008, 12:35 AM
:whistling:

برافو :strong
Mishaal
05-02-2008, 12:38 AM
اذا تبي الصج الشرهه ع المطعم اكثر والمفروض انهم يرفضون يخدمونهم ،، لكن صراحه في ناس الوقاحه في دمهم ، فعادي خل امورك سهالات وخلك اكبر منهم ،، ولو انا مكانك عملت مشكله للمطعم نفسه لكن اذا حسيت ان السالفه بتاخذ اكبر من حجمها مره ثانيه ماراح ارجع للمطعم هاذه . بس فعلا في ناس وقحه واحييك ع صبرك اخوي .
واسمحولي ع وصفهم جذيه لكن هاذه اقل شي ممكن اقوله عنهم يعني رجال جاي قبلكم تسون فيه جذيه .

هم يبوننا نطالعهم ونكبر الموضوع ..

لكن هذا اللي ماحصلوه .. ولا حسسناهم أننا متضايقين ..

أنا قمت اسولف واضحك ولا طالعتهم :strong

الله يسامحهم ..

تسلم يالهامور على هالمشاركة والمداخلة القيمة ..
Mishaal
05-02-2008, 12:40 AM
اكره شي الناس الي ما عندهم ذوق يعني اشفيها لو الواحد تعامل مع الناس بذوق ورقي اشلون هناهم

اكلهم وهم ماخذين حق غيرهم

بالضبط !

شفيها لو قاموا واتبعوا النظام ..

بالعكس بيكبرون في عيوننا .. لكن صحيح "اللي اختشوا ماتوا" ..!!

الف شكر أختي شيز كيك على المرور ..
Mishaal
05-02-2008, 12:43 AM
الله بيجازيك بالخير لانك تمالكت اعصابك لو انا مكانك ويحتقروني صدقني لخليهم ضحك في المطعم
لكن مقيوله اذا ما تستحي..............................

آمين ويجازيك كل خير يالطيب ..

وأزيدك من الشعر بيت .. عيالهم جايبين أكل من ماكدونالد ياكلون في فرايديز ..!

يعني بالفعل همج ..!!

تسلم يا فهد على مرورك ..
بوخالد911
05-02-2008, 12:44 AM
موقف صعب
بس قبل ما اطلع من المطعم ؛ باقوووله كم كلمة جامدة للريال + صاحب المطعم
يعني ((( باقووول كلمتي وأمشي )))
Mishaal
05-02-2008, 12:45 AM
لومنك تدري شبسوي؟؟؟؟؟؟؟؟؟؟؟؟؟؟؟؟
بوصل هلي الموتر وباقولهم انا بارتكب جريمه وبصف الموتر بالريوس .
وبترقب اول مايوصل طلبهم على الطاوله بنقض على الطاوله وباقلبها عليهم وشرده على طول .......وباطبق المثل الي يقول الشرده نص المرجله..اشرايكم

هههههههههههههههه الله يقطع ابليسك ..

أتخيل سويت هالموقف فيهم .. لكن الحمدلله ما نزلت مستواي لمستواهم ..

على العموم الله يصلحهم ..

تسلم يالطيب على مرورك ..
على قد حالها
05-02-2008, 12:45 AM
انا بعد بطلع ومب راده لهم :strong .. اليوم صار موقف بعد في مواقف الاند مارك قطري مع بنت صغيرة يعبر الشارع رايح سيارته وتجيه سياره شباب بقو يدعمونه مو قطريين ومب حاطه جنسيتهم عشان ما يقولون اسبب حساسيه .. الا الأب يأشر لهم ما تشوفون ؟ تخيلو وقفوا السياره ونزلو ثلاثتهم دزو الأب وكانو بيتضاربون وياه لولا فزعة الشباب القطريين الي ماقصرو اضربوهم ضرب :happy: طيبو خاطري :oops:




ويعه الله ياخذهم هاي اللي يقهر يستشيخون هني :anger2:
لكن زين سوو فيهم ولو فصخوهم واذبحوهم من البرد جان ابرك بعد:fight:



اخوي هذول ناااااس متخلفين وهمج على قولة الاخوان بس والله احييك على سعة صدرك لاني لو منك صح بحتر وبسكت لكن لو قربت منهم احس اني بقط عليهم جم كلمه ابرد فيها حرتي !!!!!!!! بس هم الغلط على المطعم هم لازم ينسقون هالمواضيع
Mishaal
05-02-2008, 12:47 AM
انا بعد بطلع ومب راده لهم :strong .. اليوم صار موقف بعد في مواقف الاند مارك قطري مع بنت صغيرة يعبر الشارع رايح سيارته وتجيه سياره شباب بقو يدعمونه مو قطريين ومب حاطه جنسيتهم عشان ما يقولون اسبب حساسيه .. الا الأب يأشر لهم ما تشوفون ؟ تخيلو وقفوا السياره ونزلو ثلاثتهم دزو الأب وكانو بيتضاربون وياه لولا فزعة الشباب القطريين الي ماقصرو اضربوهم ضرب :happy: طيبو خاطري :oops:

بيض الله وجههم أهل قطر .. مايقصرون وقت الفزعة :o

وهذول همج مايستحون على وجههم .. ومثل ما قال مدير المطعم "أولالات زوء" ..

وهالمطعم ولا عاد أطبّه ...!

تسلمين أختي التيما على هالمشاركة ..
Mishaal
05-02-2008, 12:49 AM
اخي مشعل القضية قضية مبدا لو رحت لهم مثلا وقلت لهم ياجماعة احنا لنا الاولوية في الجلوس وصار لنا ساعة يمكن يستحون ويقومون من الطاولة وهم صاغرين بس هم شافوكم ساكتين ماتكلمتم وماصدقو خبر .
فاانا احييك على سعة البال

أخوي أنا مع هلي، والرجال مع أهله ..

فما أقدر أروح أتناطل معاه قدام هله، وأقول له لنا الأولوية ..

وهم ما استحوا وطالعونا بنظرات تتوقع منهم يستحون ويقومون من الطاولة .؟


الله يحييك ويبقيك يالغالي .. وتسلم على المرور ..
الصيـاد
05-02-2008, 12:54 AM
هذا مطعم مو جمعية خيرية ويقولك من سبق لبق وانا ما الومهم

من حقهم يصروا بالجلوس لانهم اجلسوا بالاول

والمفروض تسحب نفسك من ارض المعركة :fight: لحفظ ماء الوجة

مو تلفظ انفاسك الاخيرة:rolleyes2: جنبهم
Mishaal
05-02-2008, 12:54 AM
بدون زعل أخوي ماعندك سالفه تودي هالك الى مثل هالمطاعم المختلطه الله يهديك ويهدينا

يهدينا ويهديك.

لاهوب عيب او حرام .. الحمدلله جالسين بإحترامنا وبأدبنا ..

لين متى الواحد يتم مسكر على نفسه وعايش في القرن الحجري ..؟؟

ليش أنت ماتسافر وتودي هلك مطاعم ومجمعات ؟؟ ولو جوابك لا، فالله يعينهم ..

الشباب يتواجدون حتى في أركان العائلات فقط اللي في بعض المطاعم .. يعني كل المطاعم مختلطة .. مافي مطعم للرجال وثاني للنساء ..

وإذا كنت أنت تشوف: شلون هلي يتواجدون في مكان فيه رجاجيل؟؟ فالرجاجيل بيكونون حتى في أماكن العائلات ..

والموقف اللي صادني مع عائلة !!

بعدين أنا موديهم مطعم .. مو ملهى ليلي ..

على العموم وجهة نظر أحترمها ..!
Mishaal
05-02-2008, 12:59 AM
موقف صعب
بس قبل ما اطلع من المطعم ؛ باقوووله كم كلمة جامدة للريال + صاحب المطعم
يعني ((( باقووول كلمتي وأمشي )))

مافيها قط كم كلمة وأطلع ..

يمكن يتفاقم الوضع وأنا سلاحي يدي ..

فالواحد يتقي شر الشيطان .. ويسكت أبرك له ..

الله يهديهم إن شاء الله .

تسلم يابوخالد على المشاركة .. وعلى مرورك يالطيب ..
Mishaal
05-02-2008, 01:01 AM
ويعه الله ياخذهم هاي اللي يقهر يستشيخون هني :anger2:
لكن زين سوو فيهم ولو فصخوهم واذبحوهم من البرد جان ابرك بعد:fight:



اخوي هذول ناااااس متخلفين وهمج على قولة الاخوان بس والله احييك على سعة صدرك لاني لو منك صح بحتر وبسكت لكن لو قربت منهم احس اني بقط عليهم جم كلمه ابرد فيها حرتي !!!!!!!! بس هم الغلط على المطعم هم لازم ينسقون هالمواضيع

خليها على ربج ..

وفي الأخير هم بينوا لنا أنهم متضايقين ..

وكأننا أحنا جلسنا مكانهم ..

صحيح الحقران يقطع المصران :taunt:

تسلمين يالطيبة على المرور ..
Mishaal
05-02-2008, 01:03 AM
هذا مطعم مو جمعية خيرية ويقولك من سبق لبق وانا ما الومهم

من حقهم يصروا بالجلوس لانهم اجلسوا بالاول

والمفروض تسحب نفسك من ارض المعركة :fight: لحفظ ماء الوجة

مو تلفظ انفاسك الاخيرة:rolleyes2: جنبهم

أخوي أحنا مو في شبره ..

كنا في مطعم .. وسياسة المطعم أنك توقف بالدور ..

ولو اللي سووه صح. ماكان تدخل المدير وحاول يقومهم من الطاولة ..

وإن كان اسلوبك مثل اسلوبهم .. ويجلسون مكان غيرهم فأنصحك تغير من طبعك .. والنصيحة بجمل وأخوية !!

لأنه اسلوب منفر .. :)

الله يهدي الجميع ..

وتسلم على المشاركة
Index Signal
05-02-2008, 01:36 AM
ماقدر أوصف لكم شعوري في هاللحظه..

أنا في مثل هالمواقف مخي يفصل و أصير شخص ثاني..

الله رحمهم يوم إنهم طاحوا في شخص حليم مثلك..

لو طايحين في غيرك كان علومهم علوم.
التيما
05-02-2008, 01:48 AM
ماقدر أوصف لكم شعوري في هاللحظه..

أنا في مثل هالمواقف مخي يفصل و أصير شخص ثاني..

الله رحمهم يوم إنهم طاحوا في شخص حليم مثلك..

لو طايحين في غيرك كان علومهم علوم.

:funny::funny:
على قد حالها
05-02-2008, 02:35 AM
ماقدر أوصف لكم شعوري في هاللحظه..

أنا في مثل هالمواقف مخي يفصل و أصير شخص ثاني..

الله رحمهم يوم إنهم طاحوا في شخص حليم مثلك..

لو طايحين في غيرك كان علومهم علوم.




يا جامد انت:sneaky:
الدوحي7
05-02-2008, 02:41 AM
ليش الناس كذا تغيروا كلن يناحس الثاني في الشارع في المطعم في الدوااام في في وفي ليش ليش ياناس ،، بتاخذ حقك يوم لحساب ان شاء الله وسامحهم والمسامح بياخذ شي طيب عند الله ان شاء الله،،
miss-qatr
05-02-2008, 06:40 AM
بدون زعل أخوي ماعندك سالفه تودي هالك الى مثل هالمطاعم المختلطه الله يهديك ويهدينا


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
عذب الكلام 1
05-02-2008, 11:47 AM
الله يسامحك تخلي اكل البيت والجمعه واتروح المطعم الغالى على الفاضى صحن خاروف كامل ارحم من فرايديس
بواسطة
05-02-2008, 12:27 PM
صر احة أهنيك على طولة بالك وصبرك ، صراحة ما اقدر اتحمل مثل هالمواقف يمكن أقلب الطاولة على رأسهم...

:thumbup:
وطن
05-02-2008, 12:49 PM
الله يعينك آنا تغصصت اشلون انت! بس الله يكملك بعقلك وحلمك ان شاء الله و زين ما سويت لأن هلك كانوا معاك بس لو كنتوا شباب بنفسكم عطهم على راسهم :anger3:

مره صار لي تقريباً نفس الشي....كنت رايحه السوق و زززززحمه تميت ألفلف اشكثر لين ماشفت واحد بيحرك فتميت أنتظره وفجأه إلاّ جاي واحد ما يستحي وخذ الموقف بكل وقاحه وقلة أدب! مع اني كنت معطى اشاره و واقفه بس صج قلة ذوق......صف سيارته ونزل هو وعياله مدري ربعه .... لاااااااا ويشوفني بعد بدون حيا ولا مستحى! :mad:

صارت معاي
واقفه مدة طويلة انطر الانجليزي ومرته يحركون وخبرج باردين على ما يحطون اغراضهم ويثبتون عيالهم في الكراسي
ومشغله الاشارة
توني اريوس في الموقف
الا يجي واحد قطري
ويريوس فيه !!! هرنت له كم مره ومطنشني ولا كأني موجوده
اللي معاي نزلت هزأته
:shy:
صج بردت قلبها بس فشلتني اقول لها سمعة سيارتي

وطبعا قلبي ما برد
وللحين هالسالفة لين تذكرتها اتنرفز



ومره بعد صارت
واقفه واشارتي شغاله انطر الموقف
جاني قطري ومعاه أهله
اشر لي لا انا باخذ الموقف
اشرت له لا انا باخذه !!!

رجع يضحك يأشر لا انا اللي باخذه !!

:confused:

حركت وخليته
يعني واحد معاه اهله ما حشمنا بنات واقفين ننطر الموقف من قبله
ولا حد من أهله كلمه وقال له البنات واقفين من قبلك !!!


الحياة سهالات عند هالنوعية !!
مافي احساس





انا بعد بطلع ومب راده لهم :strong .. اليوم صار موقف بعد في مواقف الاند مارك قطري مع بنت صغيرة يعبر الشارع رايح سيارته وتجيه سياره شباب بقو يدعمونه مو قطريين ومب حاطه جنسيتهم عشان ما يقولون اسبب حساسيه .. الا الأب يأشر لهم ما تشوفون ؟ تخيلو وقفوا السياره ونزلو ثلاثتهم دزو الأب وكانو بيتضاربون وياه لولا فزعة الشباب القطريين الي ماقصرو اضربوهم ضرب :happy: طيبو خاطري :oops:

حسبي الله ونعم الوكيل

زين سوو فيهم شبابنا

لو ماكان حد من الشباب موجود في ذيك اللحظة
شنو كان مصير الأب !!!
شعشوع
05-02-2008, 12:54 PM
بالعكس ..
كسبت أجر بكتمانك لغيضك ..

أهنئك ..

:)
شعشوع
05-02-2008, 01:00 PM
انا بعد بطلع ومب راده لهم :strong .. اليوم صار موقف بعد في مواقف الاند مارك قطري مع بنت صغيرة يعبر الشارع رايح سيارته وتجيه سياره شباب بقو يدعمونه مو قطريين ومب حاطه جنسيتهم عشان ما يقولون اسبب حساسيه .. الا الأب يأشر لهم ما تشوفون ؟ تخيلو وقفوا السياره ونزلو ثلاثتهم دزو الأب وكانو بيتضاربون وياه لولا فزعة الشباب القطريين الي ماقصرو اضربوهم ضرب :happy: طيبو خاطري :oops:

( انا وأخوي ع ولد عمي ، وأنا وولد عمي ع الغريب )

:thumbup:

بيني وبينج لابغيتي الصج .. أنا بعد طاب خاطري
:yes:
الزاجل
05-02-2008, 01:03 PM
يا زين الحشرة يوم الجمعة ابيت الوالد

الكل هناك والحشرة لها نصيب الأسد ..


بس بشكل عام قلة الذوق واردة في كل مكان
سواء في مطعم او مركز صحي او الشارع ..
Mishaal
05-02-2008, 02:34 PM
ماقدر أوصف لكم شعوري في هاللحظه..

أنا في مثل هالمواقف مخي يفصل و أصير شخص ثاني..

الله رحمهم يوم إنهم طاحوا في شخص حليم مثلك..

لو طايحين في غيرك كان علومهم علوم.[/

هههههههههههههههههههههههه

ياما نعيش وياما نشوف ..

الصراحة مالي ويه أروح للعايلة وأقومهم ..

وإن كانوا هم مو متربيين فأنا متربي وما أنزل مستواي لمستواهم وأكلمهم ..

لكن بالفعل أحترقت أعصابي يوم دريت أنهم يتكلمون عنا ويطالعونا بخياس نفس ..

الله يعين الجميع ..

تسلم أخوي الغالي على المشاركة .. وحياك الله
Mishaal
05-02-2008, 02:36 PM
ليش الناس كذا تغيروا كلن يناحس الثاني في الشارع في المطعم في الدوااام في في وفي ليش ليش ياناس ،، بتاخذ حقك يوم لحساب ان شاء الله وسامحهم والمسامح بياخذ شي طيب عند الله ان شاء الله،،

صدقت والنعم بالله ..

الله يكتب اللي فيه الخير ويجعلنا من الصابرين دائما على الغلط ..

تسلم أخوي الدوحي على مرورك .. حياك الكريم يالطيب ..
Mishaal
05-02-2008, 02:38 PM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟

الظاهر يعتقد أن الدين يحث على عدم خروج المرأة من البيت ..

وجلوسها في مطعم مع "محرم" بأدبها وبإحترامها حرام ...!!

وجهة نظر ونحترمها بكل تأكيد .. لكن الله يعين اللي حواليه إن كان هذا بالفعل ما يعتقده ..
Mishaal
05-02-2008, 02:40 PM
الله يسامحك تخلي اكل البيت والجمعه واتروح المطعم الغالى على الفاضى صحن خاروف كامل ارحم من فرايديس

أكلاتنا طول الإسبوع في البيت ..

والتغيير مطلوب بين فترة وفترة ..

أما فرايديز فأكلهم لا بأس به، لكن الموقف اللي صادني عكر علي الجلسة ..

تسلم أخوي الغالي عذب الكلام على المشاركة ..
Mishaal
05-02-2008, 02:41 PM
صارت معاي
واقفه مدة طويلة انطر الانجليزي ومرته يحركون وخبرج باردين على ما يحطون اغراضهم ويثبتون عيالهم في الكراسي
ومشغله الاشارة
توني اريوس في الموقف
الا يجي واحد قطري
ويريوس فيه !!! هرنت له كم مره ومطنشني ولا كأني موجوده
اللي معاي نزلت هزأته
:shy:
صج بردت قلبها بس فشلتني اقول لها سمعة سيارتي

وطبعا قلبي ما برد
وللحين هالسالفة لين تذكرتها اتنرفز



ومره بعد صارت
واقفه واشارتي شغاله انطر الموقف
جاني قطري ومعاه أهله
اشر لي لا انا باخذ الموقف
اشرت له لا انا باخذه !!!

رجع يضحك يأشر لا انا اللي باخذه !!

:confused:

حركت وخليته
يعني واحد معاه اهله ما حشمنا بنات واقفين ننطر الموقف من قبله
ولا حد من أهله كلمه وقال له البنات واقفين من قبلك !!!


الحياة سهالات عند هالنوعية !!
مافي احساس






حسبي الله ونعم الوكيل

زين سوو فيهم شبابنا

لو ماكان حد من الشباب موجود في ذيك اللحظة
شنو كان مصير الأب !!!

تصير دائما في الكل ..

ومثل ما ذكرت في السابق أن هذول فئة تحب لنفسها والشيء وتحقد به على غيرها ..

ففيهم نقص إيمان لأن من كمال الإيمان أن تحب لغيرك ماتحب لنفسك ..

الله يهديهم للطريق القويم الذي لا عوج فيه إن شاء الله ..

تسلمين أختي العزيزة على المرور والمشاركة ..
Mishaal
05-02-2008, 02:44 PM
بالعكس ..
كسبت أجر بكتمانك لغيضك ..

أهنئك ..

:)

الحمدلله رب العالمين ..

والله يجعلنا من الصابرين إن شاء الله وقت الغيض ..

وجزاك الله خير أخوي العزيز على مرورك ومشاركتك ..
Mishaal
05-02-2008, 02:47 PM
يا زين الحشرة يوم الجمعة ابيت الوالد

الكل هناك والحشرة لها نصيب الأسد ..


بس بشكل عام قلة الذوق واردة في كل مكان
سواء في مطعم او مركز صحي او الشارع ..

بالفعل هذه أمور تحصل يوميا سواء معي أو مع غيري ..

لكن ما يمنع أنها تقهر وتسبب أزمة نفسية مؤقتة ..

الله يهديهم إن شاء الله ..

وتسلم أخوي العزيز الزاجل على المرور والمداخلة ..
الألماسي
05-02-2008, 04:01 PM
ماشاء اللـه عليـك يامشعــل
علــيك طولـــه بــال أحســـدك عليـــها

أمــا بالنسبـــه للــغـبي رب الاســــره فأنـــا ما أشــره عليـــه لأنــــه (( متــربـي )) اخـر تربيــه
hich
05-02-2008, 04:16 PM
الظاهر يعتقد أن الدين يحث على عدم خروج المرأة من البيت ..

وجلوسها في مطعم مع "محرم" بأدبها وبإحترامها حرام ...!!

وجهة نظر ونحترمها بكل تأكيد .. لكن الله يعين اللي حواليه إن كان هذا بالفعل ما يعتقده ..

عاد الله يهداك لو غير هالمطعم كان قلت أوكيه معاك حق بس هالمطعم بالذات حشرة ومافي مكان للشباب كيف للعائلات

وشكرا على ردك الذي يعبر عن تربيتك وأخلاقك الطيبة
سهم ذهبي
05-02-2008, 06:03 PM
الله يجزيك خيراخوي مشعل علي صبرك والله

بس سؤال الصراحه انا واااايد مستغرب وعشان كذي ودي اعرف

هل اللي خذوا مكانك اقطريين؟؟

ادري انه الاخوان بيقولون بغض النظر بس والله احس انه اللي سوا الحركه ذي مايستحي علي ويه

انا تقريبا صار لي نفس الموقف بس مثل ماقالت حدا الاخوات علي موقف سياره والمشكله انه اللي حاول ياخذ الموقف من حدا هالجنسيات العربيه
قطري طموح
05-02-2008, 07:04 PM
بدون زعل أخوي ماعندك سالفه تودي هالك الى مثل هالمطاعم المختلطه الله يهديك ويهدينا


اخوي مشعل كلام الاخ صحيح يوجد مطاعم كثيره في قطر لها مساحات مغلقه خاصه للعائلات اسلم وافضل لك ولاسرتك .
فسفوري
05-02-2008, 07:09 PM
صحيح و الله جماعة ما يستحون:thumbdown:
سارونه
06-02-2008, 07:23 AM
في رايي الشخصي :)

اذا ماحصلت طاولة تاخذ نفسك وتروح مكان ثاني - ولا هالنطره كلها وضيقة خلق

كيف الواحد ياكل شي وهو متضايق :)

الله يهديك - ماكان في داعي تتكلم مع المسؤول ولا شي ولا تعور راسك

لو انا منك ماجلست دقيقة ورحت مكان ثاني ولا هالوجوة الخفسه :)