إغلاق دوار جسر رأس أبوعبود الخميس القادم

[وطن]

إغلاق دوار جسر رأس أبوعبود الخميس القادم

ضمن أعمال طريق مطار الدوحة الجديد

الالتفاف من دوار فندق ماريوت للمتجه للكورنيش من الدائري الثالث (http://www.raya.com/site/topics/article.asp?cu_no=2&item_no=320621&version=1&template_id=20&parent_id=19)
كتب - أشرف ممتاز - تصوير: فريد عبد الوهاب :

بدأت الاستعدادات لاغلاق دوار جسر راس أبوعبود الخميس القادم وذلك ضمن أعمال مشروع طريق مطار الدوحة الجديد حيث تقوم الشركة المنفذة للمشروع حاليا باعداد التحويلات المرورية خلال فترة الاغلاق حيث سيتم اغلاق الدوار ليصبح لزاما علي القادم من الكورنيش والمتجه للطريق الدائري الثالث ان يتجه يمينا الي دوار ( سنا) ثم الالتفاف باتجاه الدائري الثالث وللمتجه الي الكورنيش من الطريق الدائري الثالث سيتجه يمينا باتجاه دوار فندق الماريوت

وتشير التوقعات الي ان مسار التحويلات سيخفض من حدة الازدحام المروري الناجم عن اغلاق دوار راس أبو عبود الا انه من المتوقع ان تزداد الكثافة المرورية علي كل من دوار ( سنا ) ودوار فندق الماريوت

الجدير بالذكر ان مشروع مطار الدوحة الدولي الجديد يبعد مسافة 4 كيلومترات شرق مطار الدوحة الحالي، ومن المتوقع ان يتم انجاز المرحلة الأولي من المشروع في اواخر عام 2008 أو مطلع عام 2009 . ومن المقرر ان يحتوي علي مدرجين يقامان علي الأرض المستصلحة. وسيجري انشاء المشروع علي ثلاث مراحل، وسيضم المطار بعد اكتماله 80 بوابة وسيكون قادراً علي التعامل واستيعاب أكثر من 50 مليون مسافر سنوياً.

ومن المعروف أن مطار الدوحة الدولي الجديد يعد من المشاريع المحورية في استراتيجية التنمية الوطنية لدولة قطر.

وسيحقق المطار الدولي الجديد ثلاثة أدوار حيوية: يمثل بوابة قطر إلي العالم وسوف يلعب المطار دوراً محورياً وحلقة وصل للخطوط الجوية القطرية وشركات طيران أخري كما سيكون مركزاً للشحن الجوي وصيانة الطائرات وسيكون مطار الدوحة الجديد من أوائل المطارات في العالم القادرة علي استيعاب حركة طيران غير محدودة لشركات الطيران التجارية بما فيها الطائرات من طراز إيرباص الجديدة A380 والتي ستنضم قريباً لأسطول طائرات الخطوط الجوية القطرية. ستصل الطاقة الاستيعابية لمطار الدوحة الدولي الجديد إلي 50 مليون مسافر سنوياً، و1.5-2.0 مليون طن من البضائع وحركة طائرات تبلغ 360.000. سيشتمل المطار الجديد عند اكمال جميع العمليات الإنشائية والذي يمتد علي مساحة إجمالية قدرها 1.700 هكتار علي ممري هبوط وإقلاع الطائرات ومبني المسافرين مع 100 موقف للطائرات ومنشآت ومرافق دعم للمطار بالإضافة إلي منشآت تجارية كبيرة.

وتتضمن الأهداف الرئيسية بنهاية عام 2008 وسيكون محور ومركز العمليات الرئيسي للخطوط الجوية القطرية وسيكون قادراً علي استيعاب طائرات من طراز إيرباص A380 سوبر جمبو العملاقة ويتم بناء جزء منه علي أراض يتم استصلاحها وردمها من مياه الخليج ويوفر أرقي المنشآت تطوراً وحداثة ويقدم أرقي مستويات الخدمة والراحة والسهولة ويستوعب احتياجات الطيران بدولة قطر لأكثر من خمسين سنة قادمة عند افتتاح المطار الدولي الجديد باستكمال الأعمال الإنشائية للمرحلة الأولي سيشتمل علي ممرين للإقلاع والهبوط يمتد الأول لمسافة 4850 متراً والآخر يمتد لمسافة 4250 متراً مع فاصل بمسافة 2000 متر. سينشأ مبني المسافرين علي مساحة قدرها 150.000 متر مربع ويضم 26 بوابة ومن 12 إلي 18 موقفاً للطائرات. المرافق الرئيسية الأخري تتضمن مجمعاً أميرياً لرحلات كبار الشخصيات وبرجاً لمراقبة حركة الطائرات ومبني لخدمات الشحن الجوي ومركزاً لصيانة الطائرات.

تم التخطيط لإنشاء مجمع صالة للمسافرين لمطار الدوحة الدولي الجديد ليكون علي أرقي المستويات. يضم المجمع مبني صالة المسافرين ومواقف للسيارات ومسجداً وباحة عامة وجسوراً للمشاة.

وسيضم مجمع صالة المسافرين مساحة شاسعة للسوق الحرة ومتاجر التجزئة والمطاعم والمقاهي وقاعات ضيافة لخطوط الطيران. سيضم المجمع أيضاً فندقاً داخل المبني تبلغ طاقته التشغيلية 100 غرفة لخدمة مسافري الترانزيت ويشتمل علي مرافق وخدمات صحية وترفيهية.

كما يضم المبني بحيرة صناعية تتلاءم مع المنظر الطبيعي ومنظر المياه. سيتم عمل مناظر طبيعية في أماكن استراتيجية وعند باحة المسجد. مبني المسافرين سيكون لمبني الصالة سقف علي شكل أمواج يتلاءم مع المناظر المحيطة.

سينشأ مسجد المطار والمنارة علي مساحة 1.900 متر مربع في باحة الحديقة الواقعة في الجهة الجنوبية من صالة المسافرين الرئيسية ويتوسط مبنيين للمواقف. يمكن الوصول للمسجد من صالة المسافرين عن طريق جسر مشاة ومن مبني المواقف عن طريق ممر منحدر مظلل.

[عبدالله العذبة]

أختي وطن حفظها الله

شكرا على المعلومات متى سيغلق و سيحل ملف التسكين في أشغال؟ :strong2:

[ANONYMOUS]

خنقتني العبرا

يعني انا ايش سويت في دنيتي

مادري.. انام في الدوام عشان يرتاحون اشغال؟


ماقلتي لنا.. كم الفتره ؟ ويرد يفتح فتح الله نحر العدو..

[المطرقة]

خنقتني العبرا

يعني انا ايش سويت في دنيتي

مادري.. انام في الدوام عشان يرتاحون اشغال؟


ماقلتي لنا.. كم الفتره ؟ ويرد يفتح فتح الله نحر العدو..

وين تشتغل اخوي لا يكون في البحرية :con2:

[وطن]

أختي وطن حفظها الله

شكرا على المعلومات متى سيغلق و سيحل ملف التسكين في أشغال؟ :strong2:

وانا شكو فيهم !!
يفتحونه ويسكرونه مثل ما يبون

crazy




خنقتني العبرا

يعني انا ايش سويت في دنيتي

مادري.. انام في الدوام عشان يرتاحون اشغال؟


ماقلتي لنا.. كم الفتره ؟ ويرد يفتح فتح الله نحر العدو..

اخوي مكتوب انها لين اخر 2008
ترى معاناتي مثل معاناتك

crazy




وين تشتغل اخوي لا يكون في البحرية :con2:

كل اللي يستخدمون خط الكورنيش وجايين من الدائري الثالث بيتأزمون

[ANONYMOUS]

وين تشتغل اخوي لا يكون في البحرية :con2:



لا نادل في الماريوت

:D

[ANONYMOUS]

اخوي مكتوب انها لين اخر 2008
ترى معاناتي مثل معاناتك

crazy







مافهمت.. يعني بتنامين في الدوام هاهاهاها

بنطلب بارتيشن خاص للنساء..


:p

[امل الحب]

:looking:

زين واخر الكلام وين الطريج البديل crazy

شالملل الي هم فيه crazy

[وطن]

مافهمت.. يعني بتنامين في الدوام هاهاهاها

بنطلب بارتيشن خاص للنساء..


:p

omen

عندنا مكتب
عليه باب
ما نبي بارتيشن





:looking:

زين واخر الكلام وين الطريج البديل crazy

شالملل الي هم فيه crazy

مكتوب
تستخدمين الطريق لين دوار الماريوت وتردين ترجعين

[امل الحب]

omen

عندنا مكتب
عليه باب
ما نبي بارتيشن






مكتوب
تستخدمين الطريق لين دوار الماريوت وتردين ترجعين

مو هذي هي قريتها 3 مرات ومافهمتها crazy

شلون يعني ؟؟

[OTOsan]

المشروع شكله مب تابع لاشغال لانه لما اعلن عن اغلاقه كان الاعلان من قبل مطار الدوحة الجديد !!
واعتقد انه تابع لادارة المشروع نفسها .. والعلم عند الله ،،

[وطن]

مو هذي هي قريتها 3 مرات ومافهمتها crazy

شلون يعني ؟؟

يعني اذا انتي جايه من صوب اشارات عبدالغني
بتلفين يمين وتطلعين فوق
تمرين على شرق على يسارج
لين دوار الماريوت
تاخذينه وتردين
بعدين تنزلين مره ثانية على الكورنيش



والاتجاه الاخر لو جايه بالعكس من الكورنيش
تطلعين لين دوار سناء
وتردين

[ANONYMOUS]

مو هذي هي قريتها 3 مرات ومافهمتها crazy

شلون يعني ؟؟


عطيها shot

من الجوجل..

:D


لان انا ابي افهم بعد.. من الصدمه ماقمت افهم..

وفي مثل يقول

الصوره تغني عن الف كلمه

وشكرا..

[وطن]

المشروع شكله مب تابع لاشغال لانه لما اعلن عن اغلاقه كان الاعلان من قبل مطار الدوحة الجديد !!
واعتقد انه تابع لادارة المشروع نفسها .. والعلم عند الله ،،

:nea:

معرفش

بس الظاهر للمطار
عشان جذي بيخلص بسرعه

:happy:

[الزاجل]

لا نادل في الماريوت

:d

:d:d:d

فرصة سعيدة يا نادل

[وطن]

عطيها shot

من الجوجل..

:D


لان انا ابي افهم بعد.. من الصدمه ماقمت افهم..

وفي مثل يقول

الصوره تغني عن الف كلمه

وشكرا..



http://www.qatarshares.com.qa/data/12/14/storm_2018253413_332133044.jpg



:pic:

[جلمود]

أختي وطن حفظها الله

شكرا على المعلومات متى سيغلق و سيحل ملف التسكين في أشغال؟ :strong2:


أخوي خلص ملف التسكين. ودرجاتهم مثل قفاهم

[shagool]

المشروع شكله مب تابع لاشغال لانه لما اعلن عن اغلاقه كان الاعلان من قبل مطار الدوحة الجديد !!
واعتقد انه تابع لادارة المشروع نفسها .. والعلم عند الله ،،

كلامك صحيح
المشروع تحت إشراف لجنة تسيير مشروع مطار الدوحة الجديد
وسيكون الطريق الجديد المدخل الرئيس لمطار الدوحة الدولي الجديد

[متسبب]

الله يستر
يعني اللي يداوم ع الكورنيش زي حالاتي
المفروض يطلع الساعه 5

وبما اني باقوم من الساعه 5 لين نهاية 2008 فالاحسن لي اني اقدم في العسكريه ع الاقل راتب احسن وبعيد عن الزحمه
الخوف اني حتى لو دشيت العسكريه دوامي بعد بيكون ع الكورنيش :/

[jajassim]

الله يعطيك العافية أختى ،، على النقل


بس اللي يجي من الكورنيش ،، يبي روح ماريوت ،، ،، وين بروح :con2:

[امل الحب]

يعني اذا انتي جايه من صوب اشارات عبدالغني
بتلفين يمين وتطلعين فوق
تمرين على شرق على يسارج
لين دوار الماريوت
تاخذينه وتردين
بعدين تنزلين مره ثانية على الكورنيش



والاتجاه الاخر لو جايه بالعكس من الكورنيش
تطلعين لين دوار سناء
وتردين

وبعدين :con2:


عطيها shot

من الجوجل..

:D


لان انا ابي افهم بعد.. من الصدمه ماقمت افهم..

وفي مثل يقول

الصوره تغني عن الف كلمه

وشكرا..

crazy


http://www.qatarshares.com.qa/data/12/14/storm_2018253413_332133044.jpg



:pic:

شكراا


الله يعطيك العافية أختى ،، على النقل


بس اللي يجي من الكورنيش ،، يبي روح ماريوت ،، ،، وين بروح :con2:


نفس السؤال ؟؟؟:con2:

[ANONYMOUS]

:d:d:d

فرصة سعيدة يا نادل



اشوفك ضيف علينا في كل ويكند

مع تحيات البار تندر :whistling:

[al_lord]

يا زين الدوام في المناطق الخارجيه :) لا زحمه ولا شي

[سوق واقف]

بكره الجرايد راح يسرقون الخبر من المنتدى حتى الصور ياخذونها من المنتدى

الله أكبر على هذا الصرح الرائع الصراحة أخبار أول بأول

[وطن]

كلامك صحيح
المشروع تحت إشراف لجنة تسيير مشروع مطار الدوحة الجديد
وسيكون الطريق الجديد المدخل الرئيس لمطار الدوحة الدولي الجديد

شكرا ع التوضيح



الله يستر
يعني اللي يداوم ع الكورنيش زي حالاتي
المفروض يطلع الساعه 5

وبما اني باقوم من الساعه 5 لين نهاية 2008 فالاحسن لي اني اقدم في العسكريه ع الاقل راتب احسن وبعيد عن الزحمه
الخوف اني حتى لو دشيت العسكريه دوامي بعد بيكون ع الكورنيش :/

هاهاهاهاهاهاها
بعطيك حل
بس لا تعلم حد

:whistling:



الله يعطيك العافية أختى ،، على النقل


بس اللي يجي من الكورنيش ،، يبي روح ماريوت ،، ،، وين بروح :con2:

هاهاهاهاهاها
يلف الدوحة
يعني شلون بيروح
أكيد ان الجسر ما بيتسكر من فوق :)
ما قالوا بيسكرونه

يعني يروح لين دوار سناء
ويرد



وبعدين :con2:



crazy



شكراا




نفس السؤال ؟؟؟:con2:


أهم شي وضحت الفكرة
؟


يا زين الدوام في المناطق الخارجيه :) لا زحمه ولا شي

أعوووذ بالله
خط ودرب
الله يعينك اخوي




بكره الجرايد راح يسرقون الخبر من المنتدى حتى الصور ياخذونها من المنتدى

الله أكبر على هذا الصرح الرائع الصراحة أخبار أول بأول

:)

اخوي لو ضغطت على العنوان
راح تفتح لك صفحة المصدر

جريدة الراية

:whistling:

[الزاجل]

اشوفك ضيف علينا في كل ويكند

مع تحيات البار تندر :whistling:

:eek5::eek5::eek5:

[auto body]

وزاد الطين بلة مادري احنا شمسوين عشان كل هال اغلاقات يعنى شنهو الحل وبعدين ياشغال

[على قد حالها]

الله يعين اللي شغلهم فالكورنيش !!!!
الحمدالله طريقي جنوب هع هع هع ........... انا ادري مابيمديني استانس الا بيسكرون الشارع اللي بسلكه!!

[ANONYMOUS]

وزاد الطين بلة مادري احنا شمسوين عشان كل هال اغلاقات يعنى شنهو الحل وبعدين ياشغال



الحل كل واحد يسفر مرته وعياله لندل يعيشون هناك..

ويأجر بيته للاجانب بالبلد بسعر خيالي..

ويعيشون عزوبيه كل 12 شخص ببيت اجار..

لين تتحسن الامور..


ويفتحون الشوارع والمشاريع كلها..

:p

[وطن]

وزاد الطين بلة مادري احنا شمسوين عشان كل هال اغلاقات يعنى شنهو الحل وبعدين ياشغال

اخوي
تراه من مشروع المطار
ماله علاقة بأشغال :)



الله يعين اللي شغلهم فالكورنيش !!!!
الحمدالله طريقي جنوب هع هع هع ........... انا ادري مابيمديني استانس الا بيسكرون الشارع اللي بسلكه!!

هاهاهاهاهاهاها
الله يعينج



الحل كل واحد يسفر مرته وعياله لندل يعيشون هناك..

ويأجر بيته للاجانب بالبلد بسعر خيالي..

ويعيشون عزوبيه كل 12 شخص ببيت اجار..

لين تتحسن الامور..


ويفتحون الشوارع والمشاريع كلها..

:p

اخاف تعجبكم القعده هناك وما تردون بعدين!!

[وطن]

في حد مر ع الدوار اليوم ؟؟؟

يبشرنا شلون الوضع

[ســـهم]

شباب حد عنده طياره أيجار :(












يمكن بعد كم سنه نشوف طيران القطريه يسير رحلات بين الريان وأم صلال


وذلك بسبب أغلاق الشوارع :(

[وطن]

شباب حد عنده طياره أيجار :(




يمكن بعد كم سنه نشوف طيران القطريه يسير رحلات بين الريان وأم صلال


وذلك بسبب أغلاق الشوارع :(

هاهاهاهاهاهاها

طيب مريت ع الدوار اليوم ولا لا؟

[سارونه]

الله يستر - وش هالحالة الردية :(

زحمة + حوادث + مخالفات + رادار

عصبية + مزاج تعبان = الواحد يمشي يكلم نفسه في السيارة :(

لين يوصل الشغل الا وهو ماخذ حبة مهدئ علشان ما يصارخ على خلق الله

شنو نسوي - الشكوى على الله :( :(

[ســـهم]

هاهاهاهاهاهاها

طيب مريت ع الدوار اليوم ولا لا؟


وين أمر عليه الله يهديج هالحزه يبي نفق تحت الأرض او طائرة بيل غيتس :secret:


بس تتوقعين كم التذكره على القطريه درجه اولى من الوعب لين مدينة خليفة الشماليه

طبعا مستقبلا :eek5:

[وطن]

الله يستر - وش هالحالة الردية :(

زحمة + حوادث + مخالفات + رادار

عصبية + مزاج تعبان = الواحد يمشي يكلم نفسه في السيارة :(

لين يوصل الشغل الا وهو ماخذ حبة مهدئ علشان ما يصارخ على خلق الله

شنو نسوي - الشكوى على الله :( :(

الله يكون بالعون :(







وين أمر عليه الله يهديج هالحزه يبي نفق تحت الأرض او طائرة بيل غيتس :secret:


بس تتوقعين كم التذكره على القطريه درجه اولى من الوعب لين مدينة خليفة الشماليه

طبعا مستقبلا :eek5:

اكيد نفس سعر تذكرة دوحة دبي دوحة
تعال ما قلت تبيها ون واي ولا راوند واي

:secret:

[ســـهم]

الله يكون بالعون :(




اكيد نفس سعر تذكرة دوحة دبي دوحة
تعال ما قلت تبيها ون واي ولا راوند واي

:secret:

لا

ابي طار ولم يعد :eek3:

الحين راح يرفعون أشغال قضيه بالتشهير وبيسون مثل غيرهم

شكلها موضه هاليومين :shy:

[وطن]

لا

ابي طار ولم يعد :eek3:

الحين راح يرفعون أشغال قضيه بالتشهير وبيسون مثل غيرهم

شكلها موضه هاليومين :shy:

المشروع مو حق اشغال اخوي

تابعة لمشروع المطار

[ســـهم]

المشروع مو حق اشغال اخوي

تابعة لمشروع المطار


عيل سناء بتشتكي علينا

ارتحتي الحين :rolleyes2:

[al_lord]

أعوووذ بالله
خط ودرب
الله يعينك اخوي

:whistling:


:eek5:

10 دقايق رايح وربع ساعه راجع :tease:

[ANONYMOUS]

في حد مر ع الدوار اليوم ؟؟؟

يبشرنا شلون الوضع


انا اجازه لين نص 3..

على ماداوم.. انشالله بيتمللون.. وبيفتحون طريق بديل

[ابن الوطن]

اللهم لك الحمد ولك الشكر .
وساعدنا ويسر امرنا وسهل طريقنا من الدوام الى .....
شكرا على الخبر المر

[وطن]

عيل سناء بتشتكي علينا

ارتحتي الحين :rolleyes2:

:eek5:



:eek5:

10 دقايق رايح وربع ساعه راجع :tease:

وين تداوم اخوي
من الوكرة لين ام سيعيد :)



انا اجازه لين نص 3..

على ماداوم.. انشالله بيتمللون.. وبيفتحون طريق بديل

وانا ان شاء الله اجازة في نص 3
اذا الله قدر وصار اللي في بالي





اللهم لك الحمد ولك الشكر .
وساعدنا ويسر امرنا وسهل طريقنا من الدوام الى .....
شكرا على الخبر المر

امين يا رب

[امل الحب]

الوضع هاادي

ومو زحمة نفس ماكان متوقع يعني شي بسيط لان الاغلاق مو كامل يعني انا خذت لفة عالدوار:victory:

حبيت استكشف :rolleyes2:

[وطن]

زين أشوه
يعني مافي ازمه
؟؟


طيب الساعة كم مريتي عليهم

؟

[امل الحب]

زين أشوه
يعني مافي ازمه
؟؟


طيب الساعة كم مريتي عليهم

؟

مريت من هناك 3 مرات :rolleyes2:

الاولى الساعة 7 وربع الصبح

والثانية عال 9 ونص

والثالثة 10 وربع

والوضع مستتب:victory:

[وطن]

زين زين الحمدلله
طمنتيني
خلاص ان شاء الله امر عليهم السبت

اشيك الاوضاع

:)

[jajassim]

زين زين الحمدلله
طمنتيني
خلاص ان شاء الله امر عليهم السبت

اشيك الاوضاع

:)



يا جامدة :nice:

[وطن]

يا جامدة :nice:

:unsure:

ليش

[jajassim]

:unsure:

ليش

http://www.moq3.com/img/17012008/a5d75232.png (http://www.moq3.com/img/)


:con2: ،، مديرة

[وطن]

http://www.moq3.com/img/17012008/a5d75232.png (http://www.moq3.com/img/)


:con2: ،، مديرة

مع سبق الاصرار والترصد

:tease:

[al_lord]

وين تداوم اخوي
من الوكرة لين ام سيعيد :)


نوب

ضواحى الدوحه:telephone:

[وطن]

نوب

ضواحى الدوحه:telephone:

شلون ضواحي الدوحة
ومناطق خارجية

:eek5:

[al_lord]

شلون ضواحي الدوحة
ومناطق خارجية

:eek5:

يعني الي دوامهم مب داخل مدينة الدوحه

[وطن]

اوكى :)

[سارونه]

متى تتوقعون تروح الزحمة بعد العمل

يعني بعد الساعة 2 ونص ؟؟؟؟؟؟؟

[::.Silent.::]

يعني شلون نروح سيلين من طرق الكورنيش

؟؟


الله يعينا ع الزحمه

[وطن]

متى تتوقعون تروح الزحمة بعد العمل

يعني بعد الساعة 2 ونص ؟؟؟؟؟؟؟

اختي انا كنت امر كل يوم الساعة 3 تقريباً

وتصادفني زحمة على هالدوار
بدون التحويلة

الحين مع التحويلة
ماعندي فكرة
ولا ابي اجرب



يعني شلون نروح سيلين من طرق الكورنيش

؟؟


الله يعينا ع الزحمه

أمرها هين
روح في التحويلة

سهلة

:nice:

[سارونه]

يعني لازم ناخذ اجازة :(

علشان ما نعصب يا جماعة - وين الحل في هالزحمة

وينكم يا جماعة المرور - خلو بالكم علينا :(

وربي ماودي اطلع من الشغل - خايفة مره

[وطن]

يعني لازم ناخذ اجازة :(

علشان ما نعصب يا جماعة - وين الحل في هالزحمة

وينكم يا جماعة المرور - خلو بالكم علينا :(

وربي ماودي اطلع من الشغل - خايفة مره

خايفه من شنو اختي

:eek5:



بعدين شكثر بتاخذين اجازة
المشروع لين اخر السنة

[امل الحب]

يعني لازم ناخذ اجازة :(

علشان ما نعصب يا جماعة - وين الحل في هالزحمة

وينكم يا جماعة المرور - خلو بالكم علينا :(

وربي ماودي اطلع من الشغل - خايفة مره

خلج طبيعية وروحي :rolleyes2:

ترا الكورنيش زحمة من قلب :rolleyes2:

[وطن]

حددي من اي اتجاه الزحمة
ووين تبتدي
عشان اعرف اي الطرق اسلك


:)

[سارونه]

خلج طبيعية وروحي :rolleyes2:

ترا الكورنيش زحمة من قلب :rolleyes2:



ابغي اروح الوكرة :(

وين الطريق :( لا تقولون الشارع الي يوديني على تويوتا

لااااااااااااااااااا مابي :( :(

ارجووووووووووووووووكم من وين

[وطن]

اختي طريق الوكره مالج الا راس بو عبوود
تطلعين فوق الجسر
وتروحين من ورى الماريوت على شارع سلاح الجو

:)

[سارونه]

يعني شارع سلاح الجو مفتوح :)

[وطن]

طبعا مفتوح
شاللي بيسكره :)


الله يحفظج اختي
وشوي شوي عن السرعة

[امل الحب]

وطن للحين بالدوام؟

طلعي يمه الطريج سالك الا من بعض الشاحنات الفاملي سايز

استغرقت الرحلة حول 40 دقيقة :)

[وطن]

هاهاهاهاهاها
طلعت ورديت بيتنا
عن طريق شارع حمد الكبير

وما اخذت اكثر من ربع ساعة

:)

[ورقــة أمــل]

احب هالدوار يذكرني بدوامي القديم

كانت احلى اياام

مشكوره على الخبرر

[وطن]

شكرا على مرورج اختي

[ANONYMOUS]

مريت عليه حول الساعه 6


خرمس ( ظلام دامس ) جاي من تقاطع عبدالغني و متجه للكورنيش..

مافي زحمت

[وطن]

مريت عليه حول الساعه 6


خرمس ( ظلام دامس ) جاي من تقاطع عبدالغني و متجه للكورنيش..

مافي زحمت

زحمت = زحمه

شدعوه مافي ليتات اخوي؟
شهالتحويله
حسبي الله على ابليس العدو

crazy

[ANONYMOUS]

زحمت = زحمه

شدعوه مافي ليتات اخوي؟
شهالتحويله
حسبي الله على ابليس العدو

crazy


على فكره

انا مشيت من تحت الجسر.. يعني كان مفتوح..

الحين تلخبطت..

ليش من وين سكروه اصلا..


ان اعتقد سكروا الليتات بس..

[وطن]

والله مادري بهم
كاتبين شي في الجريدة
والواقع شي ثاني

الله يعيننا

طلعوا اخس من ربعنا

:)