أنتم القدوة يا شرطه ( صورة )

[شسالفة...؟]

بسم الله الرحمن الرحيم

الصراحة مدري شقول ؟؟؟؟؟؟


يعني ألحين قانون مرور واضرب واطرح ومسوين زحمة والشارع فاضي

وآخرتها ضباطكم ما يطبقون القانون ؟؟؟؟

أترك لكم الصورة والتعليق لكم

صورة ضابط قاعد يقراء جريدة وهو يسوق السيارة وعند إشارات.....؟؟

[ابوسعود]

شسالفه قول


سبحان الله والحمدلله
والله اكبر

[شسالفة...؟]

شسالفه قول


سبحان الله والحمدلله
والله اكبر



سبحان الله والحمدلله والله اكبر

[بوحارب]

الموضوع عادي

ما فيها أي شي أذا قرا جريده

ليش مكبر السالفة أخوي !!!!!!

[ضوى]

وين المشكلة اذا تصفح الجريدة وهو واقف بالاشارة ؟؟ عادي ما فيها شئ

[شسالفة...؟]

الموضوع عادي

ما فيها أي شي أذا قرا جريده

ليش مكبر السالفة أخوي !!!!!!


السالفه طال عمرك تالفه وعجوز مخالفه

ياخوك المسئلة لو أنه أنت اللي تقراء الجريدة جااااااااان صكوك مخالفه وسحبوا ليسنك ويمكن سولك فلم هندي بعد وتعريض حيات الآخرين للخطر والقيادة برعونه ودون الإنتباه للطريق ....الخ لكن وينهم عن هالضابط ؟؟؟

ونقول أن الدوريه ما شافته وهو يخالف ؟؟؟ فأين القدوه اللي هو يمثلها لأحترام القانون؟؟؟


سؤال على الطاير ماله شغل <<<< :con2:

لو شافته دوريه واللي فيها وكيل عريف ومسكين مدبلين عليه الشفت ونعاسن يبي ينام هل كان راح يخالفه ؟

[شسالفة...؟]

وين المشكلة اذا تصفح الجريدة وهو واقف بالاشارة ؟؟ عادي ما فيها شئ

عااااااااادي ؟؟؟

طيب اذا قريت الجريده وانا عند الإشاره وعطوني مخالفه تدفعينها لي وتشيلين عني النقاط ؟:funny:

[ضوى]

عااااااااادي ؟؟؟

طيب اذا قريت الجريده وانا عند الإشاره وعطوني مخالفه تدفعينها لي وتشيلين عني النقاط ؟:funny:

ليش ؟ هل في بنود القانون الجديد للمرور ما يمنع تصفح الجريدة اثناء الانتظار في الاشارة ؟؟

[ابوسعود]

اخوي
اولاا: الصوره مب واضحه مايندرا شرطي ولا بنقالي اللي في الموتر

ثانيا : الحاله فرديه وانت عممت على الجميع

ثالثا: اذا في سيارته الشخصيه يعتبر مدني اذا في دوريه نعم تقول يمثل الشرطه

وبعدين الله يهديك

مافيه انسان معصوم

تبي الشرطي يكون معصوم من الخطا

[شسالفة...؟]

اخوي
اولاا: الصوره مب واضحه مايندرا شرطي ولا بنقالي اللي في الموتر

ثانيا : الحاله فرديه وانت عممت على الجميع

ثالثا: اذا في سيارته الشخصيه يعتبر مدني اذا في دوريه نعم تقول يمثل الشرطه

وبعدين الله يهديك

مافيه انسان معصوم

تبي الشرطي يكون معصوم من الخطا



بالنسبة للصوة أنا اللي مصورها وهو ضااااااااااابط

والمسئلة يا أخوان إحترامه للبدله اللي هو لابسها وأحترامها من أحترام القانون

وانت لما تكون في نفس هالمنصب لازم تكوووووووون قدوه

[سوق واقف]

اخي العزيز أنا ضد موضوعك الصراحة وبدون زعل
اولا لأنه الشخص في سيارته الشخصية
بعدين هؤلاء هم الذين يسهرون على راحتنا وهؤلاء هم الذين يحموننا
أخي أشوف الموضوع ماله داعي ولا تزعل أخوي علي

[king fish]

ليش زعلان هاي شرطي فريييي:nice::nice::nice:

[الدوحي7]

ليش مافيه شي موضوعه غير فرد من افراد الشرطه اخطى وبس،، بس متاكد انه ضابط ،، وثاني شي المسامح كريم ، الله يسامحهم والله يوفقهم بمافيه الخير،، والله يوفقك ويحفظك من كل شر،،

[بندرصالحي]

جزاك الله خير
هل ترضى احد يصورك وانت غافل

[auto body]

الله المستعان
لاتعليق يليق

[ANONYMOUS]

ياجماعه بغض النظر عن انه ضابط ولا جندي

القانون يمنع الانشغال بغير الطريق

وهذا لين يشوفه شاب مراهق توه ماخذ الليسن..

او طفل.. وقاعد يتعلم الصح من الغلط

كلهم بيكونون( بياخذون )... فكره خطا عن افراد الشرطه

وشكرا..

[التيما]

دام واقف عند الاشاره مافيها شي .. ولا يقدرون يخالفونك اذا انت سويتها عند الاشاره .. انا كثير لمن يوقفوني الشرطه عند الدوار اقعد اقرا الجريده ماجاتني مخالفه ولا مره .. صج اكره هالمرور بس الحق ينقال .. هي مره عند محطه البترول كنت اصب بترول وجاني يزعم بيخالفني بس طحت عليه وقلت له خلني اصورك وانت تحط المخالفه عشان اعرف وين خالفت وانا واقفه اصب بترول واتكلم بالجوال .. ولا خالفني تركني وراح

[قطر501]

اخوي من قالك انه هناك مخالفه و انت متوقف عند الاشارة وتقرأ الجريده ترى عادي بس انت فاهم غلط وعلى ماظن الضابط كان هو العبري وكل واحد يسوق فيه صح يعني عادي يقرأ وحتى لو الاشارة حمره

[عذب الكلام 1]

ياخوى نبي شى اكبر تري ماكل قر عليهم تونى دافع مخالفات مالى خص فيها لكن الله فوق

[العـوا]

موضوع غريب