ويبقى مسلسل المهازل مستمر ؟

[قطر501]

بدخل في الموضوع على طول كل اليوم نرى موضوع عن الي قاعد يصير في بلادنا الحبيب من الاشياء اللاخلاقيه من فئة من الفتيات والشباب وتم التركيز على على الفتيات لانه هم سبب الفتنة علشان نعرف بلادنا وصلت الى اين خذوا هذا الموقف الذي رايته بأم عين يوم أمس كانت رايح مع زوجتي وعيالي محلات الطفل السعيده التي عند مكتبة ابن القيم في المرخية طبعا مقابل هالمحل يوجد محل كنج برجز او العكس ماهتم في هذا الاشياء المهم نزلت من السياراة ولتفت الى هذا المحل كنج برجز ماذا ريت:confused: شفت واحد جالس مع وحده في وضع مخل للاداب بالعربي بوس احضان ملامسات ... الخ المحل كان مافيه احد لكن الي برع سهل ينظر داخل المحل لان الزجاج شفاف والناس رايحين ورادين والاخ عايش الدور بصراحة ثارت الدماء في عروقي وكنت رايح له لكن زوجتي مسكتني وقلت خلك منه لا تسوي مشاكل استغفرا الله ودخلت مع الطفل السعيد لكن كل شوي انظر اليه وهو مستمر يعني أعلان صريح بالمعصية امام الناس وترى كان الوقت مابين المغرب والعشاء المهم ماقدرت اصبر اشرت عليه من بعيد وقلت انت مجنون انا احس انه كان ينظر الى لكن ماكان مهتم بعدين نظرت مره اخرى مالقيت لكن شوفوا الصدفة بعد ماطلعت من محلات الطفل السيعد ذهبت الى مجمع التموين العائلي في الريان سبحانه الله شفته جدامي هو ولي معاه ممكن تكون زوجته صديقته كانوا يشترون اغراض وحتى في هذا المجمع كان يتلزق في معاه بشكل لافت مب مصدق طبعا الاخ من جنسية عربيه بالعربي لبناني:eek5: هذا شي بسيط من الاشياء التي يذكرها الاخوه فالمنتدى ياجماعه لي متى هذا السكوت عن هذه التصرفات وخاصه من هؤلاء لازم يعرفون ان هذا البلد بلد مسلم يعني مافيه احترام كلش من المسؤول عن تصرفاتهم الشاذه يفكرون انه في بلادهم والله ياجماعه في لبناني جاء عندنا في العمل ويقول بالحرف الواحد ان قطر صارت مثل بيروت قلت له شلون قال يعني الي يبغي المسجد يدله ولا يبغي المراقص والخمور والنساء كل شي موجود والله نبغي صوتنا يوصل مانبغي نكتب في المنتديات صدقوني حنا نخاف نتكلم بس كله مجاملات على نفاق انا خاطري اسال من خلقنا اليس هو الله عز وجل عيل ليش نخاف من البشر لي متى بنظل دافنيين راسنا فالتراب ياجماعه تراب بلادنا غالي علينا ليش يدنسها مثل هؤلاء اقسم بالله قمنا نعتصر من الألم لما نشاهده في بلادنا الحبيبه ياجماعه عندنا عيال نبغي نربيهم كيف نشأ الابناء في بيئة فاسده الله سبحانه مطلع على كل شي ماتخافون من عقاب ينزل علينا من الله بسبب هذا الذي يحدث في بلادنا ( خمور -- نساء -- مراقص -- حفلات غنائيه -- جرائم بمختلف انواعها ... الخ )
انا اسف ياجماعه اقسم بالله الكلام يطول لكن شنو فايده الكلام اذا حنا قاعدين نتفرج على هذا الاشياء
ليش ما نرفع كتاب الى سمو الامير نطالبه بوقف هذا المهازل من بلادنا على الاقل يحترم هؤلاء بلادنا واذا بغوا يسون شي عندهم بيوتهم بس مب قدام الناس لازم نسوي شي
اخواني ارجوكم خلونا نحط ايدينا في ايدي بعض حتى على الاقل نخفف من هذا الاشياء تذكروا عيالكم ومستقبلهم

[FG]

أنزين يدي بيدك

تتوقع فيه حد بيحط يده معنا؟

[عبدالمحسن]

مع احترمي لك


الخطا خطأك



من رأى منكم منكرا فليغيره بيده ، فأنم يستطع فبلسانه وان لم يستطع بقلبه



.


كان الأولى لك التصرف ، وأن لا تطيع زوجتك



وصدقني ، كان ارتدع ، وردع غيره




مهما كان ، تبقى قطر مسلمه ودين اهلها الاسلام












احترامي لك

[دلة الرسلان]

اخوي اذا كل واحد واحد شاف الخطأ وسكت بتعم المصيبة المفروض انك كلمته وقلت له ان

تصرفة مرفوض ايش تتوقع يكون ردة ؟؟

-انا اسف انا ماعرفت ان الناس بتشوفنا - ياعيب الشوم -:o

-او انت ما دخلك هيدي مرتي :anger2: ، تقوم تلطه كف حامي واكيد ما راح يعيدها ومرته

بعد بتعلم السنع.

[قطر501]

اخواني انا مابغي حد يلومني الحين حنا نبغي حل لمثل تلك الاشياء انا لو رحت له كنت برتكب جريمة ماقدر اتحمل هالمناظر زوجتي يوم منعتني كانت حكيمة بكره يطوني في السجن بعدين عيالي يروحون وين ياجماعه بالعربي مثل هؤلاء الاشكال القانون دائما معهم اخوي الاحبابي ان شاء الله الكل بيحط يده في يدنا

[::.Silent.::]

امس كنت في فرايديز بمجمع فيلاجيو

دخلت علينا وحده اعطيها تقريبا من 22 الى 25 سنه عربية الجنسيه لابسه لبس ضيييييييييييق

وقعدت مقابل طاولتي

الا وذاك الشاب (( المواطن )) قعد حذاها

وقعدوا يسولفون ولا كأن في حد قاعد ..

الناس اللي بالمطعم يشوفونهم .. لأن السالفه ما تركب

والله حتى الفلبينيه اللي بالمطعم تطالع باستغراب .. فلما شافتني .. قالت: شي غريب واضحكت

والله عيب

[العنان]

لا بصراحه هالمواضيع زادت وايد ، يعني امس بعد وانا راجع البيت تقريبا الساعه 1 الفجر كنت متجه من اشارات السد الى اشارات رمادا وقبل اشارات رمادا في كوفي شوب على اليمين ، وما اشوف الا ذاك الشاب والشابه واللي قاعدين برا الكوفي ويتبادلون القبلات ( من جنسيه عربيه ) يعني االواحد وده يسوي شي لكن لو تدخلت لازم الموضوع بيوصل الى مركز الشرطه وطبعا سين وجيم وفي النهايه باطلع انا الغلطان مب هم

[qatar_moon]

زين تصدقون انا صار لي فتره طويله مارحت مجمعات
واقرى الي مكتوب في المنتدى واقول يمكن مبالغات

رحت فيلاجيو الظهر ودخلت كوفي شوب ماعرف ايش اسمه جان تعرفونه الي يبيع تارتات غريبه وقاعده اطلب

والا التفت والقى وحده لابسه بنطلون لووست وتشيرت مرتفع فوووق يعني شقول لكم انصدمت الاخت جسمها

كله طالع وين قاعدين احنا بس جد استغربت من المنظر

[قطر501]

شوفوا ياجماعه المشكلة شلون صارت كبيره الحين كل واحد يدخل على الموضوع يقول شفت وشفت زين وبعدين لازم يتتدخل ولي الأمر في الموضوع انا وحد طلب بعد الله من حضرة السمو الشيخ حمد بن خليفة التدخل في الأمر على طول لازم تكون هناك قوانيين وعقوبات تطبق على مثل هؤلاء ليش المخالفات تكون في المرور بس انا مادري هؤلاء شنو عملهم عندنا بالضبط يعني هل هم زيادة عدد بس يعني اكل ومرعى وقلة صنعه ولا جاين يترزقون انا اشك في موضوع عنهم جاين يترزقون

[وطن]

امس كنت في فرايديز بمجمع فيلاجيو

دخلت علينا وحده اعطيها تقريبا من 22 الى 25 سنه عربية الجنسيه لابسه لبس ضيييييييييييق

وقعدت مقابل طاولتي

الا وذاك الشاب (( المواطن )) قعد حذاها

وقعدوا يسولفون ولا كأن في حد قاعد ..

الناس اللي بالمطعم يشوفونهم .. لأن السالفه ما تركب

والله حتى الفلبينيه اللي بالمطعم تطالع باستغراب .. فلما شافتني .. قالت: شي غريب واضحكت

والله عيب

اخوي من يومين تقريبا
قدامي شاب قطري
دخل المطعم واحنا قاعدين
رقّم بنات روسيات مادري اوروبيات
وشكلهم رايح فيها !!!


بس بعد
في شباب فيهم الخير

مو كلهم من هالنوعية


الله يهديهم ان شاء الله

[عبدالمحسن]

تبون الصراحه !؟



لأن ماعاد فيه رجال





:)



ترى جد ماعاد فيه رجال



الكل خايف


..

قسم بلله لو اشوف واحد يبوس في سوق والا مجمع والا في اي مكان ، وانا معاي هلي .. اني لا امسح فيه البلاط قدامها ،، سواء كان قطري اجنبي عربي .. اللي يكون


..




وصدقني القضاء والقانون معاي


هذا منكر

منننننكر

[شعشوع]

يدي بيدك !!

وفعلا المنكرات زادت .. حتى من اهل البلد تقليدا للاجانب كون الأمر أصبح عاديا ..

ولا يجب السكوت عليه

يدي بيدكــ .. وبوركت !!

سؤال ع الطاير : لو هذا الموقف حثل فـ السعوديه .. مالذي سيحدث ؟

أترك الإجابه للأعضاء الكرام ليعلموا الفرق ,,

[قطر501]

يدي بيدك !!

وفعلا المنكرات زادت .. حتى من اهل البلد تقليدا للاجانب كون الأمر أصبح عاديا ..

ولا يجب السكوت عليه

يدي بيدكــ .. وبوركت !!

سؤال ع الطاير : لو هذا الموقف حثل فـ السعوديه .. مالذي سيحدث ؟

أترك الإجابه للأعضاء الكرام ليعلموا الفرق ,,

تسلم اخوي شعشوع على كلامك الطيب وكلنا يدنا في يد بعض لكي تبقى قطر نظيفة من مثل هذا الاشياء الداخلية علينا
وبالنسبة ياخوي حق سؤالك لو حدث هذا الامر في السعودية الكل يعرف ان السعودية تطبق الشريعه ويكفي عندهم هيئة الامر بالمعروف والنهي عن المنكر الي بصراحة تمنى تكون عندنا هيئة مثلها وينك ياعبد الله بن خالد اقسم بالله كان مسنع مثل هالاشكال

[بوسيف الهاجري]

سؤال ع الطاير : لو هذا الموقف حثل فـ السعوديه .. مالذي سيحدث ؟

أترك الإجابه للأعضاء الكرام ليعلموا الفرق ,,

انا بجاوب على سؤالك
هل ذهبت الى شاليهات درة العروس في جدة ؟؟؟ او اي شالهات اخرى هناك ؟؟؟ لأن كلهم ماتدخلهم الهيئه
انا مابغي احلف باللي شفته هناك بس بعطيك تشبيه قريب ,,, تخيل نفسك اتمشى في بيروت في السوليدير في الصيف ,,, هذي الحياة هناك
غير الرقص غير المصخره اللي تصير علنا وعلى مرأى من الناس وفي عز النهار (( شفت بعيني محد قال لي ))

[الدوحي7]

والله ياصاحب الموضوع انك ماتنلام،،لكن وين الشرطه،،وشرطه الادب على ماسمعت،،ولكن الى عليك انت انكرت وقلت الموقف وان شاء الله يكون من انكار المنكر،، المهم كل شي عادي استوى عند الناس الى مطيحين معاهم ،،والله يستر من القادم بكره بنشوف ماسك له غرشه خمر معها هذا الى ناقص بس،،

[الدوحي7]

انا بجاوب على سؤالك
هل ذهبت الى شاليهات درة العروس في جدة ؟؟؟ او اي شالهات اخرى هناك ؟؟؟ لأن كلهم ماتدخلهم الهيئه
انا مابغي احلف باللي شفته هناك بس بعطيك تشبيه قريب ,,, تخيل نفسك اتمشى في بيروت في السوليدير في الصيف ,,, هذي الحياة هناك
غير الرقص غير المصخره اللي تصير علنا وعلى مرأى من الناس وفي عز النهار (( شفت بعيني محد قال لي ))

شاليهات خاصه حق مجمومه من الاجانب والمنحطين من الشعب ولكن يصير هذا الشي علني مستحيل،،

[قطر501]

انا بجاوب على سؤالك
هل ذهبت الى شاليهات درة العروس في جدة ؟؟؟ او اي شالهات اخرى هناك ؟؟؟ لأن كلهم ماتدخلهم الهيئه
انا مابغي احلف باللي شفته هناك بس بعطيك تشبيه قريب ,,, تخيل نفسك اتمشى في بيروت في السوليدير في الصيف ,,, هذي الحياة هناك
غير الرقص غير المصخره اللي تصير علنا وعلى مرأى من الناس وفي عز النهار (( شفت بعيني محد قال لي ))

اخوي ماعليه هاي داخل شيالهات حنا نتكلم عن المجمعات التجارية في الشوارع حتى في المطاعم فالسعودية ماتشوف مثل هالاشياء في المجمعات قصد بالذات البوس والخرابيط لكن بعض الحركات التي يقوم بها بعض المراهقين والمراهقات موجوده

[بوسيف الهاجري]

شاليهات خاصه حق مجمومه من الاجانب والمنحطين من الشعب ولكن يصير هذا الشي علني مستحيل،،

اخوي الدوحي انا قلت شاليهات درة العروس وهي شاليهات مشهوره في جدة وللأجار لعامة الشعب واسأل اي حد من ربعك راح جده عن اللي صاير هناك

[بوسيف الهاجري]

اخوي ماعليه هاي داخل شيالهات حنا نتكلم عن المجمعات التجارية في الشوارع حتى في المطاعم فالسعودية ماتشوف مثل هالاشياء في المجمعات قصد بالذات البوس والخرابيط لكن بعض الحركات التي يقوم بها بعض المراهقين والمراهقات موجوده

صحيح انا معاك في كل ماقلت ,,, لكن انا كنت اقصد بكلامي عامة ان كل دوله في مقبره ,,, يعني سواء في قطر ولا السعوديع ولا اي دوله فيها الزين وفيها الشين فالافضل انشوف مشاكلنا ونحلها بدل مانتمنى الموجود في الدول الاخرى
هذا القصد من كلامي

[الدوحي7]

اخوي الدوحي انا قلت شاليهات درة العروس وهي شاليهات مشهوره في جدة وللأجار لعامة الشعب واسأل اي حد من ربعك راح جده عن اللي صاير هناك

يعطيك العافيه على التوضيح،،حق الشعب بلعربي يدرون انا مافيها غير البلاوي والله يستر علينا،،لكن ياناس والله اذا جانا غضب من الله بيعم مب خاص حد بنفسه الله يحفظنا،،

[المخفي]

مع هذا الأمر بالمعروف والنهي عن المنكر نقدر نقول في معظم المملكة السعودية أفضل من عدم وجوده

المشكلة بتحط نفسك في مشاكل لها أول مالها تالي وتطلع أنت الغلطان

ايش الحل عيل

اشوف انه الواحد يحاول يكلمهم أو يستنكر هذا الشي قدامهم عشان يستحون هذا اذا يستحون

[HADi]

مسلسل المهازل . احنا الي مخلينه مستمر ... انت سكت وغيرك سكت طبعاُ بيستمر


انا ما تعرضت لهذا الموقف من قبل .. بس

اقــسم بالله العظيم .. لو لو اشوف مثل هذي المواقف مرااح اسكت حتى لو كنت بروحي ... وحتى لو فيها مركز شرطه ... انا معاي حق ومافي حد بيقولي انت غلطان

ممكن اليوم بروحي بكره معاي مرتي او امي او اختي او بنتي . وهذي الحركات كأنها افلام خليعه على الطبيعه .. احنا ناس لنا دين ولنا عدات وتقاليد و يا غريب خلك اديب .....

وانا اتمنى من كل واحد يشوف مثل هذي المواقف ما يسكت ..

[عذب الكلام 1]

اذا هو مب متربي في ناس بتربيه عدل والله لو كنت مكانك ما سكت عنه واحطه في موقف محرج

[حقيقه]

تسلم اخوي شعشوع على كلامك الطيب وكلنا يدنا في يد بعض لكي تبقى قطر نظيفة من مثل هذا الاشياء الداخلية علينا
وبالنسبة ياخوي حق سؤالك لو حدث هذا الامر في السعودية الكل يعرف ان السعودية تطبق الشريعه ويكفي عندهم هيئة الامر بالمعروف والنهي عن المنكر الي بصراحة تمنى تكون عندنا هيئة مثلها وينك ياعبد الله بن خالد اقسم بالله كان مسنع مثل هالاشكال

على فكره الهيئه ساعات تتبلا على العالم وهاي كلام مؤكد

[قطر501]

مسلسل المهازل . احنا الي مخلينه مستمر ... انت سكت وغيرك سكت طبعاُ بيستمر


انا ما تعرضت لهذا الموقف من قبل .. بس

اقــسم بالله العظيم .. لو لو اشوف مثل هذي المواقف مرااح اسكت حتى لو كنت بروحي ... وحتى لو فيها مركز شرطه ... انا معاي حق ومافي حد بيقولي انت غلطان

ممكن اليوم بروحي بكره معاي مرتي او امي او اختي او بنتي . وهذي الحركات كأنها افلام خليعه على الطبيعه .. احنا ناس لنا دين ولنا عدات وتقاليد و يا غريب خلك اديب .....

وانا اتمنى من كل واحد يشوف مثل هذي المواقف ما يسكت ..

اخوي مثل ماقلت انا كانت معاي زوجتي وعيالي لو كنت بروحي صدقني مب مخليه

[هداف]

اخي الكريم بارك الله فيك على غيرتك

وعند حصول مثل هذه المواقف امام عينك امامك اختيارين ثالثهما غير مقبول

الاختيار الاول : تذهب بأتجاه هذا ( الكلب ) اجلكم الله وتمسح فيه الارض وانا ارشح هذه الطريقه لكن تحمل العواقب :)

الاختيار الثاني : تطلب الدوريات او تاخذ رقم سيارته وتطلب له الشرطه وللعلم هذا الفعل يعتبر جريمه يعاقب عليها القانون وتسمى ( فعل فاضح وخادش للحياء في مكان عام )

الاختيار الثالث الغير مقبول هو
(( السكوت على مثل هذه الامور والتحسر والتألم لهذه المناظر من خلال فتح مواضيع في المنتدى وترفعون ظغطنا وياكم ))


يعني لو فاتح موضوع وكاتب فيه انك دست في بطنه وسحبته على وجهه لين مركز الشرطه كان بردت خطررنا :)

[بروحي]

الحكومه عجبها هذا الشئ
ليش تحرقون اعصابك
خلكم كول
لين اندش جهنم

[مطيع الله]

يا الله

[بوخالد911]

كان صورته بلووتث

وخذت رقم سيارته واشتكييت عليه بالدلييل القاطع
!!

[العـوا]

لا تعليق

[حبر سري]

اخوي راعي الموضوع
ماراح اجاملك وخلني اقول لك انك سلبي من قلب

ياخي صورهم , وبلغ عنهم

يعني ماسويت لهم اي شي , جاي تقول الدم غلى في عروقي ومادري شنو , زين وشسويت يعني؟؟ وشهالدم اللي غلى هذا؟؟؟

يخوي عندك 999 , بلغ وسو اللي عليك , هالاشياء مابنسكت عنها
اكتب في المنتدى على كيفك , لكن ياخي لاتصير سلبي , سو شي , تحرك , بلغ , كلم ادارة المطعم
اسمح لي اقول لك انك امشارك وياهم في هالعمل لانك شجعتهم عليه بعدم تبليغك

وصدقني لادمك غلى ولا شي , هذا بس كلام قاعد تكتبه , لان لو دمك غلى كان بلغت عليهم ولا بلغت ادارة المطعم وهددتهم انك بتبلغ الشرطة اذا ماطردوهم او وقفوهم عند حدهم

[flan2222]

صدق قطر تغيرت في كل شي !! صارت هل الامور عاديه ! اول محد يتجرأ يسوي شي غلط سواء اجنبي اوعربي ..

[الزاجل]

من امن العقاب اساء الأدب

[أمة الله]

انزين يصير نبلغ بعد عن اللبس الماااصخ ويكون البلاغ تحت خدش الحياء ؟

[ورقــة أمــل]

الموضوع مب عن المهازل اللي صايرة

الموضوع ان احنا شلون نوصل صوتنا لأصحاب الشأن

بدال ما نتكلم وكلامنا لا يودي ولا يجيب ولا يغير شي من اللي صاير

وكل مالها المسألة صارت اكثر تعقيدا

[سعادة الوزير]

انتوا الله يهديكم قاعدين تلومون قطر 501 انه ماراح لهذا الشخص وضربه او عطاه كف ومادري ايش ، انتوا تدرون ان القانون ماراح ينصفه في هاذي الحالة ، لان هذا في نظر القانون حرية شخصية ، وحتى لو حاول يتهمهم بالاتيان بفعل فاضح في مكان عام ، فصعب جدا اثبات ذلك امام القضاء ، والنتيجة؟ الاخ قطر 501 راح يتبهدل بتهمة الاعتداء ويمكن انه ينسجن وتضيع اسرته وتتمرمط (الله يكافيه الشر).

الحل يا اخواني مش في تصرفات فردية او شخصية ، الحل هو تحرك رسمي لوقف مذل هذه المهازل ، ولو اني اشك في حدوث مثل هذا التحرك مستقبلاً ، فالمسؤولين مشغولون بأشياء اخرى "اهم"!!

[سداوي&مدريدي]

اخواني انا مابغي حد يلومني الحين حنا نبغي حل لمثل تلك الاشياء انا لو رحت له كنت برتكب جريمة ماقدر اتحمل هالمناظر زوجتي يوم منعتني كانت حكيمة بكره يطوني في السجن بعدين عيالي يروحون وين ياجماعه بالعربي مثل هؤلاء الاشكال القانون دائما معهم اخوي الاحبابي ان شاء الله الكل بيحط يده في يدنا

أنـــزين ماهـي الحــلول؟

[هداف]

انتوا الله يهديكم قاعدين تلومون قطر 501 انه ماراح لهذا الشخص وضربه او عطاه كف ومادري ايش ، انتوا تدرون ان القانون ماراح ينصفه في هاذي الحالة ، لان هذا في نظر القانون حرية شخصية ، وحتى لو حاول يتهمهم بالاتيان بفعل فاضح في مكان عام ، فصعب جدا اثبات ذلك امام القضاء ، والنتيجة؟ الاخ قطر 501 راح يتبهدل بتهمة الاعتداء ويمكن انه ينسجن وتضيع اسرته وتتمرمط (الله يكافيه الشر).

الحل يا اخواني مش في تصرفات فردية او شخصية ، الحل هو تحرك رسمي لوقف مذل هذه المهازل ، ولو اني اشك في حدوث مثل هذا التحرك مستقبلاً ، فالمسؤولين مشغولون بأشياء اخرى "اهم"!!




لا يا اخي الوزيررررررررر ماهكذا تساق الابل :)


القانون القطري مافيه شي اسمه حريه شخصيه بممارسة الحب والخلاعه في شارع عام اخي الكريم هذا الفعل يعاقب عليه القانون تحت بند (( فعل فاضح وخدش الحياء )) ويقدر يثبت الواقعه بطلب الشرطه ودورية تحقيق وشهادة اثننين او ثلاثه تكفي انها تمرمط هذا الكلب اجلكم الله

ولعلمك الاخوان في الشرطه والدوريات ليسوا من كوكب اخر هم اخواني واخوانك وبني عمي وعمك وربعنا وعيالنا وفيهم غيره ولا يرضون بالشيء هذا
وحتى السكارى في الشوارع ووحركاتهم اخر الليل تقدر تطلب لهم الشرطه وتثبت عليهم المخالفه عند تصرفهم بحركات خادشه للحياء او السواقه بحالة سكر الموضوع محتاج لتعاون المواطنين معا رجال الامن يعني لاتشوف ها لمناظر امامك وتصد عنهم وتقول شسوي !! يا اخي اتصل على الشرطه واثبت الواقعه با لشهود واذا انت غيور ستين واحد في نفس الشارع يشاركونك الشعور وبيشهدون معاك

[al_lord]

90% منكم وقع على الدستور واي تصرف ممكن يسويه الاخ صاحب الموضوع راح يكون انتهاك للحريه الشخصيه

بس للعلم

فيه مقوله تقول " تتوقف حريتك حينما تتعدى على حريات الاخرين " الظاهر من خط الدستور نسى هذا الشي

[مضارب جديد]

90% منكم وقع على الدستور واي تصرف ممكن يسويه الاخ صاحب الموضوع راح يكون انتهاك للحريه الشخصيه



كلامك عين العقل

لازم نقرأ , ونفهم , و نتصرف

[فزعـــــ قطر ـــــة]

http://www.21za.com/pic/decoration003_files/56.gif
والله المستعااان على ماتصفوون .. حسبنا الله ونعم الوكيل
http://www.21za.com/pic/decoration003_files/56.gif

[فلان]

لا يا اخي الوزيررررررررر ماهكذا تساق الابل :)


القانون القطري مافيه شي اسمه حريه شخصيه بممارسة الحب والخلاعه في شارع عام اخي الكريم هذا الفعل يعاقب عليه القانون تحت بند (( فعل فاضح وخدش الحياء )) ويقدر يثبت الواقعه بطلب الشرطه ودورية تحقيق وشهادة اثننين او ثلاثه تكفي انها تمرمط هذا الكلب اجلكم الله

ولعلمك الاخوان في الشرطه والدوريات ليسوا من كوكب اخر هم اخواني واخوانك وبني عمي وعمك وربعنا وعيالنا وفيهم غيره ولا يرضون بالشيء هذا
وحتى السكارى في الشوارع ووحركاتهم اخر الليل تقدر تطلب لهم الشرطه وتثبت عليهم المخالفه عند تصرفهم بحركات خادشه للحياء او السواقه بحالة سكر الموضوع محتاج لتعاون المواطنين معا رجال الامن يعني لاتشوف ها لمناظر امامك وتصد عنهم وتقول شسوي !! يا اخي اتصل على الشرطه واثبت الواقعه با لشهود واذا انت غيور ستين واحد في نفس الشارع يشاركونك الشعور وبيشهدون معاك

انزين لو حبينا نعرف فعلاً التصرف القانوني في هذه الحاله اشلون؟( وحتى في موضوع الملابس الخليعه) ايش هو نص القانون ؟ والتصرف القانوني الرسمي؟ ياريت لو اخ محامي من قراء هذا المنتدى الطيب ينورنا عشان لو حد فينا تعرض لموقف مشابه يقدر يتصرف والقانون يكون معاه %100

[جود]

والله اذا انتوا الرجال ما تكلمتوا أحنا شنقدر نسوي ..
ومن قال ان القانون مب معاكم ...
ومش بس جذي انت اذا تقول بتروح مراكز الشرطة وسين وجيم على الأقل بتفرح ربك فيك

يا ربي واالله احنا البنات ما نقدر نسوي شي ,, اقسم بالله اشوف واسكت
مخافة من المرمطة معاهم او ان حد يغلط علي

[سوق واقف]

لا تعليق

[دلة الرسلان]

والله اذا انتوا الرجال ما تكلمتوا أحنا شنقدر نسوي ..
ومن قال ان القانون مب معاكم ...
ومش بس جذي انت اذا تقول بتروح مراكز الشرطة وسين وجيم على الأقل بتفرح ربك فيك

يا ربي واالله احنا البنات ما نقدر نسوي شي ,, اقسم بالله اشوف واسكت
مخافة من المرمطة معاهم او ان حد يغلط علي


شافت اختي موقف مشابه بين شاب وشابة غربيين احذا الكاشير قدام خلق الله في احد

المجمعات تقول انصدمت وصرخت عليهم تقول وما عرفت الأ NO..NOواشر بيدي ان تفرقوا

تقول لو شفتي وجيههم اشلون مستغربيين وكل واحد راح في صوب وانتهى الموقف لاشرطة

ولا شكاوي بس لازم نتحرك بنفسنا دون انتظار الجهات العليا ، واقول ترى الغربيين امرهم سهل

المصيبة اللبنانيين واجد مستغليين سكوت الناس في ممارسة خياسهم اعزكم الله .

[قطر501]

اخوي راعي الموضوع
ماراح اجاملك وخلني اقول لك انك سلبي من قلب

ياخي صورهم , وبلغ عنهم

يعني ماسويت لهم اي شي , جاي تقول الدم غلى في عروقي ومادري شنو , زين وشسويت يعني؟؟ وشهالدم اللي غلى هذا؟؟؟

يخوي عندك 999 , بلغ وسو اللي عليك , هالاشياء مابنسكت عنها
اكتب في المنتدى على كيفك , لكن ياخي لاتصير سلبي , سو شي , تحرك , بلغ , كلم ادارة المطعم
اسمح لي اقول لك انك امشارك وياهم في هالعمل لانك شجعتهم عليه بعدم تبليغك

وصدقني لادمك غلى ولا شي , هذا بس كلام قاعد تكتبه , لان لو دمك غلى كان بلغت عليهم ولا بلغت ادارة المطعم وهددتهم انك بتبلغ الشرطة اذا ماطردوهم او وقفوهم عند حدهم

اخوي حبر سري رد اخي سعادة الوزير والاخ اللورد يكفي
مادري اي شرطة الي بيجونك في دقيقة وحده انا مادري من متى كان قاعد هذا مع الي معاه فالمطعم يوم انا وصلت المكان كلها اقل من دقيقين واختفوا واذا جات الشرطه وهم مب موجودين شنو بيكون موقفي اقولهم كانوا قاعدين هنيه بتقول ليش ماخذيت رقم السيارة انا اصلا ماشفتهم يوم طلعوا فالنهاية اخوي ماظن ان القانون ينصف القطريين هذوال صاروا اهل البلد وحنا الغرب . وعلى فكره فيه موقف صار مع واحد من الربع تقريبا نفس هالموقف وصور الحادثة وبلغ الشرطه واخر شي ماصار شي كتبوا رفيجي تعهد !!!!!!!!!!!!! بتستغرب اي قانون تتكلم عنه اذكر الله بس هل الاشكال ياخي اذا وصلوا مركز الشرطة فيه من يطلعهم في نفس الوقت لكن انا المسكين من بيطلعني اخوي حبر سري انا مابغي اتكلم اكثر حتى انا استغرب اتهامك لي تقول ان دمك غلى وهو لا غلى ولا شي مجرد كتابه سبحان الله هل كنت معي يعني تبغيني ارتكب جريمة بعدين انت بتنفعني يكفي اني مارضيت اشوف منظر مثل هذا وانت تتهمني اني شريك معاهم اتمنى مثل ماقال اخوي اللورد روح اقرأ الدستور الي وقعنا عليه

[سعادة الوزير]

لا يا اخي الوزيررررررررر ماهكذا تساق الابل :)


القانون القطري مافيه شي اسمه حريه شخصيه بممارسة الحب والخلاعه في شارع عام اخي الكريم هذا الفعل يعاقب عليه القانون تحت بند (( فعل فاضح وخدش الحياء )) ويقدر يثبت الواقعه بطلب الشرطه ودورية تحقيق وشهادة اثننين او ثلاثه تكفي انها تمرمط هذا الكلب اجلكم الله

ولعلمك الاخوان في الشرطه والدوريات ليسوا من كوكب اخر هم اخواني واخوانك وبني عمي وعمك وربعنا وعيالنا وفيهم غيره ولا يرضون بالشيء هذا
وحتى السكارى في الشوارع ووحركاتهم اخر الليل تقدر تطلب لهم الشرطه وتثبت عليهم المخالفه عند تصرفهم بحركات خادشه للحياء او السواقه بحالة سكر الموضوع محتاج لتعاون المواطنين معا رجال الامن يعني لاتشوف ها لمناظر امامك وتصد عنهم وتقول شسوي !! يا اخي اتصل على الشرطه واثبت الواقعه با لشهود واذا انت غيور ستين واحد في نفس الشارع يشاركونك الشعور وبيشهدون معاك

كلامك عين العقل وسليم مئة بالمئة من الناحية النظرية ، ولكن من الناحية العملية شلون؟ انا اقول لك : مشتكي على شخص اجنبي كل يوم يوقف قدام بيتي ومستحل الشجرة الي زارعها عشان استظل بها موقف مجاني وكاشف البيت كله ، تتوقع حد سوالي شي في مركز الشرطة؟ مرتين رايح لهم اترجاهم عشان يسوون لي شي في هالشخص وبعد محد عطاني ويه ، المرور يحولوني للتحقيق والتحقيق يردوني مرة ثانية للمرور!!

للأسف شرطتنا يكسرون الخاطر ، الله يعينهم على ازمات المرور والحوادث مب ملحقين على الباقي!

[م. عبدالعزيز]

شنسوي هاي الدنيا بلاوي شكثر
ما اقول الا الله المستعان... المجمعات ما اروح لها الا للضروره
واقولك شي.. لما تدخل مجمع تجاري قول دعاء دخول السوق ... والله المستعان

[حبر سري]

يعني تبغيني ارتكب جريمة بعدين انت بتنفعني يكفي اني مارضيت اشوف منظر مثل هذا وانت تتهمني اني شريك معاهم اتمنى مثل ماقال اخوي اللورد روح اقرأ الدستور الي وقعنا عليه

اخوي قطر
اتحداك
ثم اتحداك
اتلاقي في ردي اي كلمة تقول لك ارتكب جريمة
الا ااذا انك شايف ان ابلاغ الشرطة جريمة
اما بالنسبة للدستور , فاتحداك الف مرة اتجيب لي فقرة تقول ان الافعال الفاضحة مباحة في الاماكن العامة , او ابلاغ الشرطة جريمة
اخوي لاتردد الكلام بدون ماتدقق , لان في غيرك ايدقق
انا قلت لك ليش مااتصلت 999 , او كلمت ادارة المطعم

وين الجريمة اللي قلت لك ارتكبها؟

هذا احنا , اذا مانبي انسوي شي ايجابي قلنا هالكلام , والدستور , والاجانب ماكلينا , تدري ليش؟
لان مافي اسهل من الكتابة في المنتدى

[sulai6i]

انا مرة كنت في سوق واقف .. وشفت اجانب واحد معاه وحده .. عطاها قبلة على الطاير
جيته وصرخت عليه ( آر يو كريزي ) من قوة صوتي الشرطي اللي لابس غترة سمعني
ورطنت عليه وتم يتاسف ويتاسف وعلمته ان هالشي عندنا ممنوع

وفي يوم غير كنت بعد في سوق واقف .. الا اشوف واحد ( قطري ) كبير في السن يلاحق البنات
والظاهر انهم هاوشوه تعوذت من ابليس .. لكنه تم يلاحقهم .. ما دريت بنفسي الا وهو على الأرض وانا قاعد ارفس فيه

غلطان يوم انك سكت .. على الأقل لو سمعته كلام بدون تشابك ايدي كان احسن