ليش تسرقون ياكيوتل؟تفضلو

[بوحمد2]

وانا ادقق على فواتير الجوال اكتشف انه لوبس اتصل واقول اطلع انا عند الباب على طول يحسب علي مكالمه دقيقه .شفت مكالمات كثيره كلها المده دقيقه فلت اشدعوه انا اتكلم دقيقه بالظبط واسكر بالثانيه ؟مستحيل المهم ان كيوتل هالسنه بتدخل ارباح خياليه بفضل السرقه البسيطه الي يتبعونها ولكم القرار...

[ابوسعود]

سهم مرتفع في النهايه بيطلعونك غلطان
فك نفسك وادفع :whistling:

[بوخالد911]

الثانية كالدقيقة لدى كيوتل
!!!

[milan]

الثواني لايتم حسابها في الفواتير وتحسب الدقيقه كامله :court:
مثال:مكالمه انتهت بعد 4 ثواني تحسب دقيقه :omg:
مثال آخر: مكالمه اخرى انتهت بعد دقيقتين و5 ثواني تحسب 3 دقائق :whistling::whistling:

[ANONYMOUS]

صحيح.. زي ماقالوا الربع..

ثانيه ولا 59 ثانيه.. الحساب حساب دقيقه..

وهالحركه يمكن طبقوها من حول 9 شهور مش متأكد..


وقالوا ان خبير استرالي علمهم هالحركه..

وهم طبقوها من غير مايرجعون للزباين..

ويقلون هالاسترالي معطينه معاش خيالي..

لو ادري كان علمتهم هالحركه من زمان.. وابي الف واحد بالشهر.. :)


فواتيري كانت 150 شهريا.. او حواليها.. الحين 400 ولا 500..

[jajassim]

وانا ادقق على فواتير الجوال اكتشف انه لوبس اتصل واقول اطلع انا عند الباب على طول يحسب علي مكالمه دقيقه .شفت مكالمات كثيره كلها المده دقيقه فلت اشدعوه انا اتكلم دقيقه بالظبط واسكر بالثانيه ؟مستحيل المهم ان كيوتل هالسنه بتدخل ارباح خياليه بفضل السرقه البسيطه الي يتبعونها ولكم القرار...


أخوى ،، للأسف ،، وسبق وان اعلن كيوتل ،، اى جزء من الدقيقة الاولى تنحسب دقيقة ،، واى جزء من الدقيقة الثانية تنجسب دقيقتين ،، وهكذا ، باستثناء المكالمات الخارجية ،، :)

[خالي مشاعر]

هالنظام طبقوه مع اخر تخفيض للاسعار

للاسف الناس يشوفون التخفيض ومايدرون باللي بين السطور
شركة واحد من الشباب فواتيرها كانت 10000 ريال شهريا
وبعد التخفيض ونظام احتساب كسر الدقيقه بدقيقه صارت الفواتير 16000 ريال شهريا
والمشكله ان كيوتل اتذلنا وتقول خفضنا الاسعار
والجرايد اتصفق لهم
اخبر مره لقيت مندوب لجريده وقلت له عندي شكوى على كيوتل وكل الاوراق عندي
قالي والله احنا مع كيوتل واذا كتبنا شئ عنهم بيوقفون الاعلانات عن الجريده

[ســـهم]

خلاص من اليوم موب قايلين اطلع عند الباب

بنقول اطلع عند الباب ونخلي الاتصال دقيقه

كويتل ماتسرق فديتها !

[الدوحي7]

كل شي ولا كيوتل




رواتبنا كلها لهم حسبي الله ونعم الوكيل،،

[امل الحب]

أخوى ،، للأسف ،، وسبق وان اعلن كيوتل ،، اى جزء من الدقيقة الاولى تنحسب دقيقة ،، واى جزء من الدقيقة الثانية تنجسب دقيقتين ،، وهكذا ، باستثناء المكالمات الخارجية ،، :)

:victory:

هالشي تطبق مع اخر تخفيضات صارت والعالم استانسو ولاانتبهوا للنقطة هذي الي تعوض فيها كيوتل بطريقة ثانية قيمة التخفيضات :rolleyes2:

الله يعينكم ويعينا عليهم :omen2:

[الدوحي7]

:بحاول اخترع لكم تيلفون رخيص وشبكه رخيصه جدا جدا،، من اليوم بفكر في الاختراع،،
:omen2:::telephone:

[هاجس قطر]

السلام عليكم
ياجماعه
من كم يوم الناس تعبي رصيدها ويكون نفس رصيد القديم
ناس ويد راجعوهم يقولون لهم انتو مستقبلين بلوتوث فيه فايروس
نزين والي ماعند بلوتوث شنو توقعون الرد
يمكن حد مطرشلك رساله فيها فايروس وانتو ماتدرون؟
شالحل معاهم
والي يقهر ان معلمين الموظفين ع الكذب؟؟؟
اهم شي يصرف العميل
والي مش مصدق كلامي يسأل اي حد عنده ف الله يعزكم كيوتل
ويعز عليكم شوف ايش بقول كلامي صح ولا لأ
والله يعطيكم العافيه ع الموضوع
وسمحولي ع المداخله

[الزاجل]

من زمان قبل شهر 9 الثانية بدقيقة اكثر من سنة وزود
ادفع فواتير الكل الثانية عن دقيقة
كانت الفواتير اتينا 300 صارت 700 او 500
حسب الثواني ..

وقبل احتساب الثواني
الرنة كانت محسوبة في وقت من الأوقات
يعني لو دقيت على رفيجك وصاح التلفون عنده وما رد عليك
كانت الرنة تنحسب عليك ..
لين تداركوا الموضوع ..

[ابوعبدالعزيز]

كيوتل أم الشرف والأمانة

وليكن شعارنا كيوتل رايح كيوتل جاي

[بوخالد911]

igh
هلا

أنصح الكل بشراء ساعة توقيت
Stop Watch
:eek5::omg::eek5:
يشغلها لما يتكلم
وأول من تشووف وصلت الى 59 ث ؛ يسكررر الخط بسررررعة !!

خلوا مكالماتكم 59 ث ليش 5 ث ولا 10ث
!!!

[م. عبدالعزيز]

السلام عليكم هلا الشباب
انا لاحظت هالشي قبل فتره كنت اشوف كله دقايق مافيه ثواني الا للمكالمات الدولية
بالفاتورة فكرتها اخطاء حسابيه من كيوتل
مره قلت بجرب اسألهم لانه كل مره يسوونها الا يقولي الموظف نحسب كل 60 ثانيه قلت له من متى خخخ وانا اقول ليش اخواني الصغار يخلص رصيدهم بسرعه الله يعينهم كرت الهلا ب55 درهم للدقيقه!
اعتقد شركه الجوال او موبايلي السعوديه الشي المميز عندهم يحسبون بالثواني، حتى اذكر شفت اعلان لشركة دو الاماراتيه تحسب المكالمات بالثواني

صراحه لو كيوتل ترحمنا شوي وتحسب كل 30 ثانيه او 15
صحيح 35 درهم قليل ولو يحسبونهاعلى الاهل كل 15 ثانيه بيكون ارحم لنا
ولو انه عاجبهم طريقة 60 ثانيه خلوهم ينزلون لنا سعر الدقيقه مثلا 20 درهم مثل الدول المجاوره!!

[بوخالد911]

هلا
النظام السابق لاحتساب التكلفة كان كالاتي

1 ث - 19 ث = 15 درهما
20ث - 39ث = 15 درهما
40ث - 60ث = 15 درهما

ويا رييت العودة للنظاام القديم

[al_lord]

ماهو دور مجلس الاتصالات من هذه القرارات والتى تنفرد بها كيوتل بحكم احتكارها لحد الان لسوق وعدم وجود منافس لها

على حد علمي كيوتل تأخذ موافقة المجلس على اي تعديل في الاسعار او الخدمات وحتى العروض فما هو رأي مجلس الاتصالات بهذا !!