يا حكومة : هل هذه القوانين "قانونية"؟؟؟

[سعادة الوزير]

السلام عليكم ورحمة الله

اولا بالنسة لقانون الايجارات الجديد ، انا استغرب من هذا القانون العجيب!! .. وكأنهم حاطينه لاضافة سبب جديد لزيادة الايجارات! .. والسبب هو دفع 1 بالمئة كرسوم تصديق العقد للجنة الايجارات بوزارة البلدية ، ومن المعروف ان رسوم تصديق العقود بوزارة العدل معروفة للجميع ، فلماذا نصدق عقود الايجارات بالذات في البلدية وليس في وزارة العدل؟؟ .. وعندك ايضا فض المنازعات بين المؤجر والمستأجر تركها هذا القانون في عهدة البلدية!! .. ليش البلد مافيها محاكم وقضاة؟؟ .. طيب ايش يصير لو صدقت العقد في وزارة العدل ، هل يعتبر تصديقهم لاغي؟ .. وايش يصير لو اتجهت لمحاكم المجلس الاعلى للقضاء لفض المنازعات بين المؤجر والمستأجر؟ .. الخلاصة هل هذا القانون قانوني اساساً؟؟؟

اما عن قانون المرور فحدث ولا حرج ، هل تعلمون ان معظم المخالفات التي تسجل عليكم هي غير قانونية؟ بتسئلون كيف؟ انا اقول لكم ، توصلك رسالة نصية بتسجيل عليك مخالفة تجاوز من اليمين ، وين الاثبات؟ من الشاهد؟ . تقدر انك تلغي المخالفة بسؤال واحد فقط ، خلهم يجيبون الشرطي وخل يقول لهم انت شكنت لابس ومن كان معاك في السيارة وقت تسجيل المخالفة، طبعا ماراح يقدر يقول ، وبذلك تعتبر الحادثة غير واقعة بنظر القانون ، عندك بعد مخالفة تأخير تجديد الاستمارة ، شلون تخالفني بتهمة تسيير مركبة بدون ترخيص والمركبة اصلاً كانت واقفه؟ يعني انت حكم علي اني كنت اسير هذه المركبة وانا واقف عندك على الكاونتر ابي اجدد الاستمارة!! .. هل هذا الكلام يدخل العقل؟؟؟ وقيس على ذلك مخالفة تأخير تجديد الليسن ، اذا انت ماشفتني اسوق برخصة منتهية ، شلون تفرض علي مخالفة؟؟ يعني بالعربي شلون هالقانون يأخذ بالافتراضات؟؟؟ بصراحة شي عجيب غريب!! .. اذن الاجراء الصحيح هو كما كان يعمل به في السابق ، المخالف توقفه على جنب وتوضح له مخالفته وتعطيه وصل مخالفه وتتوكل على الله ، ليش؟ لان بهالشكل بيعرف هو أخطأ في ايش وبيصحح خطأه! ,, لان هذا هو الهدف الحقيقي من المخالفات ، مب انك تخليها عبراة عن قوانين جباية!

الظاهر احنا بعد 10 سنوات بيصير مدخولنا الرئيسي هو معاشات المواطنين ، لان الحكومة بتاخذ معاشنا كله عبارة عن مخالفات ورسوم!!

وسلامتكم.

[بوخالد911]

هلا

سواء كانت قانونية أم لا
المهم تدفع ما علييك من غرامات
!!

[مافيا قطر]

قانونيه اولا غصب راح ندفع ما تدفع ما يجدد جوازك ولا بطاقتك ولا اقامه الخدامه والدرويل

الحل هو انه الحكومه تعيد النظر فى هذه الغرامات او خذ شى رمزى لها بس ان شاء الله الايام الجايه راح تحمل خير بس الصبر زين

[jajassim]

أخوى ،، هدي أعصابك شوى ،، داش علينا عرض ،،،

ممكن ترتب افكارك وتكتب جمل مفيدة

لأني مافهمت ولا شىء من اللي كتبته

[سعادة الوزير]

أخوى ،، هدي أعصابك شوى ،، داش علينا عرض ،،،

ممكن ترتب افكارك وتكتب جمل مفيدة

لأني مافهمت ولا شىء من اللي كتبته

قول لي شنهو الي ما فهمته وانا بافهمك.

[jajassim]

قول لي شنهو الي ما فهمته وانا بافهمك.




اما عن قانون المرور فحدث ولا حرج ، هل تعلمون ان معظم المخالفات التي تسجل عليكم هي غير قانونية؟ بتسئلون كيف؟ انا اقول لكم ، توصلك رسالة نصية بتسجيل عليك مخالفة تجاوز من اليمين ، وين الاثبات؟ من الشاهد؟ . تقدر انك تلغي المخالفة بسؤال واحد فقط ، خلهم يجيبون الشرطي وخل يقول لهم انت شكنت لابس ومن كان معاك في السيارة وقت تسجيل المخالفة، طبعا ماراح يقدر يقول ، وبذلك تعتبر الحادثة غير واقعة بنظر القانون ،



،، تفضل أخوى ،،

أشلون ،، حكمت من أن معظم المخالفات ،،، غير قانونية ،،،

وأشلون ،، تبي من العسكري ،، يعرف من كان معك وشكنت لابس ،،،

وأكتفي بهذا ،،، :nice: وأعطني جواب واضح ومقنع ومنطقي :deal:


وفالك طيب يا سعادة الوزير ،،،،:nice:

[عندليب قطر]

هذي الدنيا حكم القوى ع الضعيف يالله المستعاااان لنا رب اسمة الكريم

[سعادة الوزير]

،، تفضل أخوى ،،

أشلون ،، حكمت من أن معظم المخالفات ،،، غير قانونية ،،،

وأشلون ،، تبي من العسكري ،، يعرف من كان معك وشكنت لابس ،،،

وأكتفي بهذا ،،، :nice: وأعطني جواب واضح ومقنع ومنطقي :deal:


وفالك طيب يا سعادة الوزير ،،،،:nice:


بالنسبة الى النقطة الاولى : الموضوع فيه طرفين ، مدعي ومدعى عليه ، المدعي هو المرور والمدعى عليه هو السائق ، المرور يقول انك خالفت ، لكن هم ماعندهم اثبات انك خالفت ، مثلاً نفترض ان الي كتب الرقم غلط ، شلون تثبت انه غلط؟ تقول له (على سبيل المثال) قول من كان معاي في السيارة وقت ارتكاب المخالفة؟ اذا ما قدر انه يجاوب معناتها انه ماعنده دليل "دامغ". يعني في هاذي الحالة اقدر اني اطلب تحويل المخالفة الى المحكمة واسأل الشرطي الي كتب المخالفة هذا السؤال ، واذا ماقدر انه يجاوب فالقاضي راح يحكم بعدم اثبات المخالفة.

طبعاً هذا الكلام كله على سبيل المثال ، ومن الممكن القياس على ذلك حالات كثيرة اخرى.

الدليل على كلامي : اذا تذكر ايام ماكانوا يسجلون المخالفة في دفتر المخالفات ، كان فيه خانة اسمها (الشاهد) وكان يوقع عليها الشرطي المرافق في الدورية ، وكذلك الشرطي محرر المخالفة كان يوقع على ورقة المخالفة قبل لا يسلمها للسائق ، هل تعتقد ان هذا كله قد تم وضعه عبث؟؟؟ لا طبعاً! .. كذلك في جميع الدول الغربية ، تشوف الشرطي يحرر المخالفة (كتابةً) ويوقع عليها ، وهذا بمثابة اقرار من الشرطي بانه رآك في وضع مخالف لقوانين المرور. في حالتنا احنا هني ، وين هذا الاقرار؟؟ .. هني الشي الغير قانوني ، مافي ورقة تم تحريرها وقت حدوث المخالفة .

هناك مثال واقعي قد حدث فعلاً لأحد الاخوان عندما وصلت اليه رسالة نصية بوقوع مخالفة تجاوز من اليمين ، والاخ كان بيدفعها ولو انه كان يقول انا متأكد اني عمري ماسويتها ، نصحناه انه يراجع ، عل وعسى يكون فيه خطأ ، راح المرور وراجع القسم المختص ، اتضح ان فيه دورية شافت سيارة عليها لوحة اماراتية رقمها نفس رقم اخونا والاخ الي سجل الرقم نسى يذكر جنسية اللوحة ، وكانوا بيحطون المخالفة على ظهر اونا وبتسجل عليه مادري كم نقطة ، طيب لو ان الدورية وقفت السيارة المخالفة وحررت مخالفة (مثل ماهو حاصل في باقي الدول) ماكانوا راح يتداركون مثل هذه الاخطاء؟ .. من يدري كم خطأ صار وكم مخالفة تم تحميلها لآخرين مالهم ذنب؟

اتمنى تكون فهمت الي ابي اوصل له.

اما عن موضوع قانون الايجارات ، فاذا كنت موافق ان الدولة تقوم باقتسام املاك المواطنين وتخصم منهم نسبة من الايجار كرسوم سنوية من اجل لاشيء وترى ان هذا الاجراء قانوني، فانا اسحب جميع ماذكرت واقول (حسبي الله ونعم الوكيل).

[بــو فهــد]

ما اقدر احكم على على قانون الايجارات
لكن قانون المرور .. آآآه يا قانون المرور .. قانون غابات
مب عشان قيمة المخالفات .. لان الارواح ماهي رخيصه لكن طريقة المخالفه هي طريقه وللاسف " متخلفه "

شبيضر الشرطي لما يوقف المخالف ويكتبله المخالفه ويسلمها في يده ؟


هاذي الحالة اقدر اني اطلب تحويل المخالفة الى المحكمة واسأل الشرطي الي كتب المخالفة هذا السؤال
على فكره اخوي سعادة الوزير , في الدول المتطوره واكبر مثال اعيشه في امريكا ,, المخالف يوقفه الشرطي ويعطيه المخالفه .. وفي المخالفه موعد في المحكمه .. الشخص يقدر يروح المحكمه ويقدر يدفعها قبل موعد المحكمه .. هني " الديمقراطيه " مب اللي عندنا :)
حسبي الله ونعم الوكيل :)

[سعادة الوزير]

ما اقدر احكم على على قانون الايجارات
لكن قانون المرور .. آآآه يا قانون المرور .. قانون غابات
مب عشان قيمة المخالفات .. لان الارواح ماهي رخيصه لكن طريقة المخالفه هي طريقه وللاسف " متخلفه "

شبيضر الشرطي لما يوقف المخالف ويكتبله المخالفه ويسلمها في يده ؟


على فكره اخوي سعادة الوزير , في الدول المتطوره واكبر مثال اعيشه في امريكا ,, المخالف يوقفه الشرطي ويعطيه المخالفه .. وفي المخالفه موعد في المحكمه .. الشخص يقدر يروح المحكمه ويقدر يدفعها قبل موعد المحكمه .. هني " الديمقراطيه " مب اللي عندنا :)
حسبي الله ونعم الوكيل :)

لا وأزيدك من الشعر بيت ، في بريطانيا تحصل ورى ورقة المخالفة فورمه للاستئناف ، يعني اذا ماتبي تدفع وحاس نفسك مظلوم تعبي هالفورمه وتبعثها للمحكمة وهي تنظر في استئنافك وممكن انها ترفض المخالفة على طول وحتى بدون حضورك.

طبعا الفرق بينا وبينهم ، انه هم قوانينهم "اجتماعيه" اي انها في صالح المجتمع ، واحنا قوانينا "حكومية" اي انها في صالح الحكومة!

[بــو فهــد]

طبعا الفرق بينا وبينهم ، انه هم قوانينهم "اجتماعيه" اي انها في صالح المجتمع ، واحنا قوانينا "حكومية" اي انها في صالح الحكومة!

ايييييه خلها على الله ياخوي ..

[فهد الخاطر]

قانون المرور جائر وانا من الناس الي ارتبك عند الاشارات الضوئية لانه مرات يجون ناس طايرين ما تقدر توقف وان وقفت طيرك انت وموترك
اما بالنسبة للتجاوز من اليمين فاعتقد بانه العالم بتتلعوز من هذا القانون مره كنت راجع الوكره ويوم كنت على الخط ما وعيت الا ثلاث سيارات تتسابق يسار ووسط ويمين انحديت اني امسك الخط الي خاص بوقوف السيارات يعني في هذه الحالة ممكن شرطي المرور يطلع من غير احساس وضمير ويصكهم مخالفات ويكملها فيني هذا اذا كان منزوع الاحساس

[jajassim]

لا وأزيدك من الشعر بيت ، في بريطانيا تحصل ورى ورقة المخالفة فورمه للاستئناف ، يعني اذا ماتبي تدفع وحاس نفسك مظلوم تعبي هالفورمه وتبعثها للمحكمة وهي تنظر في استئنافك وممكن انها ترفض المخالفة على طول وحتى بدون حضورك.

طبعا الفرق بينا وبينهم ، انه هم قوانينهم "اجتماعيه" اي انها في صالح المجتمع ، واحنا قوانينا "حكومية" اي انها في صالح الحكومة!



،،، الله يحييك أخوى ،، هذا الكلام المنطقي ،، اللي اتقصده عن آليه ،، تنفيذ القانون ،،، مب الكلام اللي كتبته فوق ،، ،، كلها مبنيه على افتراضات غير مثبته ،،


ولمرة ثانية ،، اشكرك على ملاحظاتك يالغالي ،،، اللي ارسلتها لادارة المرور ،،، لدراستها وفالك طيب ،،،

[مضارب جديد]

،،، الله يحييك أخوى ،، هذا الكلام المنطقي ،، اللي اتقصده عن آليه ،، تنفيذ القانون ،،، مب الكلام اللي كتبته فوق ،، ،، كلها مبنيه على افتراضات غير مثبته ،،


ولمرة ثانية ،، اشكرك على ملاحظاتك يالغالي ،،، اللي ارسلتها لادارة المرور ،،، لدراستها وفالك طيب ،،،

اخوي جاسم

اشكر تواجدك في المنتدى و مع كامل الاحترام

عندي سؤال:

هل حضرتك مندوب وزارة الداخليه في المنتدى ؟

[jajassim]

اخوي جاسم

اشكر تواجدك في المنتدى و مع كامل الاحترام

عندي سؤال:

هل حضرتك مندوب وزارة الداخليه في المنتدى ؟

وأيش يفرق عندك :)

[مضارب جديد]

وأيش يفرق عندك :)


ابدا طال عمرك , بس علشان نأدي التحيه:pioneer:

[jajassim]

ابدا طال عمرك , بس علشان نأدي التحيه:pioneer:


استريح ،،،، استعد ،،،، لليمين در ،، سر ،،، معتدااااااااال سر ،،، يسار يمين يسار

وحد الضربة يالعسكري :pioneer:

[مضارب جديد]

استريح ،،،، استعد ،،،، لليمين در ،، سر ،،، معتدااااااااال سر ،،، يسار يمين يسار

وحد الضربة يالعسكري :pioneer:

:pioneer::pioneer::pioneer::pioneer:

[auto body]

سوال موجهة للاخ جاسم
مخالفة الحزام على اى اساس تكون غيابيا
والمخالفات تتكاثر وبالاخير تدفعهاويطلعونك انت الغلطان
وبعدين يمكن الى يخالف يكون عندة عدوات او منقهر ان فلان وفلانتان راكب سيارة فارهة
اتمنى الاجابة الشافية؟؟

[jajassim]

سوال موجهة للاخ جاسم
مخالفة الحزام على اى اساس تكون غيابيا
والمخالفات تتكاثر وبالاخير تدفعهاويطلعونك انت الغلطان
وبعدين يمكن الى يخالف يكون عندة عدوات او منقهر ان فلان وفلانتان راكب سيارة فارهة
اتمنى الاجابة الشافية؟؟


أخوى مخالفة الحزام ،،، بيكون تفتيش في الشارع ،،، يعني انت بتخالف وانت متلبس ،، :nice: ،،، وسيتم تحرير مخالفة لك ،،، وانت موجود ،، وليس غيابيا ،، ،،، وفالك طيب ،،، :nice:

[عبدالمحسن]

أخوى مخالفة الحزام ،،، بيكون تفتيش في الشارع ،،، يعني انت بتخالف وانت متلبس ،، :nice: ،،، وسيتم تحرير مخالفة لك ،،، وانت موجود ،، وليس غيابيا ،، ،،، وفالك طيب ،،، :nice:



والله اني دفعتها مخالفة الحزام في المرور .. ولاحد وقفني في تفتيش ولا حد عطاني ورقة مخالفه.

والله اني دفعت مخالفة وقوف خطا في السد/ السودان / الخ !؟

ودفعتها وانا اصلا ماروح السد الا لمستشفى الاطفال !!

والمشكله يحطون لك ثلاث او اربع مناطق اللي استوت فيها المخالفه !؟؟


طيب حدد لي اليوم والساعه والشارع

عشان اتاكد وتكد من صدق كلامك


لكن تحدد لي 4 مناطق او 3 مناطق وكل منطقه فيها مالا يقل عن 500 شارع وتقول انت سويت مخالفه في وحده من الشوارع؟
ويالله تعال ادفع؟ وش هالقانون ياخي

[الدوحي7]

فديت روووحك ياسعاده الوزير ،، صدقني كلامك على عيني وراسي ، والله انك صدقت ويقول لك عليك مخالفه في اليوم لفلاني تصدق اني احاول اتذكر في ذاك اليوم لبست حزام او لا ياخي صج غباء ماله حد ،، لكن القانون يطبق وبندفع شنسوي الله كريم ،، وبناخذ حقنا يوم لحساب ان شاء الله،، والواحد مايدري مته بينحط في القبر،، والله يعطينا طوله العمر،

[سعادة الوزير]

،،، الله يحييك أخوى ،، هذا الكلام المنطقي ،، اللي اتقصده عن آليه ،، تنفيذ القانون ،،، مب الكلام اللي كتبته فوق ،، ،، كلها مبنيه على افتراضات غير مثبته ،،


ولمرة ثانية ،، اشكرك على ملاحظاتك يالغالي ،،، اللي ارسلتها لادارة المرور ،،، لدراستها وفالك طيب ،،،

جزاك الله خير اخوي جاسم ، والعبره بكل بساطة هو وجود قانون يحمي المجتمع وينظم حياة الناس ، مب قانون يظلم الناس ويشعرهم بالقهر والظلم ، انت اكيد ملاحظ حالة الاستياء العام من قبل المواطنين في مثل هالقوانين وآلية تنفيذها ، للأسف أصبح صانعوا القرار يضعون قوانين جباية لا قوانين حماية.

وان شاء الله ان المسؤولين ياخذون بهالملاحظات بعين الاعتبار ، وهذا كله بيكون في ميزان حسناتك ان شاء الله.

[سعادة الوزير]

فديت روووحك ياسعاده الوزير ،، صدقني كلامك على عيني وراسي ، والله انك صدقت ويقول لك عليك مخالفه في اليوم لفلاني تصدق اني احاول اتذكر في ذاك اليوم لبست حزام او لا ياخي صج غباء ماله حد ،، لكن القانون يطبق وبندفع شنسوي الله كريم ،، وبناخذ حقنا يوم لحساب ان شاء الله،، والواحد مايدري مته بينحط في القبر،، والله يعطينا طوله العمر،

جعلك تسلم ، كلامك يذكرني بوحدة اتصلت ببرنامج وطني الحبيب وتشتكي انهم يخالفون الحريم بعدم ربط الحزام مع ان معظم السيارات يكون لون الحزام اسود وهم مساكين لابسين عبايات سود ، ومستحيل انك تشوف الحزام وانت واقف بعيد ، فتخيل حجم الخطأ الي راح يصير.

[سعادة الوزير]

أخوى مخالفة الحزام ،،، بيكون تفتيش في الشارع ،،، يعني انت بتخالف وانت متلبس ،، :nice: ،،، وسيتم تحرير مخالفة لك ،،، وانت موجود ،، وليس غيابيا ،، ،،، وفالك طيب ،،، :nice:

لا والله اخوي جاسم ، اسمح لي اني اخالفك في هالنقطة ، تفتيش الحزام دائماً وابداً يكون غيابي ، ولا يوقفون حد ، تحصل واحد واقف على الجنب وعنده ورقه يكتب فيها ارقام السيارات.

[حبر سري]

جعلك تسلم ، كلامك يذكرني بوحدة اتصلت ببرنامج وطني الحبيب وتشتكي انهم يخالفون الحريم بعدم ربط الحزام مع ان معظم السيارات يكون لون الحزام اسود وهم مساكين لابسين عبايات سود ، ومستحيل انك تشوف الحزام وانت واقف بعيد ، فتخيل حجم الخطأ الي راح يصير.

هل حصلت اي حالة من هالنوع؟؟؟
اشك والله

[jajassim]

لا والله اخوي جاسم ، اسمح لي اني اخالفك في هالنقطة ، تفتيش الحزام دائماً وابداً يكون غيابي ، ولا يوقفون حد ، تحصل واحد واقف على الجنب وعنده ورقه يكتب فيها ارقام السيارات.

أخوى ،، يمكن هذا في السابق ،، ومع بداية تطبيق القانون ،، بس حاليا تم تغيير الآلية ،،، ،،، صار ضبط مخالفة الحزام عند التفتيش ،،،

[jajassim]

جزاك الله خير اخوي جاسم ، والعبره بكل بساطة هو وجود قانون يحمي المجتمع وينظم حياة الناس ، مب قانون يظلم الناس ويشعرهم بالقهر والظلم ، انت اكيد ملاحظ حالة الاستياء العام من قبل المواطنين في مثل هالقوانين وآلية تنفيذها ، للأسف أصبح صانعوا القرار يضعون قوانين جباية لا قوانين حماية.

وان شاء الله ان المسؤولين ياخذون بهالملاحظات بعين الاعتبار ، وهذا كله بيكون في ميزان حسناتك ان شاء الله.

،،، أسمحلي أخوى ،،، اختلف معك على هذه الجملة ،،، ،، القانون وضع لحماية الناس ،،، وشئ طبيعي ،، الكل يعترض على الالتزام ،، عشان احنا مب متعاودين على ذلك ،، بس يوم نسافر الى خارج ،، نلتزم بكل الالتزام لقوانينهم ،،،

وانا ماقول ،، مافي أخطاء ،، بس من المستحيل جميع المخالفات تكون بالخطأ ،،، واقرب مثال ،،، جاء شخص ،، يقول انا عمرت ماسرعت ،، يوم طلعوا صورة المخالفة ،، وسرعته 110ك على الكورنيش ،، يوم شاف الصورة ،، سكت ،، ودفع المخالفة ،، ونفس الحالة تنطبق على موضوع الحزام ،،، وليش ماتربط الحزام من أول ماتركب السيارة ،، ولا تحط نفسك في موقف حرج ،،،

[روح الاطلس]

أخوى ،، يمكن هذا في السابق ،، ومع بداية تطبيق القانون ،، بس حاليا تم تغيير الآلية ،،، ،،، صار ضبط مخالفة الحزام عند التفتيش ،،،


أخوي جاسم أنا مخالفيني مخالفة عدم ربط الحزام غيابي شهر 11 يصير أحتج

[jajassim]

أخوي جاسم أنا مخالفيني مخالفة عدم ربط الحزام غيابي شهر 11 يصير أحتج

روح جرب ،، واعتقد عليك غرامة التأخير ،، :telephone:

[الزاجل]

هي قوانين جباية وقوانين حماية :omen2:

[jajassim]

هي قوانين جباية وقوانين حماية :omen2:

متى تقول ،،، قوانين جباية

ومتى تقول ،،، قوانين حماية

:con2::con2:

[الزاجل]

متى تقول ،،، قوانين جباية

ومتى تقول ،،، قوانين حماية

:con2::con2:

جباية لما يبالغون في وضع الرسوم
وحماية لما بالفعل الموضوع يحتاج لرادع مادي ..

[jajassim]

جباية لما يبالغون في وضع الرسوم
وحماية لما بالفعل الموضوع يحتاج لرادع مادي ..

:nice::nice:

[سعادة الوزير]

نقول قوانين حماية لما يوقفون المخالف وقت وقوع المخالفة ، لانه بهالطريقة بيستوعب الخطأ الي وقع فيه وماراح يكرره ، ونقول عنها قوانين جباية لما المخالفات تتراكم على الشخص ويتم ابلاغ الشخص بعد وقوع المخالفة بوقت طويل وكذلك عدم ذكر مكان ونوع المخالفة بالضبط ، وبذلك فان السائق يدفع المخالفة وهو لايعلم مالخطأ الذي ارتكبه بالضبط ، فكيف يتعلم من خطأ هو لايعلمه بالأساس؟

طبعا انا ما اشمل مخالفات الرادارات ، لانها تحدد الزمن والمكان بالضبط وفيها اثبات للمخالفة بشكل واضح، انا اعني المخالفات الي من نوع عدم ربط الحزام والتجاوز من اليمين وتجاوز الاشارة مع تسجيل رقم السيارة بشكل يدوي وليس تصوير الكاميرات. هالمخالفات يجب فيها توقيف السيارة فور وقوعها.

يا اخ جاسم ، ماعتقد فينا حد مايبي يلتزم ، لان وبكل بساطة ، هذا واجب ديني قبل لايكون واجب قانوني ، ولكن يجب مراعاة الناس عند تطبيق مثل هذه القوانين ، يعني مثلا غرامة الوقوف الخطأ ، فيه اماكن من الواضح فيها ان هذا المكان خطأ ولكن في حالات اخرى تكون الخطوط الارضية ممسوحة او تكاد لا ترى (حصلت معي شخصياً في مواقف سوق واقف ، المواقف الي ارضيتها حجر الخطوط كانت غير واضحة بالمرة ، بس بعدين صححوا الخطأ واصبغوها مرة ثانية بلون افتح) ، كذلك يجب مراعاة بعض الاماكن المزدحمة مثل مناطق الاسواق القديمة ، وخاصة ان اغلب مرتاديها هم من كبار السن. فالحاصل الآن ان دوريات المرور اصبحوا يجمعون المخالفات من الناس مثل جمع المحاصيل الزراعية ، مرة شفت شرطي في سوق واقف متخفي وراء حاجز كيربي وقاعد يتصيد للناس الي تدخل في مكان ممنوع الدخول (والاشارة ماكانت واضحة بسبب اعمال الحفريات ، اشارات ممنوع الدخول صعب رؤيتها من حواجز الكيربي والآليات الواقفه) وهو الله يهديه ماسك ورقة وقاعد يكتب ارقام السيارات الي تدخل وهم ما يدرون ، انا ما ابرر مخالفاتهم ، ولكن يجب تطبيق روح القانون ، يعني لو وقف اول واحد دخل وخالفه (او ياريت يكون ينبهه على الخطأ ويعذرة على عدم وضوح الاشارات) ، صدقني السيارات الي بعده كلها راح تلتزم وراح ينتبهون ان هذا الطريق غير مسموح بالدخول فيه ، هني نقول ان هذا قانون حماية لانه حقق الغاية من وضعه ، مثال آخر ، لو افترضنا واحد مر على شرطي وهو مب رابط الحزام وسجل عليه مخالفة بس ما وقفه ، السائق عمل حادث ومات ولا انصاب اصابه خطيره ، هل المخالفه هاذي تكون ادت عملها في حماية الناس؟ لكن لو الشرطي وقف الشخص ونبهه على ضرورة ربط الحزام ايش تكون النتيجه؟ طبعا راح يلتزم حتى بعد المخالفة ، ولو كانت قيمة المخالفة بسيطة ، لان التوعيه اهم من دفع المخالفات.

صدقني مافي دخان من غير نار ، والاستياء من قانون المرور ماطلع من فراغ ، وللأسف احب اضيف شغله الكل يشتكي منها ، قانون المرور كأنه وضع لمعاقبة السيارات الخفيفة فقط ، لكن الشاحنات والاليات الثقيله ما يمسها هذا القانون ، سائقوا الشاحنات كأنهم في حرب شوارع ضد السيارات الخفيفة ويسببون حوادث مميته ,لكن لانجد مايردعهم ، كذلك الرادارات ماتعاقب الشاحنات على السرعة الزائدة ، لانها مضبوطة على سرعات السيارات الخفيفة ، يعني لو الشاحنة كانت بسرعة زائدة ماراح يمسكها الرادار طالما هي تحت سرعة السيارة الخفيفة ، تخيل تريلا ضخمة على خط هاي وي تمشي 120 كيلو !!!

نتمنى من صناع القرار ان يراعوا الله ويخففوا على المواطن ، تراه مسكين مب ناقص تضخم وغلاء معيشة!!

[حبر سري]

نتمنى من صناع القرار ان يراعوا الله ويخففوا على المواطن ، تراه مسكين مب ناقص تضخم وغلاء معيشة!!

انا عكسك اخوي سعادة الوزير
انا اتمنى من المواطن المسكين اللي مب ناقص تضخم وغلاء معيشة انه مايخالف علشان ماياخذون منه شي

وشرايك؟؟

[سعادة الوزير]

انا عكسك اخوي سعادة الوزير
انا اتمنى من المواطن المسكين اللي مب ناقص تضخم وغلاء معيشة انه مايخالف علشان ماياخذون منه شي

وشرايك؟؟

انا وياك ، انا اتمنى الكل يلتزم بالقانون ، لكن في نفس الوقت لازم تعرف انه احنا مب في مجتمع مثالي ، يعني مب دائماً الحل في التشديد ، الحل في التوعيه.

دائماً يقولون ان نسبة الحوادث عندنا زايده ، ودايماً يتكلمون عن طيش الشباب ، حد فيهم سأل نفسه ليش الشباب طايش؟ حد حاول يحل المسألة من جذورها؟ .. ليش دائماً يحطون اللوم على السائق؟ .. من كم يوم صار حادث راحوا فيه 3 اشخاص رحمة الله عليهم والسبب حفرة في وسط الشارع ، ليش محد لام أشغال؟

ترى ياخوي السالفة مب كل شوي اضاعف الغرامات والرسوم ، واقول انا حليت مشكلة الحوادث والزحمة وووو الخ.

[حبر سري]

انا وياك ، انا اتمنى الكل يلتزم بالقانون ، لكن في نفس الوقت لازم تعرف انه احنا مب في مجتمع مثالي ، يعني مب دائماً الحل في التشديد ، الحل في التوعيه.

دائماً يقولون ان نسبة الحوادث عندنا زايده ، ودايماً يتكلمون عن طيش الشباب ، حد فيهم سأل نفسه ليش الشباب طايش؟ حد حاول يحل المسألة من جذورها؟ .. ليش دائماً يحطون اللوم على السائق؟ .. من كم يوم صار حادث راحوا فيه 3 اشخاص رحمة الله عليهم والسبب حفرة في وسط الشارع ، ليش محد لام أشغال؟

ترى ياخوي السالفة مب كل شوي اضاعف الغرامات والرسوم ، واقول انا حليت مشكلة الحوادث والزحمة وووو الخ.


والله ياسعادة الوزير رايك على عيني وراسي , وكلامك منطقي

بس ماتشوف ان احنا في مجتمع لازم تفرض فيه غرامات عالية علشان الكل يتعظ اشوي؟
على سبيل المثال غرامة الحزام كانت 100 ريال , حد كان ملتزم؟؟؟
صدقني ياسعادة الوزير ان في بعض المجتمعات تشديد العقوبات يكون حل في بعض الاحيان

اما بالنسبة لاشغال , فبصراحة خلني ساكت , لاني ان تكلمت يمكن اغلط عليهم غلطة واصير باند على طول , فخل اللي في القلب في القلب

وانا معاك ان في جهات ثانية مسؤولة لكن خلني اسالك سؤال:
طيب الشوارع مكسرة , ليش السرعة؟؟؟
تقدر تقول لي ربط حزام الامان له علاقة باي جهة غير السائق نفسه؟؟؟ يعني في اعتقادي ان مانقدر نقرنه بمسؤولية اي حد غير السائق
ونفس الشي التحدث بالجوال على سبيل المثال

استغرب والله من اللي يقولون اشغال مسؤولة ومادري شنو ويتكلمون عن مخالفات الرادار انها عالية !!! طيب الشوارع مكسرة ليش السرعة؟؟؟؟

اخوي في جهات تشترك في المسؤولية ماقلنا لا , لكن لاتنسى ان السائق عليه مسؤولية كبيرة بعد , ياخي قالوا لنا لاتسرعون , خلاص محنا مسرعين , واللي فيه خير(مع كامل تقديري واحترامي لرجال المرور اللي هم اخواني وعيال عمي) ياخذ مني ريال واحد

قالوا اربط الحزام ولا بنخالفك 500 ريال , باربط الحزام , يعني باموت ان ماربطته؟؟ ولا السالفة سالفة تحدي؟؟؟ اللي يبي يتحدى صدقوني ماراح يقدر يتحدى الدولة

قالوا في غرامة اذا وقفت في الممنوع , قلت ولا يهمكم , ماراح اوقف في الممنوع , حتى لو الموقف بعيد ماعندي مشكلة , بامشي شوي

وبصراحة انا خالفوني مرة , لكن بعد ماطبقت اللي انا كاتبه فوق , والله محد قدر يكلمني كلمة وحدة , ولا حد وقفني ولا علي من حد , (لاتبوق ولا تخاف)

3اما بالنسبة للزحمة اخوي , فاعتقد كلنا نعاني منها , يعني مب شخص او شخصين , ويمكن مشاريع اشغال واغلاق طرق كثيرة هو السبب, لكن مااظن في قانون المرور اي قانون او فقرة قالت بنحل الزحمة
لكن باذن الله بعد ماتخلص المشاريع باذن الله الوضع بيختلف(قولوا ان شا الله)

نقطة اخيرة : يااخوان بكل امانة , مالاحظتوا ان بعد رفع الرسوم ان الانضباط شوي زاد في الشوارع؟؟؟ شوفوا اللي لابسين حزام , وانا منهم , واقولها بكل صراحة مالبسته الا علشان قيمة المخالفة عالية , بكل صراحة اقولها , ومتاكد ان في ناس وايد مثلي , لو كانت 100 ريال كان مااهتميت , وهلم جرا

[سعادة الوزير]

جزاك الله الف خير يا حبر سري على هاالكلام الطيب.

انا ما ابرر السرعة ولا اقول للسائقين اسرعوا او خالفوا ، بالعكس ، يمكن اذا قريت احد ردودي انا ذكرت ان الانضباط واجب ديني قبل لايكون واجب قانوني ، انا كانت ملاحظاتي كلها حول تطبيق القانون بشكل اساسي ، وحول بعض الفقرات بشكل جزئي ، اما بالنسبة للانضباط في الشارع فانا معاك مئة بالمئة ، الانضباط زاد ولله الحمد.