البـــــــــــــــــــــــــــــــــــــــــركــــ ـــــــــــــــــــــــــــــــه

[ANONYMOUS]

بسم الله الرحمن الرحيم




هاي قصه من نسج الخيال.. بس شكلها صج.. عجبتني..

مقدمه


محمد..موظف بالبلديه...راتبه 11 الف..توّه صاير سنير.. بالاقدميه.. لا شهاده ولا بطيخ.. اللهم انه كان خريج صناعه..تزوج وهو عاده جنير.. بتكاليف بسيطه..


سعود.. موظف بالبترول.. راتبه 36 الف.. سنير على طول.. يعني عقب 6 سنوات شغل.. ودوه كورس سنتين بريطانيا.. وسنير
توه متزوج .. يوم سنير.. قبل حياته سفرات ولعب.. ويوم سنير.. قال لازم اعرس واستقر..
عاد مسكين.. تكاليف عرسه كانت لاتطاق.. وبدى مسلسل الديون


اخلاقيات

محمد.... يشهد له كل الرجال بالصلاه..وزيارة المرضى..وصلة الرحم...وعمل الخير.. واخلاقه الحميده.. يساعد المحتاج في شغله.. تخليص اوراق.. ولا تواقيع.. انسان خدوم..

سعود.. يحليله.. يحاول هز بيست انه يلتزم.. وقته مافيه بركه.. كله مشغول مع البيت والشباب.. والسهرات.. وشغله حاكينه.. يطلع من الدوام منهار.. من الكرف ( شعبالك 36 الف مابتطلع من عينك ).. وبيني وبينكم.. عنده مغامرات نسائيه.. للحين ماقطع كامل علاقاته..




الزواج



محمد تزوج ببنت خالته.. من قبيله اخرى.. بس عادي.. ( كلنا قطر.. ومافي عقد )


سعود..تزوج من عايله ثانيه.. قال يبي يغير النسل.. ومسكين .. يبي يبييض الوجه قدام انسباه.. حط مادونه و وراه ( شاللي حادك )



محمد .. خذ مرته على ايام ما كانت طالبه بالجامعه.. تخرجت.. اشتغلت مدرسه.. شالت معاه شوية حمل.. لين الله يسر امورهم..

سعود.. مرته ماجابت مجموع وقعدت بالبيت.. وصارت اهتماماتها وايد.. وخذها سعود.. وهي بالبيت.. لاهيه في عالم ثاني




البيت



محمد قدم ع الحكومه... ارض وقرض..الله يسر لهم عقب 3 سنوات.. ب بيت شعبي.. تصميم 21 :nice: وقبل كان ساكن بغرفه ببيت ابوه..



اما سعود ياحبة عيني.. قدم عالحكومه.. وقالوا له انطر الدور ياحبيبي.. شعبالك.. ماورانا الا انت..

سكن بيت ايجار.. 10 ريال.. ومع الزيادات وصلوا ايجار البيت مادري الفله 15 الف ولا اكثر.... وللحين.. ماطلعت له الارض..




الابنااااء



بيت محمد الله كرمهم.. في 6 اطفال..ومبارك فيهم..سبحان الله.. لا مرضوا.. بالكثير سخونه وكحه..امهم محافظه عليهم.. تنتبه عليه... وتراقبهم..



اما بيت سعود .. عندهم 4 اطفال.. شياطين.. مره كاسرين الدريشه.. ومره المرايه مالت الكبت.. لقلاصات كل شهر طقم.. كلّه يمرضون.. امهم معطتهم طاف.. وماتنتبه عليهم.. كله لاهين مع الخدامه.. وهي لاهيه بالتلفزيون.. وصديقاتها.. والزيارات الي مال امها داعي..

المهم.. الام مطنشتهم.. ومواعيد المستشفيات شهريا..اسنان وجلد وعظام و و و ومايرضون الا مستشفيات خاصه..






الدراسه

عيال محمد
من الاوائل ف الدراسه.. ناس تفهم على طول.. ترد البيت.. تذاكر شوي.. يقعدون مع بعض شوي.. امهم متعلمه.. تتابعهم.. وينامون استعدادا لليوم الثاني.. ماعندهم شي يلهيههم.. العيال حبوبين.. ومرتبين... ويحافظون على نفسهم وملابسهم..

عيال سعود ياحبة عيني..
تعبانين في الدراسه.. كل واحد عنده 6 مدرسين.. ومره ينجح ومره لا..
لادراسه بالبيت.. ويحبون يلعبون في الشارع.. ويلعبون سوني.. وكله قاعدين ع النت.. يازعم مطورين.. وزي ماقلنا شياطين.. الهدوم ماتتم عليهم 6 ساعات.. ولا لازم يبدلون.. كله يطلع من خشمهم سناسين ( شدخل :) ) وكله يضيعون نعلهم.. ويضيعون اغراضهم بعد..ويحبون يكسرون الاغراض..




الخدم والحشم

بيت محمد عندهم خدامه.. شغلها بس تنظف..
ومحمد يودي مرته ونص عياه الشغل بنفسه الصبح.. والباقي بالباص.. ويردهم.. لان دوامه سهالات.. وسياره وحده.. وماخذها كاش.. باع الصناعات يوم كانت على 240.. حرّه


اما سعود.. عندهم 3 خدامات.. وحده تطبخ و وحده تساعد اللي تطبخ و وحده تساعد اللي تساعد اللي تطبخ

و 3 خدامات.. غير.. لكل طفل خدامه..

و 6 خدامات,. ينظفون البيت..
( شفيهم ميانين خدامات )

ودريولين..

وبالتالي سيارتين.. غير سيارة الابو..

يعني مب اقل من 4000 اقساط..

لان كل طفل في مدرسه غير.. واحد في الخليج.. و احد في الشويفات.. وواحد في الشحانيه ( شدخل ..) شنسوي.. مش مبروكين لعيال..

وسعود مايقدر يوديهم.. لانه يداوم من صباح الله خير..




محمد وسعود والاسهم..

محمد.. كله يكتتب بألف سهم.. له ولعياله.. ويخليهم.. مايجي صوهم..


سعود ياحبة عيني.. يكتتب بكل ماعنده..

بس مشكلته.. يبي يصير منهم.. ويسعى للثراء الفاحش بسرعه.. يضارب.. وكله يخسر..:secret:عرفتوا ليش سعود متلته.. ومحمد مرتاح..

مع ان سعود راتبه 3 ادبال محمد..


بس البركه وفرت الكثير...


وبس

[miss-qatr]

أهلا ً بك في المجتمع القطري :nice:



لي عوده يا صعب النك :)

[OTBD]

هاي القصة واقعية جداً وموجودة عندنا في قطر

[كينيا]

وواحد في الشحانيه

:funny:
شدخل من قلب
كلا م حاصل مأدرش اقول حاجه عنه
بس اشك انه محمد يشتري اسهم ولا يقرب صوبهم:whistling:

[ANONYMOUS]

أهلا ً بك في المجتمع القطري :nice:



لي عوده يا صعب النك :)



اهلين ميس

انا ماقصدت المجتمع القطري ك مجتمع قطري..

هذا يمكن يكون اي مجتمع

القصد من المقارنه..

البركه في الراتب..

شلون سعود مع راتبه اللي ماشالله.. بس محمد عايش ويصرف احسن منه...

وناطرين العوده..

شكرا لمرورج

[ANONYMOUS]

هاي القصة واقعية جداً وموجودة عندنا في قطر


هاهاهاه

هاي مألفها مب صج..

والمغزى..


شلون البركه في الراتب..

[ورقــة أمــل]

اللي يحسن تدبير بيته ويحط له ميزانيه معينة للصرفية
ويستمثر باقي فلوسه ويخلي جزء للفقراء تلاقي عنده خيرر مع ان راتبه قليل
اما اللي يبذر بدون حساب وعلى اشياء هو مب في حاجة لها اكيد بيفلس وهو في اول الشهرر
ياما ناس عايشين بالف وخمسمية ريال والحمدلله الله منعم عليهم وناس رواتبهم فوق العشرين ولا يكفيهم اسبوع.....

[ANONYMOUS]

وواحد في الشحانيه

:funny:
شدخل من قلب
كلا م حاصل مأدرش اقول حاجه عنه
بس اشك انه محمد يشتري اسهم ولا يقرب صوبهم:whistling:


سبحان الله..

اذا ربج اراد العناء لناس

يعني ساكن الدفنه.. و ولده الشحانيه :eek5:

شوبدنا نعمل لنعمل..


وتبقى قصه.. من مخيلتي..

والقصد منها بركة الراتب.

[مايمدح السوق]

القصة حقيقة بس ترا احداثها حصلت عام 96 اما الحين ترا محمد وسعود موجودين في المستشفى ورا السنتر :(

[ANONYMOUS]

اللي يحسن تدبير بيته ويحط له ميزانيه معينة للصرفية
ويستمثر باقي فلوسه ويخلي جزء للفقراء تلاقي عنده خيرر مع ان راتبه قليل
اما اللي يبذر بدون حساب وعلى اشياء هو مب في حاجة لها اكيد بيفلس وهو في اول الشهرر
ياما ناس عايشين بالف وخمسمية ريال والحمدلله الله منعم عليهم وناس رواتبهم فوق العشرين ولا يكفيهم اسبوع.....




صحيح..


لان في ناس ماصدقت ان في ناس تعيش على 7000 ريال..

عندهم بيت ملك ياخي..

مب مستأجرين :rolleyes2:


شاكر لج مرورج

[ANONYMOUS]

القصة حقيقة بس ترا احداثها حصلت عام 96 اما الحين ترا محمد وسعود موجودين في المستشفى ورا السنتر :(





السنتر ماوراه مستشفى !!

ماعلينا..

سعود .. ممكن يكون هناك..

اما محمد حياته حلوه.,.

وش وداه المستشفى :eek5:

[خفايا الروووح]

تسلم ع سرد القصه الي من خيالك ولو ان هناك فئه ف الواقع
ومثل ماقلت البركه ف الراتب وف الشخص الي يمشي البيت المفروض يكون واعي وفاهم ويفكر صح ويحسن التصرف لكل شي حوله...


ويعطيك العافيه

[ANONYMOUS]

تسلم ع سرد القصه الي من خيالك ولو ان هناك فئه ف الواقع
ومثل ماقلت البركه ف الراتب وف الشخص الي يمشي البيت المفروض يكون واعي وفاهم ويفكر صح ويحسن التصرف لكل شي حوله...


ويعطيك العافيه



هلا خفايا..

الله يسلمج


حتى لو كان تصرف الشخص مب لين اهناك..

ارد واقول البركه ممكن تكون في الراتب القليل.. والناس يعيشون على قد حالهم..

شكرا لمرورج..

[miss-qatr]

اخوي انا اللي استشفيته من القصه عده اشيى بس اللي شدني ومحد تطرق له


الام أو الزوجه


ترا الرجال لحاله مايقدر يدير شي بيظل ضايع محتاج حد يشاوره ويعطيه اقتراحات ( هادفه) مب اتوديه في داهيه واتدخله في دوامه الديون


يعني الزوجه المتعلمه (( ومب الكل طبعا ً) قدرت مع زوجها اللي على قد حاله انه اترتب حياتهم على قد مقدورهم ما كلفته فوق طاقته


مهتمه بعيالها وعارفه واجباتها عل الاقل مجابلتهم ادرسهم مب على الخدم والمدرسين


لكن الانسانه اللي ماعندها احساس بتشوفها قاطه عيالها على الخدم ولازم بيرسبون لانه الاداره في البيت غايبه حتى لو كان الزوج انسان متعلم بس بروحه مايقدر


اداره البيت مسؤوليه مزدوجه وليست فرديه بس للزوجه الدور الاكبر اما تعمر هالبيت او تهدمه :)


سوري طولت بس انا شفت احداث القصه من هالناحيه وياكثر ابطالها عندنا بقطر :rolleyes2:

[PoBox]

عجبني موضوعك يا شنو يعني سعر الدعم :victory:

راتب 11 يقدر يحوش منه لو كانوا متعاونين معاه بالبيت
ومثالك تراه فعلا واقعي وياما ناس عايشة بهالراتب

- بس شرط واحد لازم يكون متوفر في محمد
لازم بيته يكون ملك فقط لاغير - او خل نقول ماوراه ايجار بيت .. -

والراتب راح يكفيه ويحوش منه بعد لو كان مضبط نفسه .
والامثلة كثيرة ونشوفها بعيوننا

والبركة خير لايدركه الا من فقده

بس اهم شي كل واحد يمد رجله على قد لحافه
والباقي على ربك
والبركة كفيلة بزيادة المال

[ذوق]

طلعت مب هين راعي مخيله خصبه لوووووووووووول

بس حلوه القصه بصراحه

تسلم

[ANONYMOUS]

اخوي انا اللي استشفيته من القصه عده اشيى بس اللي شدني ومحد تطرق له


الام أو الزوجه


ترا الرجال لحاله مايقدر يدير شي بيظل ضايع محتاج حد يشاوره ويعطيه اقتراحات ( هادفه) مب اتوديه في داهيه واتدخله في دوامه الديون


يعني الزوجه المتعلمه (( ومب الكل طبعا ً) قدرت مع زوجها اللي على قد حاله انه اترتب حياتهم على قد مقدورهم ما كلفته فوق طاقته


مهتمه بعيالها وعارفه واجباتها عل الاقل مجابلتهم ادرسهم مب على الخدم والمدرسين


لكن الانسانه اللي ماعندها احساس بتشوفها قاطه عيالها على الخدم ولازم بيرسبون لانه الاداره في البيت غايبه حتى لو كان الزوج انسان متعلم بس بروحه مايقدر


اداره البيت مسؤوليه مزدوجه وليست فرديه بس للزوجه الدور الاكبر اما تعمر هالبيت او تهدمه :)


سوري طولت بس انا شفت احداث القصه من هالناحيه وياكثر ابطالها عندنا بقطر :rolleyes2:


طبعا.. وجود المرأه مهم جدا.. ولا احد ينكر هالشي..

وفي مثل دارج.. وراء كل رجل عظيم إمرأه..

ولا ينقص الرجل كون المرأه ( ام زوجه او اخت ) هي من تساعده في بعض التخطيط والكثير من التنفيذ :)

والمرأه المتعلمه شي طيعي افضل من الجاهله..

في بيت شعر معرف يقول..

العلم يرفع بيتا لاعماد له.. والجهل يهدم بيت العز والشرف

ولانقلل من امكانات امهاتنا او جداتنا.. يمكن ماكانوا متعلمات زي هاليومين.. على الاقل كان فيهم كثير من الحكمه..


شكرا لمرورج الثاني ميس..

وفالج المليون.. :eek5:

[ANONYMOUS]

عجبني موضوعك يا شنو يعني سعر الدعم :victory:

راتب 11 يقدر يحوش منه لو كانوا متعاونين معاه بالبيت
ومثالك تراه فعلا واقعي وياما ناس عايشة بهالراتب

- بس شرط واحد لازم يكون متوفر في محمد
لازم بيته يكون ملك فقط لاغير - او خل نقول ماوراه ايجار بيت .. -

والراتب راح يكفيه ويحوش منه بعد لو كان مضبط نفسه .
والامثلة كثيرة ونشوفها بعيوننا

والبركة خير لايدركه الا من فقده

بس اهم شي كل واحد يمد رجله على قد لحافه
والباقي على ربك
والبركة كفيلة بزيادة المال




حاضرين اخوي


وترى بناء ملحق مؤقت في بيت الوالد.. كفيل يحل ازمات الشباب في البيت..

اضرب لك مثال..

في احد الاقارب باني ملحق خارجي في نفس ارض البيت..

وكل ماتزوج احد ابناءه.. سكنه هناك.. لين يطلع له بيت..

المهم.. هالملحق.. دار على 3 من الابناء..


شكرا لمرورك الكريم اخوي..

[ANONYMOUS]

طلعت مب هين راعي مخيله خصبه لوووووووووووول

بس حلوه القصه بصراحه

تسلم




حاضرين :p


الله يسلمج

وياهلا..

[امل الحب]

يعطييييك الف عاافية عالخيال الواسع..ولو كانت من الواقع :)

[عذب الكلام 1]

اكيد البركه اهم شي ونامل ان تكون عبره للجميع

[دلة الرسلان]

يمكن نضيف الى البركة حسن التخطيط اخوي لأن كثير من الناس ما يعرفون شيء اسمه تخطيط

او ميزانية اسرة كل شيء ماشي خبط لزق فبقليل من التخطيط لحياتنا يمكن التبوء -نوعا ما -

بالمشاكل والصعوبات المستقبلية وحلها .هاه اشرايكم :omen2:

[ANONYMOUS]

يعطييييك الف عاافية عالخيال الواسع..ولو كانت من الواقع :)




الله يعافيج

خيال خيال مب صج..

يسئلوني الربع وين و من هـــ الــ محمد

كلنا سعود هاهاهاه

شاكر لج مرورج

[ANONYMOUS]

اكيد البركه اهم شي ونامل ان تكون عبره للجميع




شكرا لمرورك الكريم

[ANONYMOUS]

يمكن نضيف الى البركة حسن التخطيط اخوي لأن كثير من الناس ما يعرفون شيء اسمه تخطيط

او ميزانية اسرة كل شيء ماشي خبط لزق فبقليل من التخطيط لحياتنا يمكن التبوء -نوعا ما -

بالمشاكل والصعوبات المستقبلية وحلها .هاه اشرايكم :omen2:



والله الكصيده جميله

عجبتني كلمة التبوء في الشطر الثاني

واقد استعملتي كلمات عاميه وهي " خبط لزق" ولا ارى استخدامها في هالموضوع يفي بالغرض


وقد اضفتي موضوع " التخطيط " في الموضوع الرئيسي اللي هو " البركه " وهذا حشو محمود.. لاضير في استعماله ولا يخرجه عن النص برمته..


شكرا لاضافتكم.. ومروركم..

:discuss: