2008 jeep srt-8 [الأرشيف] - منتديات شبكة الأسهم القطرية

مشاهدة النسخة كاملة : 2008 jeep srt-8

mubarak2006

08-02-2008, 12:56 PM

السلام عليكم ورحمة الله وبركاتة:
مارايكم بالسيارة...سعرها 224000 عند الوكيل المانع بالدوحة مع ضمان 3 سنوات او 60000 كيلومتر مايبي ينزل ريال واحد..الامارات ب 210000 ريال..السعودية 205000 ريال ولكن الضمان لايعمل بالدوحة...السيارة تم تعديل القير بها واضافة نظام ملاحة بشاشة مع كاميرا امامية وخلفية...كذلك اضافة سبويلرات للرفارف الامامية والخلفية...رنجات كروم للسيارة..ونظام بلوتوث..السيارة بقوة 425 حصان 6.1 ليتر ودفع رباعي دائم... وتتسارع من 0- 100 في اقل من 5 ثواني وسرعة قصوى 250 كيلومتر محددة الكترونيا...السيارة حلوة ولكن السعر من وجهة نظري مبالغ فية...هل اصرف نظر عنها لاني ودي اشتريها او لا...واللي عندة نفس السيارة يقول لنا حسناتها وعيوبها

شكرا:victory:

الجمارك

08-02-2008, 01:09 PM

نصيحه لاتاخذ هالسياره اول شي سرعتها مب طبيعيه وما تقدر اتحكم بالسرعه في قومة السياره وخصوصن على الدوار وثاني شي تشرب بترول مثل النار لما تصب عليها وثالث شي سعرها يطيح من قلب يعني الحين رووح جوف ال 2007 كم سعره مستعمل تحصله على 145000 او 155000 وسعره بالوكاله 200000 جوف الفرق وانا اقولك هل كلام لانه واحد من ربعنا خذ الموتر ما صارله عنده شهر والحين يبي يبيعه نصيحتي لا تاخذه قطها على رنج سبورت احسنلك وبالتوفيق لك .. واسمحلى على الاطاله

mubarak2006

08-02-2008, 01:16 PM

شكرا اخوي الجمارك لمشاركتك وعلى النصيحة .......نشوف راي الشباب الباقين اذا هم نفس ماتفضلت

ولد الديره

08-02-2008, 01:17 PM

مرحبا اخوي

نصيحتي وخر عن أي سياره من وكالة المانع لانهم يستغلون الزبون في رفع اسعار السياره و بعدين الله يعينك على قطع الغيار سيارتي تمت شهر عندهم عشان يوصل باب و الباب سعره 3 اضعاف بيبان التيوتا

jeep srt8 في امريكا موديل 2007 كانت اتيي معاها شاشه و نضام الملاحه و كيمره خلفيه ليش المانع ماياب لا و سعره اغلى من سعر الموزعين في امريكا اب 25000-30000 مع انه ماحاط مواصفات.....

نصيحتي لك ..... خذ كورفت سعرها واااااااااااايد معقول و اقوى من الjeep srt8 (مجربه) و الكورفت يروح عن "الكيان تيربو اس" 5 ليتات اقل شي و لا تنسى كل شي فيه ساسه سي دي نضام الملاحه "قوه"

وتحياتي لك

mubarak2006

08-02-2008, 01:22 PM

شكرا يالشيخ بس الكورفيت سبورت ونازلة وباب واحد ..انا ابي شي رفيع واربع بيبان وفية قوة...بس والله والله الكورفيت ماعليها كلام موتر سبورت صح

شكرا

BURBERRY

08-02-2008, 02:22 PM

224000 تقدر تاخذ لك في اكس ار 2008 احلى من الجيب بالف مره ..

او اخذ لك يكون دينالي 2008 احلى من الجيب و سعره ارخص و قووي و مواصفاته احلى و قريبه من الكدلك اسكايلد

Index Signal

08-02-2008, 05:46 PM

إذا عاجبك توكل على الله و خذه والله إنه أبرك من الفكسار الجديد مليون مره من وجهة نظري..

يكفي إنها سياره مميزه و فريده و نادره و أحسن من إنك تسوق موتر كأنه كروه تلاقيه في كل شارع..!!

و السياره عليها ضمان يعني لا تشيل هم شي

الدوحي7

08-02-2008, 06:21 PM

نصيحتى لك لاتستعجل وتاخذه صج موتر فيه قوه وخطير،، لكن كفايه انه امريكي يعني وخر عنه،، ونصيحتى لك تنطر لتويوتا v8،،،5700،،ابرك لك وهذه نصيحه اخويه،،

نيساني

08-02-2008, 09:33 PM

والله ياخوي موتر ماعليه كلام صدقني شايف له سباق مع
بورش تيربو راح عنه
صج قوي واحلى مافيه قوته بس عيبه سعره يطيح بسرعه
واذا انت من النوع اللي مايفكر بالسعر اخذه وتعال جرب معاي
لالالالالاامزح معاك والله يوفقك.

ولد الديره

09-02-2008, 02:00 AM

224000 تقدر تاخذ لك في اكس ار 2008 احلى من الجيب بالف مره ..

او اخذ لك يكون دينالي 2008 احلى من الجيب و سعره ارخص و قووي و مواصفاته احلى و قريبه من الكدلك اسكايلد

اخوي مع احترامي لك لكن الفكسار و الاسكليد موضوع و الجيب موضوع ثاني !!!!

الجيب لما يمر من عندك تحسه وحش مار لكن الفكسار و الاسكليد مواتر حلوه بس مايسمونها سبورت.....

نصيحتي اذا خاطرك فالموتر اخذه و الفرق بسيط 24 الف عن السعوديه بس ماقول اله الله يعينك عله وكيله:rolleyes2:

و بالنسبه للكورفت صح كلامك عيبه باب بس قدم على الجيب SRT8 و قدم على بورش كيان تيربو اس 5 ليتات و نص:secret:

الفقير

09-02-2008, 02:13 AM

عـنيـد قـطـر

09-02-2008, 02:23 AM

توكل على الله ولا تخل شي اف خاطرك ترا العمر واحد والجيب عجيب واحلى من الكيان والطوارق والبقايا,,,,
بس من باب النصيحه اذا بتاخذه ترا ماله سوق وبطيح اف جبدك,اما الموتر نفسه فما عليه كلام ,,,, وبالتوفيق

صدقت

بس صرفيته اوكيه نفس الفيكس ار وفي الخطوط الطويله احلى واحلى و موتر ماينمل

بس حاول تاخذه مستعمل يعني ماشي اشوي احسن لك عشان ما تخسر فيه وايد وقت البيعه

بس والله ووو حش الsrt8

ولد الديره

09-02-2008, 02:08 PM

صدقت

بس صرفيته اوكيه نفس الفيكس ار وفي الخطوط الطويله احلى واحلى و موتر ماينمل

بس حاول تاخذه مستعمل يعني ماشي اشوي احسن لك عشان ما تخسر فيه وايد وقت البيعه

بس والله ووو حش الsrt8

عدل كلامك اخوي

بيطيح يا تاخذه نية تخلي عندك سنه او اكثر أو ابشر بالخساره اذا بتبيعه بعد كمن شهر و المشكله مايقدر ياخذه مستعمل لانه مافي مستعمل بشاشه (الموديل اليديد)

mubarak2006

09-02-2008, 02:13 PM

ولد الديره

09-02-2008, 03:11 PM

شكرا لكم ولردودكم جميعا ..ماشاء الله الشباب كلهم والله ماقصروا ...انا عاجبني الموتر وباتوكل على الله ...وانا باخذ الموتر لي يعني مش مفكر ابيعة ..لانة والله هالسيارة تحفة..والناس اذواق

شكرا:nice:

مدام قررت الله يوفقك اخوي و بالنسبه لي احل لون الاسود أو الرصاصي

:victory: بس ها مانوصيك اول ما اتطلع الموتر خذ لفه فينا :victory:

تحياتي

منكم نستفيد

09-02-2008, 03:20 PM

والله خوش موتر صج مميز

بس لا يصيدك اللى عليه سبور جارج يمكن عبالك طيارة اف16 اللى مارة

عـنيـد قـطـر

09-02-2008, 07:03 PM

والله خوش موتر صج مميز

بس لا يصيدك اللى عليه سبور جارج يمكن عبالك طيارة اف16 اللى مارة

بنطلعله ال GMC وحاضرين لطيبين

q6r99

09-02-2008, 10:34 PM

الله يوفقك اخوي بس اناا احس انهاا اصلا داشه في راسك هالسياره
مع انى اعتقد انك انت مقتنع فيهاا

يقولك يالغالى من استشار ماخاب
ولو خذيتهاا او خذيت غيرهااا يعطيك خيرهاا ويكفيك شرهااااااااااا

سلمان

09-02-2008, 10:59 PM

صدقت

بس صرفيته اوكيه نفس الفيكس ار وفي الخطوط الطويله احلى واحلى و موتر ماينمل

بس حاول تاخذه مستعمل يعني ماشي اشوي احسن لك عشان ما تخسر فيه وايد وقت البيعه

بس والله ووو حش الsrt8

أنا اشوفه احسن راي انك تاخذ مستعمل ماشي اشوي عشان ماتخسر وايد

ومبروك مقدما

منكم نستفيد

09-02-2008, 11:21 PM

بنطلعله ال GMC وحاضرين لطيبين

والله هو يتنغشر ودة يمر على جمس يخليه دتسن قديم:tease::victory:

السهم الثابت

10-02-2008, 08:34 AM

مرحبا اخوي انا يوم الاربعاااااااااا رايح لاوكشن يبعد عن مدينتي نص ساعة وشري منة سيارة وكنت ابي جيب شروكي لان سعرها بامريكا مناسب المهم اشوف شروكي صوت مكينتة موطبيعي و ولة سلنسرات 2 ومواصفاتة عجيبة شاشة وبلوتوث وكامل جلد بيج ماشي 12000 موديل 2007 واللون احمر ورنقاتة عريضة كروم انا فكرتة مال شباب مزوديين فية المهم نزلوة تحت الحراج وفتحووو باب الحراج ب 26 الف دولار قلت حق الديلر رفيقي مشينا يبة هذا موبصاحي الي يحرج من بياخذة شوي و يلتمون علية وطيرونة وينبااااااع ب30700 يوم الاربعاااااااااء الماضي بس اول مرة اشوف هاي نوعيتة بالسوق قالي رفيقي هذا نوعية تنزل
فية شركة تصممها انا الحين ناسي اسم الشركة بحرفm اذا تبي معلومات اكثر بسئل رفيقي وبرد عليك
اذا انت تبي الموتر اطلبة من امريكا واللة فرق السعررررر بتوفر مية الف اقل شي
وهذا تلفون الديلررر الي كان معي اسمة ابو مظهر تاجر سيارات 0014128897727

اتصلة وهو بيقولك عن الشروكي وبيخدمك اذا تبية ايشوفلك كم اسعارها