حبيت مساعدتكم في بناء بيتي

[ام الحلوين]

اخواني واخواتي

باذن الله بنبني بيت العمر لكن حبيت اشوف نصائحكم وافكاركم في التصميم

يعني مثلا ماهي الاخطاء الي اتفادها بالنباء وياليت من يزودني بتصميم جديد وافكار حلوه

وانا عرفت ان اسعار الخرائط تتراوح مابين 20 و25 الف هل صحيح؟

لانه لو بهالسعر بجيب لي خارطه من مهندس سعودي ممكن يكلفني خمس الاف فقط

وجزاكم الله الف خير

[بويوسف]

الموضوع ذو شجون

ففي اي نقطة تريدين الاستفسار منها بخصوص بناء البيت ؟

اما السعودية فهل تعرفين ماهية الاسعار؟ وحتى لو استعنتي بمكتب خارجي فمن شروط الرخصة هو اعتماد الرسومات الهندسية من مكتب محلي.

[اّل ثاني 77]

الموضوع ذو شجون

ففي اي نقطة تريدين الاستفسار منها بخصوص بناء البيت ؟

اما السعودية فهل تعرفين ماهية الاسعار؟ وحتى لو استعنتي بمكتب خارجي فمن شروط الرخصة هو اعتماد الرسومات الهندسية من مكتب محلي.

ممكن تعطي المكتب الهندسي في قطر 2000-3000 ويختملك ، أدري حرام هالمبلغ على ختم لاكن في المجمل أوفر من ال20000 وال25000 ألف . وبالتوفيق للجميع.

[بويوسف]

ممكن تعطي المكتب الهندسي في قطر 2000-3000 ويختملك ، أدري حرام هالمبلغ على ختم لاكن في المجمل أوفر من ال20000 وال25000 ألف . وبالتوفيق للجميع.

اذا كان البحث عن الارخص هو الهم الوحيد فهناك مكاتب تعمل خرائط بمبلغ 5000 ريال فقط.

[ام الحلوين]

الموضوع ذو شجون

ففي اي نقطة تريدين الاستفسار منها بخصوص بناء البيت ؟

اما السعودية فهل تعرفين ماهية الاسعار؟ وحتى لو استعنتي بمكتب خارجي فمن شروط الرخصة هو اعتماد الرسومات الهندسية من مكتب محلي.

انا ماعندي اي خبره في البناء قصدي اي خطاء ممكن اتفاداه في البناء

معلومه مفيده منك
جزاك الله خير

[ام الحلوين]

ممكن تعطي المكتب الهندسي في قطر 2000-3000 ويختملك ، أدري حرام هالمبلغ على ختم لاكن في المجمل أوفر من ال20000 وال25000 ألف . وبالتوفيق للجميع.


بارك الله فيك ع الرد

[ام الحلوين]

اذا كان البحث عن الارخص هو الهم الوحيد فهناك مكاتب تعمل خرائط بمبلغ 5000 ريال فقط.


لا والله ماهو القصد بالارخص لكن التوفير حلو وانا اختك

وبارك الله فيك وفي من تود

[sulai6i]

السلام عليكم ..

اختي في خطوات كثيرة لازم تهتمين فيها قبل البناء
وبما انكم توكم ما سويتوا خرايط .. النصيحة الحين انكم تشوفون المبلغ اللي عندكم كم .. وعلى هالمبلغ تحسبون تكلفة البيت مع تأثيثه وبناءا عليه بتعرفون كم متر مربع تقدرون تبنون

في ناس اعرفهم بنوا بيوت كبيرة وفي نص البنيان خلصت فلوسهم ووقفوا بعضهم صار لهم اكثر من 6 سنوات ما يقدر يكمل بيته .. ليش ؟ لأنه ما حسبها صح

وبعضهم بنوا بيوت حلوة راقية وفخمة .. لكن الأثاث كان من النوع الرخيص كلش وبعضهم ما أثثوا البيت كامل .. ليش ؟؟ لأنهم ما حسبوها صح ..
على هالأساس .. تحسبون تكلفة البيت المتوقعة للمتر المربع .. وتحسبون قيمة كل شي من صبغ , ابواب , درايش , مكيفات .....الخ
وتروحون لأي استشاري وتطلبون منه يسوي لكم خرايط ... في مرحلة الخرايط في نقطة مهمة واااايد وناس كثيرة تغفل عنها وهي توزيع الكهربا من ليتات وبلكات وغيره ..
الاستشاري اول ما يسوي الآسكتش المبدئي بيكون توزيع الغرف معروف وكل شي في مكانه الصحيح واذا اعتمدتوا الاسكتش وبدا في اعداد الخرايط اطلبوا منه اوراق الكهربا وانتوا اختاروا توزيع كل شي من بلكات وغيره لأن التوزيع في مرحلة البنيان ( مكلف + تكسير ) .. بتكون المهمة عليكم صعبة شوي لكن على بيت العمر كل شي يهون
وباقي الأشياء نتكلم عنها بعدين لما تبتدون .. وبنمشي وياكم خطوة خطوة اذا الله احيانا

[اّل ثاني 77]

اذا كان البحث عن الارخص هو الهم الوحيد فهناك مكاتب تعمل خرائط بمبلغ 5000 ريال فقط.

أخوي بو يوسف الأخت قالت ممكن أجيب الخرائط من السعودية وإنت قلت لها إن المشكلة بالختم وأنا جاوبتها وكلامها صحيح من السعودية نفس قطر ويمكن أحسن ..

[هاجن داز]

مرحبا اختي

افضل انك تتناقشين مع الي يبنون من اخوانك او قرايبك وجها لوجه
لان النقاش في المنتدى لايغطي كل الامور

مثال انا تناقشت مع واحد يبني وحذرني من بناء الحمام " اجلكم الله" الا على حمام
يعني لازم يكون الحمام تحته حمام ولازم يكون العازل من النوعيه الجيد وكذا طبقه
لانه كان يعاني من نزول الماء على الصاله وحاول وغير الحمام اكثر من مره .

وهذي نقطه من بحر
وبالتوفيق ,,,

[ام الحلوين]

السلام عليكم ..

اختي في خطوات كثيرة لازم تهتمين فيها قبل البناء
وبما انكم توكم ما سويتوا خرايط .. النصيحة الحين انكم تشوفون المبلغ اللي عندكم كم .. وعلى هالمبلغ تحسبون تكلفة البيت مع تأثيثه وبناءا عليه بتعرفون كم متر مربع تقدرون تبنون

في ناس اعرفهم بنوا بيوت كبيرة وفي نص البنيان خلصت فلوسهم ووقفوا بعضهم صار لهم اكثر من 6 سنوات ما يقدر يكمل بيته .. ليش ؟ لأنه ما حسبها صح

وبعضهم بنوا بيوت حلوة راقية وفخمة .. لكن الأثاث كان من النوع الرخيص كلش وبعضهم ما أثثوا البيت كامل .. ليش ؟؟ لأنهم ما حسبوها صح ..
على هالأساس .. تحسبون تكلفة البيت المتوقعة للمتر المربع .. وتحسبون قيمة كل شي من صبغ , ابواب , درايش , مكيفات .....الخ
وتروحون لأي استشاري وتطلبون منه يسوي لكم خرايط ... في مرحلة الخرايط في نقطة مهمة واااايد وناس كثيرة تغفل عنها وهي توزيع الكهربا من ليتات وبلكات وغيره ..
الاستشاري اول ما يسوي الآسكتش المبدئي بيكون توزيع الغرف معروف وكل شي في مكانه الصحيح واذا اعتمدتوا الاسكتش وبدا في اعداد الخرايط اطلبوا منه اوراق الكهربا وانتوا اختاروا توزيع كل شي من بلكات وغيره لأن التوزيع في مرحلة البنيان ( مكلف + تكسير ) .. بتكون المهمة عليكم صعبة شوي لكن على بيت العمر كل شي يهون
وباقي الأشياء نتكلم عنها بعدين لما تبتدون .. وبنمشي وياكم خطوة خطوة اذا الله احيانا


الله يجزيك الف خير وبارك الله في اخوي الكريم من جد نصايح مهمه جدا جدا جدا لانه بصراحه انا وزوجي تقدر تقول غشيمين بهالامور

ولايحرمنا ربي من نصايحك اخوي الفاضل

[ام الحلوين]

أخوي بو يوسف الأخت قالت ممكن أجيب الخرائط من السعودية وإنت قلت لها إن المشكلة بالختم وأنا جاوبتها وكلامها صحيح من السعودية نفس قطر ويمكن أحسن ..



اخوي هذا مهندس مشهود له بالرياض والفلل تصميمها جدا رائع ففكرت اجيب منه خريطه اوفر وارقى واحلى

بارك الله فيك اخوي الكريم

[ام الحلوين]

مرحبا اختي

افضل انك تتناقشين مع الي يبنون من اخوانك او قرايبك وجها لوجه
لان النقاش في المنتدى لايغطي كل الامور

مثال انا تناقشت مع واحد يبني وحذرني من بناء الحمام " اجلكم الله" الا على حمام
يعني لازم يكون الحمام تحته حمام ولازم يكون العازل من النوعيه الجيد وكذا طبقه
لانه كان يعاني من نزول الماء على الصاله وحاول وغير الحمام اكثر من مره .

وهذي نقطه من بحر
وبالتوفيق ,,,


فعلا اخوي هذي النقطه جدا مهمه لانه الحين حنا ساكنين في بيت اجارواكرمكم الله والصاله فوقها حمام كرمكم الله وتقريبا السقف كله تسريب مياه وانا والله فكرت قلت يمكن سوء بنيان لعدم الخبره بصراحه

جزاكم الله الف خير لهذه النصائح جدا مهمه

[بوحارب]

أختي أم الحلوين

حددي النقاط المطلوبة وأعتبري الموضوع خالص بأذن الله

[بوحارب]

وانا عرفت ان اسعار الخرائط تتراوح مابين 20 و25 الف هل صحيح؟

لانه لو بهالسعر بجيب لي خارطه من مهندس سعودي ممكن يكلفني خمس الاف فقط



خرائط الفيلا ما تتعدى ال 10000 ريال

من قالج 20 و 25

وما يصير تسوين خريطة من السعودية اذا ما خاب ظني

لأن التخطيط العمراني لازم يشوف على الخرايط ختم الأستشاري والله أعلم

[ANONYMOUS]

ممكن تجيبين من السعوديه..

واي استشاري في الدوحه يشيك عليها.. ويشوف تطابق شروط قطر ويختمها لج.. طبعا بفلوس..

وزي ماقال احد الاخوان..

لايكلف الله نفسا الا وسعها.. يعني حاسبوا.. على قدكم..

وان شالله منزل عامر بأهله..

[سهم طايش]

اللهم اجعله بيت مبارك عليكم

[المشط]

ان شاء الله يكون بيت مبارك عليكم

انا قاعد اشطب في بيتي

بالنسبه حق تصميم الخرائط في السعوديه او اي دوله شي عادي بس اهم شي تطابق المواصفات في قطر
لكن في مشكله لو حصل رفض من البلديه علي اي شي حتي لو بسيط راح تنجبرين ترجعين السعوديه علشان تصليح هذا الشي في الخرائط
حتي لو بغيتي اثناء البناء تكبرين غرفه او تحذفين باب او اي تعديل لازم ترجعين نفس المكتب علشان يعدل في الخرائط


وانا عرفت ان اسعار الخرائط تتراوح مابين 20 و25 الف هل صحيح؟
اختي سعر الخرائط من 5 لين 150 الف هذي الاسعار اللي مرت علي

ونصيحه في رسم الخرائط غلطه انا طحت فيها دورت على ارخص الاسعار في رسم الخرائط وتوزيع البيت والملحق والمجلس ما كان دقيق علشان هذا الشي ممكن تلقين مكتب يرسم لج على 5 الاف بس يكون عادي وفي مكتب ثاني ممتاز وافضل منه على 8 او 10 الاف

واهم شي اختي الاستشاري لازم يكون ممتاز وأمين لانه هو اللي راح يراقب البيت ويراقب شغل المقاول ( بالعربي في بينهم رشاوي والضحيه المالك )

وبالنسبه حق شركه المقاولات نصيحة لا تتعاملون مع اي شركه لان في شركات وايد نصابة وجشعة يكون عند الشركه 15 عامل وماسك اكثر من 6 او 7 بيوت وكل يوم يشتغل في واحد شويه
اذا ماعندكم شركه تعرفون حد مجربها استفسروا عن طريق اقاربكم ومعارفكم عن شركات هم تعاملو معاهم
وبالنسبه حق العقد بينكم وبين المقاول هذا تخصص الاستشاري يكتب بنود العقد حسب رغبتكم

واي استفسار انا حاظر

[ام الحلوين]

أختي أم الحلوين

حددي النقاط المطلوبة وأعتبري الموضوع خالص بأذن الله


بارك الله فيك اخوي

[ام الحلوين]

خرائط الفيلا ما تتعدى ال 10000 ريال

من قالج 20 و 25

وما يصير تسوين خريطة من السعودية اذا ما خاب ظني

لأن التخطيط العمراني لازم يشوف على الخرايط ختم الأستشاري والله أعلم



بارك الله فيك وفي من تود

[ام الحلوين]

ان شاء الله يكون بيت مبارك عليكم

انا قاعد اشطب في بيتي

بالنسبه حق تصميم الخرائط في السعوديه او اي دوله شي عادي بس اهم شي تطابق المواصفات في قطر
لكن في مشكله لو حصل رفض من البلديه علي اي شي حتي لو بسيط راح تنجبرين ترجعين السعوديه علشان تصليح هذا الشي في الخرائط
حتي لو بغيتي اثناء البناء تكبرين غرفه او تحذفين باب او اي تعديل لازم ترجعين نفس المكتب علشان يعدل في الخرائط


اختي سعر الخرائط من 5 لين 150 الف هذي الاسعار اللي مرت علي

ونصيحه في رسم الخرائط غلطه انا طحت فيها دورت على ارخص الاسعار في رسم الخرائط وتوزيع البيت والملحق والمجلس ما كان دقيق علشان هذا الشي ممكن تلقين مكتب يرسم لج على 5 الاف بس يكون عادي وفي مكتب ثاني ممتاز وافضل منه على 8 او 10 الاف

واهم شي اختي الاستشاري لازم يكون ممتاز وأمين لانه هو اللي راح يراقب البيت ويراقب شغل المقاول ( بالعربي في بينهم رشاوي والضحيه المالك )

وبالنسبه حق شركه المقاولات نصيحة لا تتعاملون مع اي شركه لان في شركات وايد نصب او جشع يكون عند الشركه 15 عامل وماسك اكثر من 6 او 7 بيوت وكل يوم يشتغل في واحد شويه
اذا ماعندكم شركه تعرفون حد مجربها استفسروا عن طريق اقاربكم ومعارفكم عن شركات هم تعاملو معاهم
وبالنسبه حق العقد بينكم وبين المقاول هذا تخصص الاستشاري يكتب بنود العقد حسب رغبتكم

واي استفسار انا حاظر


بارك الله فيك نصائح جدا مجديه خاصه عند ناس عديمي الخبره مثلنا

[دلوعه امها]

الله يبارك لكم فيه ان شاء الله

[ام الحلوين]

الله يبارك لكم فيه ان شاء الله

الله يبارك فيك وفي من تحبين يارب

[mohd essa]

انا الحين في مرحلة التشطيبوالي لاحظته على اكثر المقاولين يمشون على الخرائط صح كانت اوغلط.
النصيحة الي ابي اقدمها اخذ وقت كافي في عمل الخرائط والعقدوكتابة كل شىء في العقد حتى لوكان مسمار في الهوى.

وبالتوفيق للجميع

[ام الحلوين]

انا الحين في مرحلة التشطيبوالي لاحظته على اكثر المقاولين يمشون على الخرائط صح كانت اوغلط.
النصيحة الي ابي اقدمها اخذ وقت كافي في عمل الخرائط والعقدوكتابة كل شىء في العقد حتى لوكان مسمار في الهوى.

وبالتوفيق للجميع


الله لايرحمنا من نصائحكم الهادفه بالفعل كل الي قلتوه والله انه ينور دربنا وخاصه عند ناس عديمي خبره مثلنا