الطريق الـــى الثــراء (( لكل الأعضاء ))

[ذوق]

السلام عليكم ورحمة الله وبركـاته...

قال تعالى : { المال والبنون زينة الحياة الدنيا والباقيات الصالحات خير عند ربك ثوابا وخير أملا }

بطبيعة البشريه وبفطرة الأنسان أنه جبل على حب المال..وموضوعي هذا ليس الا بمثابة

(( جسر محبة )) لتواصل خبرات الأعضاء والأستفاده من خبرات بعضهم البعض :)

إن أغلب الناس مما اشارت له الأحصائيات والدراسات أنهم سلبيون وينظرون للأمور بنظره سلبيه..مما قلل من المتفائلين وسبب مردود سلبي عليهم جميعآ...


فالتفاؤل أهم سمة من سمات الناجحين...فالناجحون أشخاص متفاؤلون وملتزمون جدآ...ينظرون للحياه بنظره ملونه ومزركشـه...فلذلك أحببت أن أضيف هذا الموضوع لكي نستفيد جميعنا من الخبرات الحياتيه في مجال العمل...

1- هنالك الفقير الذي انقلب حاله بأصراره وألتزامه وتفاؤله بالنجاح حتى وصل الى مصباه...

2- هنالك من ذوي الدخل المحدود الذي لحق طموحه حتى وصل اليها

3- هنالك الكثير من الأصناف الذين بدأوا حياتهم المهنية بقصة مأساوية وأنتهوا فيها بتاج الثراء

أخي العضو - أختي العضوه :

ماذا فعلت/ي لكي تزيد/ي من دخلك المادي..؟؟

ماذا مررت فيه لكي تصل لهدفك؟

ماهي أفكارك؟ مشروعاتك الغريبه أو المعروفه؟

حدثنــونـا .... ولنضيــئ لبعضــنا الطـريق ..!!



أختكم

ذوق

[ANONYMOUS]

بالنسبه لي للحين ماسويت شي

انا ناوي من زمان يوم انا كنت صغير .. بس للحين ولا شي..

درست.. وخذت وظيفه مرموقه-----------> اقول خف يالمرموقه

وبس..

فيني طاقات.. بس احطها اهنيه.. اشاكس الاعضاء هاهاهاها


شكرا للموضوع الجميل..

وننتظر الردود بأحر من الجمر..

[ذوق]

بالنسبه لي للحين ماسويت شي

انا ناوي من زمان يوم انا كنت صغير .. بس للحين ولا شي..

درست.. وخذت وظيفه مرموقه-----------> اقول خف يالمرموقه

وبس..

فيني طاقات.. بس احطها اهنيه.. اشاكس الاعضاء هاهاهاها


شكرا للموضوع الجميل..

وننتظر الردود بأحر من الجمر..


اكييييييييد أحر من الجـــمر :tease: ها ها ها

والله حـالي من حـالك خـاطري اعرف طريقــة الأثريـاء بعيدآ عن البورصه وسوالفها...أكيد هناك طرق حـلوه وأفكــار أحلــى...قد تساعد الجميع

حياك الله يالطيب

[جلمود]

مافي البورصه راح من رأس المال والله 120000 الف خساره والحمدلله والحكومه مسكره الفيز اذا بتفتح محل ولابتسوي مشروع مافي عماله والاجارات غاليه مالك اله البورصه ودمارها

الله يوفقنا مثلك اختي والله يزيدك من خيره يارب

[ذوق]

ويوفقك أخوي

وعليك بالصــدقة تراها تزيد المربــح والرزق...وتكفي الخسائر..وما الخسار ه الا خسارة الروح :)

حياك الله

[Mi$$ OriGinaL]

أخي العضو - أختي العضوه :

ماذا فعلت/ي لكي تزيد/ي من دخلك المادي..؟؟

ماذا مررت فيه لكي تصل لهدفك؟

ماهي أفكارك؟ مشروعاتك الغريبه أو المعروفه؟


تعودت دايما اني اطلب لي من النت .. اسهل واسرع وارخص في كثير من الاحيان

عرفت اسرار المواقع والماركات هذا غير حبي لها :)

اللي سويته اني استغليت هالمعرفه ووقت فراغ كبير في شي استفيد منه

وهو اللي اسويه الحين :victory:

مع اني دايما كنت اقول لنفسي (عيب تبيعين .. شدعوه بياعّه :shy: ) هذا غير خوفي من التعامل مع الناس .. بس اتشجعت ونزلت موضوع ورى موضوع وماركه ورى ماركه

والحمد الله .. ما اقدر اسمية دخل ثاني غير الراتب .. بس على الاقل شي مفيد اسويه بوقت فراغي هذا غير اني استمتع به :)

كل شي صغير يكبر مع الايام والتشجيع .. وان شاء الله من هني للأكبر

هذي تجربتي حبيت اشاركها معاكم

وبالتوفيق للجميع

[ذوق]

حيـــاج أختـــي مس شوز .... ذكرتيني بشمسه المهيري ما شاء الله عليها..عقبالنــا

والله يوفقج للأمام

[قناص الخليج]

أما انا دخلت البورصه خسرت :eek5:

شريت لي تريلات عورني راسي بين الشركات والسواقين :cry2:


صدقوا مافي الا نتبع نصيحة حسينوووه بن عاقول مطعم باجه ومخبز جنه مو لك :tease:

[بوخالد2]

والله اختى ذوق اشكرج على الموضوع هذا عسى فيه خير للاخوان واللاخوات

وانا الصرااحه ماعندي شي غير البورصه وخسرت فيها مبلغ كبير من راس المال والله يعوض ان شاءالله

الحمدالله على كل حال

بغين نفتح شي او نشترى مغسله او غير حتى ارض في الصناعيه انا و واحد من الربع لين الحين ماعطونا اياهااا ونسينا السالفه

والحمدالله الراتب و مدخولات بسيطه وماشي الحااال

مثل ماانتي عارفه كل شي فووق و الواحد مايقدر يخاطر مره ثانيه بعد خسارة مبلغ في البورصه كان يقدر يسوى مشروع او شراء ارض مثلا


تقبلي احترامي

[بنت الفيصل]

سلكت كل الطرق.... وما تركت طريقا قط قدامي....

حتى ظننت اني قد وصلت الى منزلة بين اهلي واقوامي.....


فاذا بسعي خااااب..... ولقيت الديون.... امامي:(

:weeping:

[desert hunter]

والله انا اتمنى اختي

بس يكون عندي بيت واسره صغيره

وارتاح

بس ركزي على البيت الامر الي صار من الصعب نحصله هاليومين

اتمنى الحكومه يوفرون بيت للمتزوجين عشان تسهل امورهم

والله المستعان

[هسلان]

الوقت الحالي صعب جداً للمبتدئين في التجارة ويحتمل في الغالب الخسارة وليس الربح وذلك لعدد التجار والنشاطات
لذلك أنا أعتقد أن لابد من التوجه للأنشاء محافظ صغيرة وتحديد أهدافها وتكون محصورة بين اربع لخمس اشخاص ويفضل تكون عائلية

أما عني أنا فالحمد لله امشيها مع الأسهم يوم أنا فوق ويوم هي فوق بس ماعلي منها لأني حاط هدف وأنشاء الله بوصله خلال سنتين من هذا التاريخ :tease:

والله يوفق الجميع:nice:

[ذوق]

تسلمون أخواني على المرور....عشان بس تتأكدون أن أغلب الناس سلبيون...وهذا ما أكدته ردودكم...يا جمـاعه أنا قلت نبي خبرات ناس أنجحت أو
ناس افشلت ولا زالت تحـاول وترى أنها قريبة من هدفهـا عشان باقي الأعضاء يستفيدون...من الخبرات الناجحه...او النصايح...مانبي نكد وتحندي جزاكم الله خير لا يغني ولا يسمن من جوع ...:telephone:

[ذوق]

وين التفاعل ^-^

[maryam5]

اسهل طريقة للثراء تبون تعرفونها ويكون بحسابكم ملااااااااااييييييييييييييييييييييييييييين...




















اكيك طبعاً تبون تعرفونها ترى جداً سهلة بس يبي لك تدريب وبتصير من اصحاب الملايين...

































طبوا على اقرب بنك عندكم وخموا كل الي فيه وبتصيرون من اصحاب الملايين في ساعات....


اشرايكم؟؟؟خخخخخخخخ

[Bin Hood]

ان شاء الله اذا جربت التجارة

راح اكتب تجربتي , وترى ان ناوي ادش ان شاء الله