مواليد الستينات والسبعينات وبداية الثمانينات فقط

[AL-ZAINA]

السلام عليكم
جبتكم لكم ذكريات عجيبه وكان وصلني من ايميل الشغل
وهذا مخصوووص حق مواليد الـ 60 وو 70 وبدايه الـ80 بسسسس


تذكرون لما اييلك واحد مليغ من العايله اكبر منك ويقولك تبي اسويلك ساعه وانت تمدله ايدك ويقوم يعضك ذيج العضه اللي تصارخ منها .

‏تذكرون لما كنا نصور فوري عند مصور الجمعية وطبعا غصبن عليك الخلفيه زرقه مب بكيفك ولازم تمشط شعرك بالمشط اللي عنده كله شعر وبعدين يغسلك الصورة بالآله اللي عنده ام ذراع والاطراف مشرشره يعني يكون حركه . ‏ويعطيك الصور بعد أسبوع


تذكرون اول يوم دوام بالمدرسه كانوا يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما يطيحون مع 6 ‏دفاتر -


‏تذكرون المعجون الصغير اللي ريحته تعور الراس ومعاه عود لونه احمر وكنا نبطله بالمجلوب ونعصره ونلف العود عليه وننفخ عشان نسوي
نفافيخ وطبعا ما تطلع النفاخة الين تطلع بلاعيمك وياها .


تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله ويا البسكوت المالح خخخخخخ.


تذكرون يوم الجمعة ... ‏نقعد من الصبح علشان نسمع أغنية في قصص الشعوب قصائص لا تنتهي وعالم حلو بهي يسكن في القلوب في قصص الشعوب .


تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل
.

‏تذكرون لما كنا نربط الشرشف على رقبتنا مثل سوبرمان ونصعد فوق الكبت وانط على الدواشق واخر شي ناقز غلط ومنكسره ايدك....


تذكرون شريط الجراخي الاحمر اللي اذا اخترب المسدس ماله ما يبيله كلام حًول على كعب الوالده وكمل عليه بالكاشي والا على كاشي الباب اخر شي الوالده مكمله عليك بالكعب


‏تذكرون لما كنا نحط بالفريزر العصير الطويل بونصين عشان يثلج وكل ماتروح تبي تاخذه تلاقي الوالده منزلته تحت وماثلج.....‏راحت الفرحه .


تذكرون لما كان الاولاد يغسلون الحوش بالبروش والصابون قمة الوناسه يمسك المساحه يعني يكون بيساعد واخر شي طايحله سكيتنج على الكاشي والزوليه وفليل وارمه ريله.


تذكرون لما كنا نستقبل الحجاج من زود الفرحه واللهفه على الصوغه واخر شي كم مسواج وقحفيتين والكاميرا الحمره وسياده والبنات قطعه خام مالت هنود وساعه.


تذكرون لما كنا نشوف مسرحيات الأطفال مثل السندباد والزرزورر والف باء تاء اللي فيها عبدالرحمن العقل ولما الحرامي يكون وراه نصرخ من قمة راسنا ورااااااك وراااااااك وهو يقول وينه وينه يميييييين يميييييين....‏ياعيني على الاستهبال .


تذكرون عزايم قبل والصفره المفروشه على كبر الصاله اللي على صورة ميوه ( ‏فواكه ) ‏وريحته لازم ريحة مطبخ وجالسين على الزوليه اللي يوم تقوم تلاقي ريلك كلها شخوط من الزولية..يا خي شو هالزهد بس.


تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين
‏على كل الكتاب وين الشي المهم مادري.


تذكرون ايام الكشخه قبل كانت عباره عن سيارة هوندا بيضه اكورد باب واحد ولازق على الرقم من ورى شعار نادي الأهلي يعني كووول والمشط بالدرج اللي على قبضة يد سيارة الجاكسون وحاط بالمسجل فرقة الدانه ولا عبدالكريم .
.

تذكرون اول ما يسرقون الأولاد سيارة أبوهم كانت الريل اليمين على البترول والريل اليسار على البريك من الثواره .... ‏ولازم طبعا يمر على الربع بالفريج يصيح ويلات عليهم....‏واديلوووووو بريك وبترول


تذكرون لما كانت جائزة البيبسي سياره بغطيان الغراش كنا الظهر نروح ورا الدكان ونبطل الغراش كلها وبعدين نرد نسكرهم اي كلام تشوف الغازات كلها طايره ومتبخره وصاير ماي مايوه .



‏تذكرون لمايقول الاستاذ او المدرسة ان هذي الصفحات ملغيه ايوااااااااااا تعال شوف الشخابيط اللي على الصفحه من فوووووووووق اللين تحت ولا نطرها من الكتاب.....‏ليش هالحقد عاد ......


تذكرون لما نتضارب مع ولد الييران وتقوله وخرعن بيتنا وعن رصيفنا يقولك مب رصيفكم هذا رصيف الحكومه
كلام منطقي الصراحه , ‏ويقعد يحوس جدام البيت ويمر جدام ويقولك ماجستك ما جستك خخخخخ .


تذكرون لما يروحون الأولاد السوق مع الوالد يشتري لهم قطع ثوب حق العيد ..‏اخر شي شاري طاقه كامله نفس اللون وتشوف باول يوم العيد من الوالد اللين الاخو الصغير نفس الثوب ( ‏تقول فرقة عياله.)


تذكرون يوم يبغون الشباب يشلون حديد قبل يترسون قواطي النيدو اسمنت ويحطون بينهم بيب حديد وهووووووووبا واخر شي منكسره ظهورهم .....

‏تذكرون المسجل الأسود مال استاد الانجليزي يوم يدش علينا فيه قمة الوناسه اليوم ما فيه شرح يعني مافي اسئله ونرووووح نشغل الراديو يوم يكون مشغول ويا الطلاب .....


تذكرون لما نقلد رقص مايكل جاكسون ونسوي حركه الرجعه وحركه الايد اللي على الجامه ونغني بيييييييييييلييييييييييه بييييييييييلييييييييه شو بيله مادري.

والله ايام حلوه:pardon::pardon::dance:dance

[(احمد)]

لا اذا قلت للوالد ابغي اشتري شيء من المحل الفلاني قالك ابشر واذا من\ر عليه وتقوله ليش ما وقفت يقولك ليش ما تذكرني وتروح عليك الوناسة خاصة اذا كنت تبغي شريط مصارعة

[lalamar]

مافي الخمسينات

[امل الحب]

:rolleyes2:

الخط عور عيوني

شكرا عالموضوع

[دلة الرسلان]

تذكر لما يعطونا الكتب ومعاها علبة الهندسة واقلام الرصاص والدفاتر ودفتر صغير يازعم

لمعاني الكلمات وبعدين نربطهم بالربر يعني حركة وتفلفل الكتب وتطيح ... ايام حلوة:nice:

[سوق واقف]

الخط شسمه بروحي لابس نظارة وما أشوف أيام كتاب العربي دادا
دودو
زوزو مات في البستا ن كانو يقصون علينا هههههههههههههههههههههههههههههههههههه

[قطري هامور]

يسلمو اختي ع الموضوع

[ناصر العمادي]

انا ماذكر ..... مافي حق التسعينات ... :shy::shy::shy::shy:

والله أيام حلوه ماتنسي مهما صار ولا يمكن نشوف مثلها في هالوقت ... الفرحه تكون فرحه من صج ...
حتى لما نتذكرها نفرح مثل ماتذكرها الحين وانا اقرا ....
ياسلام على الأيام اللي راحت والله ....
أتذكر أيام دورة الخليج اللي صارت لأول مره في الدوحه وشلون التدريب والحماس ...ليش عشان ماندرس ...خخخخخخخخخخخخخخخ
والشي الثاني عشان الكيس اللي فيه الأكل ناخذه ونضرب فيه الهنود من الباص ... صج شياطين

بالرغم من كل التطور اللي أحنا فيه لكن الأيام اللي راحت ماتتعوض بكنوز الدنيا ...

كل الشكر لك أختي على الذكريات الرائعه

الله يوفقك ويسعدك ويرزقك الجنه ان شاء الله

تحياتي وتقديري لك

[كينيا]

:weeping: :weeping: :weeping:

ولا هقيت يعود لي ذلك الفـــــي = هيهات مرجوع القمر من مغيبه
الا ان تعود عصور شداد ولوي = والا الصبا يرجع لعود وشيبــــه

[@ دانتيل قطر @]

قلبتّتي علينا المواجع
هئ هئ هئ
والليفة السلك يشبونها لصبيان بالكبريت
ويفرونها علينا
وراعي الصفيحة والزعتر اللي على السيكل 00
لازم يمر علينا العصر
وحفلات المدارس كنها عرس
و
و
و
وش بنعّد
وش بنخلىّ
أآآآآآآآآآآة
:weeping:

[the engneer]

اتذكر الشامبو الاحمر ومحلات مبروك للعيد فقط تكرمون نعال ام كعب ..........كشخة
اتذكر سينما امير/مطعم باباي(مقابل قصر الشيخ سحيم)/ملك الالعاب/مطعم بروسلي/سيف المحرقة/يوق الحمام(موقع قهوة عشيرج الان بسوق واقف)/تسجيلات النون/

[الكواري]

انا متابع فقط
:shy:
لمعرفة الأعضاء الشيبان والعيايز بالمنتدى
:tease:

[الورد]

الخط شسمه بروحي لابس نظارة وما أشوف أيام كتاب العربي دادا
دودو
زوزو مات في البستا ن كانو يقصون علينا هههههههههههههههههههههههههههههههههههه



لا مب زوزو
باز:tease:


ولا ندري شنهو الباز


ليومك ههههههههههه
في دار جاري باز
مامات بازي
..
كُسٍر كوب وداد>>>>كنت اصيييييييييييييح من صجي:(
قطف فول عماد..

جاءت مريم من لبنان
حضر فوزي من حوران مدري عجمان
هههههههههههههه



شّد شدّاد
عّد عدّاد
بللللللل ههههههههههههههه اغبررررررررررررررررررررررررررررررررررررره

[الورد]

انا ماذكر ..... مافي حق التسعينات ... :shy::shy::shy::shy:

والله أيام حلوه ماتنسي مهما صار ولا يمكن نشوف مثلها في هالوقت ... الفرحه تكون فرحه من صج ...
حتى لما نتذكرها نفرح مثل ماتذكرها الحين وانا اقرا ....
ياسلام على الأيام اللي راحت والله ....
أتذكر أيام دورة الخليج اللي صارت لأول مره في الدوحه وشلون التدريب والحماس ...ليش عشان ماندرس ...خخخخخخخخخخخخخخخ
والشي الثاني عشان الكيس اللي فيه الأكل ناخذه ونضرب فيه الهنود من الباص ... صج شياطين

بالرغم من كل التطور اللي أحنا فيه لكن الأيام اللي راحت ماتتعوض بكنوز الدنيا ...

كل الشكر لك أختي على الذكريات الرائعه

الله يوفقك ويسعدك ويرزقك الجنه ان شاء الله

تحياتي وتقديري لك


ايييي
كان فيه بيضة مفيوحةوبسكوت
وتنكسر البيضة ويتفتفت البسكوت:discuss:




بما انك مغبر من قلب

ناصر تذكر(الترويح السياحي)؟؟؟
عند المتحف؟؟






غباااااااااااااااااااااااار ههههههههه

[ANONYMOUS]

انا ماذكر

كنّا في لندل

تونا جايين الدوحه في التسعينات..

































----


ذكريات صراحه



تذكرون الرسوم المتحركه

ابطال الديجيتال

:p

[الورد]

انا ماذكر

كنّا في لندل


يوز عن العيارة:anger1:
واضح ان كنتو في لندن

اكتبها عدل قبل ههههههههههه

تونا جايين الدوحه في التسعينات..

































----


ذكريات صراحه



تذكرون الرسوم المتحركه

ابطال الديجيتال

:p



عيل غميضة
ما لحقت على برتقالة الكورنيش:weeping:

[alwahesh]

يسلمو اختي ع الموضوع

[بوخالد2]

اى والله ذكرتنا باللي مضى

اذكر لعبتي (( النباله )) ههههههههههه احب افلع النااس
والاستيك في الصف بعد :victory:

واحسن شي اتذكره السيكل مال الهنود (8) فرو واريل من ملات الزينه

ولفيه في التاير مال السيكل وانعوله وانسوق ويطلع شرار وااااااااااجد

ايام والله


تسلم وتقبل احتراامي

[بنت الفيصل]

اذكر اني قريت هالمشاركة في منتدى ثاني ووصلتني عبر البريد معاها الصور:nice:

[AL-ZAINA]

اسعدني مروووركم اخواتي واخواني وتم تعديل الخط

:)

[lule]

تذكرون ايام اول لما كانت الدنيا بخير وقلوب الناس بيضه مافيها حقد وحسد ... كنا نستانس حزة الضحى مع نسوان الفريج كل وحده جايبة قهوتها معاها ونقعد مع يدتي الله يرحمها ونسمع سوالفهم

[جلمود]

انا ماذكر توني من مواليد90

[رايق]

:weeping:

في رسوم متحركه ابي اعرف شـ سمها .. البطريق و رفيقه الفقمه الدلخ .. دايما يروحون عند واحد كله يتفلسف و ضحكته مميزه و يعطيهم نظريات و طرق علميه علشان ينحاشون ..

تذكرونهم ؟ :tooth:

احراج لو واحد من شياب المنتدى اللي اعرفهم يقرا مشاركتي .. بـ ينقدون علي :tease:

[ناصر العمادي]

انا ماذكر توني من مواليد90

:omg::omg::omg::omg::omg::omg::omg::omg::omg::omg:

:tease::tease::tease::tease::tease::tease::tease:: tease::tease:

[هتـان قطر]

ياااااااااااحبي للايام الخوالي ..اتذكر الغنم لدشوا البيت

نقعد نلحقهم لحاق ...واخر شي انسكر الدروازه على ارجولهم..

ولا اذا جانا مطر لازم انروح ونتسبح في الغدير ..وندور سمك

اصغااااار .....توني مكتشفه انهم مشروع ضفادع..:weeping:

[مالي ومال الناس]

ذكرتيني بأيام حلوه هههههههههههههه

واتذكر ايام اذا بنروح حديقة الحيوان في العيد .. من الفرحه كأنه بنروح ديزني لاند

خخخخخخخخخخخخخ

مجمعين فلوس العيديات .. وقطيه مع بعض .. يابلفيت كبار وفاهمين خخخخخخ

وشنسوي في الحديقه .. نقلبها فوق حدر .... والهنود مال الحديقه يلحقونا ... ومسوين فلم وبطولات .. ومانخلي حيوان في قفصه الا وملعوزينه .. خخخخخخخخخ

يسلمو على الموضوع الممتع والشيق

[خفايا الروووح]

تسلم ع تذكيرنا بذيك الايام

: )

[معاند جروووحه]

واحلى شي الي يحضر الظهر يعطونه وجبه فيها



دجاج يابس بس لذيذ بذلك الوقت ومعاه الرهش يا زينها من ايام



ولاتنس المعسكر الكشفي ومعسكر المدرسه للنظافه



وأشكرك على الموضوع الرائع جدأ ويعطيك ألف عافيه

[جلمود]

:omg::omg::omg::omg::omg::omg::omg::omg::omg::omg:

:tease::tease::tease::tease::tease::tease::tease:: tease::tease:

؟؟؟


اذكر مسلسل الكرتون توم سوير ورفيقه هاك الفقير اللي ساكن بالغابه:fight:

[مشاعل]

انا مولودة اللحظه خخخخخخخخخخخخخخخخخخخخخخخخ


يسلمووو على الموضوع يا عسل

[ســـهم]

لاتهضمون حق مواليد الخمسينيات :(

وينهم ؟

[مشاعل]

سهم


خخخخخخخخخخخخخخ لايكون انت من مواليد ابوي ههههههههههههههههههههههه

[OTOsan]

تذكرون لما اييلك واحد مليغ من العايله اكبر منك ويقولك تبي اسويلك ساعه وانت تمدله ايدك ويقوم يعضك ذيج العضه اللي تصارخ منها

اذكر .. وياما طلعت منهم ساعات هههههههههههه

تذكرون اول يوم دوام بالمدرسه كانوا يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما يطيحون مع 6 ‏دفاتر -

وحزات كانو يوزعون هندسة .. !! كان امتع يوم لي في الدراسه اقعد اقلب الكتب واشوف شاللي بندرسه ---> نبيه من يومي :)



تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله ويا البسكوت المالح خخخخخخ.

وملسووون مدري ميسون ونعمان .. والاهبل اللي يقول ( اريد هناك !! ) والثاني اللي يقول ( اعطني قطعةً من الشكولاته ) :)


تذكرون يوم الجمعة ... ‏نقعد من الصبح علشان نسمع أغنية في قصص الشعوب قصائص لا تنتهي وعالم حلو بهي يسكن في القلوب في قصص الشعوب .

فان بقيتم معنا .. نامل ان سنلتقي في قصة جديده ورحلة مفيدة .. يسودها الجو النقي !!

على فكره هذي اصاله اللي غنت هالاغنية وهي صغيره :)


تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل

وهل تخفى .. الحفر هههههههههههههه


‏تذكرون لما كنا نربط الشرشف على رقبتنا مثل سوبرمان ونصعد فوق الكبت وانط على الدواشق واخر شي ناقز غلط ومنكسره ايدك....

لا انا مره قريت قصة الفارس المقنع .. وفعلا صرت مقنع لما كنت باختنق :(

تذكرون شريط الجراخي الاحمر اللي اذا اخترب المسدس ماله ما يبيله كلام حًول على كعب الوالده وكمل عليه بالكاشي والا على كاشي الباب اخر شي الوالده مكمله عليك بالكعب

ههههههههههه تذكرته !!

‏تذكرون لما كنا نحط بالفريزر العصير الطويل بونصين عشان يثلج وكل ماتروح تبي تاخذه تلاقي الوالده منزلته تحت وماثلج.....‏راحت الفرحه .

لين الحين .. عندي هالهوايه :)

تذكرون لما كان الاولاد يغسلون الحوش بالبروش والصابون قمة الوناسه يمسك المساحه يعني يكون بيساعد واخر شي طايحله سكيتنج على الكاشي والزوليه وفليل وارمه ريله.

عشان تعرفون ان السكيتنج كان عندنا قبل الانجليز :)

تذكرون لما كنا نستقبل الحجاج من زود الفرحه واللهفه على الصوغه واخر شي كم مسواج وقحفيتين والكاميرا الحمره وسياده والبنات قطعه خام مالت هنود وساعه.

اهم شي الكيمره الحمرا هههههههههههههه

تذكرون لما كنا نشوف مسرحيات الأطفال مثل السندباد والزرزورر والف باء تاء اللي فيها عبدالرحمن العقل ولما الحرامي يكون وراه نصرخ من قمة راسنا ورااااااك وراااااااك وهو يقول وينه وينه يميييييين يميييييين....‏ياعيني على الاستهبال .

وراك وراك وراك ههههههههههههه .. واتذكر مسرحية الامانه الامانه يابنين ويابنات الامانه هي من احلى الصفات الامانه ههههههههههه


تذكرون عزايم قبل والصفره المفروشه على كبر الصاله اللي على صورة ميوه ( ‏فواكه ) ‏وريحته لازم ريحة مطبخ وجالسين على الزوليه اللي يوم تقوم تلاقي ريلك كلها شخوط من الزولية..يا خي شو هالزهد بس.


ههههههههه عشان فتح الشهيه :)


‏تذكرون لمايقول الاستاذ او المدرسة ان هذي الصفحات ملغيه ايوااااااااااا تعال شوف الشخابيط اللي على الصفحه من فوووووووووق اللين تحت ولا نطرها من الكتاب.....‏ليش هالحقد عاد ......

اووف .. كان من دواعي سرورنا شخبطة الصفحات الملغية :)



تذكرون لما يروحون الأولاد السوق مع الوالد يشتري لهم قطع ثوب حق العيد ..‏اخر شي شاري طاقه كامله نفس اللون وتشوف باول يوم العيد من الوالد اللين الاخو الصغير نفس الثوب ( ‏تقول فرقة عياله.)


ههههههههه ياهالفضايح @@

تذكرون يوم يبغون الشباب يشلون حديد قبل يترسون قواطي النيدو اسمنت ويحطون بينهم بيب حديد وهووووووووبا واخر شي منكسره ظهورهم .....


ههههههههههههههههههه للحين عندنا وحده في الحوش بس مب لي .. !!
كوزين اسمنت ونا المخ ونته العضلات ههههههههههه


‏تذكرون المسجل الأسود مال استاد الانجليزي يوم يدش علينا فيه قمة الوناسه اليوم ما فيه شرح يعني مافي اسئله ونرووووح نشغل الراديو يوم يكون مشغول ويا الطلاب .....

هههههههههههه اتذكرها

تذكرون لما نقلد رقص مايكل جاكسون ونسوي حركه الرجعه وحركه الايد اللي على الجامه ونغني بيييييييييييلييييييييييه بييييييييييلييييييييه شو بيله مادري.


هووووز باد .. هووووز باد ههههههههههههههههه


والله ايام حلوه:

اكيد ايام حلوه .. بس كل زمن وله ظروفه ،،

جزيل الشكر على هذا النقل الحلو .. خلاني اضحك من قلبي :)

[قــلم الرحيــل]

والله موضوع من قريته استرجعت شريط

ذكرياتي خخخخخخخخخخخخخخخ


يعطيج العافيه اختي

[ANONYMOUS]

عيل غميضة
ما لحقت على برتقالة الكورنيش:weeping:



هاهاها لحقت عليها



بس كله كنت مطيح في اللاند مارك ذيك لايام :p






---




















ماعرف اقص










تخبرون يوم مات جمال عبدالناصر..

ولا اغتيال السادات..


الله يرحم المسلمين
:(

[بوخالد2]

استمتعت بقراائة ماضي الاعضاااء و العضوات

والله يقطع بليس (( شنو يعني سعر الدعم )) ذبحني من الضحك :nice:

[امـ حمد]

تسلمين اختي ع الموضوع

[الورد]

هاهاها لحقت عليها



بس كله كنت مطيح في اللاند مارك ذيك لايام :p






---
















ماعرف اقص






ماتعرف اتقص
بس عيااار عووود

يمكن قصدك مطيّح بالمركز(السنتر)
بللللل اغبااااااار والله:nice:








تخبرون يوم مات جمال عبدالناصر..

ولا اغتيال السادات..


الله يرحم المسلمين
:(


الله يرحم موتانا وموتاهم وموتى المسلمين:(

بسسك
جاني الربو من اغبرتك ههههههه

اتخبر اللبن اللي قوطيه مثلث؟؟؟
آآآآآآآآآآيه عليه والله

من يدلني عليه؟؟:omen2:

[ANONYMOUS]

الله يرحم موتانا وموتاهم وموتى المسلمين:(

بسسك
جاني الربو من اغبرتك ههههههه

اتخبر اللبن اللي قوطيه مثلث؟؟؟
آآآآآآآآآآيه عليه والله

من يدلني عليه؟؟:omen2:



لبن مثلث؟

اخبر جبن مثلث..

المهم انت عن وين تتكلم.. انا كنت في لندل

حتى مره خلص الخبز علينا قالت لنا الملكه .. شفيكم ع الخبز.. اكلو جاتوه..

بس انا طنشتها.. رحت شبربوش وكلت فلافل

:)

[وخروا عن طريقها]

ليش كله مواليد الستينات والسبعينات والثمانينات

ليش تنسون ذكريات مواليد


V
V
V
V
V
V
V



عصر الحجري وايام الدينصورات:(:(:(

[عبدالمحسن]

ياحي ذيك الايااااااااااااام





حد يذكر

دوااار دوااار دوااار


باكستاني شايل بقشه فيها ملابس ويدور بين البيوت




والا السياكل اللي عليها هنود يبيعون صفيحه :)

[الكواري 1972]

اه من ايام

قلبت المواجع والله من احلا الايام

والكل ماخذ راحته قبل وكل شئ سهل

اللعب فب الفرجان وحفي فالحصى والسيكل بو ردفه

ايام وايام الله عليك وعلى موضوعك

وتسلم ايديك

الله يعطيك العافيه

[ناصر العمادي]

الله يرحم موتانا وموتاهم وموتى المسلمين:(

بسسك
جاني الربو من اغبرتك ههههههه

اتخبر اللبن اللي قوطيه مثلث؟؟؟
آآآآآآآآآآيه عليه والله

من يدلني عليه؟؟:omen2:

القوطي الكرتون المثلث اللي لونه أخضر تقصد ......؟؟؟؟؟؟؟؟؟؟؟؟؟؟

[الورد]

القوطي الكرتون المثلث اللي لونه أخضر تقصد ......؟؟؟؟؟؟؟؟؟؟؟؟؟؟


اييييييييييييييييي هو
خاطري فيه:weeping:
اتخبر يبيعونه في مكان؟؟
حتى لو الحسا ولا الخبر :shy:

[ناصر العمادي]

اييييييييييييييييي هو
خاطري فيه:weeping:
اتخبر يبيعونه في مكان؟؟
حتى لو الحسا ولا الخبر :shy:

لا ماتذكره ...... :tease::tease::tease::tease::tease:



خلاص هاللبن أنساه ماعاد في منه في هالزمن .... :nice::nice:

[الورد]

لا ماتذكره ...... :tease::tease::tease::tease::tease:



خلاص هاللبن أنساه ماعاد في منه في هالزمن .... :nice::nice:



:secret:
انزين تذكر الشيبس الملون وهو نّي كأنه قطع نايلون
نقليه في الدهن يستوي هش:nice:
وانحط عليه حطة اليهد:victory:

[Qa6ar]

هاهاهاها

ذكريات جد قديمه

لاهنتي يالزينه

[Bin Hood]

مشكور على الموضوع في بعض الاشياء لحق عليها وكنت اسويها

[ناصر العمادي]

:secret:
انزين تذكر الشيبس الملون وهو نّي كأنه قطع نايلون
نقليه في الدهن يستوي هش:nice:
وانحط عليه حطة اليهد:victory:

اي أتذكر ....:weeping::weeping::weeping:

كان عجيب والله .... :nice::nice::nice:

الأ أنتي مواليد كم .... شكلك من عمر أمي كل شي تتذكرينه ماشاء الله عليج :omg::omg:

[الورد]

اي أتذكر ....:weeping::weeping::weeping:

كان عجيب والله .... :nice::nice::nice:

الأ أنتي مواليد كم .... شكلك من عمر أمي كل شي تتذكرينه ماشاء الله عليج :omg::omg:

يحلييلك عاد انت
كلش بزر:anger1:


والله اللي لحق على اللبن المثلث
وعلى الجبس الملون

مب بس مغبر وبس
الا حلي بعد:victory:

انا اسمع سوالف

[الورد]

اي أتذكر ....:weeping::weeping::weeping:

كان عجيب والله .... :nice::nice::nice:

الأ أنتي مواليد كم .... شكلك من عمر أمي كل شي تتذكرينه ماشاء الله عليج :omg::omg:


يحلييلك عاد انت
كلش بزر:anger1:


والله اللي لحق على اللبن المثلث
وعلى الجبس الملون

مب بس مغبر وبس
الا حلي بعد:victory:

انا اسمع سوالف لكبار
لكن مافطنت فيها

انا من جيل الدونات وعسكريم باسكن روبنز:tease:

اي والله كبر امك
والله اتشرف بوالدتك هي الخير والبركة

..:nea:
يدّي ناصر
تذكر حملة التطعيم(الشنتورة)؟؟؟
لاتقول لا
:nono:لأنك من أ وائل اللي تشنتروا

:dance

[الورد]

ان
ياحي ذيك الايااااااااااااام





حد يذكر

دوااار دوااار دوااار


باكستاني شايل بقشه فيها ملابس ويدور بين البيوت

بلللل
وانا اقول اشمنه حساسية الجيوب عندي؟؟
ثرى من هالاغبرة اللي تطلع من شيّاب المنتدى

ايه عليه الدوار
كل شي عنده مع ان الاغراض كلهم في بقشة وحدة
لكن اتحس انه قاعد يسوي حملة ترويجية للماركات الفرنسية>>خفّي علينا

حلاته الحين هالحزة والله
بدل التسكع في النت


والا السياكل اللي عليها هنود يبيعون صفيحه :)


عاد هذيلن حلاتهم العصر
زعتر وفلفل غراش وبيبسي
وندور لنا درام ماي..تانكي
نقعد فوقه وناكل هالوجبة الصحية المغذية اللي كلهاماشاء الله فيتامينات من قلب .

وااااااااااااااو

اللـــــــــــــــــــّه:weeping:

[هتـان قطر]

من يذكر المذيعات كوثر مطر وعايشه البحراوي

والمذيع فوزي الخميس الله يرحمه..؟ وبرنامج نادي الهواه..:weeping:

[الورد]

من يذكر المذيعات كوثر مطر وعايشه البحراوي

والمذيع فوزي الخميس الله يرحمه..؟ وبرنامج نادي الهواه..:weeping:


بللللللللللللللل
هتـّأأأأأأأأأأأأأأأأان

اش هالاغبرة
تذكرت القناة 9 و11 والتلفزيون بدون ريموت:weeping:
ولين طلع مغتش سيده فوق السطح واحد يفر الاريل ويصوت:صااااااااااااااااااافي؟؟
_لاااااااااااااااااااااااااااا
_هااااااااااااااااااا؟؟
-لااااااااااااااااااااا مب صافي

بل اتطيح حنوجنا واحنا انصوّت بس:tease:


بللللللل كوثر مطر
عيل اكيد اتذكرين مسلسل قمر البر والبحر
مال زهير النوباني
ياطير الشؤم يابم
عاااااااااااااااعي عاعي عاعي
تاكلكَ الأفاعي:nice:


ولا الابريق المكسور >كح كح كححححححححححح

دليلة والزئبق :secret:
***********
وين إيديد ناصر يحكي لنا عن الماضي قريضة:discuss:

[ناصر العمادي]

يحلييلك عاد انت
كلش بزر:anger1:
أشعندها ديده حبابه تتحلطم .....:tease::tease::tease:

والله اللي لحق على اللبن المثلث
وعلى الجبس الملون

مب بس مغبر وبس
الا حلي بعد:victory:
أنا حلي يالديناصوره ...... انا من يوم ماعرفت المنتدى وماشفت الا أنتي مواليد 1942 :omg::omg::omg::omg:

انا اسمع سوالف لكبار
لكن مافطنت فيها

انا من جيل الدونات وعسكريم باسكن روبنز:tease:
يحليلك .... خلصتي الأعداديه ولا لحين .... من بعد ماكانت تحط الفيمتو في قوطي وتحطه في الثلج وتاكله لي ثلج بدل العسكريم ... صارت تاكل باسكن روبنز....:secret::secret:

اي والله كبر امك
والله اتشرف بوالدتك هي الخير والبركة
الشرف لنا يايمه ... والله يخليك ويخلي كل الأمهات يارب

..:nea:
يدّي ناصر
تذكر حملة التطعيم(الشنتورة)؟؟؟
لاتقول لا
:nono:لأنك من أ وائل اللي تشنتروا
crazycrazycrazyلا تذكريني بالشنتوره ... كأنها ختم بقر على يدنا .... الله يرحمهم اللي كانوا يشنترونا كانوا وحوش ولا يعرفون شي في الطب .... :cry2::cry2::cry2: وأحنا المساكين يجرونا مثل الخرفان والدموع أربع أربع لكن دموعنا بتأثر فيهم ... هيهات هيهات مافي أمل .... بدك تتشنتر يعني بدك تتشنتر .... :nice::nice::nice:

:dance

أقول ليش ماتسوين برنامج في التلفزيون تتكلمين فيه عن الحرب العالميه والحياه القديمه بما أنك أكبر معمره في قطر ...... :eek5::eek5::eek5:

[هتـان قطر]

بللللللللللللللل
هتـّأأأأأأأأأأأأأأأأان
ظ
اش هالاغبرة
تذكرت القناة 9 و11 والتلفزيون بدون ريموت:weeping:
ولين طلع مغتش سيده فوق السطح واحد يفر الاريل ويصوت:صااااااااااااااااااافي؟؟
_لاااااااااااااااااااااااااااا
_هااااااااااااااااااا؟؟
-لااااااااااااااااااااا مب صافي

بل اتطيح حنوجنا واحنا انصوّت بس:tease:


بللللللل كوثر مطر
عيل اكيد اتذكرين مسلسل قمر البر والبحر
مال زهير النوباني
ياطير الشؤم يابم
عاااااااااااااااعي عاعي عاعي
تاكلكَ الأفاعي:nice:


ولا الابريق المكسور >كح كح كححححححححححح

دليلة والزئبق :secret:
***********
وين إيديد ناصر يحكي لنا عن الماضي قريضة:discuss:


اما الاريل سالفته سالفه.....يامن مره احرقني البيب مال الاريل

حزة القوايل كله علشان قناة ابوظبي تفتح قبل قطر

...الله يا ايام الابريق المكسور..واما الباقين ما تذكرهم زين..:(

[بنت المنتدى]

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخ

احلى شي

‏تذكرون المعجون الصغير اللي ريحته تعور الراس ومعاه عود لونه احمر وكنا نبطله بالمجلوب ونعصره ونلف العود عليه وننفخ عشان نسوي
نفافيخ وطبعا ما تطلع النفاخة الين تطلع بلاعيمك وياها .

يعطيك العافيه

[اناقه]

الله على جيل بداية الثمانينات

لكن للاسف كل شي تغير

ما عاد فيه شي مثل قبل

الله يعطيك العافية خليتني اشق الحلج من الوناسه وانا اقرى الذكريات اللي 80% منها تخص مواليد بداية الثمانينات

والله ايام حلوة

[هتـان قطر]

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخ

احلى شي

‏تذكرون المعجون الصغير اللي ريحته تعور الراس ومعاه عود لونه احمر وكنا نبطله بالمجلوب ونعصره ونلف العود عليه وننفخ عشان نسوي
نفافيخ وطبعا ما تطلع النفاخة الين تطلع بلاعيمك وياها .

يعطيك العافيه


المعجون هذا العجيب ..اعتقد مافيه منطقه في قطر الا ودار عليها..

المشكله ليش لازم انبطله بالمقلوب..؟ وليش كل بزر في قطر يفتحه

بهذي الطريقه...؟:rolleyes2:

من يتذكر الروج اللي على شكل بطه مادري اوزه ولونه ذهبي..؟

ولا محلات نجلاء ...يامن يوم ويوم...من يتذكر واحد دايما متواجد

في سوق واقف وكله ينادي موزوه ..نوروه...حصوه...الحمد لله

اظن عليه قلة صحاه...؟

[اعالي الجنان]

الله على الذكريات.....
ايام حلوة وبسيطه وكنا في ذيك الايام قمه الفرح والوناسه رغم معيشتنا البسيطه والمحدوده.....
والله استمتعت بكلام الاعضاء واضحكتني بعض المواقف.....
بس احلى شي هو يوم كنا نستلم الكتب والدفاتر والاقلام والمحيات والبرايات نرد البيت جنه العيد ....
وله الصبح اول مانجهز ننطر الباص لي شفنا في وقت ركيض عالدكان نشتري علوج وصبار وياما راح علي الباص واقعد اركض وراه لين يوقف ....
موضوع جميل وبانتظار المزيد ..

[الورد]

أقول ليش ماتسوين برنامج في التلفزيون تتكلمين فيه عن الحرب العالميه والحياه القديمه بما أنك أكبر معمره في قطر ...... :eek5::eek5::eek5:


قريب ان شاء الله
بيكون لي برنامج

وباذكرّك:victory:

يدّي ناصر
تذكر خطف لشراااااااااع؟؟:rolleyes2:

[ناصر العمادي]

قريب ان شاء الله
بيكون لي برنامج

وباذكرّك:victory:

يدّي ناصر
تذكر خطف لشراااااااااع؟؟:rolleyes2:

:shy::shy::shy::yes::yes::yes::yes::yes::yes::yes: :yes:

[واحد دوت كوم]

كنترول , برجاء تثبيت الموضوع

وشكرا على الذكريات ,
بطني يعورني من الضحك هاهاهاهاهاها

[الورد]

:shy::shy::shy::yes::yes::yes::yes::yes::yes::yes: :yes:


يعني اتذكر؟؟ها؟؟؟:anger1:

اقولك حلي ما اتصدق

تتذكر لعبة الرين؟؟
بقواطي الريمبو؟؟:rolleyes2:

ولا مالحقت الا على القيم كيوب؟؟:omen2::discuss:

[ناصر العمادي]

يعني اتذكر؟؟ها؟؟؟:anger1:

اقولك حلي ما اتصدق

تتذكر لعبة الرين؟؟
بقواطي الريمبو؟؟:rolleyes2:

ولا مالحقت الا على القيم كيوب؟؟:omen2::discuss:

وانتي كل يوم تثبتين أنك أكبر معمره عندنا .....:nice::nice::nice:

اذا انا حلي انتي تعجز المسميات عن تسميتك .....:tease::tease::tease:

ياويل قلبي على لعبة الرين ..... محد فضحني في هالمنتدى الا أنتي .... :shy::shy:

على فكره انا كنت فنان في الرين .... أنيشن عدل ماشاء الله علي ....

أقول يالعيوز .... أنتي واحد ولا وحده ....

[الورد]

وانتي كل يوم تثبتين أنك أكبر معمره عندنا .....:nice::nice::nice:
والله؟؟
على الردود اللي قريتهم
كلهم يتذكروون
يعني هالمنتدى مأوى للعجزة:nice:
اذا انا حلي انتي تعجز المسميات عن تسميتك .....:tease::tease::tease:
والله المفروض لما انشوفك داش المنتدى نلبس كمامات عن لغبار:victory:

ياويل قلبي على لعبة الرين ..... محد فضحني في هالمنتدى الا أنتي .... :shy::shy:

على فكره انا كنت فنان في الرين .... أنيشن عدل ماشاء الله علي ....
:victory:

أقول يالعيوز .... أنتي واحد ولا وحده ....


انت بذلك تخدش شعور مراهقة توها تتفتح على الحياة:anger1:
اكيد انا وحدة
فتاة يانعه:tease:

[سهم طايش]

خسارة ما لحقنا

انا مواليد 2001

[القطوة]

برتقالة الكورنيش

[ناصر العمادي]

والله الموضوع صار حلو ... وتدرون بما أن أحنا كلنا أنكشفنا فخلونا نقول اللي في قلوبنا ونسترجع الذكريات الحلوه اللي ماتقدر بثمن ....
انا أذكر أيام عامود الكهربا الحديد كان قريب من طوفة البيت بمتر تقريبا فكنت اروح اركب على درام الماي الحديد ومنه على الطوفه وقرب من العامود وانط مره وحده والم العمود وانزل في الشارع ... يعني مثل رجال المطافي ....
وأذكر عامود التلفون الخشب كنا نحاول نتسلق العامود ونشوف من يطلع أكثر

وأذكر البتان لما كانوا يجيبون الورور ويحفرون عند البيت كنت أستانس وبعد مايروحون كنا نتعبث في الورور وننزل نتمشى في الحفره ....

ولا السياره بو هندل ..تك تك تك تك ولا هي مشتغله ....

واذكر الكهربا لما كانت تطفي كنا نستانس وعلى طول أسحب فراشي من على السرير وعلى السطح طوالي مايبقيله كلام ....

وايام اللي كنا نلعب خشيشه وركيض في الشوارع
ولا لما كنا نلعب كوره حفي لا جوتي ولاهم يحزنون

وأذكر لما كنا نتمشى على الطوفه ونركض وماعندنا اي مشكله صج عفاريت ...
بس مره كنت أركض على الطوفه واشوف تحت يعني مب منتبه جدامي وماحس بالدنيا الا بنت جيرانا الغبيه جدامي واقفه على الطوفه وخايفه تتحرك ولا انا راسي في راسها ... طرررراخ ماحسيت بنفسي الا وانا في المستشفي متكسر وحالتي حاله ومن يومها تعقدت وماقمت أمشي على الطوفه لين اليوم .... بس أفكر ارفع عليها قضيه هاليومين أطالب بتعويض

لنا لقاء في حلقه أخرى من الذكريات

يعطيك الصحه والعافيه على الموضوع المميز

الله يوفقك ويسعدك يارب

تحياتي وتقديري لك

[الورد]

والله الموضوع صار حلو ... وتدرون بما أن أحنا كلنا أنكشفنا فخلونا نقول اللي في قلوبنا ونسترجع الذكريات الحلوه اللي ماتقدر بثمن ....
انا أذكر أيام عامود الكهربا الحديد كان قريب من طوفة البيت بمتر تقريبا فكنت اروح اركب على درام الماي الحديد ومنه على الطوفه وقرب من العامود وانط مره وحده والم العمود وانزل في الشارع ... يعني مثل رجال المطافي ....
وأذكر عامود التلفون الخشب كنا نحاول نتسلق العامود ونشوف من يطلع أكثر

وأذكر البتان لما كانوا يجيبون الورور ويحفرون عند البيت كنت أستانس وبعد مايروحون كنا نتعبث في الورور وننزل نتمشى في الحفره ....

ولا السياره بو هندل ..تك تك تك تك ولا هي مشتغله ....

واذكر الكهربا لما كانت تطفي كنا نستانس وعلى طول أسحب فراشي من على السرير وعلى السطح طوالي مايبقيله كلام ....

وايام اللي كنا نلعب خشيشه وركيض في الشوارع
ولا لما كنا نلعب كوره حفي لا جوتي ولاهم يحزنون

وأذكر لما كنا نتمشى على الطوفه ونركض وماعندنا اي مشكله صج عفاريت ...
بس مره كنت أركض على الطوفه واشوف تحت يعني مب منتبه جدامي وماحس بالدنيا الا بنت جيرانا الغبيه جدامي واقفه على الطوفه وخايفه تتحرك ولا انا راسي في راسها ... طرررراخ ماحسيت بنفسي الا وانا في المستشفي متكسر وحالتي حاله ومن يومها تعقدت وماقمت أمشي على الطوفه لين اليوم .... بس أفكر ارفع عليها قضيه هاليومين أطالب بتعويض

لنا لقاء في حلقه أخرى من الذكريات

يعطيك الصحه والعافيه على الموضوع المميز

الله يوفقك ويسعدك يارب

تحياتي وتقديري لك




بلللللللللللل
عاصفة رملية

انتشرووووووووووووووووووووووووو

[الورد]

خسارة ما لحقنا

انا مواليد 2001


لحقت على الصواريخ؟؟؟:tease:

[الورد]

برتقالة الكورنيش

بللللللللللللللل



وين ووين اللي يشرب عصير منها:discuss:
بللل
بس تدرين
انا مادريت ان شلوها الا من فترة بسيطة

يوم قلت حق رفيجتي عنها
قالت بل وين انتي عن الدنيا؟؟البرتقالة شلوها من مليون سنة:eek5:

كان من المواقف المحرجة لي..جد:weeping:

[ضوى]

اااااااااااااااااااااااااااااااااااااااااه ذكريات جميلة جدا


اتذكر شنو والا شنو خلووووووووووووووووووووووني ترى باصييييييييييييييييييييييييييييييييييييييييييييييي ح

وهالايام الذكريات تطري وااااااااااااااااااااااااااااااااااااااااااااااااا اااااااااااااااااااااااااااااااااايد احس بحنييييييييييييييييييييييييييييييييييييييييييين جارف للماضي بشكل محد يتخيله

[الورد]

الرد الأخير للشيبة ناصر
أثار عاصفة ترابية من كثر ماهو مغبر:nice:
نرد للذكريات المغبرة

تتذكرون
بكم الزلاااااااااااااااااااابية؟؟

[jaber]

ايام حلوة راحت

[ولد الجزيرة]

أيام حلوه

أما الحين طغت الماديات والله يعين

[سلمان]

قلبتّتي علينا المواجع
هئ هئ هئ
والليفة السلك يشبونها لصبيان بالكبريت
ويفرونها علينا
وراعي الصفيحة والزعتر اللي على السيكل 00
لازم يمر علينا العصر
وحفلات المدارس كنها عرس
و
و
و
وش بنعّد
وش بنخلىّ
أآآآآآآآآآآة
:weeping:



موجود للحين تحصله يحوس في مدينة خليفه عنده باص بالفرجان

في حزة المغربيه

[هتـان قطر]

من يتذكر كاس العالم للشباب في استراليا..

والله من احلى الايام..اتذكر كانت المباريات

تقام الضحى واحنا في المدرسه قلوبنا تحترق

وكانت مبارات المنتخب مع البرازيل..ماقدرنا

نقعد في المدرسه ..رحنا للمديره وحنينا عليها

لين طلعتنا...فرحنا دبيك للبيت مشي ..:weeping:

[دلة الرسلان]

انتوا قلتوا مواليد التسعين بعد .........

اذكر موقف يدل على غباء الأطفال كان عمري حوالي 8 سنوات واحنا نلعب مع بنات عمي فوق

سطحهم ومن ضمن العفش فوق السطح حصلنا سرير ولدهم الحديد لونه وردي اكيد تذكرونه

اقترحت بنت عمي الخبله علي ان اركب في السرير ويحذفوني من السطح يعني بساط سحري:omg:

بس كنت ذكيه قلت لها الهواء قوي ويمكن يدفني للمسجد :omen2: يعني ام المفهومية

وبعدين اخضعنا السرير للتجربة وحذفناه وتفاجأنا انه ما طار خبط في الأرض وثارت عجته

يعني شلون كان بيكون شكلي ؟؟؟

[ANONYMOUS]

اااااااااااااااااااااااااااااااااااااااااه ذكريات جميلة جدا


اتذكر شنو والا شنو خلووووووووووووووووووووووني ترى باصييييييييييييييييييييييييييييييييييييييييييييييي ح

وهالايام الذكريات تطري وااااااااااااااااااااااااااااااااااااااااااااااااا اااااااااااااااااااااااااااااااااايد احس بحنييييييييييييييييييييييييييييييييييييييييييين جارف للماضي بشكل محد يتخيله



خذي لج محل بسوق واقف

:nice:

[ANONYMOUS]

انتوا قلتوا مواليد التسعين بعد .........

اذكر موقف يدل على غباء الأطفال كان عمري حوالي 8 سنوات واحنا نلعب مع بنات عمي فوق

سطحهم ومن ضمن العفش فوق السطح حصلنا سرير ولدهم الحديد لونه وردي اكيد تذكرونه

اقترحت بنت عمي الخبله علي ان اركب في السرير ويحذفوني من السطح يعني بساط سحري:omg:

بس كنت ذكيه قلت لها الهواء قوي ويمكن يدفني للمسجد :omen2: يعني ام المفهومية

وبعدين اخضعنا السرير للتجربة وحذفناه وتفاجأنا انه ما طار خبط في الأرض وثارت عجته

يعني شلون كان بيكون شكلي ؟؟؟


اهم شي ماتوصلين الارض قبل السرير

لان السرير لو وصل بعدج

الوعد في الطابق الرابع في مستشفى حمد( قسم العظام ):eek5:

[المطرقة]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ه

يغربل شيطانك على هالموضوع .. فقعت من الضحك

[جلمود]

من يتذكر كاس العالم للشباب في استراليا..

والله من احلى الايام..اتذكر كانت المباريات

تقام الضحى واحنا في المدرسه قلوبنا تحترق

وكانت مبارات المنتخب مع البرازيل..ماقدرنا

نقعد في المدرسه ..رحنا للمديره وحنينا عليها

لين طلعتنا...فرحنا دبيك للبيت مشي ..:weeping:


شكلك تعديتي 50 لك طولت العمر :tease:

[هتـان قطر]

شكلك تعديتي 50 لك طولت العمر :tease:


شدعوه ....اصلا من نعومة اظافري وانا احب الكوره

يعني عادني صغيره..:tease:

[غـيـد]

انا تونيــ مواليد 2008 ^_____^





















































عنديـ احساسـ انكم ما صدقتونيــ ^____^
































وشكرا لصاحبة الموضوع .. ذكرتيني في طفولتي كله مع الصبيان في السكيك بالسيكل ^_____^

[مايمدح السوق]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ه

يغربل شيطانك على هالموضوع .. فقعت من الضحك


وانا بعد :)

[مضاربه]

يا وطر مضى على قولة امي موضوعك والله ونسني وضحكت فيه من قلب ذكرني بايام قبل وراححة القلب مافيه نت ولا دش ولا بورصه ولا رادار ولا لجنة حقوق الانسان ولا بوش ها ها ها شدخل

[الخيميائي]

الا ليت الزمان يعود يوما :( وياليتها عيرتني بما هو عار :p

شكرا على الموضوع المرتب

[السهم الذهبي]

ياسلام الصراحه موضوع حلو ..
بالنسبة لي واايد ذكريات حلوه احلاها تنبر العتل في الخرايب حق الحبال في البر بمعنى صيد العصافير

[ضوى]

انا من مواليد السبعينات

اللي اتذكره بوقتي محل الملوكي اللي في البدع اظن وكنا نشتري منه بعد مجلة ماجد كل اربعاء

وممممممم اتذكر بعد اني كنت احب العب قلينة مع الصبيان

واتذكر بعد اني كنت اخذ سيكل اخوي الكبير واسوقه وبعدها انطق طق منه

واتذكر ابوي الله يرحمه بالبيت كله لابس وزار

واتذكر امي ملفعها ما يطيح من راسها وبالذات لين اذن وهي حاسرة تدور اي شئ تحطه فوق راسها ليش ما ادري

واتذكر امي العودة ويا جولتها الصغيرة ما كانت تحب تاكل من ايد امي تحب طباخها بروحها وكنت اكل معاها

واتذكر اخوي العود الله يرحمه يوم ياخذ مني الة موسيقة صغيرة مدري شيسمونها اللي كان يعزفها بيتر لهايدي ويعطيني بدالها شوية بستك

اتذكر راعي الدكان وحلجه كله بان يلوع الجبد

واتذكر فلونة واشلون كنت احب اشوفها

واتذكر مسلسل الى ابي وامي مع التحية اللي صج تعلمت منه اشياء وايد

لتذكرت شئ بعد بارد

شكرا

[رايق]

انا من مواليد السبعينات

وكنا نشتري منه بعد مجلة ماجد كل اربعاء

http://www.qassimy.com/up/users/moh/qassim16.jpg

واتذكر فلونة واشلون كنت احب اشوفها

http://broadband.biglobe.ne.jp/store/anime/nipponanimation/meisaku/flone/img/gazou_06.gif

واتذكر مسلسل الى ابي وامي مع التحية اللي صج تعلمت منه اشياء وايد

http://www.arabicmovies.net/bphoto/160033b.jpg

شكرا

العفو :weeping:

[الخيميائي]

العفو :weeping:

هههههههههههههههههههههههههههههههههههههه

يا ابونا وامنا

يافخر وكل الهنا

حتى اخر عمرنا

يا ابونا وامنا :p

[رايق]

هههههههههههههههههههههههههههههههههههههه

يا ابونا وامنا

يافخر وكل الهنا

حتى اخر عمرنا

يا ابونا وامنا :p

هههههههههههههههههههههههههه

خنقتني العبره ياخي :o

[الخيميائي]

هههههههههههههههههههههههههه

خنقتني العبره ياخي :o

:victory:

:omg:

[..الاميرة..]

ما شاء الله كل العيايز والشيبان عندناا في المنتدى يامرحبـــا الساع .. :tease:


بس والله لحقت على بعض الاشياء وانا صغيره ..

مثل الدوااار والهندي إلي يلف في الفريج ويبيع ايس كريم .. :)

[::.Silent.::]

تخبرون البرتقاله اللي بالكورنيش .. والله اياااااااام ..

وفي المدرسه تخبرون كتاب الرياضيات ( النشاط ) اللي نستلمه وما ندري عنه .. والبعض يقعد يقص الفلوس منه ويحطهم في البوك ... :)

اياااااام الزعتر واللبن في النموذجيه .. كانوا يمنعون الكولا والبيبسي ..


اياااااام ما كنا نطلع 3 طلاب ع الطابور ونمشي لين النص واللي في الوسط يقول: عاشت قطر عربيه ..عاشت قطر عربيه .. عاشت قطر عربيه .. لين ما تطلع روحه .. :)

ايااااام تجميع صور كابتن ماجد اللي بالبسكوت .. عشان نفوز بالجائزه ..

ايام تجميع عدة دراجة الكولا .. وكان يومها ( المقود ) صعب انك تحصله ..

ايااااام الهواش في السياره مع الاخوان اللي ياخذ الفلوس من الوالد ويعطيه حق اللي يصب بترول !!!

ايااااام والله اياااام

[lililili تداول ilililil]

ابي اصيييييييح :weeping:

تذكرون مقاصف المدارس والوجبه المفضله - سندويش فلافل مع طماط و قوطي بيبسي الطوال
والواحد لابس ثوب شفاف و فانيله بوخط وغتره ذايبه والمرزام على فوق وياكل خبز و جبن رامك
تذكرون سياكل bmx

[ضوى]

ابي اصيييييييح :weeping:

تذكرون مقاصف المدارس والوجبه المفضله - سندويش فلافل مع طماط و قوطي بيبسي الطوال
والواحد لابس ثوب شفاف و فانيله بوخط وغتره ذايبه والمرزام على فوق وياكل خبز و جبن رامك
تذكرون سياكل bmx

ثوب شفاف ؟؟؟؟ ما كنا نشوفكم الا بفنايل وصراويل :secret:والغترة ما لها حل والعقال بنص الراس ، بس شنهو سياكل BMX ذكرني فيها :telephone:

[lililili تداول ilililil]

ثوب شفاف ؟؟؟؟ ما كنا نشوفكم الا بفنايل وصراويل :secret:والغترة ما لها حل والعقال بنص الراس ، بس شنهو سياكل BMX ذكرني فيها :telephone:

ماتعرفين سياكل bmx :rolleyes2:

انتو البنات جوكم غيررر ،،، عجفتين و تلعبون صبه :tease:

[ضوى]

ماتعرفين سياكل bmx :rolleyes2:

انتو البنات جوكم غيررر ،،، عجفتين و تلعبون صبه :tease:

لا وحياتك الشعر كشة ونلعب صقلة او غيس:shy:

[lililili تداول ilililil]

لا وحياتك الشعر كشة ونلعب صقلة او غيس:shy:

نسيت ارد على سؤالج :(

سياكل ماركتها bmx

[عبدالمحسن]

يا حليلكم يا العجايز والشيبان


تذكرون غراش البيبسي الطوال !! كان فيها علامات محفروه تحت

مربع ، ومثلث ومدور ومستطيل

كنا ندور الغرشه اللي محفور فيها مستطيل .. نقول هذا ملك

ههههههههههههههههههه

[الورد]

يا حليلكم يا العجايز والشيبان


تذكرون غراش البيبسي الطوال !! كان فيها علامات محفروه تحت

مربع ، ومثلث ومدور ومستطيل

كنا ندور الغرشه اللي محفور فيها مستطيل .. نقول هذا ملك

ههههههههههههههههههه





كحححححح

بللللللل عاد اللي يطلع له مدور يزعل من قلب

والله صج براءة:weeping:
فديتنا احنا المغبرين
باستثنائي طبعا
انا توني بزر ما فطنت:victory:

[بتال]

والله ان الموضوع افرحني واحزني :( :)


تذكرون هالصور

لكل صوره تاريخ استمتعوا ورجعوا الذاكره

الا ليت الجهاله تعود يومن ... لا اخبرها بما فعل الدوامو


توضيح لمواليد التسعينات واواخر الثمانينات (ياعيني عليهم )


الصوره الاولى شعار تلفزون قطر

الثانيه رسوم اسمها جورجي ( من يقولي متى اول مره اعرضوها علىتلفزيون قطر ) وله جائزه مشروب تيم الاخضر اللي تحت الي يشحط الحلق :)

اما الثالثه اووووووه قرندايزر البطل

الاخيره اكيد عرفتوا البيبسي والميرندا اما الثنين الباقيه ياعوينكم ياهل التسعينات ماستمتعوا بمذاق تيم ودكسي

[عبدالمحسن]

كحححححح

بللللللل عاد اللي يطلع له مدور يزعل من قلب

والله صج براءة:weeping:
فديتنا احنا المغبرين
باستثنائي طبعا
انا توني بزر ما فطنت:victory:

والله زين اللي لحقتي على هذا كله وللحين ورد :tease:




اقوووووووول


تذكرين اللي كان جالس دايم عند باب مطعم بسم الله ( الله يرحمه ) اذا مات ، واحد مهوب صاحي .. قبل لا يشيلون المقبره طبعا


كان يروعنا اذا مرينا عند الداعوس

والدكاكين من البليوت ( خشب ) ومعلق الطواقي والبخانق في الخشب من فوق بمسامير والأرضيع تراب طبعا

واحنا مستانسين اذا رحنا هناك عشان نطلب ( بيرندا ) هههههههه











( حد يذكر محل السلاح ) اللي في سوق واقف؟

عسى ماني بشيبه بس :omg:

[tomtom77]

الي كان يطالع كابتن ماجد ترا الحين ينعرض في قناة سما دبي الساعة 3 ونص كل يوم

[tomtom77]

بذكركم باشياء بعد
كنا نشتري لكافي هوبي ونحطة عند الدريشة عشان يذوب ولين جينا ناكله نعض علية ونسحب بقوو هههههههه لهاطة

والا لما الرسوم يجي العصر كنا غصبا عننا نطالع الفترة الدينية قران وبعدها واحد يقعد يتكلم في امور الدين يمكن ربع ساعة وبعدين اييبون الرسوم ولازم السندويشات وما ناكلها الا اذا بدا الرسوم عاد ذيك الساعة الخبز متحنط ههههههههههه

وكنا اذا اجتممعنا مع عيال الجيران نلعب ناس وناس ونمثل ونتضارب ونصيح وكله تمثيل خخخخخخخ يعني لو فيه مخرج شافنا كان وايد مواهب انكشفت من ذاك الجيل

وبومبو بومبو خرجت بومبو من بيضتها خخخخخخخخ سيارة طلعت من بيضة لا ومصدقين بعد ههههههههههه

مخدات بو ريش يوم كنا نرقد نقزز المخدة ونطلع الريش ههههههههههههه

ولعبة كروك

وتنكر الماي لما كان ايي ويلف الحبل عالدينمة عشان تشتغل ويقعد يجر ونروح احنا نقوله الله يخليك خلنا نجرب ونيلس نجر ونجر وبكل ثقة انه بنشغلها هو يالله يالله بنيي احنا شغلها خخخخ

[المطرقة]

تذكرون شيبس عمان مع لبن بونص وشطة ؟؟؟

تذكرون العاب قراندايز في محلات السلام اللي صوب السيتي سنتر حاليا ؟؟


:secret:

[dammaj77]

من يتذكر كاس العالم للشباب في استراليا..

والله من احلى الايام..اتذكر كانت المباريات

تقام الضحى واحنا في المدرسه قلوبنا تحترق

وكانت مبارات المنتخب مع البرازيل..ماقدرنا

نقعد في المدرسه ..رحنا للمديره وحنينا عليها

لين طلعتنا...فرحنا دبيك للبيت مشي ..:weeping:

==================================

ذكريات حلوه اخوي

حتى اتذكر قبل المباراة النهاية بيوم واحد منتخبنا مع المنتخب الالماني معطينا بمدرسة عمر بن الخطاب( بوادي السيل ) اجازة لمشاهدة المباراة النهائية على كاس العالم لان المباراة منقول صباحا بتوقينا وخسرنا المباراة مع الاسف 4-1 لان المنتخب مش متعود يلعب بالامطار واتذكر يوم جو اللعيبه با استاذ خليفه الدولي بالملعب بسيارات نوع رنج روفر كشف وكانوا ملبسين بالورود واتذكر حتى كان البرنامج الرياضي المحلي (الرياضه في اسبوع) ايامها مذيع البرنامج كان ( احمد علي) رئيس التحرير جريدة الراية حاليا واتذكر يوم جابوا مقطفات عن استقبل المنتخب وعزيمة المنتخب والجمهور في مطعم الحلبي اللي عند دوار الاذاعة (المرخية) انذاك هههههههههه
كانك نذكر :nice:

[هتـان قطر]

:
==================================

ذكريات حلوه اخوي

حتى اتذكر قبل المباراة النهاية بيوم واحد منتخبنا مع المنتخب الالماني معطينا بمدرسة عمر بن الخطاب( بوادي السيل ) اجازة لمشاهدة المباراة النهائية على كاس العالم لان المباراة منقول صباحا بتوقينا وخسرنا المباراة مع الاسف 4-1 لان المنتخب مش متعود يلعب بالامطار واتذكر يوم جو اللعيبه با استاذ خليفه الدولي بالملعب بسيارات نوع رنج روفر كشف وكانوا ملبسين بالورود واتذكر حتى كان البرنامج الرياضي المحلي (الرياضه في اسبوع) ايامها مذيع البرنامج كان ( احمد علي) رئيس التحرير جريدة الراية حاليا واتذكر يوم جابوا مقطفات عن استقبل المنتخب وعزيمة المنتخب والجمهور في مطعم الحلبي اللي عند دوار الاذاعة (المرخية) انذاك هههههههههه
كانك نذكر :nice:

احلى ايام مرت على الكرة القطريه...تذكر البرنامج اللي سووه في استراليا

ويوم كان اللعيبه يتدربون واغاني عبدالرحمن الماس ما توقف..

كان من ضمن اللعيبه خالد سلمان ..الشعر جاكسون على الموضه هو وبدر بلال

ومحمد دهام ...وعيسى احمد ويونس احمد وابراهيم خلفان..

لا والمدرب الاسطوره في ذاك الوقت ايفرستو..

الحين انا وين والكوره وين ...يالله نشوف كم لقطه من الدوري..

تذكرون المدرسين قبل اذا جاوا يعاقبون احد من الطلاب اجمعوا خمس او ست

مساطر مع بعض وهات يا ضرب...:weeping:

وش بنذكر وش بنخلي...ما احلى ذيك الايام وبس :weeping:

[دلة الرسلان]

استدعيت بعض الذكريات من طعوس الزمن - اكثر من غبار :shy:- وتذكرت اسكريم النيدو

الله يسلمكم اول ما نعود من المدرسة واهلنا مقيليين نقعد نحوس في المطبخ ونصنع ها الحلو

ومقاديرة : كمية من النيدو ما فيه مقياس ( ترس اليد )

كمية من السكر اكثر من النيدو ( سر الصنعة )

وماء بارد وطاسة عودة لخلط المقادير وطبعا ملعقة واذا ما فيه مش لازم

الطريقة : اخلطي كل شيء وبسرعة قبل ما تقوم الوالدة وتهبدج بيدها الكريمة - الله يحفظها -

وذوقي وبرديها في الأفريزر ويستحسن تحرسينها لان فيه لصوص يسرقون تعبج

او العبي وقومي بجولات تفتيشية مفاجئة ع الثلاجة:fight:

ونصيحة اخيرة مش لازم غسل اليدين :nice:

[عبدالمحسن]

استدعيت بعض الذكريات من طعوس الزمن - اكثر من غبار :shy:- وتذكرت اسكريم النيدو

الله يسلمكم اول ما نعود من المدرسة واهلنا مقيليين نقعد نحوس في المطبخ ونصنع ها الحلو

ومقاديرة : كمية من النيدو ما فيه مقياس ( ترس اليد )

كمية من السكر اكثر من النيدو ( سر الصنعة )

وماء بارد وطاسة عودة لخلط المقادير وطبعا ملعقة واذا ما فيه مش لازم

الطريقة : اخلطي كل شيء وبسرعة قبل ما تقوم الوالدة وتهبدج بيدها الكريمة - الله يحفظها -

وذوقي وبرديها في الأفريزر ويستحسن تحرسينها لان فيه لصوص يسرقون تعبج

او العبي وقومي بجولات تفتيشية مفاجئة ع الثلاجة:fight:

ونصيحة اخيرة مش لازم غسل اليدين :nice:



صح صح صح :nice:

اخر شي يطلع طعمها نفس عصير التفاح :rolleyes2: ليش مادري :omen2:








---------


فيه شي خطيير باتذكره وباقوله بعدين:victory:

[الواارد]

ذكرتني باللعبة البيضة اللي تضغط عليها ويطلع لك صوص اصفر ولا عصير البرتقال المثلث خاطري اعرف اسمة
ولا اول ما يوزعون في المدرسة ملابس الرياضة الفانيلة الحمرا والشورت الابيض ولا الشنطة البنية اللي ماتنقطع ولا صورت الولد اللي على خدة دمعة في مدخل مستشفى حمدة ذكرتني بمامضى شكرا على الموضوع

[بوناصر-قطر]

السلام عليكم

الظاهر اني ما آصلح أكون من جيلكم
انا امي الله يرحمها يابتني من خرعتها على الكويت يوم دخلوها العراقيين
يعني انا مواليد 2/8/1990

ينفع آلعب معاكم؟؟

[هتـان قطر]

السلام عليكم

الظاهر اني ما آصلح أكون من جيلكم
انا امي الله يرحمها يابتني من خرعتها على الكويت يوم دخلوها العراقيين
يعني انا مواليد 2/8/1990

ينفع آلعب معاكم؟؟


لا يالغالي مايصير...:victory:


ذكرياتك قريبه مب بعيده ..

[قطري شايب]

ياااااااااااحبي للايام الخوالي ..اتذكر الغنم لدشوا البيت

نقعد نلحقهم لحاق ...واخر شي انسكر الدروازه على ارجولهم..

ولا اذا جانا مطر لازم انروح ونتسبح في الغدير ..وندور سمك

اصغااااار .....توني مكتشفه انهم مشروع ضفادع..:weeping:


ههههههههههههههههههههههههههههههههههههه :secret:

[قطري شايب]

يا حليلكم يا العجايز والشيبان


تذكرون غراش البيبسي الطوال !! كان فيها علامات محفروه تحت

مربع ، ومثلث ومدور ومستطيل

كنا ندور الغرشه اللي محفور فيها مستطيل .. نقول هذا ملك

ههههههههههههههههههه

خخخخخخخخخخخخخخخخخ :secret:

[مايمدح السوق]

لكل زمان دولة ورجال :)

[ضوى]

ايييييييييييييييييييييييييييييييييه يا زمن

[عـيـون قـطـر]

باااااااااااااااااال
والله اخوي Al-zaina ذكرتني حطنمتني ايام حلوه احلى شيء ايام العيد كنا نروح من فريج لين فريج مشي ولا تذكرون ايام الشهادات ورق عاديه ونص السنه وآخر السنه ورق مقوي مثل كرتون
بصيييييييييييح
وايام المطر والأجازات نطلع في السياكل انا اذكر يوم كنت صغير صحت قلت ابوي ودينا البر لين الحين اذكر ودانا بعد محطة بترول الخيسه ولا الوالده تقول حق الوالد وين وديتنا آخر الدنيا

تقبلوا تحياتي

[شاي كرك]

شباب تذكرون لما جا الملاكم محمد علي كلاي لمدرسة الريان الجديد للبنين ...


:whistling:


<<<< بااااااااااااااااااااااااااااااال .... كح من قللللللللللللللللللللللللب ..

[هتـان قطر]

شباب تذكرون لما جا الملاكم محمد علي كلاي لمدرسة الريان الجديد للبنين ...


:whistling:


<<<< بااااااااااااااااااااااااااااااال .... كح من قللللللللللللللللللللللللب ..


كان سنة كم...؟

اتذكر قد سمعت اخواني يتكلمون عنه..بس ماذكر>>>> يعني صغيره :shy:

[هتـان قطر]

على طاري محمد علي كلاي..يقولون سنه من السنين

جابوا بيليه اللاعب البرازيلي ...اسطورة كرة القدم..

طبعا وصل الدوحة واستقبلوه احسن استقبال..وهو متكومن

يبي يراويهم فن اللعب..المهم بدت المباراه ومادري شسوى

بيليه ..؟اعتقد عرقل احد اللاعبين ..كان يقوم الحكم ويرفع

في وجهه كرت احمر..اللي هو الطرد..

الصراحه شي يفشل ويضحك...الحين جايبينه ومخسرين

عليه علشان تطردونه..؟

كان ماجبتوه اصلا...شر البلية ما يضحك :)

[الخيميائي]

على طاري محمد علي كلاي..يقولون سنه من السنين

جابوا بيليه اللاعب البرازيلي ...اسطورة كرة القدم..

طبعا وصل الدوحة واستقبلوه احسن استقبال..وهو متكومن

يبي يراويهم فن اللعب..المهم بدت المباراه ومادري شسوى

بيليه ..؟اعتقد عرقل احد اللاعبين ..كان يقوم الحكم ويرفع

في وجهه كرت احمر..اللي هو الطرد..

الصراحه شي يفشل ويضحك...الحين جايبينه ومخسرين

عليه علشان تطردونه..؟

كان ماجبتوه اصلا...شر البلية ما يضحك :)

هههههههههههههههههههههههههههههههههههههههههه

صدقتي شر البلية مايضحك :p

[شاي كرك]

والله يابنيتي هالكلام ثار في ثنة خمثة وثتين ...يوم جا المدرثة .. وفي ذيك اليوم بعد أذكر انهم قاموا يوثعون علينا عثير برثقال ... << ياحسين عطني يابوك دوا القلب من الثيدلية ..


وكنا يومها على ما أذكر في الثاحة في وقت الفرثة .. ومثتانثييييييييييييين وااااااااايد ...


ترى أتغشمر لاتصدقين <<< كل هالمعلومات وتتغثمر ... علينا.. كحكح

[هتـان قطر]

والله يابنيتي هالكلام ثار في ثنة خمثة وثتين ...يوم جا المدرثة .. وفي ذيك اليوم بعد أذكر انهم قاموا يوثعون علينا عثير برثقال ... << ياحسين عطني يابوك دوا القلب من الثيدلية ..


وكنا يومها على ما أذكر في الثاحة في وقت الفرثة .. ومثتانثييييييييييييين وااااااااايد ...


ترى أتغشمر لاتصدقين <<< كل هالمعلومات وتتغثمر ... علينا.. كحكح



حرف التاء اسهل من الثاء..

اشهد انك مغبر من قلب ...مالوم حرف الثاء ليكثر عندك:rolleyes2:

[هتـان قطر]

هههههههههههههههههههههههههههههههههههههههههه

صدقتي شر البلية مايضحك :p


الخيميائي شفت شلون الذكاء..؟:)


بس اتصدق خاطري اتأكد من المعلومه ..صح ولا لا لاني سامعتها

من زمان ..:omen2:

[شاي كرك]

حرف التاء اسهل من الثاء..

اشهد انك مغبر من قلب ...مالوم حرف الثاء ليكثر عندك:rolleyes2:

ما اثمع ..... ارفعي ثوتج

[شاي كرك]

حرف التاء اسهل من الثاء..

اشهد انك مغبر من قلب ...مالوم حرف الثاء ليكثر عندك:rolleyes2:

ما اثمع ... ارفعي ثوتج

[هتـان قطر]

ما اثمع ..... ارفعي ثوتج

بللللللللل على ايام الشيخ احمد بن علي...؟ لك طولة العمر ان شالله

وهذا طبع الانسان اذا كبر ..ما يخلي شي قديم الا يتذكره ..كنه صاير البارحه :)


http://qatar.do7a.com/data/media/19/1855794579_f0da65ed9b_b.jpg

[nor85]

الله على ذيك الايام
شكرااااااااا على الموضوع

[شاي كرك]

بللللللللل على ايام الشيخ احمد بن علي...؟ لك طولة العمر ان شالله

وهذا طبع الانسان اذا كبر ..ما يخلي شي قديم الا يتذكره ..كنه صاير البارحه :)


http://qatar.do7a.com/data/media/19/1855794579_f0da65ed9b_b.jpg

اسمعوا شتقول ... طالعي انتي يوم تتكلمين عن كاس العالم للشباب .. ايام كشخة الشعر الكشه ..
لا وبعد تقولين انج كنتي تنطرين المباراة ممن الضحى وقعدتوا تحنون على المديرة....

أقطع يدي إذا انتي مب المدرسة إلي درستني <<< توكل على الله واقطع ..










:nice:
ترى اتغشمر

[Bint_Q6r]

ههههههههههههههههههههه

والله أيام حلللوة

[::.Silent.::]

والله تنزل الدمعه غصب بعد قراءة الردود .. :(

كأن كنا عايشين في بيـــت واحد .. سبحان الله

والحين .. جارنا ما عرف من منّه .. :(


اللـــــــــه المستعان

[شاي كرك]

والله تنزل الدمعه غصب بعد قراءة الردود .. :(

كأن كنا عايشين في بيـــت واحد .. سبحان الله

والحين .. جارنا ما عرف من منّه .. :(


اللـــــــــه المستعان

ذبحتني بكلمة (عايشين في بيت واحد):weeping:<< هاي ثلاث كلمات يابوكرك

[هتـان قطر]

اسمعوا شتقول ... طالعي انتي يوم تتكلمين عن كاس العالم للشباب .. ايام كشخة الشعر الكشه ..
لا وبعد تقولين انج كنتي تنطرين المباراة ممن الضحى وقعدتوا تحنون على المديرة....

أقطع يدي إذا انتي مب المدرسة إلي درستني <<< توكل على الله واقطع ..










:nice:
ترى اتغشمر


على الاقل احسن من اللي حاضر مباراة عام 1964 ..لا وكان يدرس بعد..:)


مباراة كأس العالم قريب..1981 مادري 1982

كنت صغيره ما تذكر عدل..:victory:

[وحيد-الشوق]

ليت العمر تسجيل وينعاد

الله على ذيك الايام والله مو ايام الحين ايام الهم والنكد والحزن << عسى ماشر :eek5:

موضوع رائع كنت اشوفه من قبل بس مادري ليش ماكنت ادخل الموضوع !! :eek5:

كل الشكر لج اختي على الموضوع الجميل والاكثر من رائع

[يونيك]

دموعي اشتاقت لذيك الايام وانزلت :(


ايامي وانا صغير بائسة , وما كنت احب اتذكرها ....
لكني نسيت انه فيه شغلات صغيرة كنا نسويها ... وما اتوقعت اني راح اشتاق لها عشان اتذكرها.

جزاكم الله خير.




الحين اقدر ابتسم من جديد .... واقول لعيالي .... ان ذكرياتي حلوه مثلكم.



صعبه دموع الرجل يوم تنزل :(

[لاداعي]

أيااام حلوه:nice: