نص + نص = 15،000 (ريال) بغير وجه حـــــــــــــــــــــــــــــــــــق

[طويل النفس]

هذه المعادلة تكون صحيحة في محطات البترول
:weeping:!؟!؟!؟:weeping:
لاحظت كثيراًن عمال محطات البترول يتعمدون
ان يجتازو الرقم الصحيح بحيث يكون هناك كسور
زائدة على قيمه تعبئة التانكي !!! وهذي العادة مهوب
محصورة في محطة بل كثيراُ من المحطات ويتضايق
العامل:anger1: اذا انتبهت للعداد وقلتله (مثلاً) بس 40 ريال

======= الاسباب ==============

العاده اذا تجاوز المبلغ للرقم الصحيح بكسور فأنك
تكمل الرقم ليكون رقم صحيح (مثلاً) صبـ لك 40،35
(ارعين ريال وحمسة وثلاثون درهم) !!!! (عامل فقير مسكين بحاسبونه على الربع):
فأنت تكمل المبلغ ليكون 41 ريال مع العلم انك ما خذت
ما يعادل 0.65 درهم من البنزين !!!

== نحسبها ==

ــــــــــــــــــــــــــــــــــــــــــــــــــ ـــــــــــــــــــــــــــــــ
عشان تكون الحسبة سهلة

نقول : خذ منك 0.50 درهم (نص ريال) بغير وجه حق !!!

وتكررت العملية على امتداد فترة الدوام مع 1000 سيارة
(اللي يشوف الزحمة يتوقع هالرقم)

بسم الله

0.5 ريال
x
1000 سيارة
=
500 ريال (يوميا)ً

نقول 500 ريال (يومياً)
x
30 يوم (شهر)

=
(15،000) ريال:omg: --- (حمسة عشر الف ريال) سرقة

هذي الحسبة على 0.5 نص ريال !!!!!!!!!!!!!!!
وتفرق الحسبة اذا زاد الرقم في خانة الكسور او قل

[المزن الرياني]

أكبر غلط اذا قلت للعامل يعبي فل
اطلب رقم معين وهو بيبرمج جهاز ضخ البترول واي زياده هو يتحملها

صارت معاي مره ... بزياده اكثر من ريالين .. عطيته اللي طلبته منه وسفهته وهو يتحلطم

[الزاجل]

أكبر غلط اذا قلت للعامل يعبي فل
اطلب رقم معين وهو بيبرمج جهاز ضخ البترول واي زياده هو يتحملها

صارت معاي مره ... بزياده اكثر من ريالين .. عطيته اللي طلبته منه وسفهته وهو يتحلطم

:eek5::eek5::eek5:

[شموخ قطر]

يعني هم مب احسن من اصحاب المحلات التجاريه الي ياخذون الربع والنص بحجة ما عندهم خرده

ويعطونك علوج او كافي يلوع الجبد والكل يستفيد من ورا ظهر المواطن المسكين

بس اعتقد اذا انت حددت المبلغ مسبقا ما يقدر ياخذ عليك اي زياده

ومانقول الا الله يرحمنا برحمته وشكرا لك على الموضوع

[الملكي]

يا خوي وسع صدرك

95 بالميه من الناس تعبي بارقام صحيحه يعني مب كسور
و العامل بالمحطة يحاول يوصل الرقم للصحيح دائما و بامكانك تطلب منه هالشي

[ابوعبدالعزيز]

لاحظت هلحركة في محطة بترول إلى على الكورنيش " مشاهدة مبنى الجمارك " العمال اهناك ايتعمدون يصبون زيادة في البترول عشان يحتفظون بكسور المبلغ .

لكن المفروض من الناس اتقول لهم صبو بالمبلغ الفلاني واتحاشى الموضوع .

تحياتي .

[::.Silent.::]

مره شفت البوك وما حصلت الا خمسين ريال

وقلت له صب 50

قام الحبيب .. وصب فل
طلع الحساب 86 .. خبركم فورويل

قلت له .. انا قايل 50 .. وما عندي غيرها .. مسكين شوي ويصيح .. كسر خاطري
قلت له بروح اسحب لك .. قال لا .. يمكن ما ترجع .. عطني البطاقة الشخصيه .. قلت في نفسي هذا وانا اللي ابي اسوي فيك خير تعاملني جذيه .. مالت عليك وعلى ويهك . عطني المسؤول .. وكلمته .. وقلت له .. تبون البترول اسحبوه من السياره .. والا انسوا الفلوووس ..

و حركت .. بس بعد يوميــن .. رجعت وعطيته الباقي .. شاسوي .. كسر خاطري

[Faisal75]

والله انك صاج ياما صارتنا هالسوالف واحياناً يكمل عليها واحد مايندره من وين جاي وينظف الزجاج الأمامي وويقف عند الدريشه ينطر تعطيه فلوس ..

[بوخالد911]

بالعكس

لازم نكووون صارميين + حازمييين بمثل هالامور !!!!

يعني : لو قلت له صب ب 60 ريال
والعامل صب ب63

باااعطييه 60 ريال بس

وباحفص على .... وله ما له داعي !!! :)
حتى لو كااان أكبر مسكييين بالعالم !!!

المسألة مسألة مبدأ أولا وأخيرا

يا جماعة خلوا عنكم الطيبة ال+ (( الزائدة )) اللي ما منها فايدة كللللش

وشكرا

[ناصر العمادي]

المشكله مش في النص ريال اللي ياخذونها العمال .....

المشكله انك لما تروح تعبي بترول وسيارتك مصفره عند محطه ممكن يطلع الحساب 50

وبعدها يصير معاك نفس الموقف وتعبي من محطه ثانيه يطلع الحساب 60

أشلون اذا الخزان هو نفسه ماتغير ....

مالاحظتوا هالشي ان المبلغ يتغير من محطه لمحطه ....

كل الشكر لك اخوي على الموضوع

الله يوفقك وييسرأمرك يارب

تحياتي لك

[بروه]

يلا

اعتبروها زكاه

ان الصدقه تطفىء غضب الرب

[بوخالد911]

المشكله مش في النص ريال اللي ياخذونها العمال .....

المشكله انك لما تروح تعبي بترول وسيارتك مصفره عند محطه ممكن يطلع الحساب 50

وبعدها يصير معاك نفس الموقف وتعبي من محطه ثانيه يطلع الحساب 60

أشلون اذا الخزان هو نفسه ماتغير ....

مالاحظتوا هالشي ان المبلغ يتغير من محطه لمحطه ....

كل الشكر لك اخوي على الموضوع

الله يوفقك وييسرأمرك يارب

تحياتي لك

هلا
باقوول لك السر

فرضا جيت محطة وقلت له صب فول

وبعد التعبئة قال لك ب 60 ريال
مع انك متأكد ان المفروض 50 ريال بس !!

السر يا عزيزي هو : لما العامل خلص من الصب من السيارة اللي قبلك
اهنيه العامل ما قام وصفر العداد !!!
:eek5::omg::eek5:
فرضا اللي قبلك صب ب 10
ويجي العامل يكمل على هالرقم وبدوون ما يصفررره !!
فياخذ 10 ريالات ويحطه في جيبه !!

نصيحة انتوا لازم تتاكدووون من ان العداد يكون على ال0 الزيرو

اوكي؟
:nice:

[ايهاب حسني]

يمكن التنك في مرة ماكنش فاضي خالص جايز