أرجو أفادتي حول تعويض قطر للتأمين .؟؟؟

[اكسجين]

عندي سيارة ( عراوي موديل 99 ) صار عليها حادث وكان قيمة التصليح 18 ألف وأنا شاريها ب 30 ألف . أتصل فيني التأمين وقال لي راجعنا حتى نعوضك مادياً لان السيارة تكنسلت علماً بأن الكراجات يقولون ان ممكن تتصلح بسهولة . المهم كم بيكون تعويض التأمين وايش ممكن اطالبهم فيه حتى (لايظلموني) ؟ أفيدوني ؟؟؟؟؟؟؟؟؟؟

قليل خبرة !!! تكفون لا تبخلون علي.

وجزاكم الله خير

[بو عمــــــر]

هلا اخوي ... الحمدلله على السلامه
انا ما عندي خبره بس صارلي حادث من زمان ومن خلال هذاك الحادث اقدر انصحك لا توفقهم على طول لانهم
يحاولون يطلعون بأقل الخساير واذا اطريت توصلها لين المدير العام مال التأمين
والله يعينك عليهم

[عزووز قطر]

الشيخ انا سويت حادث من فترة في هليكس موديل 2006 والموتر كان مأمن عند الاسلامية ..

وكالة التويوتا وافقوا انهم يصلحون الموتر بـ 30 ألف يوم رحنا للتأمين قالوا الموتر يتكنسل وبنعطيك تعويض مادي ,, وقيمة التعويض 35 ألف

طبعا مارضينا لأن سعر الموتر أغلى .. وبعد مادخلنا على المدير ومناقشات وحالة عطونا 40 ألف

الشيخ حاول تدخل على المسؤول أو المدير وهم بيعطونك أقل سعر يقدرون عليه وانت حاول ترفع قيمة التعويض.


وفي الحديد ولا فيك .. والله يعينك

[اكسجين]

بو عمر
عزووز قطر
جزاكم الله خير
والله يسلمكم من الشر و يحفظكم. السايق الي مسوي الحادث والحمدلله الله سلمه.
.
.
.
والمزيد من التجارب يا اخوان.الله لايهينكم.

[عتيج الصوف]

افضل شيء انك ماترضى ,,وتقول ابغي تصلحون لي الموتر,,والا بروح للمدير ووقتها اذا وصلت له خلي في باله ان تصليح السيارة اهم من التعويض المادي حتى لايشعرون انك فقط تريد ترفع التعويض ,,,ووقتها هم بيزيدون المبلغ وان شاء الله يوصلون معاك بالسعر المناسب ,,,وخطاك الشر

[مستثمر 999]

اخوي خذ السياره مع مبلغ معين حسب الاتفاق

وساعنها انت حر تبين السياره على السكراب او تصلحها او تبيعها مدعومه على الناس الي يصلحون السيارات

ولا تنسى ان العراوي سيارة شغل يعني لا يهمها شاصي مشطور ولا بدي مسمكر

تحياتي

[اكسجين]

صدق المثل الي يقول ..عتيج الصوف ولا جديد لبريسم
يرحم والديك
مستثمر مقرود
الله يبارك فيك..ويجعلك موفق ويبعد عنك القراده.

آآآمين

[السهم الثابت]

اخوي انا عندي خبرة في الحوادث بس زمان قاطع عنهم يتوقف على التامين شامل او ضد الغيرر والشامل فية السائق والركاب او الحريق والسرقة وغيرة المهم اخوي على حسب الموديل اذا مامر على موديل السيارة سنتيين تتعوض بسعر السيارة كامل واذا السيارة مر عليها اكثر من سنتيين يتوقف على القاضي وانت حاول تنتظر موعد المحكمة اذا بتتفاهم ويا محامي التامين اومدير الشركة راح يعوضونك عن 80% وانت تدفع 20% من التصليح وهذا في حالة التصليح وفي حالة الكاش بيخيرونك بمبلغ كاش بسيط وتاخذ السيارة او مبلغ تقريبا نص سعرها بالسوق وهم ياخذون السيارة......... بس انت اذا وصلت القاضي جيب اوراق 3 من ثلاث كراجات ومن الشركة النيسان وبيرفقها التحقيق بملف القضية وراح القاضي يعوضك عن سعر تكاليف الكراج الوسطي وماعليك سروم محكمة وبصفة انها ىمكنسلة سيتم تعويضك من المحكمة فوق مايعطونك التامين بكثير بس هل قطرررر يقولون ليش ننطر المحاكم وعوار الراس كلها الا شهرين او اقل واذا تابع القضية مع اجراءات المحاكم بمدينة خليفة خلال 20 يوم خالصة ومحكوم في القضية واذا جييت عند القاضي اطلب تعويض في الايام الي قضيتها بدون سيارة في قاضي يعوضك وفية لايكتفي بتعويض عن قيمة التصليح اتمنى لك التوفيق انشاللة

[اكسجين]

السهم الثابت
بااااارك الله فيك