يا حبهم لجحر الضب

[إنسان]

وحده تقول قصتها لصاحبتها كيف استقبلت زوجها وهو داش البيت

ورود وقلوب وشموع مع اللافتات الإرشاديه "إلى هنا"

من اعتبة الصاله لحد غرفة النوم

استانس الزوج على إرشادات "إلى هنا" وقضوها ليله حمراء

http://news.abusora.com/Photos/2007_8/small_abusora_news_1188546714.jpg

جا الغراب حب يقلد وهي الصديقه اللي اسمعت القصه

طرشت العيال بيت ابوها وجابت الورود والقلوب والشموع

جا الزوج دخل البيت ما لقى حد قام ينادي يا فلانه .. محد رد عليه

قام واتصل بيت ابوها .. قالوا له عيالك موجودين بس زوجتك عندك في البيت

الرجل تخرع ليلت الدنيا .. شاف ليت الملحق مفتوح راح يشوف .. لقى زوجته نايمه

والملحق بكامل الزينه .. شك في زوجته وضربها ضرب قبل لا يعرف سالفتها :swoon2:

المسيكينه نست تحط لافتات إرشاديه "إلى هنا" :cry2:

......................

والسالفه الثانيه من سوالف الغربان :

وحده حبت تفاجأ زوجها المسافر

قامت وافرشت الغرفه فرش نمري وديكور نمري

ولبست قناع النمر ولما جا الزوج قفزت عليه قفزة النمر

من الخرعه الزوج طب ساكت ومات

الله يرحمه يمكن الرجل عنده القلب

ليش هالتقليد الأعمى

http://www.alaflaj.com/vb/uploaded/3370_1187734977.jpg

كل شي غريب على مجتمعاتنا يحبون يقلدونه

يحتفلون بأعياد الميلاد وعيد الحب وراس السنه

وراس بوعبود وراس بوفنطاس ..

يا حبهم لجحر الضب :court:

[بشاميل]

في ريايل يحبون هالسوالف شموع وقلوب وبالونات من كثر اللي يشوفونه في التلفزيون فيحبون المره تسويلهم نفس هالسوالف

وفي ريايل ما يحبون هالحركات فالمره لازم تعرف طبيعة ريلها شلي يحبه عشان تسويه وشنو الي ما يحبه عشان تبتعد عنه وماتسويه

وسالفة الريال الي مات سامعتها من قبل

موفق اخوي

[lalamar]

مالت عليهم

اي شي يشوفونه يقلدونه

[إنسان]

في ريايل يحبون هالسوالف شموع وقلوب وبالونات من كثر اللي يشوفونه في التلفزيون فيحبون المره تسويلهم نفس هالسوالف
وفي ريايل ما يحبون هالحركات فالمره لازم تعرف طبيعة ريلها شلي يحبه عشان تسويه وشنو الي ما يحبه عشان تبتعد عنه وماتسويه
وسالفة الريال الي مات سامعتها من قبل
موفق اخوي

الله يوفقك يا بشاميل دنيا وآخره :omen2:

[إنسان]

مالت عليهم
اي شي يشوفونه يقلدونه

وهذا مصداق لحديث الرسول صلى الله عليه وسلم:

"لتتبعن سنن من قبلكم شبرا بشبر ، وذراعا بذراع ، حتى لو سلكوا جحر ضب لسلكتموه . قلنا : يا رسول الله ، اليهود والنصارى ؟ قال : فمن"
الراوي: أبو سعيد الخدري - خلاصة الدرجة: [صحيح] - المحدث: البخاري - المصدر: الجامع الصحيح - الصفحة أو الرقم: 3456

كل الشكر لمرورك الكريم اخوي lalamar

[بوحارب]

تدري أخوي إنسان احلى ما في مواضيعك مختصرة ومفيدة:nice:

احلى من مواضيع البعض45000 سطر

الواحد تطلع عيونة من القراية :eek5: وبدون فايدة:(




نرجع للموضوع:)

الصراحة قصص محزنة ومبكية وغريبة

ومشكلة بعض الحريم ودهم يغيرون الأستايل

لكن قلة الخبرة والعقل تخليهم يسوون أشياء غبية

وتكون في ضدهم وما تكون من صالحهم

تحياتي لك

[إنسان]

تدري أخوي إنسان احلى ما في مواضيعك مختصرة ومفيدة:nice:
احلى من مواضيع البعض45000 سطر
الواحد تطلع عيونة من القراية :eek5: وبدون فايدة:(
نرجع للموضوع:)

الصراحة قصص محزنة ومبكية وغريبة
ومشكلة بعض الحريم ودهم يغيرون الأستايل
لكن قلة الخبرة والعقل تخليهم يسوون أشياء غبية
وتكون في ضدهم وما تكون من صالحهم
تحياتي لك

بعض الحريم يحبون يغيرون الإستايل حتى لو كان هالإستايل جحر الضب

شاكر لك اخوي بوحارب إطرائك لي