بـرنـامـجـكـم ( شــريــنــا و بــعــنـــا ) 12

[قطر]

السلام عليكم

اولا مبروك اللون الاخضر الغالب على الاسهم

اليوم جمعية العقارية

واليوم رجعت كهرباء للتداول

واليوم حدث سباق ومحاولة تنزيل في البنوك

لكن صمدت البنوك فالوقت والوضع اقوى من اي عملية تنزيل...

غريب سوقنا

ابتداء بصناعات كانت لمت داون قبل الجمعية

وراحت لمت امب ليومين متتابعين بعد الجمعية :confused:

ونفس الحالة صابت الكهرباء لمت داون اول امس
واليوم لمت اب مع طلب اول مره يصير لها 400 الف

:eek:


انت اليوم وين مكانك؟؟؟

ايش سويت

ايش قررت

ايش بعت

ايش شريت

والاهم ماهي الافكار التي دارت براسك وانت اتشوف السوق؟؟


هلا بكم ومعانا اول مشارك

تفضل

:cool:

[المسكين]

مرحبا ........


انا بعت اللي عندي كله ولا شؤيت ولا ابشتري في الوقت الراهن لان السوق يخررررررررع

[إنتعاش]

هلا فيك اخوي قطر

اول شي اقول الحمدلله حمدا كثيرا على هذه الاسعار المفرحه

واتمنى ان الاخوان قدروا يشترون اليوم من الضغط الزايد :)

وبالنسبة لي مالي نشاط سوى مراقبة الاسعار وحركة التداول

شد انتباهي ان عملية التداول الطلب الموجود على البنوك قد انخفض بشكل واضح بالفتره الاخير ه

وايضا الاسلاميه للتأمين

وايضا عملية اللم الكبيره اللي تحصل على المتحده والسلام والصناعات كالعاده طبعا

وكالعاااااااااده مالك امل تاخذ في المتحده وسط هالزحمه

وربك كريم :)

[إنتعاش]

عفوا

احب اتداخل بشي يمكن شوي خارج موضوع شرينا وبعنا

لكن يتعلق بحدث طال الحديث عنه اليومين الماضيين


في عملية تغيير العقاريه نسبة الاسهم المجانيه الموزعه

من 5 % إلى 20 % . .

مع عدم تأكدي من صحتها حتى هذه اللحظه

ولكن لنجعلها افتراضا ً فقط

في حالة صحتها

ما مدى تأثيرها على السهم في نظركم ؟

[قطر]

المسكين
يسعد مساك

:) اولا مبروك البيعة ....
بس ليش استعجلت عطيتهم يوم واحد بعد

بس بعد الخيرة فيما اختاره الله ... هذا اللي الله رايده


=======

انتعاش مثلك انا مراقب

امس كنت ناوي ابيع لكن مالقيت خطوط واليوم ماابي ابيع

لكن لحظة البيعه في المصرف ب 483 والله كسبان اللي شرا

السلام متقبضين فيها وخاطري ازيدها لكن لامجال

المتحده اصدمتني اليوم ب المليون والمتين طلب

بس موفقين ان شالله :)

[قطر]

انتعاش

اتوقع اذا صحيح

مااعتقد بيأثر على السهم بشكل سالب

يعني بتكون فرصة لان السوق بينزل سعر العقارية اكثر

فمضطرين اصحاب السهم بعدم البيع

وفرصة للي يبي يشتري يلحق الزحف اللي صاير

:)

[العنان]

والله اليوم كنت متفرج واشوف اللون الاخضر اللي نورنا , بس كنت اتمنى ان المواشي ترتفع اكثر بس انشاء الله ترتفع مع الايام ,وبعدين صار لي يومين افكر في العقاريه وحاب اخذ فيها بس اذا انزلت

[بيل جيتس]

اليوم اشتريت بنك الدوحه 406.1 بس كنت ابى احصله ب 400.0 لكنى لم استطع لقط الخط

يـــــــــــــــــــــــــــــــــــــــــــــارب ارزقنـــــــــــــــــــــــــــــــــــــــا جميعنا من خيراتـــــــــــــــــــــــــــــــــــــــــك

[جمال النعيمي]

لايسمى استقرار انما هذا دعم لبنك الدولة

الاخ قطر ياخي ذكرت نقطة أعلاه مهمة ياريت توضحة لي اكثر

ممن ترى الدعم ياتي نحن هنا نتكلم عن سعر التداول اذا كان هناك دعم يعني هناك تدخل لشراء

لرفع السهم لكي لايحدث تدهور فية انت ذكرت ذلك اعتقد واجب عليك افادتنا في ذلك

[boabdullah]

قطـــــــــــــر,,,,,,,,,,,,مراحب حاولت اليوم مع المصرف لكن للأسف ماقدرت أشتري ,,,,,,أبي رايك في النقل الأيام الجاية وبعد 3/4 ,,,,,,,,( وبعدين أيش الحل مع المجموعـــــــة) ,,,,,,,,,,,,أخوكم بوعبدالله

[قطري]

قطر انت اليوم بعت الاسهم الي عندك صح
تدري شلون عرفت...لانك كاتب اسم البرنامج
بعنا وشرين :)
.
.
.
اليوم مثل كل يوم الناس قاعده اتابع
وانا قاعد اتصل حق المجموعه ولا حد ير :mad:

[مغروور قطر]

مرحبا يا شباب اذا وصل لكم خبر عن اجتماع العقاريه وصار تعديل بلغونا اذا صج 20% اخبار حلوه

[بيل جيتس]

انتعاش

اتوقع اذا صحيح

مااعتقد بيأثر على السهم بشكل سالب

يعني بتكون فرصة لان السوق بينزل سعر العقارية اكثر

فمضطرين اصحاب السهم بعدم البيع

وفرصة للي يبي يشتري يلحق الزحف اللي صاير


ممكن التوضيح اخى لماذا سوف يهبط السعر من المفروض ان يرتفع

[مغروور قطر]

قصد انتعاش بيقل نسبه في الاكتتاب اعتقد بيصير 80 % بسعر 40 ريال فا هذا بعد مايمنع من ارتفاع اسهم

[قطر]

العنان بعد بكره العقارية اتوماتك بينزل سعرها
:) والله يجعل ايامك خضرا


بيل جيتس

بنك الدوحة اسبوووع والمنحه معاك
لاتخاف عليه بس عساك خذت كمية اتبرد القلب


ابو عبدالله
ليش يابوعبدالله ماقدرت المصرف كان متوفر بكثره اليوم

الحل مع المجموعة تسحب اسهمك منهم :) ببساطه

================

Jkf
نعم اخوي هناك تدخل والكل يعرف لشراء هذا السهم
لرفعه ....

والباقي ياتي من المستثمرون عندما يرون السعر في ارتفاع يلحقون يشترونه ..

فهني تنتهي مهمة الدعم ... ويخلون المستثمرين يشترون

يمكن الدعم يرى ان هذا السعر كافي على البنك...


لكن بماذا تفسر نزوله اليوم بمقدار 5 نقاط ... والاسهم معظمها في ارتفاع؟

[قطر]

قطري هلا بك

من العجله ياخوك

لاوالله مابعت شي محتفظ فيهم وراسك ههههه


مغرور ان شالله تامر


بيل جيتس

انا اقصد السعر الاتوماتك

يعني سعر الاغلاق كان
190÷ 1.2 =158.3 سعر الافتتاح

اما لو كان 5% اسهم بس

190÷1.05=180.9

:)

[boabdullah]

قطر ,,,,,,,,,,,,,,ماقدرت أشتري المصرف بسب (( هواتف المجموعة )) وأنا ملوهم على الظغط اللي يواجهونه , والله يعينا في وقت البيع ,,,,المهم مارديت علي عن (( النقـــل) ,,,,,,,,وتحياتي

[قطر]

اسمح لي بوعبدالله على بالي تقصد نقل الغاز لاني شفت التاريخ :)

النقل ..... والله بقولك انا اتردد في شرائه بسبب نزلاته وارتفاعاته

لكن

اذا بتاخذه وبتنساه لين تاريخ 11/4 اتوقع انه بيكون جيدجدا

او حتى لوخذت اسهم الجمعية والاكتتاب ... ((الاكتتاب لازم اتكون عندك كمية اسهم ممتازه عشان تربح صح))
بعد لو تنطر عليه واتسيل منه بعد الجمعية حق الاكتتاب ... بيكون وضعك ممتاز


:)

انت ايش نظرتك له

[جمال النعيمي]

نعم اخوي هناك تدخل والكل يعرف لشراء هذا السهم

اذا كنت تعرف ان هناك تدخل الذي يعتبر من اكبر الاخطاء اذا تم تاثير بتدخل لدعم سهم من اي جهة

اذاً مذا تعتبر الاشاعة وتاثيرها على ادى الاسهم مابالك بتدخل الذي تذكره انت

ياريت تكشف مصدر هذا التدخل لي على الاقل مادام ان الكل عارف

وانا لااعرف ولاا عتقد انه يوجد تدخل لدعم السهم في سوق الدوحة للاوراق المالية


ياريت الافادة يا اخي قطـــــــــر

[sulai6i]

انا اليوم الحمدالله توفقت ويا المجوعة

اول الصبح شوي تلعوزت لكن عقب دايما اصيد الخط

بعت في التحويلية

شريت في التجاري

بعت اللي شريته في التجاري بربح

شريت في بنك الدوحة



وخذ المايك

[إنتعاش]

بالنسبة لنقطه بنك قطر الوطني وسهمه

اعتقد انه سهم قوي و يريح الشاري كثير ويريح باله

لانه سهم ( الحكومه ) او بنك الحكومه بالاصح

فيعني ما عليه خوف لأنه ( قدها ) .

والله لو انه اسلامي كان خذت فيه

[boabdullah]

قطر ,,,,,,,,أنا بطبعي أشتري ((ولاأخاف وخاصة الشركات اللي فيها نسبة تملك الدوله جيده )) وطيعا النقل من ظمنها ,وأما بخصوص نظرتي لها مستقبلها فوق الممتاز فالشراء فبها وبنسبة جيدة من الأسهم مربحة طبعا" ((كل تفكير حاليا"أبيع النصف وأترك النصف الآخر وأصبر وهذا هو المهم بالنسبة لي )) ,,,,,,,,,,أخوك بوعبدالله

[قطر]

واحد في حاله

بيع وشراء في محله

:)

موفق

======
Jkf

اظن اخوي انتعاش وضح النقط والبيب بالاشارة يفهم
وموضوعنا مب عن النقطة اللي قلتها

المهم هو بنك الدولة كيف يكون سعره في حدود 200 ريال؟

الكبارية يشترون فيه بشكل كبير لرفعه واستطاعوا والباقي من المستثمرين الله ايبارك فيهم

اعتقد اهني وضحة المعلومة سكر على الموضوع ... وتناقش في اللي شريته اليوم وبعته

[جمال النعيمي]

تسلم ينتعاش اسم على مسمى

والله نك راعي الكلمة والي عندة كلام مطلوب منة الرد

[قطر]

بوعبدالله

اذا بتشتري لي تاريخ 11/4 توكل على الله

وعقب لين هذا تاريخ بنتفاهم:)

[إنتعاش]

الله يسلمكم اخواني

وبالنظر للسوق بصفه عامه

وللإفاده لجميع الاخوان

ان في السوق

شركات او اسهم

تعتبر ( شيوخ البورصه )

يعني هاذي لها وزنها ولها ثقلها ولها جدارتها الماليه عبر سنين طوال

وهم 4 شركات فقط اللي تعتبر رئيسيه او قياديه

1- الوطني > > > للأسف ياريته اسلامي
2- قطر للتأمين > > للأسف ياريتها اسلاميه
3- الاسمنت
4- الملاحه

[THE END]

انشاء الله يعلنون الاسلام وانا شراي

[المستثمر القطري]

بس ياجماعة الخير سمعتو عن الفرع الاسلامي ا ي بيفتحه بنك قطر اول الشهر الياي وابي اعرف اذا فعلا بيكون تعاملهم اسلامي؟؟

واشلون يكون تعاملهم اسلامي والاصل مبني على الربا؟؟

افيدونوا ياهل الخبره و المشوره

[إنتعاش]

المبتدىء

لا وش دعوى ياخوي محد قال هالكلام

لكن المقصد ياريت لو ان هالبنوك الناجحه والمعروفه في خبرتها العريقه

انها تتجه نحو أسلمة نشاطاتها وخصوصا العروض التمويليه وغيرها

ومصرف قطر الاسلامي والدولي الاسلامي اكبر دليل وفق نتائجهم الماليه

على نجاح التجربه المصرفيه الاسلاميه بغض النظر طبعا عن الهفوات والقصور الكبير

على مستوى خدمة العملاء و زحام الفروع الغير منتهي

[مغروور قطر]

معظم البنوك الربويه بينشئوون فرع اسلامي او قسم اسلامي زائد البنك الربوي اتنمى اني وصلت لك المعلومه

[المستثمر القطري]

بس اساسها قايم على التعامل الاسلامي ولا بس جرد تسميه؟؟؟؟

[العنان]

اقول اخوي قطر شرايك في العقاريه على المدى البعيد ... انا اللي مخليني افكر
اخذ فيها ان العلماء الشرعيين اجازوا الشراء فيها على حد علمي

[مغروور قطر]

شباب العقاريه في زيادة راس مال اكتتاب متى بتكون زياده شهر 5 او يمكن نهاية سنه

[ابوعلي اليافعي]

السلام عليكم..انا اليوم كنت فالغالب متفرج ومتابع لاسعار الاسهم خاصه ان السيوله قربت تخلص يعني راس المال كله فالسوق..والحمدلله الوضع الى الان مطمئن...بالنسبه للعقاريه فلا اعتقد ان هناك تغيير في نسبة الاسهم المجانيه لان ذالك سيئثر على مصداقية الشركه واعضاء مجلس ادارتها..وخاصه ان اكثر من باع من ملاك الاسهم السابقين باعو على اساس ال5%..بالنسبه لفكرة افتتاح افرع اسلاميه فالبنوك الربويه فقد اشترط علماء الدين في قطر ان يكون هذا الفرع مستقل في كل شيء في راس المال واعضاء مجلس ادارته ومعاملاته وميزانيته ونتائجه السنويه حتى يكون حلال التعامل معه ..والله يعطيكم العافيه ومبروك اللون الاخضر اليوم

[المستثمر القطري]

جزاك الله خير يابو علي على هالمعلومه

[Bahrainigirl]

Hi... I didn't sell any stock.... the trend is bullish and its upward.. so don't sell unless there is 10% correction or more...

[عـافـك الخـاطـر]

مرحبا

ياجماعة الخير انا عندي اسهم بنك الاهلي واليوم وصل 157
مادري ابييع ولا بعد انطر

وعن اسهم المتحده اليوم قدمت على طلب شرااء
ولكن ماقدرت اشتري لان الطلب زايد على المتحده

[classic2004]

السلام عليكم ..

انا شريت في الاسلامية للتامين ..

بس ما توقعت اني بصيد الخط لاني من 9 ونص وانا اتصل ما ردوا الا 11 وعشر
:)

[قطر]

السلام العليكم

العنان والله اتوقع لها شي حلو لكن مااقدر اقولك هل ارتفاع كبير او لا

لاني ماتابعت مشاريعها المستقبلية

بس استخير وتوكل

مغروووووووووووووور
شكرا على المعلومه جزاك الله الف خير


ابوعلي :) تفرج وابتسم وان شالله ماتنزل الاسهم
مبروك على الاشراف اهلا بك بينا

فتاة البحرين هلا بج

شي طيب انج اتبيعن وتشترين عندنا وتناقشينا بالحوار
والله شي ايبرد الخاطر :)

هلا بج

عافك الخاطر
الاهلي باذن الله بيرتفع في بداية دخول الاجانب
لتعزيز موقف البحرينيين فيه بيزيدون اسهمهم


كلاسك اكيييييييييييييييد المجموعه

الله ايعينك ...

بس الحمدلله على كل حال

واختيار للمدى البعيد موفق جدا


هلا بكم

[Spread Trader]

انا مت اليوم, ومشكلتي مشكله لاهو مب صايد خط قطر لاني مسافر حاليا, لاهو بنك قطر مشغولين.

المهم حطينا الاتي:
1000
تجاري, الدوحه, المصرف, 3000 المتحده الساعه 8.30 توقيت قطر. واليوم سئلت قالوا مالك نصيب. :mad:

[classic2004]

مشكور قطر ..



اي المجموعة :( بس مجبر اخاك لا بطل عليهم

مدري ليش هل السهم انا متفائلة فيه ووايد استانست اني خذت فيه

:)

[قطر]

بل بل ليش مالكنصيب

في المتحده بقول اوكي لاني سويت رفرش للصفحة8:32
كان العرض حول 500 الف

لكن البنوك كان في مجال وايد وايد
بالنسبه للمصرف والدوحة والتجاري بعد


بس يعتمد على سعر طلبك

:)

والله انا لومنك اذبحهم

[قطر]

كلاسك والله انا ناوي بقوة اني اشيل حسابي منهم

بس ايش احسن شركة؟

الاسلامية ممتازة ترى امسك بها

:)

[classic2004]

المشكلة اني ما اقدر اروح واقدم طلب حق كل شي ابي اشتريه ولا ابيعه

واللي اعرفه ان الشركة الوحيدة اللي تحط الاوردر بالتيلفون فيهم هم المجموعة

بس لو لقيت شركة احسن منهم على طوووووووووووووول باغير

عموما هم يقولون كل تاخيره فيها خيرة وانا وايد مقتنعة بهل الشي من تجارب سابقة :)

[قطر]

كلاسك

الخليجيه للاستثمار
البنك الاهلي
بنك الدوحة
البنك التجاري


هذا اللي اعرفهم كلهم بالتلفون

:)

[Spread Trader]

قطر مثل ماقلت لك انا موجود برع ولا هذا ??ح??ر ماينفع معاه الا الزف.

الاوردر كان Market يعني اي شي شيل بس. لازم اشوف حل معاهم وسيط الوطني :mad: :mad:

[Spread Trader]

البنك الاهلي
بنك الدوحة
البنك التجاري


واحول عند واحد فيهم :mad:

[classic2004]

:eek:
:o :o

الظاهر معلوماتي غلط

بس شنو احسن شركة ..


تذكر المثل : امسك مينونك لا يجيك الاين منه

[قطر]

قطر مثل ماقلت لك انا موجود برع ولا هذا ??ح??ر ماينفع معاه الا الزف.

الاوردر كان Market يعني اي شي شيل بس. لازم اشوف حل معاهم وسيط الوطني :mad: :mad:


اخوي العزيز

من متابعتي لك وعسى اني ماغلطت ولافقدت الذاكره

هذي مب اول مره ايسوونها فيك

من فترة اخبرك حطيت ماركت وبعد ماشروا لك صح؟؟

انا لو منك ازفهم بالتلفون زف

==============

كلاسك اخواني في الخليجية والاهلي

ومرتاحين عليهم

[classic2004]

ثانكس قطر:)

[Spread Trader]

ماشاء الله عليك اتذكر,

نعم هذا صحيح وجيت وتفاهمت معاهم وحليناها ودي وكان امر بيع يعني عكس الحاله احين,


ايه بس متى يخلص هالاسبوع وبتشوف محمد"Broker" معلق على الشاشه علشان يشوف الاوردر.

[قطر]

كلاسك حاضرين

Spread Trader
اتذكر الامور الغريبة وتقهر نوعا ما ;)

لان كم مره احصلت معاي وكنت حاط نفسي بموقفك وعارف اللي ايصير من حرقت قلب


وخاصه انه اوردر بيع وماركت ومايتنفذ؟؟؟

غريب صراحه

بس خيرها بغيرها

وعقبال محمد مانسلمه امورنا المالية :)

[قطري]

ان شاء الله الكل استفاد من نقاشنا اليومي
مع برنامجكم شرينا وبعنا
والى اللقاء مع يوم جديد وحلقة جديدة
والله يوفق الجميع