1000 ريال راتب العامل الهندي في الخليج

[ajaqeel]

بدأت الهند باتخاذ إجراءات رسمية لوضع حد أدنى لرواتب مواطنيها العاملين في دول الخليج، وحددت ذلك بأن لا يقل الراتب عند التوقيع عن 1000 ريال، واشتراط تصديق سفارة الهند على العقد (الدولار يعادل 3.75 ريالا سعوديا).

وكانت البحرين أول دولة خليجية يتم فيها تحديد الحد الأدنى لرواتب العمالة الهندية، حيث شهدت خلال الأيام الماضية إضراب المئات من العمالة الهندية عن العمل والمطالبة برفع رواتبهم إلى 100 دينار (ألف ريال سعودي) وسط تأييد رسمي من الجانب الهندي، وذلك بحسب ما ذكره الصحفي محمد العنزي بصحيفة "عكاظ" السعودية اليوم الخميس 14-2-2008.

وفيما استبعد مصدر مسؤول بوزارة العمل السعودية وضع حد أدنى لأجور العاملين الهنود داخل المملكة، أوضح مصدر مسؤول بلجنة الاستقدام أنه لم تتم إثارة مثل هذا الموضوع بين الجانبين الهندي والسعودي حتى الآن، ولم تصل أي طلبات رسمية بهذا الشأن وإذا تم طلب ذلك سوف تقوم الجهات المعنية بالنظر فيه وإصدار القرار المناسب.

يذكر أن عدد العمالة الهندية بدول الخليج يفوق الثلاثة ملايين عامل.

http://www.qatarshares.com.qa/data/115/117/storm_2054021010_364799133.jpg

[المخباط]

كله من دعايات زياده الرواتب اللي طمعتهم فينا :anger1:
والمثل يقول(تسمع بالرويتب خير من أن تراه)

[Aljans]

تراجع سعر صرف الدولار مقابل جميع العملات تقريبا هو سبب المشكلة. هناك من يقول لو أن الدولة قامت برفع يسعر صرف الريال أمام الدولار، فأن تحويلات العمالة الأجنبية من قطر سترتفع قيمتها نتيجة رفع قيمة الريال القطري، لذالك على المواطن تحمل كل سلبيات ربط الريال القطري بالدولار.

[سهم عربي]

يا رجال

رواتب الهنود زادت صار السايق الهندي حاليا 1500 ريال في بعض البيوت

حسبنا الله ونعم الوكيل ...وحنا على نفس الرواتب .

أن شاء الله الدول الخليجيه ترفض وتستبدلهم بجنسيات أخرى .

[الألماسي]

يستاهلــون أخــوان ميـــري :victory:

[ناصر العمادي]

مافي شي يدوم على حاله .... لابد من يوم وتزيد فيه رواتب الخدم والعماله ....

من وجهة نظر أنسانيه اشوف مطالبهم عادله الدنيا صارت نار وهم رواتبهم ولاشي...

تخيل مدير أجنبي جالس في مكتب ويدوب يشتغل يكلف الدوله اكثر من 100ألف ريال يعني راتب 200 عامل يتعب ويشقى ويعرق ويعمر في البلاد والنهايه 500 ريال وينام مع اربعين شخص في غرفه وحمام مشترك معهم وحياتهم عذاب ... هل هذا هو العدل ...؟؟؟؟؟

يعطيك الصحه والعافيه

الله يوفقك ويسعدك يارب

تحياتي لك

[ANONYMOUS]

عطوهم ال 1000 ريال.. وخذو منهم 400 ايجار.. 100 ماي.. 100 كهربه..


عموما يستاهلون طيور شلوى..

[hamoor4ever]

بصراحه يستاهلون ،، ع هالغلا ،، اشوف مطالبهم حقانيه ،، ثاني شي شمعنه احنا نصرخ نبي زياده ،، ونستكثر عليهم هم الزياده ،،

يعني احنا فاقرين فاقرين ،، جات ع الالف اللي بنعطيهم اياها

[اكسجين]

البديل
اندونسيا ......بورما ........النيبال

[الزاجل]

شنقول
كل شي غلا عليهم ..

بس كل شي على حسابنا .. والحمدلله على كل حال

[ورقــة أمــل]

شدعوةه 1000 ريال

في بلاده تطلع له 10000 روبية اذا مب اكثرر

وفلوسه لبلاده ما بيصرفها عندنا

هالمبلغ ما يحلمون فيه

مالت مالت بس من كل صوب بايقينا

[المخفي]

اول 1000 ريال تسوى 12000 ربية الحين تسوى لها 9000 ربية يعني اقل بنسبة 25 % كله بسبة الدولار

[بنت الدوحه]

الله يرحم ايام ما كان راتبهم 400 و500 ريال

[التـسـعـة]

مافي شي يدوم على حاله .... لابد من يوم وتزيد فيه رواتب الخدم والعماله ....

من وجهة نظر أنسانيه اشوف مطالبهم عادله الدنيا صارت نار وهم رواتبهم ولاشي...

تخيل مدير أجنبي جالس في مكتب ويدوب يشتغل يكلف الدوله اكثر من 100ألف ريال يعني راتب 200 عامل يتعب ويشقى ويعرق ويعمر في البلاد والنهايه 500 ريال وينام مع اربعين شخص في غرفه وحمام مشترك معهم وحياتهم عذاب ... هل هذا هو العدل ...؟؟؟؟؟

يعطيك الصحه والعافيه

الله يوفقك ويسعدك يارب

تحياتي لك



والله صدقت ياناصر

[التـسـعـة]

عطوهم ال 1000 ريال.. وخذو منهم 400 ايجار.. 100 ماي.. 100 كهربه..


عموما يستاهلون طيور شلوى..


هههههههههههههه

والله انك :victory: عجيب :victory:

[كويتى1]

مشكلـــــــة بدع الزياااااااااااااده