المساعد الشخصي الرقمي

مشاهدة النسخة كاملة : أرجوكم نوروني..!!!



لحظه وتمر
17-10-2005, 03:18 AM
مرحبا أخواني+أخواتي

كيف الحال جميعآ؟

بصراحه أنا عندي أستفسار بسيط؟؟

أنا بصراحه أذكر في مره من المرات كنت أتعامل مع هندي في محل للهواتف, وبصراحه هذا الهندي مخه تجاري 1000 ب% , وتعجبني طريقته في تصريف البضاعه!!!

المهم عاد مره كنت أسولف معاه, الا يقولي أنه عنده رفيج يبي يفتحله محل أيضآ للهواتف , ويبيني اني أكفله شرط أنه يلتزم ويدفعلي 6000 ريال شهريآ؟
عاد أنا ماأبديت رايي بأي شي, ورحت فاتحت ناس بهذا الموضوع ولكن للأسف ليس لهم خلفيه,ولكن لمجرد أن السالفه فيها نقل كفاله (حنوا علي الين ما أقنعوني أني أرفض العرض) وأنا خفت بصراحه لأتورط بشي وأشدعوه عاد هندي بيعطيني 6000 شهريآ الا أذا السالفه فيه أن..؟؟
- وأنا وحده عمري 21 سنه توني وللحين ما لميت بسوالف الكفاله والتجاره وهذي الأشياء

المهم سؤالي هو؟

هل الي فعلته صحيح؟

هل لو أني وافقت كان في مجال اني أتورط بشي؟ وأذا ممكن توضحولي نوعية الورطه؟
وهل لو أني وافقت كان لازم أنه يطلع ورقه من محامي أنه راح يلتزم بالدفع لي كل شهر؟

وعندي سؤل ثاني لو أني فكرت أني أكفل واحد ( شلون أكفله) ومالذي يجب علي فعله؟ولمن ألجأ؟
وكم يجب علي أن أضع ميزانيه؟

لأني بصراحه أفكر أني أخذ قرض وأطلع سياره متواضعه صالون وأكفل هندي وأشغله عندي كخدمة توصيل ليموزين وأدفعله راتب شهري(لكن قلبي قارصني مدري ليش) :(

والله أعلم

وأتمنى من كل قلبي أني أسمع أرائكم :confused:

صديقتكم عليميه

بوخليفة
17-10-2005, 04:43 AM
والله انا اشوف ان الوافدين وخصوصا من الجنسيات الاسيويه اغلبهم نصابين

بس يبون احد يكفلهم

وهذا اعتقد قاعد يقيس نبضج هل انتي تاجرة اقامات ولا لا

يعني يقولها لك بطريقة غير مباشره
بان تكفليني ولك 6000

اما عن فكرة الموضوع
فهو سهل جدا
اول شي تستخرجين رخصة للنشاط المطلوب
وبناء على هذه الرخصه تستطيعين ان تكفلين عدد محدد
طبعا لازم المحل يكون موجود
لكن للضمان خلي عقد المحل باسم الهندي
والرخصه باسمك انتي
عشان لما مايدفع ايجار المحل انتي ما تتوهقين مع صاحب العقار

هذا المعمول فيه عندنا بالكويت
وطبعا تشترطين عليه مثلا مبلغ معين كضمان للمحل
وطبعا البضاعه وجميع الاغراض على الهندي
من ناحية الخوف
فما في خوف لانه انتي وضعك القانوني اقوى
تستطيعين في اي لحظه ان تكنسلين اقامته وتسفرينه

بس بشرط قبل لا تعطينه الاقامه تبصمينه على اوراق فاضيه احتياط
ممكن يلعب بذيله ولا شي
تستطيعين ان تكتبين بهذه الاوراق ماتستطيعين عشان مايلف ولا يدور

هذه الاوراق هي عباره عن انه استلم كل حقوقه كامله
لان بعض النس لما يبي يمشي يشتكي عليكم ويقول ما استلمت راتب لمدة مثلا سنه
وانتي ماعندج اي اثبات انك سلمتيه الراتب
فهالورقه ستكون هي ابراء الذمه لك

الخفي
17-10-2005, 04:52 AM
السالفه كلها نصب

لحظه وتمر
17-10-2005, 01:51 PM
مشكور اخوي بوخليفة وماقصرت بس ودي ناس من اهل الدوحه يردون على احسن بحكم اني من قطر وهم اعلم بالقوانين

وبخصوص القرض والسياره وفكرة الليموزين ها اشرايكم فمشيريعي ال على قدي

وبخصوص المختفي عزيزي على اي اساس جزمت ان السالفة كلها :)

ابـو مــحــــمـــــد
17-10-2005, 02:16 PM
اختي العزيزه

1_ في البدايه نقل الكفاله او كفالة اقامة العمل لابد ان يكون عندج سجل تجاري ومحل ينقل كفالته عليه
ايا كان المحل رئيسي او فرع في الحالتين لاباس فيهم

2_ الشي الثاني ما فيه اي استغراب اذا كان بيعطيج 6000 ريال اذا المحل كان دخله ممتاز وهو صاحب ذمه ولكن هل راح يعطيك فقط لانك كفلتيه والمحل والبضاعه من هو المسئول عنها

3_ بحكم عملي في الرخص التجاريه انتي تقدرين تخلين نفسك من المسئوليه اذا حطيتي اسمه في الرخصه التجاريه كـ مدير للمحل لان بهذي الصوره هو من يتحمل مشاكل المحل

4_ اذا هو راح يكون مسئول مسئوليه تامه عن المحل فعليج ان تطالبين منه فتح حساب او ادخال مبلغ من المال في حسابج لمدة 6 شهور او سنه على حسب العقد لتسديد ايجار المحل

هذي نبذه مختصره

اما السوال ممكن تكون هناك ورطه لو تاخر في سداد الايجارات للمحل او كان ماخذ بضاعه با اسم المحل والدفع على فترات وعدم الالتزام في الدفع

اما لو وافقتي فـ ممكن انج تفتحين له المحل كـ شريكه معه والحين هناك قانون التستر يلزم عليج يا انه يكون عامل عندج براتب شهري او شريك معاج في الربح والخساره

اما موضوع الموزين فهو مخالف في القانون الا اذا عندج رخصة لموزين او تاجير سيارات

وان شالله اكون افدتج ولو بالقليل

سلطان زماني
17-10-2005, 07:29 PM
اختي العزيزه

1_ في البدايه نقل الكفاله او كفالة اقامة العمل لابد ان يكون عندج سجل تجاري ومحل ينقل كفالته عليه
ايا كان المحل رئيسي او فرع في الحالتين لاباس فيهم

2_ الشي الثاني ما فيه اي استغراب اذا كان بيعطيج 6000 ريال اذا المحل كان دخله ممتاز وهو صاحب ذمه ولكن هل راح يعطيك فقط لانك كفلتيه والمحل والبضاعه من هو المسئول عنها

3_ بحكم عملي في الرخص التجاريه انتي تقدرين تخلين نفسك من المسئوليه اذا حطيتي اسمه في الرخصه التجاريه كـ مدير للمحل لان بهذي الصوره هو من يتحمل مشاكل المحل

4_ اذا هو راح يكون مسئول مسئوليه تامه عن المحل فعليج ان تطالبين منه فتح حساب او ادخال مبلغ من المال في حسابج لمدة 6 شهور او سنه على حسب العقد لتسديد ايجار المحل

هذي نبذه مختصره

اما السوال ممكن تكون هناك ورطه لو تاخر في سداد الايجارات للمحل او كان ماخذ بضاعه با اسم المحل والدفع على فترات وعدم الالتزام في الدفع

اما لو وافقتي فـ ممكن انج تفتحين له المحل كـ شريكه معه والحين هناك قانون التستر يلزم عليج يا انه يكون عامل عندج براتب شهري او شريك معاج في الربح والخساره

اما موضوع الموزين فهو مخالف في القانون الا اذا عندج رخصة لموزين او تاجير سيارات

وان شالله اكون افدتج ولو بالقليل



ما راح ازيد علا اخواااااااااااااااااااانى

لاكن ما يمنع انج تقبلين عرضه المغرى بشرط

توقعينه علا اوراق فاضيه ا و تبصمينه افضل


والمحل اصير بسمه والرخصه بسمج


وتستلمين منه شهريا 6000 ريال


ولو ترخصينله اكووون افضل يعنى 5000 ريال شهريا
واسموونها الكلمه هذى ظمان


يعنى اظمنين المحل ما عليج الا شهريا اتيين وتاخذين

المبلغ

بينى وبينج لو احصل هالعرض المغرى علا طووول ما اتردد


اما من ناحيت اللوميزين فالفكره غير نا جحه


وارجوا انى وصلت للى تبينه فى الموضوووع

لحظه وتمر
18-10-2005, 02:24 AM
مرحبا (أخوي ماعندي أسهم)

بصراحه أشكرك جزيل الشكر على مرورك الطيب!!!

وبخصوص هذا العرض ترى فات عليه وااايد بس تذكرت الموضوع وحبيت أطرحه... وأستفيد من خبراتكم :)

وبخصوص سالفة الليموزين , يعني بالعكس أشوف الفكره ناجحه مبدأيآ , لأن السياره بتكون عندي في البيت

والسايق بعد عندي, وأي طلعة ودخله بتكو ن بعلمي , وطبعآ غير هذا أكيد بنزل أعلانات ( وأنا بحكم تعاملي مع

الليموزينات أشوف السالفة واايد مربحه) وأحسبها كل مشوار ب25 ... خلافآ للعقود الشهرية الي بذن الله بتصير الي

بال1000 وال1500 (يعني أشوف أن أبتدي أجمع مبلغ على مبلغ وأكبر شوي شوي حتى أبتدي طريق المليون) :)

بس كل خوفي من مشاكل الكفالة

(وسؤال أيضآ لكم؟أيش المشاكل الي ممكن قد تحصلي من كفالة الأسيوي..

وأيش ممكن يصير؟وشلون ممكن أتصرف) عشان أكون على بينة وخلفية !!


وقبل لا انسى سؤالي موجه بخصوص الأوراق الي قلتولي أني أخليه يوقع عليها ,, فهل هذه الأوراق

ناخذها مثلآ من محام او اطلع أي ورقه فاضيه والسلام؟؟


ولكم جزيل الشكر

(ولحد ينسانا بالدعاء)

صديقتكم

عليمية

لحظه وتمر
19-10-2005, 01:17 AM
بو خليفه تو لفت نظري كلمة قلتها؟؟

أنه يجيس نبضي أذا أنا كنت تاجرة أقامات أو لآ؟؟

شتقصد بهذي الكلمة عفوآ

ولك جززززيل الشكر

لحظه وتمر
19-10-2005, 01:19 AM
شدعععععععععععوه وين العرب؟؟؟

خلااااااااااااااااااص أنا زعليييييييييييييييييييييت :(

*__عديل الروح__*
19-10-2005, 02:06 AM
الله يوفقكم

لحظه وتمر
19-10-2005, 02:47 AM
هههههههههههههههههههه عديل الروح شكلك تبي تزيد مشاركاتك الله يوفقك


:)

فيدنا ووفقنا معاك

المقرود
19-10-2005, 09:56 AM
السلام عليكم


الشباب ماقصروا .... الشرح كافي بخصوص الكفالة ....


وترا اغلبية الناي مسوينها ... كل راس شهر مر على الدكان او الحلاق او المطعم وخذا المقسوم

من الهندي ....


من يومين حصلت حلاق وراعي الحلاق قال ببيعة بخمسة وعشرين الف ..(( طبعا مكانة مب لين هناك )

صاحب الحلاق قال : انا اخذ من الهندي 500 كل شهر .... طبعا الايجار والكهربا وكل شي على الهندي


::::::


المشاريع وايد بالدوحة وتراها فترة ما تتعوض يا ناس


بعدين ماراح تحصلون شي

لحظه وتمر
19-10-2005, 01:02 PM
امممممم كلامك صحيح اخوي :)

لحظه وتمر
22-10-2005, 06:18 PM
بو خليفه أشدعوه طلبنا منك رد يا يبه :)

((((لفت نظري كلمة قلتها؟؟

أنه يجيس نبضي أذا أنا كنت تاجرة أقامات أو لآ؟؟

شتقصد بهذي الكلمة عفوآ

ولك جززززيل الشكر))))

بو سالم
26-10-2005, 03:55 PM
ممكن أجاوب نيابه عن بو خليفة


هو يقصد إذا وافقتي يعني إنك عادي عندك الكفالة ويشتغل عندك ومو عندك يعني يعطيك فلوس وترضين غير التجار الصجيين اللي يبونهم قدامهم كل يوم ويراعون مصالحهم ويعطونهم معاش بس


يعني يقدر يقول لك ابي واحد يساعدني في المحل او اثنين أو ثلاثة ويبيع الفيز عليهم وفي واحد يبي يفتح مغسلة وبيدفع لك مبلغ ويضرب عليه فلوس ويستفيد من وراك أكثر منك

وآسف على الإزعاج

فلان
30-10-2005, 08:41 AM
اختي تذكري هالأسم جوووووي :court:

المــستشار
10-11-2005, 11:33 AM
الله يوفق أنشاء الله تكون تاجر بدون الهند الي تقول عنه.............

Qtri
11-11-2005, 03:40 PM
مساء الخير اختي عليميه شوفي اكفليه ولاتخافين مايلحقج شي بس شرط تكتبين عقد وياه عند محامي يضمن حقج ولو شفتيه لف ودار القي اقامته وبعض الاسيويين نصابين والبعض طيب ويبي يشتغل والله يوفقج اختي

بو سلطان
13-11-2005, 03:31 AM
اختي عليميه اخاف تقولبن تبي تزيد مشارتك بعد هلمره.... على العموم اختي 1_ حذاري فتح حساب في البنك واعطائه اعتماد طبعن بيقول محل ولازم يكون له حساب حتى يتم دخول شيكات باسم المحل
2_عدم اعطائه خروجية سفر الا بعد التاكد من دفع الاجار وفواتير الهاتف او اي عقد وقعتي عليه
بصراحه انا واحد من الي سارت لهم مشاكل في الاجارات والهواتف مع المكفولين والله يعوض