(( مـــو .......> مب قطرية صح والا انا غلطان ؟))

[الزاجل]

في المنتديات بالذات اتحصل فلان ولد فلان قطري الجنسية والمنشأ
صار يكتب مو عاجبني ... مو معقولة .. مو مفتكر فيهم

ومو ومو ومو ..


دخلت مع مجموعة شباب قطريين في محادثة مسنجرية جماعية
لاحظت ان هناك من يكثر من كتابة مو ..
في الوقت اللي على الطبيعة ما تنذكر كلمة مو على لسانهم :eek5:..

راجعت جميع اللكنات واللهجات القطرية
بداية من البدو الى الحضر الى الأهولة والى المودرن
دققت في واسترجعت كل اللهجات ما شفت كلمة مو موجودة ..

فليش صرنا انشوف بعض الشباب من البدو يكتبون مو
وليش صرنا انشوف بعض الشباب من الحضر من اهل قطر
صاروا يكتبون مو في المنتديات والمحادثات ..
ليش صاروا بعض شباب الأهولة نفس الشي ..


اشفيها لهجتنا القطرية ؟
مب وجه تقدير حتى نستبدل مهب ومب بكلمة مو ؟

والا مو صارت تعبر عن التطور والرقي اللي يتماشى
مع استخدام الكمبيوتر ؟ :omen2:

الدولة تسن الخويا والفزعة و بعض شبابنا يسنون مو
تناقض كبير ما بين تطلعات الدولة والشباب .....> لحد يدقق على الجملة :discuss:

الزبدة :
لنا لهجتنا القطرية اللي فيها مرادفات كثيرة
فليش نركنها ونستخدم مفردات ثانية لمجرد التقليد ؟ :rolleyes2:
لحد ينقز لي ويقول لي استطايلي جذيه:secret:
الكلام عام والموضوع هذا موجه للجميع ..وياليت انشوف اجابة شافية ..

[التيما]

ههههههههههههههههههههههه :nice:

[بدور]

الزاجل اشوف موضوعك عنصري وتوزيع سكان هالقطر على ثلاث فئات

بدو وحضر وهوله بالرغم من ان هالقطر عايله واحده ماعاد فيها بدو وحضر وهوله

المفروض ماتكتب هالفئات وتدخل بالموضوع على طول ليش نكتب وننطق مو يا اهل قطر

متى بنتخلص من عنصرية التفرقه بين هالقطر وعدد سكان قطر القطريين ما يتجاوز 200 الف

واعذرني على المداخله وجهة نظر وبس !!!!

[سداوي&مدريدي]

انا عن نفسي ولا مره قلت مو
مووووووو او مبببببب كله واحد اهـم شي الطرف الثاني يفهم
خخخخخخخخخخخخخخخخخ

:)

[nyzk]

ايضا ضيف عليهم .. (( هاي , جيييه ))

[التيما]

ايضا ضيف عليهم .. (( هاي , جيييه ))

:nice:

[الزاجل]

الزاجل اشوف موضوعك عنصري وتوزيع سكان هالقطر على ثلاث فئات

بدو وحضر وهوله بالرغم من ان هالقطر عايله واحده ماعاد فيها بدو وحضر وهوله

المفروض ماتكتب هالفئات وتدخل بالموضوع على طول ليش نكتب وننطق مو يا اهل قطر

متى بنتخلص من عنصرية التفرقه بين هالقطر وعدد سكان قطر القطريين ما يتجاوز 200 الف

واعذرني على المداخله وجهة نظر وبس !!!!

الموضوع مب موضوع عنصرية لما نقول
بدو وحضر واهولة
لأن بالفعل البدوي كلماته غير عن الحضري
والحضري نفسه اتحصلينه اهل البحر غير عن اهل البر
والأهولة لهم لكنة خاصة فيهم
ما نقول انهم مب قطريين ..لكنهم غير عن اهولة دبي مثلا
وغير عن اهولة الكويت مثلا ..

فأنت ابعدي العنصرية عن الموضوع
وركزي على اساس الموضوع
ما نقدر ننكر ان هناك لكنات مختلفة ولهجات قطرية مختلفة
باختلاف الناس اللي في قطر ..
ماقللت من شأن البدوي ولا قللت من شأن الحضري ولا قللت من شأن الأهولة
فيا بدور ابعدي الشيطان السوسة اللي صورج لج الموضوع على انه
عنصرية وقولي لي بحكم مخالطتج لشعب قطر
قد مرة شفتيهم يقولون مو ؟

[الزاجل]

ايضا ضيف عليهم .. (( هاي , جيييه ))

هذي لكنة ولهجة الهولة ..ففي الأخير كل هولي قطري
يتكلم بنفس الكلمات هذه ..
فالأصل كان له تأثير ..

من البداية قلنا عندنا بدو
وعندنا حضر
وعندنا اهولة ..

فهل من هالفئات الثلاث باختلاف لهجتها
قد مرة سمعتوا حد فيهم يقول مو

[حبر سري]

اخوي الزاجل

اتمنى تتقبل رايي ونقدي

لكن للاسف انك قاعد اتخرب صورتك اللي عرفناها عنك ابمثل هالمواضيع

[الزاجل]

اخوي الزاجل

اتمنى تتقبل رايي ونقدي

لكن للاسف انك قاعد اتخرب صورتك اللي عرفناها عنك ابمثل هالمواضيع

متقبل كلامك بكل صدر رحب ..

بس اتمنى انك اتوضح لي ليش بدت صورتي تخترب ؟

فهل تعديت على احد والا غلطت في حق احد في هالموضوع ؟

وكلي اذان صاغية يا حبر سري ..

[hamoor4ever]

صراحه كلامك صحيح ماعندنا شي اسمه مو ،، والبعض طايحين فيها . مدري ليش يعني انهم متحضرين ؟؟ مو !!!!

[الزاجل]

انا عن نفسي ولا مره قلت مو
مووووووو او مبببببب كله واحد اهـم شي الطرف الثاني يفهم
خخخخخخخخخخخخخخخخخ

:)

طيب
ليش مو تنكتب في المنتديات لكن في الحياة العامة لا ؟

ليش مثلا ولد الزاجل او بنت الزاجل
اذا شبك بالنت اكتبوا مو واذا اكتبوا مواضيع
شفنا منهم مو
لكن في الطبيعة لتحجوا ما شفنا لا مو ولا غيره ؟


ههههههههههههههههههههههه :nice:
:rolleyes2:

[المشاغب]

مو مشكلة

[مليت]

موضوع حلو ومميز وبصراحه كلامك صحيح مو ومادري شنو والحاله حاله

[حبر سري]

متقبل كلامك بكل صدر رحب ..

بس اتمنى انك اتوضح لي ليش بدت صورتي تخترب ؟

فهل تعديت على احد والا غلطت في حق احد في هالموضوع ؟

وكلي اذان صاغية يا حبر سري ..

مب شرط ان الصورة تخترب علشان الغلط على احد

انا قصدت مستوى الموضوع اخوي الزاجل

وهذا رايي

[الزاجل]

مو مشكلة
اقول جذيه بعد
مو مشكلة عندهم :secret:


موضوع حلو ومميز وبصراحه كلامك صحيح مو ومادري شنو والحاله حاله

هلا والله مليت ...> وينك ضارب مخفي...> اشبلاكم قمتوا اتكثرون من المخفي؟ :omen2:
صحيح هي مب مو بس .. الا في اشياء ثانية بس علشان
نقدر انلم الموضوع ركزنا على مو..

[الزاجل]

مب شرط ان الصورة تخترب علشان الغلط على احد

انا قصدت مستوى الموضوع اخوي الزاجل

وهذا رايي

اهاا.. يعني مستوى الموضوع ما يرتقي لي ولأعضاء المنتدى ..

يمكن يا حبر سري نظرتي للموضوع عكس نظرتك او لربما
بالفعل نظرتي قاصرة تجاه الموضوع .. ونظرت له نظرة تضخيمية
لا تستحق النشر ..

لكن لما اشوف الشباب في المجلس كل واحد منهم
يقول مهب او مب . و اشوفه في المنتدى الفلاني
كاتب لي مو .. واكو وما كو ..
اهنيه ابي اعرف ليش الواحد لما يكون على طبيعته
جدام الناس اللي يعرفونه اتحصلونه يستخدم الكلمات الدارجة
لما يدخل عالم الافتراض والخيال يتغير كلامه حتى لهجته
يغيرها لدرجة انه يكتب مو اكثر من مب ..كأنه لو كتب موب او مب
او مهب في شي بينقص منه ..

سألت شاب قلت له ليش طايحين في مو ؟

قال لي حركة انهم راقيين وانهم ستايل مميز في الردود ..
فهل بالفعل ممكن اصير مميز لو استخدمت مو او غيرها من الكلمات ؟

[المخفي]

السلام عليكم

اكثر الكتابة في المنتدى بالعامية وكل واحد يكتب بلهجة البيئة الي عايش فيها و لذلك تحصل مو بكثرة

مافي مجتمع اصيل خالص لازم تحصل اعراق وجنسيات متداخلة في تركيبة المجتمع مما تؤثر

في تركيبته يمكن لانه مجتمعنا صغير بس شوف المجتمع السعودي مثلا بتحصل جميع

الجنسيات وتحصل حتى كلامهم مخلوط من لهجات مختلفة

[الزاجل]

السلام عليكم

اكثر الكتابة في المنتدى بالعامية وكل واحد يكتب بلهجة البيئة الي عايش فيها و لذلك تحصل مو بكثرة

مافي مجتمع اصيل خالص لازم تحصل اعراق وجنسيات متداخلة في تركيبة المجتمع مما تؤثر

في تركيبته يمكن لانه مجتمعنا صغير بس شوف المجتمع السعودي مثلا بتحصل جميع

الجنسيات وتحصل حتى كلامهم مخلوط من لهجات مختلفة

وعليكم السلام ورحمة الله وبركاته

اتفق معاك يا المخفي في كل كلمة ذكرتها وخاصة ان الواحد يتأثر
بالبيئة اللي عايش فيها ..

بس شنهو تفسيرك .. لولد الزاجل مثلا عايش في بيئة مافيها مو
لكن لو دخل النت صار يكتب مو واكو وماكو ؟

[بوخالد911]

أهل الكويت الكرام يستخدمووون كلمة (( مو ))

وعااادي مو مشكلة لو استخدمناها

صح؟

مو = مب

[الزاجل]

أهل الكويت الكرام يستخدمووون كلمة (( مو ))

وعااادي مو مشكلة لو استخدمناها

صح؟

مو = مب


صحيح اهل الكويت يستخدمون مو
مالنا اعتراض على لهجتهم ..
ولكن
هل القطري اللي يستخدم مو في النت يستخدمها في حياته العامة في قطر ؟

[lalamar]

انا الحمد لله دايما على طبيعتي ونفس اللهجه والطريقه اللي اتكلم فيها داخل النت نفسها برع
النت . . . لكن المشكله ان في بعض الاعضاء يستخدمون لهجات غير عن اللهجات اللي يتكلمون فيها في الحياة الواقعيه وتلقى الواحد طايح لك على بدوي عشان يتقن اللهجه وايي المنتدى يتكلم بلهجة البدو وتلقى البدوي يسوي نفسه متحضر
ويتكلم باسلوب الحضر ويستخدم (( مو )) وغيرها من الكلمات
ماادري ليش هذا الشي يصير
هل هو لجذب الانتباه بطريقة الكلام
يعني الواحد شيستفيد لما يتصنع في طريقة كلامه

ثانكس يالزاجل ع الموضوع

[طويل النفس]

يمكن السبب (حب الاختصار) بدال مايكتب (مهوب) 4 احرف او (موب) 3 احرف يكتب (مو) حرفين

والدليل انك (ما تسعها) بس (تشوفهاااااا)

[lalamar]

يمكن السبب (حب الاختصار) بدال مايكتب (مهوب) 4 احرف او (موب) 3 احرف يكتب (مو) حرفين

والدليل انك (ما تسعها) بس (تشوفهاااااا)

يقدر يكتب (( مب ))

حرفين .......... صح ؟؟؟ :nice::nice::nice:

[حبر سري]

اهاا.. يعني مستوى الموضوع ما يرتقي لي ولأعضاء المنتدى ..

يمكن يا حبر سري نظرتي للموضوع عكس نظرتك او لربما
بالفعل نظرتي قاصرة تجاه الموضوع .. ونظرت له نظرة تضخيمية
لا تستحق النشر ..

لكن لما اشوف الشباب في المجلس كل واحد منهم
يقول مهب او مب . و اشوفه في المنتدى الفلاني
كاتب لي مو .. واكو وما كو ..
اهنيه ابي اعرف ليش الواحد لما يكون على طبيعته
جدام الناس اللي يعرفونه اتحصلونه يستخدم الكلمات الدارجة
لما يدخل عالم الافتراض والخيال يتغير كلامه حتى لهجته
يغيرها لدرجة انه يكتب مو اكثر من مب ..كأنه لو كتب موب او مب
او مهب في شي بينقص منه ..

سألت شاب قلت له ليش طايحين في مو ؟

قال لي حركة انهم راقيين وانهم ستايل مميز في الردود ..
فهل بالفعل ممكن اصير مميز لو استخدمت مو او غيرها من الكلمات ؟



والله يالزاجل مادخلت ووجهت لك النقد الا لاني عارف ان عقلك كبير وتستوعب الكلام اللي ينقال لك(والله ليست مجاملة)
وكان رايي وقلته لك
واشكرك على ردودك الراقية (هاذي الهقوة يالزاجل)

[qatar_moon]

يعني الحين مو صارت كشخه خخخخخخخخخخخخخخخخخخخ

والله حركات عليهم

[لجين]

انا وايد اقول مو في النت وطبعا ماقولها خارج النت

بس عن نفسي استخدمها مع بعض الكلمات للتغيير

وبعد عشان لهجتنا القطرية مب عاجبتني احسها ثقييييلة :o

يعني مثلا عندك مو اخف من مب والا مهب

وانا وربعي في المسن غالبا نستخدم كلمات خليجية كتغيير

احيانا نحول للهجة الاماراتية : سرت - هيه - مرحبا بك ملايين ولا يسدن :pardon:

واحيانا اللهجة البحرينة : زتات - مالي مقاقة ( مالي بارض) - اهو منااااك :sneaky:

وهكذا ..

[الزاجل]

والله يالزاجل مادخلت ووجهت لك النقد الا لاني عارف ان عقلك كبير وتستوعب الكلام اللي ينقال لك(والله ليست مجاملة)
وكان رايي وقلته لك
واشكرك على ردودك الراقية (هاذي الهقوة يالزاجل)

بالعكس يا حبر سري.. النقد ما منه زعل
يحق لك تنتقدني واتصحح لي .. والا شنهي الفايدة
لما افرض سيطرتي والكل يجاملني ويصفق لي ؟
والعفو واهلا وسهلا ..

[امل الحب]

:rolleyes2:

المهم في الاخر توصل المعنى

<<<استخدم مو ولاتقول موضة والا كشخة هي جذي تطلع ن نفسها مع الكلام

وساعات مب يعني وسط الكلام تطلع الكلمة ومدام ماتغير بمعنى الكلام شي عادي وين المشكلة فيها؟

شكرا لك

[إنسان]

موضوع حلو للدردشه

أنا عن نفسي كنت اشارك في منتديات خليجيه وكنت أكتب "مو"

ولما جيت لمنتدى الأسهم القطرية رجعت لأصلي وقمت أكتب "مب"

أحلى تحيه للناقد الكبير الزاجل :yes:

[al_lord]

اعتقد والله اعلم ان على حسب بيئتك النتيه وتأثرك بمن حولك ولكن لا تنسى سبب اعتقد يمكن يكون هو الاسهل ان كتابة مو اسهل من كتابة مب :)

جربها بالكيبورد وتعرف الفرق :)

[pink girl]

الزاجل انا من المتابعيين شبه اليومي للمنتدى .

اعرف عقلية وثقافه الكل تقريبا . لذلك لو كتب غيرك هذا الموضوع صدقني ما راح ارد

عليه على اعتبار ان عقلية هذه سقفها فبالتالي النقاش معاه مضيعه لوقتي ووقته .

بس انت وصلت فوق 21 الف مشاركه فى المنتدي ولك مواضيع مميزه تدل على نضجك

وثقافتك ورقيك فى طرح المواضيع ..... يعني كل هذه الاوصاف تتناقض ومع سطحية الموضوع

المطروح هنا !!!!!!

يا عزيزي اللهجات المحليه او ما تسمى العامه هي لهجات تتكون من تمازج الثقافات

واطياف المجتمع الواحد وتتسم بالتغير المستمر يعني ليس لها شكل او قواعد ترجع لها

مثل اللغات الرسميه كالعربيه الفصحى اللتي تكون مرجعها القواعد العربيه لضبطها .

فى اللهجات المحليه ليس هناك ضابط لهذه الامور .الا العرف والمجتمع الذي هو بدوره

يتغير بتغير الثقافات فيه .

وليس هناك فى العالم كله مجتمع يتكون من طيف او شريحه واحده لذلك تختلف اللهجات

بل وتصل الى ابعد من ذلك فى الدول ذات المجتمعات الكبيره حيث تتنوع اللغات فى

الدوله الواحده مثل الهند وكندا وغيرها من الدول الكبيره .

يعني الخلاصه موضوعك بني على خطأ وما بني على خطا فهو خطأ .

الزاجل ارجو ان تتقبل ملاحظتي ولا اريد ان اقول نقدي بصدر رحب .

تقبل تحياتي

[ذوق]

أستغربت من موضوعك يا الزاجــل.... ههههههههههههههههههههه شكلها خلصت المواضيع مو؟؟

من وجهـة نظري لهجتنـــا الخليجــيه أصلآ بكبــرها مـالها أصـــل ودخــيلـة على لغة العرب مثل بـاقي اللهجـات...لأن اللغة الأولى هي لغة القـرأن ( العربيـه الفصيحـة ) مو ولا لأ؟؟ :omen2: يعني بأمكاني اني أخترع الحين كلمـة وأتداولها وتصير بعد كم قرن من الكلمات الخليجية العريقه والأصيله بعد :tease: :nice:

يعني مافيهـا فرق لو قلنـا مو أو مهب أو مب ^-^

لك ودي وتقديري

[الزاجل]

اعتقد والله اعلم ان على حسب بيئتك النتيه وتأثرك بمن حولك ولكن لا تنسى سبب اعتقد يمكن يكون هو الاسهل ان كتابة مو اسهل من كتابة مب :)

جربها بالكيبورد وتعرف الفرق :)

اممم
على حسب بيئتك النتية ..!!

اعرف كثار مالهم الا في المنتديات القطرية ..
ومع هذا يستخدمون كلمة في النت ما يستخدمونها في الحياة ..

اما بخصوصة تجربة مو
بصراحة ما احب اكتبها ابدا .. حتى لو كانت بالإشارة
يعني ممكن نلجأ لبعض الكلمات كنوع من التغيير
لكن كأساس في قاموس مصطلحاتي نو وي ...... ركز على نو وي :omen2:

[الناقد]

ماشاء الله , مواضيع المنتدى قامت تناقش مواضيع مهمه وحساسه ..!!

الله يهداك ياخوي يالزاجل .. نصيحتي لك , خذ لك راحه كم يوم وابتعد فيهم عن النت وعوار الراس .. وارجع بعدها بأفكار ومواضيع جديده احسن من هالموضوع .

[al_lord]

اممم
على حسب بيئتك النتية ..!!

اعرف كثار مالهم الا في المنتديات القطرية ..
ومع هذا يستخدمون كلمة في النت ما يستخدمونها في الحياة ..

اما بخصوصة تجربة مو
بصراحة ما احب اكتبها ابدا .. حتى لو كانت بالإشارة
يعني ممكن نلجأ لبعض الكلمات كنوع من التغيير
لكن كأساس في قاموس مصطلحاتي نو وي ...... ركز على نو وي :omen2:

يمكن هم يختلطون نتيا بغير المنتديات شات وخلافه هذا بعد يؤثر

بس بعض الاشخصا لهم اكثر من قاموس على حسب الوضع الي يستخدمونه فيه قاموس للنت وفيه قاموس للشات وفيه قاموس للحياه العامه وقاموس للحياه الخاصه تعددت القواميس والشخص واحد:rolleyes2:
مثل كلمة برب وتيت ويب :) كلها نتيه هالمصطلحات

[الزاجل]

الزاجل انا من المتابعيين شبه اليومي للمنتدى .
اعرف عقلية وثقافه الكل تقريبا . لذلك لو كتب غيرك هذا الموضوع صدقني ما راح ارد
عليه على اعتبار ان عقلية هذه سقفها فبالتالي النقاش معاه مضيعه لوقتي ووقته .
بس انت وصلت فوق 21 الف مشاركه فى المنتدي ولك مواضيع مميزه تدل على نضجك
وثقافتك ورقيك فى طرح المواضيع ..... يعني كل هذه الاوصاف تتناقض ومع سطحية الموضوع
المطروح هنا !!!!!!
يا عزيزي اللهجات المحليه او ما تسمى العامه هي لهجات تتكون من تمازج الثقافات
واطياف المجتمع الواحد وتتسم بالتغير المستمر يعني ليس لها شكل او قواعد ترجع لها
مثل اللغات الرسميه كالعربيه الفصحى اللتي تكون مرجعها القواعد العربيه لضبطها .
فى اللهجات المحليه ليس هناك ضابط لهذه الامور .الا العرف والمجتمع الذي هو بدوره
يتغير بتغير الثقافات فيه .
وليس هناك فى العالم كله مجتمع يتكون من طيف او شريحه واحده لذلك تختلف اللهجات
بل وتصل الى ابعد من ذلك فى الدول ذات المجتمعات الكبيره حيث تتنوع اللغات فى
الدوله الواحده مثل الهند وكندا وغيرها من الدول الكبيره .
يعني الخلاصه موضوعك بني على خطأ وما بني على خطا فهو خطأ .
الزاجل ارجو ان تتقبل ملاحظتي ولا اريد ان اقول نقدي بصدر رحب .
تقبل تحياتي

جسيمان خلني اول شي اقول زين اني اثرتك وخليتك تكتب
بدل ما تكون متابع على الصامت :eek5:
فاهلا وسهلا بك معانا ..



اسمح لي اقول لك ان كلامك صحيح في جزئية
تعريف اللهجة العامية و ما اختلف معاك ابدا في كل ما ذكرته..
بس اتمنى انك تتفق معاي ...> طبعا اذا حبيت
ان لكل دولة لهجة خاصة بها
فمثلا لما انشوف قطري مثلا يقول باسير او ازجر على فلان
اول ما يتبادر الى اذهاننا ان الشخص هذا تعايش مع اخواننا
الإماراتيين ..فمن طريقة اللهجة تتعرف على الشخص ..

ولما انشوف مثلا شخص يقول اكو او ماكو او مو
اكيد بنقول انه تعايش مع اخواننا الكويتيين ..
اهنيه ما نقدر نقول ليش فلان قال اكو والا قال ما كو..
فتمازج اللهجات في هالحالة طبيعي وصحي جدا جدا جدا :eek5:

لكن لو ردينا لرد اختنا لوجين ( اللي وايد شباب مثلها من الجنسين )
يقولون نستخدم الكلمة من باب انها خفيفة
البعض يقول نستخدم الكلمة من باب انها مودرن
واللي سمعته بأذوني يقول لي تدل على الرقي ..

فلو رديت يا اخوي جسيمان للشباب نفوسهم
تستغرب من نظرتهم للكلمة بحد ذاتها ..

يستخدمونها بس في النت
لكن خارج النت لا..

فهل تمازجت اللهجات في النت
لما العضو ما يشارك الا في منتديات قطرية
واتحصله يكتب مو مو مو ؟
او يهذر على المسن ( دلع المسنجر) وكله مو و مو
وهو في حياته الطبيعية ما يقول مو او اكو ؟

يمكن طرحي للموضوع يستغرب منه البعض
لكن لو ركزت فيه ترا الشباب يستخدمون مصطلحات
واحنا بشكل عام مب عارفين اشلون ينظرون للموضوع ..

فلما تنتشر ثقافة مو على انها رقي او تميز او ستايل للفت الانتباه ما بين الشباب
والاستخدام هذا ما بيكون الا في النت
واتشوف اعذار اشكال والوان
مثل
ان الكلمة اخف ...> اشلون صارت اخف يعني حطوها في الميزان مثلا ؟..> لحد يعقب :secret:
فهل الكلمة خفيفة في النت و ثقيلة في الحياة العامة ؟
او اتحصل فلان يقول لك
عجبتني الكلمة وشفت فلان كتب مو رحت كتبت مو وادور لي عذر ؟
لكلمته وناقشته على الطبيعة
ما اتشوف كلمة مو طالعة منه ولو بالغلط ؟

طيب ليش هالتناقض مع النفس ؟

اهنيه لازم تكون لنا وقفة مع الشباب ونبين لهم ان
التميز مب في استخدام كلمات ما انطبقها في حياتنا
وان كانت كلمة مو ..

فإذا سهل يتلون حسب استخدامه للكلمات
بيصير عنده اسهل انه يتلون بالمواضيع ..

نقول له بشكا عام
انا كشخص افرض كياني
افرضه بكل ما فيني من مزايا وعيوب وحسنات وسيئات
يمكن يكتشفها البعض ويمكن يسهى عنها البعض
ولكن لابد ان افرض كياني بطبعي وبكلماتي اللي استخدمها في الواقع اليومي ..

ليش بنتي مثلا
اشوف مواضيعها فيها مو
وفي البيت ما اشوف منها كلمة مو؟
ليش تستحي بنتي تقول مو جدام عمامها وخوالها مثلا ؟
دام انها واثقة ان الكلمة تدل على رقي وخفة
ليش تسحبها في الحياة الحقيقية ؟
ملاحظتك على الراس والعين
ونقول للمرة الثانية اهلا وسهلا بك:victory:




ملاحظة على الهامش الأيسر اكثرت هوامشه :omen2:
متملل من رقم مشاركاتي وخاطري امسحه
ان شاءالله لصرت مدير المنتدى بطيب خاطري ..:secret:

[الزاجل]

أستغربت من موضوعك يا الزاجــل.... ههههههههههههههههههههه شكلها خلصت المواضيع مو؟؟

من وجهـة نظري لهجتنـــا الخليجــيه أصلآ بكبــرها مـالها أصـــل ودخــيلـة على لغة العرب مثل بـاقي اللهجـات...لأن اللغة الأولى هي لغة القـرأن ( العربيـه الفصيحـة ) مو ولا لأ؟؟ :omen2: يعني بأمكاني اني أخترع الحين كلمـة وأتداولها وتصير بعد كم قرن من الكلمات الخليجية العريقه والأصيله بعد :tease: :nice:

يعني مافيهـا فرق لو قلنـا مو أو مهب أو مب ^-^

لك ودي وتقديري
استغرب اشلون الموضوع يتكلم عن شي وانت ركزت على شي ثاني :omen2:
لحد يعصب بس :nice:
اشلون خلصت المواضيع وانت داشة توضحين ردج في الموضوع
ومستعدة انج تخترعين كلمات اتصير بعد قرن كلمات خليجية عريقة ؟ :rolleyes2:

بس خليني اعترف
استانست على مشاركتج :victory:
وتقبلنا تقديرج وودج


ماشاء الله , مواضيع المنتدى قامت تناقش مواضيع مهمه وحساسه ..!!

الله يهداك ياخوي يالزاجل .. نصيحتي لك , خذ لك راحه كم يوم وابتعد فيهم عن النت وعوار الراس .. وارجع بعدها بأفكار ومواضيع جديده احسن من هالموضوع .

تدري يالناقد
كنت ماخذ اجازة طويلة من المواضيع
ومن عقب الإجارة عينك ما شافت الا هالموضوع..

الله يهدي الجميع ..شكرا على النصيحة
وبحاول مااخذ اجازة علشان ما تطلع مثل هالمواضيع مرة ثانية :secret:

[سداوي&مدريدي]

جسيمان خلني اول شي اقول زين اني اثرتك وخليتك تكتب
بدل ما تكون متابع على الصامت :eek5:
فاهلا وسهلا بك معانا ..



اسمح لي اقول لك ان كلامك صحيح في جزئية
تعريف اللهجة العامية و ما اختلف معاك ابدا في كل ما ذكرته..
بس اتمنى انك تتفق معاي ...> طبعا اذا حبيت
ان لكل دولة لهجة خاصة بها
فمثلا لما انشوف قطري مثلا يقول باسير او ازجر على فلان
اول ما يتبادر الى اذهاننا ان الشخص هذا تعايش مع اخواننا
الإماراتيين ..فمن طريقة اللهجة تتعرف على الشخص ..

ولما انشوف مثلا شخص يقول اكو او ماكو او مو
اكيد بنقول انه تعايش مع اخواننا الكويتيين ..
اهنيه ما نقدر نقول ليش فلان قال اكو والا قال ما كو..
فتمازج اللهجات في هالحالة طبيعي وصحي جدا جدا جدا :eek5:

لكن لو ردينا لرد اختنا لوجين ( اللي وايد شباب مثلها من الجنسين )
يقولون نستخدم الكلمة من باب انها خفيفة
البعض يقول نستخدم الكلمة من باب انها مودرن
واللي سمعته بأذوني يقول لي تدل على الرقي ..

فلو رديت يا اخوي جسيمان للشباب نفوسهم
تستغرب من نظرتهم للكلمة بحد ذاتها ..

يستخدمونها بس في النت
لكن خارج النت لا..

فهل تمازجت اللهجات في النت
لما العضو ما يشارك الا في منتديات قطرية
واتحصله يكتب مو مو مو ؟
او يهذر على المسن ( دلع المسنجر) وكله مو و مو
وهو في حياته الطبيعية ما يقول مو او اكو ؟

يمكن طرحي للموضوع يستغرب منه البعض
لكن لو ركزت فيه ترا الشباب يستخدمون مصطلحات
واحنا بشكل عام مب عارفين اشلون ينظرون للموضوع ..

فلما تنتشر ثقافة مو على انها رقي او تميز او ستايل للفت الانتباه ما بين الشباب
والاستخدام هذا ما بيكون الا في النت
واتشوف اعذار اشكال والوان
مثل
ان الكلمة اخف ...> اشلون صارت اخف يعني حطوها في الميزان مثلا ؟..> لحد يعقب :secret:
فهل الكلمة خفيفة في النت و ثقيلة في الحياة العامة ؟
او اتحصل فلان يقول لك
عجبتني الكلمة وشفت فلان كتب مو رحت كتبت مو وادور لي عذر ؟
لكلمته وناقشته على الطبيعة
ما اتشوف كلمة مو طالعة منه ولو بالغلط ؟

طيب ليش هالتناقض مع النفس ؟

اهنيه لازم تكون لنا وقفة مع الشباب ونبين لهم ان
التميز مب في استخدام كلمات ما انطبقها في حياتنا
وان كانت كلمة مو ..

فإذا سهل يتلون حسب استخدامه للكلمات
بيصير عنده اسهل انه يتلون بالمواضيع ..

نقول له بشكا عام
انا كشخص افرض كياني
افرضه بكل ما فيني من مزايا وعيوب وحسنات وسيئات
يمكن يكتشفها البعض ويمكن يسهى عنها البعض
ولكن لابد ان افرض كياني بطبعي وبكلماتي اللي استخدمها في الواقع اليومي ..

ليش بنتي مثلا
اشوف مواضيعها فيها مو
وفي البيت ما اشوف منها كلمة مو؟
ليش تستحي بنتي تقول مو جدام عمامها وخوالها مثلا ؟
دام انها واثقة ان الكلمة تدل على رقي وخفة
ليش تسحبها في الحياة الحقيقية ؟
ملاحظتك على الراس والعين
ونقول للمرة الثانية اهلا وسهلا بك:victory:




ملاحظة على الهامش الأيسر اكثرت هوامشه :omen2:
متملل من رقم مشاركاتي وخاطري امسحه
ان شاءالله لصرت مدير المنتدى بطيب خاطري ..:secret:



اي والله صـدقت
:omen2::omen2:

[الجهه مجهولة]

غبت ورديت وانت على ماانت يالزاجل مثل دهن العود المعتق كل ما عتق زان ريحه

عسى الله ان يثبتك على طريق الصواب

من وجهة نظري ان مو نفس كلمة ok في كل جمله لازم نقولها

وهي دخيله حالها حال غيرها

وانا ادري ان موضوعك فيه معاني اكثر من كلمة مو

وفي فئه من الفئات الثلاث تعلمت من احد الفئات هذي بعض المفردات اذا ماكان الكلام كله وبالذات التحفى

فهذا شي طيب انه تعلم او طبق شي زين

فـ ليش احنا ناخذ الي مب زين ؟؟؟ وليش انخلي كلامنا العدل اللي بالعكس كلن يتعلمه ويتمناه

لكن كلمة مو ممكن بعض الناس وانا ماازكي نفسي عنهم

انه يقولها سهواً او من كثر ماتردد عل مسامعه فأصبحت ترن في اذنه وقام يقولها

لكن مب:nice: احلى واشخص من مو:thumbdown:

بصراحه مو مو ستايل كلش:victory:

وسلم على صاحبك وقوله مافي احلى من شد الوكاله

والثوب الطويل ايتع

[ANONYMOUS]

كلمة مو نفس برب و تيت و لوول

نكتبها ولا نقولها في الحياه العامه

تخيل انت في الدوام.. تسولف مع لمدير.. وفجأه تقول له برب ويرد عليك تيت وتورح لشغل ثاني


كمة مو نستخدمها تأثرا في اخواننا الكويتيين وذلك لاختلااطنا معاهم سواء بالدراسه والشات

عموما..


يالله برب

[ROSE]

شكثر كتبت وتسكرت الصفحة :cry2:


المهم بحاول الخص اللي في بالي



فعلا اللهجات الخليجة اختطلت في الفترة الاخيرة وخاصة بعد انتشار

النت والمنتديات وغرف الشات اكثر واكثر

بس تعقيبي انه مافيه اي خوف من تداخل اللهجات الخليجية ولكن

الخوف من دخول المصطلحات الاجنبية على لهجتنا العربية

الاصيلة وهني الواحد يخاف فعلا على لغته ولهجته من الاندثار :secret: ( بالغت صح )


غيرة وموضوع رائع اخوي :unsure: الزاجل

بارك الله فيك

[BARBICAN]

ماشاء الله , مواضيع المنتدى قامت تناقش مواضيع مهمه وحساسه ..!!

الله يهداك ياخوي يالزاجل .. نصيحتي لك , خذ لك راحه كم يوم وابتعد فيهم عن النت وعوار الراس .. وارجع بعدها بأفكار ومواضيع جديده احسن من هالموضوع .


بما اننا ناقشنا كل قضاينا الوطنيه وحلينا كل مشاكلنا العربيه والاسلاميه والاقليميه

عادي نتناقش في شئ أهم من كل ما ذكــر آنفــاً

والا مب عدله علينا ننسى لهجتنـــّــا

:yawn:

[jajassim]

ان شاء الله توصل إلى نتيجة مفادها :whistling:



ياحبك اللعب على الحبلين :cool:

[عبدالله العذبة]

الزاجل انت تقصد مو ولا كلمة مش و تنطق مُش:eek5::eek5::eek5:؟

[اناقه]

من وجهة نظري

اعتقد ان الكلمات الدخيلةعلى لهجتنا اكتسبناها من معاشرتنا للجنسيات المختلفة

يعني مثلا انت تداوم مع شاميين 7 ساعات في اليوم

و ما تتكلم الا معاهم فشيء اكيد ان لهجتك شوي يصير فيها كلمات دخيله

و هذي و جهة نظر

و شكرا



* للتنويه : ذكرت شاميين على سبيل المثال لا اكثر ولا اقل

[السامـي]

الزاجل...إذا على الكلمات الدخيلة فـ فية اشياء كثيرة
لازم انها تتناقش.
وبـالمرة شف لي ذي كيف تنكتب
"ابوفلان"وتنكنتب"بوفلان".
حللها.

[الزاجل]

صراحه كلامك صحيح ماعندنا شي اسمه مو ،، والبعض طايحين فيها . مدري ليش يعني انهم متحضرين ؟؟ مو !!!!
هذا اللي ابي اعرفه هل يعتبر تطور تحضر لو بدلنا كلماتنا
بكلمات ثانية ؟
ابي اعرف منهم شخصيا اللي يستخدمون مو واكو وما كو ..


انا الحمد لله دايما على طبيعتي ونفس اللهجه والطريقه اللي اتكلم فيها داخل النت نفسها برع
النت . . . لكن المشكله ان في بعض الاعضاء يستخدمون لهجات غير عن اللهجات اللي يتكلمون فيها في الحياة الواقعيه وتلقى الواحد طايح لك على بدوي عشان يتقن اللهجه وايي المنتدى يتكلم بلهجة البدو وتلقى البدوي يسوي نفسه متحضر
ويتكلم باسلوب الحضر ويستخدم (( مو )) وغيرها من الكلمات
ماادري ليش هذا الشي يصير
هل هو لجذب الانتباه بطريقة الكلام
يعني الواحد شيستفيد لما يتصنع في طريقة كلامه

ثانكس يالزاجل ع الموضوع

عاد يا لامار القضية عندك تشبعت وجمعت اللي يتعمد يتكلم بدوي
وهو مب بدوي واللي يتعمد يستخدم كم كلمة انجليزية وهم حدها عنده..
انضيف هالشي لفرع من فروع الموضوع ونترك المجال للجميع بالمشاركة


يمكن السبب (حب الاختصار) بدال مايكتب (مهوب) 4 احرف او (موب) 3 احرف يكتب (مو) حرفين

والدليل انك (ما تسعها) بس (تشوفهاااااا)
ما ادري اشوفه سبب مب مقنع بالنسبة لي
لكن بعد يحتم لعي احترم تخمينك :victory:


يعني الحين مو صارت كشخه خخخخخخخخخخخخخخخخخخخ
والله حركات عليهم
اووووووووووووووف
ما شفت شي
ادخلي منتديات المدارس المستقلة
وشوفي اشلون صاروا مو مات في ردودهم .
تقول داش منتدى خليجي مب قطري ..
ولما تسأل مب هذا فلان يقولون لك ايه
طيب هذا كلامه غير على الطبيعة
يقول لك لزوم البرستيج النتي :secret:


:rolleyes2:
المهم في الاخر توصل المعنى
<<<استخدم مو ولاتقول موضة والا كشخة هي جذي تطلع ن نفسها مع الكلام
وساعات مب يعني وسط الكلام تطلع الكلمة ومدام ماتغير بمعنى الكلام شي عادي وين المشكلة فيها؟
شكرا لك
طيب ليش ما يستخدمها خارج النت ؟ :omen2:


موضوع حلو للدردشه
أنا عن نفسي كنت اشارك في منتديات خليجيه وكنت أكتب "مو"
ولما جيت لمنتدى الأسهم القطرية رجعت لأصلي وقمت أكتب "مب"
أحلى تحيه للناقد الكبير الزاجل :yes:

دردش وفش خلئك:rolleyes2:
شي طبيعي لما تقعد في منتديات كويتية نقول فلان
تأثر بالمنتديات الكويتية والتأثر هذا طبيعي جدا ..

لكن لما الزاجل مثلا ما دخل منتديات كويتية
واتشوفه كل يوم كاتب لك مو متأكد
مو عارف ...> مب يبي له بان :secret:

تحيتك مقبولة
واهلا وسهلا يا انسان :victory:

[اناقه]

تخيل انت في الدوام.. تسولف مع لمدير.. وفجأه تقول له برب ويرد عليك تيت وتورح لشغل ثاني



ههههههههههه

لا تستبعد ان حياتنا تستوي ماسنجريه

الله يرحمنا برحمته

[ورقــة أمــل]

اذا قلت مو قالو عنك كويتي

اذا قلت وش قالو عنك سعودي

اذا قلت شوو قالو عنك اماراتي

اذا قلت ايس فيه قالو هندي

في نظري كل واحد يتمسك بمرادفاته القطرية عشان لا نتلخبط في المستقبل ولا نعرف

فلان من اي دولة...

والقصد ليس التفريق بين الناس لكن كل انسان المفروض يتسمك بلهجة بلاده ويفتخر بها

مهما كانت ولا يقلد لهجة غيره لمجرد ان يختلط بهم.............

[الزاجل]

يمكن هم يختلطون نتيا بغير المنتديات شات وخلافه هذا بعد يؤثر
بس بعض الاشخصا لهم اكثر من قاموس على حسب الوضع الي يستخدمونه فيه قاموس للنت وفيه قاموس للشات وفيه قاموس للحياه العامه وقاموس للحياه الخاصه تعددت القواميس والشخص واحد:rolleyes2:
مثل كلمة برب وتيت ويب :) كلها نتيه هالمصطلحات
هذيلا محترفين يا اللورد .. برب وتيت غير
لأنها اختصارات لغة اجنبية .. الكل يستخدمها في كل مكان
يعين المصري ممكن يكتب لك برب
والقطري برب
والهندي برب
الكل بيفهمه
لكن الكويتي ما بيكتب لك موب او مهب او مب ....> صح والا لا ؟
لانه معتزي بلهجته وما بيعد اي كلمة مب كويتية مصدر خفة ..


اي والله صـدقت
:omen2::omen2:
ادري انت اتعاني منهم واتشوفهم وااايد :rolleyes2:



غبت ورديت وانت على ماانت يالزاجل مثل دهن العود المعتق كل ما عتق زان ريحه
عسى الله ان يثبتك على طريق الصواب
من وجهة نظري ان مو نفس كلمة ok في كل جمله لازم نقولها
وهي دخيله حالها حال غيرها
وانا ادري ان موضوعك فيه معاني اكثر من كلمة مو
وفي فئه من الفئات الثلاث تعلمت من احد الفئات هذي بعض المفردات اذا ماكان الكلام كله وبالذات التحفى
فهذا شي طيب انه تعلم او طبق شي زين
فـ ليش احنا ناخذ الي مب زين ؟؟؟ وليش انخلي كلامنا العدل اللي بالعكس كلن يتعلمه ويتمناه
لكن كلمة مو ممكن بعض الناس وانا ماازكي نفسي عنهم
انه يقولها سهواً او من كثر ماتردد عل مسامعه فأصبحت ترن في اذنه وقام يقولها
لكن مب:nice: احلى واشخص من مو:thumbdown:
يا جهة مجهولة ربنا يعطر لك ايامك كلها بالعود ودهن العود يارب العالمين
وتكون ممن يتم استقبالهم بأطيب الأرياح والروائح ..
بصراحه مو مو ستايل كلش:victory:
وسلم على صاحبك وقوله مافي احلى من شد الوكاله
والثوب الطويل ايتع

يا جهة مجهولة ربنا يعطر لك ايامك كلها بالعود ودهن العود يارب العالمين
وتكون ممن يتم استقبالهم بأطيب الأرياح والروائح ..

شوف بكل صراحة امور كثيرة خلتني اكتب هالموضوع
اولا بديت اشوف لهجتنا القطرية بدت تتغير في ابسط كلماتها
و لما تسألهم ليش ؟ يردون عليك ستايل يديد وتطور وخفة وطيران :omen2:
ثانيا : احنا امام شباب مب عارفين شنهو يعني تطور ورقي وخفة وطيران
ومغتشين باشوية حركات وكلمات كأنهم ابلغوا السما لو رددوها .
ثالثا : طبعا مب اشكل واكثر استايلا من مو
على الأقل بالنسبة لي كمستخدم لمب ..
واتمنى ان عيال بلادي يتمسكون بلهجتنا القطرية
و ما يتم فيها اي تغيير بأي مسمى كان ..
واذا حابين يغيرون عندهم اللغة الأم ..اشكل واقوى وارز :nice:


كلمة مو نفس برب و تيت و لوول
نكتبها ولا نقولها في الحياه العامه
تخيل انت في الدوام.. تسولف مع لمدير.. وفجأه تقول له برب ويرد عليك تيت وتورح لشغل ثاني
كمة مو نستخدمها تأثرا في اخواننا الكويتيين وذلك لاختلااطنا معاهم سواء بالدراسه والشات
عموما..
يالله برب

اشمعنى اخواننا الكويتيين يقولون مو في النت وخارج النت ؟
لأن النت مال خص في النت هذه كلمة اساسية في لهجتهم الكويتية :victory:
يالله طيط


شكثر كتبت وتسكرت الصفحة :cry2:
المهم بحاول الخص اللي في بالي
فعلا اللهجات الخليجة اختطلت في الفترة الاخيرة وخاصة بعد انتشار
النت والمنتديات وغرف الشات اكثر واكثر
بس تعقيبي انه مافيه اي خوف من تداخل اللهجات الخليجية ولكن
الخوف من دخول المصطلحات الاجنبية على لهجتنا العربية
الاصيلة وهني الواحد يخاف فعلا على لغته ولهجته من الاندثار :secret: ( بالغت صح )
غيرة وموضوع رائع اخوي :unsure: الزاجل
بارك الله فيك
:eek5::eek5::eek5:
اشوف من الأفضل ان الواحد يعبر عن نفسه من خلال لهجته
وشكرا لك اختي روز :omen2:





بما اننا ناقشنا كل قضاينا الوطنيه وحلينا كل مشاكلنا العربيه والاسلاميه والاقليميه
عادي نتناقش في شئ أهم من كل ما ذكــر آنفــاً
والا مب عدله علينا ننسى لهجتنـــّــا
:yawn:

:rolleyes2:
يعني ناطرين مني احل مشاكلكم العربية والاسلامية والاقليمية ؟
وانتوا بس جذيه كله تبون العالم يكتبون لكم وانتوا ما تتحركون ؟ :rolleyes2:


ان شاء الله توصل إلى نتيجة مفادها :whistling:
ياحبك اللعب على الحبلين :cool:
اشدعوى شغال في سيرك العب على حبلين ؟ :omen2:
ان شاءالله بوصل لنتيجة مفادها .. ان البعض بيفكر وبيقرر
واللي يقرره هو يعود عليه فيما قرره :victory:


الزاجل انت تقصد مو ولا كلمة مش و تنطق مُش:eek5::eek5::eek5:؟

اقصد مو :secret:



من وجهة نظري
اعتقد ان الكلمات الدخيلةعلى لهجتنا اكتسبناها من معاشرتنا للجنسيات المختلفة
يعني مثلا انت تداوم مع شاميين 7 ساعات في اليوم
و ما تتكلم الا معاهم فشيء اكيد ان لهجتك شوي يصير فيها كلمات دخيله
و هذي و جهة نظر
و شكرا

* للتنويه : ذكرت شاميين على سبيل المثال لا اكثر ولا اقل

صح كلامك من معاشرتنا .. لكن الموضوع يقول من غير معاشرة
صارت موضة واستايل حسب كلامهم :secret:

عفوا لك



الزاجل...إذا على الكلمات الدخيلة فـ فية اشياء كثيرة
لازم انها تتناقش.
وبـالمرة شف لي ذي كيف تنكتب
"ابوفلان"وتنكنتب"بوفلان".
حللها.

عاد هذا عليك
افتح لك موضوع وخلنا ندلوا بدلونا هناك :secret:

[الزاجل]

اذا قلت مو قالو عنك كويتي

اذا قلت وش قالو عنك سعودي

اذا قلت شوو قالو عنك اماراتي

اذا قلت ايس فيه قالو هندي

في نظري كل واحد يتمسك بمرادفاته القطرية عشان لا نتلخبط في المستقبل ولا نعرف

فلان من اي دولة...

والقصد ليس التفريق بين الناس لكن كل انسان المفروض يتسمك بلهجة بلاده ويفتخر بها

مهما كانت ولا يقلد لهجة غيره لمجرد ان يختلط بهم.............

طيب لو قالوا اشهست ؟ :secret:

[هاجن داز]

كلامك صحيح اخوي الزاجل

لكن انا مقهور من كلمه دارجه بين الشباب الصغار

كلمة (( شدخّل ))

ترفع ضغطي... ومايقولها الا الشباب....

والا ماعمرنا سمعناها !!

[pink girl]

جسيمان خلني اول شي اقول زين اني اثرتك وخليتك تكتب
بدل ما تكون متابع على الصامت :eek5:
فاهلا وسهلا بك معانا ..



اسمح لي اقول لك ان كلامك صحيح في جزئية
تعريف اللهجة العامية و ما اختلف معاك ابدا في كل ما ذكرته..
بس اتمنى انك تتفق معاي ...> طبعا اذا حبيت
ان لكل دولة لهجة خاصة بها
فمثلا لما انشوف قطري مثلا يقول باسير او ازجر على فلان
اول ما يتبادر الى اذهاننا ان الشخص هذا تعايش مع اخواننا
الإماراتيين ..فمن طريقة اللهجة تتعرف على الشخص ..

ولما انشوف مثلا شخص يقول اكو او ماكو او مو
اكيد بنقول انه تعايش مع اخواننا الكويتيين ..
اهنيه ما نقدر نقول ليش فلان قال اكو والا قال ما كو..
فتمازج اللهجات في هالحالة طبيعي وصحي جدا جدا جدا :eek5:

لكن لو ردينا لرد اختنا لوجين ( اللي وايد شباب مثلها من الجنسين )
يقولون نستخدم الكلمة من باب انها خفيفة
البعض يقول نستخدم الكلمة من باب انها مودرن
واللي سمعته بأذوني يقول لي تدل على الرقي ..

فلو رديت يا اخوي جسيمان للشباب نفوسهم
تستغرب من نظرتهم للكلمة بحد ذاتها ..

يستخدمونها بس في النت
لكن خارج النت لا..

فهل تمازجت اللهجات في النت
لما العضو ما يشارك الا في منتديات قطرية
واتحصله يكتب مو مو مو ؟
او يهذر على المسن ( دلع المسنجر) وكله مو و مو
وهو في حياته الطبيعية ما يقول مو او اكو ؟

يمكن طرحي للموضوع يستغرب منه البعض
لكن لو ركزت فيه ترا الشباب يستخدمون مصطلحات
واحنا بشكل عام مب عارفين اشلون ينظرون للموضوع ..

فلما تنتشر ثقافة مو على انها رقي او تميز او ستايل للفت الانتباه ما بين الشباب
والاستخدام هذا ما بيكون الا في النت
واتشوف اعذار اشكال والوان
مثل
ان الكلمة اخف ...> اشلون صارت اخف يعني حطوها في الميزان مثلا ؟..> لحد يعقب :secret:
فهل الكلمة خفيفة في النت و ثقيلة في الحياة العامة ؟
او اتحصل فلان يقول لك
عجبتني الكلمة وشفت فلان كتب مو رحت كتبت مو وادور لي عذر ؟
لكلمته وناقشته على الطبيعة
ما اتشوف كلمة مو طالعة منه ولو بالغلط ؟

طيب ليش هالتناقض مع النفس ؟

اهنيه لازم تكون لنا وقفة مع الشباب ونبين لهم ان
التميز مب في استخدام كلمات ما انطبقها في حياتنا
وان كانت كلمة مو ..

فإذا سهل يتلون حسب استخدامه للكلمات
بيصير عنده اسهل انه يتلون بالمواضيع ..

نقول له بشكا عام
انا كشخص افرض كياني
افرضه بكل ما فيني من مزايا وعيوب وحسنات وسيئات
يمكن يكتشفها البعض ويمكن يسهى عنها البعض
ولكن لابد ان افرض كياني بطبعي وبكلماتي اللي استخدمها في الواقع اليومي ..

ليش بنتي مثلا
اشوف مواضيعها فيها مو
وفي البيت ما اشوف منها كلمة مو؟
ليش تستحي بنتي تقول مو جدام عمامها وخوالها مثلا ؟
دام انها واثقة ان الكلمة تدل على رقي وخفة
ليش تسحبها في الحياة الحقيقية ؟
ملاحظتك على الراس والعين
ونقول للمرة الثانية اهلا وسهلا بك:victory:




ملاحظة على الهامش الأيسر اكثرت هوامشه :omen2:
متملل من رقم مشاركاتي وخاطري امسحه
ان شاءالله لصرت مدير المنتدى بطيب خاطري ..:secret:




الاخ الفاظل الزاجل

انا بنت مش واحد وبعدين اسمي جاسمين يعني ياسمين بالأنجليزي .

الاخ العزيز مثل ما قلتلك المفردات واللهجات تتغير بأستمرار بتغير انماط واطياف

المجتمع الواحد .

على سبيل المثال لو تغيرت التركيبه الديموغرافيه( وهذا الحاصل طبعا عندنا ) وجاؤا

شريحه كبيره من سكان الامارات وعاشوا فى قطر فتأكد ان مفردات مثل باسير وازجر على

فلان بتكون طبيعيه لانها اصبحت بفعل عوامل عديده جزء من المفردات المحليه .

مثل ما قلتلك لا تستغرب او تستهجن شئ يمس اللهجه وتركيبة المفردات الخاصه بها

لان مع الايام ستصبح جزء من هذه اللهجه ولن تستهجن من متحدثيها .

تحياتي لك

[سعود ناصر]

اصلاً لو تشيك على اللهجة القطرية قبل خمسين سنة تلقاها مختلفة 180 درجة قبل اللهجة القطرية يغلب عليها الطابع البدوي لكن مع ظهور النفط وهجرة الاجانب والبلوش والهولة الى قطر اثر على اللهجة بشكل كبير حتى وصلنا الى أم لخبا ولخويا لفدواية وصوط الخليج الصوط صوطك

[عبدالله العذبة]

حتى وصلنا الى أم لخبا ولخويا لفدواية وصوط الخليج الصوط صوطك

أهم ما في الأمر لخويا و لكويت و لفداوية و لذخيرة و لعطورية و لجميلية...

[ورقــة أمــل]

طيب لو قالوا اشهست ؟ :secret:

اشهست قطري وبحريني :rolleyes2:

خلنا في الموضوع

ياحبكم للسوالف :tease:

[maryam5]

السلام عليكم ورحمة الله وبركاته

بصراحة الكلمة ما نستخدمها - وغريبة

مو؟؟؟ حتى احس لما اقول مو ما ادري شنو يصير بلساني وبراطمي كأني أخرع حد خخخخخخخ

شكراً

[إنسان]

أنا قلت عن الموضوع انه حلو للدردشه

وكنت اقصد انه موضوع حواري فيه اخذ ورد

والدليل ألولو :nice:

يا ما شفنا مواضيع جاده كان مصيرها ردود معدوده على اصابع اليد

وينتهي بها المطاف في الصفحات الخلفيه فتختفي وتصير منسيه

لكن في مواضيع أوصفها بالشعبيه الكل يقول رايه

بما فيهم المعترضين لدرجة انك تشوف اسامي ونكات ما قط شفتها من قبل

والدليل هالمره مب ألولو .. الدليل جاسمين :victory:

هذي النوعيه من المواضيع هي ملح المنتدى ولولاها نشوف الأعضاء

يتململون .. من التململ وليس التملل ;)

ويبدا وصف المنتدى بالممل ويزهق العضو ويشوف له شوفه ثانيه

أشكرك اخوي الزاجل انك حركت المياه الراكده

ومب شرط يكون الموضوع ذو قيمه

بقدر ما يخلينا نسولف وندردش ونتحاور

تدرون ليش

لأني اشعر اني قاعد في مجلس وكلن يقول سالفه

وسالفه تجر سالفه

بس المشكله لما يصير عندنا تشبع من المواضيع الجاده

فالفرفشه مطلوبه .. الزبده هي

ساعة وساعه

وسلامتكم :yes2:

[qatari1]

أخوي الزاجل...

أرى أن الموضوع لا يتناسب مع عقليتك، وطريقة تفكيرك....

وغريبة منك أن تنزل بتفكيرك-الذي عهدنا راقياً ومفيداً- إلى هذا الدرك!

وما الهدف من موضوعك؟!

ماذا تفرق لو أن أي قطري-أياً كان أصله أو عرقه- قال "مب" أو" مو"؟!

ولمذا حصرت المعنى في هذين اللفظين فقط؟!

هل تعلم أن هناك لفظين آخرين هما "هُب"، و" مُهب" يستخدمان من القطريين في معنى "مو" و"مب"؟!

كما ان لفظ "مش" دارج أيضاً، ولا اعتراض عليه...

فهل من يقول "هب" أو "مهب" ليس قطرياً؟

وما الضير في استخدام كلمة "مو" أو" مب" أو" مش" ؟!

سأقول لك معلومة إضافية....

كثير من أخواننا البدو يستخدمون كلمه "برضه" بمعنى أيضاً، تماماً كما يستخدمها المصريون، وإن كان تلفظ بالظاء بدلاً من الضاد! فهل في ذلك مشكلة؟!

التعليم، والسفر ووسائل الإعلام، والاحتكاك اليومي بالأخوان العرب عدا عن صلات النسب والقرابة مع الدول المجاورة يؤدي إلى دخول مصطلحات جديدة إلى اللهجة المحلية، والمعروف أن اللغات تتطور، وتتغير مع الزمن، ولا تبقى على حالها نقيةً خالصة.

ولماذا لم تعترض على الكلمات الهندية والفارسية المستخدمة في لهجتنا الوطنية مثل قوطي ودريشة وسنطوانة، وغيرها؟!

والسموحة على التعقيب...

[هتـان قطر]

ماشاااااااااااااالله عليكم .....الاغلبيه كانوا مستحقرين الموضوع

والدليل المشاركات اللي ضاربه التوب....:eek5:

والا علشان الزاجل اللي كاتب الموضوع.......علشان كذا الكل

ادلى بدلوه....؟:omen2:

ماعلينا.....كلمة مو مثلها مثل

اغلبية الكلمات النتفه اللي ما توجد في اي معجم ايا كانت لغته

مثل : ويه ...بل ( بتفخيم الباء) ...فله ( مع فتح الفاء)...

شكرا الزاجل على اتاحة الفرصه للتعبير عن استهجاننا للكلمات

الدخيله على لهجتنا المحليه....

لا لكلمة مو ...برب..توت ..عنخ ...امون

[alsenjari]

أولا : كل الاحترام لصاحب الموضوع أخي الزاجل

ثانيا : أمتنع عن التعليق نظرا لسخافة الموضوع ولأنه يثير العنصريه بين الهوله والبدو والحضر اللي هم المواطنين وفق مفهوم الزاجل (المواطنين القطريين وفق مفهومي أنا )

[tomtom77]

امممم حلوه وربي بقولك أحتمال أنتقلت الكلمه من دوله مجاوره خبرك من كثر ما يروحون لها الشباب تأثروا

[بنت الأجواد]

هههههههههههههه

شكرا موضوع حلو .....

[التـسـعـة]

أنا بصراحة انسان أقول لـيـس :nice: هههههههههه

[المطرقة]

اخوي الزاجل بصراحه ماعندك سالفه :rolleyes2:

[الزاجل]

كلامك صحيح اخوي الزاجل

لكن انا مقهور من كلمه دارجه بين الشباب الصغار

كلمة (( شدخّل ))

ترفع ضغطي... ومايقولها الا الشباب....

والا ماعمرنا سمعناها !!
بل اشدخل اشكثر نستخدمها :eek5:كنوع من انواع الرد بالرد :omen2:


الاخ الفاظل الزاجل

انا بنت مش واحد وبعدين اسمي جاسمين يعني ياسمين بالأنجليزي .

الاخ العزيز مثل ما قلتلك المفردات واللهجات تتغير بأستمرار بتغير انماط واطياف

المجتمع الواحد .

على سبيل المثال لو تغيرت التركيبه الديموغرافيه( وهذا الحاصل طبعا عندنا ) وجاؤا

شريحه كبيره من سكان الامارات وعاشوا فى قطر فتأكد ان مفردات مثل باسير وازجر على

فلان بتكون طبيعيه لانها اصبحت بفعل عوامل عديده جزء من المفردات المحليه .

مثل ما قلتلك لا تستغرب او تستهجن شئ يمس اللهجه وتركيبة المفردات الخاصه بها

لان مع الايام ستصبح جزء من هذه اللهجه ولن تستهجن من متحدثيها .

تحياتي لك
اللحين اشجاب جسيمان عند جاسمين
سوري يا الياسمين الكبر شين .. والحروف تبادلت مواقعها ..

مع احترامي الشديد لك .. اشوف الغالبية ركز على كلمة مو على انها
كلمة ممكن نتناقلها كشعب خليجي .. وما ركز جيدا على ردود اللي
يستخدمون الكلمة ونمط تفكيرهم ..
فأعيد واكرر.. ان من يستخدم الكلمة هذه من الشباب
ما يستخدمها على انها كلمة خليجية وانه تأثر فيها من خلال
اختلاطه او تمازج اللهجات ..
اللبعض او الكثير من الشباب يستخدمها على انها استايل
حلو يدل على الرقي والتطور ..
فهل هذا صحيح يا اخت ياسمين ؟
اني كشخص او شاب ابين تطوري عن طريق استخدام
كلمات معينة مثل مو او غيرها ؟
بغض النظر عن اللي بالفعل متأثرين بالكلمة بحكم
احتكاكهم مع شعوب هذه الكلمات ..

[الزاجل]

اصلاً لو تشيك على اللهجة القطرية قبل خمسين سنة تلقاها مختلفة 180 درجة قبل اللهجة القطرية يغلب عليها الطابع البدوي لكن مع ظهور النفط وهجرة الاجانب والبلوش والهولة الى قطر اثر على اللهجة بشكل كبير حتى وصلنا الى أم لخبا ولخويا لفدواية وصوط الخليج الصوط صوطك

يا اخونا سعود ناصر
الدولة شافت ان الرجوع لمثل هالمصطلحات القطرية كنوع من المحافظة على التراث
علشان الكلمات ما تندثر .
و لفظ هالكلمات يعتمد اذا كان فيها الف ولام شمسية او قمرية
فاللفظ غلط ينكتب على شكله ..
وشكرا لك

اشهست قطري وبحريني :rolleyes2:

خلنا في الموضوع

ياحبكم للسوالف :tease:
بل احرجتني :shy:


السلام عليكم ورحمة الله وبركاته
بصراحة الكلمة ما نستخدمها - وغريبة
مو؟؟؟ حتى احس لما اقول مو ما ادري شنو يصير بلساني وبراطمي كأني أخرع حد خخخخخخخ
شكراً
وعليكم السلام ورحمة الله وبركاته
في ناس يستخدمونها ودارجة في المنتديات الشبابية وبكثرة كبيرة ..
بس الزين انهم معترفين انها مب كلمة قطرية .
بس اللي مب زين انهم يقولون انها ستايل حلو ..


أنا قلت عن الموضوع انه حلو للدردشه
وكنت اقصد انه موضوع حواري فيه اخذ ورد
والدليل ألولو :nice:
يا ما شفنا مواضيع جاده كان مصيرها ردود معدوده على اصابع اليد
وينتهي بها المطاف في الصفحات الخلفيه فتختفي وتصير منسيه
لكن في مواضيع أوصفها بالشعبيه الكل يقول رايه
بما فيهم المعترضين لدرجة انك تشوف اسامي ونكات ما قط شفتها من قبل
والدليل هالمره مب ألولو .. الدليل جاسمين :victory:
هذي النوعيه من المواضيع هي ملح المنتدى ولولاها نشوف الأعضاء
يتململون .. من التململ وليس التملل ;)
ويبدا وصف المنتدى بالممل ويزهق العضو ويشوف له شوفه ثانيه
أشكرك اخوي الزاجل انك حركت المياه الراكده
ومب شرط يكون الموضوع ذو قيمه
بقدر ما يخلينا نسولف وندردش ونتحاور
تدرون ليش
لأني اشعر اني قاعد في مجلس وكلن يقول سالفه
وسالفه تجر سالفه
بس المشكله لما يصير عندنا تشبع من المواضيع الجاده
فالفرفشه مطلوبه .. الزبده هي
ساعة وساعه
وسلامتكم :yes2:
انسان..
حسب خبرتي الميدانية في المنتديات .. لما كتبت هالموضوع متوقع هجوم
من اخواننا الكويتيين لربما يزعلون ليش انتقدنا استخدام هالكلمة ..
بالاضافة الى اثارة حفيظة القطريين اللي يستخدمونها ..
لكني ما توقعت ابدا ان القطريين يدخلون و يفسرون الموضوع على كيفهم ..
اتشوف اللي مب عاجبه الموضوع
لكنه دخل وعبر عن رايه .. طيب اذا الموضوع مب اوكي
ليش مسجل حضورك فيه ؟
علشان بس تقول للزاجل موضوعك تافه ؟
او تقول موضوع غلط ؟
للحين ما شفت واحد قدر يقول لي
هل كلمة مو مودرن ؟
هل هي اتدل على التطور ؟
هل يدركون ليش الشباب يستخدمونها ؟
ما اعتقد ..crazy
اعتب عليهم لما يشاركون في أي موضوع ويردون لمجرد الرد
من غير ما يراجعون الردود او يركزون في الموضوع ..
ومع هذا شاكر لك مداخلتك هذه ..


أخوي الزاجل...
أرى أن الموضوع لا يتناسب مع عقليتك، وطريقة تفكيرك....
وغريبة منك أن تنزل بتفكيرك-الذي عهدنا راقياً ومفيداً- إلى هذا الدرك!
وما الهدف من موضوعك؟!
ماذا تفرق لو أن أي قطري-أياً كان أصله أو عرقه- قال "مب" أو" مو"؟!
ولمذا حصرت المعنى في هذين اللفظين فقط؟!
هل تعلم أن هناك لفظين آخرين هما "هُب"، و" مُهب" يستخدمان من القطريين في معنى "مو" و"مب"؟!
كما ان لفظ "مش" دارج أيضاً، ولا اعتراض عليه...
فهل من يقول "هب" أو "مهب" ليس قطرياً؟
وما الضير في استخدام كلمة "مو" أو" مب" أو" مش" ؟!
سأقول لك معلومة إضافية....
كثير من أخواننا البدو يستخدمون كلمه "برضه" بمعنى أيضاً، تماماً كما يستخدمها المصريون، وإن كان تلفظ بالظاء بدلاً من الضاد! فهل في ذلك مشكلة؟!
التعليم، والسفر ووسائل الإعلام، والاحتكاك اليومي بالأخوان العرب عدا عن صلات النسب والقرابة مع الدول المجاورة يؤدي إلى دخول مصطلحات جديدة إلى اللهجة المحلية، والمعروف أن اللغات تتطور، وتتغير مع الزمن، ولا تبقى على حالها نقيةً خالصة.
ولماذا لم تعترض على الكلمات الهندية والفارسية المستخدمة في لهجتنا الوطنية مثل قوطي ودريشة وسنطوانة، وغيرها؟!
والسموحة على التعقيب...

اخوي قطري .. الزاجل انسان مثله مثلك مثل غيرك
لاهو فوق راسه ريشة ولا بهو غير عن اي عضو في هالمنتدى
وبما انك تقول لي ان عقليتك وطريقة تفكيرك
ليش ما قدرت عقليتي عندما طرحت الموضوع ونظرت له
من خلال نظرتي له .. ؟
وعلى هالأساس
اسمح لي اعتب عليك لأنك صاحب مكانة في المنتدى وصاحب
صلاحية .. المفروض قبل ما تدخل واتعقب على اي شي
تتمحص المكتوب تمحص جيد ..
فهذا انت يا اخونا قطري شاركت في الصفحة السادسة ..
وبنيت كلامك على مفهومك الأول لقراءة الموضوع
وما تعبت نفسك تقرأ الردود .. فاسمح اني ادبل العتب عليك ..

وبشرح لك الموضوع


عندك عيال في البيت
اتشوفهم يتكلمون في المسنجرات
اتابع مشاركتهم في المنتديات
اتطيح عيونك على كلمة مو
واتشوفهم يستخدمونها في عالم النت بكثرة هم واللي معاهم ..

تسألهم اشبلاكم على كلمة مو؟
يقولون لك اشفيها يعني ؟
تقول لهم طيب مب اشفيها .. ليش ما تنقال ؟
يردون عليك :
مو مودرن وستايل .. والواحد يحس انه متطور وخفيف لما يقولها ..
والبعض قال لي : انها اتدل انهم مثقفين واصحاب خلفية كتابية جيدة :omen2:

فأرجع واقول لك
هل بالفعل استخدام الشباب لهالكملة وبهذا المفهوم صحيح ؟
هل صحيح عيالنا يتعاملون مع الألفاظ على انها بترقيهم؟
مع اني ضد ان عيالي يستخدمون كلمات غير قطرية
يمكن بتقول عني عنصري بتقول عني هتلري
لكني في الأخير ابي عيالي و عيال غيري يتكلمون لهجتنا دام ان مافي تأثير
مباشر على لهجتهم بسبب التعايش والتقارب ..

بس نظرة الشباب للكلمة واستخدامها في عالم النت فقط
اهنيه هو اساس ولب الموضوع اللي اشوف ان الغالبية العظمى
ركزوا على شي والموضوع يتكلم عن شي ثاني ..




الخلاصة :
حسب متابعتي للشباب في المنتديات وحسب مشاهداتي
شفت ان كلمة مو مب قطرية كلش .. ولها بديل في اللهجة القطرية
تم الاستغناء عنها على اساس ان مو مودرن وستايل و وخفة وتطور في المفاهيم ..
فهل هذا صحيح ؟

[الزاجل]

ماشاااااااااااااالله عليكم .....الاغلبيه كانوا مستحقرين الموضوع
والدليل المشاركات اللي ضاربه التوب....:eek5:
والا علشان الزاجل اللي كاتب الموضوع.......علشان كذا الكل
ادلى بدلوه....؟:omen2:
ماعلينا.....كلمة مو مثلها مثل
اغلبية الكلمات النتفه اللي ما توجد في اي معجم ايا كانت لغته
مثل : ويه ...بل ( بتفخيم الباء) ...فله ( مع فتح الفاء)...
شكرا الزاجل على اتاحة الفرصه للتعبير عن استهجاننا للكلمات
الدخيله على لهجتنا المحليه....
لا لكلمة مو ...برب..توت ..عنخ ...امون

اممم
احتمال الزاجل هو السبب في الضجة والا الموضوع يمكن يكون تافه
وهذا يدل على حبهم للزاجل :eek5: واللهم زيد وبارك ....> زين ذكرتِ ربج ..

هتان
احنا تبطلت عيوننا وكبرنا على كلمات شفناها جدامنا
ورثناها وبنورثها ان شاءالله لعيالنا ..
قد تكون مثل هالكلمات مالها اساس في اللغة الفصحى ولكنها معبرة
في لهجتنا ...> والأهم الواحد يعرف يعبر بدل ما يسكت ..

الموضوع ما يتكلم عن الكلمات الدخيلة بشكل عام
الموضوع ركز على نمط تفكير الشباب و تعاملهم معاها في عالم النت
بينما خارجه مالهم خص فيه .. و يستحون يقولونه
يعني اتحصلين بنت الزاجل مثلا
تكتب في النت مو بدل موب
لكن في البيت مستحيل تقول مو وتستحي لما نطلب منها مثلا قولي مو
ولا تقولين مب ..


امممم حلوه وربي بقولك أحتمال أنتقلت الكلمه من دوله مجاوره خبرك من كثر ما يروحون لها الشباب تأثروا
هي من ناحية الانتقال انتقلت ما فيش خلاف عليها خالص واصل ..


هههههههههههههه
شكرا موضوع حلو .....

احم
العفو :omen2:


أنا بصراحة انسان أقول لـيـس :nice: هههههههههه
احمين
احسن لك :secret:


اخوي الزاجل بصراحه ماعندك سالفه :rolleyes2:
شكرا لك يا المطرقة

[الزاجل]

أولا : كل الاحترام لصاحب الموضوع أخي الزاجل

ثانيا : أمتنع عن التعليق نظرا لسخافة الموضوع ولأنه يثير العنصريه بين الهوله والبدو والحضر اللي هم المواطنين وفق مفهوم الزاجل (المواطنين القطريين وفق مفهومي أنا )

اولا : شكرا على احترامك يا اخونا السنياري

ثانيا : من حقك ان تمتنع عن التعليق ومن حقك ان تقيم الموضوع
وتعطيه درجة السخافة ..
ومن حقي اني ارفض هالتقييم لأن السخافة ما تطلع مثل الفقع مرة وحدة
الا اذا كانت نتاج فكر انسان سخيف ..

واسمح لي اضيف نقطة ثالثة تابعة للنقطة الثانية :
مب عارف في أي نقطة تطرقنا للعنصرية ما بين البدو والحضر والأهولة ؟

فهل لما نقول ان لكل من البدوي والحضري والهولي لهجة ولكنة خاصة
اكون اثرت العنصرية تجاه هالفئات ؟

فهل لما اتكلم عن لهجات كلنا نلمسها وانحسها ونقدر نفرقها عند سماعها
ما بين البدوي والحضري والهولي والعجمي من خلال نعمة السمع
اقول ان ذكرهم يؤدي الى اثارة العنصرية ؟

لا يا اخوي .. اسمح لي لك اقول لك ان مفهموك كان جدا ضيق
والتاريخ من الأساس اذا بتسجل فيه الحقائق تذكر مثل هالأمور
كأمانة تاريخية ..
فهل اذا اذكروا الأمريكان الهنود الحمر ولكنتهم الأمريكية
يثيرون العنصرية في أمريكا ؟

العنصرية تكون لو قللت من شأن هالفئات وبرزت لهجة على لهجة ثانية
ومدحت لهجة وذميت لهجة ثانية ..
لكنني مجرد اني اذكرها ذكر هذا ابدا ما يعتبر عنصرية يا اخونا السنياري..
فليس هناك تعدي على شي اسمه مواطن قطري
الا في موضوعي هذا ادافع عن لهجتنا القطرية
اللي يستخدمها البدوي والحضري والهولي ..
وشي طبيعي جدا جدا جدا جدا جدا ان الكلام البدوي غير عن الحضري
وغير عن الهولي في الكثير من الصطلحات والكلمات المستخدمة يوميا ..

[ابوسعود]

عندك عيال في البيت
اتشوفهم يتكلمون في المسنجرات
اتابع مشاركتهم في المنتديات
اتطيح عيونك على كلمة مو
واتشوفهم يستخدمونها في عالم النت بكثرة هم واللي معاهم ..

؟


اخوي الزاجل
انت جاوبت على سوالك
كلمة مو اختصار في الماسنجر والمنتديات
وكثير من الكلمات تجد لها اختصارفي عالم النت
مثل كلمة (( على الخاص )) تجدها( ع الخاص)
وكلمة مو لاتستخدم خارج النت والكلمه عاديه
مادامت للاختصار :telephone:

[FG]

متابع من بعيد

:)


للأسف صار الواحد لما يحاول يتمسك بلغته العربيه ((سخيف)).

للأسف صار الواحد لما يحاول يوضح وجهة نظره ببساطه ((سخيف)).

للأسف صار أشخاص معينين يكتبون سخيف ويحورون المواضيع ولاينمسح ردهم.... ولكن لما

المساكين مثلي يكتبون وجهة نظرهم بأحترام تنمسح ...

:)


شخصياً لم أرى أي عنصرية بالموضوع ..

[الزاجل]

اخوي الزاجل
انت جاوبت على سوالك
كلمة مو اختصار في الماسنجر والمنتديات
وكثير من الكلمات تجد لها اختصارفي عالم النت
مثل كلمة (( على الخاص )) تجدها( ع الخاص)
وكلمة مو لاتستخدم خارج النت والكلمه عاديه
مادامت للاختصار :telephone:

ابو سعود مع احترامي لك .. مقتنع بردك ؟
والا هو تبرير ؟
اختصار لأيش بالضبط ؟

للوقت ؟ للفترة الزمنية اللي ممكن تتحرك فيه الاصابع ؟
لأن الميم اقرب للواو من الباء ؟

هل اللي يستخدمون كلمة مو من الشباب
مقتنعين انها اختصار ؟

[الزاجل]

متابع من بعيد
:)
للأسف صار الواحد لما يحاول يتمسك بلغته العربيه ((سخيف)).
للأسف صار الواحد لما يحاول يوضح وجهة نظره ببساطه ((سخيف)).
للأسف صار أشخاص معينين يكتبون سخيف ويحورون المواضيع ولاينمسح ردهم.... ولكن لما
المساكين مثلي يكتبون وجهة نظرهم بأحترام تنمسح ...
:)
شخصياً لم أرى أي عنصرية بالموضوع ..

هلا الحبابي .. زين ما لحقت على كلمة ساقط ولاقط :rolleyes2:
بس الجماعة شلوها يومها طبعا مب في هالموضوع ..

بشكل عام يا الحبابي
عالم المنتديات ممكن تلقى منه كل شي
تكتب شي ينفهم منك شي ثاني ..
تقصد شي مفهومهم يصور لهم شي ثاني
ممكن بناء عليه
تنهان
تنسب
تنسحب جنسيتك ووطنيتك
وممكن لو حصل لهم ماخلوا عليك ملابس ..

اهم شي الواحد ما تزعزع ثقته بنفسه .....> اشعنده الواثق :omen2:

[السديم]

:secret::secret:

انت ماتيوز عن سوالفك ابد :rolleyes2:

[ROSE]

هلا الحبابي .. زين ما لحقت على كلمة ساقط ولاقط :rolleyes2:
بس الجماعة شلوها يومها طبعا مب في هالموضوع ..

بشكل عام يا الحبابي
عالم المنتديات ممكن تلقى منه كل شي
تكتب شي ينفهم منك شي ثاني ..
تقصد شي مفهومهم يصور لهم شي ثاني
ممكن بناء عليه
تنهان
تنسب
تنسحب جنسيتك ووطنيتك
وممكن لو حصل لهم ماخلوا عليك ملابس ..

اهم شي الواحد ما تزعزع ثقته بنفسه .....> اشعنده الواثق :omen2:



:secret::secret::secret:












:funny::funny:

[الزاجل]

:secret::secret:

انت ماتيوز عن سوالفك ابد :rolleyes2:

انت روحي عني بعيد مب فاضي مشاكل :discuss:


شوفي المتابعين
صدتهم
v
v
v
v
v

الزاجل , AL-ZAINA , الحبابي , السديم , ابن الوكره , ابوسعود , اودي A8 , mohamed ab , وطن

[الزاجل]

:secret::secret::secret:
:funny::funny:

:cool:

[ROSE]

انت روحي عني بعيد مب فاضي مشاكل :discuss:


شوفي المتابعين
صدتهم
v
v
v
v
v

الزاجل , AL-ZAINA , الحبابي , السديم , ابن الوكره , ابوسعود , اودي A8 , mohamed ab , وطن



وانا بس ماقدرت تصيدني :tease:

[ROSE]

زج زج ننتقل الى الجلسات يلا مانبي تشتيت

[ابوسعود]

ابو سعود مع احترامي لك .. مقتنع بردك ؟
والا هو تبرير ؟
اختصار لأيش بالضبط ؟

للوقت ؟ للفترة الزمنية اللي ممكن تتحرك فيه الاصابع ؟
لأن الميم اقرب للواو من الباء ؟

هل اللي يستخدمون كلمة مو من الشباب
مقتنعين انها اختصار ؟

اهلاااااااااابك الزاجل مره ثانيه
اخوي انا مقتنع انها اختصار
والكلمه مافيها شي لانها واضحه المعنى للكافه
وماعتقد الواحد اذا كتب في النت لازم يتقيد باصول الكلام
اللي ينقال في المجالس
ع العموم يسلموووووووووووو:omen2:

[الزاجل]

وانا بس ماقدرت تصيدني :tease:
انت يبي لج الخرجي يخالفج على المخفي :discuss:


زج زج ننتقل الى الجلسات يلا مانبي تشتيت

ما عليج اشتركت في السيرك اليوم
بلعب على الحبلين ..

اهلاااااااااابك الزاجل مره ثانيه
اخوي انا مقتنع انها اختصار
والكلمه مافيها شي لانها واضحه المعنى للكافه
وماعتقد الواحد اذا كتب في النت لازم يتقيد باصول الكلام
اللي ينقال في المجالس
ع العموم يسلموووووووووووو:omen2:

دام انك مقتنع انها اختصار
مافيني الا احترم وجهة نظرك
ربنا يسلمك ..

[relaax]

هلا الحبابي .. زين ما لحقت على كلمة ساقط ولاقط :rolleyes2:
بس الجماعة شلوها يومها طبعا مب في هالموضوع ..

بشكل عام يا الحبابي
عالم المنتديات ممكن تلقى منه كل شي
تكتب شي ينفهم منك شي ثاني ..
تقصد شي مفهومهم يصور لهم شي ثاني
ممكن بناء عليه
تنهان
تنسب
تنسحب جنسيتك ووطنيتك
وممكن لو حصل لهم ماخلوا عليك ملابس ..

اهم شي الواحد ما تزعزع ثقته بنفسه .....> اشعنده الواثق :omen2:

الجنسية بنشتريها 3000 ريال سهله بس الملابس :rolleyes2:

[الزاجل]

الجنسية بنشتريها 3000 ريال سهله بس الملابس :rolleyes2:

لا اتدق على العوق :omen2:

[مضاربه]

جات على كلمة مو الحين كلامنا اهل قطر نصه فارسي ونصه انجليزي معرب وغير وغير وبعدين موضوعك تافه وفيه نوع من الفتنه والعنصريه

[الزاجل]

جات على كلمة مو الحين كلامنا اهل قطر نصه فارسي ونصه انجليزي معرب وغير وغير وبعدين موضوعك تافه وفيه نوع من الفتنه والعنصريه

:eek5::eek5::eek5:



ممكن توضحين لي وين العنصرية بالضبط ؟

[ROSE]

اعتذر لاخي الزاجل على اغلاق الموضوع

وذلك لورود بعض الردود والانتقادات الجافة

والغير مبررة من بعض الاعضاء


وكنت اتمنى ان اشهد انتقادا جادا وهادفا لا انتقاد لمجرد الطعن

بشخصية العضو