"الخدمات البترولية" ترقب خوف هلع .. و بعدين ؟ [الأرشيف]

مشاهدة النسخة كاملة : "الخدمات البترولية" ترقب خوف هلع .. و بعدين ؟

رايق

17-02-2008, 12:25 AM

السوق أصابه تقريبا الشلل من شهر بسبب حالة الخوف و الترقب من الجميع بأنتظار شركة الخدمات البترولية ..

غريب أمركم والله

ترى أبشركم هناك بعد أكتتابات جاية ..

فودافون .. الصناعات المتوسطة .. الألمنيوم .. والقائمة طويلة

مستثمرين يبيعون أسهمهم بأسعار بخسه في شركات قيادية تدر أرباح مجزية بسبب شركات وليدة امامها طريق طويل حتى تبدا في تحقيق اي ربح ..

أنصح اخواني المستثمرين يكون عندهم بعد نظر .. و توفير سيولة معقولة لأي اكتتاب قادم بشرط عدم التفريط في شركات قيادية و بيعها بأسعار رخيصة ..

التخصيص في الأكتتابات الجاية ما راح يتعدى ال 1000 سهم في احسن الأحوال .. و الشركات عند طرح أسهمها للتداول سعرها لن يتجاوز 50% ربح من سعر الأكتتاب .. (قطر و عمان السعر الحالي 16 ريال) ... بالأضافه ان البنوك تمول 70% من قيمة الأكتتاب

عموما موفقين جميعا .. و باذن الله الأسبوع الحالي راح نشهد تحركات للسوق سوف تفاجئ الجميع

ROSE

17-02-2008, 12:32 AM

فعلا استغرب عزوف الناس من الشراء وثبات الاسعار

بس هل تتوقع ان المسلسل ذيه راح يستمر ؟

ولا بنشوف ارتفاع مفاجئ يتفاجئ فيه اللي عزف عن الشراء وفضل

الاحتفاظ بالسيولة لنفسه او للاكتتاب ،، او اللي متوقع النزول

مع الاعلان عن الاكتتاب ؟

مع العلم بان الناس كلها عارفه من فتره ان الاكتتاب راح يكون بهالشهر

اشكرك رايق على طرح الموضوع الهام

واتمنى نشوف راي الجميع

PoBox

17-02-2008, 12:40 AM

الوضع الحاصل الصراحة ليس خوف

الكل متردد ليس من الخبر
ولكن من استغلال الخبر

مثلا لو طرحت شركة راس مالها 200 مليون للاكتتاب
راح تلاقي البورصة ثاني يوم تكوع

هل هالمبلغ مؤثر ،،!
طبعا لا
حتى لو كان مليار

لكن صار سيناريوا متعارف عليه
مع خبر الاكتتاب وماقبله
تظهر غيمة سوداء - مصطنعة -
ليستفيد منها من يستفيد
والا كيف سيبيع الصغار مالديهم ثم يشترونها بالعالي

وكثير ممن وفر السيولة وفرها للشراء من السوق مع وقع الخبر
وليس من اجل الاكتتاب

الاكتتابات الجديده لاتحتاج سيولة الصراحة
كل المطلوب كحد اقصى 15-20 الف

ومثل هالمبالغ لاتحتاج بيع وترقب و و و
كل اللي صاير رعب وارعاب مصطنع

والناس مشكلتها ماتتعلم
وتتدربك مع كل خبر
وان باع واحد باع اللي جنبه وباع الثالث
وعود الخيزران + خرفان = سوق الدوحة

اسهم السوق الحالية فيها الخير والبركة
للي يعرف يمسكها من الناحية الصحيحة

يسلموا رايق على الموضوع الجميل

ابو الزبير

17-02-2008, 12:45 AM

اتفق معاك اخي bo boxing

رايق

17-02-2008, 12:57 AM

روز .. بوكسي .. ابا الزبير ... شكرا على مداخلتكم

بالنسبة لأستغلال الخبر .. اعتقد تم أستغلاله خلال الفتره اللي راحت

في اعتقادي و انا شبه متأكد ان عند أعلان الخبر سواء بكره او اليومين اللي جايه

السوق راح يشهد تداولات كثيفة و يبدا مشوار الصعود الى مستويات يبدا عندها التصريف على اللي دايما "مع الخيل يا شقرا"

و يبدا الترويج لخبر اخر .. اكتتاب في معصرة راجو المحدوده .. و يبدا التخويف مره ثانيه و يبدا "مع الخيل يا شقرا" في بيع اسمه مره ثانيه على اسعار نازله

و تستمر دورة الحياة :eek5:

العقيد

17-02-2008, 01:05 AM

اخوي رايق شركة الخدمات تحقق ارباح وبتوزع ارباح نهاية هذا العام وهذا الفرق بينها وبين الشركات الاخرى الي تطرح للاكتتاب.

للاسف هناك سيوله كبيره ستسحب من السوق بسبب اكتتابات الشركات القائمه مثل الدولي والمصرف والملاحه والوطني وغيرها تقدر ب10مليار.

لا اتوقع للسوق صعود حقيقي سوى مضاربات او تثبيت للمؤشر الى عدة اشهر قادمه.

اتفق معاك في نقطة ان التفربيط في الاسهم الي تعطي عوائد جيده بدون حاجه للاكتتاب او حاجه للمال لفترة الاشهر القادمه هو الغلط.

خبير البورصه

17-02-2008, 06:28 AM

ثقافة بيع اليوم واشتر بكره ارخص .. والاخبار بالتقسيط تساعد على ذلك

النـــــازي

17-02-2008, 08:01 AM

الكل يرتجي الربح السريع
بمعنى أشتري 10وأبيع ب 15
لاكن أنطر أسهم السوق يوم مرتفعة 20 درهم ويوم نازلة 30

الله يوفق الجميع

بوجبر

17-02-2008, 11:59 AM

وقت ادراج الخدمات البترولية في السوق سوف تسحب البساط من جميع الاسهم

كبير المتداولين

17-02-2008, 12:02 PM

لخدمات البترولية" ترقب خوف هلع .. و بعدين

اكتتاب

شويهينــه

17-02-2008, 12:52 PM

انا اللي مستغربه منه انه ليش الكل يحاول يجمع في السيوله مع العلم ان البنوك ممكن توفر لهم تمويل للاسهم يعني اذا الواحد يبي يكتتب بالحد الاقصى اتوقع ان مبلغ 20 الف او اقل من ذلك يكفي

ليش نبيع الاسهم واحنا خسرانين فيها

بوجبر

17-02-2008, 12:58 PM

عزوز المضارب

17-02-2008, 03:58 PM

رنج سبورت

17-02-2008, 07:01 PM

كلها ساعتين ان شاءالله وتطلع نشرة الاصدار :)

رايق

17-02-2008, 10:26 PM

بصراحه اخوي رايق المشكله مش مشكله الاكتتاب

المشكله مشكله الاعلان عنه وتفاصيله

يعني اليوم في مؤتمر صحفي يوضح الحد الادنى والحد الاعلى

والتخصيص وراس مال الشركه وكانه من الاسرار العسكريه

يعني اغلبيه الناس بتروح كلها المؤتمر علشان يعرفون بكم يكتتبون

الحد الاعلى والادنى وراس المال كم ؟؟؟؟؟؟؟؟؟؟؟

حتى احترام للمكتتب مافي من قبل الطرح
بصراحه علاقات عامه = صفر وبالسالب

بعدين ليش مش بنك وطني يمسك طرح الاكتتاب

وليش بنك اتش اس بي

و حتى بعد المؤتمر الصحفي اخوي عزوز .. ما ذكروا كم الحد الأعلى للأكتتاب

مهزلة و استخفاف بالناس .. و كأن الموضوع يتعلق بالأمن القومي

وأستغرب ان بنك HSBC هو المسؤول عن عملية الأكتتاب .. و يمكن هذا السبب في عدم تحديد الحد الأعلى للأكتتاب .. ناوين يجمعون مليارات و أخرتها التخصيص في حدود ال 400 الى 500 سهم لكل مكتتب

رايق

17-02-2008, 10:28 PM

أشكر الجميع على مداخلاتهم القيمة

ورقــة أمــل

17-02-2008, 10:38 PM

شكرا عالنصيحه :nice:

رايق

17-02-2008, 10:46 PM

شكرا عالنصيحه :nice:

ممكن تلخصين لنا النصيحة مره ثانية :nice:

cls

17-02-2008, 10:49 PM

و حتى بعد المؤتمر الصحفي اخوي عزوز .. ما ذكروا كم الحد الأعلى للأكتتاب

مهزلة و استخفاف بالناس .. و كأن الموضوع يتعلق بالأمن القومي

وأستغرب ان بنك HSBC هو المسؤول عن عملية الأكتتاب .. و يمكن هذا السبب في عدم تحديد الحد الأعلى للأكتتاب .. ناوين يجمعون مليارات و أخرتها التخصيص في حدود ال 400 الى 500 سهم لكل مكتتب

اعتقد الحد الأعلى مفتوح وهذا ربما له تفسير ان الشركه ربما تكون فيها شبهه من ناحية الحلال والحرام وخافوا عدد المكتتبين يكون قليل خلوها مفتوحه على اساس يغطون الأكتتاب

PoBox

17-02-2008, 10:50 PM

و حتى بعد المؤتمر الصحفي اخوي عزوز .. ما ذكروا كم الحد الأعلى للأكتتاب

مهزلة و استخفاف بالناس .. و كأن الموضوع يتعلق بالأمن القومي

وأستغرب ان بنك HSBC هو المسؤول عن عملية الأكتتاب .. و يمكن هذا السبب في عدم تحديد الحد الأعلى للأكتتاب .. ناوين يجمعون مليارات و أخرتها التخصيص في حدود ال 400 الى 500 سهم لكل مكتتب

معقولة ماحددوا حد اعلى :eek5:
مادري ليش يمكن ماله علاقه
بس مادري ليش تذكرت كلام وزير المالية عن سحب السيولة من السوق
:secret:

al5of

17-02-2008, 10:57 PM

معقولة ماحددوا حد اعلى :eek5:
مادري ليش يمكن ماله علاقه
بس مادري ليش تذكرت كلام وزير المالية عن سحب السيولة من السوق
:secret:

افضل طريقه لسحب السيوله

الاكتتاب 21.60

وتنزل في السوق بـ 14

بس يبيلهم شركة عدد اسهمها اكبر من البترولية عشان يسحبون السيوله

رايق

17-02-2008, 10:57 PM

اعتقد الحد الأعلى مفتوح وهذا ربما له تفسير ان الشركه ربما تكون فيها شبهه من ناحية الحلال والحرام وخافوا عدد المكتتبين يكون قليل خلوها مفتوحه على اساس يغطون الأكتتاب

والله ياخوك كل شي جايز ... بس اذا هذا فعلا قصدهم .. يحطون الحد الأعلى 50 الف سهم و بكل تأكيد راح يتغطى الأكتتاب .. ترى المبلغ المطلوب في حدود 1.7 مليار .. مقدور عليه

معقولة ماحددوا حد اعلى :eek5:
مادري ليش يمكن ماله علاقه
بس مادري ليش تذكرت كلام وزير المالية عن سحب السيولة من السوق
:secret:

المشكلة ان سحب السيولة راح يكون مؤقت .. الفائض راح يرجع مره ثانية لأصحابه

دوخونا :rolleyes2:

رايق

18-02-2008, 09:05 AM

الحد الأعلى

1 % من الأسهم المطروحة

عدد الأسهم المطروحه 80 مليون سهم

تقريبا 800 الف سهم بقيمة

16.8 مليون ريال

ضرر الشركة على المواطن اكبر من فائدتها

Aljans

18-02-2008, 09:41 AM

كل السيولة اللي بتسحب بعد أرجاع الفائض مايقارب 500 مليون دولار فقط.