بطاقة شخصية جديدة

[واحد دوت كوم]

انتهت بطاقتي الشخصية القطرية القديمة :nice:
ورحت اجددها اليوم ,,, بصرحة الطريقة روعة بكل المقايس
من تقديم الطلب اللى ماكتبت فية حرف بس وقعت على صحة البيانات
ومن بصمة العين و بصمة اليد , التصوير الديجتل المحترف من النظام الموضوع

ومن تعامل الاخوات الشرطيات في حرية اخذ الصورة و التوقيع اللى لعوزني في تظبيطة:shy:

وطلعت البطاقة في خلال اقل من ساعة تقريبا 40 دقيقة بس .

لكن الزين مايكمل ,,,,,:secret:
ملاحظة مهمة يمكن حد يفيدني فيها
توقيعي في البطاقة صار كبر النملة بعد ما كان كبير في الكمبيوتر .

مادري ارجع واطلب تغيرها او لا , لاني باتوهق في البنوك لمطابقة التوقيع

ارجو الافادة و هل نطلب من الجوازات تحاسب لهذا الموضوع وتكبر التوقيع بتفاصيلة للناس

ودمتم سالمين

[A07]

مبروووووووووووك على البطاقه الجديده :nice:
بس عن التوقيع .. هذي معلومه جديده لازم نستفسر عنها :secret:

[sulai6i]

مبروك البطاقة الجديدة

وما عندي جواب على سؤالك

لكن عندي سؤال لموضوعك

انت قلت (( التصوير الديجتل المحترف من النظام الموضوع ))

سؤالي : اذا بسوي بطاقة جديدة التصوير يكون عندهم ؟ ولا لازم اودي وياي صور ؟
وكيف الطريقة اذا بجدد بطاقة الوالدة ؟
وبالنسبة لبصمة العين .. هل ياخذون للعيني او عين وحدة بس ؟

[واحد دوت كوم]

اخوي Sulai6i
لا التصوير عندهم يالحبيب والبرنامج عجبني بصراحة

بالنسبة للحريم في مكان خاص لهم وبترتاح الوالدة بس اطلب لها عصير .

بصمة العين للثنتين مرة واحدة . تك الا انت مخلص

[بو الجوري]

مبروووك :nice:

وبالنسبه لسؤال اخوي sulai6i ..

اسمحلي برد عنك ..

هو انك لازم تصور عندهم :weeping: وهاذي المشكله الوحيده

تقبل موروي

[sulai6i]

اخوي Sulai6i
لا التصوير عندهم يالحبيب والبرنامج عجبني بصراحة

بالنسبة للحريم في مكان خاص لهم وبترتاح الوالدة بس اطلب لها عصير .

بصمة العين للثنتين مرة واحدة . تك الا انت مخلص

مشكور اخوي على المعلومات

[بو الجوري]

احم احم ...

رديت قبلي :shy:

[قطر501]

مبروك البطاقة الجديدة

وما عندي جواب على سؤالك

لكن عندي سؤال لموضوعك

انت قلت (( التصوير الديجتل المحترف من النظام الموضوع ))

سؤالي : اذا بسوي بطاقة جديدة التصوير يكون عندهم ؟ ولا لازم اودي وياي صور ؟
وكيف الطريقة اذا بجدد بطاقة الوالدة ؟
وبالنسبة لبصمة العين .. هل ياخذون للعيني او عين وحدة بس ؟

اخوي بالنسبة للوالده اذا كانت اكبر من 65 سنة مافيه داعي تروح روح حق اي مصور وهو عارف شروط وزارة الداخلية بالنسبة للصور لكن اذا كانت اقل من 65 لازم تروح هذا الي صار مع امي

[عذب الكلام 1]

وسمعت حتى اللى يبي يغير البطاقه يقدرسوي بطاقه جديده

[alkaabi]

مشكلتها في التوقيع ..

في الكمبيوتر يكون بالحجم العادي

وفي البطاقه صغير جدا ...!!!

[**قطـــــر**]

مشكلتها في التوقيع ..

في الكمبيوتر يكون بالحجم العادي

وفي البطاقه صغير جدا ...!!!



زيــــــن كبر التوقيــع أكثــر من الطبيعـى بالكمبيوتـــــر وراااح يطلع معاك بشكل واااضح فى البطاقه ...

لأن هالمشكله صارت معى فى إصداااااار بطاقتى الوظيفيــه لما جيت أوقع طلع التوقيع صغير بالبطاقه قمت كبرت التوقيـــع بالكمبيوتــر وصار التوقيع فللللللللللللللللي

[jajassim]

الدوحة ـ الشرق :

تحت رعاية سعادة الشيخ عبدالله بن ناصر آل ثاني وزير الدولة للشؤون الداخلية تنظم وزارة الداخلية في الساعة السابعة من مساء يوم غد الاثنين محاضرة بعنوان استخدام البطاقة الشخصية القطرية الذكية في المعاملات الالكترونية وستقام المحاضرة بقاعة سلوى بفندق شيراتون الدوحة.

[alkaabi]

زيــــــن كبر التوقيــع أكثــر من الطبيعـى بالكمبيوتـــــر وراااح يطلع معاك بشكل واااضح فى البطاقه ...

لأن هالمشكله صارت معى فى إصداااااار بطاقتى الوظيفيــه لما جيت أوقع طلع التوقيع صغير بالبطاقه قمت كبرت التوقيـــع بالكمبيوتــر وصار التوقيع فللللللللللللللللي

المشكلة يا الغالي ماتدري بها الا لما يصدرون البطاقة :eek5:

[**قطـــــر**]

المشكلة يا الغالي ماتدري بها الا لما يصدرون البطاقة :eek5:

علشااااااان كذا أحاول تنبيهكــــــــــــم أقصد تنبيه الأشخاص اللى ماأصدروا لهم البطاقات الجديده حتى يتخذا اللازم :):)

[واحد دوت كوم]

انزين و الحل

[بوالنوف]

ليش عوار الراس
وقع على ورقه بيضه وعطهم اياها
عادي مب لازم توقع على الجهاز اهمه يقدرون يدخلونها في الجهاز
واذا قالوا لك لا مايصير ارفض

انا اعرف ناس وايد سوت جي

بس انا سوي على الجهاز وطلع كبير وواضح