ولا عــــــــــــزاء للميت

[غزلان]

ملاحظين معاي انه تغيرت المفاهيم ماعاد للموت هيبته مثل قبل اذا احد مات سواء قريب او عند الجيران يحزن الكل وتلغى المناسبات او تتم بشكل مختصر احتراما ومراعاة لأهل الميت..بعكس الوقت الحاضر لم يعد احد يحزن ويتأثر عند الموت ,, كل شي يتم مثل ماخطط له بلا اي كرامة وقدر الميت ..حفلات الزواج او العشاء بما تصاحبها من أغاني وفرق غنائيه سواء كانت في صالات الأفراح او في البيت بدون مراعاه لمشاعر الجار او أهل الميت والعزاء الى في بيتهم على فقيدهم..

ليش الناس لغت الأحترام لبعض القيم ؟




ماتعليقكم على هذه الظاهره ؟

[عـنيـد قـطـر]

انفتاح


ولين الحين مانفتحنا عدل ولا شفتوا شي

[nor85]

انا معاك القلوب صارت قاسيه صار مافي حزن بالمره تدخلين العزاء ومش كانه عزاء وسمعت انه في مكياج للعزاء بعد الله المستعان

[غزلان]

انفتاح


ولين الحين مانفتحنا عدل ولا شفتوا شي


==
اذا الأنفتاح وصل للمشاعر والأحاسيس على الدنيا السلام

شكرا

[غزلان]

انا معاك القلوب صارت قاسيه صار مافي حزن بالمره تدخلين العزاء ومش كانه عزاء وسمعت انه في مكياج للعزاء بعد الله المستعان


==

الا بلا مشاعر ماعاد يحسون بهيبة الموت صار عادي العرس في بيت والحزن في البيت الى لاصق فيه

شكرا

[jajassim]

الفلوس عمت قلوب الناس

[غزلان]

الفلوس عمت قلوب الناس




==
كلامك صحيح اخوي وبتوصل للعيون وبتعميها بيصير عادي عند الناس حتىلو يدوس على اخوه بسببها..
لفلوس ممكن نخسرها باي وقت لكن مشاركة الناس بمشاعرنا هي الى بتبقى ذخر طول العمر

شكرا

[التيما]

اختي في الشرع 3 أيام هي مظاهر الحزن على الميت .. ولو جاري عنده حاله وفاة لازم بعد نستسمح منهم بس ماقدر ااجل عرس بحجز قاعة وغيره .. خاصه ان الطقطقة مب في البيت .. والله يحفظ الجميع ان شاء الله لو بنأجل على كل حالة وفاة محد بيسوي عرس .. اخبر يدتي الله يرحمها لمن عرست اختي كانت مريضه وعلى فراش الموت وحلفت الوالد والوالدة ما يأجلون العرس لو صار لها شي ولا يغيرون في اي من اللي مرتبينه للعرس من طقطقة وغيره .. هاي وهي يدتي وكانت اغلى من عيونا ونوارة بيتنا وفرحتنا .. مقصدي ان الحزن في القلب يا جماعه ممكن الانسان يستسمح من جاره والحزن حده 3 أيام وغير كذا بدعة .