استفسار لو سمحتوا ...

[جوجو]

السلام عليكم
حبيت استفسر ابي اشتري اسهم ها لأيام اشرايكم اشتري الحين وفي اي شركة لأني خايفة اغامر لأن السوق يخوف هالأيام .
ومشكورين

[مغروور قطر]

اختي جوجو اشتري لان اذا حصلتي فرصة شراء وان شاء الله بتوفقين وانصح في كذا شركه منهم المتحده العقاريه التخصصي وهذا الرأيي

[ابوعلي اليافعي]

الاخت جوجو مدامج تشوفين ان السوق يخوف هاليومين فلا انصحج بالشراء..انتظري حتى الاسبوع القادم..

[مغروور قطر]

ابو علي اذا انتظرت السوووق بيرتفع اكثر اعتقد

[ابوعلي اليافعي]

اخوي مغرور تقولك السوق يخوف وخايف تغامر والسوق مايبيله خوف ..لو كان الاستفسار بدون خوف كان ممكن تغير الرد..

[فلان]

كلام أبو علي صح بس لووووووو تقدرين تاخذين اشوي في المتحدة خذي :rolleyes:

[The Edge]

أعتقد هذي الشغلة يبيلها قلب من حديد و أعتقد أذا ما شرى الواحد الحين ما راح يحصل شي يشتريه بعدين الا اذا هبطت الأسعار في أي تصحيح

[ملكة الأسهم]

هلا أختي جوجو

انصحج بالصناعات أو الوقود أو المواشي أو المخازن أو السلام

وانتي استخيري وتوكلي على الله

:)

[الحزين]

أقترح ان تترقبي الى نهاية هذا الاسبوع وتتخيرين الأسهم المناسبة .. ويوم الأحد وبداية فتح البورصة تشترين .. عادة أول يوم في الاسبوع تكون الاسهم منخفضة نسبياً ثم ترتفع تدريجياًً ... والله أعلم

[بوناصر-قطر]

هاليومين اللي تصيده يدج اخذيه
لاترددين
السوق هذا مايبيله تردد , قوي قلبج وتوكلي على الله
واذا لج نصيب ورزق في اللي بتاخذينه... بأذن الواحد الاحد بتاخذينه

[جوجو]

مشكورين يالأخوان وما قصرتوا وصج السوق ما يبيله خوف يبيله قلب من حديد .

[صراف]

أختي جوجو نصيحتي لك ولغيرك من الاخوه والاخوات انك تختاري من الاسهم ذو السعر المناسب مثل السلام او المواشي أو اي سهم ممكن تختارينه... ولكن المفيد الي ابي اوصله لك اذا كنتي خايفه من اي عملية تصحيح اشتري بنصف المبلغ فأذا ارتفع السهم انتي كسبانه ،وذا نزل لاسمح الله يكون عندك النصف الاخر من السيوله تقدرين تاخذين السهم بسعر منخفض وبذلك تستطعين تعوضين خسارتك وزيادة ارباح اذا عاود بالارتفاع .